ᑐᓴᕋᑦᓴᖅ
ᑐᓴᕐᑕᐅᓴᐅᑎᒋᒋᐊᓕᒃ
ᓅᕕᒻᐱᕆ 29, 2024 ᐋᑐᒑ, ᐊᓐᑎᐊᕆᐅ ᒥᕐᖑᐃᓯᕐᕕᓕᕆᔩᑦ ᑲᓇᑕᒥ
ᓛᐸᑐᐊᒥ ᐃᓄᐃᑦ ᐊᕐᕌᒍᒐᓴᕐᔪᐊᓂ ᓄᓇᑦᓯᐊᕗᒻᒥ ᓄᓇᖏᓐᓂᒃ, ᐃᒪᖏᓐᓂᒃ, ᓯᑯᖓᓂᓪᓗ ᐯᕐᓯᔨᐅᓯᒪᓕᕐᑐᑦ.
ᐅᓪᓗᒥ, ᔪᖄᓇᔅ ᓛᒻᐱ, ᐊᖓᔪᕐᖄᖅ ᓄᓇᑦᓯᐊᕗᒻᒥ, ᐱᑕ ᐋᑕᒥ, ᐊᖓᔪᕐᖄᖅ ᒪᑭᕝᕕᒥ, ᐊᒻᒪᓗ ᐃᓕᑕᕆᔭᐅᓯᒪᔪᖅ ᓯᑏᕙᓐ ᑭᐴ, ᑐᕐᖃᑌᔨ ᐊᕙᑎᓕᕆᓂᕐᒥ ᓯᓚᐅᑉ ᐊᓯᑦᔨᓂᖓᓂᓗ ᑲᒪᒋᔭᖃᕆᐊᖃᕐᓱᓂᓗ ᒥᕐᖑᐃᓯᕐᕕᓕᕆᓂᕐᒥ ᑲᓇᑕᒥ, ᑐᓴᕐᓴᐅᒍᑎᓕᕕᓃᑦ ᐊᑎᓕᐅᕐᑕᐅᓂᖓᓂᒃ ᐱᓇᓱᖃᑎᒌᓐᓂᒧᑦ ᐊᖏᖃᑎᒌᑦᓯᒪᒍᑎᐅᑉ ᐱᒋᐊᕐᑎᓯᒍᑎᐅᑎᓪᓗᒍ ᐊᖏᖃᑎᒌᒐᓱᐊᕐᓂᓂᒃ ᓄᐃᑦᓯᒍᑎᐅᓚᖓᔪᓂᒃ ᓛᐸᑕᐊᑉ ᑕᕐᕋᖓᓂ ᓄᑖᒥᒃ ᐃᓄᐃᑦ ᓱᓇᓱᐊᕐᕕᐅᒋᐊᖃᖕᖏᑐᖁᑎᖓᓂᒃ/ᑲᓇᑕᐅᑉ ᑕᕆᐅᒥ ᐱᓂᐊᕐᕕᐅᒋᐊᖃᖕᖏᑑᑎᑕᖓᓂᒃ. ᑕᒪᓐᓇ ᑐᓴᕐᑕᐅᑎᑕᖓ ᑭᖑᓪᓕᐅᕗᖅ ᑲᔪᓯᒍᓐᓇᕋᔭᕐᒪᖔᑕ ᖃᐅᔨᓴᕐᑕᐅᓂᖓᑕ ᐱᔭᕇᕐᑕᐅᓂᕕᓂᖓᓂᒃ ᐅᖃᐅᓯᐅᓚᐅᔪᔪᒥ ᒫᑦᔨ 2024-ᖑᑎᓪᓗᒍ.
ᑕᒪᓐᓇ ᒪᓂᔭᐅᓯᒪᔪᖅ ᐃᓄᐃᑦ ᓱᓇᓱᐊᕐᕕᐅᒋᐊᖃᖕᖏᑐᖁᑎᖓ/ᑲᓇᑕᐅᑉ ᑕᕆᐅᒥ ᐱᓂᐊᕐᕕᐅᒋᐊᖃᖕᖏᑑᑎᑕᖓ ᓛᐸᑐᐊᑉ ᑕᕆᐅᖓᓃᑦᑐᖅ ᑑᕐᙰᑦ ᖃᕐᖃᔪᐊᖏᓐᓂ ᒥᕐᖑᐃᓯᕐᕕᒧᑦ ᐊᑦᑐᐊᓱᓂ. ᑕᒪᓐᓇ ᐃᒪᖓ ᐃᓂᒋᔭᐅᓲᖅ ᑕᒪᒋᓐᓄᑦ ᐅᑭᐅᕐᑕᑐᒥᐅᑦᓴᔭᓄᑦ Atlantic ᑕᕆᐅᖓᓂᒥᐅᔭᑦᓴᔭᓄᓪᓗ ᓇᓄᓕᒃ, ᕿᓚᓗᒐᓕᒃ, ᐋᕐᓗᐊᓯᐊᓕᒃ, ᐳᐃᔨᓕᒃ, ᒪᓐᓂᓕᐅᕐᕕᐅᓱᓂ ᐊᕐᖁᓵᒐᐅᑦᓱᓂᓗ ᑕᕆᐅᕐᒥᐅᑕᓄᑦ ᑎᖕᒥᐊᓄᑦ, ᑎᒻᒥᐊᓄ, ᐊᑦᔨᒌᖕᖏᑐᓄᓪᓗ ᐃᖃᓗᓐᓄᑦ. ᑕᑯᒥᓇᕐᑐᔪᐊᓕᓐᓂᑦ ᑲᖏᕐᓱᐊᓗᓐᓂᑦ ᓯᕕᑐᔪᐊᓗᓐᓄᑦ ᓯᑦᔭᓄᑦ ᒪᕐᕋᓕᓐᓄᓗ, ᑕᒪᓐᓇ ᓄᓇᖓ ᐃᓗᕐᕈᓯᒧᐊᖓᔪᓄᑦ ᓄᓇᒦᑦᑐᓕᕆᓂᕐᓄᐊᖓᔪᓄᓪᓗ ᐱᑕᓕᒻᒪᕆᐅᕗᖅ. ᓛᐸᑐᐊᒥ ᓄᓇᕕᒻᒥᓗ ᐃᓄᖏᓐᓄᑦ, ᐱᑕᖃᕐᕕᐅᕗᖅ ᐆᒪᒐᓲᑎᓂᒃ ᐃᓗᕐᕈᓯᒨᓕᖓᔪᓂᓪᓗ ᓱᓇᑐᐃᓐᓇᓕᒫᓂᒃ ᐱᑐᑦᓯᒪᒍᑎᐅᓪᓚᕆᑦᓱᓂ ᓄᓇᒥᑦ ᑕᕆᐅᒧᑦ. ᐋᕐᕿᑕᐅᓐᓂᕈᓂ ᑕᒪᓐᓇ, ᐃᓄᐃᑦ ᓱᓇᓱᐊᕐᕕᐅᒋᐊᖃᖕᖏᑐᖁᑎᖓ/ᑲᓇᑕᐅᑉ ᑕᕆᐅᒥ ᐱᓂᐊᕐᕕᐅᒋᐊᖃᖕᖏᑑᑎᑕᖓ ᓇᓗᓀᕐᑕᐅᔪᖅ ᑲᓇᑕᒥ ᑕᕆᐅᕐᒥ ᐱᓇᓱᐊᕐᕕᐅᒋᐊᖃᖕᖏᑐᖁᑎᖏᓐᓄᑦ ᐱᖁᔭᖅ-ᒥ ᓴᐳᑦᔨᓯᒪᒍᑎᐅᓂᐊᕐᑐᖅ 17,000 ᓯᒃᑭᑌᑦ ᑭᓚᒦᑌᑦ ᑎᑭᓪᓗᒋᑦ ᓄᓇᑦᓯᐊᕗᑦ ᓯᓈᖓᒍᑦ ᑕᕆᐅᖓᓂᓗ, ᐃᑲᔪᕐᓯᓗᓂ ᑕᕆᐅᕐᒥᐅᑌᑦ ᖃᓄᐃᖕᖏᓯᐊᕈᑎᖏᓐᓂᒃ ᓴᐳᑦᔨᔪᓂᒃ ᑖᒃᑯᐊ ᓛᐸᑐᐊᒥ ᓄᓇᕕᒻᒥᓗ ᐃᓄᖏᓐᓂᒃ ᐅᓪᓗᒥᐅᑎᓪᓗᒍ ᑭᖑᕚᕆᔭᐅᓂᐊᕐᑐᓅᓕᖓᔪᓂᓪᓗ ᓯᕗᓂᕐᒥ ᐱᑕᖃᑦᓯᐊᕈᑎᖏᓐᓂᒃ.
ᑕᒪᓐᓇ ᒪᓂᔭᐅᓯᒪᔪᖅ ᐃᓄᐃᑦ ᓱᓇᓱᐊᕐᕕᐅᒋᐊᖃᖕᖏᑐᖁᑎᖓ/ᑲᓇᑕᐅᑉ ᑕᕆᐅᒥ ᐱᓂᐊᕐᕕᐅᒋᐊᖃᖕᖏᑑᑎᑕᖓᓂᒃ ᐱᓇᓱᐊᕐᓂᖅ ᐃᓕᑕᕆᔭᖃᕐᓯᒪᕗᖅ ᓲᓱᒋᔭᖃᑦᓯᐊᓱᓂᓗ ᐃᓄᐃᑦ ᐯᕐᓯᔨᒋᔭᐅᓂᖏᓐᓂᒃ, ᓇᓗᓀᕆᑦᓯᐊᓱᑎᒃ ᐃᓄᐃᑦ ᖃᐅᔨᒪᐅᓯᖏᑦᑕ ᐱᑕᙯᓐᓇᑎᑦᓯᒍᑎᓄᑦ ᐸᕐᓀᒍᑎᓄᑦ ᑲᔪᓯᑎᑦᓯᒍᑎᓄᓪᓗ ᐱᒻᒪᕆᐅᓂᖏᓐᓂᒃ, ᓴᐳᑦᔨᓯᒪᒍᑎᐅᒋᐊᓪᓚᓱᓂᓗ ᓄᓇᑦᓯᐊᕗᑦ ᑲᕙᒪᖓᑕ Imappivut ᑕᕆᐅᕐᒨᓕᖓᔪᓂᒃ ᐸᕐᓀᒍᑎᒥᒃ ᓴᐳᑦᔨᓯᒪᒍᑎᒥᒃ ᑕᕆᐅᕐᒨᓕᖓᔪᓂᒃ ᐊᒻᒪᓗ ᐃᓄᐃᑦ ᐱᓇᓱᐊᕐᑕᖏᓐᓂᒃ, ᐱᔪᓐᓇᐅᑎᖏᓐᓂᒃ, ᒪᑭᑕᒐᓱᐊᕐᓂᒥᓪᓗ ᐃᓄᐃᑦ ᐃᓪᓕᕆᖓᖏᓐᓂᒃ.
ᑖᓐᓇ ᐱᓇᓱᖃᑎᒌᓐᓂᒧᑦ ᐊᖏᕐᓯᒪᖃᑎᒌᒐᑎ ᓄᐃᑕᑎᑦᓯᒋᐊᓪᓚᑐᖅ ᑕᒪᒋᑦᑕ ᐊᖏᕐᓯᒪᔫᒃ ᐃᓱᒪᒋᔪᓐᓀᓯᒪᖃᑎᒌᓐᓂᐅᑉ ᓯᕗᒧᐊᑦᑎᑕᐅᓂᖏᓐᓄᑦ ᑐᓂᓯᒪᓂᖏᓐᓂᒃ ᑲᔪᓯᑎᑦᓯᓂᕐᒧᓗ ᐊᖏᖃᑎᒌᓐᓂᒨᓕᖓᔪᓂᒃ ᐱᔪᓐᓇᐅᑎᓂᒃ ᐱᓇᓱᐊᕐᑕᐅᒋᐊᖃᕐᓯᒪᔪᓂᓪᓗ ᓄᑕᐅᓯᓕᕐᓯᒪᔪᑦ ᓄᓇᓕᒻᒥᑦ-ᓄᓇᓕᒻᒧᑦ ᐊᒻᒪᓗ ᑲᕙᒪᒥᑦ-ᑲᕙᒪᒧᑦ ᐱᓇᓱᖃᑎᒌᓯᐅᓲᑦ ᐊᑐᕐᓗᒋᑦ. ᐃᓄᐃᑦ ᖃᐅᔨᒪᐅᓯᖓ ᐊᒻᒪᓗ ᖃᐅᔨᓴᕐᑏᑦ ᖃᐅᔨᒪᐅᓯᖓ ᐊᑐᕐᑕᐅᓚᕆᖏᓐᓇᓂᐊᕆᕗᑦ ᑕᒪᑦᓱᒧᖓ ᓄᑖᒧᑦ ᐃᓄᐃᑦ ᓱᓇᓱᐊᕐᕕᐅᒋᐊᖃᖕᖏᑐᖁᑎᖓ/ᑲᓇᑕᐅᑉ ᑲᕙᒪᖓᑕ ᑕᕆᐅᒥ ᐱᓂᐊᕐᕕᐅᒋᐊᖃᖕᖏᑑᑎᑕᖓᓄᑦ ᐊᖏᖃᑎᒌᒐᓱᐊᕈᑎᓄᑦ. ᓄᓇᑦᓯᐊᕗᑦ ᑲᕙᒪᖓ, ᒪᑭᕝᕕᒃ, ᐊᒻᒪᓗ ᒥᕐᖑᐃᓯᕕᓕᕆᔩᑦ ᑲᓇᑕᒥ, ᓴᐳᑦᔭᐅᓯᒪᓗᑎᒃ ᑲᓇᑕᐅᑉ ᐃᒪᕐᒥᐅᑕᓕᕆᔨᖏᓐᓄᑦ ᑕᕆᐅᕐᒥᐅᑕᓕᕆᔨᖏᓐᓄᓗ, ᐱᓇᓱᐊᕐᓂᓴᐅᓚᖓᓕᕐᑐᑦ ᐅᖃᐅᓯᕐᑕᖏᓐᓂᒃ ᐱᔭᕇᑦᓯᐊᕈᑎᓂᒃ ᑭᖑᓪᓕᐹᖏᓐᓂᒃ ᑭᓪᓕᓕᐅᕐᓯᒪᒍᑎᐅᓂᐊᕐᑐᓂᒃ ᐊᒻᒪᓗ ᑲᒪᒋᔭᖃᖃᑎᒌᓐᓂᒥ ᐋᕐᕿᓱᕐᓯᒪᒍᓯᐅᓂᐊᕐᑐᓂᒃ, ᐊᒻᒪᓗ ᐱᔪᓐᓇᐅᑎᓂᒃ ᑎᒍᒥᐊᕐᑐᓂᒃ, ᐱᓇᓱᖃᑎᐅᔪᓂᒃ, ᓇᖕᒥᓂᖃᖃᑎᐅᔪᓂᒃ, ᐱᓇᓱᐊᕐᕕᒥ ᐱᓇᓱᐊᕐᑐᓂᒃ ᐊᒻᒪᓗ ᓂᐅᕙᓐᓛᓐ ᓛᐸᑐᐊᓗ ᑲᕙᒪᖓᓂᒃ ᖃᐅᔨᓴᕈᖃᖏᓐᓇᓗᑎᒃ.
ᐋᕐᕿᑕᐅᓐᓂᕈᓂ, ᑕᒪᓐᓇ ᒪᓂᔭᐅᓯᒪᔪᖅ ᓱᓇᓱᐊᕐᕕᐅᑌᓕᑎᑦᓯᕕᓕᐊᖑᒍᒪᔪᖅ ᐃᓚᒋᐊᕆᓂᐊᕐᑐᖅ 0.29%-ᓄᑦ ᑎᑭᑦᑐᓂᒃ, ᓄᓇᑐᔫᓂᖓ ᐱᖓᓱᕕᓪᓗᐊᑲᓴᑦᓱᓂ ᐊᑕᓂᐊᓗ ᐄᑐᐊᑉ ᕿᑭᕐᑕᖓᓂᒃ, ᑲᓇᑕᐅᑉ ᑲᕙᒪᖓᑕ ᓯᕗᓂᓕᐅᕐᓯᒪᒻᒪᕆᒍᑎᒋᒐᓱᑦᓱᒍ ᑐᕌᒐᓕᐊᕆᓯᒪᔭᖓᓕᒃ ᐆᒪᔪᑦ ᐊᑦᔨᒌᖕᖏᓕᕇᑦ ᓴᐳᑎᓗᒋᑦ ᐱᑕᙯᓐᓇᑎᑦᓯᓗᑎᓗ ᑕᕆᐅᖓᑕ ᓯᓈᖓᓃᑦᑐᓗ 30%ᖓᓂᒃ 2030-ᐅᓕᕐᑎᓗᒍ.
ᐅᖃᐅᓯᕆᔭᕕᓃᑦ
“ᑖᓐᓇ ᐱᓇᓱᖃᑎᒌᓚᖓᓂᕐᒧᑦ ᐊᖏᕐᓯᒪᖃᑎᒌᒍᑎᒥᒃ ᐊᑎᓕᐅᕐᓂᖓ ᓄᓇᑦᓯᐊᕗᑦ ᑲᕙᒪᖓᓄᑦ, ᒪᑭᕝᕕᒧᑦ, ᐊᒻᒪᓗ ᑲᓇᑕᐅᑉ ᑲᕙᒪᖓᓄᑦ ᑎᑭᐅᑎᒍᐅᕗᖅ ᐱᒻᒪᕆᒧᑦ ᑎᑭᐅᑎᒐᓱᐊᕐᓱᒍᓗ ᐱᓇᓱᐊᒻᒪᕆᒍᑎᒋᖃᑦᑕᓱᒍ. ᓇᑯᕆᔭᖃᕐᐳᒍᑦ ᐱᔭᖃᕈᑎᖃᕆᐊᒥᒃ ᑕᒪᑦᓱᒥᖓ ᐃᓄᐃᑦ ᓱᓇᓱᐊᕐᕕᐅᒋᐊᖃᖕᖏᑐᖁᑎᖓᓂᒃ ᐋᕐᕿᓱᕐᑕᐅᓂᖓᓂᒃ ᐊᑐᓕᕐᑎᓯᒍᑎᐅᓛᕐᑐᒥᒃ. ᓛᐸᑐᐊᒥ ᐃᓄᐃᑦ ᐃᓗᕐᕈᓯᖓ, ᖃᐅᔨᒪᐅᓯᖓ, ᐃᓅᑦᔪᓯᖓ ᐃᓗᓯᖃᑦᓯᐊᓂᖓᓗ ᐊᑦᑐᐊᓗᑐᕐᒪᑕ ᑕᕆᐅᒦᑦᑐᓄᑦ. ᓯᕗᓂᕐᒥ ᕿᓚᓈᕈᑎᖃᕐᐳᒍᑦ ᐱᕙᓪᓕᐊᓂᕆᖏᓐᓇᓚᖓᔭᖓᓂᒃ ᑎᑭᓪᓗᒍ ᓯᓈᓂ ᐃᒪᖏᓐᓂ ᑲᒪᒋᔭᖃᕐᓂᖅ ᐊᒻᒪᓗ ᓛᐸᑐᐊ ᐃᓄᐃᑦ ᐃᓗᕐᕈᓯᖓᓂᒃ ᑭᓇᐅᓂᖓᑕ ᖃᐅᔨᒪᔭᐅᒍᑎᖓᓂᓗ ᓴᐳᑦᔨᓯᒪᓂᖅ, ᐊᒻᒪᓗᑦᑕᐅᖅ ᓴᐳᑦᓯᒪᓗᓂ ᐃᖃᓗᓐᓂᒃ ᐆᒪᔪᓂᓪᓗ ᓂᕿᒋᓲᕗᓐᓂᒃ ᐆᒪᒍᑎᒋᑦᓱᒋᑦ. ᐅᐱᒍᓱᑉᐳᒍᑦ ᐊᓪᓗᕆᐊᕐᓂᖃᕆᐊᒥ ᓯᕗᒧᑦ ᓯᕗᓂᕐᒥ ᑭᖑᕚᖑᓂᐊᕐᑐᓄᑦ ᓛᐸᑐᐊᒥ ᐃᓄᑐᐃᓐᓇᐅᓱᑕ ᐃᓅᒍᓯᓪᓚᕆᕗᓐᓂᒃ ᐱᑕᙯᓐᓇᓯᐊᕐᑎᓯᓂᕐᒧᑦ.”
ᔪᖄᓂᔅ ᓛᒻᐱ
ᐊᖓᔪᕐᖄᖅ ᓄᓇᑦᓯᐊᕗᑦ
“ᐅᓪᓗᒥ ᓇᓗᓀᕆᒍᑎᐅᕗᖅ ᐱᒻᒪᕆᒍᑎᓕᒻᒥᒃ ᐅᓪᓗᒥᒃ ᓄᓇᕕᒻᒥ ᐃᓄᓐᓄᑦ ᒪᑭᕝᕕᒧᓪᓗ. ᖁᕕᐊᒋᔭᖃᕐᑐᒍᑦ ᐅᐱᒪᒍᑎᖃᕐᓱᑕᓗ ᐱᓇᓱᖃᑎᐅᒋᐊᒥᒃ ᐋᕐᕿᓱᐃᒍᑎᐅᓚᖓᔪᑦ ᑐᕐᙰᑦ ᓱᓇᓱᐊᕐᕕᐅᒋᐊᖃᖕᖏᑐᓕᐊᕆᔭᑦᓴᓂ – ᐃᓄᐃᑦ ᓱᓇᓱᐊᕐᕕᐅᒋᐊᖃᖕᖏᑐᖁᑎᖏᑦᑕ ᐱᓇᓱᑦᑕᐅᓂᖏᓐᓂᑦ. ᑕᒪᓐᓇ ᓄᓇ ᐃᓄᑐᐃᓐᓇᓄᑦ ᐱᒻᒪᕆᐅᒍᑎᑕᓕᒃ, ᑕᒪᓐᓇᓗ ᐱᓇᓱᐊᕐᑕᐅᓂᖓ ᐃᑲᔪᕐᓯᓚᖓᑦᓱᓂ ᐃᓅᑦᔪᓯᕗᓐᓂᒃ, ᐱᔪᓐᓇᐅᑎᕗᓐᓂᒃ, ᐱᓇᓱᐊᕈᒪᔭᕗᓐᓂᓗ ᐱᑕᙯᓐᓇᑎᑦᓯᒍᑎᓂᒃ. ᐊᑦᑕᓀᓕᑎᑦᓯᒋᐊᓪᓚᓚᖓᒻᒥᔪᖅ ᐱᒻᒪᕆᐅᑦᓱᓂ ᐱᓇᓱᖃᑎᖃᕐᓂᕗᓐᓂᒃ ᓛᐸᑐᐊ ᐃᓄᖏᓐᓂᒃ ᐊᑦᔨᒋᔭᐅᖕᖏᑐᒥ ᓄᓇᖃᕐᕕᒥ. ᑖᓐᓇ ᐱᓇᓱᖃᑎᒌᓐᓂᒧᑦ ᐊᖏᕐᓯᒪᖃᑎᒌᒍᑎ ᓇᓗᓀᕆᔪᖅ ᓯᕗᒧᐊᕐᑎᓯᒍᑎᓪᓚᕆᓐᓂᒃ ᐃᓄᐃᑦ ᓇᖕᒥᓂᖅ-ᑐᑭᑖᕈᓐᓇᓂᖓᓄᑦ ᐱᒻᒪᕆᐅᓂᖏᓐᓄᓗ ᐃᓄᐃᑦ ᐊᐅᓚᑦᓯᓂᕐᒧᐊᖓᔪᓄᑦ ᑐᖕᖓᕕᖏᓐᓂᒃ. ᕿᓚᓈᕈᑎᖃᕐᐳᒍᑦ ᑕᒪᑦᓱᒥᖓ ᐱᓇᓱᐊᓚᖓᓂᕐᒥᒃ ᑕᒪᒋᓐᓂᒃ ᐃᓄᓐᓂᒃ ᐊᒻᒪᓗ ᑲᓇᑕᐅᑉ ᑲᕙᒪᖓᓂᑦ ᐱᓇᓱᖃᑎᕗᓐᓂᒃ ᐊᑐᓕᕐᑎᑕᐅᑎᑦᓯᖃᑎᖃᕐᓗᑕ.”
ᐱᑕ ᐋᑕᒥ
ᐊᖓᔪᕐᖄᖅ ᒪᑭᕝᕕᒥ
“ᓄᑖᑉ ᓄᓇᖃᕐᖄᓯᒪᔪᑦ ᓱᓇᓱᐊᕐᕕᐅᒋᐊᖃᖕᖏᑐᖁᑎᖓ/ᑲᓇᑕᐅᑉ ᑕᕆᐅᒥ ᐱᓂᐊᕐᕕᐅᒋᐊᖃᖕᖏᑑᑎᑕᖓᓂᒃ ᓄᐃᑕᐅᓂᖓ ᓛᐸᑐᐊᑉ ᑕᕐᕋᖓᓂ ᐆᒃᑐᕋᐅᑎᑦᓴᓯᐊᖑᕗᖅ ᐊᑦᔨᒌᖕᖏᑐᑦ ᐆᒪᔪᐃᑦ ᐱᑕᙯᓐᓇᑎᑕᐅᒍᑎᑦᓴᖏᓐᓂᒃ ᓯᓚᐅᑉ ᐊᓯᑦᔨᓂᖓᓄᑦ ᓱᕐᕋᑕᐅᔪᓂᒃ ᐃᑯᓪᓚᑎᑦᓯᒍᑎᓂᓪᓗ ᑲᓇᑕᐅᑉ ᑲᕙᒪᖓ ᖃᓄᐃᓘᕐᓱᓂ ᓴᐳᑦᔨᓯᒣᓐᓇᐸᒻᒪᖔᑦ. ᕿᓚᓈᕈᑎᖃᕐᐳᖓ ᐱᓇᓱᐊᕐᑕᐅᓂᖓᑕ ᐱᕙᓪᓕᐊᓂᕆᓚᖓᔭᖓᓂᒃ ᐃᒫᒃ ᓄᓇᑦᓯᐊᕗᑦ ᑲᕙᒪᖓ, ᒪᑭᕝᕕᑯᑦ, ᐊᒻᒪᓗ ᒥᕐᖑᐃᓯᕐᕕᓕᕆᔨᖏᑦ ᑲᓇᑕᐅᑉ ᓯᕗᒧᐊᕐᑎᓯᕙᓪᓕᐊᖏᓐᓇᑎᓪᓗᒋᑦ ᐱᒻᒪᕆᒥᒃ ᑖᑦᓱᒥᖓ ᐱᓇᓱᐊᕐᑕᒥᒃ ᓯᕗᓂᕐᒨᓕᖓᔪᓂᒃ ᑭᖑᕚᕇᖑᓂᐊᕐᑐᓄᐊᖓᔪᓂᒃ ᓴᐳᑦᔨᓯᒪᒍᑎᐅᑦᓱᓂ ᑖᒃᑯᓂᖓ ᐃᓪᓕᕆᔭᐅᒍᑎᓕᒻᒪᕆᓂᒃ ᐆᒪᔪᑕᖃᓲᓂᒃ.”
ᐃᓕᑕᕆᔭᐅᒪᔪᖅ ᓯᑏᕙᓐ ᑭᐴ
ᑐᕐᖃᑌᔨ ᐊᕙᑎᓕᕆᓂᕐᒥ ᓯᓚᐅᑉ ᐊᓯᑦᔨᓂᖓᓂᓗ ᑲᒪᒋᔭᖃᕆᐊᖃᕐᓱᓂᓗ ᒥᕐᖑᐃᓯᕐᕕᓕᕆᓂᕐᒥ ᑲᓇᑕᒥ
“ᑖᓐᓇ ᐱᓇᓱᖃᑎᒌᓚᖓᓂᕐᒧᑦ ᐊᖏᕐᓯᒪᖃᑎᒌᒍᑎᒥᒃ ᐊᑎᓕᐅᕐᓂᖓ ᓄᓇᑦᓯᐊᕗᑦ ᑲᕙᒪᖓᓄᑦ, ᒪᑭᕝᕕᒧᑦ, ᐊᒻᒪᓗ ᑲᓇᑕᐅᑉ ᑲᕙᒪᖓᓄᑦ ᓄᐃᑦᓯᓚᖓᓗᑎᒃ ᐃᓄᐃᑦ ᓱᓇᓱᐊᕐᕕᐅᒋᐊᖃᖕᖏᑐᖁᑎᖓᓂᒃ/ᑲᓇᑕᐅᑉ ᑕᕆᐅᒥ ᐱᓂᐊᕐᕕᐅᒋᐊᖃᖕᖏᑑᑎᑕᖓᓂᒃ ᑐᓴᕋᑦᓴᓯᐊᒻᒪᕆᐊᓘᕗᖅ. ᑲᓇᑕᒥ ᐃᒪᕐᒥᐅᑕᓕᕆᔨᖏᑦ ᑕᕆᐅᕐᒥᐅᑕᓕᕆᔨᖏᓪᓗ ᕿᓚᓈᕈᑎᖃᕐᐳᑦ ᐱᓇᓱᖃᑎᒌᖏᓐᓇᓂᐅᓚᖓᔪᒥᒃ ᐋᕐᕿᓱᐃᓪᓚᕆᒍᑎᐅᓗᑎᒃ ᓄᑖᒥᒃ ᓱᓇᓱᐊᕐᕕᐅᒋᐊᖃᖕᖏᓂᕋᕐᑕᐅᔪᒥᒃ ᐱᕙᓪᓖᓚᖓᔪᒥᒃ ᐊᕙᑎᒥᒃ, ᐆᒪᔪᓂᒃ ᑕᒫᓂ ᐊᓂᕐᕋᖃᓲᓂᒃ, ᓯᕗᓂᕐᒥᓗ ᑭᖑᕚᖑᓂᐊᕐᑐᓂᒃ ᐃᓄᓐᓂᒃ ᓄᓇᖃᕐᓱᑎᒃ ᑲᓇᑕᒥ.”
ᐃᓕᑕᕆᔭᐅᓯᒪᔪᖅ ᑎᐋᓐ ᓕᐴᑎᓕᐁᕐ
ᑐᕐᖃᑌᔨ ᐃᒪᕐᐱᓕᕆᓂᕐᒥ, ᑕᕆᐅᓕᕆᓂᕐᒥ, ᐊᒻᒪᓗ ᑲᓇᑕᐅᑉ ᓯᑦᔭᖓᓂ ᑲᒪᔨᓂᒃ
“ᐱᓇᓱᐊᕐᑕᐅᓚᖓᓕᕐᓂᖏᓐᓅᓕᕆᐊᒥ ᐊᖏᖃᑎᒌᒐᓱᐊᕈᑎᐅᓚᖓᔪᓄᑦ ᑖᑦᓱᒧᖓ ᐱᓇᓱᐊᕐᑕᒧᑦ ᕿᑦᑌᖓᓇᕐᑐᒪᕆᐅᕗᖅ ᓂᐅᕙᓐᓛᓐᒥᐅᓄᑦ ᓛᐸᑐᐊᒥᐅᓄᓪᓗ. ᓄᑖᖅ ᓄᓇᖃᕐᖄᓯᒪᔪᑦ ᓱᓇᓱᐊᕐᕕᐅᒋᐊᖃᖕᖏᑐᖁᑎᖓ/ᑲᓇᑕᐅᑉ ᑕᕆᐅᒥ ᐱᓂᐊᕐᕕᐅᒋᐊᖃᖕᖏᑑᑎᑕᖓ ᐃᑲᔪᕐᓯᓂᐊᕐᑐᖅ ᑲᕙᒪᕗᑦᑕ ᐱᑕᙯᓐᓇᑎᑦᓯᓂᕐᒧᑦ ᑐᕌᒐᓱᑦᑕᖏᓐᓄᑦ, ᓴᐳᑦᔨᓂᐊᕐᓱᓂ ᐊᕙᑎᒥᒃ ᐃᓅᒍᑎᑦᓴᑖᕐᕕᕗᓐᓂᒃ, ᐱᕙᓪᓖᓂᐊᕐᓱᓂᓗ ᓄᓇᓕᒻᒥ ᒪᑭᑕᒐᓱᐊᕈᑎᓂᒃ. ᐅᐱᒋᕙᓪᓛᕙᒃᑲ ᓄᓇᑦᓯᐊᕗᑦ ᑲᕙᒪᖓ, ᒪᑭᕝᕕᒃ, ᒥᕐᖑᐃᓯᕐᕕᓕᕆᔩᑦ ᑲᓇᑕᒥ, ᓂᐅᕙᓐᓛᓐ ᑲᕙᒪᖓ ᐊᒻᒪᓗ ᓛᐸᑐᐊ ᐃᓚᐅᔪᕕᓂᓕᒫᓪᓗ ᑕᒪᑦᓱᒪ ᐱᐅᔪᒻᒪᕆᐊᓘᑉ ᐱᔭᕆᔭᐅᒍᑎᖏᓐᓂ.”
ᐃᕚᓐ ᔫᓐᔅ
ᑭᒡᒐᑐᕐᑎ ᓛᐸᑐᐊᒥ ᐅᖃᕐᕕᒪᕆᒻᒥ, ᓂᐅᕙᓐᓛᓐ ᐊᒻᒪᓗ ᓛᐸᑐᐊ
ᑐᑭᓯᒪᒍᑎᑦᓴᒋᐊᓪᓓᑦ
• ᓄᐃᑦᓯᓂᖅ ᐃᓄᐃᑦ ᓱᓇᓱᐊᕐᕕᐅᒋᐊᖃᖕᖏᑐᖁᑎᖓᓂᒃ/ᑲᓇᑕᐅᑉ ᑕᕆᐅᒥ ᐱᓂᐊᕐᕕᐅᒋᐊᖃᖕᖏᑑᑎᑕᖓᓂᒃ ᐃᑲᔪᕐᓯᓴᐅᑎᒋᓚᖓᔪᖅ ᓄᓇᑦᓯᐊᕗᑦ ᑲᕙᒪᖓᑕ ᐃᒪᑉᐱᕗᑦ (ᑕᕆᐅᖁᑎᕗᑦ) ᑕᕆᐅᕐᒥᐅᑕᓅᓕᖓᔪᑦ ᐸᕐᓀᑕᐅᓂᖏᓐᓂᒃ ᐱᓇᓱᑦᑕᖏᓐᓂᒃ ᐱᓇᓱᒍᑎᐅᓗᓂᓗ ᐱᔭᖃᕈᑎᓄᑦ ᑐᕌᒐᓕᐊᖑᓯᒪᔪᓂᒃ ᐃᒪᑉᐱᕗᑦ ᐱᓇᓱᐊᕐᑕᐅᓚᖓᓂᖓᓂᒃ ᐅᖃᒻᒪᕆᒍᑎᒥ ᓇᓗᓀᕐᑕᐅᓯᒪᔪᓂᒃ (2017).
• ᑐᑭᓯᒍᑎᕕᓃᑦ ᐱᓇᓱᑦᑕᐅᓂᖓ ᑲᔪᓯᒍᓐᓇᕋᔭᕐᒪᖔᑦ ᖃᐅᔨᓴᕐᑕᐅᓂᖏᑎᒍᑦ, ᑖᒃᑯᐊ ᐱᔭᕇᕐᑕᕕᓃᑦ ᒫᑦᔨ 2024-ᒥ, ᐃᓚᐅᑎᓪᓗᒋᑦ ᐃᓄᐃᑦ, ᐱᔪᓐᓇᐅᑎᓖᑦ ᓇᖕᒥᓂᖃᖃᑎᐅᔪᓗ ᐱᒻᒪᕆᐅᓂᖏ ᐱᓇᓱᖃᑎᐅᓯᒪᓂᖏᑦ, ᓱᕐᖁᐃᓯᒍᑏᓪᓗ ᐃᓅᖃᑎᒌᓄᒃ, ᐊᕙᑎᒧᐊᖓᔪᓄᑦ ᒪᑭᑲᒐᓱᐊᕈᑎᓄᓪᓗ ᐃᓄᐃᑦ ᓱᓇᓱᐊᕐᕕᐅᒋᐊᖃᖕᖏᑐᖁᑎᖓᓂᒃ/ᑲᓇᑕᐅᑉ ᑕᕆᐅᒥ ᐱᓇᓱᐊᕐᕕᐅᒋᐊᖃᖕᖏᑑᑎᑕᖓᓂᒃ ᐋᕐᕿᓱᐃᓂᐅᑉ ᐱᕙᓪᓕᖁᑎᐅᓂᖏᓐᓂᒃ ᓱᕐᕋᑕᐅᒍᑎᖏᓐᓂᓗ ᑲᓇᑕᒥ ᑕᕆᐅᕐᒥᐅᑕᓕᕆᓂᕐᒥ ᐱᑕᙯᓐᓇᑎᑦᓯᓂᕐᒧᑦ ᓱᓇᓱᐊᕐᕕᐅᒋᐊᖃᖕᖏᑑᑎᑦᓯᒍᑎᓄᑦ ᐱᖁᔭᖅ ᒪᓕᑦᓱᒍ ᑖᒃᑯᓂᖓ ᐊᖏᖃᑎᒌᒐᓱᐊᕐᓂᐅᓚᖓᔪᓂᒃ ᑐᑭᓯᒪᒍᑎᑦᓴᒋᐊᓪᓚᓂᐊᕐᑐᖅ.
• ᐊᑐᕐᓗᒋᑦ ᐃᒫᙰᕈᑎᐅᓯᒪᔪᑦ ᓯᕗᒧᐊᒍᑎᐅᖁᔨᑦᓱᑎᒃ ᐃᓄᐃᑦ ᓱᓇᓱᐊᕐᕕᐅᒋᐊᖃᖕᖏᑐᖁᑎᖓᓂᒃ/ᑲᓇᑕᐅᑉ ᑕᕆᐅᒥ ᐱᓇᓱᐊᕐᕕᐅᒋᐊᖃᖕᖏᑑᑎᑕᖓᓂᒃ, ᐊᖏᖃᑎᒌᒐᓱᐊᕐᓃᑦ ᐱᒋᐊᓛᕐᑐᑦ ᐋᕐᕿᓱᐃᒍᑎᓄᑦ ᐊᖏᖃᑎᒌᓐᓂᒧᑦ ᐊᒻᒪᓗ ᓱᕐᕋᑕᐅᒍᑎᓄᑦ ᐱᕙᓪᓕᖁᑎᑖᖑᓂᐊᕐᑐᓄᓪᓗ ᐊᖏᖃᑎᒌᓐᓂᒥᒃ ᓄᓇᑖᕈᑏᑦ ᐊᖏᖃᑎᒌᒍᑎᐅᓯᒪᔪᑦ ᐊᑐᕐᑎᑕᐅᔪᑦ ᐅᖃᐅᓯᖏᑦ ᒪᓕᓪᓗᒋᑦ.
• ᓯᓈᓃᑦᑐᑦ ᐃᒪᕐᐱᒦᑦᑐᓗ ᑕᕆᐅᒥ ᐃᓚᒋᔭᐅᓪᓚᕆᑦᑐᓂᒃ ᐱᑕᖃᕐᕕᐅᕗᑦ ᐃᓗᕐᕈᓯᒧᐊᖓᔪᓂᒃ, ᐃᓅᖃᑎᒌᓄᐊᖓᔪᓂᒃ, ᐅᑉᐱᓂᕐᒧᐊᖓᔪᓂᒃ, ᓄᓇᒥᒃ ᐊᑐᕐᓂᖏᓐᓄᐊᖓᔪᓂᒃ ᒪᑭᑕᒐᓱᐊᕐᓂᑎᒍᓪᓗ ᐃᓄᐃᑦ ᓛᐸᑐᐊᒥ ᓄᓇᕕᒻᒥᓗ ᖃᓄᐃᖕᖏᓯᐊᕐᓂᖏᓐᓄᑦ ᐃᓕᖓᓪᓚᕆᑦᑐᓂᒃ.
ᑖᒃᑯᓄᖓᐅᓕᖓᔪᑦ ᐊᓪᓚᓯᒪᔪᖁᑎᒋᐊᓪᓓᑦ
• 2024 ᑐᓴᕐᑎᓯᒍᑎ: ᓄᓇᑦᓯᐊᕗᑦ ᑲᕙᒪᖓ ᐊᒻᒪᓗ ᑲᓇᑕᐅᑉ ᑲᕙᒪᖓ ᐊᓪᓗᕆᐊᕐᓂᒪᕆᒻᒥᒃ ᐊᑑᑎᔪᑦ ᐋᕐᕿᓱᐃᓂᕐᒧᑦ ᐃᓄᐃᑦ ᓱᓇᓱᐊᕐᕕᐅᒋᐊᖃᖕᖏᑐᖁᑎᖓᓂᒃ ᓛᐸᑐᐊᑉ ᓯᓈᖓᓂ ᑕᕐᕋᒥ
• 2022 ᑐᓴᕐᑎᓯᒍᑎ: ᑲᓇᑕᐅᑉ ᑲᕙᒪᖓ ᐊᒻᒪᓗ ᓄᓇᑦᓯᐊᕗᑦ ᐊᑎᓕᐅᕐᑑᒃ ᐱᓇᓱᖃᑎᒌᓚᖓᓂᕐᒥᒃ ᑐᑭᓯᒪᖃᑎᒌᒍᑎᒥᒃ ᖃᐅᔨᓴᓚᖓᓗᑎᒃ ᑲᔪᓯᑎᑕᐅᒍᓐᓇᕋᔭᕐᒪᖔᑕ ᐋᕐᕿᓱᐃᓃᑦ ᓄᑖᒥᒃ ᓱᓇᓱᐊᕐᕕᐅᒋᐊᖃᖕᖏᑐᒥᒃ ᓛᐸᑐᐊᑉ ᓯᓈᖓᓂ ᑕᕐᕋᒥ
• 2019 ᑐᓴᕐᑎᓯᒍᑎ: ᑲᓇᑕᐅᑉ ᑲᕙᒪᖓ ᐊᒻᒪᓗ ᓄᓇᑦᓯᐊᕗᑦ ᑲᕙᒪᖓ ᐱᓇᓱᖃᑎᒌᑦᑐᑦ ᓱᒃᑯᑕᐅᑦᑌᓕᒍᑎᖏᓐᓂᒃ ᑕᕐᕋᖓᓂ ᓛᐸᑐᐊᑉ ᓯᓈᖓᓂᒃ
• 2017 ᑐᓴᕐᑎᓯᒍᑎ: ᑲᓇᑕᐅᑉ ᑲᕙᒪᖓ ᐊᒻᒪᓗ ᓄᓇᑦᓯᐊᕗᑦ ᐱᓇᓱᐊᖃᑎᒌᓐᓂᒥᒃ ᐱᒋᐊᕐᑎᓯᔪᑦ ᓱᒃᑯᑕᐅᑦᑌᓕᒍᑎᖓᓄᑦ ᑕᕆᐅᖓᑕ ᓛᐸᑐᐊ ᑕᕐᕋᖓᓂ
• ᑐᓴᕋᑦᓴᖅ – ᐃᓄᒃᑎᑐᑦ
• ᑲᓇᑕᒥ ᑕᕆᐅᕐᒥᐅᑕᓕᕆᓂᕐᒥ ᐱᑕᙯᓐᓇᑎᑦᓯᒍᑎᓄᑦ ᐱᖁᔭᖅ
ᑖᒃᑯᓄᖓ ᐃᓕᖓᔪᑦ ᐱᑐᒍᑎᒋᐊᓪᓓᑦ
• ᓄᓇᑦᓯᐊᕗᑦ ᑲᕙᒪᖓ
• ᒪᑭᕝᕕᑦ
• ᒥᕐᖑᐃᓯᕐᕕᓕᕆᔩᑦ ᑲᓇᑕᒥ
• ᑲᓇᑕᐅᑉ ᑕᕆᐅᕐᒥᐅᑕᓕᕆᓂᕐᒥ ᓱᓇᓱᐊᕐᕕᐅᒋᐊᖃᖕᖏᑐᑦ ᐋᕐᕿᓱᕐᑕᐅᓯᒪᓂᖏᓐᓄᑦ ᐸᕐᓀᒍᑎ
• ᐃᒪᑉᐱᕗᑦ – ᓄᓇᑦᓯᐊᕗᑦ ᑕᕆᐅᕐᒥᐅᑕᓕᕆᓂᕐᒥ ᐸᕐᓀᒍᑎ
• ᐱᔪᓐᓇᐅᑎᓄᑦ-ᐃᓕᖓᖕᖏᑐᑦ ᓇᐅᓕᒫᓄ ᑐᓴᕋᑦᓴᓂᐊᕐᑎᓄᑦ ᑐᓴᕐᑕᐅᑎᑦᓯᒍᑦᒧᑦ
– 30 –
ᖃᐅᔨᒋᐊᕐᕕᓭᑦ
Hermine Landry
Press Secretary
Office of the Minister of Environment and Climate Change
873-455-3714
hermine.landry@ec.gc.ca
Bert Pomeroy
Director of Communications
Nunatsiavut Government
709-896-8582
bert.pomeroy@nunatsiavut.com
Vanessa Doig
Assistant Director
President’s Department
Makivvik
514-745-8880 ext. 2261
vdoig@makivvik.ca
Media Relations
Parks Canada
855-862-1812
pc.media@pc.gc.ca
Media Relations
Fisheries and Oceans Canada
613-990-7537
media.xncr@dfo-mpo.gc.ca
