Job Description:

ᐊᖓᔪᕐᖄᖃᕐᓗᓂ:                           ᐃᑲᔪᕐᑎᒃ ᑐᑭᒧᐊᑦᑎᓯᔨᒥᒃ ᓄᓇᕕᒻᒥ ᖃᐅᔨᓴᕐᕕᒥ ᐱᒍᑦᔨᕕᖓᓂᒃ ᐊᕙᑎᓕᕆᓂᕐᒥᒃ ᐆᒪᔪᓕᕆᓂᕐᒥ ᐱᑦᓴᖑᒍᓐᓇᑐᓕᕆᓂᕐᒥᓗ.

Responsibilities:

ᐃᑲᔪᕐᓯᓗᓂ ᐸᕐᓀᓂᕐᒥᒃ, ᐊᑕᐅᑦᓯᑯᓕᕐᑎᓯᓂᕐᒥᒃ ᑲᔪᓯᓕᕐᑎᓯᓂᕐᒥᓗ ᖃᐅᔨᓴᕐᓂᒥ ᐱᓇᓱᑦᑕᐅᔪᓂᑦ ᓄᓇᒥᓗ ᐱᓇᓱᑦᑕᐅᔪᓂᑦ; ᐱᓇᓱᒋᐊᓕᖏᑦ ᐅᑯᐊᖑᕗᑦ ᐊᓯᖏᓐᓂ ᐃᓚᖃᕈᓐᓇᒥᑦᓱᑎᑦ:

• ᐊᐅᓪᓚᑎᑦᓯᓗᓂ, ᑎᑭᑕᐅᖃᑦᑕᓗᓂ, ᐱᓇᓱᐊᕐᓗᓂ ᑐᓴᕐᑎᓯᒍᑎᓂᑦ ᐊᒻᒪᓗ ᑐᓴᕐᑎᓯᒍᑎᓕᐅᕐᓗᓂ ᐆᒪᔪᓕᕆᒍᑎᓂᑦ ᖃᐅᔨᓴᕈᑎᓂᓗ ᓄᓇᕕᒻᒥ ᖃᐅᔨᓴᕐᕕᖓᓂ;
• ᐊᑐᐃᓐᓇᕈᕐᑎᕆᖃᑦᑕᓗᓂ ᐱᐅᒡᒍᑎᓂ ᐱᖁᑎᓂᓗ ᐆᒪᔪᓂᑦ ᖃᐅᔨᓴᕐᓂᓄᑦ ᐱᓇᓱᑦᑕᐅᔪᓂᑦ (ᐅᑦᑑᑎᒋᓗᒍ; ᖃᐅᔨᓴᕈᑏᑦ, ᒪᙯᒍᑏᑦ ᐊᒻᒪᓗ ᐊᑦᑕᓇᕐᑐᒥᑦᑌᓕᓂᕐᒧᑦ ᐱᐅᒡᒍᑎᓂᑦ, ᐊᓯᖏᓪᓗ);
• ᐊᕙᑎᒥᒃ ᐃᑉᐱᒋᔭᖃᕐᓗᓂ (ᓄᐊᑦᓯᓗᓂ ᐊᑐᐃᓐᓇᕈᕐᑎᓗᓂᓗ ᐃᒪᕐᒥᒃ, ᓄᓇᔭᒥᒃ, ᐊᓂᕐᑎᕆᔭᓂᑦ ᖃᐅᔨᓴᕐᓂᒥᒃ);
• ᒥᑭᒋᐊᕐᓂᐊᓗᓂ ᐊᒻᒪᓗ /ᐅᕝᕙᓗᓐᓃᑦ ᐆᒪᔪᕐᓂᐊᓗᓂ ᐆ ᒪᔪᓂᑦ ᐃᖃᓗᓐᓂᓗ ᖃᐅᔨᓴᕐᑕᐅᓂᑦᓴᖏᓐᓄᑦ;
• ᓵᒣᑦ ᐅᑭᐅᖏᓐᓂᑦ ᐊᒥᕋᖏᑎᒍᑦ, ᐃᖃᓗᑉᐲᑦ ᐅᑭᐅᖏᓐᓂᑦ ᐊᒻᒪᓗ ᕿᓚᓗᒉᑦ ᑭᒍᑎᖏᓐᓂᑦ;
• ᖃᐅᔨᓴᕐᓗᓂ ᐁᕕᕕᓂᕐᒥᒃ ᐳᐃᔨᕕᓂᕐᒥᓗ ᓱᒃᑯᓇᕐᑐᑕᖃᕐᒪᖔᑕ;
• ᖃᐅᔨᓴᕈᑎᓂᑦ ᖃᐅᔨᓴᕐᑕᐅᒍᑎᖃᐅᑎᒧᔦᓗᓂ ᖃᐅᔨᓴᕐᓗᓂᓗ;
• ᐊᐅᓪᓚᑲᑦᑕᕈᓐᓇᓗᓂ, ᐊᐅᓪᓚᖁᔭᐅᓕᕈᓂ
• ᐊᓯᖏᓐᓂᑦ ᐱᓇᓱᑦᑕᐅᖁᔭᕐᓂᑦ ᐊᖓᒧᕐᖄᒥᓄᑦ.

Qualifications:

• ᐳᕐᑐᓂᕐᓴᓂ ᐱᔭᕆᕈᑎᖃᕐᓯᒪᓗᓂ;
• ᐱᓇᓱᑦᑎᐅᓯᒪᓗᓂ ᐊᑦᔨᐸᓱᖓᓂᒃ ᐊᒻᒪᓗ/ ᐅᕝᕙᓗᓐᓃᑦ ᐊᕙᑎᒥᒃ ᐃᑉᐱᒋᔭᖃᕐᓂᒥᒃ ᐃᓕᓐᓂᐊᓯᒪᓗᓂ, ᐱᐅᔪᒐᔭᕐᑐᖅ;
• ᐅᖄᒍᓐᓇᓯᐊᕐᓗᓂ ᒪᕐᕈᔪᐊᓐᓂᒃ (2) ᐅᖃᐅᓰᓐᓂᒃ ᐅᖄᔭᐅᓲᓂᒃ ᐱᖓᓱᓂ (3) ᐅᖃᐅᓯᕐᓂᒃ: ᐃᓄᒃᑎᑐᑦ, ᖃᓪᓗᓈᑎᑐᑦ ᐊᒻᒪᓗ /ᐅᕝᕙᓗᓐᓃᑦ ᒍᐃᒍᐃᑎᑐᑦ;
• ᖃᕆᑕᐅᔭᒥᒃ ᐊᑐᕈᓐᓇᓯᐊᕐᓗᓂ: Microsoft Suite (Excel, Word, PowerPoint, ᐊᓯᖏᓐᓂᓗ);
• ᖃᐅᔨᒪᑦᓯᐊᓗᓂ ᒪᙯᒋᐊᒥᒃ, ᖃᐅᔨᒪᓗᓂ ᐃᖃᓗᓂᑦ ᐆᒪᔪᓂᓗ;
• ᐱᓇᓱᒋᐊᒥᒃ ᐃᓱᐊᕐᓴᓗᓂ ᖃᐅᔨᓴᕐᕕᒥ, ᐊᓪᓚᕕᒻᒥ, ᐊᕙᑎᓕᕆᓂᕐᒥᓗ;
• ᑐᑭᓯᒍᒪᑦᓯᐊᓗᓂ ᐊᒻᒪᓗ ᑐᑭᓯᒍᓐᓇᓯᐊᕐᓗᓂ ᐅᒪᔪᓂᑦ ᐊᕙᑎᒥᓗ ᐃᑉᐱᒋᔭᐊᕐᓂᒥᒃ, ᐆᒪᔪᐃᑦ ᐋᓐᓂᐊᖏᓐᓂᑦ ᖃᓄᐃᖕᖏᓯᐊᕐᓂᖏᓐᓂᓗ;
• ᖃᐅᔨᒪᓗᓂ ᐱᓇᓱᑦᑕᐅᔪᑦᓴᓂᑦ ᑐᑦᓯᕋᐅᑎᓂᑦ, ᑮᓇᐅᔦᓕᕿᒍᑎᓂᑦ ᑕᑕᕐᓭᒍᓐᓇᓗᓂ, ᑐᓴᕐᑎᓯᒍᑎᓕᐅᕈᓐᓇᓗᓂ, ᐱᓇᓱᑦᑕᐅᔪᒥᒃ ᕿᒥᕐᕈᓂᖃᕈᓐᓇᓗᓂ ᐊᒻᒪᓗ ᐃᓂᓪᓚᑎᕐᓯᒪᑦᓯᐊᕈᓐᓇᓚᕆᓪᓗᓂ;
• ᐱᓇᓱᑦᓯᐊᕈᓐᓇᓗᓂ ᐊᒻᒪᓗ ᐊᓯᒥᓂᒃ ᐱᓇᓱᖃᑎᖃᕈᓐᓇᓯᐊᕐᓗᓂ;
• ᐱᑦᓯᐊᑐᒥᒃ ᐱᐅᓯᖃᕐᓗᓂ, ᐃᒻᒥᓂᕿᒍᓐᓇᓯᐊᕐᓗᓂ, ᑭᖑᕃᑦᑕᖏᑦᑑᓗᓂ, ᓴᑑᒪᕕᐅᖑᓐᓇᓗᓂ;
• ᓄᓇᒃᑰᔪᕈᓐᓇᐅᑎᖃᕐᓗᓂ (ᑯᐯᒃᒥ ᓄᓇᕕᒻᒧᓕᖓᔪᒥᓗᓐᓃᑦ);
• ᖁᑭᐅᑎᒥᒃ ᐊᑐᓕᓂᐅᓗᓂ;
• ᖃᓄᐃᑦᓴᖏᑦᑑᓗᓂ ᐊᖁᒋᐊᒥᒃ ᐅᒥᐊᒃᑰᕆᐊᒥᓗ, ᓯᑕᒪᓕᓐᓂᑦ, ᖁᓕᒥᒎᓕᑎᒍᑦ, ᖃᖓᑦᑕᔫᓛᕋᑎᒍᑦ.

 

ᐃᓄᐃᑦ ᐃᓚᐅᔪᑦ ᓯᕗᓪᓕᐅᔭᐅᖏᓐᓇᓕᒫᓱᖑᓂᐊᕐᑐᑦ ᒪᑭᕝᕕᑯᓄᑦ.

ᐃᓕᓐᓂᐊᑎᑕᐅᒍᓐᓇᓂᐊᕐᑐᑦ ᐃᓚᐅᔪᑦ ᐊᒻᒪᓗ ᐳᕐᑐᓂᕐᓴᒥᒃ ᐱᓇᓱᒐᕐᑖᑎᑕᐅᒐᓱᓐᓂᓄᑦ.

Benefits:

ᐱᕙᓪᓕᖁᑎᓕᒫᖏᑦ ᐊᑐᐃᓐᓇᐅᑎᑕᐅᔪᑦ ᐱᓇᓱᑦᑎᖏᓐᓄᑦ ᒪᑭᕝᕕᑯᑦ ᐊᓪᓚᑕᐅᒪᔪᑦ ᒪᑭᕝᕕᑯᓂ ᐱᓇᓱᑦᑎᓕᕆᕕᒻᒥ ᒪᓕᒐᖏᓐᓂᑦ.