ᑐᓴᕋᑦᓴᖑᕐᑎᑕᐅᔪᖅ
ᕕᐳᐊᕆ 20-ᒍᑎᓪᓗᒍ, 2020-ᒥ – ᐊᐅᐸᓗᒃ, ᓄᓇᕕᒻᒥ. ᒪᑭᕝᕕᑯᑦ ᐊᖓᔪᕐᖄᖓ ᓵᓕ ᒍᐊᑦ ᐊᓪᓚᕕᖃᕐᖃᐅᔪᖅ ᓴᐳᒻᒥᓂᕋᕐᓱᓂ ᑲᕙᒪᑐᖃᒃᑯᑦ ᒥᓂᔅᑕᖏᓐᓂᒃ ᑫᕙᓪᓚᒍᓯᕐᓂᒃ/ᐃᑲᐅᕐᓂᓂ ᐊᒥᓱᕋᑕᕐᓂ ᐅᖃᖃᑎᒌᒍᑎᖃᖃᑦᑕᓚᐅᕐᒪᑕ ᒍᐊᑦᓱᒍᐃᑎᓐ ᐊᓪᓓᑦ ᓄᓇᓕᖓᓂ ᐳᑎᔅ ᑲᓚᒻᐱᐊᑉ ᓄᓇᓕᕐᔪᐊᖓᓂ, ᐊᒻᒪᓗ ᐊᓪᓓᑦ ᒨᖄᔅ ᑌᐃᐊᖕᖓᒥ ᓈᒻᒪᓴᖕᖏᕙᓪᓛᒍᑎᐅᔪᓂᒃ ᑲᒪᒋᔭᖃᒐᓱᐊᖃᑦᑕᓚᐅᕐᒪᑕ ᐱᓂᐊᕐᓂᐅᔪᓂᒃ ᒫᓐᓇ ᑖᒃᑯᐊ ᓄᓇᒋᔭᖓᓂ, ᐊᐅᓚᑦᔮᕿᒍᑎᐅᓯᒪᓚᐅᕐᒪᑦ ᑖᕙᓂ ᐅᕐᓱᐊᓗᓐᓂᒃ ᓱᓪᓗᓕᐊᓗᐃᑦ ᓴᓇᔭᐅᒍᒪᓂᖏᑦ ᐱᑦᔪᑎᒋᑦᓱᒋᑦ ᑖᓴᓐ ᑰᖓᑎᒍᑦ ᑭᑎᒪᑦ-ᒥ ᐅᑯᓄᖓ ᐅᕐᓱᐊᓗᓐᓂᐊᑎᓄᑦ TC Energy-ᒍᓂᕋᕐᑕᐅᔪᓄᑦ.
“ᑕᒪᓐᓇ ᑲᓇᑕᓕᒫᒥ ᐃᓱᒫᓗᓐᓇᖃᑦᑕᓕᓚᐅᕐᑐᖅ. ᓄᓇᓯᐅᑎᑯᑖᒃᑯᑦ ᐊᕐᖁᑏᑦ ᓄᕐᖃᖓᑎᑕᐅᖃᑎᑦᑕᑎᓪᓗᒋᑦ ᓄᓇᓯᐅᑎᑯᑖᑎᒍᑦ – ᐊᐅᓚᓲᑦ ᐊᒻᒪᓗ ᐅᓯᒐᑦᓭᑦ ᐊᐅᓚᒍᓐᓀᓕᔭᐅᑎᓪᓗᒋᑦ – ᐱᓇᓱᐊᕈᓯᕐᓂ ᒪᕐᕉᓂ,” ᒪᑭᕝᕕᑯᑦ ᐊᖓᔪᕐᖄᖓ ᓵᓕ ᒍᐊᑦ ᑌᒣᓕᑦᓱᓂ ᐅᖃᕐᖃᐅᕐᑐᖅ. “ᐅᖓᓯᑦᑐᒦᒐᓗᐊᕐᓱᖓ ᑕᑯᓐᓇᖃᑦᑕᓱᒋᑦ ᓂᓪᓕᕕᖃᓚᐅᕐᑐᖓ ᒥᓂᔅᑖᓐᓂᒃ ᑕᒪᑐᒧᖓ ᐊᑦᑐᐊᔭᐅᓗᐊᖕᖑᐊᑐᓐᓂᒃ ᑲᕈᓕᓐ ᐱᐊᓂᑦᒥᒃ ᓄᓇᖃᕐᖄᓯᒪᔪᓕᕆᔨᖓᓐᓂᒃ ᑲᕙᒪᑐᖃᒃᑯᑦ, ᐊᒻᒪᓗ ᒪᒃ ᒥᐊᓚ-ᒥᒃ ᓄᓇᖃᕐᖄᓯᒪᔪᓕᕆᓂᕐᓂᒃ ᐱᑦᔪᔨᕕᒻᒥ ᑐᕐᖃᑕᕐᕕᐅᔪᒥᒃ. ᐅᖃᖃᑎᒌᑦᓯᐊᒪᒋᐊᓗᖁᑦᓱᒋᒃ ᑖᕙᓂ ᒍᐊᑦᓱᒍᐃᑎᓐ-ᒥ, ᐳᑎᔅᑲᓚᒻ ᐱᐊᒥ ᐱᓂᐊᕐᓂᐅᔪᖅ ᐱᑦᔪᑎᒋᑦᓱᒍ ᐊᒻᒪᓗ ᐊᓪᓓᑦ ᒨᖄᒃᑯᑦ ᑌᐃᐊᓐᑎᓇᒐᒥᐅᑦ ᓄᓇᓕᖓ, ᐋᓐᑎᐅᔨᐅᒥ ᐅᖃᖃᑎᒋᔭᐅᑦᓯᐊᖁᑦᓱᒋᑦ. ᑕᒪᓐᓇ ᓈᒻᒪᒋᐅᑎᖕᖏᓂᖅ ᐃᑎᔪᒥᒃ ᐃᑉᐱᓂᐊᕈᑕᐅᓪᓚᕆᒻᒪᑦ ᓄᓇᖃᕐᖄᓯᒪᔪᐃᑦ ᐊᒻᒪᓗ ᑲᕙᒪᑐᖃᒃᑯᑦ ᐹᕐᓯᖓᐅᑎᖃᕐᓯᒪᔪᑐᖄᓗᓂᖏᓐᓄᑦ ᐊᐅᓚᑦᓯᒍᓐᓇᑐᐃᓐᓇᒍᒪᑦᓱᑎᒃ, ᐃᒻᒥᓂᕐᓱᕈᓐᓇᓯᒍᒪᔪᐃᓪᓗᑯᐊ ᓄᓇᕐᖄᓯᒪᔪᐃᑦ ᐱᒻᒥᑎᓪᓗᒋᑦ, ᐊᒻᒪᓗ ᓈᒻᒥᓂᖅ ᓲᖑᓂᖃᕐᓗᑎᒃ ᐊᐅᓚᑦᓯᒍᒪᓂᖃᕈᒪᔪᐃᓐᓇᐅᓱᑎᒃ. ᐃᑉᐱᓂᐊᕐᓂᖃᓪᓚᕆᑉᐳᖓ ᖃᓄᖅ ᒍᐃᑦᓱᒍᐃᑏᑦ ᐊᓪᓓᑦ ᖃᓄᖅ ᐃᑉᐱᓂᐊᕐᒪᖔᑕ ᑕᒪᓐᓇ ᐊᑑᑎᓯᒪᒐᒃᑯ ᐊᖏᖃᑎᒌᒐᓱᐊᕐᓂᖃᕐᓱᑕ ᐊᖏᖃᑎᒌᒍᑎᑖᕆᓚᐅᕐᓯᒪᔭᑦᑎᓂᒃ ᔦᒥᔅ ᐯᒥ ᑯᐯᒃᓗ ᑕᕐᕋᖓᓂ 1970 ᐊᕐᕌᒍᖏᓐᓂ. ᐊᒻᒪᓗ ᑖᓐᓇ ᐊᖏᖃᑎᒌᒍᑎᑖᕆᓯᒪᔭᕋᓗᐊᕗᑦ ᐋᕐᕿᑕᐅᓯᒪᓪᓚᕆᓚᐅᕐᓯᒪᒐᑕᕋᓂ.”
ᓵᓕ ᒍᐊᑦ ᐅᖃᓚᐅᕐᒥᔪᖅ ᐊᓯᐊᒍᑦ ᐊᕐᖁᓯᑦᓴᓯᐅᕐᓗᑎᒃ ᒪᓕᒐᓕᐅᖃᑦᑕᑐᑦᓴᐅᒐᓗᐊᑦ ᓂᖕᖓᕈᑕᐅᑐᐃᓐᓇᒋᐊᓖᑦ ᐃᓱᒪᒋᔭᐅᒐᓱᐊᖕᖏᖔᕐᑎᓗᒋᑦ ᖃᓄᖅ ᓄᓇᖃᕐᖄᓯᒪᔪᐃᑦ ᑭᑦᓴᓇᕐᑐᑰᕐᑎᐅᑐᐃᓐᓇᐅᖃᑦᑕᓯᒪᓂᖏᑦ ᑭᖑᕙᕐᑎᓯᒍᑎᐅᑐᐃᓐᓇᓲᒍᒻᒪᑕ ᐋᕿᖃᑎᒌᒐᓱᐊᕐᓂᐅᓕᕋᓗᐊᕐᑐᓄᑦ ᐅᓪᓗᒥᒧᑦ. ᐊᕐᕌᒍᓂ ᐊᒥᓱᓂ ᐊᑑᑎᔭᐅᓯᒪᓪᓚᕆᑦᑐᐃᑦ ᓄᐃᑕᐅᒐᓱᐊᕐᓯᒪᒻᒪᑕ ᐊᒻᒪᓗ ᐋᕐᕿᖃᑎᒌᒐᓱᐊᕈᑕᐅᑦᓱᑎᒃ ᑭᓪᓕᓯᓂᐊᕐᓂᐅᖃᑦᑕᓚᐅᔪᔪᓄᑦ ᖃᓄᐃᓘᑕᐅᓯᒻᒪᖔᑕ ᓄᓇᖃᕐᖄᓯᒪᔪᐃᑦ ᑲᕙᒪᒃᑯᓄᑦ ᐅᑉᐱᕆᔭᐅᒍᓐᓇᖏᕐᓯᒪᒻᒪᑕ, ᐊᒻᒪᓗ ᐱᓇᓱᐊᕈᑕᐅᒋᐊᒃᑲᓂᒋᐊᖃᓚᖓᕐᓱᑎᒃ ᓄᓇᖃᕐᖄᓯᒪᔪᐃᑦ ᐃᒻᒥᓂᕐᓱᒍᓐᓇᓯᒐᓱᐊᕈᑎᖏᑦ ᑲᕙᒪᑐᖃᒃᑯᓄᑦ ᓵᖕᖓᔭᐅᖏᓐᓇᕆᐊᖃᓚᖓᑦᓱᑎᒃ.
“ᓇᑯᕆᔭᖃᕙᓪᓛᕈᒪᕗᖓ ᐱᓂᐊᕐᓂᓕᕆᔨᓄᑦ ᓂᓪᓕᕈᑕᐅᖃᑦᑕᓚᐅᕐᑐᓂᒃ ᑐᓵᖃᑦᑕᓚᐅᕋᒪ ᑲᕙᒪᑐᖃᒃᑯᑦ ᐊᑭᕋᖏᑦ ᐊᒻᒪᓗ Conservative-ᑯᑦ ᑲᓇᑕᓕᒫᒥ ᐅᑦᑑᑎᒋᓗᒍ ᐊᓪᐴᑕᒥ ᐊᖓᔪᕐᖄᒪᕆᒋᔭᐅᔪᖅ ᔦᓴᓐ ᑭᐊᓂ ᐅᖃᓚᐅᕐᒥᒪᑦ ᒫᓐᓇᓴᐅᑎᒋᒃ ᐳᓖᓯᒃᑯᓂᒃ ᐅᐸᓗᙰᔭᕐᓯᒪᖁᔨᑦᓱᓂ ᖃᓄᑐᐃᓐᓇᖅ ᓴᓇᑐᐃᓪᓖᖔᑐᐃᓐᓇᓚᖓᒐᓗᐊᕈᑎᒃ, ᓈᒻᒪᓈᕐᓯᒪᔪᖃᖕᖏᑐᐊᕐᐸᑦ ᑕᒪᑐᒥᖓ ᐊᑑᑎᔭᐅᔪᒥᒃ ᖃᐅᔨᒍᓐᓇᓯᐊᖁᓪᓗᑕ, ᐱᑕ ᒪᑫ ᐅᖃᐅᓯᕆᔭᕕᓂᕐᒥᓂᒃ, ᓈᒻᒪᓈᖕᖏᑐᕕᓂᐅᓂᕋᕐᓱᒍ.” ᑌᒫᒃ ᓵᓕ ᒍᐊᑦ ᐅᖃᐅᓯᖃᓚᐅᕐᑐᖅ ᑕᒪᒃᑯᓂᖓ. “ᑕᒪᒃᑯᐊᕌᓗᐃᑦ ᓄᓇᖃᕐᖄᓯᒪᔪᓂᒃ ᑐᑭᓯᒪᑦᔭᒐᑎᒃ ᓇᕐᕈᓂᐊᓗᒋᖃᑦᑕᓯᒪᔭᖏᑦ ᑲᓇᑕᐅᑉ ᑲᕙᒪᒃᑯᖏᑦᑕ ᑐᑭᓯᒪᖕᖏᓂᑯᒥᓄᑦ ᓇᕐᕈᓕᕐᑕᐅᓯᒪᓂᖏᓐᓂᒃ ᑲᓇᑕᒥᐅᓄᑦ ᓄᐃᑕᑎᑦᓯᖃᑦᑕᓯᒪᓪᓚᕆᑦᑐᑦ, ᐊᒻᒪᓗ ᓇᕐᕈᒋᔭᐅᓕᕐᑎᓯᒪᓪᓚᕆᑦᓱᑎᒃ ᓄᓇᖃᕐᖄᓯᒪᔪᓂᒃ ᑐᑭᓯᒪᒐᓱᐊᖕᖏᓂᑯᒥᓄᑦ, ᐊᒻᒪᓗ ᐋᕐᕿᒍᓐᓇᖏᐅᒪᐅᑎᓯᒪᑦᓱᑎᒃ ᑲᓇᑕᒥᒍᓂᕋᕐᑐᐃᑦ ᓇᕐᕈᓕᕐᑎᑕᐅᓯᒪᓂᖏᓐᓄᑦ ᓄᓇᖃᕐᒫᓯᒪᔪᓂᒃ.”
ᓵᓕ ᒍᐊᑦ ᓯᕗᓪᓕᐹᑦᓯᐊᒍᑦᓱᓂ ᒪᑭᕝᕕᑯᓐᓄᑦ ᐊᖓᔪᕐᖄᕆᔭᐅᓯᓚᐅᕐᓯᒪᔪᖅ ᒪᑭᕝᕕᑯᑦ ᓄᐃᑕᐅᒋᐊᖕᖓᑎᓪᓗᒋᑦ 1978-ᒥ, ᐱᔭᕐᓃᑐᒻᒪᕆᐊᓗᒃᑯᑦ ᐊᖏᖃᑎᒌᒐᓱᐊᖃᑎᖃᕐᑐᕕᓂᐅᑦᓱᑎᒃ ᔦᒥᔅ ᐯᒥ ᑯᐯᒃᓗ ᑕᕐᕋᖓᓂ ᐊᖏᖃᑎᒌᓐᓂᐅᓚᐅᕐᓯᒪᔪᒥᒃ 1975-ᒥ. ᓵᓕ ᒍᐊᑦ ᐊᖓᔪᕐᖄᕆᔭᐅᓚᐅᕐᓯᒪᔪᖅ ᑯᐯᒃ ᑕᕐᕋᖓᓂ ᐃᓄᐃᑦ ᑲᑐᑦᔨᖃᑎᒌᓐᓂᖓᓄᑦ (NQIA-ᖑᓂᕋᕐᑕᐅᓚᐅᕐᓯᒪᔪᒧᑦ) ᑭᖑᓂᖓᒍᓪᓗ ᒪᑭᕝᕕᒥᒃ ᐊᑦᓯᕋᕐᑕᐅᓯᓚᐅᕐᓯᒪᑦᓱᓂ ᐊᖏᖃᑎᒌᒍᑎᒃ ᐊᑎᓕᐅᖃᑎᒌᒍᑕᐅᔪᕕᓂᐅᑎᓪᓗᒍ. ᑲᕙᒪᑐᖃᒃᑯᓂ ᐱᖁᔭᓕᐅᕐᑎᐅᖃᑕᐅᓕᓚᐅᔪᒻᒥᔪᖅ ᓯᐊᓂᑕᓄᑦ ᐊᕐᕌᒍᓂ 34-ᓂ, ᖃᐅᔨᒪᓂᖃᑦᓯᐊᑐᖅ ᐊᒻᒪᓗ ᓄᓇᖃᕐᖄᓯᒪᔪᐃᑦ ᐱᒍᓐᓇᐅᑎᒋᔭᖏᓐᓂᒃ ᖃᓄᖅ ᐱᕙᓪᓕᐊᔭᐅᓯᒪᒻᒪᖔᑕ ᑲᓇᑕᒥ ᖃᐅᔨᒪᓂᐊᕐᓯᐊᓱᓂ.
-30-
ᐅᖄᓚᕕᐅᒍᓐᓇᑐᖅ ᐊᓪᓚᕕᒋᓗᒍᓘᓐᓃᑦ:
ᒍᐃᓕᐊᒻ ᑕᒍᓐᓈᖅ
ᑲᕙᒪᓕᕆᓂᕐᓅᓕᖓᔪᓂᒃ ᐊᔪᕿᒋᐊᕐᑎ
ᐊᖓᔪᕐᖄᑉ ᐊᓪᓚᕕᖓᓂ
ᒪᑭᕝᕕᐅᑉ ᑯᐊᐳᕇᓴᖓᓂ
ᐅᖄᓚᐅᑎᖓ: 819-964-2925
ᖃᕆᑕᐅᔭᑎᒍᑦ ᑐᕌᒍᑎᖓ: wtagoona@makivik.org
www.makivik.org
ᒪᑭᕝᕕᒃ ᐃᓄᓐᓄᑦ ᓄᓇᑖᕈᑎᐅᑦᓱᓂᒃ ᑎᒥᖕᖑᑎᑕᐅᓯᒪᕗᖅ ᑎᓕᔭᐅᒪᐅᑎᑖᓚᐊᕐᓯᒪᑦᓱᓂᓗ ᑲᒪᔨᐅᓂᐊᕐᓗᓂ ᐃᓄᐃᑦ ᓄᓇᕕᒻᒥᐅᑦ ᑮᓇᐅᔭᕐᑖᕆᔭᕕᓂᖏᓐᓂᒃ ᔦᒥᔅ ᐯᒥ ᑯᐯᒃᓗ ᑕᕐᕋᖓᓂ ᐊᖏᖃᑎᒌᓂᐅᓯᒪᔪᕐᑎᒍᑦ. ᒪᑭᕝᕕᒃ ᐊᐅᓚᑦᓯᓂᖃᓲᒍᒻᒥᔪᖅ ᑮᓇᐅᔭᓕᐅᕋᓱᐊᒍᑎᖃᕐᓱᓂᓪᓗ ᑖᒃᑯᓂᖓ ᑮᓇᐅᔭᕐᑖᕆᔭᐅᓚᐅᕐᑐᕕᓃᑦ ᐱᕈᕐᑎᒐᓱᐊᕐᓱᒋᑦ ᐊᒻᒪᓗ ᐱᕙᓪᓕᐊᑎᑦᓯᒐᓱᐊᒍᑎᒋᑦᓱᒋᑦ ᐃᓄᐃᑦ ᓇᒻᒥᓂᖅ ᐊᐅᓚᑦᓱᓂᖏᑦ ᑮᓇᐅᔭᓕᐅᒐᓱᐊᕐᕈᑎᖏᓐᓂᒃ ᓄᓇᕕᒻᒥ. ᒪᑭᕝᕕᒃ ᖁᕝᕙᑎᑦᓯᒐᓱᐊᕐᓂᖃᓲᒍᒻᒥᔪᖅ ᐃᓄᐃᑦ ᐱᐅᓯᑐᖃᖏᓐᓂᒃ ᐅᖃᐅᓯᖏᓐᓂᓗ ᐊᒻᒪᓗ ᐃᓄᐃᑦ ᖃᓄᐃᖕᖏᓯᐊᕐᓗᑎᒃ ᐃᓗᓯᕐᓱᓯᐊᒐᓱᐊᕈᑎᑦᓴᖏᓐᓂᒃ, ᐊᔪᕐᓴᕈᓐᓀᖁᓪᓗᒋᑦ, ᐊᒻᒪᓗ ᐃᓕᓴᕐᓂᓕᕆᓂᕐᓂᒃ ᐃᓄᐃᑦ ᓄᓇᓕᖏᓐᓂ.