Job Description:

ᒥᓇᕋᕐᕕᖓ:                                 ᑎᒥᐅᑉ ᐊᓪᓚᑎᒻᒪᕆᖓ

Responsibilities:

• ᑐᑭᒧᐊᑦᑎᓯᓂᖅ ᐊᒻᒪᓗ ᐊᐅᓚᑦᓯᓂᖅ ᐱᒍᑦᔨᓂᕐᒥᒃ ᐃᖏᕐᕋᑎᑦᓯᒍᑎᓂᒃ ᖃᓗᓗᒋᑦ ᐱᖁᑎᓂᒃ ᐊᐅᓚᑦᓯᓂᖅ, ᐱᓇᓱᐊᑦᓴᑎᒍᑦ ᐊᐅᓪᓚᕈᑎᓕᕆᓂᖅ, ᖃᐅᔨᒪᒍᑎᓂᒃ ᐱᓇᓱᐊᕈᑏᑦ (ᖃᕆᑕᐅᔦᑦ), ᐊᒻᒪᓗ ᐃᓚᐅᔪᓕᐅᕐᓂᖅ;

• ᑲᒪᔨᐅᓂᖅ ᐊᑦᔨᒌᖕᖏᑐᓂᒃ-ᐱᓇᓱᐊᒐᓕᓐᓂᒃ ᐊᒻᒪᓗ ᐊᑦᔨᒌᖕᖏᑐᒻᒪᕆᓐᓂᒃ ᐱᓇᓱᑦᑎᓂᒃ;
• ᐱᕙᓪᓕᐊᓂᖅ ᐊᒻᒪᓗ ᐊᑐᓕᕐᑎᓯᓂᖅ ᓯᕗᓂᓕᐅᕐᓯᒪᐅᑎᓂᒃ, ᐃᖏᕐᕋᑎᑦᓯᓂᒃᑯᑦ ᐱᕐᕈᓯᕐᓂᒃ, ᒪᓕᒑᐱᓐᓂᒃ, ᐋᕐᕿᓱᐃᓂᖅ ᐊᑯᓂᐅᖕᖏᑐᒃᑯᑦ ᐊᑯᓂᐅᔪᑎᒍᓪᓗ ᑐᕌᕐᑕᐅᔪᑦᓴᓂᒃ ᐱᓇᓱᕝᕕᒧᑦ;

• ᐸᕐᓇᓂᖅ, ᐊᑐᐃᓐᓇᕈᑦᑎᕆᓂᖅ ᐊᒻᒪᓗ ᓄᐃᑦᓯᓂᖅ ᐊᕐᕌᒍᑕᒫᑦ ᑮᓇᐅᔭᑎᒍᑦ ᑐᕌᒐᑦᓴᓂᒃ
• ᐊᕕᑦᑐᐃᒋᐊᑦᓯᐊᓂᖅ ᑐᕌᒐᕐᓂᒃ ᐱᓇᓱᕝᕕᓕᒫᑎᒍᑦ ᑌᒣᒋᐊᖃᕐᓂᖅ ᒪᓕᓪᓗᒍ, ᐊᒻᒪᓗ ᓇᓗᓀᕐᓯᖃᑦᑕᓂᖅ ᓇᐅᑐᐃᓐᓇᓂᒃ ᑮᓇᐅᔭᓂᒃ ᐊᕕᒍᑎᒍᑦ ᓈᒻᒪᖕᖏᒍᑎᓂᒃ;
• ᒪᓕᑦᑐᓂᖅ ᑮᓇᐅᔭᑎᒍᑦ ᐱᓇᓱᕝᕕᐅᑉ ᖃᓄᐃᓘᕐᓂᖓᓂᒃ ᓱᕐᖁᐃᓴᕐᓗᓂ ᑎᒥᐅᑉ ᓂᐳᕐᑎᓯᖃᑦᑕᓂᖓᓂᒃ ᐅᕝᕙᓘᓐᓃᑦ ᖄᖏᐅᑎᖃᑦᑕᓂᖓᓂᒃ ᑐᕌᒐᕐᑎᒍᑦ ᐱᔭᐅᓇᓱᐊᕐᑐᓂᒃ;

• ᐁᓯᒪᓂᖅ ᐊᒻᒪᓗ ᐃᓚᐅᖃᑕᐅᓂᖅ ᑎᒥᓂᒃ ᐊᐅᓚᑦᓯᔪᑦ ᑲᑎᒪᔨᖏᓐᓂ ᒪᑭᕝᕕᐅᑉ ᐃᓗᐊᓂ ᐊᒻᒪᓗ ᒥᓇᕈᑎᖃᕐᐸᓂᖅ ᑌᒣᖁᔭᐅᓕᕈᓂ;
• ᓱᕐᖁᐃᓂᖅ ᐱᓇᓱᕝᕕᐅᑉ ᐱᓇᓱᐊᕐᓂᖓᑕ ᒪᓕᑦᓯᐊᓂᖓᓂᒃ ᒪᑭᕝᕕᒧᑦ ᑎᓕᔭᐅᒪᒍᑎᒥᓂᒃ;
• ᖃᓄᐃᓘᖃᑕᐅᖃᑦᑕᓂᖅ ᐊᓯᒥᓄᑦ ᑲᒪᔨᒻᒪᕆᓐᓄᑦ ᐱᕙᓪᓕᐊᖃᑎᒋᓗᒋᑦ ᐱᓇᓱᕝᕕᐅᓕᕇᑦ ᖃᓄᐃᓘᕈᑎᑦᓯᐊᓂᖓᓂᒃ ᑕᒣᓐᓄᑦ ᑲᒪᒍᑕᐅᔪᑦ ᐱᑦᔪᑎᒋᓗᒋᑦ;
• ᐸᕐᓇᓂᖅ ᐊᒻᒪᓗ ᖃᐅᔨᒋᐊᖃᑦᑕᓂᖅ ᐊᓪᓚᕕᒻᒥ ᐱᒋᐊᓕᓐᓂᒃ, ᐊᑦᑕᑐᐊᕐᓯᓂᕐᒧᑦ ᐊᖏᖃᑎᒌᒍᑎᓕᐅᕐᓂᖅ ᐊᒻᒪᓗ ᐊᑦᑕᑐᐊᕐᓯᒍᑎᓂᒃ ᐊᐅᓚᑦᓯᓂᖅ;
• ᓱᕐᖁᐃᓂᖅ ᑲᔪᓯᑎᑦᓯᓂᕐᒥᒃ ᐊᒻᒪᓗ ᐅᐸᓗᑦᑕᕋᓂ ᑐᓴᕐᑎᓯᖃᑦᑕᓂᕐᒥᒃ ᐊᐅᓚᑦᔭᕈᑕᐅᒋᖃᕐᓯᒪᔪᑦ ᐊᒻᒪᓗ ᐅᐃᒪᒍᑕᐅᒋᐊᓖᑦ ᑲᒪᒍᑏᑦ ᐱᑦᔪᑎᒋᓗᒋᑦ;
• ᐱᓕᕐᐸᓕᐊᑎᑦᓯᓂᖅ ᐃᑲᔪᕐᑎᒌᓐᓂᒥᒃ ᐃᓚᖃᕐᓗᓂ ᑯᒻᒪᓲᑎᖃᖃᑕᐅᔪᓂᒃ;

• ᓇᓗᓀᕐᓯᒍᓐᓇᓂᖅ ᑲᒪᒋᒋᐊᖃᕐᓂᐹᓂᒃ ᐃᓱᐃᓗᑕᕐᓂᒃ; ᓴᓇᑐᔫᓗᓂ ᐊᒻᒪᓗ ᓯᕗᓂᓕᐅᕐᓯᒪᐅᑎᖃᕐᓗᓂ ᐊᓂᒎᑎᑎᑦᓯᓂᖅ ᑎᒥᐅᑉ ᐃᓗᐊᒍᑦ ᐱᒋᐊᑐᔪᓂᒃ ᐅᕝᕙᓘᓐᓃᑦ ᐊᕝᕕᐊᓗᑕᕐᓂᒃ;

• ᐊᑐᐃᓐᓇᐅᓂᖅ ᐊᐅᓪᓚᖃᑦᑕᓚᖓᓗᓂ, ᑌᒣᖁᔭᐅᓂᖅ ᒪᓕᓪᓗᒍ;
• ᑲᔪᓯᑎᑦᓯᓂᖅ ᐊᓯᖏᓐᓂᒃ ᐊᑦᑐᐊᒥᔪᓂᒃ ᐱᔭᑦᓴᓂᒃ ᐃᓂᐅᑉ ᐊᐅᓚᑦᓯᔨᐅᕕᖓᑕ ᐃᓗᐊᓂ ᐅᕝᕙᓘᓐᓃᑦ ᐊᖓᔪᕐᖄᖓᑕ ᑎᓕᔨᓂᖓ ᒪᓕᓪᓗᓂ.

Qualifications:

• ᐃᓕᓐᓂᐊᕇᕈᑎ ᐊᒻᒪᓗ/ᐅᕝᕙᓗᓘᓐᓃᑦ ᐱᒋᐅᕐᓴᓯᒪᓂᖅ ᑎᒥᒥᒃ ᐊᐅᓚᑦᓯᓂᕐᒥᒃ ᐃᓱᐊᖁᑕᐅᔪᖅ;
• 4-ᓂᒃ 6-ᓄᑦ ᐊᕐᕌᒍᓂ ᐱᓇᓱᑦᑎᐅᓯᒪᓂᖅ ᐊᑦᔨᒐᓚᖓᓂ ᐃᓂᒥ;
• ᐅᖃᖃᑎᖃᕐᑎᓯᐅᓂᖅ ᐃᑭᓐᓂᐹᖓᓄᑦ ᒪᕐᕈᐃᓄᑦ (2) ᐱᖓᓱᐃᓕᖓᔪᑦ (3) ᐅᖃᐅᓰᑦ ᐃᓚᖏᓐᓄᑦ: ᐃᓄᒃᑎᑐᑦ, ᖃᓪᓗᓈᑎᑐᑦ ᐊᒻᒪᓗ/ᐅᕝᕙᓗᓘᓐᓃᑦ ᐅᐃᒍᐃᑎᑐᑦ;
• ᐃᓂᓪᓚᖓᓯᑎᒻᒪᕆᐅᓂᖅ ᑲᒪᒍᓐᓇᓗᓂ ᐱᔭᑦᓴᓂᒃ ᐅᐃᒪᓇᕐᓂᓕᕆᓂᕐᒥᒃ, ᐊᒥᓱᓂᒃ-ᐊᑕᐅᑦᓯᑯᑦ ᐱᓇᓱᓐᓂᒥᒃ, ᐅᓪᓗᓯᐅᑎᑎᒍᑦ ᓯᕗᒧᐊᕐᕕᓴᓂᒃ, ᐊᒻᒪᓗ ᐊᑐᑦᓯᐊᓂᕐᒥᒃ ᓯᕿᕐᖑᔭᑎᒍᑦ ᐱᕕᖃᕐᓂᒥᒃ;
• ᐱᓇᓱᑦᑎᓯᐊᖑᓂᕐᒥᒃ/ᓯᓚᑦᑐᓂᐅᓂᕐᒥᒃ ᑕᑯᑦᓴᑯᑦ ᐱᐅᓯᖃᓲᖑᓂᖅ ᐅᖁᒣᑦᑐᖃᕐᑎᓗᒍ;
• ᐋᕐᕿᒋᐊᕐᓯᑎᒻᒪᕆᐅᓂᖅ, ᓂᑲᓇᕋᓂ ᐃᓅᖃᑎᓂᒃ ᑲᒪᓯᑎᐅᓂᖅ ᐱᑦᓯᐊᓂᐊᕋᒥ ᐊᑦᔨᒌᖕᖏᑐᓕᐹᓗᓐᓂᒃ ᐊᕙᑎᒥᐅᑕᖃᕐᓗᓂ ᐱᓇᓱᕝᕕᒥᓂ;
• ᐊᐅᓚᑦᓯᒍᓐᓇᓂᖅ ᐃᓄᓐᓂᒃ ᐃᑉᐱᒍᓱᑦᓯᐊᓗᓂ, ᐱᑦᓯᐊᓗᓂ, ᖁᑦᓴᓚᓐᓇᕋᓂ ᐊᒻᒪᓗ ᐱᓇᓱᑦᑎᓯᐊᑎᑐᑦ ᑌᒪᖕᖓᑦ;
• ᓱᕙᓪᓕᓇᕐᓗᓂ ᓯᕗᓕᕈᓐᓇᓂᖅ, ᑲᒪᓪᓚᕆᓪᓗᓂ ᐃᖏᕐᕋᑎᑦᓯᒍᑎᓂᒃ ᐊᒻᒪᓗ ᑎᒥᒥᒃ ᐊᐅᓚᑦᓯᒍᓯᕐᓂᒃ;
• ᓱᕙᓪᓕᓇᕐᓗᓂ ᑲᒪᒍᓐᓇᓂᖅ ᓱᓇᓪᓗᑯᓕᒫᓂᒃ ᐅᖄᓕᕈᓂᒋᑦ ᓇᓚᐅᑦᓯᐊᖃᑦᑕᓗᒋᑦ;
• ᒪᑭᑕᑦᓯᒍᓐᓇᓚᕆᓐᓂᖅ ᓱᓕᓂᕐᒥᒃ, ᐅᖃᔭᒪᖕᖏᓂᕐᒥᒃ, ᐊᒻᒪᓗ ᓵᑕᑦᓴᖃᕐᓂᒥᒃ;
• ᓂᑲᓇᕋᓂ ᐃᓱᒪᓕᐅᕈᓐᓇᓂᖅ, ᐸᕐᓇᕈᓐᓇᓂᖅ, ᐅᐃᒪᓇᕐᓂᓕᕆᒍᓐᓇᓂᖅ, ᐊᒻᒪᓗ ᑲᔪᓯᑎᑦᓯᓯᑎᐅᓂᖅ;
• ᐃᑉᐱᒋᔭᖃᑦᓯᐊᓂᖅ ᐱᑦᓯᐊᕕᖃᕐᑐᓴᐅᓂᕐᒥᒃ, ᐃᓚᖃᕐᑎᓗᒍ ᓂᑲᓇᖕᖏᑐᒥᒃ ᐊᖏᖃᑎᖃᕋᓱᒍᓐᓇᓂᒥᒃ, ᐹᕐᓯᖓᐅᑎᔪᓂᒃ ᐋᕐᕿᓱᐃᒍᓐᓇᓂᕐᒥᒃ, ᐊᒻᒪᓗ ᐃᓄᓐᓂᒃ ᐊᐅᓚᑦᓯᒍᓐᓇᓂᕐᒥᒃ.

Benefits:

ᓴᓂᕌᒍᑦ ᐱᕙᓪᓕᖁᑎᓕᒫᑦ ᐊᑐᐃᓐᓇᐅᓲᑦ ᒪᑭᕝᕕᒥ ᐱᓇᓱᑦᑎᓄᑦ ᐅᖃᕐᑕᐅᓯᒪᑦᓱᑎᒃ ᐱᓇᓱᑦᑎᓕᕆᓂᕐᒧᑦ ᒪᓕᒐᖏᓐᓂ.