Summer

ᐊᓪᓚᑕᖏᑦ ᓯᑏᕙᓐ ᕿᐊᓐᑐᕆᐅᑉ

ᐊᓪᓕᑐᓂ ᐅᓐᓄᓴᒃᑯᑦ ᔪᓓ 25, 2021-ᒥ, ᐊᑐᒑᒥ ᓯᓚᓗᑦᑐᒪᕆᐅᓚᐅᔪᕗᖅ. ᖃᐅᓯᓕᑦᓴᐅᑎᒋᓐᓇᑑᑦᓱᓂ ᐃᓘᓐᓇᑯᑦ. ᓄᓇᓕᓕᒫᖅ ᓴᓗᒻᒪᑕᐅᑦᓯᐊᓱᓂ, ᓄᓇᒃᑰᔫᓂᒃ ᓴᓗᒻᒪᓭᒍᑎᒧᑦ ᓴᓗᒻᒪᓴᕐᑕᕕᓂᐅᔮᓕᕐᓱᓂ. ᐊᓪᓕᕇᑐᐊᕐᒪᑦ ᓯᓚᓗᒍᓐᓀᒥᑦᓱᓂ, ᓯᕿᓐᓂᓕᕐᓱᓂ, ᐅᓪᓗᓯᐅᕐᓇᓯᒻᒥᓱᓂ ᓄᑖᑦᓯᐊᒥᒃ ᐊᑑᑎᓚᐅᕐᓯᒪᖕᖏᑕᑦᑎᓂᒃ.

ᔪᓓ 26, 2021-ᒥ, ᐱᓂ ᐊᕐᖃᓚᐅᔪᕗᖅ ᑲᓇᑕᒥᐅᓄᑦ ᐊᐅᓚᔨᓐᓇᑑᕙᓚᖓᓕᕐᑐᒥᒃ ᓯᕗᓪᓕᐹᑦᓯ ᐊᒥᒃ ᓄᓇᓕᑐᖃᕐᒥᒃ ᐊᑕᓂ ᐊᓗᒃ ᑭᒡᒐᑐᕐᑎᑖᓚᐅᔪᒻᒪᑦ – ᐳᕐᑐᓂᕐᐸᐅᖃᑕᐅᓯᔪᒥᒃ ᒥ ᐊᔨ ᓭᒪᓐᒥᒃ – ᐊᖏᒻᒪᕆᑦᑎᑕᐅᑦᓱᓂᓗ ᒥ ᐊᔨ ᓭᒪᓐ ᐃᓄᒃᑎᑑᕐᓱᓂ ᐃᓕᕐᖁᓯᕐᒥᓂᓪᓗ ᓂᑦᔮᕈᑎᖃᕐᓱᓂ ᓄᓇᕕᒻᒥᐅᒍᑦᓱᓂ. ᐃᓄᖃᑦᓯ-ᐊᓚᐅᔪᖕᖏᑐᖅ ᑌᑰᓇ ᐊᖏᒻᒪᕆᑦᑎᑕᐅᑎᓪᓗᒍ ᓯᓚᕐᔪ ᐊᒥ ᖃᓂᒪᓂᖃᕐᓂᖓᓄᑦ ᐃᓄᒋ ᐊᑦᑑᖃᑦᑕᕆ ᐊᖃᖕᖏᓂᖏᓐᓄᑦ.

ᐃᓄᐃᑦ ᓄᓇᕕᒻᒥᐅᑦ ᑕᑯᓐᓇᐅᔮᓚᐅᔪᕗᑦ ᓈᓚᑦᓱᑎᓪᓗ ᑕᒪᓐᓇ ᓇᓪᓕᐅᓂᕐᓯᐅᕈᑕᐅᑎᓪᓗᒍ, ᐃᓄᐃᓪᓗ ᐅᑭᐅᕐᑕᑐᕐᒥᐅᑦ ᑕᑯᓐᓇᐅᔮᖃᑕᐅᒻᒥᑎᓪᓗᒋᑦ ᓈᓚᖃᑕᐅᑦᓱᑎᓪᓗ, ᓄᓇᓕᑐᙯᓪᓗ ᐊ ᓪᓓᑦ ᓄᓇᖏᓐᓃᑐᑦ, ᒦᑏᓪᓗ ᒫᓂᑐᐸᒦᑦᑐᑦ ᑲᓇᑕᓕᒫᒥᓪᓗ, ᑲᓇᑕᒥᐅᒍᖃᑎᒌᓪᓗ.

ᑲᓇᑕᒥ ᑐᓴᕋᑦᓴᓂ ᐊᕐᑏᑦ ᐅᓪᓛᒪᕆᒃᑯᑦ ᑎᑭᐅᕐᖃᓚᐅᔪᕗᑦ ᑲᓇᑕᒥᐅᑦ ᐱᖁᔭᓕᐅᕐᕕᖓᓄᑦ ᐊᕐᖁᑎᖓᓂ Wellington Street. ᑖᓐᓇ ᑲᓇᑕᒥᐅᓄᑦ ᐱᖁᔭᓕᐅᕐᕕᐅᑫᓐᓇᐸᑦᑐᖅ ᑲᑎᒪᕕᕐᔪ ᐊᒍᕐᖄᓯᒪᕗᖅ ᑲᓇᑕᒥᐅᑦ ᑲᕙᒪᖓᓄᑦ, ᐊᑐᒑᒥᓪᓗ ᓄᓇᒃᑰᔫᑯᑖᓄᑦ ᓄᕐᖃᑕᕐᕕᐅᖃᑦᑕᓯᒪᒻᒥᓱᓂ. ᐅᐱᒍᓱᒋ ᐊᕐᑐᓯᒪᔪᑦ ᑲᑎᕐᓱᓯᒪᓚᐅᔪᕗᑦ ᓯᕗᕌᓂ ᖃᐅᔨᒻᒫᕆᔭᐅᔪᒻᒪᕆᐅᑉ ᓯᓂᑦᑕᕕᐅᑉ Chateau Laurier ᐊᕐᖁᑎᐅᑉ ᐊᑭ ᐊᓃᑦᓱᑎᒃ, ᐅᑕᕐᕿᓱᑎᒃ ᑲᓇᑕᒥᐅᑦ ᐊᖓᔪᕐᖄᖓᓂᒃ ᐊᕐᓇᖓᓂᓪᓗ, ᒥ ᐊᔨ ᓭᒪᓐᒥᓪᓗ ᐊᑕᓂ ᐊᓘᑉ ᑭᒡᒐᑐᕐᑎᑖᕆᓚᖓᔭᖓᓂᒃ, ᐊᖑᑎᖓᓂᓪᓗ ᒍᐃᑦ ᕗᕆᓴᒥᒃ, ᐅᓪᓛᑯᑦ 11:00-ᖑᑎᓪᓗᒍ ᓂᕆᐅᒋᔭᐅᓚᐅᔪᒻᒪᑕ.

ᒥ ᐊᔨ ᓭᒪᓐᓗ ᒍᐃᑦ ᕗᕆᓴᓗ ᐊᓂᓚᐅᔪᕘᒃ ᑲᕙᒪᒃᑯᑦ ᓄᓇᑰᔫᕐᓚᖓᓂᑦ ᕿᕐᓂᑕᒥᑦ ᐅᐱᒍᓱᕝᕙᓛᒐᓱ ᐊᒻᒪᕆᑦᑐᓄᑦ ᐊᓃᕐᑐᓄᑦ ᑎᑭᐅᑎᑦᓱᑎᒃ, “ᒥ ᐊᔩ ᐅᐱᒍᓱᑉᐳᒍᑦ ᐃᓕᓐᓂᒃ” ! ᑐᑭᓯᑦᓴᓯ ᐊᒍᑦᓱᑎᒃ ᓚᔪᓄᑦ. ᐊᓕ ᐊᓇᕉᑕᕆᓚᐅᔪᕗᖅ ᑲᓇᑕᒥᐅᑎᒍᑦ. ᒥ ᐊᔨᓗ ᒍᐃᑦᓗ ᐅᖄᖃᑎᖃᑫᓐᓇᓚᐅᔪᕘᒃ ᑲᓇᑕᒥᐅᑦ ᐊᖓᔪᕐᖄᖓᓂᒃ ᑐᕈᑑᒥᒃ ᐊᕐᓇᖓᓂᓪᓗ ᓲᕕ ᑭᕆᑯ ᐊᒥᒃ, ᑌᒪ ᑕᑯᓐᓇᕆ-ᐊᕐᑐᓂ ᐊᓕᕋᒥᒃ ᓄᓇᓕᑐᙯᑦ ᐊᑦᓴᑕᕐᑎᖏᓐᓂᒃ ᐃᖕᖏᑎᐅᖃᑕᐅᔪᓂᒃ ᐅᑯᓄᖓ Ottawa River Singers.

ᑌᑰᓇ ᐅᓪᓛᑯᑦ, ᑰᑦᔪ ᐊᒥᐅᑦ ᓯᕗᓕᕐᑎᖓ ᓵᒥ ᖁᖏ ᐊᖅ ᑐᓴᐅᑎᕐᑰᓚᐅᔪᕗᖅ ᑕᑯᓐᓇᐅᔮᕐᑕᐅᓂᖃᕐᓂ ᐊᑎᓪᓗᒍ ᓇᓪᓕᐅᓂᕐᓯᐅᓂᖅ ᑲᑎᑦᑕᕕᒻᒥ, ᐁᔭᐅᒍᒪᔪᓂᓪᓗ ᐅᖄᓚᖃᑦᑕᖁᔨᑦᓱᓂ. ᒥᓂ ᑯᔩ, ᑲᒪᔨᒻᒪᕆ ᓄᓇᕕᒻᒥ ᐃᓗᓯᓕᕆᓂᕐᒧᑦ ᑲᑎᒪᔨᓄᑦ ᑲᑎᑦᑕᕕᓕ ᐊᓚᐅᔪᕗᖅ ᑕᑯᓐᓇᕆ ᐊᕐᑐᖃᑕᐅᑦᓱᓂ ᓇᓪᓕᐅᓂᕐᓯᐅᑐᓂᒃ ᑰᑦᔪ ᐊᒥᐅᓂᒃ. “ᐃᓘᓐᓇᓯ ᐊᑎᒃ ᐅᐱᒍᓱᓚᐅᔪᕗᑦ. ᐅᐱᒍᓱᕝᕙᓛᖃᑎᒌᓚᐅᔪᕗᒍᑦ. ᓂᑯᕕᑦᑐᐃᓇᐅᑦᓱᑕ ᓂᑯᕕᖁᔨᔪᖃᑐ ᐊᕐᒪᑦ. ᑌᑲᓃᖃᑕᐅᔫᔮᑐᐃᓐᓇᓚᐅᔪᕗᒍᑦ ᓇᓪᓕᐅᓂᕐᓯᐅᑐᓂ ! ᐅᐱᒍᓱᓚᐅᔪᕗᒍᑦ ᒥ ᐊᔨᒥᒃ ᒍᐃᑦᒥᓪᓗ, ᖃᐅᔨᒪᑦᓱᒍᓗ ᐱᓇᓱᒍᓐᓇᓯ ᐊᓛᕐᓂᖓ, ᑌᒫᑦᓭᓇᖅ ᐱᓇᓱᒍᓐᓇᓯ ᐊᖃᑦᑕᓲᒍᒐᒥ ᐱᒍᓐᓇᕕᓕᒫᕐᒥᒍᑦ.”

ᐊᓇᕐᕋᓯᒪᑦᓱᓂ ᑰᑦᔪ ᐊᒥ ᑕᑯᓐᓇᐅᔮᓚᐅᔪᒐᒥ, ᐱᑕ ᐋᑕᒥ ᒪᑭᕝᕕᐅᑉ ᐊᖓᔪᕐᖄᖓ ᖃᐅᔨᒋ ᐊᕐᕕᐅᖃᑦᑕᓚᐅᔪᕗᖅ ᑐᓴᕋᑦᓴᓂ ᐊᕐᑎᓄᑦ ᓇᓪᓕᐅᓂᕐᓯ-ᐅᓂᖃᓚᐅᔪᑎᓪᓗᒍᓂᑦ. “ᖃᐅᔨᔭᐅᕙᓪᓕ ᐊᑐᐃᓐᓇᕋᑦᑌ, ᑐᑭᓯᔭᐅᕙᓪᓕ ᐊᑐᐃᓐᓇᓕᕐᓱ-ᑎᓪᓗ ᐃᓄᐃᑦ. ᖃᐅᔨᕙᓪᓚᑕᐅᖃᑦᑕᓲᒍᓯᒪᒐᑕ ᑕᒪᓐᓇ ᐊᑑᑎᓚᐅᕐᑎᓇᒍ, ᐃᓄᒻᒥᒃ ᑲᓇᑕᒥᐅᓂᒃ ᑭᒡᒐᑐᕐᑎᖑᕐᑐᖃᓚᐅᕐᑎᓇᒍ ᐊᑕᓂ ᐊᓗᒻᒧᑦ.”

ᑲᖏᕐᓱ ᐊᓗᑦᔪ ᐊᒥ ᒪᑭᕝᕕᐅᑉ ᐊᖓᔪᕐᖄᖓᑕ ᑐᖓᓕᖓ, ᒪᑭᑉᐸᓕ-ᐊᒍᑎᑦᓴᓕᕆᓂᕐᒧᑦ, ᒫᑭ ᐃᒪᕐᓚᖅ ᖃᖓᑦᑕᔫᓚᖓᑦᓱᓂ ᒥᕝᕕᓕ ᐊᕐᓯᒪᓚᐅᔪᕗᖅ. ᐅᓪᓛᑯᑦ 11:00-ᖑᓚᐅᕐᑎᓇᒍ ᐃᑭᕕᑦᓴᓕᐅᕐᓯᒪᒋ ᐊᖃᓚᐅᔪᒐᒥ ᓈᓚᐅᑎᒃᑯᑦ ᐅᖄᔪᑦ ᐱᒋ ᐊᕐᓂᖏᓐᓂᒃ ᓈᓚᒍᓐᓇᓯᓚᐅᔪᕗᖅ. ᑭᖑᕙᕆ ᐊᕐᑕᐅᓚᐅᔪᒻᒪᑦ ᖃᖓᑦᑕᔫᑉ ᐊᐅᓪᓚᕕᑦᓴᖓ 1:30-ᖑᒧᑦ, ᑕᓚᕖᓴᒥᒃ ᑕᑯᓐᓇᕈᓐᓇᓯᓚᐅᔪᕗᖅ. “ᑕᑯᓐᓇᕈᒥᓇᕐᑐᓯ ᐊᒍᓚᐅᔪᕗᖅ. ᖃᐅᔨᒫᕆᑦᓱᒍ ᒥ ᐊᔨ ᐃᓅᖃᑎᒋᓯᒪᒧᑦ. ᐃᓅᓕᕐᓯᒪᔪᒍᒃ ᓂᐅᕕᕐᕕᖃᕐᕕᐅᓲᒍᓯᒪᔪᒥ – ᐃᓪᓗᑕᓕᕕᓂᕐᒥ – ᑕᑯᓐᓇᕈᒪᓗ-ᐊᖕᖑ ᐊᓚᐅᔪᕙᕋ. ᓄᓪᓚᖓᔪᑦᓯ ᐊᒍᓚᐅᔫᖅ ᐱᐅᓯᑐᐃᓐᓇᒥᓂᓪᓗ ᐊᑐᕐᓱᓂ, ᑌᒣᒃᑲᑕ ᐃᓅᑦᓱᑕ.”

ᒫᑭ ᐅᖄᓚᐅᔪᒻᒥᔪᖅ ᐃᓚᒌᓪᓚᕆᐅᒋ ᐊᕐᒥᓂᒃ. “ᒥ ᐊᔨᐅᑉ ᐊᖓᔪᕐᖄᒋᓐᓂᒃ ᖃᓂᑕᖃᓲᕕᓂᐅᓂᕃᑦᓱᓂ ᐊ ᖓᔪᕐᖄᒥᓄᑦ, ᐊ ᑕᑕᖓᑦᑕᐅᖅ ᒪᙯᕝᕕᖃᓲᒍᓐᓂᒥᒻᒪᑦ 1960-ᓃᑦᓱᑕ ᒣᒃᑯᑦ ᐃᓚᒌᑦ ᐅᐸᖃᑦᑕᓲᕕᓂᖓᓂᒃ.” ᓇᓪᓕᐅᓂᕐᓯᐅᑐᓂᒃ ᑕᑯᓐᓇᐅᔮᕐᓱᓂ ᒫᑭ ᑕᑯᓐᓇᖑ ᐊᓚᐅᔪᕗᖅ ᐊᓈᓇᒥᓂᒃ ᒥᐅᔨᐅᓪᓗ ᐊᓈᓇᖓᓂᒃ ᑕᑯᓐᓇᑎᓪᓗᒋᒃ ᕿᓚᒻᒥᑦ. “ᑐᓵᔫᔮᓚᐅᔪᔮᒃᑲ ᐅᖄᖃᑎᒌᑦᑎᓗᒋᒃ, ᑕᓚᕖᓴᒥᒃ ᑕᑯᓐᓇᓱᑎᒃ, ᑕᑯᓐᓇᓚᕆᓐᓂᕈᑎᓪᓕ ᐊᓕ ᐊᓇᕋᔭᕐᑐᕕᓂᖅ, ᐃᒻᒪᖄᓘᓐᓃᑦ ᑕᑯᓐᓇᖃᑕᐅᔪᑐᕕᓂᐅᑐᐃᓐᓇᕆ ᐊᓖᒃ.”

ᑕᑯᓐᓇᕋᔭᕐᑐᕕᓃᒃ ᐊᑑᑎᔭᐅᒋᐅᑦᓯ ᐊᑐᒥᒃ ᐃᓄᒻᒥᒃ ᑭᒡᒐᑐᕐᑎᑖᒍᔪᒥᒃ ᓇᓪᓕᐅᓂᕐᓯᐅᑐᓂᒃ ᐱᕐᖁᓯᑐᖃᕗᑦ ᐊᑐᕐᑕᐅᑎᓪᓗᒍ ᐅᓪᓗᒥᓗ ᐃᓅᓯᕆᓕᕐᑕᕗᑦ ᐊᑐᕐᑕᐅᑎᓪᓗᒍ ᐃᓄᓐᓄᑦ, ᓄᓇᓕᑐᖃᕐᓄᑦ, ᒦᑏᓄᑦ ᑲᓇᑕᒥᐅᓪᓗ ᐱᕐᖁᓯᑐᖃᖏᓐᓂᒃ ᐊᑐᕐᑐᓄᑦ. ᐱᕐᖁᓯᑐᖃᑦᑎᒍᑦ ᖁᓪᓕᒥᒃ ᐃᑭᑦᓯᓚᐅᔪᕗᖅ ᐃᓄᒻᒪᕆᒻᒥᒃ ᓵᓕ ᕗᐃ ᐊᑉᓯᑐᒥᒃ ᐃᑲᔪᕐᑎᖃᕐᓱᓂ ᑐᓂᔫᓕ ᑰᑦᑑ-ᓯ ᐊᕆ ᐊᓗᒻᒥᒃ. ᑌᕕᑦ ᓯᑯ ᐊᖅ ᐊᑦᓴᑕᕐᑎᓗᒍ ᐱᖁᔭᓕᐅᕐᑏᑦ ᑲᑎᒪᕕᖓᓄᑦ ᐁᓕᕐᑎᓗᒋᑦ. ᐅᒃᑯᐃᑕᐅᓂᖃᕐᑎᓗᒍ ᐅᖄᔨᐅᓚᐅᕗᖅ ᐃᓄᒻᒪᕆᒃ ᑯᓘᑎ ᐊᑦ ᑲᒫᓐᑕ ᓄᓇᓕᑐᖃᐅᖃᑕᐅᔪᖅ Algonquin Nation-ᓄᑦ. ᓯᕗᓪᓕᐹᖅ ᐃᖕᖏᑕᐅᔪᖅ ᐃᖕᖏᑕᐅᓚᐅᔪᕗᖅ, “ ᐊᕐᓇᖅ,” ᐃᓄᒻᒧᑦ ᐃᖕᖏᓗᑦᑖᑎᒧᑦ ᐃᓕᓴᐱᒧᑦ.

“ᐃᖕᖏᑐᖓ ᐃᒫᒃ ‘ᐸᓂ ᐊᐱᐅᒐᒪ, ᐊᓈᓇᐅᒐᒪ, ᐊᓈᓇᑦᓯ ᐊᒍᒐᒪ,” ᐃᓕᓴᐱ ᐅᖃᕐᑐᕕᓂᖅ. “ᑐᑭᖃᕐᑐᖅ ᐊᕐᓇᐅᓱᑕ ᐊᑕᐅᓯᑐᐃᓐᓇᐅᖏᑦᑐᒥᒃ ᐊᑦᓯᔭᐅᒍᑎᖃᓲᒍᒐᑦᑕ – ᐊᒥᓱᓂᒃ ᐱᔭᑦᓴᖃᕐᓱᑕ, ᐊᓈᓇᐅᒍᓯᕐᓂᓗ ᐱᐅᓯᖃᓪᓚᕆᓲᒍᑦᓱᑕ.” ᐃᖕᖏᓗᑦᑖᓚᐅᔫᖅ ᐅᓪᓗᒥᒨᓕᖓᑦᓯ ᐊᑐᒥᒃ, ᑯᑭᑕᐸᑦᑎᖃᕐᓱᓂ ᔮᓐ-ᓴᐹᔅᑎ ᐊᓐ ᐅᐃᓕ ᐊᒻᒥᒃ.

ᐊᓯᖏᑦ ᐱᖕᖑ ᐊᑏᑦ ᐱᖕᖑ ᐊᖃᑦᑕᓚᐅᔪᒋᕗᑦ. Franco-Manitoban ᒦᑏᒍᑦᓱᓂ ᐃᖕᖏᓗᑦᑖᑎᒃ-ᐃᖏᓗᑦᑖᕈᓯᓕᐅᕐᑎ ᐊᓐᑎᕇᓇ ᑐᕃᓐ ᐃᖕᖏᓚᐅᔪᒋᕗᖅ ᐃᖕᖏᓗᑦᑖᕈᓯᕐᒥᒃ En Plein Coeur Mai (In the Heart of May). ᑎᒻ ᐯᑯ, ᓭᓐ-ᔮᓐᔅᒥᐅᖅ, ᓂᐅᕙᐅᓐᓛᓐᒥᑦ-ᓚᐸᑐᐊᒥᑦ, ᐃᖕᖏᑎᓪᓗᒍ “Songbird.” ᑯᐯᒃᒥᐅᖅ ᓘᓅ ᔪᑮᓂ ᐃᖕᖏᑎᓪᓗᒍ ᐃᖕᖏᓗᑦᑖᕈᓯᕐᒥᒃ Hymne à l’espoir (Hymn to Hope). ᒪᕆ-ᔪᓭ ᓗ ᐊᑦ, ᑯᐯᒃᒥᐅᖅ ᐃᓅᓕᕐᓯᒪᔪᖅ Haiti-ᒥ, ᑲᓇᑕᒥᐅᑦ ᐃᖕᖏᓗᑦᑖᕈᓯᖓᓂᒃ ᐃᖕᖏᑎᓪᓗᒍ.

11:20-ᖑᑎᓪᓗᒍ, ᐱᖁᔭᓕᐅᕐᕕᒦᑦᓱᑎᒃ, ᒥ ᐊᔨ ᓭᒪᓐ ᐅᖃᕐᑐᕕᓂᖅ, “ ᐊᖏᕐᐳᖓ – Oui, je le jure” ᐱᖓᓱᕕᑦᓱᓂ ᐊᖏᒻᒪᕆᑦᑎᑕᐅᑦᓱᓂ ᑲᓇᑕᒥᐅᓄᑦ ᑭᒡᒐᑐᕐᑎᖑᕋᒥ ᐊᑕᓂ ᐊᓗᒻᒧᑦ. ᐅᑯᓂᖓ ᐊᖏᒻᒪᕆᒍᑎᖃᕐᓱᓂ: ᑐᓂᒪᑦᓯ ᐊᓂ ᐊᕐᓂᒥᓂᒃ, ᑲᓇᑕᒥᐅᓄᑦ ᑭᒡᒐᑐᕐᑎᐅᓂ ᐊᕐᓗᓂ ᐊᑕᓂ ᐊᓗᒻᒧᑦ ᐊᒻᒪᓗ ᑲᓇᑕᒥᐅᑦ ᐅᓇᑕᕐᑎᖏᓐᓄᑦ ᐊᖓᔪᕐᖄᒍᓂ ᐊᕐᓗᓂ, ᑲᓇᑕᒥᐅᓂᓪᓗ ᑎᓕᔭᐅᔪᖃᕐᐸᑦ ᑲᕙᒪᓕᕆᓂᐊ ᕐᑐᓂᒃ ᐊ ᖏᕐᑎᐅᓂᐊ ᕐᓗᓂ. ᐊ ᑎᓕᐅᕐᕕᖃᓯᒻᒥᓱᓂ ᐊᖏᒻᒪᕆᐅᑎᒥᓂᒃ, ᐊᑎᓕᐅᖃᑕᐅᒻᒥᑎᓪᓗᒋᑦ ᐃᕐᖃᑐᐃᕕᓕᕆᔨᒻᒪᕆ, ᑲᓇᑕᒥᐅᑦ ᐊᖓᔪᕐᖄᖓ, ᐊᓪᓚᑎᒻᒪᕆᐅᓪᓗ ᐃᒫᙰᓚᔨᓄᑦ ᐃᓂᖓᓃᑫᓐᓇᑎᑕᐅᔪᖅ. ᑲᓇᑕᒥᐅᑦ ᑭᒡᒐᑐᕐᑎᖓᑕ ᐊ ᑕᓂᐊ ᓗᒻᒧᑦ ᓭᒻᒪᓴᐅᑎᖓ ᕿᑎᖓᓅᕐᑕᐅᓯᒪᓚᐅᔪᕗᖅ ᑲᓇᑕᒥ ᐅᖃᕐᕕᒪᕆᐅᑉ ᖁᑭᐅᑏᓪᓗ ᓯᒃᑳᑎᑕᐅᑦᓱᑎᒃ ᐊᕙᑎᓪᓗ ᐊᑕᐅᓯᕐᓗᕕᑦᓱᑎᒃ ᑲᕙᒪᖃᕐᕕᐅᑉ ᖃᕐᖃᖓᓂ.

ᑲᓇᑕᒥᐅᑦ ᐊᖓᔪᕐᖄᖓ ᑐᕈᑑ ᐅᖃᕐᑐᕕᓂᖅ, “ᓯᕗᓕᕐᑎᓯ ᐊᖅ ᓱᓕᔪᒥᒃ ᐱᒍᑦᔨᓯ ᐊᕈᓐᓇᓂᕐᒥᒃ ᐊᓯᒥᓂᒃ ᑐᖕᖓᕕᖃᓲᒍᕗᖅ. ᐅᓪᓗᒥ ᓂᕆᐅᓐᓇᖏᑦᑐᑯᑦ ᐊᓯᑦᔨᓂᕐᒦᓇᓕᕐᑎᓗᒍ, ᓯᓚᕐᔪ ᐊᒥ ᓯᓚᐅᑉ ᐊᓯᑦᔨᕙᓪᓕ ᐊᓂᖓᑕ ᐅᐃᒪᓇᕐᓯᓯ-ᒪᓕᕐᓂᖓᓂᒃ ᖃᓄᕐᑑᕈᑎᖃᕆ ᐊᖃᕐᓇᓕᕐᑎᓗᒍ, ᓯᓚᕐᔪ ᐊᒥᓪᓗ ᖃᓂᒪᓇᖅ ᐃᓱᓕᓂᖃᓕᕐᑎᓗᒍ, ᑭᖕᖒᒪᑦᓯᕗᒍᑦ ᓯᕗᓂᑦᓴᓕᐅᑦᓯ ᐊᓂᕐᓴᐅᓚᖓᓂᕐᓂᒃ ᑲᓇᑕᒥᐅᓂᒃ, ᐃᑲᔪᕐᓯᒋ ᐊᓪᓚᕈᑎᒋᓂ ᐊᕐᓗᒍ ᓱᓕᔪᒥᒃ ᑐᑭᑖᕐᑕᐅᓯ ᐊᖃᑦᑕᕆ ᐊᖃᕐᓂᒥᒃ ᐃᓅᖃᑎᒌᑎᒍᑦ ᐊᑦᔨᒌᑦᑎᑕᐅᖃᑦᑕᕆ ᐊᖃᕐᓂᒥᓪᓗ ᐃᓅᓯᒃᑯᑦ.”

ᐊᑕᓂ ᐊᓗᒻᒧᑦ ᑭᖕᒐᑐᕐᑎᑖᕐᖃᒥᕗᑦ ᐊᖏᒻᒪᕆᑦᑎᑕᐅᒌᕋᒥ, ᐳᕐᑐᓂᕐᐸᐅᖃᑕᐅᔪᖅ ᒥ ᐊᔨ ᓭᒪᓐ ᐅᖄᓕᕐᓂᒥᔪᖅ ᐃᓕᒋ ᐊᖕᖓᑎᑕᐅᒍᑎᒥᓂᒃ. ᐅᐱᒍᓱᓐᓂᕋᕐᓱᓂ ᐱᓇᓱᒐᕐᑖᒥᓂᒃ. ᐅᖄᑦᓱᓂ ᐱᕈᕐᓴᓂᕕᓂᕐᒥᓂᒃ ᑲᖏᕐᓱ ᐊᓗᑦᔪ ᐊᒥ ᑰᑦᔪ ᐊᒥᓪᓗ, ᐃᓄᒃᑎᑑᕐᓱᓂ ᖃᓪᓗᓈᑎᑑᕐᓱᓂᓗ. ᐅᖄᑦᓱᓂᓗ ᓯᕗᕋᓲᒍᓂᕕᓂᕐᒥᓂᒃ ᐅᕕᒐᕐᑑᓱᓂ ᖃᓄᖅ ᐊᓂᒎᑎᓯᒪᒻᒪᖔᕐᒥ. “ ᐊᑯᓂᐅᓕᕐᒪᑦ ᑭᓯ ᐊᓂ ᓇᓗᕐᖁᑎᓲᒍᒍᓐᓀᓯᒪᕗᖓ ᓂᑦᔮᒍᓐᓇᕆ ᐊᒥᒃ ᓯᕿᓂᑦᑎᓂᒥᐅᓂᓪᓗ ᐊᑯᓂᐅᓕᕐᒪᑦ ᑭᓯ ᐊᓂ ᐅᑉᐱᕆᔭᖃᕐᐸᓕ-ᐊᓯᒪᑦᓱᖓ. ᑭᓯ ᐊᓂ ᑐᑭᓯᑐ ᐊᕋᒪ ᓂᑦᔮᖃᑦᑕᓂᕐᒪ ᓲᖑᓂᖓᓂᒃ ᐊᓯᒋᔭᕐᓄᓗ ᑕᑎᒋᔭᐅᒋ ᐊᕐᒪ, ᓯᕗᕋᓲᒍᒍᓐᓀᓯᒪᕗᖓ.”

ᐱᓪᓚᕆ ᐊᓗᓐᓂᒃ ᐅᖃᐅᓯᖃᓚᐅᔪᕗᖅ, ᑐᕃᓐᓇᑐᒥᒃ ᐅᓪᓗᒥ ᐱᓐᓀᓗᑕᒻᒪᕆᐅᔪᒥᒃ ᐅᖃᐅᓯᖃᕐᓱᓂ – ᓯᓚᕐᔪ ᐊᒥ ᓯᓚᐅᑉ ᐊᓯᑦᔨᕙᓪᓕ ᐊᓂᖓᓂᒃ – ᐅᖃᐅᓯᖃᕐᓱᓂ ᐅᑭᐅᕐᑕᑐᕐᒥ ᓯᓚᐅᑉ ᐅᕐᖂᓯᕙᓪᓕ ᐊᓂᕐᓴᒪᕆᐅᒋ ᐊᖓᓂᒃ ᓯᓚᕐᔪ ᐊᓕᒫᑲᓵᒥ. ᐅᖃᕐᓱᓂᓗ ᐱᓪᓚᕆᐅᒋ ᐊᖓᓂᒃ ᐅᑭᐅᕐᑕᑐᕐᒥᐅᑦ ᑲᑎᒪᔨᖏᑦᑕ, 1996-ᒥ ᐊᑐᒑᒥ ᓄᐃᓯᒪᔭᒥᓂᒃ.

ᐊᑯᓂᒻᒪᕆ ᐊᓗᒃ ᖃᐅᔨᒪᓯᒪᓕᕐᓱᓂ ᐃᓱᒪᒃᑯᑦ ᖃᓄᐃᖕᖏᓯ ᐊᕐᑐᓴᐅᓂᕐᒥᒃ, ᒥ ᐊᔨ ᓭᒪᓐ ᐅᖃᕐᓂᖁᖅ, “ ᐊᑕᓂ ᐊᓗᒻᒥᒃ ᑭᒡᒐᑐᕐᑎᐅᓱᖓ ᑐᓂᒪᒍᑎᖃᓚᖓᕗᖓ ᑲᓇᑕᒥ ᐱᕙᓪᓕ ᐊᑎᑦᓯᒍᒪᑦᓱᖓ ᐃᓱᒪᒃᑯᑦ ᖃᓄᐃᒍᑎᖃᕐᓂᐅᑉ ᓇᕐᕈᒋᔭᐅᕙᓪᓛᕈᓐᓀᒋ-ᐊᖃᕐᓂᖓᓂᒃ ᐊᑦᔨᒋᔭᐅᑎᑕᐅᒋ ᐊᖃᕐᒪᑦ ᑎᒥᒃᑯᑦ ᖃᓄᐃᒍᑎᒋᔭᐅᓲᓄᑦ, ᑌᒫᑦᓭᓇᖅ ᐋᓐᓂ ᐊᓯᐅᕐᑕᐅᒍᑎᐅᒍᓐᓇᓗᓂ, ᐃᓚᑦᓱᒍᓱᒍᑕᐅᓗᓂᓗ ᑐᑭᓯᒪᔭᐅᓂᖃᕐᓗᓂᓗ.”

ᐅᐃᒍᐃᑎᑐᑦ ᐅᖄᓚᐅᔪᒻᒥᔪᖅ ᐃᓕᓴᓛᕐᓂᕋᕐᓱᓂᓗ ᐅᐃᒍᐃᑎᑐᑦ ᐅᖃᐅᓯᕐᒥᒃ, ᓇᑯᕐᒦᓱᓂᓗ ᑲᓇᑕᒥᐅᓂᒃ ᓴᐳᑦᔨᔨᒋᖃᑦᑕᑕᒥᓂᒃ ᐃᓕᓴᕈᒪᑎᓪᓗᒍ ᐅᐃᒍᐃᑎᑐᑦ.
ᓯᕗᓪᓕᐸᐅᑦᓱᓂ ᓄᓇᓕᑐᖃᐅᑦᓱᓂ ᐊᑕᓂ ᐊᓗᒻᒧᑦ ᑭᒡᒐᑐᕐᑎᑖᕆᔭᐅᑦᓱᓂ, ᐅᖃᐅᓯᖃᕐᓂᒥᔪᖅ ᐱᓪᓚᕆᐅᒋ ᐊᖓᓂᒃ ᓭᒻᒪᐅᑎᖃᑎᒌᒋ ᐊᖃᕐᓂᐅᑉ ᑲᓇᑕᒥᐅᑎᒍᑦ. ᒥ ᐊᔨ ᐅᖃᕐᑐᕕᓂᖅ, “ᐃᓱᒪᒋᔭᖃᕐᑐᖓᓕ ᓭᒻᒪᐅᑎᖃᑎᒌᓐᓂᖅ ᐃᓅᓯᖅ ᐊᑑᑎᒐᑦᓴᐅᓂᖓᓂᒃ ᐅᓪᓗᑕᒫᑦ. ᓭᒻᒪᐅᑎᖃᑎᒌᒋ ᐊᖃᕐᓂᖅ ᖃᐅᔨᒻᒫᕇᑉᐸᓕ-ᐊᓂᐅᒻᒪᑦ.”

ᐅᖄᔭᒥᓂᒃ ᐃᓱᓕᐅᑎᖃᕐᓂᖁᖅ ᐃᒫᒃ, “ᑲᓇᑕᒥᐅᓂᒃ ᐃᓘᓐᓀᓂ ᐳᔮᕙᓐᓯᒥᐅᓂᒃ ᓄᓇᖃᕐᕕᒋᔭᒥᓃᑦᑐᓂᓪᓗ ᖃᐅᔨᕕᖃᓛᕈᒪᕗᖓ ᓱᓇᓂᒃ ᓵᖓᓯᒋ ᐊᖃᓲᒍᒻᒪᖔᑕ, ᖃᓄᕐᓗ ᐃᓅᓯᕐᒥᒍᑦ ᐱᑦᓯ ᐊᕆ ᐊᕈᑎᑦᓴᖏᓐᓂᒃ ᖃᓄᕐᑑᕈᑦᔭᐅᔪᑦᓴᐅᒪᖔᑕ,” ᐅᖃᕐᓱᓂᓗ ᐅᐱᒍᓱᓐᓂᒥᓂᒃ ᐊᓇᕐᕋᑖᓛᕐᓂᒥᓂᒃ Rideau Hall-ᒥ ᐊᖑᑎᖓᓗ ᒍᐃᑦ, ᕿᒻᒥᖓᓪᓗ ᓃᕙ. ᐸᕐᓀᕈᑎᖃᕐᓯᒪᒻᒥᓱᑎᒃ ᐊᓇᕐᕋᕆᓛᕐᑕᒥᓂᒃ ᐱᓇᓱᕝᕕᒋᓗᒍᓗ ᑯᐯᒃ ᓯᑎᒦᑦᑐᒥᒃ Citadelle.

ᐊᑕᓂ ᐊᓗᒻᒧᑦ ᑭᒡᒐᑐᕐᑎ ᑲᓇᑕᒥᐅᓂᒃ ᑲᒪᒋᔭᑦᓴᖃᒻᒪᕆᑉᐳᖅ. ᑲᓇᑕ ᐱᖁᔭᒻᒪᕆᖃᕐᓱᓂ ᐊᐅᓚᑦᓯᕕᖃᕐᐳᖅ. ᖃᐅᔨᒪᓇᑦᓯ ᐊᓱᓂ ᓯᕗᓕᕐᑎᐅᒪᑦ ᑲᓇᑕᒥ – ᐊᑕᓂ ᐊᓘᑉ ᑭᒡᒐᑐᕐᑎᖓ, ᑲᕙᒪᒃᑯᓗ ᓯᕗᓕᕐᑎᖓ – ᑲᓇᑕᒥᐅᑦ ᐊᖓᔪᕐᖄᖓ. ᐊᑕᓂ ᐊᓗᒻᒧᑦ ᑭᒡᒐᑐᕐᑎ ᑭᒡᒐᑐᕐᐳᖅ ᑲᕙᒪᒃᑯᓂᒃ – ᐃᓕᓴᐱ II – ᑲᓇᑕᒥ.

ᐊᑕᓂ ᐊᓗᒻᒧᑦ ᑭᒡᒐᑐᕐᑎ, ᑎᓕᐅᕆᔨᐅᕗᖅ, ᓄᕐᖃᑎᑦᓯᒍᓐᓇᓱᓂᓗ ᐅᖃᕐᕕ-ᒪᕆᒻᒥ ᑲᑎᒪᔪᓂᒃ, ᐅᖃᕐᕕᒪᕆᒻᒥ ᑲᑎᒪᓂᕐᓂᒃ ᓄᕐᖃᖓᑎᑦᓯᑫᓐᓇᕈᓐᓇᑐᖅ ᓂᕈ ᐊᕐᓂᖃᓛᖁᔨᓂᕐᒥᓄᑦ. ᓄᓇᓕᑐᙯᑦ ᐊᖏᖃᑎᒌᒍᑎᖏᓐᓂᒃ ᐊᖏᕐᑎᒋᔭᐅᑦᓱᓂ; ᓄᓇᕐᔪ ᐊᑦ ᑭᒡᒐᑐᕐᑎᖏᓐᓄᑦ ᑕᑯᓂ ᐊᕐᑕᐅᓲᒍᑦᓱᓂ ᑲᓇᑕᐅᓪᓗ ᑭᒡᒐᑐᕐᑎᖏᓐᓂᒃ ᐊᐅᓪᓚᑎᑦᓯᓲᒍᑦᓱᓂ ᐊᓯᖏᓐᓄᑦ ᓄᓇᕐᔪ ᐊᒍᖃᑎᑦᑎᓄᑦ; ᐊᖏᕈᑎᖃᓲᒍᑦᓱᓂ ᐱᖁᔭᕐᓂᒃ ᐊᓂᒍᕐᑎᑕᐅᓯᒪᔪᓂᒃ ᐅᖃᕐᕕᒪᕆᒻᒥ ᐱᖁᔭᓕᐅᕐᕕᒥᓪᓗ.

ᑐᖕᖓᕕᒋᑦᓱᒍ ᐱᖁᔭᕐᔪ ᐊᓕᕆᓂᕐᒧᑦ ᑲᑎᒪᓂᖅ, ᐊᑕᓂ ᐊᓘᑉ ᑭᒡᒐᑐᕐᑎᖓ ᐱᓇᓱᐊ ᓲᒍᕗᖅ ᑕᒪᒃᑯᓂᖓ ᐃᒫᙰᓚᔭᐅᖃᑦᑕᓱᓂ ᑲᓇᑕᒥᐅᑦ ᐊ ᖓᔪᕐᖄᖓᓄᑦ. ᐊᑕᓂ ᐊᓘᑉ ᑭᒡᒐᑐᕐᑎᖓ ᓇᒻᒥᓂᖅ ᐊᖓᔪᕐᖄᓂ ᐊᕐᕕᐅᒍᓐᓇᓲᖅ ᐅᐃᒪᓇᕐᑐᖃᓕᑐ-ᐊᕐᒪᑦ ᐱᐅᓯᐅᓗᑭᖕᖏᑐᒥᓪᓘᓃᑦ ᐊᑑᑎᔭᐅᒋ ᐊᖃᕐᑐᖃᑐ ᐊᕐᒪᑦ, ᑎᒃᑯ ᐊᓯᒍᓐᓇᓱᓂᓗ ᑲᓇᑕᒥ ᐊᖓᔪᕐᖄᒍᓚᖓᔪᒥᒃ ᓄᕐᖃᑎᒍᓐᓇᓱᓂᐅᓪᓘᓃᑦ, ᐅᖃᕐᕕᒪᕆᒻᒥ ᑲᑎᒪᓂᕐᓂᒃ ᓄᕐᖃᖓᑎᑦᓯᒍᓐᓇᒥᑦᓱᓂ ᓂᕈ ᐊᕐᓂᖃᓛᖁᔨᓂᕐᒥᓄᑦ. ᑲᓇᑕ ᑲᓇᑕᖕᖑᓚᐅᕐᓯᑎᓪᓗᒍᓂᑦ ᑕᒪᓐᓇ ᒪᕐᕈᕕᑐᐃᓐᓇᓱᓂ ᐊᑑᑎᔭᐅᓯᒪᔪᖅ (1891-ᒥ 1893-ᒥᓪᓗ) ᐊᑕᓂ ᐊᓘᑉ ᑭᒡᒐᑐᕐᑎᖓ ᑎᓕᔨᒋ ᐊᖃᓚᐅᕐᓯᒪᑎᓪᓗᒍ ᑲᓇᑕᒥᐅᑦ ᐊᖓᔪᕐᖄᓴᖓᓂᒃ. 1926-ᒥ ᐊᑕᓂ ᐊᓘᑉ ᑭᒡᒐᑐᕐᑎᖓ Viscount Byng ᐊᖏᖕᖏᑑᓯᒪᔪᖅ ᑲᓇᑕᒥᐅᑦ ᐊᖓᔪᕐᖄᑕ King ᐅᖃᕐᕕᒪᕆᒻᒥ ᑲᑎᒪᓂᕐᓂᒃ ᓄᕐᖃᖓᑎᑦᓯᑫᓐᓇᕈᒪᓂᖓᓂᒃ ᓂᕈ ᐊᕐᓂᖃᓛᖁᔨᓂᕐᒥᓄᑦ. ᑕᒪᓐᓇ ᐊᑦᓯᔭᐅᒍᓯᕐᑖᓯᒪᑦᓱᓂ King-Byng ᐊᑑᑎᑦᓯᓂᕆᓯᒪᔭᖓᓂᒃ;

ᐊᑕᓂ ᐊᓘᑉ ᑭᒡᒐᑐᕐᑎᖓ ᐱᒍᓐᓇᐅᑎᖃᕈᑎᖃᕐᐳᖅ ᐱᖁᔭᕐᔪ ᐊᖓᓂᒃ ᑲᓇᑕᐅᑉ, ᒪᑯᓂᖓ: ᖃᐅᔨᒋ ᐊᕐᕕᐅᖃᑦᑕᕈᓐᓇᓂᕐᒥᒃ, ᑫᓪᓚᑐᐃᔨᐅᒍᓐᓇᓂᕐᒥᒃ, ᑲᖐᓱᑦᑎᓯᒋ-ᐊᕈᓐᓇᓂᕐᒥᓗ. ᑌᒣᒻᒪᑦ, ᐊᑕᓂ ᐊᓘᑉ ᑭᒡᒐᑐᕐᑎᖓ ᑲᕙᒪᒃᑯᑦ ᒪᓕᒐᓕᐅᕐᑎᖏᑦᑕ ᑲᑎᒪᐅᑎᓂᕕᖏᓐᓂᒃ ᐱᓯᒪᒋ ᐊᖃᓲᒍᕗᖅ, ᑲᓇᑕᒥᐅᑦ ᐊᖓᔪᕐᖄᖓᓄᑦ ᑕᑯᓂ-ᐊᕐᑕᐅᓗᑭᖃᑦᑕᓲᒍᑦᓱᓂ, ᑲᕙᒪᒃᑯᓗ ᒪᓕᒐᓕᐅᕐᑎᖏᓐᓄᑦ, ᐃᒫᙰᓚᔨᓂᓪᓗ ᑲᕙᒪᒃᑯᓂᒃ.

ᐊᑕᓂᐊᓗᒻᒧᑦ ᑭᒡᒐᑐᕐᑎᐅᓱᓂ ᐊᖓᔪᕐᖄᕆᔭᐅᕗᖅ ᐅᓇᑕᕐᑎᓄᑦ, ᐊᖏᒻᒪᕆᑦᑎᓯᔨ-ᐅᑦᓱᓂᓗ ᑐᕐᖃᑕᕐᕕᓂᒃ. ᑲᓇᑕᒥ ᐅᐱᒋᔭᖃᕐᓂᐅᓲᑦ ᐊᐅᓚᑕᐅᓂᖃᓲᒍᒻᒪᑕ ᐊᑕᓂᐊᓘᑉ ᑭᒡᒐᑐᕐᑎᖓᓄᑦ, ᐃᓚᖃᕐᒥᓱᑎᒃ ᐅᑯᓂᖓ ᐅᐱᒋᔭᐅᒍᑎᑖᕆᔭᐅᓲᓂᒃ Order of Canada, Order of Military Merit. ᐊᑕᓂᐊᓗᒻᒧᑦ ᑭᒡᒐᑐᕐᑎ ᑐᖕᖓᓱᑦᑎᓯᔨᐅᓲᖅ ᓄᓇᕐᔪᐊᑦ ᓯᕗᓕᕐᑎᖏᓐᓂᒃ ᑭᒡᒐᑐᕈᓐᓇᓱᓂᓗ ᑲᓇᑕᒥᐅᓂᒃ ᓇᓂᑐᐃᓐᓇᖅ.

ᒥ ᐊᔨ ᓭᒪᓐ ᓯᕗᓪᓕᐸᐅᑦᓱᓂ ᓄᓇᓕᑐᖃᐅᑦᓱᓂ ᐊᑕᓂ ᐊᓗᒻᒧᑦ ᑭᒡᒐᑐᕐᑎᖑᕐᓂᖓ ᐱᐅᓂᕐᑕᖃᒻᒪᕆᓚᐅᔪᕗᖅ. ᓯᕗᓕᕐᑎ ᐃᓄᐃᑦ ᐅᑭᐅᕐᑕᑐᕐᒥᐅᒍᖃᑎᒌᑦ ᑲᑎᒪᔨᖏᓐᓄᑦ – ᒥᐅᔨᐅᑉ ᐃᓂᒋᖃᑦᑕᓯᒪᔭᖓᓃᑦᑐᖅ ᐅᐱᒋᔭᖃᓪᓚᕆᓚᐅᔪᕗᖅ ᒥ ᐊᔨᐅᑉ ᑎᓕᔭᐅᓂᖓᓂᒃ. Dalee Sambo Dorough, Anchorage, ᐊᓛᔅᑲᒦᑦᑐᖅ ᐊᑕᓂ ᐊᓗᒻᒧᑦ ᑭᒡᒐᑐᕐᑎᖑᕐᑐᒥᒃ, ᒥ ᐊᔨ ᓭᒪᒥᒃ ᓱᕐᕃᓂᖃᕈᓇᐅᔪᕆᑦᓯᓚᐅᔪᕗᖅ ᑲᕙᒣᑦ ᒪᓕᒐᖏᓐᓂᒃ.

“ᐃᓱᒪᕗᖓᓕ ᑕᒐᑕᒐ ᐊᑑᑎᔪᑦ ᑕᑯᓐᓇᓱᒋᑦ, ᑲᓇᑕᒥᓪᓗ ᐱᓂ ᐊᕐᓂᓕᕆᓂᐅᑉ ᖃᓄᐃᓕᖓᓂᖓ ᑕᑯᓐᓇᓱᒍ, ᐱᓗ ᐊᕐᑐᖅ ᐃᓗᕕᖏᑦ ᓄᓇᓕᑐᙯᑦ ᕿᑐᕐᖓᖏᑦᑕ ᓈᕝᕚᑕᐅᓯᒪᓕᕐᑎᓗᒋᑦ ᐃᓕᓴᕆ ᐊᕐᓯᒪᑎᑕᐅᕕᐅᓲᕕᓂᕐᓂ ᐊᑦᔨᒌᖕᖏᑐᓂ ᓭᒻᒪᐅᑎᖃᑎᒌᒋ ᐊᖃᕐᓂᒥᓪᓗ ᖃᐅᔨᓴᕐᑐᑦ ᐱᓇᓱ ᐊᖃᑦᑕᓯᒪᓕᕐᑎᓗᒋᑦ,” ᐅᖃᕐᑐᕕᓂᖅ ᑕᓖ, “ᐱᒐᓱ ᐊᒻᒪᕆᓐᓇᑐᒃᑰᓇᕐᑐᓂᓪᓗ ᐊᓯᖏᓐᓂᒃ ᐃᓄᖁᑎᕗᑦ ᖃᓕᕇᔨ ᐊᖃᑐᐃᓐᓇᓕᕐᑎᓗᒋᑦ ᓯᓚᕐᔪ ᐊᓕᒫᒥᒐᓚᒃ, ᐃᓱᒪᑦᓱᖓᓗ ᐃᓄᐃᑦ ᓱᓇᑦᑎᐅᒋ ᐊᖃᕐᓂᖏᓐᓂᒃ, ᐊᒻᒪᓗ ᐃᓄᐃᑦ ᐅᑭᐅᕐᑕᑐᕐᒥᐅᒍᖃᑎᒌᑦ ᑲᑎᒪᔨᖏᑦᑕ ᓱᓇᑦᑎᐅᒋ ᐊᖃᕐᓂᖏᓐᓂᒃ, ᑕᒪᒃᑯ ᐊ ᐱᒐᓱ ᐊᒻᒪᕆᓐᓇᑐᒃᑰᓇᕐᑐᑦ ᐊᑑᑎᔭᕗᑦ ᑕᑯᓐᓇᓱᒋᑦ. ᑕᒐ, ᒪᓕᒉᑦ ᐱᓪᓗᒋᑦ, ᑎᒃᑯ ᐊᓯᓂᐅᖃᑦᑕᑐᐃᓪᓗ, ᑲᑎᒪᔨᑖᕆᖃᑦᑕᑕᖏᓪᓗ ᑲᓇᑕᒥᐅᑦ ᐊᖓᔪᕐᖄᖓᑕ ᓯᕗᓂᕐᒥᓗ ᑲᓇᑕᒥ ᐊᖓᔪᕐᖄᒍᕙᓚᖓᔪᑦ ᐃᓐᓄᑕᐅᑦᓯ ᐊᖁᓇᖃᑦᑕᓛᕐᑐᑦ ᐃᓕᕐᖁᓯᕐᒥᒃ ᑐᖕᖓᕕᖃᑦᓯ-ᐊᑐᓄᑦ ᑌᒪᑐᒥᖓᑦᑕᐅᖅ ᒥ ᐊᔨ ᐊᐅᒻᒥᐅᑕᖃᕐᒥᒪᑦ ᖃᐅᔨᒪᒐᒃᑯ, ᐃᓄᓕᒫᓄᓪᓗ ᐊᐅᒻᒥᐅᑕᕆᔭᐅᒻᒥᑎᓪᓗᒍ, ᓄᓇᓕᑐᖃᓕᒫᓄᓪᓗ ᐊᐅᒻᒥᐅᑕᕆᔭᐅᒻᒥᓱᓂ. ᑕᒐ ᑖᓐᓇ ᐃᓂ ᓇᓪᓕᐅᓂᕐᓯᐅᕈᑕᐅᓯᒪᔪᕕᓂᑐᐃᓐᓇᐅᖁᖕᖏᓚᕋ, ᑭᓯ ᐊᓂᓕ ᐱᓪᓚᕆᐅᑎᑕᐅᖁᓚᖓᕙᕋ ᐱᓂ ᐊᕐᓂᑕᖃᕐᓂ ᐊᑎᓪᓗᒍ.”

ᑌᒫᓪᓗ ᐊᓭᓐᓇᖅ, ᐳᔮᑦ ᒧ ᐊᔅ, ᐱᖁᔭᓕᕆᓂᕐᒥᒃ ᐃᓕᓭᔨ ᐃᓕᓐᓂ ᐊᕕᕐᔪ ᐊᒥ Thompson River University, Kamloops, B.C. -ᒦᑦᑐᒥ ᓯᓚᕐᔪ ᐊᓕᒫᒥᓪᓗ ᓄᓇᓕᑐᙯᑦ ᐱᖁᔭᖏᓐᓅᓕᖓᔪᓂᒃ ᐃᓕᓴᕐᓯᒪᓪᓚᕆᑦᑐᖅ, ᐃᓱᒪᒋᔭᒥᓂᒃ ᐅᖃᐅᓯᖃᕐᓂᒥᔪᖅ ᐃᒫᒃ, “ᖃᐅᔨᒪᓇᑦᓯ ᐊᑐᖅ ᐃᒫᙰᓚᓐᓂᑐᐃᓐᓇᖃᑦᑕᓛᖕᖏᓂᖓ ᐃᒻᒥᒍᑦ ᐅᖄᖃᑎᒌᓕᕈᑎᒃ, ᒥ ᐊᔨ “ᐃᒫᙰᓚᓐᓂᑐᐃᓐᓇᕈᓐᓀᓗᓂ,” “ᑫᓪᓚᑐᐃᖃᑦᑕᓛᕈᓇᐅᒻᒪᑦ” ᑲᓇᑕᒥᐅᑦ ᐊᖓᔪᕐᖄᖓᓂᒃ ᐃᑉᐱᒍᓱᑦᓯ ᐊᖁᓗᒍ ᐃᓱᒫᓗᓐᓇᓕᕐᑐᓂᒃ, ᐱᓗ ᐊᕐᑐᖅ ᑲᓇᑕᐅᑉ ᑕᖅᕋᖓᓂ, ᓯᑕᒣᓂ ᐃᓄᐃᑦ ᓄᓇᖏᓐᓂ. ᑫᓪᓚᑐᐃᒍᑎᖃᖃᑦᑕᓛᕐᑐᕆᔭᕋ ᐃᓘᓐᓈᓅᓕᖓᓂᕐᓴᐅᑎᓪᓗᒋᑦ, ᓯᓚᕐᔪ ᐊᒥ ᓯᓚᐅᑉ ᐊᓯᑦᔨᕙᓪᓕ ᐊᓂᖓᓅᓕᖓᔪᓂᒃ, ᐊᓯᑦᔨᕙᓪᓕ ᐊᓂᖓᓗ ᐅᑭᐅᕐᑕᑐᒥ ᐃᒪᕐᐱᐅᑉ ᐃᒪᐅᓪᓗ ᓯᑯᖃᖕᖏᑑᑉ, ᑕᒪᒃᑯᓄᖓᐅᓕᒪᔪᓕᒫᓂᓪᓗ, ᓄᓇᐅᑉ ᐃᑭ ᐊᖓᑕ ᐊᐅᓱᐃᑦᑐᖓᓂᒃ, ᐊᐅᑉᐸᓕ ᐊᓂᕐᒥᒃ, ᐊᕙᑎᒨᓕᖓᔪᓂᓪᓗᑕᐅᖅ, ᓱᕐᕋᑕᐅᓯᒪᓂᖓᓂᒃ ᐱᕐᖁᓯᑐᖃᒃᑯᑦ ᐆᒪᔪᕋᓱ ᐊᕐᓂᕆᓲᖓᑕ, ᐃᓄᐃᑦ ᐊᓯᖏᑦᑕᓗ ᓄᓇᓕᑐᙯᑦ.”

ᑲᖏᕐᓱ ᐊᓗᑦᔪ ᐊᒥᑦᑕᐅᖅ, ᒫᑭ ᐃᒪᕐᓚᖅ ᒥ ᐊᔨ ᓭᒪᒥᒃ ᐊᓯᑦᔩᒋ ᐊᕐᓂᖃᖁᔨᒐᔭᕐᖁᖅ ᑕᒪᑐᒧᖓᐅᓕᖓᔪᓂᒃ. “ᐅᑉᐱᕆᔭᖃᕐᑐᖓ, ᐊᓯᑦᔩᒋ ᐊᕐᓂᕆᒐᔭᕐᑕᖓ ᐃᓄᓐᓅᓕᖓᑐᐃᓐᓇᑎᓐᓇᒍ ᐅᑭᐅᕐᑕᑐᓕᒫᒧᓪᓕ. ᐊᑑᑎᓪᓚᕆᑦᑕᕗᑦ ᐳᐃᒍᕐᑕᐅᓲᒍᒻᒪᑕ ᐊᐅᓚᑦᓯᓂᓕᕆᔨᓄᑦ ᑎᑭᐅᑎᑐ ᐊᕋᒥᒃ,” ᒫᑭ ᐅᖃᕐᑐᕕᓂᖅ, ᑎᓕᔭᐅᓂᖓᓂᓪᓗ ᒥ ᐊᔨᐅᑉ ᓄᐃᑦᓯᒍᑕᐅᓚᖓᑎᓪᓗᒍ ᓄᓇᕕᒻᒥ ᐅᑭᐅᕐᑕᑐᒥᓪᓗ ᑲᓇᑕᒥ ᐊᑑᑎᔭᐅᓪᓚᕆᑦᑐᓂᒃ. “ᓄᓇᒃᑰᔫᑯᑖᒥᓪᓗ ᖄᖏᕐᑐᒥᒃ ᓲᕐᓗ ᑕᑯᓐᓇᑐᐃᓐᓇᕈᒪᖕᖏᓇᑦᑕ, ᐊᖁᖃᑕᐅᒍᒪᒐᔭᕋᑦᑕᓕ ᓄᓇᒃᑰᔫᑯᑖᒥᒃ. ᐃᓱᒪᔪᖓ ᓄᓇᓕᑐᖃᕐᓅᓕᖓᔪᑦ ᓱᓇᒥᑦᓯ ᐊᑎᓪᓗᒋᑦ ᐃᕐᖃᓇᕐᑐᓄᑦ ᐊᑐ ᐊᒐᕐᓄᑦ ᐊ ᓪᓚᑕᐅᓯᒪᕐᖂᖏᒻᒪᑕ. ᓯᕿᓂᑦᑎᓂᒥᐅᑦ ᐃᓕᑦᓯᓯᒪᖕᖏᒪᑕ ᐊ ᑑᑎᓪᓚᕆᓲᖏᓐᓂᒃ ᓄᓇᓕᑐᙯᑦ.”

ᒪᑭᕝᕕᐅᑉ ᐊᖓᔪᕐᖄᖓ ᐱᑕ ᐋᑕᒥ ᑕᒪᑐᒥᖓ ᑕᑯᓐᓇᓂᕋᕐᓂᒥᔪᖅ ᐱᕕᑦᓴᑖᕆᔭᐅᓂᖓᓂᒃ ᑲᓇᑕᒥᐅᑦ ᐃᓕᑦᓯᕚᓪᓕᓂ ᐊᕐᑎᓗᒋᑦ ᓄᓇᕕᒻᒥᐅᑦ ᐃᕐᖃᓇᕐᑐᖏᓐᓂᒃ. “ᑰᑦᔪ ᐊᖅ ᓱᓇᐅᕙ, ᖃᓄᖅ ᓄᓇᓕᖕᖑᓯᒪᕙ ? ᑲᖏᕐᓱ-ᐊᓗᑦᔪ ᐊᖅ ᖃᓄᖅ ᓄᓇᓕᖕᖑᓯᒪᕙ ? ᐃᓄᖏᑦ ᓱᓇᑎᒎᕐᓯᒪᕙᑦ ? ᑐᑭᓯᒪᔭᐅᑦᓯ ᐊᕆ ᐊᖃᕋᑦᑕ ᐊᓯᑦᑎᓄᑦ ᐃᓱ ᐊᕐᑐ ᐊᐱᑐᐃᓐᓇᑰᖃᑎᖃᕐᓯᒪᖕᖏᓇᑦᑕ ᓄᓇᓕᑐᖃᐅᖕᖏᑐᓂᒃ ᓄᓇᑦᑎᓄᑦ ᑐᓪᓕᓚᐅᕐᓯᒪᑎᓪᓗᒋᑦ ᑌᑦᓱᒪᓂᑐᖄᓗᒃ. ᑐᑭᓯᒪᖁᒐᒃᑭᑦ ᓱᓇᑎᒎᕐᑎᓯᓯᒪᓂᖏᑦ ᐅᕙᑦᑎᓂᒃ.”

ᒥ ᐊᔨ ᓭᒪᓐ ᐊᑕᓂ ᐊᓗᒻᒧᑦ ᑭᒡᒐᑐᕐᑎᑖᒍᒐᒥ ᓄᕐᖃᕆ ᐊᖃᓚᐅᔪᕗᖅ ᓯᕗᓕᕐᑎᐅᓂᕐᒥᓂᒃ ᒪᑭᕝᕕᑎᒍᑦ ᐊᖏᖃᑎᒌᒐᓱ ᐊᕐᑎᓄᑦ ᓄᓇᕕᒻᒥ ᑲᕙᒪᑦᓴᓕᐅᕐᓂᓕᕆᔪᓄᑦ ᐃᒻᒥᓂᒃ- ᐊᐅᓚᑦᓯᒍᓐᓇᓯᒍᒪᓂᕐᒧᑦ ᐱᓇᓱ ᐊᕐᑕᐅᔪᓂᒃ. ᐱᑕ ᐊᓪᓚᕕᐅᓯᒪᓂᕋᕐᑐᖅ ᔪᓓ ᐱᒋ ᐊᕐᓂᖓᓂ ᒥ ᐊᔨᒥᑦ ᓇᓗᓀᕐᓯᒍᑎᓂᒃ ᓄᕐᖃᓂᕆᓚᖓᔭᒥᓂᒃ ᑕᒪᑐᒥᖓ ᓯᕗᓕᕐᑎᐅᓂᕐᒥᓂᒃ ᑎᓕᔭᐅᓚᐅᕋᓂᓘᓐᓃᑦ ᐊᑕᓂ ᐊᓗᒻᒧᑦ ᑭᒡᒐᑐᕐᑎᐅᓂᕐᒧᑦ.

“ᒪᑐᒥᖓᓕ ᐃᓱᒪᒋᔭᖃᓪᓚᕆᑦᑐᖓ ᑐᑭᓯᔭᐅᓪᓚᕆᒋ ᐊᖃᕋᑦᑕ ᓱᓇᑎ-ᒎᕐᒪᖔᑦᑕ ᐃᓅᓯᒃᑯᑦ,” ᐅᖃᕐᑐᕕᓂᖅ ᐱᑕ. “ᐅᖃᕐᓯᒪᑦᓱᖓᓗ ᑲᓇᑕᓕᒫᒥ ᑖᒃᓰᔭᕐᑎᐅᓂᕐᐹᒍᖃᑕᐅᓂᑦᑎᓂᒃ ᑲᓇᑕᒥᐅᓪᓗ ᐊᒥᓲᖕᖏᑐᑦ ᑕᒪᑐᒥᖓ ᑲᖐᓱᑦᓱᑎᒃ.”

ᒥᓂ ᑯᔩ ᐅᐱᒍᓱᑦᓱᓂ ᐅᖃᕐᓯᒪᔪᖅ ᒥ ᐊᔨᒥᒃ ᐱᓇᓱᖃᑎᖃᖃᑦᑕᓯᒪᓂᕋᕐᓱᓂ ᐊᕐᕌᒍᓂ ᐊᒥᓱᓂ. “ᐃᑲᔪᕐᑎᐅᓯᒪᔪᖓ 1980-ᓃᑦᓱᑕ ᒪᑭᕝᕕᒧᑦ ᐊᖓᔪᕐᖄ ᕆᔭᐅ ᑎᓪᓗᒍ. ᐱᓇᓱᖃᑎᒋᓯᒪᔭᕋ ᐱᓇᓱᑦᑎᐅᓂᒫᖃᓵᖓᓂ. ᑲᑎᒪᔨᐅᖃᑕᐅ ᓯᒪᔪᖓ ᑭᒡᒐᑐᕐᑎᐅᑎᓪᓗᒍ ᑲᓇᑕᒥᐅᓂᒃ ᐃᓄᐃᑦ ᐅᑭᐅᕐᑕᑐᕐᒥ-ᐅᒍᖃᑎᒌᑦ ᑲᑎᒪᔨᖏᓐᓄᑦ ᐊᖓᔪᕐᖄᒍᑦᓱᓂ. ᑲᑎᒪᔨᓕ ᐊᒍᓯᒪᔪᓄᑦ ᐃᓚᐅᖃᑦᑕᓯᒪᔪᖓ ᑲᑎᒪᔨᐅᕕᒋᒻᒥᔭᖏᓐᓄᑦ. ᑕᒪᓐᓇ ᐃᓘᓐᓇᑎᓐᓄᑦ ᐊᐅᑲᑖᓗᖓᓃᕐᓯᒪᓇᕐᑐᖅ, ᐃᓘᓐᓇᑕ ᐱᔭᕆᒐᓱ ᐊᕐᑕᑎᓐᓄᑦ ᑎᑭᐅᑎᒍᑎᒋᒐᑦᑎᒍ. ᒥ ᐊᔨᐅᑉ ᑎᑭᐅᑎᒐᓱ ᐊᕐᑕᒥᓄᑦ ᐱᔭᖃᕐᓂᖓ ᐅᕙᒍᑦᑕᐅᖅ ᐱᔭᕆᒐᓱ ᐊᕐᑕᑎᓐᓄᑦ ᑎᑭᐅᑎᒍᑎᒋᒻᒥᒐᑦᑎᒍ. ᑲᓇᑕᒥᐅᑦ ᑭᒡᒐᑐᕐᑎᑖᑦᓯ ᐊᒪᕆᑦᑐᑦ ᐊᑕᓂ ᐊᓗᒻᒧᑦ, ᓚᔪᖃᖃᑦᑕᒪᑦ, ᑌᒫᑦᑕᐅᖅ ᐃᓱᒪᖃᑕᐅᒻᒥᔪᖓ.”

ᒥᓂ ᐃᒫᙰᓚᔨᐅᓂᕐᒧᑦ ᑲᑎᒪᔨᓕ ᐊᒍᓯᒪᔪᓄᑦ ᐃᓚᐅᔪᖅ ᐅᐱᒍᓲᑎᑦᓴᓕᕆᔨᓄᑦ Order of Canada ᕿᓚᓈᓕᕐᓱᓂᓗ ᑲᑎᒪᒋ ᐊᕐᓂᕆᓛᕐᑕᒥᓂᒃ ᖃᒻᒥᑯᑦ Rideau Hall-ᒧᑦ. “ᒥ ᐊᔨ ᐅᓪᓛᖅ ᐊᓪᓚᕕᒋᓚᐅᑲᑦᑕᕋ ᓚᑦᓱᒍ, ‘ᐱᑦᓯ ᐊᐱᒻᒦᒃ ᒥᑭᔫᒐᓗ ᐊᕐᐸᑦ ᐸᔪᒍᓐᓇᖃᒋᑦ ?’ ᐃᓅᖃᑎᒃᑲ ᐅᖃᐅᑎᒐᒃᑭᑦ, ᑭᐅᒻᒥᔪᑦ ᐅᕙᓐᓂᒃ, ‘ᑎᒍᒥ ᐊᒐᕐᓅᑐᐃᓐᓇᓗᒍ. ᐁᑦᑐᕈᓐᓇᓯᒐᔭᕋᕕᐅᒃ ᖃᓄᑭ ᐊᖅ.”

ᒥ ᐊᔨ ᐳᕐᑐᓂᕐᐸᐅᖃᑕᐅᓕᕐᑐᖅ, ᐊᑕᓂ ᐊᓗᒻᒧᑦ ᑭᒡᒐᑐᕐᑎᐅᓕᕐᓱᓂ ᑲᓇᑕᒥᐅᓄᑦ. ᑲᓇᑕᒥᐅᒍᑦᓱᑕ ᐃᓄᑐᐃᓐᓇᐅᖃᑎᒋᑦᓱᒍ ᐃᑉᐱᓇᑦᓯ ᐊᑐᖅ ᐊᖏᒻᒪᕆᑦᑎᑕᐅᑦᓱᓂ ᐅᖃᐅᓯᕆᓚᐅᔪᔭᖏᑦ ᑐᓵᑦᓱᒋᑦ ᐃᓄᒃᑎᑐᑦ ᐊᑎᕐᒥᑕ ᒥᑦᓵᓄᑦ -ᓂᖏᐅᑲᓪᓚᒃ. ᑕᑯᓴᕐᓱᓂ ᑲᓇᑕᒥᐅᑦ ᐊᖓᔪᕐᖄᖓᓂᒃ ᔭᔅᑎᓐ ᑐᕈᑑᒥᒃ ᐅᖃᓚᐅᔪᒻᒪᑦ ᐃᒫᒃ, “ ᐊᑎᕋ ᑐᑭᖃᕐᑐᖅ ‘ ᐊᖓᔪᕐᖃᐅᓵᑎ ᓂᖏᐅᖃᓪᓚᒃ !’”

ᐃᓄᐃᑦ ᐅᑭᐅᕐᑕᑐᕐᒥᐅᒍᖃᑎᒌᑦ ᑲᑎᒪᔨᖏᑦᑕ ᐊ ᖓᔪᕐᖄᖓ Dalee Sambo Dorough ᑕᒪᑐᒥᖓ ᑐᓵᒋ ᐊᒥᒃ ᐊᓕ ᐊᓚᐅᔪᒻᒥᔪᖅ, “ᓱᓇᑐᐃᓐᓇᖅ ᑯᖓᓐᓇᑐᖅ ᓱᓕᔪᕐᑕᖃᓲᒍᒋᕗᖅ,” ᐅᖃᕐᑐᕕᓂᖅ, ᓂᖏᐅᑲᓪᓚᐅᓂᕋᕐᒥᓱᓂᑦᑕᐅᖅ. “ᑭᓯ ᐊᓂᓕ ᓱᓕᑐᐃᓐᓇᒥᔪᒥᒃ ᐅᖃᐅᓯᖃᕈᒪᒻᒥᔪᖓ, ᐊᖓᔪᕐᖃᐅᓵᕐᓂᕆᓲᕋ ᐃᓱ ᐊᕐᑐᓂᒃ ᓄᐃᑦᓯᒍᑎᒋᒍᓐᓇᓲᕆᒐᒃᑯ !”

ᐃᓕᓴᐱ ᐁᓯᒃ ᐅᖃᕐᑐᕕᓂᖅ, “ᐃᔪᕐᓵᑎᓪᓗᒍ ᐊᓕ ᐊᒋᓚᐅᔪᔭᕋ. ᐃᔪᕐᓇᑑᓚᐅᔫᖅ ᐃᓕᓴᐱᓕᒫᑦ ᖃᐅᔨᒪᔭᒃᑲ ᐊᖓᔪᕐᖃᐅᓵᓲᒍᒻᒪᑕ, ᐱ ᐊᕋᐅᑦᓱᑕ ᓚᔭᐅᖃᑦᑕᓯᒪᒐᑦᑕ, ‘ ᐊᑕᓂ ᐊᓗᒃ ᐃᓕᓴᐱ… ᐊᑕᓂ ᐊᓗᒃ ᐃᓕᓴᐱ.’ ᐃᔪᕐᓵ-ᑎᑦᓯᒍᒪᒍᓇᐅᔪᕆᔭᕕᓂᕋ ᑐᕈᑑᒥᒃ !”
ᐊᖏᒻᒪᕆᑦᑎᑕᐅᓯᒪᓕᕐᓱᓂ ᐱᓇᓱ ᐊᕈᓰᑦ ᐊᒥᓲᖕᖏᑐᑦ ᓈᓕᕐᑎᓗᒋᑦ, ᐊᑕᓂ ᐊᓘᑉ ᑭᒡᒐᑐᕐᑎᖓ ᓭᒪᓐ ᑲᑎᓯᓚᐅᔪᕗᖅ ᑲᓇᑕᒥᐅᑦ ᐊᖓᔪᕐᖄᖓᓂᒃ Rideau Hall-ᒥ ᑎᓕᔭᐅᒍᑎᒥᓂᒃ ᓯᕗᓪᓕᐹᒍᖃᑕᐅᔪᒥᒃ ᐱᓇᓱ-ᐊᓯᑦᓱᓂ, ᐅᖃᕐᕕᒪᕆᒻᒥ ᑲᑎᒪᓂᕐᓂᒃ ᓄᕐᖃᖓᑎᑦᓯᑫᓐᓇᕈᒪᑦᓱᓂ ᓂᕈ ᐊᕐᓂᖃᓛᖁᔨᓂᕐᒥᓄᑦ. ᐃᓘᓐᓀᓅᓕᖓᔪᒥᒃ ᓂᕈ ᐊᕐᓂᖃᓛᕐᑐᖅ ᓯᑉᑎᒻᐸ 20, 2021-ᒥ. ᐊᑕᓂ ᐊᓘᑉ ᑭᒡᒐᑐᕐᑎᖓ ᓭᒪᓐ ᐅᐸᓘᒪᓛᕐᑐᓴᐅᔪᖅ ᓂᕈ ᐊᕐᑕᕕᓃᑦ ᐊᑎᖏᑦ ᐅᖄᔭᐅᓕᕐᐸᑕ !