Job Description:

ᐃᑉᐱᒋᔨᖃᕐᓗᓂ ᐊᐅᓚᑦᓯᔨᒥᒃ, ᐊᓪᓚᑎᒻᒪᕆᐅᑉ ᐊᓪᓚᕕᖓᓂ.

Responsibilities:

• ᐅᖃᐅᓯᐅᑉ ᐁᑉᐱᐅᑎᖓᓅᔦᔨᐅᓗᓂ, ᕿᒥᕐᕈᔨᐅᓗᓂ ᐱᔭᕇᑦᓯᐊᖃᑦᑕᓗᓂᓗ ᐊᓪᓚᖁᑎᓂᒃ ᖃᓪᓗᓈᑎᑑᕐᑐᓂᒃ ᐃᓄᒃᑎᑑᓕᕐᑎᕆᖃᑦᑕᓗᓂ ᐃᓄᒃᑎᑑᕐᑐᓂᓪᓗ ᖃᓪᓗᓈᕐᑎᑑᓕᕐᑎᕆᖃᑦᑕᓗᓂ ᒪᑭᕝᕕᐅᑉ ᑐᑭᒧᐊᒍᑎᑦᓴᓕᐊᕆᓯᒪᔭᖏᑎᒍᑦ;
• ᐅᖃᐅᓯᕐᓂᒃ ᐅᖃᕐᑕᐅᓯᐊᕈᓐᓇᑐᓕᐅᖃᑦᑕᓗᓂ, ᒪᑉᐱᑐᒐᖃᕐᑎᓯᐊᕐᓗᒋᑦ, ᐃᓂᓪᓚᖓᑦᓯᐊᑐᓕᐊᕆᓗᒋᑦ ᐅᖃᐅᓯᐅᑉ ᐁᑉᐱᐅᑎᖓᓅᔭᕐᓯᒪᔪᑦ, ᒪᓕᑦᓯᐊᓗᓂ ᒪᑭᕝᕕᐅᑉ ᒪᓕᒐᖏᓐᓂᒃ ᐃᓂᓪᓓᓯᒪᑦᓯᐊᕆᐊᖃᕐᓂᒧᑦ/ᐊᑐᐊᕋᑦᓴᓯᐊᒍᒋᐊᖃᕐᓂᖏᓐᓄᓗ;
• ᑕᒻᒪᓯᒪᔪᕐᓯᐅᖃᑦᑕᓗᓂ ᐅᖃᐅᓯᐅᑉ ᐁᑉᐱᐅᑎᖓᓅᔭᕐᑕᐅᓯᒪᔪᓂᒃ ᐱᔭᕇᑦᓯᐊᖃᑦᑕᓗᓂᓗ;
• ᐊᓯᒥᓄᑦ ᐅᖃᐅᓯᐅᑉ ᐁᑉᐱᐅᑎᖓᓅᔭᕐᑕᐅᓯᒪᔪᓂᒃ ᕿᒥᕐᕈᓯᐊᖃᑦᑕᓗᓂ;
• ᐃᑲᔪᖃᑦᑕᓗᓂ ᐊᓪᓚᕕᒻᒥ ᐊᐅᓚᑦᓯᔨᖓᓄᑦ ᒪᑭᕝᕕᐅᑉ ᐊᐅᓚᑕᐅᒋᐊᖃᕐᓂᖏᓐᓄᑦ ᓯᓚᑖᓃᑦᑐᓄᑦ ᐊᓪᓚᕕᐅᑉ ᐅᖃᐅᓯᐅᑉ ᐁᑉᐱᐅᑎᖓᓅᔭᕐᑕᐅᒋᐊᓖᑦ;
• ᑲᑎᒪᔪᓃᖃᑦᑕᓗᓂ ᑲᑎᒪᔩᑦ ᑲᑎᒪᓂᖏᓐᓂ ᐊᕐᕌᒍᑕᒫᕐᓯᐅᑎᒥᓪᓗ ᑲᑎᒪᓂᒻᒪᕆᒻᒥ ᐅᖃᐅᓯᐅᑉ ᐁᑉᐱᐅᑎᖓᓅᔭᕐᑕᐅᔪᖃᕆᐊᖃᕐᐸᑦ ᑲᒪᖃᑦᑕᓗᓂ ᕿᓄᒍᑕᐅᔪᓂᒃ ᐊᐅᓚᑦᓯᔨᖓᓄᑦ ᐊᓪᓚᑎᒻᒪᕆᐅᑉ;
• ᐊᐅᓚᑦᓯᔨᖓᑕ ᐊᓪᓚᑎᒻᒪᕆᐅᑉ ᕿᓄᒍᑎᖏᓐᓂᒃ ᐊᓯᖏᓐᓂᒃ ᐱᓇᓱᐊᖃᑦᑕᓗᓂ.

Qualifications:

• ᐳᕐᑐᓂᕐᓴᒥᒃ ᐱᔭᕇᕈᑎᑖᕐᓯᒪᓗᓂ. ᐱᐅᔫᒐᔭᕐᑐᖅ ᐃᓕᓴᕆᐊᓪᓛᓯᒪᒍᓂ;
• ᐅᖃᐅᓯᐅᑉ ᐁᑉᐱᐅᑎᖓᓅᔦᔨᐅᓯᒪᓗᓂ ᐊᕐᕌᒍᓂ ᑕᓪᓕᒪᓂ;

• ᐃᓄᒃᑎᑑᕈᓐᓇᓯᐊᕐᓗᓂ ᖃᓪᓗᓈᑎᑑᕈᓐᓇᓯᐊᕐᓗᓂᓗ ᐊᓪᓚᒍᓐᓇᓗᒋᓪᓗ;
• ᐱᓇᓱᖃᑎᒋᔭᐅᑦᓯᐊᕈᓐᓇᓗᓂ, ᑐᑭᑖᕋᓱᐊᕐᓯᑎᐅᓗᓂ ᐱᓇᓱᑦᓯᐊᕈᓐᓇᓗᓂᓗ;

• ᖃᐅᔨᒪᑦᓯᐊᓗᓂ ᓄᓇᕕᒻᒥᒃ ᐃᓄᐃᓪᓗ ᐃᓕᕐᖁᓯᖓᓂᒃ;

• ᐃᓄᒃᑎᑐᑦ ᖃᓪᓗᓈᑎᑐᓪᓗ ᐅᖃᐅᓯᐅᑉ ᐁᑉᐱᐅᑎᖓᓅᔦᒍᓐᓇᓯᐊᕐᓗᓂ, ᑕᒻᒪᓯᒪᔪᕐᓯᐅᕈᓐᓇᓯᐊᓗᓂᓗ, ᐊᓪᓚᒍᓐᓇᓯᐊᕐᓗᒋᓪᓗ ᐅᖄᒍᓐᓇᓯᐊᕐᓗᒋᓪᓗ;
• ᐃᓄᒃᑎᑑᕐᑐᓂᒃ ᓇᕿᑦᑕᕈᓐᓇᓗᓂ 30-ᓂᒃ ᐅᖃᐅᓯᕐᓂᒃ 1 ᒥᓂᑦᑕᒫᑦ;
• ᓇᒧᑐᐃᓐᓇᖅ ᐅᖄᒍᑕᐅᒋᐊᖃᖕᖏᑐᓂᒃ ᑐᓴᐅᒪᔭᐅᑎᑦᓯᑌᓕᒍᓐᓇᓗᓂ;
• ᐊᑦᔨᒌᖕᖏᑐᓂᒃ ᐱᓇᓱᐊᕈᓐᓇᓗᓂ ᐱᔭᕇᑦᓴᐅᑎᒋᒋᐊᓕᓐᓂᓗ ᐱᔭᕇᕐᑕᐅᕕᑦᓴᓕᐅᕐᑕᐅᓯᒪᔪᓂᒃ ᑌᑲᓂ ᐅᓪᓗᒥ ᐱᓇᓱᐊᕈᓐᓇᓗᓂ ᓯᕗᓪᓕᐅᔭᐅᒋᐊᓕᓐᓂᒃ ᓯᕗᓪᓕᐅᔨᖃᑦᑕᓗᓂ;
• ᖃᕆᑕᐅᔭᓕᕆᐅᑎᒥᒃ Microsoft Office ᐊᑐᕈᓐᓇᓗᓂ;
• ᐊᓯᖏᓐᓂᒃ ᐱᓇᓱᖃᑎᒥᓂᒃ ᑐᓴᐅᒪᖃᑎᖃᕈᓐᓇᓗᓂ;
• ᐊᕐᕕᑕᖃᑦᑕᕈᓐᓇᓗᓂ ᑲᑎᒪᒋᐊᕐᑐᖃᓕᕐᐸᑦ;

• ᐱᓇᓱᑦᑎᓯᐊᒍᓗᓂ ᐃᒻᒥᓂᕿᒍᓐᓇᓯᐊᕐᓗᓂᓗ.

Benefits:

ᐃᓱᕐᕉᑎᑦᓴᑖᕐᑕᓗᓂ ᒪᑭᕝᕕᐅᑉ ᐱᓇᓱᑦᑎᖏᑦᑕ ᐃᓱᕐᕉᑎᑦᓴᑖᕐᑕᕈᑎᖏᓐᓂᒃ ᒪᑭᕝᕕᐅᑉ ᐱᓇᓱᑦᑐᓕᕆᓂᕐᒧᑦ ᒪᓕᒐᖓ ᒪᓕᓪᓗᒍ.