ᑐᑦᓯᕋᐅᑎ ᐃᓚᐅᒍᒪᓂᕐᒥᓂᒃ ᐅᖃᕐᓂᖓᓂᒃ ᓴᓇᖕᖑᐊᑏᑦ ᐊᒻᒪᓗ ᐃᓗᕐᖁᓯᕐᒧᑦ ᐱᖕᖑᐊᑏᑦ

ᑐᕌᕐᑕᐅᔪᑦ: ᓴᓇᖕᖑᐊᑏᑦ ᐊᒻᒪᓗ ᐃᓗᕐᖁᓯᕐᒧᑦ ᐱᖕᖑᐊᑏᑦ ᓄᓇᕕᒻᒥᒃ ᓄᐃᑕᑦᓯᔪᑦ!
ᒪᑭᕝᕕᒃ ᓴᓇᖕᖑᐊᑎᓂᒃ ᐊᒻᒪᓗ ᐃᓗᕐᖁᓯᕐᒧᑦ ᐱᖕᖑᐊᑎᓂᒃ ᓄᓇᕕᐅᑉ ᓄᓇᖓᓂᒃ ᐱᓯᒪᔪᓂᒃ ᐃᓚᐅᖁᔨᕗᖅ ᓯᕗᓪᓕᐹᑦᓯᐊᒥ ᐊᕐᓴᓃᑦ ᐱᓇᓱᒐᕐᓂᒃ ᑕᑯᑎᑦᓯᕕᖓᓂ ᐊᒻᒪᓗ ᑲᑎᒪᓂᒻᒪᕆᖓᓂ. ᑕᒪᓐᓇ ᐊᑑᑎᓛᕐᑐᖅ Rogers Centre ᑲᑎᑦᑕᕕᖓᓂ (Shaw Centre-ᒥᒃ ᐊᑎᖃᓲᖑᓚᐅᔪᔪᒥ), ᐋᑕᒍᐊ, ᐋᓐᑎᐊᕆᔫᒥ, ᕕᕈᐊᕆ 17-ᒥᒃ 20-ᒧᑦ, 2025-ᒥ.

ᐊᕐᓴᓃᑦ ᐱᓇᓱᒐᕐᓂᒃ ᑕᑯᑎᑦᓯᕕᖓ ᐊᒻᒪᓗ ᑲᑎᒪᓂᒻᒪᕆᖓ ᐃᓚᖃᓛᕐᑐᖅ ᓴᓇᖕᖑᐊᒐᕐᓂᒃ ᓂᐅᕐᕈᓯᕐᕕᒥᒃ ᐊᒻᒪᓗ ᐱᖕᖑᐊᕈᓐᓇᓯᑎᑦᓯᖃᑦᑕᓗᓂ ᖃᓄᒐᓚᒃ, ᓄᐃᑦᓯᒍᑎᒋᓗᒋᑦ ᐊᑦᔨᐅᖏᑦᑐᒥᒃ ᑕᑯᑎᑦᓯᓂᕐᒥᒃ ᓴᓇᖕᖑᐊᒐᖏᓐᓂᒃ, ᓴᓇᒐᖏᓐᓂᒃ ᐊᒻᒪᓗ ᐃᓗᕐᖁᓯᕐᒥᒍᑦ ᐱᐅᓯᖏᓐᓂᒃ ᐃᓄᐃᑦ ᓄᓇᖓᓂᒥᐅᑦ ᐊᒥᓱᐊᓗᓐᓂᒃ ᑕᑯᔪᑦᓴᖃᕐᑎᓗᒍ.

ᐃᓚᐅᒍᒪᒍᕕᑦ ᓴᓇᖕᖑᐊᒐᕐᓂᒃ ᓂᐅᕐᕈᓯᕐᕕᒥ ᐅᕝᕙᓘᓐᓃᒃ ᐱᖕᖑᐊᕈᒪᒍᕕᑦ, ᐊᓪᓚᕕᑦᓴᖅ ᐊᓪᓕᖅ ᐊᓪᓚᒌᑦᓯᐊᓗᒍ. ᐃᓚᐅᑎᑦᓯᓗᑎᑦ ᐊᑯᓂᕆᖕᖏᑐᓂᒃ ᐅᖄᒍᑎᓂᒃ ᓴᓇᒐᕐᓂᐅᕕᑦ, ᐊᒻᒪᓗ ᑎᑭᑎᑦᓯᒍᒪᒍᕕᑦ ᖃᓄᒐᓚᒃ ᐃᑲᔪᕐᓯᔪᓂᒃ ᐃᓱᒪᒥᓪᓗᑎᑦ ᐆᑦᑑᑎᒋᓗᒍ ᐊᑦᔨᖑᐊᓂᒃ, ᑕᑯᓐᓇᕋᑦᓴᓂᒃ, ᐅᕝᕙᓘᓐᓃᑦ ᐱᓇᓱᓕᓂᑎᓐᓂᒃ ᐊᓪᓚᓯᒪᐅᑎᒥᒃ.

ᐃᑉᐱᒍᓱᒋᑦᓯ ᑖᓐᓇ ᐃᓚᐅᒍᒪᐅᑎ ᑐᕌᖓᒻᒪᑦ ᓴᓇᖕᖑᐊᑎᓄᑦ ᓄᓇᕕᒻᒥᒃ ᓄᐃᑕᑦᓯᓚᖓᔪᓄᑦ ᑭᓯᐊᓂ. ᓴᓇᖕᖑᐊᑏᑦ ᐱᔪᓐᓇᓯᒍᑎᑦᓴᖏᑦ ᐱᑦᔪᑎᒋᓗᒋᑦ ᐊᓯᖏᓐᓂᒥᐅᓄᑦ ᐃᓄᐃᑦ ᓄᓇᖓᓂ, ᐅᖃᕐᓗᓯ ᐅᕗᖓ arts@baffinchamber.ca.

ᓂᕆᐅᑦᑖᐳᒍᑦ ᓄᐃᑦᓯᓯᐊᓛᕐᓂᑎᓐᓂᒃ ᐱᓯᑎᐅᓂᖓᓂᒃ ᐊᒻᒪᓗ ᓴᓇᑐᓂᖓᓂᒃ ᐃᓄᐃᑦ ᓄᓇᖓᑕ ᐊᒻᒪᓗ ᒪᓂᔨᓛᕐᓂᑎᓐᓂᒃ ᓴᓇᖕᖑᐊᑏᑦ ᑲᑎᓯᓂᑦᓴᖓᓂᒃ ᓄᑖᓂᒃ ᓂᐅᕐᕈᓯᕐᕕᓴᓂᒃ ᐊᒻᒪᓗ ᑕᑯᓐᓇᑐᑦᓴᓂᒃ!

ᑐᑭᓯᒋᐊᑦᓯᐊᕈᒪᒍᕕᑦ, ᖃᕆᑕᐅᔭᒃᑯᑦ ᐊᓪᓚᓗᑎᑦ ᐅᕗᖓ: nwhite@makivvik.ca