Job Description:

ᐊᖓᔪᕐᖄᖃᕐᓗᓂ:                  ᒪᑭᑉᐸᓕᐊᒐᓱᐊᕐᓂᒧᑦ ᐱᓇᓱᕝᕕᒥ ᑐᑭᒧᐊᑦᑎᓯᔨᐅᖃᑎᒥᒃ.

Responsibilities:

• ᐱᓇᓱᐊᕐᑕᐅᒋᐊᓕᓐᓂᒃ ᐸᕐᓀᒍᑎᓂᒃ ᓄᐃᑎᕆᓗᓂ ᐅᔭᕋᓐᓂᐊᓂᕐᒥ ᒪᑭᕝᕕᐅᑉ ᐱᓇᓱᐊᖃᑎᐅᓂᖓᓂ ᑎᒥᐅᔪᑦ ᐅᔭᕋᓐᓂᐊᓂᓕᕆᓂᕐᒥ ᓄᓇᕕᒻᒥ ᓄᐃᑕᐅᓂᖏᑎᒍᑦ ᐃᑲᔪᕐᓯᓯᒪᓂᖏᑎᒍᓪᓘᓃᑦ;
• ᐱᕈᕐᑎᓯᓗᓂ ᐱᑕᙯᓐᓇᑎᑕᐅᒍᑎᖃᕐᑎᓯᓗᓂᓗ ᑎᒥᐅᔪᓂᒃ ᐅᔭᕋᓐᓂᐊᓂᕐᒥ ᓄᓇᕕᒻᒥ ᐱᓇᓱᐊᕆᐊᒥᒃ ᐅᓇᒻᒥᒋᔭᓕᓐᓂᒃ ᐱᓇᓱᐊᖃᑎᖃᑦᓯᐊᕈᑎᓂᒃ, ᐊᒻᒪᓗᑦᑕᐅᖅ ᓇᐅᓕᒫᓄᐊᖓᔪᓂᒃ ᑎᒥᐅᔪᓂᒃ ᑐᕐᖃᑕᕐᕕᓂᒃ ᐅᕝᕙᓘᓐᓃᑦ ᐊᓯᖏᓐᓂᒃ ᐱᓇᓱᐊᖃᑎᒌᑦᑐᓂᒃ;
• ᐱᓇᓱᐊᕐᓗᓂ ᖃᐅᔨᒪᖃᑎᒌᒍᑎᓂᒃ ᕃᒃᓚᓐ ᐊᖏᖃᑎᒌᓐᓂᒧᑦ ᐊᒻᒪᓗ ᓄᓇᕕᒃ ᓂᒃᑯᓪ ᐊᖏᖃᑎᒌᓐᓂᒧᑦ ᐃᓚᐅᔪᓕᒫᓂᒃ ᒪᑭᕝᕕᑯᑦ ᐱᖁᔭᓕᕆᓂᕐᒥ ᐱᓇᓱᕝᕕᖓᓄᑦ ᐱᓇᓱᐊᖃᑎᐅᑦᓯᐊᕆᐊᖃᕐᓂᖏᑦ ᑲᔪᓯᑎᑦᓯᐊᓗᒋᑦ;
• ᓄᓇᕕᒻᒥ ᐅᔭᕋᓐᓂᐊᕋᑦᓴᓯᐅᕈᑎᓕᒫᓂᒃ ᖃᐅᔨᒪᒍᑎᓂᒃ ᐱᓇᓱᓪᓗᓂ;
• ᐱᓇᓱᖃᑎᒋᓗᒋᑦ ᐊᑦᔨᒌᖕᖏᑐᑦ ᓄᓇᕕᒻᒥ ᐅᔭᕋᓐᓂᐊᓂᕐᒥ ᖃᐅᔨᒪᖃᑎᒌᑦᑎᓯᔩᑦ, ᑭᒡᒐᑐᕐᑏᑦ, ᐅᕝᕙᓘᓐᓃᑦ ᐊᑕᐅᑦᓯᑰᕐᑎᓯᔩ ᐱᑦᔪᑎᒋᓗᒋᑦ ᐱᕙᓪᓕᐊᓃᑦ ᓄᑖᑦ ᐅᔭᕋᓐᓂᐊᓂᕐᒥ ᐱᓇᓱᐊᕐᑐᓂ;
• ᐱᓇᓱᓪᓗᓂ ᖃᐅᔨᒐᓱᐊᕈᑎᓂᒃ ᓄᑖᓂᒃ ᖄᖏᕐᓂᑯᓕᐅᕐᕕᓴᐅᒍᓐᓇᑐᓂᒃ ᐅᔭᕋᓐᓂᐊᓂᕐᒥ ᐱᓇᓱᐊᕐᑐᓂ;
• ᑯᐯᒃ ᐅᑭᐅᕐᑕᑐᒥ ᐸᕐᓀᒍᑎᖏᓐᓂᒃ ᑲᒪᔨᓂᒃ ᖃᐅᔨᒪᖃᑎᙯᓐᓇᐸᓪᓗᓂ;
• ᑐᓴᕐᑎᓯᒍᑎᓂᒃ ᐱᓇᓱᐊᕐᑕᐅᔪᑦᓴᓂᓪᓗ ᒪᓂᔨᒍᑎᓂᒃ ᑮᓇᐅᔦᓕᕿᒍᑎᓂᓪᓗ ᐊᑐᐃᓐᓇᕈᕐᑎᕆᖃᑦᑕᓗᓂ;
• ᓄᓇᓕᓐᓄᑦ ᐊᕐᕕᑕᕈᓐᓇᓗᓂ, ᐊᕐᕕᑕᖁᔭᐅᓕᑐᐊᕈᓂ;
• ᐊᓯᖏᒃ ᐱᓇᓱᑦᑕᐅᒋᐊᓖᑦ ᐊᖓᔪᕐᖄᖓᓄᑦ ᐱᓇᓱᑦᑕᐅᔪᑦᓴᖁᑎᒋᔦᑦ.

Qualifications:

• ᐃᓕᓐᓂᐊᕕᒻᒪᕆᒻᒥ ᐃᓕᓐᓂᐊᕕᕐᔪᐊᒥᓪᓘᓃᑦ ᐱᔭᕇᒍᑎᑖᕐᓯᒪᓗᓂ ᑲᒪᔨᐅᓂᕐᒥᒃ, ᑎᒥᐅᔪᒥᒃ ᐊᐅᓚᑦᓯᓂᕐᒥᒃ ᐅᕝᕙᓘᓐᓃᑦ ᐅᔭᕋᓐᓂᐊᓂᕐᒧᑦ ᐅᔭᕋᓂᒃ ᖃᐅᔨᓴᕐᓂᒧᓪᓘᓃᑦ ᐃᓕᖓᔪᒥᒃ. ᐊᑐᕐᓂᖃᕈᓐᓇᑐᓂᒃ ᐱᓇᓱᓚᐅᕐᓯᒪᒍᓂ ᐃᓱᒪᒋᔭᐅᒐᔭᕐᒥᔪᖅ ᑕᒪᓐᓇ;
• ᑐᑭᓯᒪᖃᑎᒌᑦᓯᐊᕈᑎᖃᕈᓐᓇᓗᓂ ᒪᕐᕉᓂᒃ ᐃᑭᓐᓂᓴᐅᖕᖏᑐᓂᒃ (2) ᑖᒃᑯᓇᖕᖓᑦ ᐱᖓᓱᓂᑦ (3) ᐅᖃᐅᓯᕐᓂᑦ: ᐃᓄᒃᑎᑐᑦ, ᖃᓪᓗᓈᑎᑐᑦ ᐊᒻᒪᓗ/ᐅᕝᕙᓘᓐᓃᑦ ᒍᐃᒍᐃᑎᑐᑦ;
• ᐱᓯᑎᐅᓗᓂ ᖃᕆᑕᐅᔭᒥ ᐱᓇᓱᒍᑎᓄᑦ: Microsoft Suite (Excel, Word, PowerPoint, ᐊᓯᖏᓪᓗ.);
• ᖃᐅᔨᒪᒍᓂ ᐃᓄᓐᓂᒃ, ᐃᓄᐃᑦ ᐱᐅᓯᖏᓐᓂᒃ ᐃᓗᕐᕈᓯᖓᓂᓪᓗ ᐊᒻᒪᓗ ᑐᑭᓯᒪᓂᖃᕈᓂ, ᐱᐅᔪᖁᑎᒋᔭᖅ;
• ᐱᓂᐊᕐᓂᓕᕆᓂᕐᒥ ᖃᐅᔨᒪᓂᖓ ᑕᑯᑦᓴᐅᓗᓂ ᐃᑉᐱᒍᓱᑦᓯᐊᓂᖓᓗ ᐃᓚᖃᕐᓗᑎᒃ ᐅᓂᒃᑲᐅᓯᖃᑦᓯᐊᕈᓐᓇᓂᕐᒥᒃ ᑐᑭᓯᒐᓱᐊᑦᓯᐊᕈᓐᓇᓂᕐᒥᓗ;
• ᐱᓇᓱᓐᓂᑯᑦ ᖃᐅᔨᒪᓗᓂ ᐅᔭᕋᓐᓂᐊᓂᕐᒧᐊᖓᔪᓂᒃ ᐱᓇᓱᐊᕐᑕᐅᔪᓂᓪᓗ;
• ᐃᒻᒥᓂᕿᓗᓂ ᐱᓇᓱᐊᕈᓐᓇᓂᖓ ᑕᑯᑦᓴᐅᓗᓂ, ᐱᓇᓱᖃᑎᒌᑦᑐᓄᑦ ᐃᓚᒋᔭᐅᑦᓯᐊᕈᓐᓇᓗᓂ ᐊᒻᒪᓗ ᐱᓇᓱᒋᐊᓕᓐᓂᒃ ᐱᒋᐊᕐᑎᓯᒍᓐᓇᓗᓂ;
• ᓄᓇᕕᒻᒥ ᓄᓇᖓᓂᒃ ᒪᑭᑉᐸᓕᐊᒐᓱᐊᕈᑎᐅᔪᓂᓪᓗ ᖃᐅᔨᒪᒍᓂ ᐱᐅᔫᒐᔭᕐᑐᖅ;
• ᑐᑭᓯᒪᑦᓯᐊᒪᕆᒋᐊᓕᒃ ᑲᕙᒫᐲᑦ ᐊᒻᒪᓗ ᓄᓇᖃᕐᖄᓯᒪᔪᑦ ᑲᕙᒪᖏᑦᑕ ᐋᕐᕿᓱᕐᓯᒪᒍᓯᖏᓐᓂᒃ ᐱᓇᓱᒍᓯᖏᓐᓂᓗ ᐊᒻᒪᓗᑦᑕᐅᖅ ᑐᑭᓯᓇᕐᑎᓯᒍᓐᓇᓗᓂ ᒪᓕᒐᕐᓂᒃ, ᒪᓕᑦᑕᐅᒋᐊᖃᕐᑎᑕᐅᔪᓂᒃ ᐊᒻᒪᓗ ᐱᖁᔭᓕᕆᓂᕐᓂᒃ;
• ᖃᐅᔨᒪᒍᓂ ᔦᒻᔅ ᐯ ᐊᒻᒪᓗ ᑯᐯᒃ ᑕᕐᕋᖓᑕ ᐊᖏᖃᑎᒌᓐᓂᖓᓂᒃ ᐱᐅᔫᒐᔭᕐᑐᖅ.

Benefits:

ᐱᕙᓪᓕᖁᑎᒋᔭᐅᓲᓕᒫᑦ ᑯᐊᐳᕇᓴᒥ ᐱᓇᓱᑦᑎᓄᑦ ᐊᑐᐃᓐᓇᐅᑎᑕᐅᓲᑦ ᓇᓗᓀᕐᑕᐅᓯᒪᒻᒪᑕ ᒪᑭᕝᕕᑯᑦ ᐱᓇᓱᑦᑐᓕᕆᓂᕐᒧᐊᖓᔪᓂᒃ ᒪᓕᒐᖓᑕ ᐊᑐᕐᑕᐅᒍᓯᖓᓂ ᐊᓪᓚᓯᒪᔪᓂ.