Job Description:

ᐅᕙᒍᑦ ᐃᒣᑦᑐᕗᒍᑦ: ᒪᑭᕝᕕᐅᑉ ᐃᕐᖃᑐᐃᕕᓕᕆᓂᕐᓄᑦ ᐱᑦᔪᔨᕕᖓ ᐃᑲᔪᕐᓯᒪᓱᖑᕗᖅ ᐊᐅᓚᑕᐅᒍᑎᖏᑎᒍᑦ ᐃᕐᖃᑐᐃᕕᓕᕆᓃᑦ ᐊᑐᕐᓱᑎᒃ ᐃᓗᕐᖁᓯᕐᒧᑦ ᓈᒻᒪᓈᕐᑎᓯᒪᔪᓂᒃ ᐱᓇᓱᒍᑎᓂᒃ, ᑐᕌᒐᖃᕐᓱᑎᒃ ᓯᕗᓪᓕᐅᔨᓂᕐᒥᒃ ᒪᒥᓴᕐᑕᐅᓂᖏᓐᓂᒃ ᐃᓄᑐᓈᕐᑎᔪᑦ, ᐊᓂᕐᕋᖃᑎᒌᑦᑐᑦ ᐃᓚᒌᑦ, ᐊᒻᒪᓗ ᓄᓇᓕᖏᑦ, ᐊᑕᐅᑦᓯᑯᑦ ᑲᒪᒋᔭᖃᕐᒥᓱᑎᒃ ᐱᓂᕐᓗᑲᑕᒍᑎᐅᕙᑦᑐᓂᒃ. ᐃᕐᖃᑐᐃᕕᑎᒎᕐᑐᑦ ᐱᓇᓱᑦᑕᐅᓂᖏᓐᓂᒃ ᐱᓇᓱᑦᑏᑦ, ᓄᓇᓕᓐᓂᓗ ᐃᕐᖃᑐᐃᕕᓕᕆᓂᕐᓄᑦ ᑲᑎᖕᖓᔨᐊᐲᑦ, ᑎᒍᔭᐅᒪᔪᓕᕆᓂᕐᓄᑦ ᑐᑦᑕᕕᐅᓂᕐᒥᒃ ᐱᓇᓱᒐᓖᑦ ᐊᒻᒪᓗ ᐃᓅᓯᕐᒥ ᐊᑑᑎᓯᒪᔭᖏᓐᓂᒃ ᐊᓪᓚᓯᒪᔪᖕᖑᐃᔩᑦ ᑖᒃᑯᓱᑎᒃ ᑐᕃᓐᓇᑐᓂᒃ ᓄᓇᕕᒻᒥᐅᓄᑦ ᐱᒍᑦᔨᒍᑎᑦᓴᓂᒃ ᐊᑐᐃᓐᓇᖃᕐᑎᓯᓲᑦ ᓇᓪᓕᑐᐃᓐᓇᖏᒍᑦ ᐃᕐᖃᑐᐃᕕᓕᕆᓂᒃᑯᑦ ᐊᒻᒪᓗ ᑎᒍᔭᐅᒪᔪᓕᕆᒍᑎᑎᒍᑦ ᐱᓇᓱᑦᑕᐅᒍᑎᐅᔪᓂᒃ. ᐃᕐᖃᑐᐃᕕᓕᕆᓂᕐᓄᑦ ᐱᑦᔪᔨᕕᒃ ᐱᓇᓱᒍᑎᖃᕐᖁᖅ ᐱᖓᓲᔪᕐᑐᓂᒃ (6) ᐊᕕᑦᑐᓯᒪᔪᓂᒃ ᐃᓘᓐᓇᑎᒃ ᐃᓕᖓᑦᓱᑎᒃ ᐊᑦᔨᒌᑦᑎᖏᑦᑐᓄᑦ ᐃᕐᖃᑐᐃᕕᓕᕆᓂᕐᓂᒃ ᐱᕙᓪᓕᐊᑎᑦᓯᒍᑎᐅᓲᓄᑦ ᓄᓇᕕᒻᒥ, ᑕᒪᒃᑯᐊ ᐃᓚᖃᕐᑐᑦ ᐃᕐᖃᑐᐃᕕᓕᕆᓂᕐᓄᑦ ᑲᑎᖕᖓᔨᐊᐲᑦ, ᐃᕐᖃᑐᐃᕕᑎᒎᕐᑐᑦ ᐱᓇᓱᑦᑕᐅᓂᖏᓐᓂᒃ ᐱᓇᓱᑦᑏᑦ, ᑎᒍᔭᐅᒪᔪᓕᕆᓂᕐᒥᒃ ᐱᓇᓱᒍᑏᑦ, ᐃᓅᓯᕐᒥ ᐊᑑᑎᓯᒪᔭᖏᓐᓂᒃ ᐊᓪᓚᓯᒪᔪᖕᖑᐃᔩᑦ, ᐱᖁᔭᓂᒃ ᓯᖁᒥᑦᓯᓯᒪᒍᑎᖏᑕ ᐊᓪᓚᖁᑎᖏᓐᓂᒃ ᐊᓯᐅᑎᑦᓯᒐᓱᑦᑏᑦ ᐊᒻᒪᓗ ᖁᓕᖅ ᖃᓄᐃᖕᖏᓯᐊᕐᑐᓂᒃ ᐃᓅᖃᑎᖃᕐᓂᒥᒃ ᐱᒐᓱᒍᑏᑦ.

ᖁᓪᓕᖅ ᐱᓇᓱᒍᑏᑦ ᐱᓇᓱᑦᑎᖃᕐᐳᖅ ᐃᑲᔪᕈᒪᓂᕐᒥᓄᑦ ᑲᑎᖕᖓᓂᕐᓄᑦ ᐃᓚᐅᕙᑦᑐᓂᒃ, ᙯᕐᖁᕆᕙᑦᓱᑎᒃ ᐃᓚᐅᓂᐊᕐᑐᓂ ᐅᖄᖁᑦᓱᖏᑦ ᓇᒻᒥᓂᕐᓗ ᐊᒥᓱᑎᒍᓪᓗ ᐊᑑᑎᓯᒪᔭᒥᓐᓂᒃ, ᐃᓚᐅᒻᒥᑎᒧᓪᓗᒋᑦ ᐱᐅᓯᑐᖃᕐᑎᒍᑦ ᐃᓄᑐᐃᓐᓀᑦ ᐃᓪᓕᓇᕐᑐᖁᑎᖏ ᐊᒻᒪᓗ ᖃᓄᐃᓘᕈᓯᖏᑦ ᐱᒍᓐᓇᐅᑎᐅᕙᑦᑐᕕᓃᑦ ᐅᓪᓗᒥᒐᓴᓪᓗ ᐱᒍᓐᓇᐅᑎᐅᖏᓐᓇᑐᑦ ᐱᔭᖃᕈᑎᐅᒍᓐᓇᓱᑎᒃ ᖃᓄᐃᖕᖏᓯᐊᕐᑐᒥᒃ ᐃᓅᖃᑎᒌᓐᓂᓂᒃ, ᐱᓂᕐᓗᑌᓕᒍᓐᓇᕈᑎᐅᑦᓱᑎᓪᓗ, ᐊᑐᕐᓂᓗᒋᒃᑯᑎᐅᑦᓱᑎᒃᓗ, ᐃᒻᒥᓂᓪᓗ ᐊᐅᓚᑦᓯᐊᕈᓐᓇᕈᑎᐅᑦᓱᑎᒃ, ᐃᑉᐱᓂᐊᕐᓂᒥᓂᓪᓗ ᑲᒪᒋᔭᖃᑦᓯᐊᕈᓐᓇᖏᑦᑐᓂᒃ ᑲᒪᒋᔭᖃᕐᑎᐅᓱᑎᒃ ᐊᓯᖏᓐᓂᓗ. ᐊᑦᓯᕋᐅᑎ “ᖁᓪᓕᖅ” ᑐᑭᖃᕐᑎᓯᕗᖅ “ᖁᓪᓕᒥᒃ ᐅᔭᕋᒻᒥᑦ ᓴᓇᒪᔪᒥᒃ” ᐅᕝᕙᓘᓐᓃᑦ “ᖃᐅᒪᓂᕐᒥᒃ”. ᑖᒃᑯᐊ ᐱᓇᓱᒍᑏ ᐱᕙᓪᓕᐊᑎᑕᐅᓂᖃᓯᓚᐅᔪᔪᑦ ᑐᓂᔭᐅᑦᓱᑎᒃᓗ ᑎᒍᔭᐅᒪᕕᓐᓂ ᑲᔪᓯᓂᖃᕐᐳᑦ 2017-ᒥᓂᑦ ᒫᓐᓇᓗ ᐱᔭᖃᕈᒪᓕᕐᐳᒍᑦ ᓄᓇᕕᒻᒨᑕᐅᓂᑦᓴᖏᓐᓂᒃ. ᓯᕗᓂᖃᕈᑎᐅᒻᒪᑕ ᐱᕙᓪᓕᐊᑎᑦᓯᒍᑎᐅᓛᕐᓗᑎᒃ ᐱᓇᓱᒍᑎᓂᒃ ᖁᕝᕙᑎᕆᓂᓕᓐᓂᒃ ᖃᓄᐃᖕᖏᓯᐊᕐᑐᓂᒃ ᐃᓅᖃᑎᒌᖃᑎᖃᕐᓂᓂᒃ ᐃᓄᑐᐃᓐᓀᑦ ᐃᓗᕐᖁᓯᖏᑕ ᐊᑯᕐᖓᓂ.

ᒫᓐᓇᓕ ᕿᓂᓕᕐᐳᒍᑦ ᖁᓪᓕᖅ ᐱᓇᓱᒍᑎᓂᒃ ᑲᒪᔨᒻᒪᕆᑦᓴᒥᒃ ᑐᓴᕐᑎᓯᖃᑦᑕᓛᕐᑐᒥᒃ ᐃᕐᖃᑐᐃᕕᓕᕆᓂᕐᓄᑦ ᐱᒍᑦᔨᕕᒻᒥ ᑐᑭᒧᐊᑎᑦᓯᔨᐅᑉ ᐃᑲᔪᕐᑎᖓᓂᒃ.

 ᐱᓇᓱᒍᑎᖏᑦ ᖁᓪᓕᖅ ᐱᓇᓱᒍᑎᓂᒃ ᑲᒪᔨᒻᒪᕆᐅᑉ ᓯᕗᓂᖃᕈᑎᐅᕗᑦ:

• ᐱᓇᓱᖃᑎᖃᕐᓂᐊᓗᓂ ᖃᓂᑕᖃᕐᓗᓂ ᐱᓇᓱᖃᑎᒌᖃᑎᒥᓂᒃ ᐱᓇᓱᒐᖃᕐᕕᓂᒃ ᐃᑲᔪᕐᓯᒪᕗᖅ ᐱᓇᓱᑦᑕᐅᔪᑦ ᑲᔪᓯᓂᖃᑦᓯᐊᓂᖏᓐᓄᑦ ᐱᔭᖃᕋᓱᓐᓂᐅᓱᓂ ᐃᓚᐅᒍᒪᒐᔭᕐᑐᓂᒃ ᑖᒃᑯᓄᖓ ᐱᓇᓱᒍᑎᓄᑦ. ᓱᕐᖁᐃᑐᒥᓪᓗ ᐊᐅᓚᓂᕐᓅᓕᖓᔪᑦ ᑲᔪᓯᑎᑕᐅᓂᖃᑦᓯᐊᓂᑦᓴᖏᓐᓂᒃ. ᐱᓇᓱᑉᐸᓱᓂ ᓯᕗᓪᓕᐸᐅᑦᓱᓂ ᖁᕝᕙᑎᕆᔨᐅᑦᓱᓂ ᖁᓪᓕᖅ ᐱᓇᓱᒍᑎᓂᒃ ᓇᓗᓀᕐᑕᐅᖁᑦᓱᒋᑦ ᐃᕐᖃᑐᐃᕕᓕᕆᓂᕐᓂᒃ ᐱᓇᓱᒍᑎᓄᑦ ᐊᑕᖏᕐᓯᑎᓪᓗᒋᑦ ᐊᒻᒪᓗ ᐱᑕᖃᕆᐊᖃᕐᓱᑎᒃ ᐱᓇᓱᒍᑎᓂᒃ ᐃᑲᔪᕈᑎᑦᓴᐅᓱᑎᒃ ᐃᓄᑐᐃᓐᓇᓂᒃ ᐅᑎᕐᑎᓯᓇᓱᓐᓂᒥᒃ ᐃᓅᓯᑦᓯᐊᖑᓂᕐᓴᒧᑦ. ᑲᒪᒋᔭᖃᕐᑎᐅᓱᓂᓗ ᓱᕐᖁᐃᑐᒥᒃ ᐱᓇᓱᒍᑎᐅᔪᑦ ᐃᑲᔪᕐᑎᖏᑦ ᐱᔭᖃᕈᓐᓇᖁᓪᓗᒋᑦ ᓈᒻᒪᓯᐊᕐᑐᓂᒃ ᐱᒋᐅᕐᓴᔭᐅᒍᑎᐅᒋᐊᓕᓐᓂᒃ ᐃᑲᔪᕐᓯᔭᐅᒍᑎᒋᓂᐊᕐᓗᓂᒋᑦ ᑲᔪᓯᓂᖃᑦᓯᐊᓂᑦᓴᖏᓐᓂᒃ ᐱᓇᓱᒐᕐᒥᓂ ᖃᓄᐃᓘᕐᑎᐅᒍᑎᒥᓂᒃ;
• ᑲᒪᒋᔭᖃᕐᑎᐅᓗᓂ ᐱᓇᓱᒍᑎᓂᒃ ᐊᒻᒪᓗ ᑲᒪᒋᔭᖃᕐᒥᓗᓂ ᐱᓇᓱᒍᑎᓄᑦ ᐃᑲᔪᕐᓯᒪᔨᓂᒃ ᓄᓇᕕᒻᒥ ᓄᓇᓕᓐᓂ ᑎᒃᑯᐊᑕᐅᒪᔪᓂ.

 ᐊᖏᔪᒥᒃ ᑫᓪᓚᑐᕐᐸᕗᑦ ᐃᓄᑐᐃᓐᓀᑦ ᐊᖏᖃᑎᒌᓐᓂᒥᑦ ᐱᕙᓪᓕᖁᑎᑕᕐᑕᑐᑦ ᑕᒃᑯᖓ ᐱᓇᓱᒐᕐᒧᑦ ᐃᓕᒐᓱᖁᑦᓱᒋᑦ. ᐊᒥᓱᕕᓪᓗᑎᒃ ᐱᒋᐅᕐᓴᔭᐅᓃᓗ ᐊᒻᒪᓗ ᑲᔪᓯᔪᒥᒃ ᓴᐳᒻᒥᔭᐅᓃᑦ ᐱᑕᖃᕐᑎᑕᐅᓛᕐᑐᑦ ᐃᓕᖓᓗᑎᒃ ᐱᓇᓱᑦᑎᓄᑦ ᐱᓇᓱᒐᖃᓚᐅᕐᓯᒪᖕᖏᑐᓄᑦ ᐃᕐᖃᐃᕕᓕᕆᓂᕐᒥᒃ ᐱᓇᓱᒍᑎᓂᒃ. ᐃᓄᑐᐃᓐᓇᓂᓪᓗ ᐃᓗᕐᖁᓯᖏᓐᓂᓗ ᖃᐅᔨᒪᔪᖅ ᐃᓘᓐᓈᒍᑦ ᐅᐱᒋᔭᐅᒻᒪᕆᓛᕐᐳᑦ.

Responsibilities:

• ᐃᑲᔪᕐᓯᒪᖃᑦᑕᓗᓂ ᑲᔪᓯᑎᑕᐅᓂᖏᓐᓂᒃ ᐊᒻᒪᓗ ᐅᒃᑯᐃᑕᐅᓂᖃᓕᕐᐸᑕ ᖁᓪᓕᖅ ᐱᓇᓱᒍᑏᑦ ᓄᓇᕕᒻᒥ. ᑕᒪᓐᓇ ᐃᓚᖃᑐᐃᓐᓇᕆᐊᓕᒃ ᑕᒃᑯᑐᐊᖑᖕᖏᑐᐃᓐᓇᕆᐊᓕᓐᓂᒃ, ᓇᓗᓀᔦᓂᕐᒥᒃ ᐊᒻᒪᓗ ᐊᓯᑦᔨᓚᖓᒍᓐᓀᑎᑦᓯᓂᕐᒥᒃ ᓇᓂᓐᓂᐊᓂᖏᓐᓂᒃ ᐱᓇᓱᒍᑏᑦ ᑐᓂᔭᐅᔪᑦ ᓇᓗᓀᕐᑕᐅᒪᔪᓂ ᓄᓇᓕᓐ; ᐃᓚᐅᖃᑦᑕᓗᓂ ᐊᒻᒪᓗ ᐃᖏᕐᕋᓯᑎᑦᓯᔨᐅᓗᓂ ᐱᓇᓱᒍᑎᐅᔪᓂᒃ ᖁᕝᕙᑎᕆᓂᕐᒥᒃ ᐱᔭᖃᕋᓱᓕᕐᑐᓂᒃᕐ ᐃᓘᓐᓇᖏᓐᓂ ᓄᓇᓕᓐᓂ ᓇᓗᓀᕐᑕᐅᓯᒪᔪᓂ; ᓇᓗᓀᕆᖃᑦᑕᓗᓂ ᐊᒻᒪᓗ ᐱᓇᓱᑦᑎᓴᕐᑕᖃᑦᑕᓗᓂ ᐱᔪᓇᕐᓂᒃ ᐃᑲᔪᕐᓯᔨᓂᒃ ᐃᓘᓐᓇᖏᓐᓂ ᓄᓇᓕᓐᓂ ᓇᓗᓀᕐᑕᐅᒪᓂ; ᐊᑐᐃᓐᓇᕈᕐᑎᕆᖃᑦᑕᓗᓂ ᐊᒻᒪᓗ ᐃᓂᓪᓓᖃᑦᑕᓗᓂ ᐃᓘᓐᓇᖏᓐᓂᒃ ᖃᓄᐃᓘᕈᑎᐅᒋᐊᓕᓐᓂᒃ ᐱᓇᓱᒍᑎᓂᒃ ᑲᔪᓯᑎᑦᓯᒍᑎᐅᓗᑎᒃ;
• ᑲᒪᒋᔭᖃᕐᑎᐅᕗᖅ ᐊᓚᓯᒪᔪᕐᑕᑕᐅᒍᑎᖏᓐᓂᒃ ᐃᓚᐅᖃᑕᐅᔪ ᐱᓇᓱᒍᑎᓄᑦ ᖃᓄᑎᒋᓗ ᐱᕙᓪᓕᐊᓂᖏᓐᓂᒃ ᐃᑉᐱᒍᓱᑦᑎᐅᓱᓂ;
• ᐃᓚᐅᖃᑦᑕᓱᓂ ᐃᑲᔪᕐᓯᒪᔨᐅᑦᓱᓂᓗ ᐊᑐᐃᓐᓇᕈᕐᑎᑕᐅᓕᕐᒪᑕ ᐱᓇᓱᑦᑕᐅᓂᐅᔪᑦ ᐃᓱᓕᓕᕐᑎᓗᒋᑦ ᓇᓕᐅᓂᕐᓯᐅᕈᑎᓂᒃ ᐱᔭᕇᕐᓂᖃᑦᓯᐊᑐᑦ ᓇᓗᓀᕐᑕᐅᒍᑎᑕᖃᑦᑕᑎᓪᓗᒋᑦ ᐊᑐᓂᑦ ᐃᓱᓕᓂᖃᓕᑐᐊᕐᒪᑕ ᐱᓇᓱᑦᑕᐅᓂᐅᔪᑦ;
• ᑲᒪᔨᒋᔭᐅᔪᖅ ᐅᑕᕐᕿᔪᑦ ᐊᑎᖏᓐᓂᒃ ᐅᑕᕐᕿᓱᑎᒃ ᑭᖑᓪᓕᓂᒃ ᐱᓇᓱᑦᑕᐅᓂᑦᓴᓂᒃ;
• ᐃᓚᐅᖃᑦᑕᓗᓂ ᑲᕙᒪᒃᑯᓂᒃ ᐊᒻᒪᓗ / ᐅᕝᕙᓘᓐᓃᑦ ᓯᓚᑎᒥᑦ ᐱᓇᓱᒐᖃᕐᕕᖁᑎᓂᒃ ᑲᑎᖕᖓᓯᓂᕐᓄᑦ;
• ᐊᑐᐃᓐᓇᕈᕐᑎᕆᖃᑦᑕᓗᓂ ᐱᒋᐅᕐᓴᔭᐅᒍᑎᑦᓴᖏᓐᓂᒃ ᐱᓇᓱᒍᑎᐅᔪᑦ ᑲᔪᓯᑎᑦᓯᔨᖏᑕ;
• ᑐᓴᐅᒪᖃᑎᖃᖃᑦᑕᓗᓂ ᓄᓇᓖᑦ ᑲᑎᖕᖓᔨᖏᓐᓂᒃ ᐊᒻᒪᓗ ᐊᖓᔪᕐᖃᐅᑎᓂᒃ ᐱᑦᔪᑎᖃᕐᓗᓂ ᖁᕝᕙᑎᑕᐅᒋᐊᖃᕐᓂᖏᓐᓂᒃ ᑖᒃᑯᐊ ᐱᓇᓱᒍᑎᐅᔪᑦ;
• ᑲᒪᒋᔭᖃᕐᑎᐅᓱᓂ ᐃᓅᖃᑎᒌᒍᓯᖏᓐᓂᒃ ᓯᓚᑎᓂᑦ ᐱᓯᒪᔪᓂᒃ ᐱᓇᓱᖃᑎᒥᓂ ᐅᓪᓗᖅ ᖃᐅᑕᒣᑕ ᑐᓴᕐᖃᑦᑕᐅᑎᖃᑎᒋᖃᑦᑕᓗᒋᑦ ᐱᑦᔪᑎᖃᕐᓗᓂ ᐱᔭᕇᕐᑐᓂᒃ ᐱᓇᓱᒍᑎᑎᒍᑦ ᐃᑲᔪᕐᑕᐅᖁᔭᐅᒪᔪᑦ;
• ᐱᓇᓱᑦᑕᖃᖃᑦᑕᓗᓂ ᖃᓄᐃᓘᕐᓂᐅᓯᒪᔪᑦ ᕿᒥᕐᕈᔭᐅᒍᑎᕕᓂᖏᓐᓂᒃ, ᐱᔪᑦᓴᐅᔮᓕᕐᑎᓯᖃᑦᑕᓗᓂ ᐊᒻᒪᓗ ᓴᐳᑦᔨᓯᒪᒍᑎᓂᒃ ᐱᑕᖃᕐᑎᓯᕕᖃᖃᑦᑕᓗᓂ ᐱᓇᓱᒍᑎᓂᒃ ᐃᑲᔪᕐᓯᒪᓂᕐᒥᒃ ᐱᓇᓱᑦᑎᓂᒃ;
• ᐊᓯᖏᓐᓂᓗ ᐊᐅᓚᑦᓯᓂᓕᕆᒍᑎᓂᒃ ᐱᓇᓱᖃᑦᑕᓗᓂ ᐊᒻᒪᓗ ᐱᔪᓐᓇᐅᑎᓕᑦᓯᐅᑎᓂᒃ ᐱᔭᑦᓴᖁᑎᓂᒃ ᐱᑕᖃᕆᐊᓕᓐᓂᒃ ᑲᔪᓯᑦᓯᐊᓂᐊᑐᐊᕐᐸᑕ ᐱᓇᓱᒍᑏᑦ ᐊᒻᒪᓗ ᑐᑭᒧᐊᑦᑎᓯᔨᐅᑉ ᐃᑲᔪᕐᑎᖓᓄᑦ ᑎᓕᔭᐅᒍᑎᒥᓂᒃ ᐱᓇᓱᖃᑦᑕᓗᓂ;
• ᐱᓇᓱᖃᑦᑕᒥᓗᓂ ᖃᐅᔨᒋᐊᕐᕕᐅᓂᕐᒥᒃ ᐃᓄᑐᐃᓐᓀᑦ ᐃᓗᕐᖁᓯᖓᓐᓂᒃ ᐊᒻᒪᓗ ᐱᐅᓯᑐᖃᖏᓐᓂᒃ ᖃᐅᔨᓂᐊᓕᕐᐸᑕ ᑲᕙᒪᒃᑯᑦ ᐱᑦᔪᔨᕕᖁᑎᖏᓪᓗ ᐱᓇᓱᒐᖃᕐᕕᖁᑎᖏᓪᓗ ᖃᐅᔨᓂᐊᕈᑎᖃᕐᓗᑎᒃ ᖃᓄᑐᐃᓐᓇᖅ ᐃᓕᖓᔪᓂᒃ ᐃᕐᖃᑐᐃᕕᓕᕆᓂᕐᓄᑦ.

Qualifications:

• ᐃᓕᓐᓂᐊᓯᒪᓂᖅ: ᐱᔭᕇᕐᓯᒪᓗᓂ ᐳᕐᑐᓂᕐᓴᒥᒃ 5-ᒥᒃ;
• ᐱᓇᓱᒐᖃᓚᐅᕐᓯᒪᓗᓂ ᐱᓇᓱᑦᑎᓂᒃ ᑲᒪᔨᐅᓂᕐᒥᒃ;
• ᐱᔪᓐᓇᓯᐊᕐᓗᓂ ᑐᓴᖃᑦᑕᐅᑎᖃᑎᖃᕐᓂᓂᒃ ᐊᒻᒪᓗ ᓯᕗᓕᕐᑎᐅᒍᓐᓇᐅᑎᓂᒃ;
• ᐱᓇᓱᒐᖃᕐᕕᒥᒃ ᐱᓇᓱᒋᐊᒥᒃ ᐱᒍᓐᓇᓯᐊᕐᓗᓂ ᓱᓇᓕᒫᓂᓪᓗ ᐃᑉᐱᒍᓱᑦᓯᐊᓗᓂ;
• ᓱᖏᕐᑐᑎᐅᖑᓐᓇᓯᐊᕐᓗᓂ ᐊᒻᒪᓗ ᐃᓄᑐᑦᔨᒍᓐᓇᓯᐊᕐᓗᓂ;
• ᓲᓱᑦᓴᓂᖃᑦᓯᐊᓗᓂ, ᐃᕐᖃᑐᐃᒍᓱᒐᓂ, ᐅᖃᔭᑦᑎᐅᒐᓂᓗ;
• ᐊᑐᐃᓐᓇᐅᓯᐊᕐᓗᓂ ᐱᒋᐅᕐᓴᐅᒋᐊᕐᑐᓗᓂ ᐊᐅᓪᓚᕆᐊᖃᕐᓂᓄᑦ, ᑲᑎᖕᖓᓂᕐᓄᑦ, ᒪᓕᖃᑦᑕᓗᓂᓗ ᐃᕐᖃᑐᐃᕕᓐᓂᒃ ᐊᐅᓪᓚᑲᑕᑎᓂᒃ ᐊᒻᒪᓗ ᓴᐳᒻᒥᓯᐊᕐᓗᓂ ᓄᓇᓕᒻᒥᓃᑦᑐᓂᒃ ᐱᓇᓱᒍᑎᓂᒃ ᐃᑲᔪᕐᑎᓂᒃ;
• ᐅᖃᐅᓰᑦ: ᐃᓄᒃᑎᑐᑦ ᐊᒻᒪᓗ/ᐅᕝᕙᓘᓐᓃᓗ ᖃᓪᓗᓈᕐᑎᑐᑦ, ᒍᐃᒍᐃᑎᑐᕈᓐᓇᕈᓂᖅ ᐱᕙᓪᓕᖁᑎᐅᒐᔭᕐᒥᔪᖅ;
• ᖃᓪᓗᓈᕐᑎᑐᑦ ᐊᓪᓚᒍᓐᓇᓯᐊᕐᓗᓂ;
• ᖃᕆᑕᐅᔭᓂᒃ ᐱᒋᐅᕐᓯᒪᑦᓯᐊᓗᓂ: ᐅᑯᓂᖓ Microsoft Word/ᐊᓪᓚᓯᒪᔪᓕᐅᕈᑎ, Excel/ᐊᕕᑦᑐᓯᒪᔪᓕᐅᕈᑎ, Internet/ᖃᕆᑕᐅᔭᑎᒍᑦ ᑕᑯᓇᓱᒍᑎ;
• ᖃᐅᔨᒪᔭᖃᑐᐊᕈᓂ ᐃᓅᑦᔪᓯᓕᕆᓂᕐᓂᒃ, ᐃᕐᖃᑐᐃᕕᓕᕆᓂᕐᓂᒃ ᐅᕝᕙᓘᓐᓃᑦ ᑎᒍᔭᐅᒪᕕᓕᕆᓂᕐᓅᓕᖓᔪᓂᒃ ᐱᕙᓪᓕᖁᑎᖃᕋᔭᕐᒥᔪᖅ.

Benefits:

ᐃᓘᓐᓇᖏᓐᓂᒃ ᐱᕙᓪᓕᖁᑎᑕᕐᑕᑎᑦᓯᒍᑎᐅᓱᓂᒃ ᐱᔭᐅᒍᓐᓇᓱᑎᒃ ᒪᑭᕝᕕᐅᑉ ᐱᓇᓱᑦᑎᖏᓐᓄᑦ ᓲᕐᓗ ᐊᓪᓚᑕᐅᒪᒻᒪᑕ ᒪᑭᕝᕕᐅᑉ ᐱᓇᓱᑦᑎᓕᕆᕕᒻᒥ ᒪᓕᒐᖃᕐᑎᓯᒍᑎᒥᓂᒃ ᐊᓪᓚᖁᑎᖏᓐᓂ.