10/07/2022
ᐊᕐᕌᒍᐃᑦ 100 ᐊᓂᒍᕐᓯᒪᓕᕐᖁᑦ ᓄᐃᑎᑕᐅᒋᐊᖕᖓᓚᐅᕐᓯᒪᑎᓪᓗᒋᓂᑦ ᑕᕐᕋᓕᔭᕈᑏᑦ, Nanook of the North/ᓇᓄᒃ ᑕᕐᕋᒥᐅᖅ ᓇᓪᓕᐅᓂᕐᓯᐅᕈᑕᐅᓂᖃᓕᓚᐅᔪᕗᑦ ᓄᓇᓕᒻᒥ ᑕᕐᕋᓕᔮᓕᐊᖑᕕᒋᓚᐅᕐᓯᒪᔭᒥᓂ. ᔫᓂ 18-ᒥᑦ ᑎᑭᑦᓱᒍ ᔫᓂ 12 ᐃᓄᑦᔪᐊᖅ ᑐᖕᖓᓱᑦᑎᓯᓚᐅᔪᕗᖅ ᓱᔪᖃᕐᓂᐅᔪᓂᒃ ᓇᓗᓀᕆᓂᐅᑦᓱᑎᒃ ᐊᕐᕌᒍᕐᓂᒃ 100-ᓂᒃ ᓇᓪᓕᐅᑎᓂᖓᓂᒃ ᑖᒃᑯᐊ […]
ᐊᕐᕌᒍᐃᑦ 100 ᐊᓂᒍᕐᓯᒪᓕᕐᖁᑦ ᓄᐃᑎᑕᐅᒋᐊᖕᖓᓚᐅᕐᓯᒪᑎᓪᓗᒋᓂᑦ ᑕᕐᕋᓕᔭᕈᑏᑦ, Nanook of the North/ᓇᓄᒃ ᑕᕐᕋᒥᐅᖅ ᓇᓪᓕᐅᓂᕐᓯᐅᕈᑕᐅᓂᖃᓕᓚᐅᔪᕗᑦ ᓄᓇᓕᒻᒥ ᑕᕐᕋᓕᔮᓕᐊᖑᕕᒋᓚᐅᕐᓯᒪᔭᒥᓂ. ᔫᓂ 18-ᒥᑦ ᑎᑭᑦᓱᒍ ᔫᓂ 12 ᐃᓄᑦᔪᐊᖅ ᑐᖕᖓᓱᑦᑎᓯᓚᐅᔪᕗᖅ ᓱᔪᖃᕐᓂᐅᔪᓂᒃ ᓇᓗᓀᕆᓂᐅᑦᓱᑎᒃ ᐊᕐᕌᒍᕐᓂᒃ 100-ᓂᒃ ᓇᓪᓕᐅᑎᓂᖓᓂᒃ ᑖᒃᑯᐊ ᑕᕐᕋᓕᔮᒉᑦ/ᐊᐅᓚᔫᑦ, ᐅᓂᒃᑲᐅᓯᐅᑦᓱᑎᒃ ᐊᐅᓚᔫᖑᑦᓱᑎᒃ ᓯᕗᓪᓕᐹᖑᖃᑕᐅᓯᒪᔪᑦ.
ᐊᑦᔨᓕᐊᖑᓯᒪᔪᑦ ᐊᒥᕆᑲᒥᐅᔭᒧᑦ Robert Flaherty/ᕌᐳ ᕙᓓᒍᑎᒧᑦ ᐊᕐᕌᒎᒃ 1920 ᐊᒻᒪᓗ 1921 ᐊᑯᓐᓂᖏᓐᓂ, Nanook of the North/ᓇᓄᒃ ᑕᕐᕋᒥᐅᖅ ᓄᐃᑎᑕᐅᓚᐅᕐᓂᖁᑦ ᔫᓂ 12, 1922-ᖑᑎᓪᓗᒍ. ᐊᑦᔨᓕᐅᕐᑕᐅᓯᒪᔪᖅ ᓇᓄᒃ ᐃᓅᓯᖓ, ᑖᓐᓇ ᓇᓄᒃ ᐊᑎᓕᐊᕆᓚᐅᕐᑕᕕᓂᖓ Flaherty/ᕙᓓᒍᑎᐅᑉ ᐊᑦᔨᓕᐅᕆᑦᓱᓂ ᓂᐱᖃᖕᖏᑐᓂᒃ ᑕᕐᕋᓕᔮᒐᓕᐅᕐᓱᓂ ᐊᓚᒃᑲᕆᐊᓪᓚᒥᒃ ᐊᓚᒃᑲᕆᐊᓪᓚᒃ ᐱᐅᓯᕐᒥᓂᒃ ᐃᓅᓯᕐᒥᓂᒃ ᐱᐅᓯᑐᖃᕐᒥᓂᒃ ᐊᑐᕐᑎᓗᒍ ᓄᓇᒥᓗ ᐃᓅᓯᕐᒥᓂᓗ. ᐊᒥᓱᑦ ᑕᑯᑦᓴᐅᔪᑦ ᐋᕐᕿᓱᕐᓯᒪᓯᒪᔪᑦ ᐊᑦᔨᓕᐅᕆᔨᐅᑉ ᐊᑑᑎᒍᒪᔭᖓ ᒪᓕᑦᓱᒍ, ᑭᓯᐊᓂ ᑌᒣᒃᑲᓗᐊᕐᓱᑎᒃ ᑖᒃᑯᐊ ᑕᑯᑦᓴᐅᑎᑦᓯᕗᑦ ᐱᕙᓪᓕᐊᓯᒪᓂᒃᑯᑦ ᐊᑦᔨᖁᑎᓂᒃ ᑕᑯᑦᓴᐅᑎᑦᓯᔪᓂᒃ ᖃᓄᐃᑦᑐᒥᒃ ᐱᐅᓯᖃᕐᓂᒪᖔᑕ ᐃᓄᑐᐃᓐᓀᑦ ᑌᒃᑯᓇᖕᖓᑦ ᐊᕐᕌᒍᓯᒪᔪᓂᑦ 100-ᓂᑦ ᐊᓂᒍᕐᓯᒪᓕᕐᑐᓂᑦ, ᖃᓄᐃᑦᑐᓂᓪᓗ ᐊᓐᓄᕌᕐᓯᒪᓐᓂᒪᖔᑕ, ᕿᒧᑦᓯᐸᓐᓂᕕᓂᖏᓐᓂᓗ, ᑎᑭᐅᑎᑦᓱᑎᒃ ᓄᓇᐅᑉ ᐊᕙᑖᓄᑦ. ᐃᓄᑦᔪᐊᒥᐅᑦ ᑕᑯᓐᓇᐅᔮᕆᐊᕐᑐᑦ ᑲᑎᑎᓪᓗᒋᑦ ᔫᓂ 11, 2022-ᒥ ᑕᑯᓐᓇᐅᔮᕆᐊᕐᑐᓱᑎᒃ ᑕᕐᕋᓕᔮᒐᕐᓂᑦ/ᐊᐅᓚᔫᓂᒃ, ᐊᖏᔪᒥᒃ ᐃᓄᑐᐃᓐᓀᑦ ᐃᓅᓯᖏᑕ ᐊᓯᑦᔨᓯᒪᓂᖏᑦ ᑕᑯᑦᓴᐅᓕᓚᐅᔪᕗᑦ, ᐃᓄᑦᔪᐊᒥᐅᑦ ᐃᓄᒋᐊᑦᓯᓯᒪᓕᕐᒪᑕ 300-ᖑᓚᐅᕐᑐᕕᓂᐅᑦᓱᑎᒃ ᐅᒃᓗᒥ 1,900-ᖑᓕᕐᑐᑦ, ᐃᒡᓗᔪᐊᖃᓕᕐᓱᑎᒃ, ᓯᑮᑐᖃᓕᕐᓱᑎᒃ, ᐊᒻᒪᓗ ᓯᓚᖓᑦ ᐅᕐᖂᓂᕐᓴᐅᓕᕐᓱᓂ.
Nanook of the North/ᓇᓄᒃ ᑕᕐᕋᒥᐅᖅ ᐊᕐᕌᒍᓂ 100-ᓂ ᓴᕐᕿᔮᓕᕐᓂᒥᓄᑦ ᓇᓪᓕᐅᑎᓂᖓᓂᒃ ᐸᕐᓇᕈᑎᖃᕐᓂᓄᑦ ᑲᑎᖕᖓᔩᑦ ᐱᓇᓱᑦᑐᒪᕆᐅᖃᑦᑕᓚᐅᔪᕗᑦ ᐊᑐᐃᓐᓇᕈᕐᑎᕆᑦᓱᑎᒃ ᓇᓪᓕᐅᓂᕐᓯᐅᕈᑎᑦᓴᓂᒃ ᐃᓚᖃᓚᐅᔪᔪᓂᒃ ᑕᑯᑦᓴᐅᑎᑦᓯᓂᐅᑉ ᐊᓯᐊᒍᑦ ᐅᓐᓄᑯᑦ ᓱᔪᖃᕐᑎᓯᓂᕐᓂᒃ ᐃᓄᑦᔪᐊᑉ ᐱᖕᖑᐊᕕᐊᓗᐊᓂ. ᑐᓴᕐᓂᔮᕐᑎᓯᔩᑦ ᓇᓪᓕᐅᓂᖃᓚᐅᔪᒻᒥᔪᑦ ᐊᒥᓱᓚᐅᔪᕗᓪᓗ ᓂᑦᔭᓗᑦᑖᑏᑦ, ᓲᕐᓗ ᐃᓚᐅᑎᓪᓗᒍ ᐃᓕᓴᐱ ᐁᓯᒃ ᐊᒻᒪᓗ ᑐᓴᕐᓂᔮᕐᑎᓯᔩᑦ ᓇᓄᒃᑯᑦ ᐊᑯᑭᑦᑐᒥᐅᑦ, ᐃᓄᐃᑦᑕᐅᖅ ᓂᐅᕕᐊᑦᓴᖃᓚᐅᔪᒻᒥᔪᑦ ᓴᓇᒐᕐᒥᓂᒃ, ᐃᓄᓕᒫᓪᓗ ᓂᕆᒻᒫᖃᑎᒌᑦᓱᑎᒃ.
ᖃᕆᑕᐅᔭᒃᑯᑦ ᑐᕃᓐᓇᑕᐅᑦᑕᕕᖓᓂ ᐊᓪᓚᓯᒪᔪᑦ ᑐᖕᖓᕕᒋᑦᓱᒋᑦ ᐅᖃᐅᑕᐅᒪᓚᐅᔪᕗᖅ ᑖᒃᑯᐊ ᕙᓓᒍᑎᒃᑯᑦ/The Flaherty, ᐊᑐᐃᓐᓇᕈᕐᑎᑕᐅᓂᖃᕐᑎᓗᒋᑦ ᓇᓪᓕᐅᓂᕐᓯ-ᐅᕈᑎᐅᓂᒋᓛᕐᑕᖏᑦ ᐃᓄᑦᔪᐊᒥ, ᐃᓚᐅᕕᒋᓚᐅᔪᕙᖏᑦ ᐊᕙᑕᖅ ᐱᐅᓯᑐᖃᓕᕆᕕᐅᑉ ᑐᑦᓯᕋᕐᑎᒋᔭᐅᑦᓱᓂ ᐊᑦᔨᖑᐊᓂᒃ ᓄᓇᕕᒻᒦᓱᓂ ᐊᑦᔨᓕᕕᓂᖏᓐᓂ Robert Flaherty/ᕌᐳᑦ ᕙᓓᒍᑎᐅᑉ ᑐᑦᓯᕌᕆᑦᓱᓂᒋᑦ ᕚᓐᑰᕙᒦᑦᑐᒥᑦ ᑕᑯᒥᓇᕐᑐᓕᐊᖑᓯᒪᔪᓂᒃ ᑕᑯᑦᓴᐅᑎᑦᓯᕕᒻᒥᑦ. ᐊᑦᔨᖑᐊᓪᓚᕇᑦ ᖃᕆᑕᐅᔭᒃᑯᑦ ᐊᒥᓲᓕᕐᑎᑕᐅᓯᒪᔪᑦ ᐃᓚᐅᑎᑕᐅᓚᐅᔪᕗᑦ ᓇᓄᒃ ᐊᕐᕌᒍᐃᑦ 100 ᐊᓂᒍᕐᑎᓗᒋᑦ ᑕᑯᑦᓴᐅ-ᑎᑕᐅᓂᖏᓐᓄᑦ ᐃᓄᑦᔪᐊᒥ, ᐊᒻᒪᓗ ᐊᑦᔨᖑᐊᕐᑕᓚᕆᕕᓂᖏᑦ ᐊᕙᑕᒃᑯᓂᒃ ᐁᑦᑐᓯᐊᕐᑕᑎᑦᓯᒍᑎᐅᑦᓱᑎᒃ.
ᕙᓓᒍᑎᒃᑯᑦ/The Flaherty, ᐱᓇᓱᒐᖃᕐᕕᖁᑎᖓᑦ ᐊᑭᓕᕐᑐᑕᐅᒍ-ᑎᖃᓱᖑᒍᓐᓀᖁᖅ ᑖᒃᑯᓂᖓ Nanook of the North/ᓇᓄᒃ ᑕᕐᕋᒥᐅᖅ-ᑯᓂᒃ ᐊᑭᓕᕈᓐᓀᓗᒋᑦ ᖃᕆᑕᐅᔭᒃᑯᑦ ᑐᕃᓐᓇᑕᐅᕕᖓᓐᓂᑦ ᑕᑯᔭᐅᒍᓐᓇᓛᓕᕐᑐᓂᒃ ᐊᐅᒡᒍᓯᐅᓕᕐᐸᑦ. ᑕᑯᓐᓇᑕᖃᕐᓂᒥᒃ ᐊᑭᓖᖓᕈᓐᓀᓗᑎᒃ ᑖᒃᑯᓂᖓ ᑕᑯᓐᓇᓚᖓᔪᑦ ᑐᕃᓐᓇᑐᒥᒃ ᐊᑭᓖᒍᒪᒍᑎᒃ ᐊᑭᓖᖃᑦᑕᖁᔭᐅᕗᑦ ᐊᕙᑕᕐᒥᒃ.
10/07/2022
ᔮᓂ ᐱᑕᓗ ᐊᒻᒪᓗ ᐱᑕ ᐊᐅᓪᓚᓘᓚᐅᔪᔪᖅ ᐅᐱᒍᓱᓯᕐᑕᐅᓕᓚᐅᔪᒋᕘᒃ ᓄᓇᕕᒻᒥᐅᓂᒃ ᐅᐱᓐᓇᑐᓂᒃ ᐅᐱᒍᓲᓯᕈᑎᒥᒃ ᐃᓅᓯᓕᒫᒥᓂ ᑐᓂᓯ-ᒪᓂᕆᕙᑦᑕᒥᓐᓄᑦ ᐱᓇᓱᑦᓱᑎᒃ ᓄᓇᕕᒻᒥᐅᖑᖃᑎᒥ ᐃᓄᑐᐃᓐᓇᐅᖃᑎᒥ ᐃᓅᓯᖏᑕ ᐱᐅᓯᒋᐊᕈᑎᑦᓴᖏᓐᓂᒃ. ᒪᑭᕝᕕᐅᑉ ᐳᕐᑐᓂᕐᓴᖏᑦ ᓇᓗᓀᕆᓚᐅᔪᕗᑦ ᑖᒃᑯᓃᖓ ᒪᕐᕉᓂᒃ ᐅᐱᒋᔭᐅᒍᑎᒥᒃ ᓄᓇᕕᒻᒥ ᐱᑎᑕᐅᕐᖃᒥᐅᓕᓚᐅᕐᒥᔫᓐᓂᒃ ᐅᐱᒍᓲᓯᓚᐅᕐᑕᒥᓐᓂᒃ ᒪᑭᕝᕕᐅᑉ […]
10/07/2022
ᖁᓕᓪᓗ ᐊᑕᐅᓯᕐᓗᐃᑦ ᓄᓇᕕᒻᒥ ᓴᐱᕐᑌᑐᓯᒪᓂᕐᒧᑦ ᐃᓕᑕᕆᔭᐅᒍᑏᑦ ᑐᓂᔭᐅᓚᐅᔪᕗᑦ ᒪᑭᕝᕕᒃ ᐊᕐᕌᒍᑕᒫᕐᓯᐅᑎᒥᓂᒃ ᑲᑎᖕᖓᑎᑦᓯᓂᖃᕐᑎᓗᒍ ᑲᖏᕐᓱᒦᑦᓱᑎᒃ ᐁᕆᓕᐅᑎᓪᓗᒍ ᑖᒃᑯᐊ ᐃᓕᑕᕐᓯᒍᑏᑦ ᓇᓗᓀᕆᒍᑎᐅᓱᖑᕗᑦ ᓄᓇᕕᒻᒥᐅᓂᒃ ᐃᓅᖃᑎᒥᓂᒃ ᐱᐅᓕᑦᓯᒋᐊᕐᓂᑯᓪᓗ ᓴᐳᑦᔨᓯᒪᓂᒃᑯᓗ ᐃᓅᓯᕐᒥᒍᑦ ᑲᑉᐱᐊᓇᕐᑐᑯᕐᓯᒪᔪᓂᒃ. ᒪᕈᐃᓗᐊᖕᖑᐊᒃ ᑐᖕᖓᕕᐅᓱᖑᕘᒃ ᐃᓕᑕᕆᔭᐅᔪᑦᓴᒥᒃ ᑎᒃᑯᐊᓯᔪᓄᑦ: ᖃᓄᑎᖏᒃ ᑲᑉᐱᐊᓇᕐᑐᓯᐅᕐᓯᒪᓂᖓᓂᒃ […]
10/07/2022
ᑲᑎᕕᒃ ᐊᕙᑎᓕᕆᓂᕐᒧᑦ ᐊᔪᖀᒋᐊᕐᑏᑦ ᑲᑎᒪᔩᑦ Comité consultatif de l’environnement Kativik Kativik Environmental Advisory Committee 2015 ᐊᕐᕌᒍᖓᓂᓂᑦ, ᐊᒥᓱᐃᓂᒃ ᑕᕆᐅᕐᒥᓗ-ᑐᕙᕐᒥᓗ ᑲᒪᓇᓱᑦᑕᖃᕐᓂᓂᒃ ᐱᓇᓱᒍᑎᓂᒃ ᐱᐅᒃᑯᑎᖏᓐᓂᓗ ᐅᑦᑐᕋᕐᑕᐅᔪᖃᖃᑦᑕᓯᒪᓕᕐᖁᖅ ᓴᓪᓗᓂᓗ, ᑲᖏᕐᓱᔪᐊᒥᓗ ᐊᒻᒪᓗ ᓴᓪᓗᐃᑦ ᐁᑉᐸᖏᓐᓂ […]