Makivik Job Opportunity
ᑮᓇᐅᑦᔭᕈᑎᓂᒃ ᐱᓇᓱᑦᑎ
Job Description:
ᐊᖓᔪᕐᖄᖓ: ᑮᓇᐅᑦᔭᕈᑎᓂᒃ ᑲᒪᔨᒻᒪᕆᒃ ᑮᓇᐅᔭᓕᕆᓕᔨᐅᑉ ᐊᓪᓚᕕᖓᓂ
Responsibilities:
- ᐱᓇᓱᓐᓂᖅ ᐱᓇᓱᐊᕈᓰᒃ ᒪᕐᕈᑕᒫᑦ ᑮᓇᐅᑦᔭᕈᑎᓂᒃ ᐃᓘᓐᓇᖏᓐᓄᑦ ᑮᓇᐅᑦᔭᓵᓕᓐᓄᑦ ᑫᕙᓪᓚᒍᓯᒃᑰᑐᓄᓪᓗ ᐱᓇᓱᑦᑎᓄᑦ;
- ᓄᐊᓭᓂᖅ ᑮᓇᐅᑦᔭᕈᑎᓄᑦ ᐃᓕᖓᔪᓂᒃ ᖃᐅᔨᒪᒍᑎᓂᒃ ᐆᑦᑑᑎᒋᓗᒍ ᐃᓚᖕᖏᐊᑎᕆᕕᐅᒍᑎᓂᒃ, ᐃᓱᒣᓐᓇᕿᕕᑦᓭᑦ ᑫᕙᓪᓚᒍᓯᖏᓐᓂᒃ, ᓴᑑᑎᑦᓴᓕᐅᕈᑎᓂᒃ ᐊᓯᖏᓐᓂᓗ ᐲᕐᓯᒍᑕᐅᒋᐊᓕᓐᓂᒃ;
- ᐊᒧᓯᓂᖅ ᑫᕙᓪᓚᒍᓯᕐᓂᒃ ᐊᓪᓚᕕᑦᓴᓂᒃ ᐊᒻᒪᓗ ᕿᒥᕐᕈᓂᖅ ᐱᓇᓱᑦᑕᐅᔪᑦ ᑫᕙᓪᓚᒍᓰᑦ ᓱᓇᒥᓐᓂᖓᓂᒃ ᐊᒻᒪᓗ ᓱᓕᓂᖓᓂᒃ;
- ᖃᐅᔨᒪᒍᑎᓂᒃ ᑐᕐᖁᐊᑎᕆᓂᖅ ᑮᓇᐅᑦᔭᕈᑎᓂᒃ ᓄᐃᑦᓯᔨᒧᑦ, CERIDIAN / DAYFORCE;
- ᐱᖕᖑᐃᓂᖅ ᐊᑐᕆᐊᓕᓐᓂᒃ ᑎᒥᐅᑉ ᐃᓗᐊᓂ ᐊᐅᓚᑦᓯᔨᓂᒃ ᑐᓴᕐᑎᓯᒍᑎᓂᒃ ᑮᓇᐅᑦᔭᑎᑦᓯᒍᑏᑦ ᐱᓇᓲᑎᖏᑦᑕ ᒥᑦᓵᓄᑦ;
- ᒪᓕᑦᓯᐊᓂᖅ ᐃᓘᓐᓇᖏᓐᓂᒃ ᐱᐅᓯᐅᒋᐊᓕᓐᓂᒃ ᐊᒻᒪᓗ ᒪᓕᒐᕐᓂᒃ;
- ᓱᕐᖁᐃᕆᐊᕐᓂᖅ ᑮᓇᐅᑦᔭᓴᕐᑐᑦ ᐊᓪᓚᑕᐅᒪᒍᑎᖏᓐᓂᒃ ᐱᑦᔪᑎᖃᕐᑎᓗᒍ ᐃᓘᓐᓇᖏᓐᓂᒃ ᐱᓇᓱᑦᑎᓂᒃ ᓄᑖᓂᒃ;
- ᒪᑭᑕᑦᓯᓂᖅ ᑮᓇᐅᑦᔭᓴᕐᑐᑦ ᐊᓪᓚᑕᐅᒪᒍᑎᖏᓐᓂᒃ, ᓱᕐᖁᐃᓗᒋᑦ ᐅᓪᓗᒥᒧᑦ ᓱᓕᖏᓐᓇᓂᖏᑦ;
- ᓱᕐᖁᐃᓂᖅ ᑮᓇᐅᑦᔭᓵᓄᑦ ᐊᓯᑦᔨᕈᑎᓕᒫᑦ ᐋᕐᕿᑕᐅᓂᖏᓐᓂᒃ ᓇᓚᐅᑦᓯᐊᓗᒋᑦ ᐊᒻᒪᓗ ᑭᖑᕙᕈᓐᓀᑎᓪᓗᒋᑦ ᐊᑦᑐᑕᖏᓐᓂ ᑮᓇᐅᑦᔭᓀᑦ ᐅᓪᓗᖏᓐᓂ;
- ᒪᓕᓐᓂᖅ ᑮᓇᐅᑦᔭᕈᑏᑦ ᐱᕐᕈᓯᖏᓐᓂᒃ ᐃᓕᖓᔪᓂᒃ ᐱᓇᓱᑦᑎᓄᑦ ᓄᕐᖃᑎᑕᐅᔪᓄᑦ;
- ᐱᑎᑦᓯᓂᖅ ᐱᕙᓪᓕᖁᑏᑦ ᐊᑭᓕᕐᑕᐅᒍᑎᖏᓐᓂᒃ;
- ᐊᖑᒪᑦᓯᓂᖅ ᑮᓇᐅᑦᔭᑎᑦᓯᓂᒃᑯᑦᑦ ᒪᓕᒐᕐᓂᒃ, ᐱᐅᓯᕐᓂᒃ ᐊᒻᒪᓗ ᐱᓇᓱᑦᑕᐅᒍᓯᖏᓐᓂᒃ;
- ᑲᓱᕐᑐᓕᐅᕐᓂᖅ ᑮᓇᐅᑦᔭᕈᑏᑦ ᑲᑎᓕᒫᕈᑎᖏᓐᓂᒃ ᐊᒻᒪᓗ ᓱᕐᖁᐃᓂᖅ ᐲᕐᑕᐅᒋᐊᓕᓕᒫᑦ ᑐᕌᕐᑐᑦ ᐱᓇᓱᑦᑎᐅᒍᓐᓀᕈᒫᕐᓂᒧᑦ ᐊᒻᒪᓗ ᐃᓗᓯᕐᓱᓂᒃᑯᑦ ᐸᕐᓇᕈᑎᓄᑦ ᑲᔪᓯᑎᑕᐅᖃᑦᑕᓂᖏᓐᓂᒃ ᐅᓪᓗᓂ ᐱᕕᒋᒋᐊᓕᖏᓐᓂ;
- ᓱᕐᖁᐃᓂᖅ ᓇᓚᐅᑦᓯᐊᓗᒋᑦ ᐋᕐᕿᓱᐃᓂᕐᒥᒃ ᖃᓂᒪᒧᑦ ᕿᑲᕈᑎᓂᒃ, ᐱᕙᓪᓕᖁᑎᓂᒃ ᐊᒻᒪᓗ ᐃᓱᒪᒥᓪᓗᓂ ᕿᑲᑫᓐᓇᕈᑎᓂᒃ;
- ᑭᐅᓂᖅ ᐱᓇᓱᑦᑏᑦ ᑲᕙᒣᓪᓗ ᐊᓪᓚᕕᖏᑕ ᑐᑭᓯᓂᐊᕈᑎᖏᓐᓂᒃ ᑮᓇᐅᑦᔭᕈᑎᓄᑦ ᐊᑦᑐᐊᔪᓂᒃ;
- ᓱᕐᖁᐃᓂᖅ ᐱᖕᖑᑎᑕᐅᓂᖏᓐᓂᒃ ᐊᒻᒪᓗ ᑭᖑᕙᕈᓀᓗᑎᒃ ᐃᕐᐸᑎᑕᐅᓂᖏᓐᓂᒃ ᑮᓇᐅᑦᔭᓵᓂᒃ ᑖᒃᓰᔭᕈᑎᕕᓃᑦ ᐊᓪᓚᖏᑦ (T4);
- ᒪᓕᑦᓯᐊᓂᖅ ᒪᓕᒐᓕᒫᓂᒃ ᐊᒻᒪᓗ ᐋᕐᕿᑕᐅᓯᒪᔪᓕᒫᓂᒃ ᐱᓇᓱᒍᓯᕐᓂᒃ;
- ᐃᓚᐅᓂᖅ ᐊᑐᕆᐊᓕᓐᓂ ᑲᑎᒪᓂᕐᓂ ᓂᓪᓕᕈᑎᖃᖃᑦᑕᓗᓂ ᐃᑲᔪᕐᓯᔪᓂᒃ ᐊᒻᒪᓗ ᐋᕐᕿᑕᐅᖁᓇᕐᑐᓂᒃ;
- ᐊᐅᓪᓚᑲᑦᑕᕈᓐᓇᓗᓂ, ᐊᐅᓪᓚᖁᔭᐅᓕᕈᓂ;
- ᐊᓯᖏᓐᓂᑦ ᐱᓇᓱᒐᕐᒥᓄᓕᖓᔪᓂᑦ ᐱᓇᓱᑦᑕᐅᖁᔭᐅᔪᓂᑦ ᐊᖓᔪᕐᖄᒥᓄᑦ.
Qualifications:
- ᐃᓕᓐᓂᐊᕕᒻᒪᕆᒻᒥ ᐃᓕᑦᓯᒪᐅᑎ ᐊᑦᑐᐊᔪᒥᒃ ᐱᓇᓱᐊᒐᕐᒥᒃ;
- ᐃᑭᓐᓂᐹᖓᓄᑦ ᒪᕐᕉᓂᒃ (2) ᐊᕐᕌᒎᓐᓂᒃ ᒥᑦᓯᓕᒻᒥᒃ ᐱᓇᓱᑦᓯᒪᓂᖅ
- ᑮᓇᐅᑦᔭᕈᑎᓂᒃ ᐱᓇᓲᑎᓂᒃ Dayforce ᐊᑐᓕᓂᐅᓂᖅ ᐃᓱᐊᖁᑕᐅᔪᖅ;
- ᑳᓇᑕᒥᐅᑦ ᑮᓇᐅᑦᔭᑎᑦᓯᔨᖏᑕ ᑲᑐᑦᔨᖃᑎᒌᓐᓂᖓᓂᒃ ᐱᔪᓐᓇᐅᑎᖃᕈᓂ ᐱᐅᒋᔭᐅᓂᕐᓴᖅ ᐅᕝᕙᓘᓐᓃᒃ ᐱᔭᕇᕐᐸᓕᐊᒍᓂ ᑌᒣᑦᑐᒥᒃ;
- ᑐᑭᓯᒪᖃᑎᒌᒍᓐᓇᓂᖃᑦᓯᓗᓂ ᒪᕐᕈᔪᐊᓐᓂᒃ (2) ᐱᖓᓱᐃᖑᑎᓪᓗᒋᑦ (3) ᐅᖃᐅᓰ: ᐃᓄᒃᑎᑐᑦ, ᖃᓪᓗᓈᑎᑐᑦᐊᒻᒪᓗ /ᐅᕝᕙᓗᓐᓃᑦ ᒍᐃᒍᐃᑎᑐᑦ;
- ᖃᐅᔨᒪᑦᓯᐊᓂᖅ ᖃᕆᑕᐅᔭᕈᑎᓂᒃ Microsoft Office (Word, PowerPoint, Excel, ᐊᓯᖏᓐᓂᓗ);
- ᐋᕿᓱᐃᓂᖅ ᐊᒻᒪᓗ ᐊᓪᓚᓂᖅ ᐱᕐᕈᓯᕐᓂᒃ ᑐᑭᖃᑦᓯᐊᑐᒥᒃ/ᓱᓇᒥᑦᓯᓯᐊᕐᑐᒥᒃ ᐱᐅᓯᖃᕐᐸᓗᓂ;
- ᓯᕿᕐᖑᔭᒃᑯᑦ ᐱᕕᑦᓴᖃᕐᓂᒥᒃ ᐊᐅᓚᑦᓯᓯᑎᐅᓂᖅ;
- ᒥᑭᔪᖑᐊᖑᒐᓗᐊᓂᒃ ᖃᐅᔨᒪᐅᑎᓂᒃ ᐃᑉᐱᒍᓱᒍᓐᓇᓯᐊᕐᓂᖅ;
- ᖃᕆᑕᐅᔭᒧᑦ ᐊᓪᓚᓯᑎᐅᓂᖅ;
- ᖃᐅᔨᒪᓂᖅ ᓄᓇᕕᒻᒥᒃ ᐃᓄᐃᓪᓗ ᐃᓗᕐᖁᓯᖓᓐᓂᒃ ᐱᐅᓯᑐᖃᖏᓐᓂᓗ, ᐃᓱᐊᖁᑕᐅᔪᖅ;
- ᓂᑲᓇᖕᖏᓚᕆᓪᓗᓂ ᓱᓕᓂᕐᒦᓂᖅ, ᐅᖃᔭᒪᖕᖏᓂᖅ ᐊᒻᒪᓗ ᓵᒐᑦᓴᐅᓂᖅ;
- ᐱᓇᓱᒃᑲᑐᖕᖏᓂᖅ ᐃᒻᒥᓂᕿᓗᓂ ᐊᒻᒪᓗ ᐃᑲᔪᕐᑎᒌᓄᑦ ᐃᓚᐅᓗᓂ;
- ᓂᑲᓇᖕᖏᑐᖅ ᐱᓇᓱᒍᒪᑦᓯᐊᓂᖅ ᐊᒻᒪᓗ ᐱᐅᔪᒥᒃ ᐱᓇᓱᖃᑎᒌᓂ ᐱᐅᓯᖃᓲᖑᓂᖅ;
- ᓲᖑᔪᖅ ᑐᑭᓯᓂᐊᕐᓂᑯᑦ ᐃᓱᒪᓕᐅᕈᓐᓇᓂᖅ, ᐸᕐᓇᕈᓐᓇᓂᖅ, ᓯᕗᓪᓕᐅᔪᑦᓴᓕᐅᕐᓂᖅ, ᐊᒻᒪᓗ ᑭᓯᒍᑎᓂᒃ ᐱᓇᓱᑦᓯᑎᐅᓂᖅ;
- ᖃᐅᔨᒪᓂᖅ ᐊᓪᓚᕕᒻᒥ ᑮᓇᐅᔭᕐᑑᑎᓕᕆᓂᕐᒥᒃ, ᐊᓪᓚᐱᓕᕆᓂᐅᓪᓗ ᐱᐅᓯᖏᓐᓂᒃ ᐊᒻᒪᓗ ᑮᓇᐅᑦᔭᕈᑏᑦ ᐱᓇᓱᑦᑕᐅᒍᓯᖏᓐᓂᒃ.
Benefits:
ᐱᕙᓪᓕᖁᑎᓕᒫᓂᒃ ᐊᑐᐃᓐᓇᐅᑎᑕᐅᔪᓂᒃ ᒪᑭᕝᕕᐅᑉ ᐱᓇᓱᑦᑎᖏᓐᓄᑦ ᓇᓗᓀᕐᑕᐅᒪᔪᓂᒃ ᒪᑭᕝᕕᑯᑦ ᐱᓇᓱᑦᑎᓄᑦ ᒪᓕᒐᓕᐊᕆᓯᒪᔭᖏᑦ
ᑯᐊᐳᕆᓴᓐᒥ ᑐᕌᒐᖃᕐᖁᑦ ᐱᓇᓱᒐᕐᑖᑎᑦᓯᒍᒪᑦᓱᑎᑦ ᐃᓄᓐᓂᑦ ᐃᓚᐅᔪᓂᑦ ᔦᒻᔅ ᐯ ᑯᐯᒃᒥᓗ ᑕᕐᕋᖓᓂ ᐊᖏᖃᑎᒌᒍᑎᖓᓄᑦ.
ᓇᑯᕐᒦᖁᒍᑦ ᐱᓇᓱᒐᕐᑖᕋᓱᑦᑐᓕᒫᓂᒃ ᑖᑦᓱᒧᖓ ᐱᓇᓱᒐᕐᒧᑦ.
ᐊᐱᕐᓱᑲᑦᑕᑕᐅᒐᔭᕐᑐᐃᑦ ᑭᓯᐊᓂ ᐊᓪᓚᕕᐅᓛᕐᖁᑦ.
Are you interested in this position?
You can apply by filling in the form below.
You can apply by visiting our website at www.makivik.org/jobs