ᐲᑐᕆᔅ ᑎᐊ ᖁᐊᕐᑕᒥᐅᔭᐅᑦᓱᓂ ᖃᐅᔨᒪᔭᐅᔪᖅ ᓂᑦᔭᓗᑦᑖᑎᐅᒋᐊᖓ, ᑕᒐᑕᒐ ᒪᓐᑐᔨᐊᒥ ᓄᓇᓯᒪᓕᕐᑐᖅ. ᐊᒥᓱᑲᓪᓚᓂᑦᑕᐅᖅ ᓂᔭᓗᑦᑖᕈᑎᓕᐊᕕᓂᕐᒥᓂᒃ ᓂᐱᓕᐅᕐᓯᒪᒻᒥᓱᓂ ᑕᑯᓐᓇᐅᔮᕐᑕᐅᓂᖃᓱᖑᑦᓱᓂᓗ ᓄᓇᕕᒻᒥ ᐊᓯᐊᓂᓗ. ᐱᒐᓱᒍᑎᖃᓱᖑᒻᒥᔪᖅ ᐃᙯᓕᓴᕐᓂᑯᑦ ᖃᓄᐃᖕᖏᓯᐊᕐᓂᒥᒃ ᑕᑯᑦᓴᐅᓲᖑᕗᕐᓗ ᐃᙯᓕᓴᕐᓱᓂ ᐊᑦᔨᓕᐊᕕᓂᖏᑦ ᖃᕆᑕᐅᔭᑎᒍᑦ ᑕᑯᓐᓇᐅᔮᕐᕕᑯᑦ Facebook-ᒥ.
“ᐃᓄᑐᐃᓐᓇᓄᑦ ᐊᒥᓱᓄᑦ ᐅᖃ ᐅᑦᔭ ᐅᖃᑦᑕᓯᒪᓕᕐᖁᖓ, ᐅᖄᖃᑎᒋᑦᓱᒋᑦ ᑕᒃᑯᒧᑦ ᐊᒻᒪᓗ ᖃᕆᑕ ᐅᔭᑎᒍᑦ ᑐᓴᖃᑦᑕ ᐅᑎᒍᑎᒃᑯᑦ ᐅᖃ ᐅᑦᔭ ᐅᓱᖓ ᐃᒫᒃ ‘ᐃᓕᓐᓂᒃ ᑕᑯᓐᓇᓱᖓ ᐱᒐᓱᒍᒪᓂᕐᑕᓚ ᐅᔪᕗᖓ. ᐃᙯᓕᓴᖃᑦᑕᓯᑦᓱᖓᓗ ᓄᐃᑎᖃᑦᑕᑕᑎᓐᓄᑦ ᖃᕆᑕ ᐅᔭᑎᒍᑦ ᑐᓴᖃᑦᑕ ᐅᑎᒍᑎᑎᒍᑦ ᐱᒐᓱᒍᒪᓕᕐᑎᑕ-ᐅᑦᓱᖓ.’ ᐊᐱᕐᓱᑕᐅᓱᖑᒻᒥᔪᖓ ᖃᓄᐃᓘᕐᓗᑎᒃ ᐃᓗᓯᖃᑦᓯ ᐊᓇᕐᓂᕐᓴᒥᒃ ᐃᓅᓯᕐᑕᕋᔭᕐᒪᖔᕐᒥᒃ.”
ᑕᑯᓐᓇᕋᑦᓴᓕᐊᕆᓯᒪᔭᖏᑦ ᓀᑦᑐᖑᐊᑦ ᖃᕆᑕᐅᔭᒃᑯᑦ Facebook-ᒦᑦᑐᑦ ᒪᑉᐱᕋᖁᑎᖏ ᐃᓚᖃᕐᐳᑦ ᐃᙯᓕᓴᕐᑎᓯᔨᒥᓄᑦ ᐱᒋᐅᑦᓴᑎᑕᐅᑎᓪᓗᒍ, ᐃᓚᖏᑦ ᐃᓄᑐᑦᓱᓂ ᓄᐃᑕᔪᑦ, ᐃᙯᓕᓴᕈᓯᕐᒥᓂᒃ ᐊᑑᑎᑎᓪᓗᒍ ᐅᖃᐅᓯᕐᑕᖃᖃᑦᑕᓱᑎᒃ ᑕᑯᓐᓇᕋᑦᓴᖁᑎᖏᑦ, ᐃᓘᓐᓇᑎᒃ ᓀᓈᕐᓯᒪᔪᑦ ᐱᔪᒪᓕᕐᓇᓱᑎᒃᓗ.
“ᐱᐊᕌᕈᕐᑕᓚᐅᔪᑎᓪᓗᖓᓂᑦ ᐊᕐᕌᒍᑦ ᐱᖓᓱᑦ ᐊᓂᒍᕐᑐ ᑌᑦᓱᒪᓂ ᐅᖁᒣᓕᒻᒪᕆᓚᐅᔪᔪᖓ,“ ᐅᖃᕐᑐᖅ ᐲᑐᕆᔅ “ᑕᒪᓐᓇ ᐱᐊᕌᕐᑖᓂᐅᑉ ᑭᖑᓂᖓ ᐊᑐᑎᒋᐊᖓ ᐊᖏᔪᐊᓗᒻᒥᒃ ᐊᕐᓈᐅᑉ ᑎᒥᖓᓂ ᓱᕐᕃᓂᖃᓲᖅ, ᐃᓄᐃᓪᓗ ᑕᒪᑐᒧᖕᖓᓕᖓᔪᓂᒃ ᐅᖄᒍᑎᖃᓱᖑᒐᑎᒃ. ᑕᑯᓐᓇᕋᑦᓴᑎᒍᑦ ᖃᓄᑎᒋᒃ ᐊᑦᔨᒌᖕᖏᓂᕐᑖᓲᖑᒻᒪᖔᑕ ᓄᐃᑕᑎᑦᓯᔪᖓ. ᐃᓄᐃᑦ ᐃᑉᐱᒍᓱᓕᓲᑦ ᐊᓯᑦᔨᓂᕐᓂᒃ ᐊᕐᕌᓂᐅᓚᐅᔪᒥᑦ ᐅᓪᓗᒥᒧᑦ, ᐊᓯᑦᔨᓂᕐᓗ ᑕᑯᑦᓴᑲᓪᓚᒪᕆᐅᑦᓱᓂ. ᐅᖃᐅᓯᖃᖏᓐᓇᓱᖑᔪᖓ ᑕᒪᓐᓇ ᐊᓯᑦᔨᓂᖅ ᑌᒫᑦᓭᓇᓕᓂᖃᕆᐊᖓ, ᓂᕆᓂᕐᓗ ᐱᒻᒪᕆᐅᖃᑕᐅᒻᒥᓱᓂ, ᐱᑦᔪᑎᒋᑦᓱᒋᑦ 80%-ᒥᒃ ᓂᕆᓂᑦᑎᓂᑦ ᐱᒻᒪᑦ ᐊᒻᒪᓗ 20%-ᒥᒃ ᕿᑲᑐᐃᓐᓇᖏᓐᓂᑎᓐᓂᑦ ᐱᑦᓱᓂ.”
ᖁᕕᐊᓱᑦᑐᒪᕆᐊᓘᓚᐅᔪᖅ 2024-ᒥ ᐅᐱᕐᖓᖃᒻᒥᐅᑎᓪᓗᒍ ᑐᓴᕐᑎᑕᐅᑦᓱᓂ ᓄᓇᕕᒃ-ᑯᐯᒃ ᐱᖕᖑᐊᑎᖁᑎᖏᑦ ᐃᓚᐅᔪᖕᖑᓛᓕᕆᐊᖏᑦ ᐅᑭᐅᕐᑕᑐᒥ ᐅᑭᐅᒃᑯᑦ ᐱᖕᖑᐊᓂᕐᔪᐊᓂᖃᕐᓂᐅᓲᓄᑦ. ᑕᒪᓐᓇ ᑐᑭᖃᕐᒪᑦ ᐱᖕᖑᐊᑎᓂᒃ ᐅᑭᐅᕐᑕᑐᒥ ᐅᑭᐅᒃᑯᑦ ᐱᖕᖑᐊᓂᕐᔪᐊᑐᓄᑦ ᐁᑎᑦᓯᖃᑦᑕᓛᓕᕋᑦᑕ.
“ᑕᒪᓐᓇ ᐊᔪᒉᑦᑐᕖᖕᖔᓗᒃ“ ᐱᑐᕆᔅ ᓚᑦᓱᓂ ᐅᖃᕐᑐᖅ. “ᓱᓇᑐᐃᓐᓀᑦ ᐱᓇᓱᖃᑎᒌᒍᑎᐅᓲᑦ ᐃᓘᓐᓇᑎᒃ ᐱᒻᒪᕆᐊᓘᒻᒪᑕ, ᐅᕙᑦᑎᓄᑦ ᐃᑉᐱᓂᐊᕐᓂᑯᑦ ᑕᒪᓐᓇ ᐱᐅᓯᓕᒃ ᐃᓄᑦᑎᒍᑦ ᐱᑐᑦᓯᒪᖃᑎᒌᓐᓂᒥᒃ ᑭᖕᖒᒪᒋᔭᖃᓱᖑᖓᑦᑕ. ᐃᓄᓐᓄᑦ ᑫᓪᓚᑐᕐᑕᐅᒍᒪᓂᖃᓱᖑᑦᓱᑕᓗ, ᖃᓄᐃᓘᖃᑎᒌᓐᓂᖃᕈᒪᓱᖑᑦᓱᑕᓗ – ᐅᑎᕐᕕᐅᓇᕐᑐᖅ. ᑕᒪᒃᑯᐊᓗ ᐃᓕᒌᖑᓂᐊᕐᑐᑦ ᓴᕐᕿᑎᑕᐅᒐᒥᒃ, ᐱᖕᖑᐊᓂᕐᒥ ᐃᓕᒋᓐᓂᐊᑐᑐᐃᓐᓇᓂᒃ ᓴᕐᕿᑎᑦᓯᓂᖃᓱᖑᖕᖏᓚᒍᑦ, ᐃᓚᓐᓇᕆᓐᓂᒐᓴᓪᓗ ᐃᓅᖃᑎᒌᑦᓯᐊᓃᓪᓗ, ᐊᐅᓚᔨᔭᑦᓭᓗ ᐊᑐᑎᖃᑎᒌᓐᓃᓗ ᓴᕐᕿᓱᖑᒻᒪᑕ.”
ᑲᑐᑦᔮᕆᑦᓱᒋᑦ ᐃᓄᓕᒫᓂᒃ ᑐᓴᕋᑦᓴᓂᐅᑎᑎᒍᑦ ᑐᓴᕐᑎᓯᒍᑎᖏᑦ ᐅᑭᐅᕐᑕᑐᒥᒃ ᐅᑭᐅᒃᑯᑦ ᐱᖕᖑᐊᓂᕐᔪᐊᑐᓕᕆᔨᒃᑯᓗ ᐊᒻᒪᓗ ᑲᑎᕕᒃ ᓄᓇᓕᓕᒫᑦ ᑲᕙᒪᖓᑦ ᑐᓴᕐᑕᐅᑎᑦᓯᒍᑎᖏᑦ ᐅᖃᕐᓯᒪᕗᑦ ᔭᓄᐊᕆ 1, 2025-ᒥ. ᓄᓇᕕᒃ-ᑯᐯᒃ ᐃᓕᒌᑦᑐᖁᑎᖏᑦ ᐃᓚᐅᖃᑦᑕᓯᒪᕗᑦ ᐅᑯᓇᓂ ᐊᕐᕌᒍᕐᓂ1972, 1974, 1976, ᐊᒻᒪᓗ 1986 ᐊᒻᒪᓗ ᐃᓚᐅᖃᑦᑕᓯᒪᓕᕐᓱᑎᒃ ᐊᕐᕋᒎᒃ ᒪᕐᕉᓂᒃ ᐊᓂᒍᕐᓃᑕᒫ 2000-ᖑᓕᓚᐅᕐᓂᒪᓂᑦ.
”ᐃᓚ ᐅᖃᑕ ᐅᓯᓂᖅ ᐅᑭ ᐅᕐᑕᑐᒥ ᐅᑭ ᐅᒃᑯᑦ ᐱᖕᒍᐊᓂᕐᔪᐊᑏᑦ ᓯᓚᕐᔪᐊᒥ ᐅᑦ ᑲᑎᖕᖓᔨᖏᓐᓄᑦ ᐊᑕᖏᓐᓇᓂᐊᓕᕐᓱᓂ ᐃᓚ ᐅᔫᖕᖑᓱᓂ ᐊᑐᑎᓂ ᐅᕗᑦ ᐱᕙᓪᓕᐊᓯᒪᓂᑎᒍᑦ ᐃᕐᖃ ᐅᒪᓇᓛᓕᕐᓱᓂ ᐅᕕᒃᑲᖁᑎᑦᑎᓄᑦ ᓄᓇᖁᑎᑦᑎᓄᓪᓗ,“ ᐅᖃᕐᑐᖅ ᕿᐊᓪᑕ ᓯᓄᐹ, ᑲᑎᕕᒃ ᓄᓇᓕᓕᒫᑦ ᑲᕙᒪᖓᑕ ᑲᑎᖕᖓᔨᖏᑕ ᓯᕗᓕᕐᑎᖓ. ”ᑕᑯᑦᓴ ᐅᑎᑦᓯᓚ ᐅᕋᑦᑕ ᐊᔪᕆᔭᖃᖕᖏᒪᕆᑦᓱᑎᒃ ᐱᔪᓐᓇᓂᓕᓐᓂᒃ, ᐊᔪᕆᖕᖏᑕᖏᓐᓂᒃ ᓴᐱᓕᕐᓯᕇᑦᑐᓂᖏᓐᓂᓗ ᐱᖕᖑᐊᑎᖁᑎᑦᑕ ᐊᒻᒪᓗ ᑕᑯᓐᓇ-ᐅᔮᕐᑎᓯᔨᖁᑎᑦᑕ ᐃᓚ ᐅᖃᑦᑕᓯᒪᑦᓱᑎᒃ ᐊᕐᕌᒍᓂ ᐊᒥᓱᓂ ᑐᖕᖓᓱᑦᑎᑕ ᐅᓂᒃᑯᑦ ᓲᕐᓗ ᑐᔪᕐᒥᐊᖑᑦᓱᑎᒃ. ᐊᑕᖏᓐᓇᓂᐊᓕᕐᓱᓂ ᐃᓚ ᐅᔫᖃ ᑎᖕᖑᓂᖅ ᓄᒃᑭᕆᐊᕈᑎ-ᐅᕗᑦ ᑐᓂᓯᒪᓂᑦᑎᓄᑦ ᐱᖕᖑᐊᓂᑎᒍᑦ ᐱᑦᓯᐊᕈᓐᓇᕕᓕᒫᕋᓱᒍᓐᓇᓂᑦᑎᓄᑦ ᐃᓗᕐᖁᓯᑦᑎᒍᓪᓗ ᐊᒥᕐᖃᖃᑎᒌᒍᑎᖃᕐᓂᑎᓐᓄᑦ ᓴᐳᒻᒥᔪᓂᒃ ᑲᔪᓯᔪᒥᒃ ᐱᔭᖃᖃᑦᑕᓂᕐᓂᒃ ᐅᑭ ᐅᕐᑕᑐᒥ ᐅᑭ ᐅᒃᑯᑦ ᐱᖕᖑᐊᓂᕐᔪᐊᑐᓂ.”
ᑯᕆᔅ ᒪᐋᑕᓐ ᐱᖕᖑᐊᑎᑦᓯᔨᓂ ᐱᓪᓗᑯᒋᐊᓕᓕᕆᔨᓄᑦ ᐃᑲᔪᕐᑎᒋᔭᐅᕗᖅ ᐱᕙᓪᓕᐊᑎᑦᓯᒍᑎᐅᓕᕐᑐᑎᒍᓪᓗ ᐊᔪᖀᒋᐊᕐᑎᐅᓱᓂ ᐱᖕᖑᐊᑐᓕᕆᓂᕐᓄᑦ ᐱᑦᔪᔨᕕᖓᓐᓂ ᑲᑎᕕᒃ ᓄᓇᓕᓕᒫᑦ ᑲᕙᒪᖓᑕ. ᐊᒥᓱᕕᑦᓱᓂ ᐃᓚᐅᖃᑦᑕᓯᒪᔪᑐᖃᐅᔪᖅ ᐅᑭᐅᕐᑕᑐᒥ ᐅᑭᐅᒃᑯᑦ ᐱᖕᖑᐊᓂᕐᔪᐊᑐᓄᑦ, ᑲᒪᓇᓗᐊᖕᖑᐊᑐᒥ ᐊᓪᓓᑦ ᑏᓃᑦ ᐱᖕᖑᐊᕈᓯᖏᓐᓂ ᐃᓚᐅᖃᑦᑕᓕᕐᐳᓗ ᐱᖕᖑᐊᑎᓂᒃ ᑲᒪᔨᓄᑦ, ᑕᑯᓐᓇᐅᔮᖃᑦᑕᓱᓂ ᐊᖓᔪᕐᐹᖁᑎᒥᓂᒃ ᐃᕐᓂᒥᓂᒃ ᑳᐋᓄᒥᒃ, ᓄᓇᕕᒃ-ᑯᐯᒃ ᐃᓕᒋᑦᑎᑐᓪᓗ ᐱᓯᑎᐅᓕᐅᑎᖃᑕᐅᑎᓪᓗᒋᑦ. ᐅᓂᒃᑳᑐᖅ ᐱᖕᖑᐊᕆᐊᕐᑐᓛᓕᕐᑐᓄᑦ ᐃᓚᐅᒐᔭᖁᔭᐅᑦᓱᓂ ᐅᑭᐅᖃᕐᓱᓂ 16-ᓂᒃ ᑌᑦᓱᒪᓂ ᐱᖕᖑᐊᑎᓂᒃ ᑲᒪᔨᐅᑎᓪᓗᒍ ᐋᓚᓐ ᐳᔭᐅᓐ 2001-ᒥ ᐅᑭᐅᕐᑕᑐᒥ ᐅᑭᐅᒃᑯᑦ ᐱᖕᖑᐊᓂᕐᔪᐊᓛᕐᑐᑦ ᐱᒋᐅᕐᓴᔭᐅᓂᖃᕐᑎᓗᒋᑦ ᑰᒃᔪᐊᒥ. ᑯᕆᔅ ᐊᖑᑎᕐᓚᑲᓪᓚᒃ – ᑕᑭᓂᖃᕐᓱᓂ 6-ᓂᒃ ᐃᑎᒐᓐᓂᒃ ᐃᓚᖃᕐᑎᓗᒋᑦ 3-ᓂᒃ ᐅᖁᒣᓐᓂᖃᕐᓱᓂᓗ 280ᓂᒃ – ᐱᖓᓱᓂᓪᓗ ᐅᖁᒣᑦᑐᔭᓂᒃ ᑭᕝᕓᒍᓐᓇᓱᓂ. ᐳᔭᐅᓐᒧᑦ ᑕᑯᔭᐅᓯᒪᔪᖅ ᐅᖃᐅᑎᔭᐅᑦᓱᓂᓗ, “ᐊᕗᖕᖓᓚᐅᕆᑦ! ᐃᓕᒌᑦᑎᑐᓄᑦ ᐃᓚᐅᔪᖕᖑᕋᕕᑦ ᓚᔭᐅᑦᓱᓂ” ᐅᓂᒃᑳᑐᖅ ᐃᔪᕐᓱᓂ. ᑐᓴᓕᕋᒥ ᓄᓇᕕᒃ-ᑯᐯᒃ ᐃᓕᒌᑦᑐᖁᑎᖏᑦ ᐃᓚᐅᕙᓐᓂᐊᓕᕆᐊᖏᑦ ᑐᓴᕐᓱᓂ ᓱᕐᕋᑕᐅᓂᖓ ᐊᑭᔭᐅᓚᐅᔪᖕᖏᓚᖅ.
“ᓱᓕᑦᓯᐊᑐᖓ, ᖁᕝᕕᑖᓚᐅᔪᒐᒪ ᐃᔨᒃᑯᑦ, ᓴᓪᓗᓂᐊᖕᖏᓚᖓ,” ᐅᖃᕐᑐᖅ ᐃᔪᕐᓱᓂ. “ᐊᕗᖓᐅᓖᒋᐊᕐᓂᖃᕐᒪᑦ ᒪᓂᔨᒍᑎᒋᒍᓐᓇᑕᑦᑎᓂᒃ, ᐃᑲᔪᕐᓯᓂᖃᕐᓱᓂᓗ ᐱᖕᖑᐊᓂᕐᓂᒃ ᑕᑯᑦᓴᐅᑎᑦᓯᓂᕐᓂᒃ. ᐊᔭᐅᕆᒍᑎᐅᒍᓐᓇᓱᓂᓗ ᐱᔭᑦᓴᖁᑕᐅᔪᓂᒃ ᐃᑲᔪᕐᓯᓚᖓᔪᓂᒃ ᐃᓄᓐᓂᒃ ᐃᓅᓯᖃᕐᓂᒥᒃ ᐃᓗᓯᖃᑦᓯᐊᓂᕐᓴᒥᒃ ᐱᒍᒪᔪᓂᒃ. ᐊᑐᓂᑦ ᓵᓚᐅᒪᒍᓐᓇᕋᑦᑕ ᐃᓗᓯᑦᑎᓄᑦ ᐱᐅᖕᖏᑐᓄᑦ, ᑭᓯᐊᓂᓕ ᖃᐅᔨᒪᔪᖃᓕᕋᒥ ᓯᓚᕐᔪᐊᒥᐅᓂᒃ ᐱᓕᐅᑎᖃᑎᖃᕈᓐᓇᓂᕐᒧᑦ ᑎᑭᑕᐅᒋᐊᒥᒃ, ᑕᒪᓐᓇ ᓇᓪᓕᐅᑎᔪᖅ ᐱᒻᒪᕆᐅᑎᓯᓗᒍ ᑭᓯᐊᓂᐅᔪᖅ.”
ᑌᒣᓕᖓᓕᕐᑎᓗᒋᓪᓕ, ᒪᑭᕝᕕᒥ, ᒍᐃᓕᔅ ᑕᒍᕐᓈᖅ ᐱᓇᓱᖃᑦᑕᓕᕐᐳᖅ ᓄᑖᓂ ᐱᖕᖑᐊᑐᓕᕆᓂᕐᓂᓗ ᐅᕕᒐᕐᑐᓂᓪᓗ ᐱᕙᓪᓕᐊᑎᑦᓯᒍᑎᓂᒃ ᐊᑕ ᐅᑦᓯᑯᕐᑎᓯᔨ-ᐅᓕᕐᓱᓂ ᑕᕐᖀᑦ ᐱᖓᓲᔪᕐᑐᑦ ᐅᖔᑖᓄᒐᓛᐱᒃ. ᒍᐃᓕᔅ ᐱᕈᕐᓴᓯᒪᔪᖅ ᑰᒃᔪᐊᒥ, ᖃᑭᕐᐸᓱᓂ, ᐸᑦᑕᒥᒃ ᓄᓗᐊᖑᔭᒧᑦ ᑐᕐᖁᑎᑦᓯᒐᓱᑉᐸᓱᓂ, ᐊᔪᑦᑕᓱᖑᑦᓱᓂ ᐊᒻᒪᓗ ᐸᑦᑕᒥᒃ ᓄᓗᐊᓂ ᐃᑲᖓᔪᓂᒃ ᐊᕕᓯᒪᒍᑎᖃᕐᓱᑎᒃ ᓄᓇᒧᑦ ᑐᑎᑦᓯᑌᓕᓕᓂᕐᒥᒃ. ᔮᓂᒻᒪᕆᒃ ᐃᓕᓐᓂᐊᕕᖕᒥ ᐱᓇᓱᖃᑦᑕᓚ ᐅᔪᒻᒥᔪᖅ ᐃᙯᓕᓴᕐᑎᓯᓂᕐᒥ ᐃᓕᓐᓂᐊᑎᑦᓯᔨᐅᑦᓱᓂ ᐊᕐᕌᒍᕐᓂ 10-ᓂ. ᖁᕕᐊᓱᒍᑎᖃᒻᒪᕆᓚ ᐅᔪᕗᖅ ᑐᓴᕐᑎᑕ ᐅᒍᑎᒥᓂᒃ.
“ᑕᒪᓐᓇ ᐊᖏᔪᒻᒪᕆᐊᓗᒃ. ᖁᕕᐊᓱᐊᒍᑎᖃᒻᒪᕆᑉᐳᖓ ᓄᓇᕕᒻᒥᒃ ᓇᒧᖕᖓᕙᓪᓕᐊᓂᖓᓂᓪᓗ ᐱᓕᐅᑎᖃᑕᐅᖃᑦᑕᓂᒃᑯᓗ ᐊᒻᒪᓗ ᐱᕈᕐᐸᓕᐊᓂᖓᒍᑦ,” ᐅᖃᕐᑐᖅ ᒍᐃᓕᔅ. “ᐊᕐᕌᒍᓂ ᐊᒥᓱᓂ ᐃᑭᑦᑐᐊᐱᐅᑦᓱᑕ ᐃᓕᒋᖑᓱᖑᔪᒍ, ᑌᒣᓚᕿᒍᑎᖃᕐᓱᑕ ᐃᓚᒋᔭᐅᖏᓂᑯᑦᑎᓂᒃ ᐱᖑᐊᑎᐅᔪᑦ ᐃᓕᒌᑦᑎᕈᑎᒋᓲᖏᓐᓄᑦ– ᖃᐅᔨᒪᔪᐃᓐᓇᐅᕗᒍᓪᓗ ᖄᑭᕐᓂᖅ ᐱᔭᒻᒪᕆᐊᓘᕙᒋᐊᖓ –ᐅᑉᐱᕆᔭᖃᕐᐳᖓᓗ ᓄᓇᕕᒻᒥᐅᑦ ᐱᔪᓐᓇᓂᖃᑦᓯᐊᒪᕆᒋᐊᖏᑦ ᐱᓯᑎᐅᓕᐅᑎᖃᑕᐅᒍᓐᓇᓂᕐᒥᒃ ᐊᓯᒥᓂᒃ ᓵᓚᖃᕋᓱᑦᑎᐅᒥᔪᓂᒃ.”
ᑕᓯᐅᔭᕐᔪᐊᒥ, ᑎᔅᓱᕇ ᑲᒻᐳᐹᑦᓴ, ᐱᖕᖑᐊᓱᖑᑦᓱᓂᓗ ᐱᖕᖑᐊᑎᓂᓪᓗ ᑲᒪᔨᐅᑦᓱᓂ ᐃᑉᐱᒋᔭᖃᕐᓂᓴᐅᓲᖑᔪᖅ ᐃᓄᑐᐃᓐᓀᑦ ᐱᖕᖑᐊᕈᓯᖏᓐᓂᒃ. ᐅᓪᓗᑯᑦ ᐱᓇᓱᒐᖃᕐᓱᓂ ᐃᓄᑐᐃᓐᓇᓂᒃ ᐱᓇᓱᑦᑐᓴᕐᓯᐅᑎᐅᓂᕐᒥᒃ ᓄᓇᒥᐅᓂ ᐅᔭᕋᓐᓂᐊᕕᒥ. ᐱᓇᓱᐊᕈᓰᓐᓂ ᒪᕐᕉᓂ ᐱᓇᓱᒋᐊᕐᑐᓯᒪᓱᖑᑦᓱᓂ ᐊᒻᒪᓗ ᐱᓇᓱᐊᕈᓰᓐᓂ ᒪᕐᕉᓂ ᐊᓂᕐᕋᓯᒪᓲᖑᑦᓱᓂ, ᖃᖓᑦᑕᔫᒃᑯᑦ ᐅᑎᕐᑕᐸᑦᑐᖅ. “ᐱᖕᖑᐊᑏᑦ ᓄᓇᕕᒻᒥ – ᐱᒍᓐᓇᕕᖃᑦᓯᐊᐳᒍᑦ,” ᐅᖃᕆᐊᓪᓚᑐᖅ. “ᐅᖃᕈᓐᓇᓯᐊᕐᓱᑕ ᓇᓪᓕᐊᓂᒃ ᐱᖕᖑᐊᕈᓯᕐᒥ ᐱᓯᑎᐅᓕᐅᑎᕕᖃᕈᒪᒻᒪᖔᑦᑕ, ᑕᒪᓐᓇ ᐃᓱᒪᒋᔭᒃᑯᑦ ᐱᒻᒪᕆᐊᓗᒃ, ᐱᑦᔪᑎᖃᕐᓱᓂ ᓂᐱᖃᖃᑕᐅᓂᑦᑎᓂᒃ, ᐃᓚᐅᓪᓚᕆᓕᕐᓂᑎᓐᓂᓗ. ᖁᕕᐊᓱᒍᑦᔨᒪᕆᑉᐳᖓ ᓄᓇᕕᒻᒥᒃ.”
ᐱᑐᕆᔅ ᑎᐊ ᐃᑎᓂᕐᓴᒥᒃ ᐃᓱᒪᔪᖅ. ᐃᙯᓕᓴᕐᓂᒥᒃ ᐊᕐᖁᑎᖃᕐᓯᒪᒐᒥ ᐃᒥᐊᓗᕐᖃᔦᕐᓂᒧᑦ ᐊᕐᕌᒍᑦ ᖁᓕᑦ/ᑕᓪᓕᒪᐅᔪᕐᑐᑦ ᐅᖓᑖᓂ. “ᐃᒥᐊᓗᓐᓂᐅᑉ ᐊᓯᐊᓂ ᓱᒐᓱᒋᐊᖃᓕᓚᐅᔪᒐᒪ. ᐃᙯᓕᓴᖃᑦᑕᓕᕋᒪᓗ, ᐱᕙᓪᓕᐅᒥᓂᖃᖃᑦᑕᓱᖓ, ᐱᓗᐊᕐᑐᒥ ᑕᑯᖃᑦᑕᓕᕋᒪ ᐱᕙᓪᓕᑕᐅᓂᕋᓂᒃ. ᐃᙯᓕᓴᕆᐊᖕᖓᖃᑦᑕᓯᓚᐅᔪᖓ ᐱᓱᑦᓱᖓ, ᐱᓇᓱᕝᕕᒐᓂᓗ ᒪᔫᑎᑎᒍᑦ ᒪᔪᕋᖃᑦᑕᓱᖓ, ᐊᑐᖕᖏᖓᕐᓱᖓ ᒪᔪᕋᐅᑎᒥᒃ. ᓂᕆᑦᓯᐊᓂᕐᓴᐅᒐᓱᖃᑦᑕᓕᕐᓱᖓᓗ, ᑕᑯᓐᓇᐅᔮᖃᑦᑕᓕᕐᓱᖓᓗ ᖃᕆᑕᐅᔭᑎᒍᑦ ᑐᓴᕋᑦᓴᓂᒃ, ᓱᓇᓂᒃ ᐃᓄᐃᑦ ᐃᖃᖕᖏᑐᑦ ᓂᕆᓱᖑᒻᒪᖔᑕ. ᐃᒥᕋᕐᖃᔦᕐᓱᖓᓗ ᑕᒪᖏᓐᓂᒃ ᑎᕐᑎᑐᓂᓪᓗ ᐱᕈᕐᑐᕕᓃᓪᓗ ᐃᑦᑎᖏᓐᓂᒃ, ᑌᒣᓗᑐᐃᓐᓇᓱᖓ ᓴᓗᑉᐸᓕᐊᓯᓚᐅᔪᖓ ᓱᑲᑦᑐᑲᓪᓚᒥᒃ.”
ᑯᕆᔅ ᒫᑕᓐ ᓂᑦᔮᒍᑎᖃᕐᒥᔪᖅ ᑕᒪᑐᒥᖓ. “ᐅᖃᕐᑕᐅᓱᖑᓂᕋᕐᓱᒍ ᐃᒫᒃ “ᓴᐳᑎᓯᒪᓂᕐᒧᑦ ᐱᑦᔪᑎ’. ᑕᒪᒃᑯᐊᑕᒐ ᐃᑲᔪᕐᓯᓯᒪᓲᑦ ᓴᐱᓕᕐᑌᓕᓂᕐᒧᑦ, ᒪᑭᒋᐊᑦᓯᐊᕈᑎᐅᑦᓱᑎᒃᓗ ᐅᖁᒣᑦᑐᓂᑦ,” ᐅᖃᕐᑐᖅ. “ᐅᕕᒃᑲᐅᑐᐊᕈᕕᑦ, ᑕᒪᒃᑯᐊ ᐃᑲᔪᕐᓯᒪᔨᒋᓂᐊᕐᑕᑎᑦ ᐅᓂᐅᕐᓯᒍᑎᒋᓗᒋᑦ ᐊᖓᔭᓐᓇᑐᓂᓪᓗ ᐃᒥᐊᓗᓐᓂᓗ, ᐃᒻᒥᓂᐊᕐᓂᒧᓪᓗ ᑎᑭᐅᑎᒋᒃᑯᑎᒋᓗᒋᑦ, ᑌᒪᒐᓛᒃ.”
ᓱᓪᓕᑕᐅᔪᖅ ᐃᙯᓕᓴᕐᓂᖅ ᐱᓱᑐᐃᓐᓇᓂᐅᒐᓗᐊᕈᓂ, ᖃᕆᑕᕐᒥᑦ ᐊᓂᐊᑦᓯᓂᐅᒪᑦ ᑎᒥᐅᑉ ᐃᓱᕐᕆᒍᑎᖏᓐᓂᓗ ᐅᖁᒣᓪᓕᐅᓗᐊᕆᒃᑯᑎᓂᒃᓗ ᐊᒻᒪᓗ ᐁᑉᐸᖃᕐᓱᓂ ᐃᓱᒪᑦᓯᐊᓇᕐᑐᒥᒃ ᖃᓄᐃᖕᖏᓯᐊᕐᓇᑐᒥᓪᓗ ᐊᓂᐊᑦᓯᑎᓪᓗᒍ. ᑖᒃᑯᐊ ᑎᒥᐅᑉ ᐃᓱᕐᕆᒍᑎᑦᓴᔭᖏᒃ ᐃᑲᔪᕐᓯᓯᒪᓱᖑᒻᒪᓂᒃ ᐃᓱᒪᓐᓈᓂᕐᕐᒥᒃ, ᑐᑭᓯᒪᑦᓯᐊᓂᕐᒥᒃ ᑕᐅᑐᕐᖁᖑᐊᕆᐊᒥᒃ ᓄᓇᕕᒃ-ᑯᐯᒃ ᐃᓕᒋᑦᑐᖁᑎᖏᑕ ᖃᑭᕐᓂᑯᑦ ᐃᓕᒋᑦᑐᖁ-ᑎᖏᓐᓂᒃ ᑭᖑᓪᓕᐅᓛᕐᑐᒥ ᐅᑭᐅᕐᑕᑐᒥ ᐅᑭᐅᒃᑯᑦ ᐱᖕᖑᐊᓂᕐᔪᐊᓂᐅᓛᕐᑐᒥ ᒍᐁᑦᖁᐋᔅ, ᔫᑳᐊᓐᒥ, 2026-ᖑᓕᕐᐸᑦ ᐃᓱᒪᑐᐃᓐᓇᓱᓂ ᖁᖓᓐᓇᖁᖅ ᑯᕆᔅᒧᓪᓗ ᒍᐃᓕᔅᒧᓪᓗ. “ᖃᐅᔨᒪᒌᔭᕋᑦᑕ ᑭᓇᒃᑯᑦ ᖃᕿᒃᓯᑎᐅᓂᕐᐹᖁᑎᒋᒻᒪᖔᑦᑎᒋᑦ ᓄᓇᖁᑎᑦᑎᓂ,” ᐅᖃᕐᑐᖅ ᒍᐃᓕᔅ. ”ᑌᒣᒻᒪᑦ ᐱᓯᑎᐅᓕᐅᑎᑎᑦᓯᖃᑦᑕᓂᖅ ᓄᓇᖁᑎᑦᑎᓂ, ᐱᕈᕐᐸᓕᐊᑎᑦᓯᓂᖅ ᑕᒃᑲᖓᒥ, ᐱᑕᖃᕐᑎᓯᒍᑎᖃᕐᓗᓂᓗ ᐱᒋᐅᕐᓴᔭᐅᕕᓐᓂᒃ ᐊᖁᐃᒪᕕᓐᓂᒃ.”
”ᐱᓇᓱᖃᑎᖃᖃᑦᑕᓚᐅᔪᒍᑦ ᐱᓇᓱᒐᖃᕐᕕᓂᒃ ᓲᕐᓗ ᒪᑭᕝᕕᒃ,“ ᐅᖃᕐᑐᖅ ᑯᕇᔅ. “ᓇᓗᓀᕆᒐᓱᓱᖑᑦᓱᑕ ᐱᓇᓱᖃᑎᒌᑦᓯᐊᕋᔭᕐᑐᓂᒃ, ᐃᓕᒋᑦᓯᐊᓗᑎᒃᓗᓃᑦ ᐋᕐᕿᓱᕐᑕᑎᓐᓂ. ᑕᒪᓐᓇ ᐱᖕᖑᐊᓂᐅᓛᕐᑐᒥ ᑐᑭᖃᑦᔭᖏᒻᒪᑦ ᐃᓕᒋᑦᑎᓂᑐᐃᓐᓇᒥ, ᑐᑭᖃᕋᒥ ᑐᖕᖓᕕᓕᐅᕆᓂᕐᒥᒃ ᐃᓕᒌᖑᔨᐊᕆᓛᕐᑕᑎᓐᓂᒃ ᑭᖑᓪᓕᓄᑦ ᐱᖕᖑᐊᓂᕐᓄᑦ ᑲᔪᓯᓂᖃᕋᔭᕐᑐᒥᒃ, ᑭᖑᓪᓕᒋᐊᓪᓚᖏᓐᓄᓗ, ᑌᒪᒐᓛᒃ”
ᐃᓄᑦᔪᐊᒥ ᑎᔅᓱᕇ ᕿᓚᓈᕐᑐᖅ ᐃᓄᑐᐃᓐᓀᑦ ᐱᖕᖑᐊᕈᑎᖏᓐᓂᒃ ᐃᓕᓐᓂᐊ ᑎᑦᓯᒍᑎᖃᓛᕆᐊᒥᒃ. “ᐃᓄᑐᐃᓐᓀᑦ ᐱᖕᖑᐊᕈᑎᖏᓐᓂ ᑲᒪᔨᐅᖃᑦᑕᓯᒪᔪᖓ, ᐊᓕᐊᒻᒪᕆᑦᓱᖓᓗ ᐃᓄᑐᐃᓐᓀᑦ ᐱᖕᖑᐊᕈᓯᖏᓐᓂᒃ ᐃᓕᓭᒍᑎᖃᕆᐊᒥᒃ. ᖁᕕᐊᒋᔭᖃᒻᒪᕆᑦᓱᖓᓗ ᐃᓄᑐᐃᓀᑦ ᐱᖕᖑᐊᕈᓯᖏᓐᓂᒃ ᐃᓕᓐᓂᐊᑎᑦᓯᒍᑎᖃᕆᐊᒥᒃ, ᑎᒥᒧᑦ ᐊᐅᓚᒋᐊᓕᒻᒪᕆᐅᒻᒪᑕ, ᐱᓗᐊᕐᑐᒥ ᐃᓄᑐᐃᓐᓀᑦ ᐱᖕᖑᐊᕈᓯᖏᑦ.”
ᑎᔅᓱᕇ ᐅᖃᕐᑐᖅ ᐃᙯᓕᓴᕆᐊᓱᖑᒋᐊᒥᒃ ᐃᓄᑦᔪᐊᒥᐅᑦ ᐃᙯᓕᓴᕐᕕᖓᓄᑦ, ᖁᐊᓴᕐᕕᖓᓄᓪᓗ. ᐅᖃᕐᒥᔪᖅ ᓄᓇᓖᑦ ᐃᙯᓕᓴᕐᕕᖃᕐᒥᒋᐊᖏᑦ. ᑕᒪᕐᒥᒃ ᑯᕆᔅᓗ ᒍᐃᓕᔅᓗ ᐅᖃᕐᑑᒃ ᑭᓯᑕᐅᓯᒪᖕᖏᒋᐊᖏᑦ ᐃᙯᓕᓴᕐᕖᑦ ᓄᓇᕕᐅᑉ ᓄᓇᓕᓕᒫᖏᓐᓂ, ᐃᓚᐅᑎᑦᓯᔪᓂᒃ ᐃᙯᓕᓴᕐᕕᓂᒃ, ᓄᓇᓖᑦ ᓱᒐᓱᐊᕐᕕᖏᓐᓂᒃ, ᖁᐊᓴᕐᕕᓂᓪᓗ/ᓯᐊᕐᕆᔭᕐᕕᓂᓪᓗ, ᑭᓯᐊᓂ ᑕᒪᓐᓇ ᑐᓴᕋᑦᓴᖅ ᐃᒻᒪᖄ ᑕᒪᒃᑯᓂᖓ ᐱᒐᓱᒍᑎᐅᒋᐊᑦᓯᐊᓂᖃᓕᕋᔭᕐᑐᖅ. “ᐅᕙᓐᓄᓕ ᑐᑭᓕᒃ ᐊᐅᓚᒍᓐᓇᕆᐊᑦᑎᒍ, ᐱᔪᒪᓂᕐᑕᓗᑎᒃ ᖁᕕᐊᓱᐊᒍᓐᓇᓂᖏᑦ ᐊᐅᓚᓗᒋᑦ.”
ᐲᑐᕆᔅ, ᒪᓐᑐᔨᐊᒥ, ᐊᖏᔪᐊᓗᓐᓂᒃ ᐃᙯᓕᓴᕐᕕᓂᒃ ᐅᐯᒍᓐᓇᑐᖅ, ᐃᙯᓕᓴᕐᑎᓯᔨᖃᕐᓱᓂᓗ. ᑰᒃᔪᐊᒦᓕᕋᒥ, ᐃᓄᒃ ᓄᑭᓕᒃ ᐃᙯᓕᓴᕐᕕᓕᐊᓲᖅ ᑰᒃᔪᐊᑉ ᐱᖕᖑᐊᕕᐊᓗᐊᓂᑦᑐᒧᑦ. ᔨᐊᕝ ᑯᐊᑕᒥᒃ ᓂᕐᑐᑕᖃᒻᒪᕆᑦᑐᖅ ᐱᒋᐊᕐᑎᓯᓯᒪᒻᒪᑦ ᑖᑦᓱᒥᖓ ᐃᙯᓕᓴᕐᕕᒥᒃ ᐊᕐᕌᒍᑦ ᐊᒥᓱᖕᖏᑐᑦ ᓈᔪᑦ. “ᐱᔪᕆᒪᒍᑎᒋᒻᒪᕆᑦᑕᕋ ᑖᓐᓇ ᐅᕕᒃᑲᖅ ᐊᖑᑎ ᐃᙯᓕᓴᕐᕕᒥᒃ ᐅᒃᑯᐃᓂᑦᓯᒪᔪᖅ,” ᐅᖃᕐᑐᖅ ᐲᑐᕆᔅ.
ᐊᐅᔭᐅᓚᐅᕐᑐᖅ ᑕᑯᓐᓇᐅᔮᖃᑦᑕᓚᐅᕐᑐᒍᑦ ᓯᓚᕐᔪᐊᒥᐅᑦ ᐱᖕᖑᐊᑏᑦ ᐱᓯᑎᐅᓂᕐᐹᖏᑦ ᐱᓕᐅᑎᓂᖃᕐᑎᓗᒋᑦ ᐸᕇᒥ, ᓄᓇᕕᒻᒥᐅᑦ ᐱᖕᖑᐊᑏᑦ ᐊᒥᓲᓂᕐᓴᓚᕆᐊᓘᓛᕐᓂᒥᓂᒃ ᓯᕗᓂᖃᕈᓐᓇᑐᑦ ᐅᑭᐅᕐᑕᑐᒥ ᐅᑭᐅᒃᑯᑦ ᐱᖕᖑᐊᓂᕐᔪᐊᓂᐅᓛᕐᑐᒥ 2026-ᖑᓕᕐᐸᑦ ᒍᐁᑦᖁᐋᔅ, ᔫᑳᓐᒥ. ᐲᑐᕆᔅᓗ, ᒍᐃᓕᔅᓗ, ᑯᕇᔅᓗ ᐊᒻᒪᓗ ᑎᔅᓱᕇᓗ ᑖᒃᑯᐊ ᐃᓘᓐᓇᑎᒃ ᐅᖃᓚᐅᔪᑦ ᑕᑯᓐᓇᐅᔮᖃᑦᑕᓚᐅᔪᒋᐊᒥᓂᒃ ᓯᓚᕐᔪᐊᒥᐅᑦ ᐱᖕᖑᐊᓂᕐᔪᐊᖏᓐᓂᒃ ᖁᕕᐊᒋᔭᖃᕐᓱᑎᒃ. ᑎᔅᓱᕇ ᐃᓱᒪᖕᖑᐊᑐᕕᓂᖅ ᐱᖕᖑᐊᑐᐊᓗᓐᓄᑦ ᐃᓚᐅᑦᓴᕈᓂ ᖃᓄᐃᒐᔭᕐᓂᒪᖔᑦ, “ᐃᓚᐅᒐᔭᕐᑐᖓ ᐅᓪᓚᓕᐅᑎᔪᓄ! ᐃᓱᒪᑦᓱᓂ”
ᐊᕗᖓᒋᐊᓪᓚᒃ ᖃᕆᑕᐅᔭᒃᑯᑦ ᑕᑯᓐᓇᕋᓱᒐᑦᓭᑦ
ᐲᑐᕆᔅ ᑎᐊᑉ ᐃᙯᓕᓴᕈᓯᖏᑦ ᑕᑯᑦᓴᐅᔪᑦ ᓂᑦᔭᓗᑦᑕᓕᕋᒥ ᐱᖕᖑᐊᑎᖁᑎᒥ Facebook-ᑯᑦ ᒪᑉᐱᕋᖁᑎᖓᓐᓂ
https://www.facebook.com/BeatriceDeer/reels/
ᐊᑕᖏᕐᑐᑦ ᖃᓄᐃᓕᖕᖓᕈᑎᕕᓃᑦ 2024-ᒥ ᐅᑭᐅᕐᑕᑐᒥ ᐅᑭᐅᒃᑯᑦ ᐱᖕᖑᐊᓂᕐᔪᐊᓂᖃᕐᑎᓗᒋᑦ ᒫᑦ-ᓲ ᖂᕐᖑᒥ, ᐊᓛᔅᑲᒥ, ᐅᕙᓂ ᖃᕆᑕᐅᔭᒃᑯᑦ ᑕᑯᑦᓴᐅᔪᑦ:
https://www.awg2024.org/ulunews
Inuk Strength Gym in Kuujjuaq Facebook:
ᐃᓅᑉ ᓄᒃᑭᓴᕐᕕᖓ ᑰᒃᔪᐊᑉ Facebook-ᖓᓃᑦᑐᖅ
https://www.facebook.com/InukStrength
