Makivik Job Opportunity
ᐃᓕᓐᓂᐊᑎᑦᓯᓂᕐᒥᒃ ᐱᓇᓱᖃᑎᖃᕐᓂᒧᓕᖓᔪᓂᓗ ᐊᑕᐅᑦᓯᑯᓕᕐᑎᓯᔨᒃ
Job Description:
ᐊᖓᔪᕐᖄᖓ : ᐃᑲᔪᕐᑎᖓ ᑐᑭᒧᐊᑦᑎᓯᔨᐅᑉ ᓄᓇᕕᒻᒥ ᖃᐅᔨᓴᕐᒥᕕᒃ ᐊᕙᑎᓕᕆᓂᕐᒥᒃ, ᐆᒪᔪᓕᕆᓂᕐᒥᒃ ᖃᐅᔨᓴᕐᓂᒥᓗ
Responsibilities:
ᓯᕗᓕᖃᑎᐅᓗᓂ ᐱᕙᓪᓕᐊᑕᐅᓂᖓᓂᒃ ᑐᑭᓯᒪᖃᑎᒌᓐᓂᒧᑦ ᐱᓇᓱᖃᑎᒌᓐᓂᓄᓗ ᐱᓇᓱᑦᑕᐅᔪᒥᒃ ᓲᖑᓯᐅᒥᑎᑦᓯᔪᖅ ᐱᓇᓱᖃᑎᒌᓐᓂᖏᓐᓂᑦ ᐱᒍᑦᔨᕕᖓ ᐊᕙᑎᓕᕆᓂᕐᒥᒃᒪ ᐆᒪᔪᓕᕆᓂᕐᒥᒃ, ᖃᐅᔨᓴᕐᓂᒥᓗ ᐊᒻᒪᓗ ᓄᓇᕕᒻᒥ ᐃᓄᖏᓐᓂᑦ; ᑎᓕᔭᐅᒪᒍᑎᖏᑦ ᐃᓚᖃᕐᖁᑦ, ᑭᓯᐊᓂ ᑖᒃᑯᑑᒐᑎᓗ:
- ᐱᓇᓱᖃᑎᒌᒍᑎᑦᓴᓂᑦ ᓄᐃᑦᓯᓗᓂ ᑲᔪᓯᓕᕐᑎᓯᓗᓂᓗ ᑐᑭᓯᒪᔭᐅᒍᑎᓂᑦ ᐃᓕᓐᓂᐊᑎᑦᓯᒍᑎᑦᓴᓂᓗ ᐱᐅᒡᒍᑎᓂᑦ ᐅᑯᓂᖓ: ᓲᖑᓯᐅᒥᑎᑦᓯᓂᖅ ᐃᓄᐃᑦ ᐱᒻᒪᕆᖁᑎᖏᓐᓂᑦ, ᖃᐅᔨᒪᔭᖏᓐᓂᑦ ᐊᒻᒪᓗ ᐱᐅᓯᑐᖃᕐᑎᒍᑦ ᖃᓄᐃᓗᕈᓯᕐᓂᑦ ᐆᒪᔪᐃᑦ ᐊᐅᓚᑕᐅᓂᖏᓐᓂᑦ;
- ᐃᑲᔪᕐᓯᓗᓂ ᐊᓯᖏᓐᓂᑦ ᐱᒍᑦᔨᕕᖓᓂ ᐊᕙᑎᓕᕆᓂᕐᒥᒃ, ᐆᒪᔪᓕᕆᓂᕐᒥᒃ ᖃᐅᔨᓴᕐᓂᒥᓗ/ᓄᓇᕕᒻᒥ ᖃᐅᔨᓴᕐᕕᐅᑉ ᐱᓇᓱᑦᑎᖏᓐᓂᑦ ᐱᓇᓱᖃᑎᖃᕐᑎᓗᒋᑦ ᓄᓇᓕᐅᑉ ᑭᒡᒐᑐᕐᑎᖏᓐᓂᑦ;
- ᐃᓚᐅᒍᓐᓇᓕᐅᒥᑎᑦᓯᓂᖅ ᓄᓇᓕᒻᒥᒃ, ᓯᕗᓕᕐᓗᑎᑦ, ᐆᒪᔪᓕᕆᓂᕐᒥᒃ ᐊᒻᒪᓗ ᖃᐅᔨᓴᕐᓂᒥᒃ, ᐊᕙᑎᒥᒃ ᐃᑉᐱᒋᔭᖃᕐᓂᒥᒃ ᐸᕐᓀᓂᕐᒥᓗ;
- ᐃᑲᔪᕐᓯᓗᓂ ᐱᓇᓱᑦᑕᐅᓂᖓᓂᒃ ᐆᒪᔪᕐᓂᑦ ᖃᐅᔨᓴᕐᓂᓂᑦ, ᐆᒪᔪᓂᑦ ᐃᑉᐱᒋᔭᖃᕐᓂᓂᑦ ᐱᓇᓱᑦᑕᐅᔪᓂᑦ ᐊᓯᖏᓐᓂᓗ ᖃᐅᔨᓴᕐᓂᐅᔪᓂᑦ;
- ᐊᐅᓪᓚᑲᑦᑕᕈᓐᓇᓗᓂ ᐊᐅᓪᓚᖁᔭᐅᓕᕈᓂ;
- ᐊᓯᖏᓐᓂᑦ ᐱᓇᓱᖃᑦᑕᓗᓂ ᐱᓇᓱᒐᕐᒥᓄᓕᖓᔪᓂᑦ ᐅᕝᕙᓗᓐᓃᑦ ᐱᓇᓱᖁᔭᐅᓕᕈᓂ ᐊᖓᔪᕐᖄᒥᓄᑦ.
Qualifications:
- ᐃᓕᓐᓂᐊᕕᒻᒥ ᐳᕐᑐᓂᕐᓴᒥ ᐱᔭᕆᕐᓯᒪᓗᓂ;
- ᐊᓯᖏᓐᓂᑦ ᐃᓕᑕᕆᔭᐅᒍᑎᖃᕈᓂ ᐅᕝᕙᓗᓐᓃᑦ ᐱᔭᕆᕐᓯᒪᓂᕐᓄᑦ ᐃᓕᑕᕆᔭᐅᒍᑎᒃ ᐱᓇᓱᒐᕐᒧᓕᖓᔪᖅ, ᐱᐅᔫᒐᔭᕐᑐᖅ;
- ᑐᑭᓯᒪᖃᑎᖃᕈᓐᓇᓯᐊᕐᓗᓂ ᒪᕐᕈᔪᐊᓐᓂᒃ (2) ᐱᖓᓲᑎᓪᓗᒋᑦ (3) ᐅᖃᐅᓰᑦ: ᐃᓄᒃᑎᑐᑦ, ᖃᓪᓗᓈᑎᑐᑦ /ᒍᐃᒍᐃᑎᑐᓗ (ᓗᓐᓃᑦ);
- ᖃᕆᑕᐅᔭᒥᒃ ᐊᑐᕈᓐᓇᓯᐊᕐᓗᓂ: Microsoft Suite (Excel, Word, PowerPoint, ᐊᓯᖏᓪᓗ); ᐊᒻᒪᓗ ᐊᓪᓚᓯᒪᔪᓂᑦ/ᐊᓪᓚᖑᐊᕐᓂᓂᑦ;
- ᐱᓇᓱᑦᑎᐅᓯᒪᓗᓂ ᐊᑦᔨᐸᓱᖓᓂᒃ ᐱᐅᔫᒐᔭᕐᑐᖅ; ᐊᓪᓚᖑᐊᕈᓐᓇᓗᓂ ᐱᓇᓱᑦᑕᐅᔪᑦᓴᓂᑦ ᐊᒻᒪᓗ ᐊᐅᓚᑕᐅᓂᖃᑦᓯᐊᓗᑎᑦ ᐱᓇᓱᑦᑕᐅᔪᑦᓭᑦ ᐊᐅᓚᑕᐅᓂᖏᑦ;
- ᐃᓄᐃᑦ ᐱᐅᓯᑐᖃᖓᓂᒃ ᐃᓗᕐᕈᓯᖓᓂᓗ ᖃᐅᔨᒪᓗᓂ ᑐᑭᓯᒪᓗᓂᓗ, ᐱᐅᔫᒐᔭᕐᑐᖅ;
- ᓄᐃᑕᑎᑦᓯᓗᓂ ᐊᓯᒥᓂᒃ ᑐᑭᓯᒪᖃᑎᖃᕈᓐᓇᓯᐊᕐᓂᒥᓂᒃ;
- ᐃᓱᕐᕆᓗᓂ ᐅᖄᒍᓐᓇᓗᓂ ᑭᓇᓕᒫᒃᑯᓄᑦ ᑐᓴᔭᐅᓗᓂ ᐅᕝᕙᓗᓐᓃᑦ ᐊᒥᓱᓄᑦ ᑕᑯᓐᓇᑕᐅᓗᓂ;
- ᓄᐃᑕᑎᑦᓯᓗᓂ ᐃᒻᒥᓂᕿᓗᓂ ᐱᓇᓱᒍᓐᓇᓯᐊᕐᓂᒥᓂᒃ ᐱᓇᓱᑦᑎᐅᖃᑎᒥᓂᓗ ᐱᓇᓱᖃᑎᖃᕈᓐᓇᓯᐊᕐᓗᓂ.
ᐃᓕᓐᓂᐊᕆᐊᓪᓛᑎᑕᐅᒍᓐᓇᖁᑦ ᐃᓚᐅᔪᐃᑦ ᐱᓇᓱᒐᕐᒥᓂᒃ ᓯᕗᒧᐊᒋᐊᓪᓚᒍᑎᑦᓴᓂᑦ.
ᐃᓄᐃᑦ ᐃᓚᐅᔪᐃᑦ ᐱᓇᓱᑦᑎᑖᕆᔭᐅᕐᖄᖃᑦᑕᓂᐊᕐᖁᑦ ᒪᑭᕝᕕᑯᓂ.
Benefits:
ᐱᕙᓪᓕᖁᑎᓕᒫᖏᑦ ᐊᑐᐃᓐᓇᐅᑎᑕᐅᔪᑦ ᐱᓇᓱᑦᑎᖏᓐᓄᑦ ᒪᑭᕝᕕᑯᑦ ᐊᓪᓚᑕᐅᒪᔪᑦ ᒪᑭᕝᕕᑯᓂ ᐱᓇᓱᑦᑎᓕᕆᕕᒻᒥ ᒪᓕᒐᖏᓐᓂᑦ.
ᑯᐊᐳᕆᓴᓐᒥ ᑐᕌᒐᖃᕐᖁᑦ ᐱᓇᓱᒐᕐᑖᑎᑦᓯᒍᒪᑦᓱᑎᑦ ᐃᓄᓐᓂᑦ ᐃᓚᐅᔪᓂᑦ ᔦᒻᔅ ᐯ ᑯᐯᒃᒥᓗ ᑕᕐᕋᖓᓂ ᐊᖏᖃᑎᒌᒍᑎᖓᓄᑦ.
ᓇᑯᕐᒦᖁᒍᑦ ᐱᓇᓱᒐᕐᑖᕋᓱᑦᑐᓕᒫᓂᒃ ᑖᑦᓱᒧᖓ ᐱᓇᓱᒐᕐᒧᑦ.
ᐊᐱᕐᓱᑲᑦᑕᑕᐅᒐᔭᕐᑐᐃᑦ ᑭᓯᐊᓂ ᐊᓪᓚᕕᐅᓛᕐᖁᑦ.
Are you interested in this position?
You can apply by filling in the form below.
You can apply by visiting our website at www.makivik.org/jobs