Makivik Job Opportunity
ᐃᓗᕐᖁᓯᕐᒥᒃ ᐱᕙᓪᓕᐊᑎᑦᓯᓂᕐᒥᒃ ᐱᓇᓱᑦᑎᒃ
Job Description:
ᐊᖓᔪᕐᖄᖃᕐᓱᓂ: ᐃᓗᕐᖁᓯᐅᑉ ᐱᕙᓪᓕᐊᒍᑎᖏᓐᓂᒃ ᓴᖑᐊᑦᓯᔨ ᐊᖓᔪᕐᖄᑉ ᐊᓪᓚᕕᖓᓂ
Responsibilities:
ᐃᓗᕐᖁᓯᕐᒥᒃ ᐱᕙᓪᓕᐊᑎᑦᓯᓂᕐᒥᒃ ᐱᓇᓱᑦᑎ ᑲᒪᔨᐅᓚᖓᔪᖅ ᑲᔪᓯᓕᕐᑎᓯᓂᕐᒥᒃ ᒪᑭᕝᕕᐅᑉ ᐃᓗᕐᖁᓯᕐᒥᒃ ᐱᕙᓪᓕᐊᑎᑦᓯᓂᒃᑯᑦ ᐊᒻᒪᓗ ᐃᓄᒃᑎᑐᑦ ᐅᖃᐅᓯᕐᒥᒃ ᑫᓪᓗᑐᕐᓂᑯᑦ ᒪᓕᒐᖏᓐᓂᒃ, ᐱᓇᓱᖃᑎᖃᑦᓯᐊᓗᓂ ᑎᒥᐅᔪᓂᒃ ᐱᓇᓱᖃᑎᖏᓐᓂᒃ ᓄᓇᕕᐅᑉ ᐃᓗᐊᓂ. ᑖᓐᓇ ᐃᓄᒃ ᑲᒪᔨᐅᓚᖓᔪᖅ ᒪᑭᑕᑦᓯᓭᓐᓇᓂᕐᒥᒃ ᓱᕙᓪᓕᓇᕐᑐᓂᒃ ᑲᒪᒋᐅᑎᓂᕐᓂᒃ ᓄᓇᓖᑦ ᐃᓚᒋᓗᒋᑦ ᐊᒻᒪᓗ ᓱᕐᖁᐃᑎᑦᓯᓂᕐᒥᒃ ᐱᒋᐊᓕᖁᑎᖏᑦᑕ ᐃᓗᕐᖁᓯᕐᒥᒃ ᐱᕙᓪᓕᐊᓂᐅᑉ ᑐᑭᐊᒍᑦ ᓄᐃᑦᓯᒍᑕᐅᓂᖓᓂᒃ ᐱᓂᐊᕈᑎᑦᓴᓂᒃ ᐊᒻᒪᓗ ᒪᓕᒐᑦᓴᓂᒃ.
- ᐱᓇᓱᓐᓂᖅ ᐃᓚᖃᕐᓗᓂ ᐱᓇᓱᖃᑎᓂᒃ ᑎᒥᐅᔪᓂᒃ ᑲᔪᓯᓕᕐᑎᓯᖃᑎᒋᓗᒋᑦ ᒪᑭᕝᕕᐅᑉ ᐃᓗᕐᖁᓯᕐᒥᒃ ᐱᕙᓪᓕᐊᑎᑦᓯᓂᕐᒧᑦ ᐊᒻᒪᓗ ᐃᓄᒃᑎᑐᑦ ᐅᖃᐅᓯᕐᒧᑦ ᒪᓕᒐᖏᓐᓂᒃ, ᐊᒻᒪᓗ ᐊᑐᕐᓂᐸᐅᓗᓂ ᐃᓚᐅᓂᖅ ᓴᐳᑦᔨᓂᕐᒧᑦ ᐃᓄᒃᑎᑐᑦ ᐅᖃᐅᓯᐅᑉ ᑫᓪᓗᐊᕈᑕᐅᓂᖓᓂᒃ;
- ᐊᑐᐃᓐᓇᕈᐃᓂᖅ ᐊᑐᕐᓂᐹᓂᒃ ᐱᓇᓱᐊᖃᑎᓂᒃ ᓄᓇᕕᒻᒥ ᓱᕐᖁᐃᓚᖓᓗᓂ ᑐᑭᒧᐊᒍᑎᔪᒥᒃ ᓱᒋᐊᖃᑦᑕᓚᖓᓂᕐᒥᒃ ᐊᒻᒪᓗ ᑲᔪᓯᓕᕐᑎᓯᒪᖓᓂᕐᒥᒃ;
- ᐃᓚᐅᓪᓚᕆᓐᓂᖅ ᑲᔪᓯᑎᑦᓯᓂᕐᒧᑦ ᐊᖏᖃᑎᒌᒍᑎᓂᒃ ᐃᑲᔪᕐᓯᔪᓂᒃ ᐃᓗᕐᖁᓯᐅᑉ ᐱᕙᓪᓕᐊᑎᑕᐅᓂᖓᓂᒃ;
- ᐃᓚᐅᓪᓚᕆᓐᓂᖅ ᑲᔪᓯᑎᑦᓯᓂᕐᒧᑦ ᐊᖏᖃᑎᒌᒍᑎᓂᒃ ᐃᑲᔪᕐᓯᔪᓂᒃ ᓴᐳᒻᒥᓂᕐᒥᒃ ᐊᒻᒪᓗ ᐆᒻᒣᒋᐊᑦᓯᐊᓂᕐᒥᒃ ᐃᓄᒃᑎᑐᑦ ᐅᖃᐅᓯᕐᒥᒃ;
- ᒪᑭᑕᑦᓯᓭᓐᓇᓂᖅ ᓲᖑᔪᓂᒃ ᑲᒪᒋᐅᑎᓂᕐᓂᒃ ᐃᓚᖃᕐᓗᓂ ᓄᓇᓕᓐᓂᒃ ᐊᒻᒪᓗ ᑎᒥᐅᔪᓂᒃ ᐱᓇᓱᖃᑕᐅᔪᓂᒃ;
- ᐊᐅᓪᓚᕈᓐᓇᓗᓂ, ᕆᐊᖃᕈᓂ;
- ᐊᓯᖏᓐᓂᑦ ᐱᓇᓱᒍᓐᓇᓗᓂ ᐱᓇᓱᑦᑕᐅᖁᔭᓂᑦ ᐊᖓᔪᕐᖄᒥᓄᑦ.
Qualifications:
- ᐳᕐᑐᓂᕐᓴᓂᒃ ᐃᓕᑦᓯᒪᐅᑏᑦ ᐅᕝᕙᓘᓐᓃᑦ ᑌᒣᑦᑐᒥᒃ ᐊᑭᑦᓯᔪᑦ ᐃᓕᑕᕆᔭᐅᓚᖓᔪᑦ;
- ᐊᑕᐅᓯᕐᒥᒃ (1) ᑎᑭᓪᓗᒍ ᐱᖓᓱᓄᑦ (3) ᐊᕐᕌᒍᓂᒃ ᐱᓇᓱᖃᑦᑕᓯᒪᓂᖅ ᐊᑦᑐᐊᔪᒥ ᐱᓇᓱᒐᕐᒥ;
- ᐅᖄᒍᓐᓇᓯᐊᕐᓗᓂ ᒪᕐᕈᔪᐊᓐᓂᒃ (2) ᐅᖃᐅᓰᓐᓂᒃ ᐱᖓᓱᐃᖑᔪᓂᑦ (3) ᐅᖃᐅᓯᕐᓂᑦ: ᐃᓄᒃᑎᑐᑦ, ᖃᓪᓗᓈᑎᑐᑦ ᒍᐃᒍᐃᑎᑐᓗ(ᓗᓐᓃᑦ);
- ᖃᕆᑕᐅᔭᕐᓂᒥᒃ ᐱᓯᑎᓪᓚᕆᐅᒋᐊᓕᒃ: Microsoft ᒪᓕᑦᑎᖏᓐᓂᓗ (Excel, Word, PowerPoint, ᐊᓯᖏᓪᓗ);
- ᐃᓄᐃᑦ ᐱᐅᓯᑐᖃᖏᓐᓂᒃ ᐊᒻᒪᓗ ᐃᓗᕐᖁᓯᖓᓐᓂᒃ ᖃᐅᔨᒪᓂᖅ ᐊᒻᒪᓗ ᑐᑭᓯᒪᓂᖅ ᐱᒻᒪᕆᐅᕗᑦ.
Benefits:
ᐱᕙᓪᓕᖁᑎᓕᒫᓂᒃ ᐊᑐᐃᓐᓇᐅᑎᑕᐅᔪᓂᒃ ᒪᑭᕝᕕᐅᑉ ᐱᓇᓱᑦᑎᖏᓐᓄᑦ ᓇᓗᓀᕐᑕᐅᒪᔪᓂᒃ ᒪᑭᕝᕕᑯᑦ ᐱᓇᓱᑦᑎᓄᑦ ᒪᓕᒐᓕᐊᕆᓯᒪᔭᖏᑦ
ᐱᓇᓱᒐᖃᕐᕕᒃ ᑐᕌᒐᖃᕐᖁᑦ ᐱᓇᓱᒐᕐᑖᑎᑦᓯᒍᒪᑦᓱᓂ ᐃᓄᑐᐃᓐᓇᓂᒃ ᐃᓚᐅᔪᓂᑦ ᔦᒥᓯ ᐯ ᑯᐯᒃᓗ ᑕᕐᕋᖓᑕ ᐊᖏᖃᑎᒌᒍᑎᖏᓐᓄᑦ.
ᓇᑯᕐᒦᖁᒍᑦ ᐱᓇᓱᒐᕐᑖᕋᓱᑦᑐᓕᒫᓂᒃ ᑖᑦᓱᒥᖓ ᐱᓇᓱᒐᕐᒥᒃ.
ᐊᐱᕐᓱᑲᑦᑕᑕᐅᒐᔭᕐᑐᐃᑦ ᑭᓯᐊᓂ ᐊᓪᓚᕕᐅᓛᕐᖁᑦ.
Are you interested in this position?
You can apply by filling in the form below.
You can apply by visiting our website at www.makivik.org/jobs