![](https://www.makivik.org/wp-content/uploads/2018/01/Makivik_126-Converted.png)
Makivik Job Opportunity
ᓯᓈᓂ ᐃᕐᑲᑐᐃᕕᓕᕆᔩᑦ ᑲᐃᖕᖓᔨᖏᑦᑕ ᐊᑕᐅᑦᓯᑰᕐᑎᓯᔨᖓ (ᑕᓯᐅᔭᕐᔪᐊᖅ)
Job Description:
ᐅᕙᒍᑦ ᒥᑦᓵᓄᑦ: ᒪᑭᕝᕕᐅᑉ ᐃᕐᑲᑐᐃᕕᓕᕆᓂᖓᑕ ᐱᑦᔪᔨᕕᖓ ᐃᑲᔪᓲᖑᕗᖅ ᐊᐅᓚᑦᓯᖃᑕᐅᑦᓱᓂ ᐃᕐᖃᑐᐃᓂᓕᕆᓂᕐᒥᒃ ᐃᓄᐃᑦ ᐃᓕᕐᕈᓯᖓᓅᓕᖓᔪᓂᒃ ᐋᕐᑭᒋᐊᕐᓯᒪᔪᓂᒃ ᐊᑐᕐᓱᑎᒃ ᐊᑐᕆᐊᓕᓐᓂᒃ ᐃᑉᐱᒋᔭᖃᓗᐊᖕᖑᐊᑐᓂᒃ ᐃᓄᑑᓈᕐᑎᓱᑎᒃ, ᐃᓚᒌᓂᒃ, ᐊᒻᒪᓗ ᓄᓇᓕᓐᓂᒃ ᒪᒥᓴᕐᓂᓂᒃ, ᑲᒪᒻᒥᓱᑎᒃ ᐱᑦᔪᑎᐅᓗᐊᖕᖑᐊᓲᓂᒃ ᐱᕋᔭᓐᓂᓄᑦ. ᐃᕐᖃᑐᐃᕕᓕᕆᓂᕐᒥ ᐱᓇᓱᑦᑏᑦ, ᓄᓇᓕᓐᓂ ᐃᕐᕐᑲᑐᐃᕕᓕᕆᔩᑦ ᑲᑎᖕᖓᔨᖏᑦ, ᑎᒍᔭᐅᒪᔪᓂᒃ ᑐᓴᐅᒪᑎᑦᓯᔩᑦ ᐊᒻᒪᓗ ᑲᓛᑑ ᐊᓪᓚᑎᖏᑦ ᑐᕋᐃᓐᓇᑐᒥᒃ ᐱᒍᑦᔨᓲᖑᕗᑦ ᓄᓇᕕᒻᒥᐅᓂᒃ ᐊᑦᔨᒌᖕᖏᑐᓂ ᐳᕐᑐᓂᖏᓐᓂ ᐃᕐᖃᑐᐃᓂᓕᕆᓂᐅᑉ ᐊᒻᒪᓗ ᐱᓂᕐᓗᓯᒪᔪᑦ ᐃᑲᔪᕐᑕᐅᓂᖏᑦᑕ ᐱᕙᓪᓕᐊᔭᐅᓂᖏᓐᓂ. ᐃᕐᖃᑐᐃᕕᓕᕆᓂᐅᑉ ᐱᑦᔪᔨᕕᖓ ᐃᓗᓕᖃᕐᖁᖅ ᐱᖓᓲᔪᕐᑐᓂᒃ (6) ᐱᓇᓱᐊᕋᑦᓴᓂᒃ ᑲᑎᒪᐅᑎᖕᖏᑐᓂᒃ ᐃᕐᖃᑐᐃᓂᐅᑉ ᐊᓯᐊᒎᕐᑎᓯᔪᐃᓐᓇᓕᒫᓂᒃ ᐱᒋᐊᖕᖓᐃᒍᑎᓂᒃ ᓄᓇᕕᒻᒥ, ᐃᓚᓕᓐᓂᒃ ᐃᕐᑲᑐᐃᕕᓕᕆᔩᑦ ᑲᑎᖕᖓᔨᖏᓐᓂᒃ, ᐃᕐᖃᑐᐃᕕᓕᕆᓂᕐᒥ ᐱᓇᓱᑦᑎᓂᒃ, ᐱᓂᕐᓗᓯᒪᔪᑦ ᐃᑲᔪᕐᑕᐅᓂᖏᓐᓅᓕᖓᔪᓂᒃ ᐱᓇᓱᐊᕋᑦᓴᓕᕆᓂᖏᓐᓂᒃ, ᑕᓛᑑ ᑐᓴᕐᑎᓯᒍᑎᓕᐊᕆᓯᒪᔭᖏᓐᓂᒃ, ᐱᓂᕐᓗᕈᑎᕕᓃᑦ ᐊᓪᓚᑕᐅᒪᓂᖏᓐᓂᒃ ᓄᕐᑲᑎᑦᓯᒍᑎᓕᕆᓂᕐᓂᒃ ᐊᒻᒪᓗ ᖁᓪᓕᒃ ᐃᓅᖃᑎᒌᑦᓯᐊᓂᖅ.
ᐃᕐᖃᑐᐃᕕᓂᓕᕆᔩᑦ ᑲᑎᖕᖓᔨᖏᑦ ᐸᐸᑦᓯᓲᖑᕗᑦ ᐃᑲᔪᕐᓯᓱᑎᓪᓗ ᐃᓄᓐᓂᒃ ᐃᓚᐅᔪᓂᒃ ᐊᑦᔨᒌᖕᖏᑐᓂ ᐳᕐᑐᓂᓕᓐᓂ ᐃᕐᖃᑐᐃᕕᓕᕆᓂᕐᓂ ᐅᕝᕙᓘᓐᓃᑦ ᐱᓂᕐᓗᓯᒪᔪᑦ ᐃᑲᔪᕐᑕᐅᓂᖏᑦᑕ ᐱᕙᓪᓕᐊᔭᐅᓂᖏᓐᓂ ᑐᖕᖓᕕᓕᓐᓂ ᐃᓄᐃᑦ ᐃᓪᓕᕆᔭᖏᒍᑦ:
- ᑲᒪᓗᓂ ᐱᑦᔪᑎᐅᓗᐊᖕᖑᐊᑐᓂᒃ ᐱᕋᔭᑦᓯᒪᓂᖏᓐᓄᑦ.
- ᑐᑭᓯᓗᒋᑦ ᐊᒻᒪᓗ ᑲᒪᒋᓗᒋᑦ ᐱᐅᓯᖏᑦ
- ᐃᓚᐅᓗᓂ ᒪᒥᓴᕐᐸᓕᐊᓂᕐᒧᑦ ᑐᕌᕐᑐᒧᑦ ᐋᕐᕿᓱᐃᓂᕐᒥᒃ ᐋᓐᓂᓯᒪᓂᕐᒥᒃ ᐱᓗᑲᑦᑕᐅᒪᔪᒧᑦ ᐊᒻᒪᓗ/ᐅᕝᕙᓘᓐᓃᑦ ᓄᓇᓕᒻᒥ ᐃᓅᖃᑎᒌᑦᓯᐊᓂᖅ ᐅᑎᕐᑎᓗᒍ.
- ᓄᓇᓕᖏᓐᓄᑦ ᐃᓚᐅᓕᕆᐊᓪᓛᑎᓗᒋᑦ ᐊᒻᒪᓗ ᐃᓕᕐᕈᓯᖏᓐᓄᑦ ᐊᕐᖁᑎᒃᑯᑦ ᑐᑭᖃᑦᓯᐊᑐᒃᑯᑦ.
ᒫᓐᓇ ᕿᓂᕐᖁᒍᑦ ᓯᓈᓂ ᐃᕐᖃᑐᐃᕕᓕᕆᔩᑦ ᑲᑎᖕᖓᔨᖏᑦᑕ ᐊᑕᐅᑦᓯᑰᕐᑎᓯᔨᑦᓴᖓᓂᒃ (ᐅᖓᕙᒥ) ᑐᓴᕐᑎᓯᖃᑦᑕᓛᕐᑐᒥᒃ ᐃᕐᖃᑐᐃᕕᓕᕆᔩᑦ ᑲᑎᖕᖓᔨᖏᑦᑕ ᐱᓇᓱᐊᕋᑦᓴᓕᕆᓂᕐᓂᒃ ᐊᐅᓚᑦᓯᔨᖓᓄᑦ.
ᓯᓈᓂ ᐃᕐᖃᑐᐃᕕᓕᕆᔩᑦ ᑲᑎᖕᖓᔨᖏᑦᑕ ᐊᑕᐅᑦᓯᑰᕐᑎᓯᔨᖓ (ᐅᖓᕙ) ᑐᕌᕋᓱᑦᑐᖅ:
- ᐊᑐᐃᓐᓇᐅᑎᑦᓯᔪᖅ ᑐᕋᐃᓐᓇᑐᒥᒃ ᐃᑲᔪᑐᐃᕐᓂᒥᒃ ᓄᓇᓕᒻᒥ ᐃᕐᖃᑐᐃᕕᓂᕆᔩᑦ ᑲᑎᖕᖓᔨᖏᑦᑕ ᐊᑐᐅᑦᓯᑰᕐᑎᓯᔨᖏᓐᓂᒃ ᐅᖓᕙᐅᑉ ᓯᓈᓕᒫᖓᓂ. ᐃᓚᐅᓲᖑᑦᓱᓂ ᑲᑎᖕᖓᓂᕐᓄᑦ ᐱᓇᓱᖃᑎᒌᓄᑦ ᑎᒥᐅᔪᓄᑦ ᐅᖓᕙᐅᑉ ᓯᓈᓅᓕᖓᔪᓄᑦ ᐊᒻᒪᓗ ᑲᑎᖕᖓᖃᑕᐅᖃᑦᑕᓂᕆᒋᐊᓕᖓ ᐃᕐᖃᑐᐃᕕᓕᕆᓂᐅᑉ ᑲᑎᖕᖓᔨᖏᑦᑕ ᐱᓇᓱᐊᕋᑦᓴᓕᕆᓂᕐᓂ ᐊᐅᓚᑦᓯᔨᖓᓄᑦ.
ᑲᔪᖏᕐᓴᐃᒪᕆᒃᑯᒍᑦ ᐃᓄᓐᓂᒃ ᐃᓚᐅᔪᓂᒃ ᐱᓇᓱᒐᕐᑖᕋᓱᐊᖁᑦᓱᒋᑦ ᑖᑦᓱᒧᖓ ᐱᓇᓱᒐᕐᒧᑦ. ᐃᓕᓐᓂᐊᑎᑕᐅᕖᖕᖓᓂᖅ ᑲᔪᓯᔪᒥᓪᓗ ᐃᑲᔪᑐᕐᑕᐅᓂᖅ ᐊᑐᐃᓐᓇᐅᑎᑕᐅᓛᕐᖁᖅ ᐱᓇᓱᑦᑎᓄᑦ ᐱᓇᓱᓚᐅᕐᓯᒪᖕᖏᑐᓄᑦ ᐃᕐᑲᑐᐃᕕᓕᕆᓂᕐᒥ. ᐃᓄᓐᓅᓕᖓᔪᓂᓪᓗ ᐃᓗᕐᕈᓯᕐᒨᓕᖓᔪᓂᓪᓗ ᐃᓘᓐᓈᒍᑦ ᖃᐅᔨᒪᓂᖅ ᐱᒻᒪᕆᐅᑎᑕᐅᓛᕐᖁᖅ.
Responsibilities:
- ᓄᐃᑦᓯᖃᑦᑕᓗᓂ ᐃᓕᕐᕈᓯᕐᒨᓕᖓᔪᓂᒃ ᑐᖕᖓᕕᓕᓐᓂᒃ ᐊᑐᕐᑕᐅᒋᐊᓕᓐᓂᒃ ᐅᑎᕐᑎᓯᓂᕐᒧᑦ ᐃᓅᖃᑎᒌᑦᓯᐊᓂᕐᒥᒃ ᓄᓇᓕᒻᒥ ᑐᖕᖓᕕᓕᓐᓂᒃ ᐃᓄᐃᑦ ᐱᖁᔭᑐᖃᖏᓐᓂᒃ;
- ᐊᑐᐃᓐᓇᐅᑎᑦᓯᓗᓂ ᑐᕋᐃᓐᓇᑐᒥᒃ ᐃᑲᔪᕐᓂᒥᒃ ᐊᓯᖏᓐᓄᑦ ᐃᕐᖃᑐᐃᕕᓕᕆᓂᐅᑉ ᑲᑎᖕᖓᔨᖏᑦᑕ ᐊᑐᐅᑦᓯᑰᕐᑎᓯᔨᖏᓐᓄᑦ ᐃᕐᖃᑐᕋᑦᓴᓂᒃ ᐊᐅᓚᑦᓯᓂᒃᑯᑦ, ᐊᐅᓚᑦᓯᕕᓕᕆᓂᕐᒥᒃ ᐃᑲᔪᕐᑐᐃᓂᒃᑯᑦ, ᐊᒻᒪᓗ ᐱᔪᓐᓇᓚᕆᓐᓂᑯᑦ ᑎᓕᔭᐅᒪᒍᑎᖓᑎᓄᑦ ᐱᓇᓱᐊᕋᑦᓴᐅᑉ.
- ᖃᐅᔨᒋᐊᕐᕕᖃᕆᐊᓪᓚᓗᓂ ᐃᕐᖃᑐᐃᕕᓕᕆᓂᐅᑉ ᑲᑎᖕᖓᔨᖏᑦᑕ ᐊᐅᓚᑦᓯᔨᖓᓂᒃ/ᐱᓇᓱᐊᕋᑦᓴᓕᕆᓂᕐᒥᒃ ᐊᐅᓚᑦᓯᔨᖓᓂᒃ ᐱᑦᔪᑎᓅᓕᖓᔪᓕᒫᑦ ᐃᕐᑲᑐᐃᕕᓕᕆᔩᑦ ᑲᑎᖕᖓᔨᖏᑦᑕ ᒥᑦᓵᓄᑦ ᐱᓇᓱᑦᑕᖏᑕᓗ ᒥᑦᓵᓄᑦ.
- ᐊᕐᕕᑕᖃᑦᑕᓗᓂ ᕆᐊᖃᕐᓂᖓ ᒪᓕᓪᓗᒍ ᐊᑐᐃᓐᓇᐅᑎᑦᓯᓗᓂ ᑕᐃᒪᐃᑦᑐᒥᒃ ᐃᑲᔪᕐᓂᒥᒃ ᓇᓗᓇᐃᕐᓯᒪᔪᖅ ᒪᓕᓪᓗᒍ ᖁᓛᓂ.
- ᑐᕐᖃᑕᕐᕕᑎᑐᑦ ᐱᐅᓯᖃᕐᓗᓂ ᐃᓄᐃᒃ ᐱᐅᓯᑐᖃᖏᑦᑕ ᐊᒻᒪᓗ ᐃᓕᕐᕈᓯᖏᑦᑕ ᒥᑦᓵᓄᑦ ᐃᕐᑲᑐᐃᕕᓕᕆᔨᓅᓕᖓᔪᓄᑦ ᐃᕐᖃᑐᐃᓂᐅᑉ ᐃᓗᐊᓂ ᐃᓘᓐᓈᒍᑦ ᑐᑦᓯᕌᕆᔭᐅᒍᓂ ᐃᕐᑲᑐᐃᕕᓂᓕᕆᓂᐅᑉ ᑲᑎᖕᖓᔨᖏᑦᑕ ᐱᓇᓱᐊᕋᑦᓴᓂᒃ ᐊᐅᓚᑦᓯᔨᖓᓄᑦ;
- ᑲᑎᓯᖃᑦᑕᓗᓂ ᐃᓄᓐᓂᒃ ᑲᑎᔭᐅᖁᔭᐅᒪᔪᓂᒃ ᐃᕐᕐᑲᑐᐃᕕᓕᕆᔩᑦ ᑲᑎᖕᖓᔨᖏᓐᓄᑦ ᐊᒻᒪᓗ ᐊᑐᐃᓐᓇᐅᑎᑦᓯᓗᓂ ᐃᓕᕐᕈᓯᕐᒨᓕᖓᔪᒥᒃ ᐃᑲᔪᕐᑐᐃᒍᑎᒥᒃ ᑭᖕᖒᒪᒋᔭᐅᓕᕈᓂ;
- ᐃᕐᖃᑐᕋᑦᓴᓂᒃ ᐊᐅᓚᑦᓯᓂᖅ: ᑕᑯᔭᑦᓴᓕᐊᖑᓯᒪᔪᓂᒃ ᐃᓄᑐᐃᓐᓇᓂᒃ ᐱᖃᑦᑕᓗᓂ ᓄᓇᓕᒻᒥᑦ ᐃᕐᖃᑐᐃᕕᒻᒥᓗ ᐊᒻᒪᓗ ᐊᓪᓚᓯᒪᔪᒃᑯᕕᖏᑦ ᐊᐅᓚᖃᑦᑕᓗᒋᑦ ᐱᔭᕇᖕᖏᓂᓕᒫᖓᓂ;
- ᐊᐅᓚᑦᓯᓂᓕᕆᓃᑦ: ᖃᐅᔨᓴᐅᑎᓂᒃ ᖃᕆᑕᐅᔭᒨᔭᐃᓗᓂ, ᐅᖄᓚᐅᑎᒥᒃ ᑭᐅᖃᑦᑕᓗᓂ ᖃᕆᑕᐅᔭᒃᑯᓗ ᐊᓪᓚᑖᒥᓂᒃ ᑭᐅᖃᑦᑕᓗᓂ, ᐃᑉᐱᒍᓱᓪᓗᓂ ᐊᓪᓚᕕᒃ ᐱᖁᑎᖃᑦᓯᐊᒪᖔᑦ ᑐᓴᐅᒪᖃᑦᑕᐅᑎᖃᑎᖃᕐᓗᓂ ᓄᓇᕕᒻᒥ ᐊᓪᓚᕕᓐᓂᒃ, ᑕᑕᕐᓴᐃᓗᓂ ᓇᓪᓕᑐᐃᓐᓇᖏᓐᓂᒃ ᑭᖕᖒᒪᓇᕐᑐᓂᒃ ᑕᑕᕐᓴᒐᕐᓂᒃ ᑕᑕᕐᓴᓯᒪᒋᐊᓕᓐᓂᒃ ᑭᖕᖒᒪᒋᔭᓄᑦ ᑲᒪᔨᓄᑦ ᐅᕝᕙᓘᓃᑦ ᐱᓇᓱᖃᑎᒥᓄᑦ;
- ᐸᕐᓇᓗᓂ ᐊᑐᐃᓐᓇᕈᕐᑎᕆᓗᓂᓗ “ᓄᓇᒥ” ᐅᕝᕙᓘᓐᓃᑦ ᐊᓯᖏᓐᓂ ᐱᐅᓯᑐᖃᕐᓅᓕᖓᔪᓂᒃ ᓱᖃᑦᓯᒍᑎᓂᒃ ᑲᒪᒋᔭᓅᓕᖓᔪᓂᒃ ᐃᓚᐅᑎᓪᓗᑎᑦ ᐊᒻᒪᓗ ᑲᑎᖕᖓᔩᑦ ᐃᓚᖏᑦ ᐃᓚᐅᒻᒥᑎᓪᓗᒋᑦ;
- ᐸᕐᓇᓗᓂ ᐊᑐᐃᓐᓇᕈᕐᑎᕆᓗᓂᓗ ᐱᔭᕆᐊᑭᓕᑎᕆᓗᓂᓗ ᐃᓕᕐᕈᓯᕐᒨᓕᖓᔪᓂᒃ ᐱᓇᓱᐊᕋᑦᓴᓂᒃ ᑲᒪᒋᔭᓄᑦ ᐃᓚᐅᑎᓪᓗᑎᑦ ᐊᒻᒪᓗ ᑲᑎᖕᖓᔩᑦ ᐃᓚᖏᑦ ᐃᓚᐅᒻᒥᑎᓪᓗᒋᑦ
- ᑐᑭᑖᕈᑦᔨᓂᕐᒥᒃ ᐊᑯᓐᓂᖏᓐᓂ ᒪᓂᒪᑎᑦᓯᓗᓂ ᐅᕝᕙᓘᓐᓃᑦ ᐊᖏᖃᑎᒌᖕᖏᑐᓄᑦ ᐊᖏᖃᑎᒌᓕᕐᑎᓯᔨᐅᓗᓂ ᑲᒪᒋᔭᓄᑦ ᐊᒻᒪᓗ ᐃᓄᓐᓄᑦ ᓱᕐᕋᑕᐅᒪᔪᓄᑦ ᑖᒃᑯᓄᖓ ᐊᒻᒪᓗ ᐃᑲᔪᕐᑐᓗᒋᑦ ᒪᒥᓴᕐᓂᖏᓐᓂ ᐅᕝᕙᓘᓐᓃᑦ ᐊᕐᖀᐸᓪᓕᐊᓂᖏᑦᑕ ᐃᓅᖃᑎᒌᑦᓯᐊᓂᕐᒧᑦ ᐅᖓᒻᒧᐊᐸᓪᓕᐊᓂᕐᒥ
Qualifications:
- ᖃᐅᔨᒪᓗᓂ ᑐᑭᓯᐊᓗᓂᓗ ᐃᓄᐃᑦ ᐃᓗᕐᕈᓯᖓᓂᒃ ᐊᒻᒪᓗ ᐱᐅᓯᑐᖃᖏᓐᓂᒃ;
- ᖃᐅᔨᒪᓗᓂ ᓄᓇᕕᒻᒥᐅᑦ ᖃᓄᐃᓕᖓᓂᖏᓐᓂᒃ ᐱᑦᔪᑎᓂᓪᓗ;
- ᐃᑲᔪᕐᑐᐃᒍᒪᓂᖃᓪᓚᕆᓪᓗᓂ ᐊᖏᔪᒥᒃ ᐃᑲᔪᕐᓗᓂᓗ ᐃᓅᖃᑎᒥᓂᒃ ᒪᒥᓴᕐᓂᖏᓐᓂ;
- ᐃᓄᑑᓗᓂ ᐱᓇᓱᒍᓐᓇᓗᓂ ᐱᓇᓱᖃᑎᖃᕈᓐᓇᓗᓂᓗ
- ᐃᓱᐊᕐᓂᓴᒃᑰᑎᑦᓯᒐᓱᐊᓕᓂᐅᓗᓂ ᐃᕕᒃᑲᓂᒃ ᐅᕝᕙᓘᓐᓃᑦ ᐃᓄᒻᒪᕆᓐᓂᒃ ᐅᓇᒻᒥᓇᐅᑎᐅᕗᖅ ᑭᓯᐊᓂ ᐃᓕᓐᓂᑎᑕᐅᒋᐊᓪᓈᓃᑦ ᐊᑐᐃᓐᓇᐅᑎᑕᐅᓛᕐᑐᑦ;
- ᓈᓚᒍᓐᓇᓗᓂ ᐅᖄᖃᑎᖃᕈᓐᓇᓗᓂᓗ;
- ᐋᕐᕿᓱᐃᒍᓐᓇᓯᐊᓪᓚᕆᓪᓗᓂ ᐊᒻᒪᓗ ᐱᒻᒪᕆᓐᓂᒃ ᖃᐅᔨᒍᓐᓇᓗᓂ ᒥᑭᔫᒐᓗᐊᕐᐸᑕ;
- ᑕᑎᑦᓴᓯᐊᖑᓗᓂ ᐊᒻᒪᓗ ᐃᓄᑑᓗᓂ ᐱᓇᓱᒍᓐᓇᓗᓂ;
- ᐃᓅᖃᑎᒥᓂᒃ ᐱᑉᓯᐊᓲᖑᓗᓂ, ᐃᕐᖃᑐᐃᒍᓐᓇᐃᓗᓂ, ᐊᓯᒥᓂᒃ ᑲᒪᒍᓐᓇᐃᓗᓂ;
- ᐊᕐᕕᑕᕈᓐᓇᓗᓂ ᐃᓕᓐᓂᐊᓂᕐᓄᑦ, ᑲᑎᖕᖓᓂᕐᓄᑦ, ᐊᒻᒪᓗ ᐃᕐᖃᑐᐃᔨᓄᑦ ᐊᕐᕕᑕᕐᑎᓄᑦ ᐊᕐᕕᑕᖁᔭᐅᓕᕈᓂ;
- ᐃᓕᓐᓂᐊᓯᒪᓂᖅ: ᐳᕐᑐᓂᕐᓴᒥ 5-ᒥ ᐱᔭᕇᕐᓯᒪᓗᓂ ᐅᕝᕙᓘᓐᓃᑦ ᑕᐃᒪᐃᑦᑐᓕᕆᓂᕐᒥᒃ ᐱᓇᓱᓕᓂᐅᓗᓂ ᐃᓄᓕᕆᓂᕐᒥ ᐅᕝᕙᓘᓐᓃᑦ ᐃᕐᖃᑐᐃᕕᓕᕆᓂᕐᒥ;
- ᐅᖃᐅᓯᖏᑦ: ᐃᓄᒃᑎᑐᑦ ᖃᓪᓗᓈᑎᑐᓪᓗ;
- ᖃᓪᓗᓈᑎᑦ ᐊᓪᓚᒍᓐᓇᓯᐊᕐᓗᓂ;
- ᖃᕆᑕᐅᔭᕈᓐᓇᓂᖓ: Microsoft Word, Excel, ᓄᓇᕐᔪᐊᒧᑦ ᖃᕆᑕᐅᔭᒧᑦ ᐱᑐᑦᓯᒪᐅᑎᓕᕆᒍᓐᓚᓂᖅ;
- ᖃᐅᔨᒪᒐᓚᓪᓗᓂ ᐃᓅᖃᑎᒌᓐᓂᒥᒃ, ᐃᕐᖃᑐᐃᕕᓕᕆᓂᕐᒥᒃ ᐅᕝᕙᓘᓐᓃᑦ ᐃᑲᔪᕐᑕᐅᕕᓐᓂᒃ ᑭᓯᐊᓂ ᐃᓕᓐᓂᐊᑎᑕᐅᒋᐊᓪᓛᓃᑦ ᐊᑐᐃᓐᓇᐅᑎᑕᐅᓛᕐᑐᑦ.
Benefits:
ᐱᕙᓪᓕᖁᑎᓕᒫᓂᒃ ᐊᑐᐃᓐᓇᐅᑎᑕᐅᔪᓂᒃ ᒪᑭᕝᕕᐅᑉ ᐱᓇᓱᑦᑎᖏᓐᓄᑦ ᓇᓗᓀᕐᑕᐅᒪᔪᓂᒃ ᒪᑭᕝᕕᑯᑦ ᐱᓇᓱᑦᑎᓄᑦ ᒪᓕᒐᓕᐊᕆᓯᒪᔭᖏᑦ
ᒪᑭᕝᕕᑯᑦ ᑐᕌᒐᖃᕐᐳᑦ ᑕᑯᓐᓈᓂᕐᓴᐅᕕᖃᕐᓂᐊᕆᐊᒥᒃ ᑫᓪᓗᑐᐃᓂᕐᓴᐅᓗᑎᓪᓗ ᐃᓄᓂᒃ ᐃᓚᐅᔪᓂᒃ ᔦᒥᔅᐯᑉ ᐊᖏᖃᑎᒌᓐᓂᖓᓄᑦ ᐱᓇᓱᒐᑦᓴᓯᐅᕐᑐᖃᓕᕐᐸᑦ.
ᓇᑯᕐᒦᐳᒍᑦ ᑖᑦᓱᒥᖓ ᐱᓇᓱᒐᕐᒥᒃ ᐱᔪᑦᓴᐅᔮᑐᓕᒫᓂᒃ.
ᐊᐱᕆᒐᑦᓴᐅᔪᕆᔭᕗᓐᓂᒃ ᑭᓯᐊᓂ ᐅᖄᓚᕕᖃᕐᓂᐊᐳᒍᑦ.
Are you interested in this position?
You can apply by filling in the form below.
You can apply by visiting our website at www.makivik.org/jobs