![](https://www.makivik.org/wp-content/uploads/2018/01/Makivik_126-Converted.png)
Makivik Job Opportunity
ᐊᕙᑎᓕᕆᓂᒃᒥᖅ ᐊᑕᐅᑦᓯᑰᕐᑎᓯᔨ
Job Description:
ᑖᑦᓱᒥᖓ ᐱᓇᓱᒐᓕᒃ ᑐᓴᕐᑎᓯᖃᑦᑕᓚᖓᕗᖅ ᐊᕙᑎᓕᕆᓂᐅᑉ, ᐆᒪᔪᓕᕆᓂᐅᑉ ᖃᐅᔨᓴᕐᓂᐅᓗ ᐳᕐᑐᓂᕐᓴᒥ ᐊᖓᔪᕐᖄᖓᑕ ᑐᖓᓕᖓᓂᒃ ᐊᒻᒪᓗ ᐊᕙᑎᓕᕆᓂᐅᑉ, ᐆᒪᔪᓕᕆᓂᐅᑉ ᖃᐅᔨᓴᕐᓂᐅᓗ ᑐᑭᒧᐊᑦᑎᓯᔨᖓᓂᒃ. ᐃᑲᔪᕐᑎᒌᑦᓯᐊᓂᖅ ᑭᖕᖒᒪᓇᓛᕐᑯᖅ ᐊᓯᖏᓐᓂᒃ ᒪᑭᕕᐅᑉ ᐱᓇᓱᕝᕕᓕᕆᕕᖏᓐᓂᒃ ᐱᓇᓱᖃᑎᖃᕐᓗᓂ, ᐃᓚᐅᑎᓪᓗᒋᑦ ᐊᖓᔪᕐᖄᑉ, ᐱᖁᔭᑎᒍᑦ ᐊᒻᒪᓗ ᑮᓇᐅᔭᑎᒍᑦ ᒪᑭᑉᐸᓕᐊᒐᓱᐊᕐᓂᕐᐅᑉ ᐱᓇᓱᕝᕕᖏᑦ ᐊᒻᒪᓗ ᐊᓯᖏᑦ ᐊᕙᑎᓕᕆᓂᐅᑉ, ᐆᒪᔪᓕᕆᓂᐅᑉ ᖃᐅᔨᓴᕐᓂᐅᓗ ᐱᓇᓱᑦᑎᖏᑦ ᐃᓚᐅᑎᓪᓗᒍ ᓄᓇᕕᒻᒥ ᖃᐅᔨᓴᕐᕕᒃ.
Responsibilities:
- ᓯᓚᐅᑉ ᐊᓯᑦᔨᐸᓪᓕᐊᓂᖓ;
- ᐊᕙᑎᐅᑉ ᓱᕐᕋᑕᐅᕙᓪᓕᐊᓂᖓᓂᒃ ᖃᐅᔨᓴᕐᓂᖅ;
- ᐊᕙᑎᐅᑉ ᐃᑉᐱᒋᔭᐅᓂᖓᑕ ᐊᑕᐅᑦᓯᑰᕐᑎᑕᐅᓂᖓ;
- ᓄᓇᕕᐅᑉ ᐃᒪᕐᐱᖓᑕ ᓱᕐᕋᑕᐅᕙᓪᓕᐊᓂᖓᑕ ᕿᒥᕐᕈᒋᐊᓪᓛᔨᖏᑦᑕ ᑲᑎᖕᖓᔨᖏᑦ ᐊᒻᒪᓗ ᓄᓇᕕᐅᑉ ᐃᒪᕐᐱᖓᑕ ᐸᕐᓇᑎᖏᑦᑕ ᑎᓕᔭᐅᒪᔪᖏᑦ;
- ᐃᓚᖓᓂ ᐊᓯᖏᑦ ᑲᒪᒋᒋᐊᓖᑦ ᐱᒐᑦᓴᓕᐊᖑᓯᒪᔪᑦ ᐊᖓᔪᕐᖄᓄᑦ.
Qualifications:
- ᐱᖓᓱᓂᒃ ᐅᑭᐅᓂᒃ ᐱᓇᓱᓕᓂᐅᓗᓂ ᐊᕙᑎᒥᒃ ᐃᑉᐱᒍᓱᓐᓂᒥᒃ, ᐊᕙᑎᐅᑉ ᓱᕐᕋᑕᐅᕙᓪᓕᐊᓂᖓᓂᒃ ᖃᐅᔨᓴᕐᓂᒥᒃ, ᐅᑭᐅᕐᑕᑑᑉ ᐊᕙᑎᖓᓃᑦᓯᒪᒍᓂ ᐱᐅᒋᔭᐅᓂᕐᓴᐅᕋᔭᕐᑐᖅ;
- ᐃᓕᓐᓂᐊᕕᕐᔪᐊᒥ ᐱᔭᕇᕈᑎᖃᕐᓗᓂ ᓱᑯᐃᔭᐃᓂᕐᒥᒃ ᐊᕙᑎᓕᕆᓂᕐᒥᒃ ᐃᓕᓐᓂᐊᓂᕐᒥᒃ ᐅᕝᕙᓘᓐᓃᑦ ᓇᓪᓕᖁᐊᖓᓂᒃ;
- ᖃᐅᔨᒪᒐᓚᓐᓂᖅ ᓄᓇᖃᕐᖄᓯᒪᔪᑦ ᐊᖏᖃᑎᒌᒍᑎᒃᑯᑦ ᐱᒍᓐᓇᐅᑎᖏᓐᓂᒃ ᐃᓚᐅᓪᕆᒋᐊᓕᒃ: ᔭᐃᒥᔅ ᐸᐃ ᐊᒻᒪᓗ ᑯᐸᐃᒃ ᑕᕐᕋᖓᑕ ᐊᖏᖃᑎᒌᒍᑎᖓᓂᒃ ᐊᒻᒪᓗ ᓄᓇᕕᒻᒥᐅᑦ ᐃᓄᐃᑦ ᓄᓇᑖᕐᓂᒧᑦ ᐊᖏᖃᑎᒌᒍᑎᖓᓂᒃ ᑖᒃᑯᓄᖓᓕᖓᓪᓗᑯᐊᐱᑦᑐᓂᒃ ᖃᐅᔨᒪᓂᖓ ᐅᓇᒻᒥᓇᐅᑎᐅᕗᖅ;
- ᖃᐅᔨᒪᓂᖅ ᓄᓇᕕᒻᒥᒃ ᐊᒻᒪᓗ ᑎᒥᖕᖑᑎᑕᐅᓯᒪᑦᓱᑎᒃ ᐱᓇᓱᕝᕕᖏᓐᓂᒃ;
- ᐊᓪᓚᒍᓐᓇᓯᐊᕐᓗᓂ ᐊᒻᒪᓗ ᐅᖄᒍᓐᓇᓯᐊᕐᓗᓂ ᖃᓪᓗᓈᑎᑐᑦ ᐅᐃᒍᐃᑎᑐᓪᓗ; ᐃᓄᑦᑎᑑᑦᓯᐊᕈᓐᓇᓂᖅ ᐅᓇᒻᒥᓇᐅᑎᐅᕗᖅ;
- ᖃᐅᔨᒪᒐᓚᓪᓗᓂ ᑐᑭᖓᓂᒃ (ᐱᐅᓯᑐᖃᖅ) ᐃᓄᐃᑦ ᖃᐅᔨᒪᔭᖏᓐᓂᒃ;
- ᐊᓪᓚᒍᓐᓇᓯᐊᕐᓗᓂ, ᖃᐅᔨᓴᕈᓐᓇᓯᐊᕐᓗᓂ, ᐊᒻᒪᓗ ᐱᕕᑦᓴᒥᒃ ᐋᕐᕿᓱᐃᖑᓐᓇᓯᐊᕐᓗᓂ;
- ᐸᕐᓇᕈᓐᓇᓯᐊᓪᓚᕆᓪᓗᓂ ᐊᒻᒪᓗ ᑐᓴᐅᒪᔭᐅᒋᐊᓕᓐᓂᒃ ᐋᕐᕿᓱᐃᒍᓐᓇᓗᓂ ᐊᑐᐃᓐᓇᕈᕐᑎᓗᓂᓗ ᐅᖃᐅᓯᑦᓴᒐᓛᐱᓐᓂᒃ ᐊᒻᒪᓗ ᑐᓴᕐᑎᓯᒍᑎᓂᒃ;
- ᑐᓴᐅᒪᖃᑎᒌᖃᑎᖃᕈᓐᓇᓯᐊᕐᓗᓂ ᐊᒻᒪᓗ ᓱᕐᖁᐃᑕᐅᒪᔪᒥᒃ ᐱᓇᓱᖃᑎᖃᕈᓐᓇᓗᓂ ᐱᓇᓱᖃᑎᒌᑦᑐᓂ;
- ᑕᑯᑦᓴᒥᒃ ᐃᑉᐱᒍᓱᒍᓐᓇᓗᓂ ᐊᓯᖏᓐᓂᒃ ᐱᓇᓱᑦᑎᓂᒃ;
- ᐱᓇᓱᓕᓂᐅᓗᓂ ᐃᒻᒥᒍᑦ ᐱᓇᓱᐊᕋᑦᓴᓂᒃ ᐊᐅᓚᑦᓯᓂᕐᒥᒃ ᐊᒻᒪᓗ ᐊᑐᐃᓐᓇᕈᕐᑎᓂᕐᒥᒃ ᑮᓇᐅᔭᓂᒃ ᑐᑦᓯᕋᐅᑎᓂᒃ.
Benefits:
ᐱᕙᓪᓕᖁᑎᓕᒫᓂᒃ ᐊᑐᐃᓐᓇᐅᑎᑕᐅᔪᓂᒃ ᒪᑭᕝᕕᐅᑉ ᐱᓇᓱᑦᑎᖏᓐᓄᑦ ᓇᓗᓀᕐᑕᐅᒪᔪᓂᒃ ᒪᑭᕝᕕᑯᑦ ᐱᓇᓱᑦᑎᓄᑦ ᒪᓕᒐᓕᐊᕆᓯᒪᔭᖏᑦ
ᒪᑭᕝᕕᑯᑦ ᑐᕌᒐᖃᕐᐳᑦ ᑕᑯᓐᓈᓂᕐᓴᐅᕕᖃᕐᓂᐊᕆᐊᒥᒃ ᑫᓪᓗᑐᐃᓂᕐᓴᐅᓗᑎᓪᓗ ᐃᓄᓂᒃ ᐃᓚᐅᔪᓂᒃ ᔦᒥᔅᐯᑉ ᐊᖏᖃᑎᒌᓐᓂᖓᓄᑦ ᐱᓇᓱᒐᑦᓴᓯᐅᕐᑐᖃᓕᕐᐸᑦ.
ᓇᑯᕐᒦᐳᒍᑦ ᑖᑦᓱᒥᖓ ᐱᓇᓱᒐᕐᒥᒃ ᐱᔪᑦᓴᐅᔮᑐᓕᒫᓂᒃ.
ᐊᐱᕆᒐᑦᓴᐅᔪᕆᔭᕗᓐᓂᒃ ᑭᓯᐊᓂ ᐅᖄᓚᕕᖃᕐᓂᐊᐳᒍᑦ.
Are you interested in this position?
You can apply by filling in the form below.
You can apply by visiting our website at www.makivik.org/jobs