Job Description:

ᐅᕙᒍᑦ ᒥᑦᓵᓄᑦ:

ᒪᑭᕝᕕᒃ ᓄᓇᑖᕈᑎᓄᑦ ᑎᒥᐅᕗᖅ ᑎᓕᔭᐅᒪᒍᑎᖃᕐᓱᓂ ᐊᐅᓚᑦᓯᓂᕐᒥᒃ ᑮᓇᐅᔭᓂᒃ ᕿᒻᒪᖁᓯᕈᑎᓂᒃ ᐃᓄᓐᓄᑦ ᓄᓇᕕᒻᒥᐅᓄᑦ ᓄᐃᑕᐅᓯᒪᔪᓂᒃ ᔦᒻᔅ ᐯᒥ ᐊᒻᒪᓗ ᑯᐯᒃ ᑕᕐᕋᖓᓂ ᐊᖏᖃᑎᒌᓐᓂᐅᑉ ᐊᑑᒍᑦ.

ᒪᑭᕝᕕᐅᑉ ᐊᑑᑎᖓ ᖃᓗᓯᔪᖅ ᐊᑐᕐᑎᓯᓂᕐᒥᒃ ᐊᒻᒪᓗ ᑐᖕᖓᕖᕈᑎᖃᕐᓂᒥᒃ ᑖᒃᑯᓂᖓ ᑮᓇᐅᔭᓂᒃ ᐊᒻᒪᓗ ᑫᓪᓗᐊᑎᐅᓂᕐᒥᒃ ᒪᑭᑕᐅᑎᑎᒍᑦ ᐱᕈᕐᐸᓕᐊᓂᕐᒥᒃ ᓄᐃᑕᑦᓯᒍᑎᒋᓗᒍ ᐃᑲᔪᕐᒥᒃ ᐃᓕᖓᔪᒥᒃ ᐱᖕᖑᐃᓂᕐᒧᑦ ᐃᓄᐃᑦ-ᐊᐅᓚᑕᖏᓐᓂᒃ ᖃᑭᓴᐅᑎᓂᒃ ᓄᓇᕕᐅᑉ ᐃᓗᐊᓂ. ᒪᑭᕝᕕᒃ ᑫᓪᓗᐊᐳᖅ ᐱᐅᓕᒪᑦᓯᓂᕐᒥᒃ ᐃᓄᐃᑦ ᐃᓗᕐᖁᓯᖓᓐᓂᒃ ᐅᖃᐅᓯᖓᓂᓪᓗ ᐊᒻᒪᓗ ᐃᓗᓯᕐᒥᒃ, ᖃᓄᐃᖕᖏᓂᕐᒥᒃ, ᐊᔪᕐᓴᓂᐅᑉ ᐃᑯᓪᓚᑎᑕᐅᓂᖓᓂᒃ, ᐊᒻᒪᓗ ᐃᓕᓐᓂᐊᓂᕐᒥᒃ ᐃᓄᓐᓄᑦ ᓄᓇᓖᑦ ᐃᓗᐊᓂ.

ᐱᖕᖑᑎᑕᐅᓯᒪᔪᖅ 2001-ᒥ, ᓴᓇᓂᕐᒥᒃ ᐱᓇᓱᕝᕕᒃ (ᒪᑭᕝᕕᒥ) ᑲᒪᔨᐅᕗᖅ ᑲᔪᓯᓕᕐᑎᓯᓂᕐᒥᒃ ᓄᓇᕕᒻᒥ ᐃᓪᓗᐃᑦ ᐱᓂᐊᕈᑎᖓᓂᒃ ᐊᒻᒪᓗ ᑐᕌᕐᓂᒪᕆᖓ ᐃᓕᖓᕗᖅ ᓴᓇᓂᕐᒧᑦ ᐱᐅᔪᔭᓂᒃ ᐃᓪᓗᓂᒃ ᐱᕕᓕᒫᕐᑎᓯᒻᒥᓗᓂ ᐱᓇᓱᒐᕐᑖᖑᔪᑦᓴᓂᒃ ᐃᓄᓐᓄᑦ ᓄᓇᕕᒻᒥᐅᓄᑦ, ᐊᒻᒪᓗ ᑫᓪᓗᐊᓂᕐᒧᑦ ᓄᓇᓕᓐᓂ ᓄᓇᕕᐅᑉ ᒪᑭᑕᐅᑎᖏᓐᓂᒃ ᑕᒪᑐᒪ ᐱᕕᖃᕐᓂᓕᒫᖓᓄᑦ.

ᒪᑭᕝᕕᐅᑉ ᓴᓇᔨᖏᑦ ᕿᓂᕐᑐᑦ ᑲᑦᓱᙰᑦᑐᓂᒃ ᐃᓄᓐᓂᒃ ᖃᓄᕐᑑᕈᓐᓇᑐᓂᒃ, ᐃᓱᒪᒥᒍᑦ ᒪᑐᐃᖕᖔᑐᓂᒃ ᐊᒻᒪᓗ ᐊᑐᐃᓐᓇᐅᓯᕐᐊᑐᓂᒃ ᐱᓇᓱᓐᓂᐊᓗᑎᒃ ᑕᐸᓇᖕᖏᑐᒥ ᐅᖓᓯᑦᑐᒥ ᓄᓇᒥ. ᑖᓐᓇ ᐃᓂᒃ ᐊᓕᐊᓇᕐᑐᒥᒃ ᐱᕕᑖᕈᑕᐅᕗᖅ ᐃᑲᔪᕐᓯᒍᑎᑦᓴᒥᒃ ᐱᕙᓪᓕᐊᑎᑦᓯᓂᕐᒥᒃ ᐃᓄᐃᑦ ᓄᓇᓕᖏᓐᓂᒃ ᑯᐯᒻᒥ ᐊᒻᒪᓗ ᐃᓕᑦᓯᒋᐊᓪᓚᐅᑎᑦᓴᒥᒃ ᓴᓇᓂᐅᑉ ᐱᐅᓯᖏᓐᓂᒃ ᐊᒻᒪᓗ ᐱᕐᕈᓯᖏᓐᓂᒃ ᐅᑭᐅᕐᑕᑐᒥᐅᑦ ᓄᓇᖓᓂ ᐊᑐᕐᑐᓂᒃ.

ᐱᓇᓱᑦᑎᓕᕆᓂᕐᒥᒃ ᐊᓪᓚᕕᖓ ᓴᓇᓂᕐᒥᒃ ᐱᓇᓱᕝᕕᒥ ᓴᓇᔨᐅᑦᓱᑎᒃ ᐱᓇᓱᑦᑎᓂᒃ ᑭᓯᐊᓂᑦᓯᐊᖅ ᑲᒪᒋᔭᓕᒃ.

ᐅᖃᕆᐊᑭᓈᕈᑏᑦ

ᑐᑭᒧᐊᑦᑎᓯᔨᐅᑉ ᐃᑲᔪᕐᑎᖓ ᐱᓇᓱᑦᑎᓕᕆᕕᒻᒥ ᑲᒪᔨᐅᕗᖅ ᐸᕐᓇᓂᕐᒥᒃ, ᐃᓂᓪᓚᑎᕐᓂᒥᒃ, ᓴᖑᐊᑦᓯᓂᕐᒥᒃ, ᐅᖑᒪᑦᓯᓂᕐᒥᒃ, ᐊᒻᒪᓗ ᑐᑭᓯᓂᐊᕐᓂᒥᒃ ᐱᓇᓱᑦᑎᓂᒃ ᓴᓇᓂᕐᒥᒃ ᐱᓇᓱᕝᕕᒥ. ᑲᒪᔨᐅᒍᑎᖏᑦᑕ ᐱᒻᒪᕆᐅᓂᖏᑦ ᐃᓚᓖᑦ ᐱᐅᓯᑦᓴᓂᒃ ᒪᓕᒐᑦᓴᓂᓪᓗ ᐱᕙᓪᓕᐊᓂᕐᒥᒃ; ᐱᓇᓱᑦᑎᒋᒋᐊᓕᓐᓂᒃ ᐸᕐᓇᓂᕐᒥᒃ; ᐱᓇᓱᑦᑎᓕᕆᓂᕐᒥᒃ; ᐱᒋᐅᕐᓴᑎᑦᓯᓂᕐᒥᒃ ᐊᒻᒪᓗ ᐱᕙᓪᓕᐊᑎᑦᓯᓂᕐᒥᒃ; ᐱᓇᓱᑦᑎᓯᐅᕐᓂᒥᒃ ᐊᒻᒪᓗ ᓇᓪᓕᑳᕐᓂᒥᒃ; ᐊᒻᒪᓗ ᑐᑭᓯᓂᐊᕐᓂᒥᒃ ᐱᐅᓯᒋᐊᕐᑎᓯᓂᕐᒥᓗ ᐱᓇᓱᑦᑎᓕᕆᓂᐅᑉ ᐃᓂᓪᓚᖓᐅᑎᖏᓐᓂᒃ. ᐊᖑᒪᑦᓯᖏᓐᓇᒥᓗᓂ ᐊᑐᕆᐊᓕᓕᒫᓂᒃ ᑲᕙᒪᑐᖃᒃᑯᑦ, ᑯᐯᒃᑯᑦ, ᐊᒻᒪᓗ ᑲᕙᒫᐲᑦ ᐱᖁᔭᖏᓐᓂᒃ ᐊᒻᒪᓗ ᒪᓕᒐᖏᓐᓂᒃ, ᑖᓐᓇ ᐃᓂᒃ ᐃᓄᒻᒥᒃ ᒪᓕᒋᐊᖃᕐᑎᓯᒻᒥᔪᖅ ᐊᑐᕐᑎᓯᓗᓂᓗ ᐃᓘᓐᓀᓂᒃ ᑎᒥᐅᑉ ᒪᓕᒐᖏᓐᓂᒃ ᐊᒻᒪᓗ ᐱᕐᕈᓯᖏᓐᓂᒃ. ᑖᓐᓇ ᐊᑑᑎᖓ ᓱᓕᒋᐊᓪᓚᒃ ᐃᓄᒻᒥᒃ ᒪᑭᑕᑦᓯᒋᐊᖃᕐᑎᓯᒻᒥᔪᖅ ᑲᒪᒋᐅᑎᑦᓯᐊᓂᕐᒥᒃ ᐊᑯᓐᓂᒥ ᑲᒪᔨᒻᒪᕆᓐᓄᑦ ᐊᒻᒪᓗ ᐱᓇᓱᑦᑎᓄᑦ. ᐊᓯᖏᓐᓂᒃ ᐱᓇᓱᐊᑦᓴᓂᒃ ᑎᓕᔭᐅᒍᑎᖃᕈᓐᓇᒥᔪᖅ, ᑌᒣᒋᐊᖃᕐᓂᖅ ᒪᓕᓪᓗᒍ.

Responsibilities:

• ᐸᕐᓇᓂᖅ, ᐃᓂᓪᓚᑎᕐᓂᖅ, ᐊᐅᓚᑦᓯᓂᖅ, ᐊᒻᒪᓗ ᑲᒪᔨᐅᓂᖅ ᐱᓇᓱᑦᑕᐅᔪᓕᒫᓂᒃ ᓴᓇᓂᕐᒥᒃ ᐱᓇᓱᑦᑎᓄᑦ ᐊᒻᒪᓗ ᓴᓇᒋᐊᓖᑦ ᐱᖁᑎᖏᓐᓂᒃ;
• ᓯᕗᓂᓕᐅᕐᓯᒪᑦᓯᐊᓗᓂ ᐸᕐᓇᓂᖅ ᓴᓇᓂᕐᒥᒃ ᐱᓇᓱᕝᕕᒥ ᐃᓄᓐᓄᑦ ᐱᖁᑎᓂᒃ ᐱᒋᐊᖃᕈᑎᓂᒃ;
• ᓱᕐᖁᐃᓂᖅ ᓴᓇᓂᕐᒥᒃ ᐱᓇᓱᕝᕕᐅᑉ ᒪᓕᖏᓐᓇᓂᖓᓂᒃ ᐊᑐᕆᐊᓕᓕᒫᓂᒃ ᐱᓇᓱᓐᓂᒧᑦ ᐱᑯᔭᓂᒃ, ᒪᓕᒐᕐᓂᒃ, ᐱᕐᕈᓯᕐᓂᒃ ᐊᒻᒪᓗ ᐱᐅᓯᐅᒋᐊᓕᓐᓂᒃ ᖃᓗᓗᒋᑦ CCQ-ᑯᑦ ᒪᓕᒐᖏᑦ;
• ᐃᑲᔪᕐᑐᓂᖅ ᐃᖏᕐᕋᑎᑦᓯᓂᕐᒥᒃ ᐊᓪᓚᕕᐅᑉ ᑐᑭᒧᐊᑦᑎᓯᔨᖓᑕ-ᐃᑲᔪᕐᑎᖓᓂᒃ ᐊᒻᒪᓗ ᐱᓇᓱᐊᑦᓴᒥᒃ-ᑲᒪᔨᒻᒪᕆᓐᓂᒃ ᓄᐃᑕᑦᓯᕕᒋᓗᒋᑦ ᐃᓱᒪᓕᐅᕐᓂᒍᑎᓂᒃ ᐱᓇᓱᑦᑎᓕᕆᓂᐅᑉ ᑐᑭᐊᒍᑦ ᐆᑦᑑᑎᒋᓗᒍ ᑐᑭᓯᓐᓇᑎᑦᓯᓗᓂ ᐊᑐᕐᑎᓯᓗᓂᓗ ᓴᓇᔩᑦ ᐊᑕᖏᕐᑐᑦ ᐊᖏᖃᑎᒌᒍᑎᖏᓐᓂᒃ, ᐱᓇᓱᓐᓂᐅᑉ ᐃᓂᓪᓚᖓᐅᑎᖏᓐᓂᒃ, ᒪᓕᒐᕐᓂᒃ, ᐱᕐᕈᓯᕐᓂᒃ ᐊᒻᒪᓗ ᐱᐅᓯᐅᒋᐊᓕᓐᓂᒃ;
• ᓱᕐᖁᐃᓂᖅ ᐱᓇᓱᑦᑎᓕᒫᑎᒍᑦ ᐱᒋᐅᕐᓴᐅᑎᒋᒋᐊᓖᑦ ᑐᑭᓯᓂᐊᕐᑕᐅᓂᖓᓂᒃ ᐃᓕᑦᑎᓚᖓᓗᓂ ᓈᒻᒪᑐᓂᒃ ᐊᒻᒪᓗ ᐊᑐᕆᐊᓕᓐᓂᒃ ᐱᒋᐅᕐᓴᐅᑎᓂᒃ ᐊᒻᒪᓗ ᐱᕙᓪᓕᐊᒍᑎᓂᒃ;
• ᓱᕐᖁᐃᓂᖅ ᐱᒋᐅᕐᓴᐅᑏᑦ ᐊᒻᒪᓗ ᐱᕙᓪᓕᐊᑎᑦᓯᒍᑏᑦ ᐱᓇᓱᑦᑎᓂᒃ ᑲᔪᓯᑎᑕᐅᑦᓯᐊᓂᖓᓂᒃ;
• ᓱᕐᖁᐃᓂᖅ ᑭᓯᒍᑕᐅᓯᒪᔪᑦ ᑐᓴᕐᑕᐅᒍᑎᖏᑦᑕ ᐊᒻᒪᓗ ᖃᓄᐃᓘᕐᓂᐅᔪᑦ ᐱᓇᓱᑦᑎᓅᓖᖓᔪᓄᑦ ᖃᐅᔨᒪᔭᑦᓴᓄᑦ ᐆᑦᑑᑎᒋᓗᒍ ᓄᕐᖃᑲᑦᑕᑐᓂᒃ, ᐃᓄᐃᕈᓯᒪᔪᑦ ᑮᓇᐅᔭᕐᑐᕈᑕᐅᓂᖓ, ᐅᓐᓂᓘᑏᑦ ᐋᕐᕿᓱᕐᑕᐅᓂᖓ ᐊᒻᒪᓗ ᓄᐃᖕᖏᑲᑦᑕᓂᖅ, ᓄᐊᑕᐅᒋᐊᖏᑦ;
• ᕿᒥᕐᕈᓂᖅ ᐃᓘᓐᓇᖏᓐᓂᒃ ᐃᓂᕐᑎᕆᐅᑎᓕᒫᑦ ᐊᓪᓚᖏᓐᓂᒃ ᐃᓕᖓᔪᓂᒃ ᓴᓇᕕᐅᔪᓂ ᐱᓇᓱᑦᑎᓄᑦ, ᑫᒥᑦᓯᓂᖅ ᐱᐅᓯᐅᖁᓇᕐᑐᒥᒃ ᑕᒪᑐᒨᓇ ᒪᓕᓪᓗᓂ ᐊᑐᕆᐊᓕᓐᓂᒃ ᑎᒥᐅᑉ ᐱᕐᕈᓯᖏᓐᓂᒃ ᐊᒻᒪᓗ ᑐᑭᒧᐊᒍᑎᖏᓐᓂᒃ;
• ᓱᕐᖁᐃᓂᖅ ᐱᒋᐅᕐᓴᐅᑏᑦ ᐊᒻᒪᓗ ᐱᕙᓪᓕᐊᑎᑦᓯᒍᑏᑦ ᐱᓇᓱᑦᑎᓂᒃ ᑲᔪᓯᑎᑕᐅᑦᓯᐊᓂᖓᓂᒃ;
• ᐱᕙᓪᓕᐊᓂᖅ ᐊᒻᒪᓗ ᑲᔪᓯᓕᕐᑎᓯᓂᖅ ᒪᓕᒐᕐᓂᒃ ᐱᐅᓯᐅᒋᐊᓕᓐᓂᓗ ᓴᓇᕕᐅᔪᓂ ᐱᓇᓱᑦᑎᓄᑦ;
• ᐃᑲᔪᕐᓯᓂᖅ ᑭᓪᓕᓯᓂᐊᕈᑎᑎᒍᑦ ᐊᒻᒪᓗ ᑐᓴᕐᑎᓯᒍᑎᑎᒍᑦ ᐱᓂᕐᓗᑐᖃᕐᐸᑦ/ᓈᒻᒪᓈᖕᖏᑐᖃᕐᐸᑦ;
• ᓱᕐᖁᐃᓂᖅ ᐅᓐᓂᓘᑏᑦ ᑲᒪᒋᔭᐅᓂᖓᓂᒃ ᐊᒻᒪᓗ ᐋᕐᕿᓱᐃᔨᖃᕐᑎᑕᐅᓂᖏᓐᓂᒃ;
• ᐱᓇᓱᖃᑎᖃᕐᓂᖅ ᐊᓯᓂᒃ ᑎᒥᐅᔪᓂᒃ, ᑲᕙᒪᒃᑯᓂᒃ, ᐊᒻᒪᓗ CCQ-ᑯᓂᒃ;
• ᐃᓱᒻᒪᓭᔨᐅᓂᖅ ᐊᓯᒥᓄᑦ ᐃᑲᔪᕐᑎᐅᓱᑎᒃ ᐱᓇᓱᑦᑎᓄᑦ ᐱᕙᓪᓕᐊᖁᓗᒋᑦ ᐱᒋᐅᕐᓂᐅᒍᑎᒥᓂᒃ ᐊᒻᒪᓗ ᐱᔪᓐᓇᓂᕐᒥᓂᒃ;
• ᐱᓇᓱᖃᑎᖃᑦᓯᐊᓂᖅ CNESST-ᑯᑦ ᐊᐅᓚᑦᓯᔨᖓᓂᒃ.

Qualifications:

• ᓯᓚᑦᑐᓴᕐᕕᒥ ᐃᓕᑦᓯᒪᐅᑎ HR-ᒥᒃ, ᐱᓇᓱᑦᑎᓕᕆᓂᕐᒥᒃ ᐅᕝᕙᓗᓘᓐᓃᑦ ᐱᓇᓱᓕᓂᐅᓂᖅ ᐊᑦᑐᐊᔪᒥᒃ ᐱᓇᓱᒐᕐᒥᒃ;
• ᐱᔪᓐᓇᐅᑎ HR-ᒥᒃ ᐱᓇᓱᑦᑎᒪᕆᐅᓂᕐᒥᒃ (CRIA ᐅᕝᕙᓗᓘᓐᓃᑦ CRHA) ᐃᓱᐊᖁᑕᐅᔪᖅ;
• 5 – 7 ᐊᕐᕌᒍᓂ ᐱᓇᓱᑦᓯᒪᓂᖅ ᓴᓇᓂᕐᒥ ᐅᕝᕙᓗᓘᓐᓃ ᐊᑦᑐᐊᔪᒥ ᐱᓇᓱᒐᕐᒥ;
• ᐱᓇᓱᓚᐅᕐᓯᒪᓂᖅ ᐊᖓᔪᕐᖃᐅᓂᕐᒥᒃ ᐱᓇᓱᑦᑎᓄᑦ (ᐃᑭᓐᓂᐹᖓᓄᑦ 3 ᐊᕐᕌᒍᐃᑦ);
• ᐱᓇᓱᖃᑎᖃᓚᐅᕐᓯᒪᓂᖅ CCQ-ᑯᓂᒃ ᐊᒻᒪᓗ ᐱᓇᓱᐊᕈᑎᒋᒍᓐᓇᓗᒍ ᖃᐅᔨᒪᓂᖅ ᓴᓇᓂᐅᑉ ᐱᓇᓱᐊᒐᖓᓂᒃ ᐃᓱᐊᖁᑕᐅᔪᖅ;
• ᐱᓇᓱᑦᓱᓂ ᖃᐅᔨᓯᒪᓂᖅ ᐃᓗᓯᓕᕆᓂᒃᑯᑦ ᐊᒻᒪᓗ ᐱᓇᓱᑦᑎᓕᕆᓂᒃᑯᑦ ᐱᓇᓱᐊᑦᓴᓂᒃ;
• ᐊᑐᕈᓐᓇᓗᒋᑦ ᖃᐅᔨᒪᒋᐊᓕᒃ ᖃᕆᑕᐅᔭᕈᑎᓂᒃ Microsoft Office (Word ᐊᒻᒪᓗ Excel);

• ᐱᓇᓱᓚᐅᕐᓯᒪᓂᖅ HRIS-ᓂᒃ ᑲᒪᒍᑎᓄᑦ ᐃᓱᐊᖁᑕᐅᔪᖅ;
• ᐱᓇᓱᑦᑎᒪᕆᐅᓗᓂ ᐱᓇᓱᑦᓯᒪᓂᖅ ᐃᓗᕐᖁᓯᖃᑎᒌᖕᖏᑐᑦ ᐅᕝᕙᓗᓘᓐᓃᑦ ᐊᒥᓱᐃᓂᒃ-ᐃᓄᑦᓴᔭᓕᓐᓂᒃ ᐊᕙᑎᒥᐅᑕᖃᕐᓱᓂ ᐃᓱᐊᖁᑕᐅᒋᐊᖓ ᐃᓱᒪᒋᔭᐅᓚᖓᔪᖅ;
• ᓱᕐᖁᐃᑐᖅ ᐱᒃᑲᑐᖕᖏᓂᖅ ᓯᕗᓕᕐᓂᒥᒃ ᐊᒻᒪᓗ ᑐᑭᑖᖃᑦᑕᓂᕐᒥᒃ;
• ᐱᓇᓱᒍᓐᓇᓯᐊᕐᓂᖅ ᐅᐃᒪᒋᐊᖃᕐᓇᑎᓪᓗᒍ, ᐃᒻᒥᓂᕿᓗᓂ ᐃᓚᐅᓗᓂᓗ ᐱᓇᓱᖃᑎᒌᓂ;
• ᑕᑯᑦᓴᐅᑎᑦᓯᓂᖅ ᐱᔪᓐᓇᓂᕐᒥᒃ ᐋᕐᕿᕈᑎᒥᒃ ᑕᑯᓐᓇᓗᓂ ᓵᖕᖓᐅᓯᖃᕐᓂᒥᒃ ᐃᓱᐃᓗᑕᕐᓂᒃ ᐋᕐᕿᓱᐃᓂᕐᒧᑦ;
• ᐱᓇᓱᓕᓂᐅᓂᖅ ᐃᑲᔪᕐᑎᒌᓄᑦ ᐃᓚᐅᓗᓂ ᐊᒻᒪᓗ ᐃᒻᒥᓂᕐᓱᓗᓂ ᐱᓇᓱᒍᓐᓇᓂᖅ;
• ᐃᓂᓪᓚᖓᓯᑎᐅᓂᖅ, ᐃᑉᐱᒍᓱᑦᓯᐊᓂᖅ ᐊᒻᒪᓗ ᐃᓂᓪᓚᑎᑦᓯᒍᓐᓇᓂᖅ;
• ᑕᑯᑦᓴᐅᑎᑦᓯᓂᖅ ᓱᓕᓂᕐᒥᒃ ᐊᒻᒪᓗ ᐃᑉᐱᒍᓱᑦᓯᐊᓂᕐᒥᒃ ᓱᕐᖁᐃᕈᑕᐅᓚᖓᔪᒥᒃ ᐅᖃᔭᒪᒍᑕᐅᖕᖏᓂᖓᓂᒃ ᐱᓇᓱᑦᑕᐅᔪᑦ ᖃᓄᐃᓕᖓᓂᖓᑕ;
• ᐱᔪᓐᓇᓯᐊᕐᓗᓂ ᐊᓪᓚᓗᓂ ᐅᖄᓗᓂᓗ ᖃᐅᔨᒪᒋᐊᓕᒃ ᐱᓇᓱᒍᑎᖃᕈᓐᓇᓗᓂ ᐃᑭᓐᓂᐹᖓᓄᑦ ᒪᕐᕉᓂᒃ (2)  ᒪᑯᐊ ᐅᖃᐅᓰᑦ ᓇᓪᓕᖏᓐᓂᒃ: ᐃᓄᒃᑎᑐᑦ, ᖃᓪᓗᓈᑎᑐᑦ ᐊᒻᒪᓗ ᐅᐃᒍᐃᑎᑐᑦ.

Benefits:

ᐃᓘᓐᓇᑎᒃ ᐃᓱᐊᖁᑕᐅᑦᓱᑎᒃ ᐱᕙᓪᓕᖁᑎᓕᒫᑦ ᐊᑐᐃᓐᓇᐅᔪᑦ ᐱᓇᓱᑦᑎᓄᑦ ᒪᑭᕝᕕᒥ ᐅᖃᕐᑕᐅᓯᒪᓂᖏᑦ ᒪᑭᕝᕕᐅᑉ ᐱᓇᓱᑦᑎᓄᑦ ᒪᓕᒐᖏᑦᑕ ᒪᕐᐱᒐᖏᓐᓂ ᒪᓕᓪᓗᒋᑦ.