ᑐᓴᕋᑦᓴᓂᐅᑎᑎᒍᑦ ᑐᓴᕐᑕᐅᑎᑦᓯᒍᑏᑦ
ᒫᑦᔨ/ᒫᑦᓯ 22, 2020 – ᑰᒃᔪᐊᖅ, ᓄᓇᕕᒃ – ᒪᑭᕝᕕᒃ ᐱᓂᐊᕐᓂᖃᕐᓯᒪᓕᕐᖁᖅ ᑲᔪᓯᑎᑦᓯᒍᑎᖃᕐᓂᐊᓱᓂ ᐱᖓᓲᓕᖓᔪᓂᒃ-ᐊᐱᕐᓱᕈᑎᓂᒃ ᐃᓕᖓᑦᓱᑎᒃ ᖃᐅᔨᓴᕐᑕᖃᖃᑦᑕᓂᕐᒧᑦ ᒪᓐᑐᔨᐊᑉ ᒥᕝᕕᐊᓗᖓᓂ ᑐᕈᑑ ᓯᓚᕐᔪᐊᒥᐅᓅᓕᖓᑦᓱᓂ ᒥᕝᕕᒥᒃ ᑐᐊᕐᕚᓪᒦᑦᑐᒥᒃ ᐃᓕᖓᓚᖓᑎᓪᓗᒍ ᐃᑭᒪᖃᑦᑕᓚᖓᔪᓄᑦ ᐊᐅᓚᓂᖃᕐᓗᑎᒃ ᓄᓇᕕᒻᒧᑦ ᐃᓄᐃᑦᑯᑎᒍᓪᓗᓃᑦ ᑲᓀᑎᐋᓐ ᓄᐊᑦᑯᑎᒍᓪᓘᓃᑦ, ᑖᒃᑯᐊ ᖃᖓᑦᑕᔫᓕᕆᒍᑎᐅᔫᒃ ᑕᒪᕐᒥᒃ ᓇᒻᒥᓂᕆᔭᐅᔫᒃ ᒪᑭᕝᕕᒧᑦ.
ᒪᑭᕝᕕᐅᑉ ᐊᖓᔪᕐᖄᒪᕆᖓ ᓵᓕ ᒍᐊᑦ ᐅᖃᓚᐅᕐᖁᖅ, “ᓄᐃᑦᓯᒍᑎᖃᕐᓯᒪᓕᕐᖁᒍᑦ ᖃᓄᐃᓘᕈᑎᑦᓴᓂᒃ ᐱᓇᓱᖃᑎᒋᑦᓱᒋᑦ ᓄᓇᕕᒻᒥ ᐃᓗᓯᓕᕆᓂᕐᓄᓗ ᐃᓄᓕᕆᓂᕐᓄᓗ ᐱᑦᔪᔨᕕᒃᑯᑦ. ᖃᐅᔨᒪᕗᒍᑦ ᓄᓇᕕᒻᒥᐅᓂᒃ ᑲᓇᑕᐅᑉ ᓯᓚᑖᓄᑦ ᐊᐅᓪᓚᓯᒪᓚᐅᔪᔪᓂᒃ ᖃᐅᔨᒪᑦᓱᒋᓪᓗ ᓄᓇᖁᑎᑦᑎᓄᑦ ᐅᑎᓛᕐᑎᓗᒋᑦ. ᑕᒐᑕᒐ ᐊᕗᖓᐅᓕᒋᐊᒃᑲᓂᕈᑎᒋᓗᑎᒋᑦ ᐱᔪᖃᕐᑎᓯᑦᑌᓕᓂᖃᕈᒪᑦᓱᑕ ᓄᕙᓐᓇᕐᔪᐊᒥᒃ ᑎᑭᐅᑦᔭᐅᑎᑦᓯᑌᓕᒍᒪᓪᓗᑕ ᓄᓇᕕᐅᑉ ᓄᓇᖏᓐᓄᑦᒃ, ᐃᓘᓐᓇᖏᓐᓂᓗ ᑕᒪᑐᒥᖓ ᓲᓱᑦᓴᓯᐊᕐᓂᒥᒃ ᐱᓂᐊᕐᓂᖃᕐᓱᑎᒃ ᐱᐅᓯᖃᖃᑦᑕᑐᓂᒃ ᓈᓚᑦᓯᐊᓱᑎᓪᓗ ᐱᐅᓯᖃᖃᑦᑕᑐᓂᒃ. ᑲᔪᓯᒍᑎᒋᓗᒋᓪᓗ ᑲᒪᓇᓱᑦᑕᖃᖏᓐᓇᓚᖓᕗᒍᑦ ᖃᓄᐃᓘᕈᑎᐅᓕᕐᑐᓂᒃ ᐊᒻᒪᓗ ᐱᒋᐊᓪᓚᓂᕐᓴᓂᒃ ᐱᐅᓯᖃᕆᐊᖃᕐᑐᕆᒍᑦᑕ ᐱᐅᓯᖃᕐᓗᑕ ᐱᓂᐊᕐᓂᖃᓚᖓᕗᒍᑦ.”
ᐱᓇᓱᖃᑎᒋᑦᓱᒋᑦ ᓄᓇᕕᒻᒥ ᐃᓗᓯᓕᕆᓂᕐᓄᓗ ᐃᓄᓕᕆᓂᕐᓄᓗ ᐱᑦᔪᔨᕕᒃᑯᑦ, ᒪᑭᕝᕕᐅᑉᓗ ᑭᒃᒐᑐᕐᑎᖓ, ᓄᓇᕕᒻᒥ ᐃᓗᓯᓕᕆᓂᕐᓄᓗ ᐃᓄᓕᕆᓂᕐᓄᓗ ᐱᑦᔪᔨᕕᐅᑉ ᐋᓐᓂᐊᓯᐅᕐᑎᐊᖓᓗ ᐊᒻᒪᓗ ᐃᓄᑐᐃᓐᓇᖅ ᐃᓄᒃᑎᑐᑦ ᑐᓵᓕ ᐊᑐᐃᓐᓇᐅᖃᑦᑕᓚᖓᕗᑦ ᒥᕝᕕᒥ ᐊᐅᓪᓚᕆᐊᕐᑐᑐᓂᒃ ᐸᕐᕆᐊᓯᒪᖃᑦᑕᓚᖓᑦᓱᑎᒃ ᖃᖓᑦᑕᔫᓄᑦ ᐃᑭᒋᐊᕐᑐᕕᒻᒧᑦ ᑎᑭᐅᑎᓚᐅᖕᖏᓂᖏᓐᓂ ᑕᒪᖏᓐᓄᑦ ᖃᖓᑦᑕᔫᖃᕐᑎᓯᒍᑎᐅᕙᑦᑑᓄᑦ. ᐊᐅᓪᓚᓚᖓᔪᓂᒃ ᑲᒪᓇᓱᑦᓱᒋᑦ ᕿᒥᕐᕈᔭᖃᖃᑦᑕᓂᖅ ᑲᔪᓯᑎᑕᐅᓂᖃᕆᐊᓯᓚᐅᔪᕗᖅ
ᒫᑦᓯ/ᒫᑦᔨ 21, 2020-ᖑᑎᓪᓗᒍ
ᖃᖓᑦᑕᔫᑎᒍᑦ/ᑎᒻᒥᔫᑎᒍᑦ ᐊᐅᓪᓚᑎᕆᐊᕐᑐᑐᑦ ᐱᖓᓱᓂᒃ ᐊᐱᕆᐅᑎᓂᒃ ᐅᑯᓂᖓ ᐊᐱᕆᔭᐅᒍᑎᖃᖃᑦᑕᐳᑦ:
- ᐅᓪᓗᓃ 14-ᓂ ᐊᓂᒍᕐᑐᓂ ᐊᐅᓪᓚᓯᒪᓂᓚᐅᕋᑕᕐᕿᑦ ᑲᓇᑕᐅᑉ ᓯᓚᑖᓂᑦᑐᒧᑦ ᓄᓇᓕᕐᓚᒧᑦ?
- ᐅᓪᓗᓂ 14-ᓂ ᐊᓂᒍᕐᑐᓂ ᑲᑎᖕᖓᓯᓚᐅᕋᑕᕐᕿᑦ ᑭᓇᑐᐃᓐᓇᒥᒃ ᖃᐅᔨᒪᔭᐅᔪᒥᒃ ᓄᕙᓐᓇᕐᔪᐊᒥᒃ -19-ᒥᒃ ᖃᓂᒻᒪᓯᕐᒥᒃ ᑎᒥᖕᒥᓃᔨᐊᖃᓕᕐᑐᒥᒃ?
- ᐃᑉᐱᒋᔭᖃᓚᐅᕋᑕᕐᖀᑦ ᓄᕙᓐᓇᕐᔪᐊᒥᒃ-19-ᒥᒃ ᐃᑉᐱᓂᐊᕈᑎᓂᒃ (ᐆᓇᕿᓂᖅ, ᖁᐃᕐᑐᖃᑦᑕᓂᖅ ᐊᓂᕐᓂᑭᒃᑑᓂᕐᒥᓗ) ᑕᒪᒃᑯᓂᖓᓗ ᐃᑉᐱᒋᔭᖃᓚᐅᕐᓱᑎᒃ ᑫᕙᓪᓚᒍᓯᓂ 24-ᓂ ᐊᓂᒍᕐᑐᓂ?
ᖃᖓᑦᑕᔫᒃᑯᑦ ᐃᑭᒪᕕᑦᓴᓕᐅᕐᓯᒪᔪᑦ ᓇᓪᓕᑐᐃᓐᓇᖏᑦ ᐊᐱᕆᒍᑏᓐᓂᒃ ᒪᕐᕉᓂᒃ ᓯᕗᓪᓕᐹᓐᓂᒃ ᐊᖏᕐᓱᑎᒃ ᑭᐅᓯᒪᔪᑦ ᐊᖏᕐᑕᐅᖃᑦᑕᓚᖓᖕᖏᓚᑦ ᑎᒻᒥᔫᒧᑦ/ᖃᖓᑦᑕᔫᒧᑦ ᐃᑭᒍᑎᑦᓴᓕᐅᕐᕕᒥ ᐃᑲᔪᕐᑕᐅᖃᑦᑕᓚᖓᕗᓪᓗ ᓄᓇᕕᒻᒥ ᐃᓗᓯᓕᕆᓂᕐᓄᓗ ᐃᓄᓕᕆᓂᕐᓄᓗ ᐱᑦᔪᔨᕕᐅᑉ ᐱᓇᓱᑦᑎᖓᓄᑦ ᒥᕝᕕᒦᖃᑕᐅᔪᒧᑦ. ᐃᑭᒪᕕᑦᓴᓕᐅᕐᓯᒪᔪᑦ ᐊᖏᕐᑐᕕᓃᑦ ᐊᐱᕆᒍᑎᒥᒃ ᐱᖓᓱᒦᑦᑐᕕᓃᑦ ᐃᑭᒍᑎᑦᓴᓕᐅᕐᑕᐅᖃᑦᑕᓚᖓᖕᖏᓚᑦ ᓄᓇᕕᖕᒧᓗ ᐊᐅᓚᒍᓐᓇᑎᑕᐅᓂᐊᕋᑎᒃ ᓄᕙᓐᓇᕐᔪᐊᖃᕐᓂᒥᒃ ᑕᑯᑦᓴᐅᒍᑎᖏᑦ ᐱᑌᕈᖕᖏᓂᓕᒫᖏᓐᓂ.
ᒪᑭᕝᕕᒥᒃ ᑭᒡᒐᑐᕐᑎ ᒥᕝᕕᒦᖃᑦᑕᓚᖓᕗᖅ ᐊᐅᓪᓚᕋᓱᑦᑐᑦ ᒥᕝᕕᑰᓕᕐᐸᑕ ᒥᕝᕕᒦᖃᑦᑕᓚᖓᕗᕐᓗ ᐃᑲᔪᕆᐊᕐᓯᒪᓗᓂ ᐃᑭᒪᓚᖓᔪᕕᓂᕐᓂᒃ ᑐᔪᕐᒥᐅᕕᑦᓴᓕᐅᓕᕐᐸᑕ ᐅᓪᓗᓂ 14-ᓂ ᐃᓄᓐᓃᑌᓕᒋᐊᖃᓕᕐᓗᓂ ᑕᒪᑐᒥᖓᓗ ᐱᓂᐊᕐᓂᖃᕐᓗᓂ ᑐᔪᕐᒥᐅᕕᒻᒨᕆᓗᓂ ᒥᕝᕕᒧᑦ ᐅᖓᓯᑦᑑᖏᑦᑐᒧ. ᒪᑭᕝᕕᒃ ᐊᑭᓕᕐᑐᐊᖃᕐᓂᐊᑎᓪᓗᒍ ᑐᔪᕐᒥᐅᕕᒻᒥᒃ ᐃᓄᑐᐃᓐᓇᓂᓪᓗ ᐱᕙᓪᓕᖁᑎᑖᕐᑕᑐᓂᒃ ᑮᓇᐅᔭᖃᕐᑎᓯᓗᓂ ᓂᕆᒍᑎᑦᓴᖏᓐᓂᒃ ᑭᖑᓂᖓᒍᑦ ᒪᑭᕝᕕᒃ ᐅᑎᕐᑎᓯᕕᐅᒐᓱᒍᑎᖃᓛᕐᓗᓂ ᑕᒪᖏᓐᓂᑦ ᑲᕙᒫᓐᓂᑦ ᑯᐯᒃ ᑲᕙᒪᖓᓂᓪᓗ ᐊᒻᒪᓗ ᑲᕙᒪᑐᖃᒃᑯᓂᑦ ᑮᓇᐅᔭᕐᑐᕈᑎᖃᕈᑎᕕᓂᕐᒥᓄᑦ.
ᐊᒻᒪᓗᒋᐊᓪᓚᒃ ᓱᓕ. ᓄᓇᓖᑦ ᐊᑯᕐᖓᖏᓐᓂ ᐃᓐᓂᐊᑲᑦᑕᐅᑎᓃᑦ ᒫᓐᓇᐅᓂᖓᓂ ᓄᕐᖃᖓᖁᔭᐅᒋᕗᑦ ᑕᒪᓐᓇᓗ ᑌᒣᓕᖓᓚᕿᒻᒥᓱᓂ ᓄᕙᖕᓇᕐᔪᐊᖅ-19 ᐱᑦᔪᑎᒋᑦᓱᒍ. ᑕᒪᑐᒧᖓ ᐃᓚᐅᖕᖏᑐᑦ ᐅᓯᑲᑦᑕᐅᔨᒍᑎᐅᕙᑦᑐᑦ ᐃᓕᖓᑦᓱᑎᒃ ᐋᓐᓂᐊᓄᓪᓗ ᐅᓯᑦᓴᖁᑎᐅᔪᓄᓪᓗ ᐊᒻᒪᓗ ᐃᓄᖕᓄᑦ ᐊᓂᕐᕋᒥᓐᓄᑦ ᐅᑎᕆᐊᓕᓐᓄᑦ.
-30-
ᑐᑭᓯᒋᐊᒃᑲᓂᕐᕕᓴᖅ:
ᑳᓴᓐ ᑕᒍᕐᓈᖅ
ᑐᓴᖃᑦᑕᐅᑎᒍᑎᓕᕆᕕᒻᒥ ᑐᑭᒧᐊᑦᑎᓯᔨ
ᒪᑭᕝᕕᒥ
ctagoona@makivik.org
www.makivik.org
ᒪᑭᕝᕕᒃ ᓄᓇᓂᒃ ᐃᓐᓄᐃᓯᒪᓇᓱᒍᑎᓄᑦ ᐱᓇᓱᕝᕕᖁᑎᐅᕗᖅ ᑎᓕᔭᐅᒪᒍᑎᖃᕐᓱᓂ ᑲᒪᔨᐅᓂᐊᕐᓂᒥᓂᒃ ᕿᒻᒪᖁᓯᐅᑎᐅᑦᓱᑎᒃ ᑮᓇᐅᔭᖁᑎᑖᕆᓯᒪᔭᖏᓐᓂᒃ ᓄᓇᕕᐅᑉ ᐃᓄᑐᐃᓐᓇᖏᑕ ᐱᑕᖃᕐᑎᑕᐅᒍᑎᖃᕐᓱᑎᒃ ᔦᒥᓯ ᐯ ᐊᒻᒪᓗ ᑯᐯᒃ ᑕᕐᕋᖓᑕ ᐊᖏᖃᑎᒌᒍᑎᖏᓐᓂᑦ. ᒪᑭᕝᕕᐅᑉ ᐱᔭᑦᓴᖁᑎᖏᑦ ᐃᓚᖃᕐᐳᑦ ᐊᐅᓚᑦᓯᔨᐅᓂᕐᒥᒃ ᑮᓇᐅᔭᓕᐅᕋᓱᒍᑎᖃᕐᓂᒥᓪᓗ ᑖᒃᑯᓂᖓ ᑮᓇᐅᔭᓂᒃ ᖁᕝᕙᑎᕆᔨᐅᑦᓱᓂᓗ ᑮᓇᐅᔭᑎᒍᑦ ᒪᑭᑕᒐᓱᒍᑎᓂᒃ ᐱᑕᖃᕐᑎᓯᔨᒋᔭᐅᑦᓱᓂ ᐃᑲᔪᕐᓯᒪᔨᐅᓂᕐᒥᒍᑦ ᓴᕐᕿᑎᑕᐅᓇᓱᓕᕐᒪᑕ ᐃᓄᑐᐃᓐᓇᓄᑦ ᐃᖏᕐᕋᑎᑕᐅᓚᖓᑦᓱᑎᒃ ᐱᓇᓱᒐᖁᑕᐅᔪᓂᒃ ᓄᓇᕕᖕᒥ. ᒪᑭᕝᕕᒃ ᖁᕝᕙᑎᕆᔨᐅᕗᖅ ᐊᓯᐅᑎᑦᓯᑌᓕᓂᕐᓄᑦ ᐃᓄᐃᑦ ᐃᓗᕐᖁᓯᖓᓐᓂᒃ ᐅᖃᐅᓯᖓᓐᓂᓗ ᐃᓚᐅᒻᒥᑎᓪᓗᒋᑦ ᐃᓗᓯᓕᕆᔭᐅᓂᑦᓴᖏᓪᓗ, ᐊᑦᓱᐃᓂᑦᓴᖏᓪᓗ, ᐊᔪᕐᓴᕈᓐᓀᓂᑦᓴᖏᓪᓗ, ᐊᒻᒪᓗ ᐃᓕᓐᓂᐊᑎᑕᐅᒋᐊᖃᕐᓂᖏᓐᓂᒃ ᐃᓄᑐᐃᓐᓀᑦ ᓄᓇᓕᒻᒥᓂ.