Makivik Job Opportunity
ᑐᓴᕋᑦᓴᓕᕆᔨᒃ ᐃᓚᐅᑎᑦᓯᓂᕐᒧᓗ ᐱᓇᓱᑦᑎᒃ
Job Description:
ᐊᖓᔪᕐᖄᖓ : ᐃᑲᔪᕐᑎᖓ ᑐᑭᒧᐊᑦᑎᓯᔨᐅᑉ ᓄᓇᕕᒻᒥ ᖃᐅᔨᓴᕐᒥᕕᒃ ᐊᕙᑎᓕᕆᓂᕐᒥᒃ, ᐆᒪᔪᓕᕆᓂᕐᒥᒃ ᖃᐅᔨᓴᕐᓂᒥᓗ
Responsibilities:
ᐃᑲᔪᕐᓯᓗᓂ ᓴᐳᑦᔨᓗᓂᓗ ᓄᓇᕕᒻᒥ ᖃᐅᔨᓴᕐᕕᐅᑉ ᐱᓇᓱᑦᑎᖏᓐᓂᑦ ᑐᓴᐅᒪᔭᐅᒋᐊᓕᓕᒫᓂᑦ ᐱᓇᓱᖃᑎᒌᓐᓂᓂᓗ. ᐅᑦᑑᑎᒋᓗᒋᑦ ᐱᒍᑦᔨᕕᐅᑉ ᐃᓗᐊᓂ ᑐᓴᐅᒪᖃᑎᒌᓐᓂᓂᑦ ᐱᓇᓱᒐᑦᓴᖃᕐᓗᓂ, ᑭᓯᐊᓂ ᑖᒃᑯᑖᖕᖏᑐᓂᑦ:
- ᐃᑲᔪᕐᓯᓗᓂ ᑐᑭᒧᐊᑦᑎᓯᔨᒥᒃ ᐊᑐᐃᓐᓇᕈᕐᑎᕆᑎᓪᓗᒍ ᑐᓴᕐᑎᓯᒍᑎᓂᑦ ᑐᑭᓯᒪᑎᑦᓯᒍᑎᓂᓗ;
- ᐃᑲᔪᕐᓯᓗᓂ ᐱᓇᓱᑦᑎᒪᕆᓂᑦ ᐊᑭᓐᓇᒥᐅᑕᓕᐅᕐᑎᓗᒋᑦ ᑐᑭᓯᒪᔭᐅᒍᑎᑦᓴᓕᐅᕐᑎᓗᒋᓗ ᑕᒪᒋᓐᓂᒃ ᓱᑯᐃᔦᓂᕐᒧᓕᖓᔪᓂᑦ ᓄᓇᓕᒻᒥᓗ ᐃᓚᐅᑎᑦᓯᓂᕐᓄᑦ ᓱᖃᑦᓯᒍᑎᐅᔪᓂᑦ;
- ᐃᑲᔪᕐᓯᓗᓂ ᐱᓇᓱᑦᑎᒪᕆᓐᓂᑦ ᐊᓪᓚᑎᓪᓗᒋᑦ ᑮᓇᐅᔦᓕᕿᒍᑎᓂᑦ ᑮᓇᐅᔭᕐᑖᕋᓱᒍᑎᓂᓗ;
- ᐃᑲᔪᕐᓯᓗᓂ ᐱᓇᓱᑦᑎᒪᕆᓐᓂᑦ ᓄᐃᑦᓯᑎᓪᓗᒋᑦ ᑲᔪᓯᑎᑦᓯᑎᓪᓗᒋᓗ ᐃᓕᓐᓂᐊᓂᕐᒧᓕᖓᔪᓂᑦ, ᐃᓕᓐᓂᐊᕆᐊᓪᓛᓂᕐᒧᑦ ᐊᒻᒪᓗ ᑐᑭᓯᒪᔭᐅᑎᑦᓯᓂᕐᒧᑦ ᐱᓇᓱᑦᑕᐅᔪᓂᑦ ᐃᓄᓐᓂᑦ ᐃᓅᓱᑦᑐᓂᑦ;
- ᐃᑲᔪᕐᓯᓗᓂ ᐱᓇᓱᑦᑎᒪᕆᓐᓂᑦ, ᐱᒍᑦᔨᕕᖓᓂ ᐊᕙᑎᓕᕆᓂᕐᒥᒃ, ᐆᒪᔪᓕᕆᓂᕐᒥᒃ ᖃᐅᔨᓴᕐᓂᒥᓗ ᐃᓕᓐᓂᐊᑎᑦᓯᒍᑎᑦᓴᓂᑦ ᐱᓇᓱᖃᑎᒌᓐᓂᓂᓗ ᐊᑕᐅᑦᓯᑯᓕᕐᑎᓯᔨᖓᓂᒃ, ᓄᐃᑦᓯᓗᑎᑦ ᐃᓚᐅᑎᑦᓯᒋᐊᓪᓚᕈᑎᑦᓴᓂᑦ ᐱᒋᐊᕐᑎᑕᐅᔪᓂᑦ ᓄᓇᕕᒻᒥ ᓄᓇᓕᖏᓪᓗ;
- ᐃᑲᔪᕐᓯᓗᓂ ᓄᓇᕕᒻᒥ ᖃᐅᔨᓴᕐᕕᐅᑉ ᐊᓪᓚᖁᑎᓕᒫᓂᑦ ᐊᓪᓚᓯᒪᔪᖃᐅᑎᒨᔦᔨᒥᒃ ᐊᐅᓚᑕᐅᓂᖏᓐᓂᑦ ᑭᓯᑕᐅᒪᒍᑎᓂᑦ ᓄᐊᑕᕕᓂᕐᓂᓗ;
- ᐃᑲᔪᕐᓯᓗᓂ ᑐᑭᒧᐊᑦᑎᓯᔨᒥᒃ ᐊᓪᓚᑎᒥᓗ ᐸᕐᓀᓂᕐᒥᒃ, ᐱᓪᓗᑯᒋᐊᓕᑎᒍᑦ ᐃᑲᔪᕐᓯᓂᒃᑯᑦ ᐊᒻᒪᓗ ᑲᒪᒋᔭᖃᕆᐊᓪᓛᓂᕐᒥᒃ ᑲᑎᖕᖓᓂᕕᓂᕐᓂᑦ (ᑕᑯᓐᓇᖃᑎᒌᑦᓱᑎᑦ ᐊᒻᒪᓗ ᖃᕆᑕᐅᔭᑎᒍᕐᑐᓂᑦ);
ᐅᑦᑑᑎᐅᔪᐃᑦ ᓯᓚᑖᓂ ᐱᓯᒪᔪᐃᑦ ᑐᓴᕋᑦᓴᓂᑦ ᐱᓇᓱᒋᐊᓕᖏᑦ ᐃᓚᖃᕐᖁᑦ, ᑖᒃᑯᑑᒐᑎᓗ:
- ᑐᑭᓯᒐᓱᒍᑎᐅᔪᓂᑦ ᑲᒪᒋᔭᖃᕐᓗᓂ ᑐᑭᓯᒪᔭᐅᒍᑎᐅᒋᐊᓕᓐᓂᑦ ᐃᑲᔪᕐᓯᒍᑎᓂᑦᓗ ᓄᓇᕕᒻᒥ ᓄᓇᓕᖏᓐᓂᑦ ᐱᓯᒪᔪᓂᑦ ᐊᒻᒪᓗ ᓄᓇᓕᒻᒥ ᓄᓇᓕᓕᒫᓄᓕᖓᔪᓂᓗ ᑎᒥᐅᔪᓂᑦ;
- ᑐᑭᓯᒐᓱᒍᑎᐅᔪᓂᑦ ᑲᒪᒋᔭᖃᕐᓗᓂ ᓴᐳᑦᔨᓗᓂᓗ ᓯᓚᑖᓂᑦ ᐱᓯᒪᔪᓂᑦ ᖃᐅᔨᓴᕐᓂᒥᒃ ᐱᓇᓱᖃᑎᒌᑦᑐᓂᓗ;
- ᖃᓄᐃᓕᖓᓕᕐᓂᖓᓂᑦ ᓄᑕᐅᓯᓕᕆᕙᓪᓗᓂ ᓄᓇᕕᒻᒥ ᖃᐅᔨᓴᕐᕕᖓᑕ ᖃᕆᑕᐅᔭᑎᒍᑦ ᓄᐃᑕᑎᑦᓯᕕᖓᓂᒃ ᓄᐃᑦᓯᓗᑎᑦ/ᐊᐅᓚᑦᓯᓗᑎᑦ ᓄᓇᕕᒻᒥ ᖃᐅᔨᓴᕐᕕᐅᑉ ᓇᐅᓕᒫᓄᑦ ᑐᑭᓯᒪᖃᑎᒌᒍᑎᓂᑦ ᑐᓴᕋᑦᓴᓕᕆᕕᖓᓂ ᓄᐃᑕᑎᑦᓯᕕᖓ(ᖏᑦ) ᐱᓇᓱᖃᑎᖃᕐᓗᓂ ᒪᑭᕝᕕᑯᑦ ᑐᓴᕋᑦᓴᓕᕆᓂᕐᒥᒃ ᐱᓇᓱᑦᑎᖏᓐᓂᑦ;
- ᐃᑲᔪᕐᓯᓗᓂ ᐱᓇᓱᑦᑎᒪᕆᓐᓂᑦ ᐊᓪᓚᓂᒃᑯᑦ ᐊᑐᐊᒐᕐᒥ ᐊᒻᒪᓗ ᐊᑐᐊᒐᑦᓴᓂᑦ;
- ᐊᐅᓪᓚᑲᑦᑕᕈᓐᓇᓗᓂ ᐊᐅᓪᓚᖁᔭᐅᓕᕈᓂ;
- ᐊᓯᖏᓐᓂᑦ ᐱᓇᓱᖃᑦᑕᓗᓂ ᐱᓇᓱᒐᕐᒥᓄᓕᖓᔪᓂᑦ ᐅᕝᕙᓗᓐᓃᑦ ᐱᓇᓱᖁᔭᐅᓕᕈᓂ ᐊᖓᔪᕐᖄᒥᓄᑦ.
Qualifications:
- ᐃᓕᓐᓂᐊᕕᕐᔪᐊᒥᒃ ᐳᕐᑐᓂᕐᓴᒥ ᐱᔭᕆᕐᓯᒪᓗᓂ ᓱᑯᐃᔦᓂᕐᒧᓕᖓᔪᓂᑦ;
- ᓇᓪᓕᑐᐃᓐᓇᖏᓐᓂᑦ ᐱᓇᓱᑦᑎᐅᓯᒪᓗᓂ, ᖃᐅᔨᒪᓗᓂ ᐱᕈᕐᑐᓕᕆᓂᕐᒥᒃ (ᐆᒪᔪᓂᑦ), ᓱᑯᐃᔦᓂᕐᒥᒃ, ᐱᐅᔫᖓᔭᕐᑐᖅ;
- ᑐᑭᓯᒪᖃᑎᒌᓐᓂᖃᑦᓯᐊᖁᓐᓇᓗᓂ ᒪᕐᕈᔪᐊᓐᓂᒃ (2) ᐱᖓᓲᑎᓪᓗᒋᑦ (3) ᐅᖃᐅᓰᑦ: ᐃᓄᒃᑎᑐᑦ, ᖃᓪᓗᓈᑎᑐᑦ/ᒍᐃᒍᐃᑎᑐᓗ(ᓘᓐᓃᑦ);
- ᖃᕆᑕᐅᔭᒥᒃ ᐊᑐᕈᓐᓇᓯᐊᕐᓗᓂ : Microsoft Suite (Excel, Word, PowerPoint, ᐊᓯᖏᓪᓗ);
- ᐃᓄᐃᑦ ᐱᐅᓯᑐᖃᖓᓂᒃ ᐃᓗᕐᖁᓯᖓᓂᓗ ᖃᐅᔨᒪᓗᓂ ᑐᑭᓯᒪᓗᓂᓗ, ᐱᐅᔫᒐᔭᕐᑐᖅ;
- ᓄᐃᑕᑎᑦᓯᓗᓂ ᐊᓯᒥᓂᒃ ᑐᑭᓯᒪᖃᑎᖃᕈᓐᓇᓯᐊᕐᓂᒥᓂᒃ;
- ᓄᐃᑕᑎᑦᓯᓗᓂ ᐃᒻᒥᓂᕿᓗᓂ ᐱᓇᓱᒍᓐᓇᓯᐊᕐᓂᒥᓂᒃ ᐱᓇᓱᑦᑎᐅᖃᑎᒥᓂᓗ ᐱᓇᓱᖃᑎᖃᕈᓐᓇᓯᐊᕐᓗᓂ.
ᐃᓕᓐᓂᐊᕆᐊᓪᓛᑎᑕᐅᒍᓐᓇᖁᑦ ᐃᓚᐅᔪᐃᑦ ᐱᓇᓱᒐᕐᒥᓂᒃ ᓯᕗᒧᐊᒋᐊᓪᓚᒍᑎᑦᓴᓂᑦ.
ᐃᓄᐃᑦ ᐃᓚᐅᔪᐃᑦ ᐱᓇᓱᑦᑎᑖᕆᔭᐅᕐᖄᖃᑦᑕᓂᐊᕐᖁᑦ ᒪᑭᕝᕕᑯᓂ.
Benefits:
ᐱᕙᓪᓕᖁᑎᓕᒫᖏᑦ ᐊᑐᐃᓐᓇᐅᑎᑕᐅᔪᑦ ᐱᓇᓱᑦᑎᖏᓐᓄᑦ ᒪᑭᕝᕕᑯᑦ ᐊᓪᓚᑕᐅᒪᔪᑦ ᒪᑭᕝᕕᑯᓂ ᐱᓇᓱᑦᑎᓕᕆᕕᒻᒥ ᒪᓕᒐᖏᓐᓂᑦ.
ᑯᐊᐳᕆᓴᓐᒥ ᑐᕌᒐᖃᕐᖁᑦ ᐱᓇᓱᒐᕐᑖᑎᑦᓯᒍᒪᑦᓱᑎᑦ ᐃᓄᓐᓂᑦ ᐃᓚᐅᔪᓂᑦ ᔦᒻᔅ ᐯ ᑯᐯᒃᒥᓗ ᑕᕐᕋᖓᓂ ᐊᖏᖃᑎᒌᒍᑎᖓᓄᑦ.
ᓇᑯᕐᒦᖁᒍᑦ ᐱᓇᓱᒐᕐᑖᕋᓱᑦᑐᓕᒫᓂᒃ ᑖᑦᓱᒧᖓ ᐱᓇᓱᒐᕐᒧᑦ.
ᐊᐱᕐᓱᑲᑦᑕᑕᐅᒐᔭᕐᑐᐃᑦ ᑭᓯᐊᓂ ᐊᓪᓚᕕᐅᓛᕐᖁᑦ.
Are you interested in this position?
You can apply by filling in the form below.
You can apply by visiting our website at www.makivik.org/jobs