ᐊᐅᒡᒍᓯ 22, 2023 ᐱᒋᐊᕐᓗᒍ, ᒪᑭᕝᕕᒃ ᑕᑕᕐᓴᒐᑦᓴᓂᑦ ᐊᐅᓪᓚᑎᑦᓯᕕᐅᒍᓐᓇᓛᓕᕐᖁᑦ ᐅᖃᐅᓯᕐᒧᑦ ᐃᓗᕐᕈᓯᒧᓕᖓᔪᓂᓗ ᑮᓇᐅᔭᓂᑦ ᑐᑦᓯᕋᐅᑎᓂᑦ ᓄᓇᖃᕐᖄᓯᒪᔪᐃᑦ ᐅᖃᐅᓯᓕᕆᓂᕐᒧᑦ ᐱᓇᓱᑦᑕᐅᔪᒥᒃ.
ᑌᑦᓱᒪᓂ, ᓄᓇᖃᕐᖄᓯᒪᔪᐃᑦ ᐅᖃᐅᓯᓕᕆᓄᕐᒧᑦ ᐱᓇᓱᑦᑕᐅᓂᖓ ᐊᐅᓚᑕᐅᖃᑦᑕᓯᒪᕗᖅ ᐱᒍᑦᔨᕕᖓᓄᑦ ᑲᓇᑕᒥ ᐱᐅᓯᑐᖃᓕᕆᓂᕐᒥ ᐱᒍᑦᔨᕕᒃ. ᑭᓯᐊᓂᓕ, 2023 ᐱᒋᐊᕐᓗᒍ, ᑮᓇᐅᔦᑦ ᑐᕃᓐᓇᖃᑦᑕᓂᐊᓕᕐᖁᑦ ᓯᑕᒪᓄᑦ ᐃᓄᐃᑦ ᓄᓇᖁᑎᖏᓐᓄᑦ ᑲᔪᓯᑎᑦᑎᓯᖃᑦᑕᓂᐊᕐᑎᓗᒋᑦ.
ᓄᑖᖅ ᐃᓂᓪᓚᖓᖑᓯᖓ ᐊᐅᓚᑕᐅᓂᖓᑎᒍᑦ, ᒪᑭᕝᕕᒃ ᑎᒥᐅᔪᖅ ᑲᒪᒋᔭᖃᓂᐊᓕᕐᓱᓂ ᑲᔪᓯᑎᑕᐅᑎᑦᓯᓗᓂ ᓄᓇᖃᕐᖄᓯᒪᔪᐃᑦ ᐅᖃᐅᓯᓕᕆᓂᕐᓄᑦ ᐱᓇᓱᑦᑕᐅᓂᖓᑕ ᐱᓇᓱᑦᑕᐅᔪᑦᓴᓂᑦ ᓄᓇᕕᒻᒥ.
ᑮᓇᐅᔭᕐᑖᕈᓐᓇᑐᑦ ᐱᓇᓱᑦᑕᐅᔪᑦᓴᓂ ᓄᓇᖃᕐᖄᓯᒪᔪᐃᑦ ᐅᖃᐅᓯᓕᕆᓂᕐᓄᑦ ᐱᓇᓱᑦᑕᐅᓂᖓᓂ ᐅᑯᐊᖑᕗᑦ:
- ᐃᓗᕐᕈᓯᒥᒃ ᐱᕙᓪᓕᐊᑎᑦᓯᓂᖅ
- ᑲᑎᖕᖓᑎᑦᓯᓃᑦ/ᑲᓲᒪᓃᑦ
- ᓄᓇᓕᒻᒥᒃ ᐃᓚᐅᑎᑦᓯᓂᖅ
- ᓯᕗᓕᕆᐅᕐᓴᑎᑦᓯᓂᖅ ᐃᓄᒃᑎᑐᓕᐅᒥᑎᑦᓯᓂᕐᒧᑦ
- ᐃᓅᓯᕐᒧᓕᖓᔪᓂᑦ ᐱᒍᓐᓴᓯᑎᑦᓯᓂᕐᒧᑦ ᖃᓄᐃᖕᖏᓯᐊᕐᓂᒧᓗ ᐃᓚᐅᑎᑦᓯᔪᑦ ᐃᓄᒃᑎᑐᑦ ᐃᓕᓐᓂᐊᓂᕐᒥᒃ
- ᐃᓕᓐᓂᐊᓂᖅ ᐃᓕᓐᓂᐊᕆᐊᓪᓛᓂᕐᓗ
- ᑐᓴᕋᑦᓴᓕᐅᕐᓂᖅ ᑐᓴᐅᑎᒃᑯᓂᕐᓗ, ᑕᓚᕕᓴᒃᑯᑦ ᑕᑯᓐᓇᕋᑦᓴᓂᓗ
- ᓄᑖᑦ ᖃᓄᐃᓗᕈᓰᑦ ᐊᒻᒪᓗ ᓄᑖᑦ ᐃᑯᒪᒧᕐᑐᑦ
- ᖃᐅᔨᒋᐊᕐᕕᖃᕐᓂᖅ ᐊᒻᒪᓗ ᐊᑕᐅᑦᓯᑯᓕᕐᑎᓯᓂᖅ
- ᖃᐅᔨᓴᕐᓂᖅ, ᖃᐅᔨᒍᑎᑦᓴᑦ, ᓄᓇᓕᒻᒥᒃ ᕿᒥᕐᕈᓂᖅ
- ᐊᐅᓚᑕᐅᓂᖓ ᐊᐅᓚᑦᓯᕕᖓᓗ
ᑎᒥᐅᔪᒥᐱᓯᒪᒍᕕᑦ ᑮᓇᐅᔭᕐᑖᕕᑦᓴᓯᐅᕐᓱᑎᑦ ᐅᑎᕐᑎᓯᒐᓱᓐᓂᒧᑦ ᐅᖄᔭᐅᑎᑦᓯᒐᓱᓐᓂᒧᑦ ᐊᒻᒪᓗ /ᐅᕝᕙᓗᓐᓃᑦ ᐋᕐᕿᒋᐊᕐᑕᐅᓂᖓᓄᑦ ᐃᓄᒃᑎᑐᑦ, ᑐᑦᓯᕋᕈᑎᓕᐅᖁᔨᕗᒍᑦ ᒪᑭᕝᕕᑯᓄᑦ ᑮᓇᐅᔭᕐᑖᕈᓐᓇᑐᓂᑦ ᐃᓱᒪᑦᓴᓯᐅᕈᑎᐅᓂᐊᕋᕕᑦ.
ᑐᑦᓯᕋᒍᑎᒃ ᑕᑕᕐᓴᕋᑦᓴᖅ ᓇᕝᕚᑕᐅᒍᓐᓇᑐᖅ ᒪᑭᕝᕕᒃ ᖃᕆᑕᐅᔭᑎᒍᑦ ᓄᐃᑲᑎᑦᓯᕕᖓᓂ > ᒪᖕᖓ
ᕿᒥᕐᕈᔩᑦᓴᓂᑦ ᑲᑎᖕᖓᔨᓕᐅᕐᓯᒪᔪᑦ ᐃᓱᒪᑦᓴᓯᐅᕈᑎᖃᖃᑦᑕᓂᐊᕐᑐᓂᑦ ᑐᑦᓯᕋᐅᑎᓂᑦ ᐅᓪᓗᖏᑦ ᐋᕐᕿᑕᐅᒪᔪᑦ ᖃᖓᐅᓂᖏᑦ. ᓯᕗᓪᓕᒥ ᕿᒥᕐᖁᓂᖃᓛᕐᑐᑦ ᑐᑦᓯᕋᐅᑎᓂᑦ ᓯᑦᑎᒻᐱᕆ 2023ᒥ.
ᐃᓱᓕᕝᕕᖓ ᓯᕗᓪᓕᖓᓂ ᕿᒥᕐᕈᓂᐅᔪᓂ ᓯᑦᑎᒻᐱᕆ 15, 2023.