Makivik Job Opportunity
ᐃᑲᔪᕐᑎ ᐊᖓᔪᕐᖄᑉ ᑐᖓᓕᐊᓄᑦ, EDD
Job Description:
ᒥᓇᕋᕐᕕᖓ: ᐊᖓᔪᕐᖄᒧᑦ ᑐᖓᓕᖅ, ᒪᑭᑕᐅᑎᓂᒃ ᐱᕙᓪᓕᐊᓂᕐᒥᒃ ᐱᓇᓱᕝᕕᒥ
Responsibilities:
- ᐃᑲᔪᕐᓂᖅ ᐊᒻᒪᓗ ᖃᐅᔨᒪᑎᑦᓯᓂᖅ VP-ᒥᒃ ᐊᒻᒪᓗ ᑕᒪᖏᓐᓂᒃ ᑐᑭᒧᐊᑦᑎᓯᖃᑎᒌᓐᓂᒃ ᐱᓇᓱᕝᕕᒥᒃ ᑎᒥᒥ ᑲᒪᒋᒋᐊᓕᓕᒫᖏᑦ ᐱᑦᔪᑎᒋᓗᒋᑦ;
- ᑲᒪᔨᐅᓂᖅ ᐃᑎᕐᑐᓕᒫᓂᒃ ᐊᓂᔪᓕᒫᓂᓪᓗ ᐊᓪᓚᓂᒃ, ᖃᓗᓗᒋᑦ ᖃᕆᑕᐅᔭᒃᑯᑦ ᐊᓪᓚᒍᑏᑦ, ᐅᖃᓕᒪᐅᑎᒍᑏᑦ ᐊᒻᒪᓗ ᑐᓴᕐᑎᓯᒍᑏᑦ, ᐊᒻᒪᓗ ᑎᒥᐅᑉ ᐃᓗᐊᒍᑦ ᐊᓪᓚᒍᑏᑦ ᑐᕌᕐᑐᑦ VP-ᒧᑦ;
- ᓇᔪᕐᑎᙯᓐᓇᓂᖅ ᐱᒻᒪᕆᓐᓂᒃ ᐊᓪᓚᓯᒪᔪᓂᒃ, ᐆᑦᑑᑎᒋᓗᒋᑦ ᑐᓴᕐᑎᓯᒍᑎᓂᒃ, ᑲᑎᒪᐅᑎᕕᓂᕐᓂᒃ, ᖃᕆᑕᐅᔭᒃᑯᑦ ᐊᓪᓚᒍᑎᓂᒃ, ᐊᒻᒪᓗ ᐊᓪᓚᑖᕕᓂᕐᓂᒃ;
- ᐳᕐᑐᓂᕐᓭᑦ ᐅᓪᓗᓯᐅᑎᖏᓐᓂᒃ ᓄᑕᐅᓯᓕᑎᕆᕙᓐᓂᖅ, ᐋᕐᕿᓱᐃᕙᓐᓂᖅ ᐊᒻᒪᓗ ᐊᑐᐃᓐᓇᕈᑦᑎᓂᖅ ᖃᓗᓯᑎᓪᓗᒍ ᓄᐊᑦᓯᓂᕐᒥᒃ ᐊᓪᓚᓯᒪᔪᓂᒃ ᐊᒻᒪᓗ ᐱᖁᑎᓂᒃ ᐊᑐᕆᐊᓕᓐᓂᒃ ᑲᑎᒪᓂᕐᓄᑦ ᐊᒻᒪᓗ ᓇᓕᐅᓂᕐᓄᑦ;
- ᒪᑭᑦᓯᓂᖅ ᓱᕙᓪᓕᓇᕐᑐᓂᒃ ᑐᕌᕐᑕᐅᔪᑦᓴᓂᒃ ᐊᒻᒪᓗ ᐱᒋᐊᓕᓐᓂᒃ ᐱᓇᓱᕝᕕᐅᑉ ᐃᓚᐅᕕᖃᕐᓂᖓᑎᒍᑦ ᓄᐃᑕᑦᓯᓂᕐᓄᑦ ᐊᓪᓚᕕᒻᒥ ᐱᒍᑦᔨᐅᑎᓂᒃ;
- ᐁᓯᒪᖃᑦᑕᓂᖅ ᐳᕐᑐᓂᕐᓭᑦ ᑲᒪᔨᒻᒪᕇᑦ, ᐊᒻᒪᓗ ᐳᕐᑐᓂᕐᓭᑦ ᑲᑎᒪᔩᑦ ᑲᑎᒪᓂᖏᓐᓂ;
- ᐱᓇᓱᖃᑕᐅᓪᓚᕆᓐᓂᖅ VP-ᒧᑦ ᒪᑭᑕᐅᑎᓂᒃ ᐱᕙᓪᓕᐊᒍᑎᓄᑦ ᑕᒪᖏᓐᓂ ᐱᓂᐊᕐᓂᓕᕆᓂᒃᑯᑦ ᐊᐅᓚᑦᓯᔨᐅᓂᒃᑯᓗ ᐱᓇᓱᕝᕕᐅᑉ ᐊᑑᑎᖏᓐᓂ;
- ᑐᑭᒧᐊᒍᑎᑎᑦᓯᓂᖅ ᐱᓇᓱᖃᑕᐅᓂᖏᓐᓂᒃ ᐊᖓᔪᕐᖄᑉ ᑐᖓᓕᐊᑕ ᐊᒻᒪᓗ ᑕᒪᖏᑦᑕ ᑐᑭᒧᐊᑦᑎᓯᖃᑎᒌᒃ ᐃᓘᓐᓇᖏᓐᓄᑦ ᐊᑦᑐᐊᔪᓄᑦ ᑲᕙᒣᑦ ᐱᓇᓱᕝᕕᖏᓐᓄᑦ, ᓄᓇᓕᒫᒧᑦ ᓄᓇᓕᓐᓄᓗ ᑎᒥᐅᔪᓄᑦ ᐊᒻᒪᓗ ᐊᓯᖏᓐᓄᑦ ᒪᑭᕝᕕᐅᑉ ᐱᓇᓱᕝᕕᖏᓐᓄᑦ;
- ᐱᓇᓱᑦᑕᐅᔪᓂᒃ ᐊᓪᓚᓕᕆᓂᖅ ᐊᒻᒪᓗ ᑐᑭᒧᐊᒍᑎᑎᑦᓯᓂᖅ;
- ᑲᒪᔨᐅᓂᖅ ᐊᒻᒪᓗ ᐃᑲᔪᕐᑐᓂᖅ ᐊᐅᓚᑦᓯᔨᓂᒃ ᐊᒻᒪᓗ ᖃᐅᑕᒫᕐᓯᐅᑎᑎᒍᑦ ᐱᓇᓱᐊᕈᑎᓂᒃ ᒪᑭᑕᐅᑎᓂᒃ ᐱᕙᓪᓕᐊᓂᕐᒥᒃ ᐱᓇᓱᕝᕕᐅᑉ ᐊᓪᓚᕕᖓᓂ;
- ᐊᓪᓚᓂᖅ ᐊᒻᒪᓗ ᑎᑭᑕᐅᓂᖅ ᐊᓪᓚᓄᑦ ᑭᒡᒐᑑᑎᒋᓗᒍ ᐊᖓᔪᕐᖄᑉ ᑐᖓᓕᐊᓂᒃ ᐊᒻᒪᓗ ᑐᑭᒧᐊᑦᑎᓯᖃᑎᒌᓐᓂᒃ;
- ᐋᕐᕿᓱᐃᓂᖅ ᑲᑎᒪᓂᕐᓂᒃ ᐊᒻᒪᓗ ᐅᖃᓕᒪᐅᑎᒃᑯᑦ ᑲᑎᒪᓂᑦᓴᓂᒃ;
- ᑐᑭᒧᐊᒍᑎᑎᑦᓯᓂᖅ ᐊᐅᓚᑦᓯᔨᐅᓂᕐᒥᒍᑦ ᑲᒪᒋᒋᐊᓕᖏᓐᓂᒃ ᐱᓇᓱᑦᑏᑦ ᐊᖓᔪᕐᖄᑉ ᑐᖓᓕᐊᓄᑦ ᐊᓪᓚᕕᐅᑉ ᐃᓗᐊᓂ;
- ᐊᑐᐃᓐᓇᕈᐃᓂᖅ ᑕᑯᑎᑦᓯᒍᑎᑦᓴᓂᒃ ᑐᑦᓯᕌᖑᔪᓂᒃ ᐊᖓᔪᕐᖄᑉ ᑐᖓᓕᐊᓄᑦ ᐱᓇᓱᖃᑎᖃᕐᓗᓂ ᑐᑭᒧᐊᑦᑎᓯᖃᑎᒌᓂᒃ ᐱᓇᓱᕝᕕᒥᒃ;
- ᐱᖕᖑᐃᓂᖅ, ᓄᑕᐅᓯᓕᑎᕆᓂᖅ, ᐊᒻᒪᓗ ᕿᒥᕐᕈᒋᐊᓪᓚᓂᖅ ᑮᓇᐅᔭᓕᕆᐅᑎᓂᒃ;
- ᑐᑭᒧᐊᑦᑎᓯᓂᖅ ᐊᑦᔨᐅᖏᑦᑐᓄᑦ ᓇᓪᓕᐅᓂᖃᕈᑎᓄᑦ ᐊᑐᕆᐊᓕᓐᓂᒃ;
- ᑲᔪᓯᑎᑦᓯᓂᖅ ᑲᑎᒪᓂᐅᑉ ᐃᓗᐊᓂ ᓂᒫᓪᓚᕈᑎᑦᓴᓕᐊᓂᒃ ᐁᑉᐸᖃᕐᓗᓂ ᐊᖓᔪᕐᖄᒧᑦ ᑐᖓᓕᕐᒥᒃ ᐊᒻᒪᓗ ᑐᑭᒧᐊᑦᑎᓯᖃᑎᒌᓐᓂᒃ ᐱᓇᓱᕝᕕᒥᒃ;
- ᐃᑲᔪᕐᓂᖅ ᐊᑦᔨᒌᖕᖏᑐᓂ ᐱᓇᓱᑦᑕᐅᔪᓂ ᐃᓚᖃᕐᓗᓂ ᐱᓇᓱᑦᑎᐅᖃᑎᓂᒃ ᒪᑭᑕᐅᑎᓂᒃ ᐱᕙᓪᓕᐊᓂᕐᒥᒃ ᐱᓇᓱᕝᕕᒥ;
- ᐃᓚᐅᖃᑕᐅᓂᖅ ᐅᕝᕙᓘᓐᓃᑦ ᐊᖏᕐᓯᒪᓂᖅ ᐃᓕᔭᐅᓂᕐᒥᒃ ᑲᑎᒪᔨᐊᐱᓐᓄᑦ ᑌᒣᖁᔭᐅᒍᓂ ᐊᖓᔪᕐᖄᑉ ᑐᖓᓕᐊᓄᑦ, ᒪᑭᑕᐅᑎᓂᒃ ᐱᕙᓪᓕᐊᓂᕐᒥᒃ ᐱᓇᓱᕝᕕᒥ ᐊᒻᒪᓗ/ᐅᕝᕙᓘᓐᓃᑦ ᒪᑭᕝᕕᒧᑦ;
- ᐊᑐᐃᓐᓇᐅᓂᖅ ᐊᐅᓪᓚᖃᑦᑕᓚᖓᓗᓂ ᑌᒣᖁᔭᐅᓕᕈᓂ;
- ᐱᓇᓱᓐᓂᖅ ᐊᓯᖏᓐᓂᒃ ᐱᓇᓱᐊᑦᓴᓂᒃ ᐃᓂᖓᑕ ᐃᓗᐊᓃᑦᑐᓂᒃ ᐅᕝᕙᓘᓐᓃᑦ ᒪᓕᓪᓗᓂ ᑎᓕᔭᐅᒍᑎᒥᓂᒃ ᐊᖓᔪᕐᖄᒥᓄᑦ.
Qualifications:
- ᓯᓚᑦᑐᓴᕐᕕᒥ ᐃᓕᓐᓂᐊᓯᒪᐅᑎ, ᐃᒻᒥᓂᕐᓱᒍᓐᓇᐅᑎ ᒥᑦᓯᓕᒻᒧᑦ ᐱᓇᓱᐊᒐᕐᒧᑦ;
- ᐃᑭᓐᓂᐹᖓᓄᑦ ᑕᓪᓕᒪᓂᒃ (5) ᐊᕐᕌᒍᓂᒃ ᐱᓇᓱᑦᑎᐅᓯᒪᓂᖅ ᐊᑦᑐᐊᔪᒥ ᐱᓇᓱᐊᒐᕐᒥ;
- ᐅᖃᖃᑎᖃᕈᓐᓇᓯᐊᕐᓂᖅ ᐃᑭᓐᓂᐹᖓᓄᑦ ᒪᕐᕈᐃᓂ (2) ᐅᖃᐅᓯᕐᓂ: ᐃᓄᒃᑎᑐᑦ, ᖃᓪᓗᓈᑎᑐᑦ ᐊᒻᒪᓗ/ᐅᕝᕙᓘᓐᓃᑦ ᐅᐃᒍᐃᑎᑐᑦ;
- ᖃᕆᑕᐅᔭᓄᑦ ᐱᓯᑎᒻᒪᕆᐅᒋᐊᓕᒃ: Microsoft Suite (Excel, Word, PowerPoint, ᐊᓯᖏᓐᓄᓗ);
- ᓯᕗᓕᕐᓯᑎᐅᒋᐊᓕᒃ, ᐅᖃᕐᓯᑎᐅᓗᓂᓗ ᐊᒻᒪᓗ ᑐᑭᓯᓂᐊᕐᓯᑎᐅᓗᓂ;
- ᑲᒪᔨᒻᒪᕆᐅᓂᒃᑯᑦ ᐊᒻᒪᓗ ᐃᓅᖃᑎᒌᓐᓂᑯᑦ/ᑯᑦᓴᓚᓐᓇᖏᓐᓂᑯᑦ ᓲᖑᔫᒋᐊᓕᒃ;
- ᑕᑎᑦᓯᐊᖑᒋᐊᓕᒃ ᐃᒻᒥᓂᕿᓯᑎᐅᓗᓂᓗ;
- ᓂᑲᓇᖕᖏᓂᖅ, ᐅᖃᔭᒪᖕᖏᓂᖅ ᐊᒻᒪᓗ ᓵᑕᑦᓴᐅᓂᖅ;
- ᓲᖑᔪᒥᒃ ᐱᓇᓱᒍᒪᓂᖃᕆᐊᓕᒃ ᐊᒻᒪᓗ ᑲᑦᓱᙰᓐᓇᓯᐊᕐᑐᒥᒃ ᐱᓇᓱᖃᑎᒌᓂᒃ ᐃᓱᒪᖃᕐᑎᓯᓗᓂ;
- ᓂᑲᓇᕋᓂ ᐃᓱᒪᓕᐅᕈᓐᓇᕆᐊᓕᒃ, ᐸᕐᓇᕈᓐᓇᕆᐊᓕᒃ, ᓯᕗᓪᓕᐅᔪᑦᓴᓂᒃ ᐋᕐᕿᓱᐃᒍᓐᓇᕆᐊᓕᒃ ᐊᒻᒪᓗ ᑲᔪᓯᑎᑦᓯᖃᕐᑕᓗᓂ;
- ᖃᐅᔨᒪᑦᓯᐊᕆᐊᓕᒃ ᓄᓇᕕᒻᒥ ᐃᓄᐃᑦ-ᒪᑭᑕᐅᑎᖏᑎᒍᑦ, ᒪᑭᑕᐅᑎᑎᒍᑦ, ᐊᒻᒪᓗ ᓄᓇᓕᓐᓂᒃ ᐱᕙᓪᓕᐊᑎᑦᓯᓂᕐᑯᑦ ᐱᒋᐊᓕᓐᓂᒃ;
- ᓲᖑᔫᒋᐊᓕᒃ ᐃᓄᓐᓂᒃ ᑲᒪᓂᒃᑯᑦ, ᓯᓂᕐᑕᙰᑦᑑᓗᓂ ᐊᒻᒪᓗ ᐱᓇᓱᑦᓯᐊᓲᖑᓗᓂ;
- ᖃᐅᔨᒪᒋᐊᓕᒃ ᑮᓇᐅᔭᓂᒃ ᑐᑦᓯᕋᐅᑎᓕᐅᕐᓂᒥᒃ ᐊᒻᒪᓗ ᑐᓴᕐᑎᓯᒍᑎᓂᒃ ᐊᓪᓚᓂᕐᒥᒃ;
- ᑐᓂᔨᒍᓐᓇᕆᐊᓕᒃ ᓂᑲᓇᖕᖏᑐᓂᒃ ᐃᓱᒪᓕᐅᕈᑎᓂᒃ ᐊᖓᔪᕐᖄᑉ ᑐᖓᓕᐊᓄᑦ ᒪᑭᑕᐅᑎᓂᒃ ᐱᕙᓪᓕᐊᒍᑏᑦ ᐱᑦᔪᑎᒋᓗᒋᑦ.
ᐱᒋᐅᕐᓴᐅᑎᖃᕐᓂᐊᑐᖅ ᐃᓚᐅᔪᓄᑦ ᓂᐳᕐᑎᓯᒍᓐᓇᓂᐊᕐᒪᑕ ᐱᔪᓐᓇᕆᐊᓕᖏᓐᓂᒃ ᐱᓇᓱᑦᑎᑖᖑᒌᕈᑦᓯ.
Benefits:
ᐱᕙᓪᓕᖁᑎᓕᒫᓂᒃ ᐊᑐᐃᓐᓇᐅᑎᑕᐅᔪᓂᒃ ᒪᑭᕝᕕᐅᑉ ᐱᓇᓱᑦᑎᖏᓐᓄᑦ ᓇᓗᓀᕐᑕᐅᒪᔪᓂᒃ ᒪᑭᕝᕕᑯᑦ ᐱᓇᓱᑦᑎᓄᑦ ᒪᓕᒐᓕᐊᕆᓯᒪᔭᖏᑦ
ᒪᑭᕝᕕᒃ ᑐᕌᕐᑐᖅ ᓂᕈᐊᕐᓯᒪᓂᕐᓴᐅᓚᖓᓗᓂ ᑫᓪᓗᐊᓚᖓᓗᓂᓗ ᐱᓇᓱᑦᑎᑖᕐᓂᒥᒃ ᐃᓄᓐᓂᒃ ᐃᓚᐅᔪᓂᒃ JBNQA-ᒥ.
ᓇᑯᕐᒦᐳᒍᑦ ᑖᑦᓱᒥᖓ ᐱᓇᓱᒐᕐᒥᒃ ᐱᔪᒪᔪᓕᒫᓂᒃ.
ᐱᒍᒪᐅᑎᓖᑦ ᐊᐱᕐᓱᕈᒪᒪᓗᒋᑦ ᓇᓗᓀᕐᑕᐅᔪᑦ ᐅᖃᕐᕕᑑᓚᖓᔪᑦ.
Are you interested in this position?
You can apply by filling in the form below.
You can apply by visiting our website at www.makivik.org/jobs