![](https://www.makivik.org/wp-content/uploads/2018/01/Makivik_126-Converted.png)
Makivik Job Opportunity
ᐱᓇᓱᑦᑐᓕᕆᕕᒻᒥ ᐱᓇᓱᑦᑎ – ᓴᓇᓂᕐᓄᑦ ᐱᑦᔪᔨᕕᒻᒥ
Job Description:
ᑐᓴᕐᑎᖃᑦᑕᕆᐊᓕᖓ: ᐱᑦᔪᔨᕕᐅᑉ ᑐᑭᒧᐊᑦᑎᓯᔨᖓ
ᑭᓇᐅᓂᕗᑦ ᐅᕙᒍᑦ:
ᒪᑭᕝᕕᒃ ᓄᓇᒥᒃ ᐃᓐᓄᐃᓯᒪᓇᓱᒍᑎᓄᑦ ᐃᓕᖓᑦᓱᓂ ᐱᓇᓱᒐᖃᕐᕕᐅᕗᖅ ᑎᓕᔭᐅᒪᒍᑎᖃᕐᓱᓂ ᑲᒪᒋᔭᖃᕐᑎᐅᓚᖓᑎᓪᓗᒍ ᕿᒻᒪᖁᓯᐊᖑᓯᒪᔪᓂᒃ ᑮᓇᐅᔭᖁᑎᖏᓐᓂᒃ ᓄᓇᕕᐅᑉ ᐃᓄᑐᐃᓐᓇᖏᑕ ᐱᑕᖃᕐᑎᑕᐅᒍᑎᖃᕐᓱᑎᒃ ᑐᖕᖓᕕᒋᑦᓱᒋᑦ ᔦᒥᓯ ᐯ ᐊᒻᒪᓗ ᑯᐯᒃ ᑕᕐᕋᖓᑕ ᐊᖏᖃᑎᒌᒍᑎᖏᑦ.
ᒪᑭᕝᕕᐅᑉ ᐱᔭᑦᓴᖁᑎᖏᑦ ᐃᓚᖃᕐᐳᑦ ᐊᐅᓚᑦᓯᓂᓕᕆᓂᑎᒍᓪᓗ ᑮᓇᐅᔭᓕᐅᕆᐊᓪᓚᒐᓱᒍᑎᑎᒍᓪᓗ ᑖᒃᑯᓂᖓ ᑮᓇᐅᔭᖁᑎᓂᒃ ᑲᒪᔨᐅᓚᖓᑦᓱᓂ ᐊᒻᒪᓗ ᖁᕝᕙᑎᕆᒍᑎᒋᖃᑦᑕᓗᒋᑦ ᑮᓇᐅᔭᑎᒍᑦ ᒪᑭᑕᒐᓱᒍᑎᑦᓴᓂᒃ ᐅᓄᕐᓯᕙᓪᓕᐊᑎᑦᓯᓂᕐᒥᒃ ᐱᑕᖃᕐᑎᓯᒍᑎᖃᕐᓗᓂ ᐃᑲᔪᕐᓯᒪᓂᕐᒥᒃ ᓴᕐᕿᑎᑕᐅᓂᖃᓕᕐᐸᑕ ᐃᓄᑐᐃᓐᓀᑦ-ᐃᖏᕐᕋᑎᑕᖏᑦ ᐱᓇᓱᒐᖁᑕᐅᔪᑦ ᓄᓇᕕᒻᒥᐅᓄᑦ. ᒪᑭᕝᕕᒃ ᖁᕝᕙᑎᕆᔨᐅᕗᖅ ᐊᓯᐅᑐᐃᓐᓇᑎᑦᓯᑌᓕᓂᕐᒥᒃ ᐃᓄᑐᐃᓐᓀᑦ ᐃᓗᕐᖁᓯᖏᓐᓂᓗ ᐅᖃᐅᓯᖓᓐᓂᓗ ᐃᓚᖃᕐᒥᑎᓪᓗᒋᑦ ᖃᓄᐃᖕᖏᓯᐊᕆᐊᖃᕐᓂᖏᑦ ᐃᓗᓯᐅᑉ, ᐃᓱᕐᕆᓯᐊᕆᐊᖃᕐᓂᐅᑉ, ᐊᑦᓱᔪᒌᒃᑯᑎᑦᓴᖏᓐᓂᓗ ᐃᓄᑐᐃᓐᓀᑦ, ᐊᒻᒪᓗ ᐃᓄᑐᐃᓐᓀᑦ ᐃᓕᓐᓂᐊᓯᒪᒋᐊᖃᕐᓂᖏᓐᓂᒃ ᓄᓇᓕᒻᒥᓂ.
ᓴᕐᕿᑎᑕᐅᓂᖃᓚᐅᕐᓯᒪᑦᓱᓂ 2001-ᒥ, ᓴᓇᓂᕐᓄᑦ ᐱᑦᔪᔨᕕᒃ (ᒪᑭᕝᕕᐅᑉ ᓴᓇᓂᓕᕆᕕᖓ) ᐱᔭᑦᓴᖁᑎᖃᕐᐳᖅ ᑲᔪᓯᑎᑦᓯᓂᕐᒥᒃ ᓄᓇᕕᐅᑉ ᐃᒡᓗᓕᐅᕐᓂᓂᒃ ᐱᓇᓱᒍᑎᖏᓐᓂᒃ ᐊᒻᒪᓗ ᓯᕗᓂᖃᕈᑎᖃᓪᓚᕆᑉᐳᖅ ᓴᓇᖃᑦᑕᓚᖓᓂᕐᒥᒃ ᐃᒡᓗᔪᐊᑦᓯᐊᓂᒃ ᐱᐅᔪᔭᓂᒃ ᐊᑕᐅᑦᓯᑯᓪᓗ ᐱᕕᓕᒫᒃᑯᑦ ᐱᓇᓱᒐᑦᓴᓂᒃ ᐊᑐᐃᓐᓇᐅᑎᑦᓯᕕᒋᓗᒍ ᓄᓇᕕᐅᑉ ᐃᓄᑐᐃᓐᓇᖏᓐᓄᑦ, ᐱᒋᐅᕐᓴᑎᑦᓯᔨᐅᓗᓂ, ᐊᒻᒪᓗ ᖁᕝᕙᑎᕆᔨᐅᓗᓂ ᓄᓇᕕᒻᒥᐅᑦ ᓄᓇᓕᒻᒥᓂ ᑮᓇᐅᔭᑎᒍᑦ ᒪᑭᑕᒐᓱᒍᑎᖏᓐᓂᒃ ᐊᑐᕐᑕᐅᒍᓐᓇᕕᓕᒫᖏᒍᑦ ᐊᑐᕋᓱᑉᐸᓗᓂ ᐱᒍᓐᓇᑕᒥᒍᑦ.
ᒪᑭᕝᕕᐅᑉ ᓴᓇᓂᕐᓄᑦ ᐱᑦᔪᔨᕕᖓ ᕿᓂᕐᐳᖅ ᐱᓇᓱᒍᒪᓂᖃᑦᓯᐊᑐᓂᒃ ᐃᓄᓐᓂᒃ ᐱᓇᓱᒍᓐᓇᓂᖃᑦᓯᐊᑐᓂᒃ, ᐃᓱᒪᓕᐅᖃᑎᖃᕈᓐᓇᓯᐊᕐᑐᓂᒃ ᐊᒻᒪᓗ ᐱᓇᓱᒋᐊᕐᑐᓯᒪᒍᓐᓇᑐᓂᒃ ᓄᓇᒥ ᐊᕙᑎᓕᒻᒥ ᐅᖓᓯᑦᑐᒥᒃ ᐃᒡᓗᒐᓴᓄᑦ ᐊᓯᖏᓐᓄᓗ ᓄᓇᓕᓐᓄᑦ. ᑖᓐᓇ ᐱᓇᓱᒐᖅ ᒪᓂᓯᒻᒥᔪᖅ ᐊᓕᐊᓇᕐᑐᓂᒃ ᐱᒐᓱᕝᕕᓴᓂᒃ ᐃᑲᔪᕐᓯᕕᐅᒍᓐᓇᑐᓂᒃ ᐱᕙᓪᓕᐊᑎᑕᐅᓂᖏᑎᒍᑦ ᐃᓄᑐᐃᓐᓀᑦ ᓄᓇᓕᖏᓐᓂ ᑯᐯᒃ ᓄᓇᓕᕐᓚᖓᓂ ᐊᒻᒪᓗ ᐃᓕᓐᓂᐊᑎᑦᓯᓂᕐᑕᖃᕐᓱᓂ ᓴᓇᒍᓯᕐᓂᒃ ᖃᓄᐃᓘᕐᑕᐅᒍᑎᖏᓐᓂᓗ ᐃᓕᖓᓂᖃᓪᓗᑯᕐᓱᑎᒃ ᐅᑭᐅᕐᑕᑑᑉ ᓄᓇᖓᓄᑦ.
ᐱᓇᓱᑦᑐᓕᕆᕕᖓ ᓴᓇᓂᕐᓄᑦ ᐱᔪᔨᒍᑎᖃᕐᕕᐅᑉ ᐱᓇᓱᖃᑎᖃᓪᓚᕆᓐᓂᐅᕗᖅ ᓴᓇᔨᓂᒃ.
Responsibilities:
- ᐱᑕᖃᕐᑎᓯᒍᑎᖃᕐᓗᓂ ᐃᑲᔪᕐᓯᒪᒍᑎᖃᕐᓂᑯᑦ ᐊᓪᓚᓯᒪᔪᑦ ᐱᔭᑦᓴᖁᑎᑕᖏᓐᓂᒃ;
- ᐱᑕᖃᕐᑎᓯᒍᑎᖃᕐᓗᓂ ᐱᓪᓗᑯᒋᐊᓕᓕᕆᒍᑎᑎᒍᑦ ᓴᐳᑦᔭᐅᒪᒍᑎᒋᒋᐊᓕᖏᓐᓂᒃ ᐃᓘᓐᓇᖏᑕ ᓴᓇᓂᕐᓄᑦ ᐱᑐᑦᓯᒪᔪᓂᒃ ᐱᓇᓱᑦᑐᓕᒫᑦ ᐃᓚᐅᑎᓪᓗᒋᑦ ᐱᓇᓱᑦᑎᓴᕐᓯᐅᓃᑦ, ᐱᓇᓱᖃᑎᒥᓂᒃ ᑐᖕᖓᓱᑦᑎᓯᓂᕐᓂᒃ ᐊᒻᒪᓗ ᐱᓇᓱᑦᑎᓂᒃ ᐱᓇᓱᒍᓐᓀᑎᑦᓯᓂᕐᒥᒃ;
- ᓄᐃᑦᓯᒍᑎᖃᖃᑦᑕᓗᓂ ᑲᔪᓯᑎᑦᓯᓂᖃᑦᓯᐊᖃᒃᑕᓗᓂᓗ ᓱᓕᑦᓯᐊᑐᓂᒃ, ᓄᑕᐅᓯᓕᑎᕐᓯᒪᑦᓯᐊᑐᓂᓪᓗ ᐱᓇᓱᑦᑐᓕᕆᕕᐅᑉ ᐊᓪᓚᖁᑎᖏᓐᓂᒃ ᐱᓇᓱᒍᑎᖏᓐᓂᓗ;
- ᐱᑐᑦᓯᒪᖃᑎᖃᑦᓯᐊᓗᓂ ᐊᓯᖏᓐᓂᒃ ᓴᓇᓂᕐᓄᑦ ᐱᑦᔪᔨᕕᐅᑉ ᐱᓇᓱᑦᑎᖏᓐᓂᒃ;
- ᐱᑐᑦᓯᒪᖃᑎᖃᑦᓯᐊᓗᓂ ᑯᐯᒃᑯᑦ ᓴᓇᓂᕐᓄᑦ ᑯᐯᓕᒫᒥ ᐊᐅᓚᑦᓯᕕᖓᓂᒃ (CCQ);
- ᓱᕐᖁᐃᑐᒥᒃ ᐊᑐᕐᑕᐅᑎᑦᓯᓯᐊᖃᑦᑕᓗᓂ ᑯᐯᒃᑯᑦ ᓴᓇᓂᕐᓄᑦ ᑯᐯᓕᒫᒥ ᐊᐅᓚᑦᓯᕕᖓᑕ (CCQ) ᐱᓇᓱᑦᑏᑦ ᑲᑐᑦᔨᖃᑎᒌᓐᓂᖏᑕ ᐊᖏᖃᑎᒋᒍᑎᒋᓯᒪᔭᖏᓐᓂᒃ ᐊᒻᒪᓗ ᓴᐳᑦᔨᓯᒪᑐᐃᓐᓇᕆᐊᖃᖏᓐᓇᓗᓂ ᐊᑐᕐᑕᐅᒋᐊᖃᓕᕐᐸᑕ ᐋᕐᕿᒋᐊᕿᓂᕐᒥᒃ ᐱᓇᓱᒍᑎᑦᓴᓕᐊᖑᒪᔪᑦ ᒪᓂᒪᑎᑦᓯᓗᓂᓗ ᓴᐳᒻᒥᒍᑎᒋᒍᓐᓇᑕᒥᓂᒃ ᓱᒋᐊᕐᑕᐅᔪᖃᕐᐸᑦ ᓴᓇᓂᕐᒥᒃ ᐱᓇᓱᑦᑎᒥᒃ ᐱᕕᑦᓴᖁᑎᖏᓐᓂᓗ;
- ᑲᒪᒋᔭᖃᕐᓗᓂ ᓱᕐᖁᐃᑐᒥᒃ ᐃᓕᒃᑯᑐᓪᓗ ᓯᓚᑎᑎᒎᕐᑐᓗ ᒪᓕᒐᖃᕐᑎᓯᒍᑎᐅᔪᑦ ᖃᓄᐃᓘᕈᑎᑦᓴᓕᐊᖑᒪᔪᓪᓗ ᐃᓘᓐᓇᑎᒃ ᒪᓕᑦᑕᐅᓯᐊᕋᓗᐊᕐᒪᖔᑕ;
- ᐃᑲᔪᖃᑦᑕᓗᓂ ᑐᑭᒧᐊᑎᑦᓯᔨᒥᒃ ᑲᒪᒋᐊᖃᓕᑐᐊᕐᐸᑦ CCQ-ᑯᓂᒃ ᒪᓕᑦᓯᐊᖏᓐᓂᕋᕐᑕᐅᔪᑦ ᓇᑯᐃᓪᓕᐅᕈᑎᐅᒍᑎᖏᓐᓂᒃ;
- ᐊᓯᖏᓐᓂᓗ ᐱᔭᑦᓴᖁᑎᓂᒃ ᑐᑭᒧᐊᑦᑎᓯᒍᑎᐅᒋᐊᓕᓐᓂᓗ ᑎᓕᔭᐅᒍᑎᒥᓂᒃ ᑲᔪᓯᑎᑦᓯᖃᑦᑕᓗᓂ.
Qualifications:
- DEC-ᖃᕆᐊᓕᒃ;
- ᐊᕐᕌᒍᓂ 3-ᓂ ᐱᓇᓱᑦᑎᐅᓚᐅᕐᓯᒪᒋᐊᓕᒃ ᓴᓇᓂᕐᓂᓗ ᐅᕝᕙᓘᓐᓃᓗ ᓴᓇᓂᕐᓅᓕᖓᔪᒐᓚᓐᓂ;
- ᐅᐱᓇᓱᖃᑎᖃᓚᐅᕐᓯᒪᓗᓂ CCQ-ᑯᓂᒃ ᐊᒻᒪᓗ ᐱᓇᓱᓐᓂᑯᑦ ᖃᐅᔨᒪᔭᖃᕐᓗᓂ ᓴᓇᓂᕐᓅᓕᖓᔪᓂᒃ ᐱᓇᓱᒐᖃᕐᕕᓂᒃ ᐊᑑᑎᓚᐅᕐᓯᒪᓂᖃᕐᓗᓂ ᐱᓇᓱᒍᑎᖃᕐᓂᒥᒃ HRIS-ᒥᒃ ᐱᓇᓱᒍᑎᓂᒃ ᐱᑕᖃᕆᐊᖃᕐᒪᑕ;
- ᑐᓴᐅᒪᖃᑎᒌᒍᑎᓂᒃ ᐱᔪᓐᓇᑕᖃᑦᓯᐊᓗᓂ ᑕᒪᖏᓐᓂᒃ ᐊᓪᓚᓯᒪᔪᓕᐅᕈᑎᓂᓪᓗ ᐅᖃᐅᓯᒃᑯᓗ ᐅᖃᐅᓰᓐᓂ ᒪᕐᕉᓂ (2) ᐅᖄᒍᓐᓇᓯᐊᕐᓗᓂ ᐅᑯᓐᓂᖓ ᐅᖃᐅᓯᕐᓂᑦ: ᐃᓄᒃᑎᑐᑦ, ᖃᓪᓗᓈᕐᑎᑐᑦ ᐊᒻᒪᓗ ᒍᐃᒍᐃᑎᑐᑦ;
- ᐱᓇᓱᒍᓐᓇᓂᖃᑦᓯᐊᓗᓂ ᐅᐃᒪᓇᕐᑐᓯᐅᕐᓂᖃᓕᕐᐸᑦ ᐊᒻᒪᓗ ᑕᑯᑦᓴᐅᑎᑦᓯᓂᖃᑦᓯᐊᓗᓂ ᐱᒐᓱᒍᓐᓇᓂᖃᑦᓯᐊᓂᕐᒥᓂᒃ;
- ᐊᑑᑎᓚᐅᕐᓯᒪᓗᓂ ᐱᓇᓱᖃᑎᖃᕐᓗᓂ ᐱᓇᓱᑦᑎᐅᖃᑎᒌᓂᒃ ᐊᒻᒪᓗ ᐃᓄᑐᑦᔨᒍᓐᓇᓂᖃᑦᓯᐊᒥᓗᓂ;
- ᓄᐃᑕᑎᑦᓯᓂᖃᑦᓯᐊᓗᓂ ᐱᔪᓐᓇᕆᐊᒥᓂᒃ ᐋᕐᕿᒍᑎᑦᓴᓯᐅᕐᓂᒥᒃ ᐱᓀᓗᑌ ᓴᕐᕿᑐᑦ ᐋᕐᕿᑕᐅᒍᑎᑦᓴᖏᓐᓂᒃ;
- ᐃᓂᓪᓚᖓᑦᓯᐊᓗᓂ, ᐃᑉᐱᒍᓱᑦᓯᐊᕖᖕᖓᓗᓂ ᐊᒻᒪᓗ ᐃᓂᓪᓚᑎᕆᒍᓐᓇᓂᖃᑦᓯᐊᓗᓂ;
- ᑕᑯᑦᓴᓯᐊᒥᒃ ᓱᓕᓂᖃᑦᓯᐊᕈᓐᓇᓗᓂ ᐅᖃᔭᑦᑎᐅᓂᖃᕋᓂᓗ ᐱᓇᓱᒐᕐᒥᓅᓕᖓᔪᓄᑦ;
- ᑭᖕᖒᒪᓇᕐᓯᒍᓂ ᐱᓇᓱᓐᓇᐅᑉ ᑫᕙᓪᓚᒍᓯᖏᑕ ᓯᓚᑖᓂ ᐊᑐᐃᓐᓇᐅᖃᑦᑕᓗᓂ ᓴᓇᓂᖃᕐᓂᖅ ᑲᔪᓯᑎᑕᐅᓂᖃᓗᐊᖕᖑᐊᓂᖓᓂ;
- ᐱᓇᓱᒍᒪᓂᖃᑦᓯᐊᓗᓂ ᐱᑦᓯᐊᓯᒪᔪᓂᓪᓗ ᐱᓇᓱᒍᑎᖃᖃᑦᑕᓗᓂ;
- ᐊᑐᕈᓐᓇᓯᐊᕆᐊᓕᒃ ᐱᓇᓱᒍᑎᒋᓗᒍ ᖃᕆᑕᐅᔭᕈᑎ Microsoft Office.
Benefits:
ᐱᕙᓪᓕᖁᑎᓕᒫᓂᒃ ᐊᑐᐃᓐᓇᐅᑎᑕᐅᔪᓂᒃ ᒪᑭᕝᕕᐅᑉ ᐱᓇᓱᑦᑎᖏᓐᓄᑦ ᓇᓗᓀᕐᑕᐅᒪᔪᓂᒃ ᒪᑭᕝᕕᑯᑦ ᐱᓇᓱᑦᑎᓄᑦ ᒪᓕᒐᓕᐊᕆᓯᒪᔭᖏᑦ
ᒪᑭᕝᕕᑯᑦ ᑐᕌᒐᖃᕐᐳᑦ ᑕᑯᓐᓈᓂᕐᓴᐅᕕᖃᕐᓂᐊᕆᐊᒥᒃ ᑫᓪᓗᑐᐃᓂᕐᓴᐅᓗᑎᓪᓗ ᐃᓄᓂᒃ ᐃᓚᐅᔪᓂᒃ ᔦᒥᔅᐯᑉ ᐊᖏᖃᑎᒌᓐᓂᖓᓄᑦ ᐱᓇᓱᒐᑦᓴᓯᐅᕐᑐᖃᓕᕐᐸᑦ.
ᓇᑯᕐᒦᐳᒍᑦ ᑖᑦᓱᒥᖓ ᐱᓇᓱᒐᕐᒥᒃ ᐱᔪᑦᓴᐅᔮᑐᓕᒫᓂᒃ.
ᐊᐱᕆᒐᑦᓴᐅᔪᕆᔭᕗᓐᓂᒃ ᑭᓯᐊᓂ ᐅᖄᓚᕕᖃᕐᓂᐊᐳᒍᑦ.
Are you interested in this position?
You can apply by filling in the form below.
You can apply by visiting our website at www.makivik.org/jobs