Makivik Job Opportunity
ᐅᔭᕋᓐᓂᐊᓂᕐᒥ ᐱᕙᓪᓕᐊᑎᑦᓯᒍᑎᓂᒃ ᑲᒪᔨ
Job Description:
ᐊᖓᔪᕐᖄᖓ: ᑐᑭᒧᐊᑦᑎᓯᔨᒃ ᒪᑭᑕᒐᓱᐊᕈᑎᓂᑦ ᐱᕙᓪᓕᐊᑎᑦᓯᓂᕐᒥᒃ ᑮᓇᐅᔭᑎᒍᑦ ᒪᑭᑉᐸᓕᐊᒐᓱᓐᓂᓕᕆᕕᐅᑉ ᐊᓪᓚᕕᖓᓂ.
Responsibilities:
- ᖃᓄᐃᓗᕈᑎᑦᓴᓂᑦ ᐸᕐᓀᓂᖅ ᒪᑭᕝᕕᑯᑦ ᐃᓚᐅᑦᓯᐊᓂᐊᕐᒪᑕ ᐅᔭᕋᕐᓂᐊᓂᕐᒥᒃ ᓄᐃᑦᓯᓂᒃᑯᑦ ᐃᑲᔪᕐᓯᓂᒃᑯᓗᓐᓃᑦ ᐊᒥᐃᓱᓂᑦ ᑲᒻᐸᓂᐅᔪᓂᑦ ᐱᓇᓱᑦᑐᓂᑦ ᐅᔭᕋᕐᓂᐊᓂᓕᕆᓂᕐᒥ ᓄᓇᕕᒻᒥ;
- ᐱᓇᓱᖃᑎᑖᕐᓗᑎᑦ ᐱᓇᓱᖃᑎᖃᑦᓯᐊᓗᑎᓗ ᑲᒻᐸᓂᓂᑦ ᐅᔭᕋᕐᓂᐊᓂᓕᕆᓂᕐᒥᒃ ᓄᓇᕕᒻᒥ ᐅᓇᒻᒥᒋᔭᓕᓐᓂᑦ, ᓇᐅᓕᒫᓄᓕᖓᔪᓂᓗ ᑎᒥᐅᔪᓂᑦ ᑐᕐᖃᑕᕐᕕᑯᓂᓗ ᐊᓯᖏᓐᓂᓗ ᑎᒥᐅᔪᓂᑦ;
- ᑐᓴᐅᒪᖃᑎᖃᕐᓗᑎᑦ ᑎᒥᐅᔪᓕᒫᓂᑦ ᕋᒃᓚᓐᑯᓗ ᐊᖏᖃᑎᒌᒍᑎᖓᓂᒃ ᐊᒻᒪᓗ ᓄᓇᕕᒻᒥ ᓂᑯᓪ ᐊᖏᖃᑎᒌᒍᑎᖓᓂᒃ ᐱᓇᓱᖃᑎᒌᑦᓯᐊᓗᑎᑦ ᒪᑭᕝᕕᑯᑦ ᐱᖁᔭᓕᕆᕕᖓᓗ;
- ᐃᑉᐱᒋᔭᖃᕐᓗᓂ ᐅᔭᕋᕐᓂᐊᕕᑦᓴᐅᒪᖔᑕ ᖃᐅᔨᓴᕐᑐᓂᑦ ᐱᓇᓱᑦᑐᓂᑦ ᓄᓇᕕᐅᑉ ᓄᓇᖁᑎᖓᓂ;
- ᐱᓇᓱᖃᑎᖃᕐᓗᓂ ᐊᑦᔨᒋᖕᖏᑐᓂᑦ ᐱᓇᓱᖃᑎᐅᔪᓂᑦ, ᐱᒍᑦᔨᕕᓂᑦ, ᐊᑕᐅᑦᓯᑯᓕᕐᑎᓯᓗᓂᓗᓐᓃᑦ ᓄᓇᕕᒻᒥ ᑎᒥᐅᔪᓂᑦ ᒪᓕᓪᓗᑎᑦ ᓄᑖᓂ ᐱᕙᓪᓕᐊᑕᐅᔪᓂᑦ ᐅᔭᕋᕐᓂᐊᓂᓕᕆᓂᕐᒥ;
- ᐊᑦᔨᒋᖕᖏᑐᓄᑦ ᑲᑎᖕᖓᔨᓄᑦ ᐃᓚᐅᓗᓂ ᐅᔭᕋᕐᓂᐊᓂᓕᕆᓂᕐᒧᓕᖓᔪᓂᑦ;
- ᑮᓇᐅᔭᑎᒍᑦ ᒪᑭᑕᒐᓱᐊᕈᑎᐅᒍᓐᓇᑐᓂᑦ ᐱᕕᑦᓴᓯᐊᓂᑦ ᕿᓂᕐᓗᓂ ᐅᔭᕋᕐᓂᐊᓂᓕᕆᓂᕐᒥ;
- ᐱᓇᓱᖃᑎᖃᕐᓗᓂ ᐅᑭᐅᕐᑕᑐᒧᓕᖓᔪᓂᑦ ᐸᕐᓀᕈᑎᓕᕆᔨᒃᑯᓂᑦ ᐊᒻᒪᓗ ᐊᓯᖏᓐᓂᑦ ᑲᕙᒪᒃᑯᓄᑦ ᓂᕈᐊᕐᑕᐅᒪᔪᓂᑦ;
- ᑐᓴᕐᑎᓯᒍᑎᓂᑦ ᐊᑐᐃᓐᓇᕈᕐᑎᓗᓂ ᐱᓇᓱᑦᑕᐅᔪᑦᓴᓂᑦ ᐅᓐᓂᑑᑎᓕᐅᕐᐸᓗᓂᓗ ᐊᒻᒪᓗ ᑮᓇᐅᔦᓕᕿᒍᑎᓕᐅᕐᐸᓗᓂ;
- ᐊᐅᓪᓚᑲᑦᑕᕈᓐᓇᓗᓂ, ᐊᐅᓪᓚᖁᔭᐅᓕᕈᓂ;
- ᐊᓯᖏᓐᓂᑦ ᐱᓇᓱᒐᕐᒥᓄᓕᖓᔪᓂᑦ ᐱᓇᓱᑦᑕᐅᖁᔭᐅᔪᓂᑦ ᐊᖓᔪᕐᖄᒥᓄᑦ.
Qualifications:
-
- ᐃᓕᓐᓂᐊᕕᒻᒪᕆᒥᒃ ᐱᔭᕆᕈᑎᑖᕐᓯᒪᓗᓂ ᐃᓕᓐᓂᐊᕕᕐᔪᐊᒥᓗᓐᓃᑦ ᐱᔭᕆᕈᑎᑖᕐᓯᒪᓗᓂ ᐊᐅᓚᑦᓯᔨᐅᓂᕐᒥᒃ, ᒪᑭᑕᒐᓱᐊᕈᑎᓄᓕᖓᔪᓂᑦ ᐅᕝᕙᓗᓐᓃᑦ ᐊᑦᔨᐸᓱᖓᓂ ᐅᔭᕋᕐᓂᐊᓂᓕᕆᓂᕐᒥᒃ ᐅᕝᕙᓗᓐᓃᑦ ᓄᓇᒧᓕᖓᔪᓂᑦ. ᐱᓇᓱᑦᓯᒪᓗᓂ ᐊᑦᔨᐸᓱᖓᓂᑦ ᐱᐅᔪᒐᔭᕐᒥᔪᖅ;
- ᑐᑭᓯᒪᖃᑎᒌᒍᓐᓇᓂᖃᑦᓯᓗᓂ ᒪᕐᕈᔪᐊᓐᓂᒃ (2) ᐱᖓᓱᐃᖑᑎᓪᓗᒋᑦ (3) ᐅᖃᐅᓰ: ᐃᓄᒃᑎᑐᑦ, ᖃᓪᓗᓈᑎᑐᑦᐊᒻᒪᓗ /ᐅᕝᕙᓗᓐᓃᑦ ᒍᐃᒍᐃᑎᑐᑦ;
ᖃᐅᔨᒪᓗᓂ ᐃᓄᓐᓂᑦ, ᐃᓄᐃᑦ ᐱᐅᓯᑐᖃᖏᓐᓂᑦ ᐃᓗᕐᕈᓯᖓᓂᓗ ᖃᐅᔨᒪᓗᓂ ᑐᑭᓯᒪᓗᓂᓗ, ᐱᐅᔫᒐᔭᕐᑐᖅ;
- ᓄᐃᑕᑎᑦᓯᓗᓂ ᐱᖁᔭᓕᕆᓂᕐᓄᑦ ᑐᑭᓯᒪᓂᕐᒥᒃ ᐊᒻᒪᓗ ᐃᑉᐱᒋᔭᖃᑦᓯᐊᓂᖅ ᑐᑭᓯᓇᕐᑎᓯᒍᑎᓕᐅᕐᓂᒧᑦ ᐊᒻᒪᓗ ᕿᒥᕐᕈᒍᓐᓇᓯᐊᕐᓂᒥᓗ;
- ᑐᑭᓯᒪᓗᓂ ᐅᔭᕋᕐᓂᐊᓂᕐᓕᕆᓂᕐᒥᒃ ᐊᒻᒪᓗ ᐱᓇᓱᑦᑕᐅᔪᓂᑦ;
- ᓄᐃᑕᑎᑦᓯᓗᓂ ᐃᒻᒥᓂᕿᓗᓂ ᐱᓇᓱᒍᓐᓇᓂᕐᒥᓂᒃ, ᐱᓇᓱᖃᑎᒥᓂᒃ ᐱᓇᓱᖃᑎᖃᕈᓐᓇᓯᐊᕐᓗᓂ ᐊᒻᒪᓗ ᓱᓇᑐᐃᓐᓇᓂᑦ ᐱᒋᐊᕐᑎᓯᒍᓐᓇᓗᓂ;
- ᖃᐅᔨᒪᓗᓂ ᓄᓇᖁᑎᖓᓂᒃ ᐃᓅᖃᑎᒌᑦᑐᐃᑦ ᑮᓇᐅᔭᑎᒍᓕᖓᔪᓂᓗ ᖃᓄᐃᓕᖓᓂᖏᓐᓂᑦ ᓄᓇᕕᐅᑉ ᓄᓇᖁᑎᖓᓂ ᐱᐅᔪᒐᔭᕐᑐᖅ;
- ᑐᑭᓯᒪᑦᓯᐊᓚᕆᒋᐊᓕᒃ ᓄᓇᓕᐊᕈᐃᑦ ᐊᒻᒪᓗ ᓄᓇᖃᕐᖄᓯᒪᔪᓂᑦ ᑲᕙᒪᖏᑦᑕ ᐃᓂᓪᓚᖓᒍᓯᖏᓐᓂᑦ ᖃᓄᐃᓗᕈᓯᖏᓐᓂᓗ ᐊᒻᒪᓗ ᑐᑭᓯᒪᒍᓐᓇᓗᓂ ᐱᖁᔭᕐᓂᑦ, ᒪᓕᒐᕐᓂᑦ ᐱᖁᔭᒻᒪᕆᓂᓗ;
- ᖃᐅᔨᒪᓗᓂ ᔦᒻᔅ ᐯ ᑯᐯᒃᓗ ᑕᕐᕋᖓᑕ ᐊᖏᖃᑎᒌᒍᑎᖓᓂᒃ ᐱᐅᔪᒐᔭᕐᑐᖅ.
Benefits:
ᐱᕙᓪᓕᖁᑎᒋᔭᐅᓲᓕᒫᑦ ᑯᐊᐳᕇᓴᒥ ᐱᓇᓱᑦᑎᓄᑦ ᐊᑐᐃᓐᓇᐅᑎᑕᐅᓲᑦ ᓇᓗᓀᕐᑕᐅᓯᒪᒻᒪᑕ ᒪᑭᕝᕕᑯᑦ ᐱᓇᓱᑦᑐᓕᕆᓂᕐᒧᐊᖓᔪᓂᒃ ᒪᓕᒐᖓᑕ ᐊᑐᕐᑕᐅᒍᓯᖓᓂ ᐊᓪᓚᓯᒪᔪᓂ.
ᑯᐊᐳᕆᓴᓐᒥ ᑐᕌᒐᖃᕐᖁᑦ ᐱᓇᓱᒐᕐᑖᑎᑦᓯᒍᒪᑦᓱᑎᑦ ᐃᓄᓐᓂᑦ ᐃᓚᐅᔪᓂᑦ ᔦᒻᔅ ᐯ ᑯᐯᒃᒥᓗ ᑕᕐᕋᖓᓂ ᐊᖏᖃᑎᒌᒍᑎᖓᓄᑦ.
ᓇᑯᕐᒦᖁᒍᑦ ᐱᓇᓱᒐᕐᑖᕋᓱᑦᑐᓕᒫᓂᒃ ᑖᑦᓱᒧᖓ ᐱᓇᓱᒐᕐᒧᑦ.
ᐊᐱᕐᓱᑲᑦᑕᑕᐅᒐᔭᕐᑐᐃᑦ ᑭᓯᐊᓂ ᐊᓪᓚᕕᐅᓛᕐᖁᑦ.
Are you interested in this position?
You can apply by filling in the form below.
You can apply by visiting our website at www.makivik.org/jobs