ᐊᕐᕌᒍᑕᒫᑦ, ᒪᑭᕝᕕᒃ ᐃᕐᖃᐅᒪᑦᓯᒍᑎᓂᒃ ᐃᓄᓐᓂᒃ ᐊᔪᖕᖏᑐᓂᒃ ᐱᓂᐊᕐᓂᖃᕐᓯᒪᔪᓂᒃ ᓇᓗᓀᕆᓂᖃᓱᖑᕗᖅ ᓄᓇᕕᐅᑉ ᐃᓄᑐᐃᓐᓇᖏᑕ ᓄᓇᓕᖏᓐᓂ ᐱᓂᐊᕐᓂᖅ ᐊᕐᖁᑎᖃᕐᑎᓗᒍ ᐱᕐᔪᐊᕌᓗᖕᒥᒃ ᓄᓇᕕᒻᒥ ᐱᒍᑦᔨᓯᒪᔪᑦ ᓇᓗᓀᕐᑕᐅᒍᑎᑕᕆᓱᖓᓐᓂᒃ. ᑖᓐᓇ ᓲᓱᒋᔭᑦᓴᓯᐊᖑᑦᓱᓂ ᓇᓗᓀᕆᒍᑎᐅᓲᖅ ᖁᕕᐊᓱᒍᑎᐅᓱᖑᕗᖅ ᐱᔭᖃᕈᑎᒋᓯᒪᔭᖏᓐᓂᒃ ᓄᓇᕕᐅᑉ ᐃᓄᑐᐃᓐᓇᖏᑕ ᐅᑭᐅᖃᕋᓗᐊᕐᐸᑕ ᖃᑦᓯᑐᐃᓐᓇᓂ, ᐱᑦᔪᔨᓯᒪᑦᓱᑎᒃ ᑐᓱᓐᓇᓱᑎᒃ ᑲᔪᖏᕐᓴᑕᐅᓐᓇᑐᓂᒃ ᐊᓯᓄᑦ ᐱᔭᖃᕋᓱᒍᒫᓚᕿᒍᑎᓂᒃ. ᑕᒃᒐᓂ ᐊᕐᕌᒍᕐᒥ ᓇᓪᓕᐅᓂᕐᓯᐅᕈᑎᖃᕐᐳᒍᑦ, ᒪᕐᕉᓂᒃ ᐅᖃᕋᑦᓴᓯᐊᓐᓂᒃ ᓇᓗᓀᕐᑕᐅᒍᑎᒥᓐᓂᒃ ᐁᑦᑐᑕᐅᓚᐅᕐᑑᓂᒃ ᐱᓪᓗᑐᐊᓗᓐᓂᒃ ᑐᓂᕐᕈᓯᕐᓯᒪᓂᕐᒥᓄᑦ ᐊᒻᒪᓗ ᓴᐱᓖᓐᓇᓚᐅᕐᓯᒪᒐᑎᒃ ᑐᓂᒪᑦᓯᐊᓂᖃᕐᓂᒥᓄᑦ.
ᓇᓗᓀᕐᑕᐅᒍᑎᒥᒃ ᐁᑦᑐᑕᐅᕐᖃᓚᐅᕐᑐᖅ ᓄᓇᕕᒻᒥ ᐱᒍᑦᔨᓯᒪᓂᕐᒥᓄᑦ ᓇᓗᓀᕐᑕᐅᒍᑎᑖᒥᓂᒃ ᓚᓕ ᐋᓇᖃᑕᒃ. ᐅᖓᕙᒥ ᑲᖏᕐᓱᒥᑦ ᓄᓇᓕᒻᒥᓂᑦ ᐱᓯᒪᑦᓱᓂ, ᓚᓕᐅᑉ ᐊᕐᕕᑕᕐᓂᖓ ᐅᓐᓂᑐᑎᑦᓯ ᐊᖑᕗᖅ ᓴᐱᓕᑐᐃᓐᓇᓂᐅᔭᖕᖏᓂᕐᒧᑦ ᐊᒻᒪᓗ ᐱᔭᖃᕋᓱᒍᓐᓇᓂᕐᒧᑦ. ᐃᓅᓱᑦᑐ ᐊᐱᐅᑦᓱᓂ ᐊᖏᔪᒥᒃ ᓵᖕᖓᔭᑦᓴᑖᕐᓯᒪᒐᓗ ᐊᕐᓱᓂ ᐃᔨᒋᒃ ᑕᐅᑐᒍᓐᓀᑎᓪᓗᒋᒃ, ᓚᓕ ᐊᔪᕐᓇᑐᒦᓐᓂᕋᕐᑕᐅᒍᒪᓂᖃᓚᐅᕐᓯᒪᖕᖏᓚᖅ. ᐃᓕᓐᓂ ᐊᓂᕐᒥᒃ ᑲᔪᓯᓯᒪᔪᖅ ᑌᒫᑦᓭᓇᖅ ᑐᓂᒪᕕᒋᒻᒥᓱᓂᐅᒃ, ᐃᓄᑐᐃᓐᓇᐅᓱᓂ ᓯᕗᓪᓕᐹᖑᓚᐅᔪᔪᖅ ᐱᔪᓐᓇᐅᑎᑖᕐᓱᓂ ᑕᕐᕋᒥ ᐃᓄᓕᕆᔨᐅᓂᕐᒥᒃ ᐱᓇᓱᒍᓐᓇᐅᑎᒥᒃ ᐊᒻᒪᓗ ᐃᓕᓐᓂ ᐊᕇᕈᑎᑖᕐᓱᓂ ᐊᑦᔨᖃᖕᖏᑐᒥᒃ ᐳᕐᑐᓂᕐᓴᒋ ᐊᓪᓚᒥᒃ ᐃᓄᓕᕆᓂᕐᒥᒃ ᐱᓇᓱᑦᑎᐅᒍᓐᓇᐅᑎᑦᓴᒥᒃ ᐱᔭᒥᓂᒃ ᒪᑭᐋᓪ ᐃᓕᓐᓂ ᐊᕕᕐᔪ ᐊᒥᑦ.
ᓚᓕᐅᑉ ᓱᕐᕃᓯᒪᓂᖓ ᓅᑦᓯᓯᒪᕗᖅ ᐃᓕᓐᓂ ᐊᕋᑦᓴᔭᓂᒃ ᐱᔭᖃᕐᓯᒪᓂᕐᒥᓄᑦ, ᑌᒣᑉᐳᓗ ᓲᕐᓗ ᓂᕆᐅᓐᓂᐅᑉ ᖃᐅᒻᒪᖁᑎᖓᑎᑐᑦ ᓴᐳᑦᔨᓯᒪᓂᖓᓗ ᓄᓇᓕᒻᒥᓂᒃ. ᑐᓂᓯᒪᑦᓯ ᐊᓱᓂ ᐃᓄᓕᕆᓂᕐᒥᒃ ᐱᓇᓱᑦᑎᐅᓂᕐᒥᒍᑦ, ᑕᖃᓚᐅᕐᓯᒪᒐᓂ ᓴᐳᑦᔨᓯᒪᕙᑉᐳᖅ ᐃᓄᓐᓂᒃ ᐅᖁᒣᑦᑐᑯᕈᑎᓕᓐᓂᒃ, ᒪᓂᒪᑎᑦᓯᓱᓂ ᐃᑲᔪᕐᓯᓂᕐᒥᒃ ᐱᑦᔪᔨᒍᑎᓂᒃ, ᓵᓚᖃᕐᐸᓱᓂᓗ ᐃᓄᑦᔪᓯᑎᒍᑦ ᐃᕐᖃᑐᐃᕕᑎᒎᕐᑐᑦ ᖃᓄᐃᓕᖓᒍᑎᖏᓐᓂᒃ, ᐊᒻᒪᓗ ᐃᓅᓱᑦᑐᓂᒃ ᑕᓯᐅᕐᓯᕙᑦᓱᓂ. ᑕᖃᓱᐃᑦᑐᓂᖓ ᐊᒻᒪᓗ ᐃᓅᓯᕐᒥ ᐅᖓᓇᕐᓂᖓ ᐃᓄᓐᓂᒃ ᑭᓯᑦᓴᐅᖏᑦᑐᓂᒃ ᐊᑦᑐᐃᓯᒪᕘᒃ, ᑕᑯᑦᓴᐅᑎᑦᓯᓱᓂ ᓴᐱᓕᑐᐃᓐᓇᖃᔭᖕᖏᓂᖏᓐᓂᒃ ᐊᒻᒪᓗ ᐆᒻᒪᖁᑎᑦᓴᖃᑦᓯ ᐊᓂᕐᓂᒃ ᓄᓇᕕᒻᒥ.
ᐁᑉᐸᖓᓕ ᓇᓗᓀᕐᑕᐅᒍᑎᑕᕐᑐᖅ, ᓘᑲᓯ ᓇᑉᐹᓗᒃ, ᐊᒫᓕᑦᓯᒪᔪᖅ ᓄᓇᓕ ᐊᕈᕐᒥ ᑲᖏᕐᓱᔪ ᐊᑉ ᑕᕐᕋᖓᓂ. ᐱᕈᕐᓴᔭᐅᔪᕕᓂᐅᑦᓱᓂ ᓄᓇᒥ ᑕᑯᒥᓇᕐᑐᔪ ᐊᒥ, ᓘᑲᓯ ᐱᔭᖃᕐᓯᒪᔪᑦ ᐅᐱᒍᓱᒻᒪᕆᓐᓂᒥᒃ ᐃᓄᑐᐃᓐᓇᑎᒍᑦ ᕿᒻᒪᖁᓯ ᐊᕆᓯᒪᔭᒥᓂᒃ ᐃᓅᓱᑦᑐ ᐊᐱᐅᓂᕐᒥᓂᑦ ᐅᐱᒋᑦᓱᒍ. ᐃᓕᑕᕐᓯᓯᒪᒐᒥ ᐱᓪᓚᕆᐅᓂᖃᕆ ᐊᖓ ᐊᓯᐅᑎᑦᓯᑌᓕᓂᖅ ᐱᐅᓯᑐᖃᕐᓂᒃ ᐃᓕᖓᑎᓪᓗᒋᑦ ᓯᕗᓂᑦᓴᒥ ᑭᖑᕚᖑᓛᕐᑐᓄᑦ, ᐃᓅᓯᕐᒥᓂᒃ ᑐᓂᓯᒪᔪᖅ ᐊᒥᕐᖃᖃᑎᒌᓐᓂᓴᒥᓄᑦ ᐊᒥᒐᖕᖏᑐᓂᒃ ᐃᓄᑐᐃᓐᓀᑦ ᐃᓗᕐᖁᓯᖓᓐᓂᒃ ᕿᒻᒪᖁᑎᒋᓱᒥᓂᒃ ᐅᓂᒃᑲᐅᓯᑎᒍᑦ, ᐅᖃᐅᓰᕐᓯᑌᓕᒍᑎᓂᓪᓗ ᐱᕙᓪᓕ ᐊᑎᑦᓯᖃᑦᑕᓂᒃᑯᑦ, ᐊᒻᒪᓗ ᐃᓗᕐᖁᓯᕐᒥᒃ ᐃᓕᓐᓂ ᐊᑎᑦᓯᒍᑎᑎᒍᑦ.
ᓘᑲᓯᐅᑉ ᑐᓂᓯᒪᑦᓯ ᐊᓂᖓ ᐊᓯᕈᔨ ᐊᖃᕐᑌᓕᓂᕐᒧᑦ ᐃᓄᑐᐃᓐᓀᑦ ᕿᒻᒪᖁᑎᒋᓯᒪᔭᖏᓐᓂᒃ ᐃᓱᓕᓂᖃᖕᖏᓚᖅ, ᓄ ᐊᑦᓯᓯᒪᑦᓱᓂ ᐅᓂᒃᑲᐅᓯᑎᒍᑦ ᐱᕙᓪᓕ ᐊᓯᒪᓂᕐᓂᒃ ᐅᓂᒃᑳᐅᑎᓂᒃ ᐃᓕᓐᓂ ᐊᑎᑦᓯᒍᑎᖃᓱᖑᑦᓱᓂᓗ ᐱᐅᓯᑐᖃᕐᑎᒍᑦ ᐱᔭᕆᕐᑕᐅᓯᒪᒋ ᐊᓕᓐᓂᒃ ᐃᓅᓱᓐᓂᓴᓄᑦ ᑭᖑᕚᓄᑦ. ᐃᓗᕐᖁᓯᕐᒥᓂᒃ ᐊᓯᐅ ᑎᑦᓯᑌᓕᓂᕐᒥ ᐅᖓᑖᒍᑦ, ᓘᑲᓯ ᓲᕐᓗ ᑲᓱᕐᑎᓯᓯᒪᕗᖅ ᑭᖑᕙᕇᓂᒃ, ᑲᔪᓯᑎᑦᓯᓂᖃᓱᓂ ᑐᑭᓯᒪᓂᕐᓂᓗ ᓄᓇᓕᒻᒥᓂᓗ ᐊᑕᐅᓯᐅᖃᑎᒌᓐᓂᓂᒃ. ᓄᓇᕕᒻᒥᐅᓂᒃ ᐃᑲᔪᕐᓯᒪᒍᑎᖏᑦ ᑭᓯᑦᓴᐅᖏᑦᑐᑦ, ᐅᓐᓂᓯᐅᕈᑎᐅᒐᒥᒃ ᓲᖑᓂᖃᕐᓂᒥᒃ ᐊᒻᒪᓗ ᐃᓄᑐᐃᓐᓀᑦ ᓴᐱᓕᑐᐃᓐᓇᑌᓕᒍᓐᓇᓂᖏᓐᓂᒃ.
ᓇᓗᓀᕆᓂᖅ ᑕᒪᖏᓐᓂᒃ ᓚᓕ ᐋᓇᖃᑕᖕᒥᓗ ᓘᑲᓯ ᓇᑉᐹᓗᖕᒥᓗ ᐁᑦᑐᓱᒋᒃ ᓄᓇᕕᒻᒥ ᐱᒍᑦᔨᓯᒪᓂᖏᓐᓄᑦ ᓇᓗᓀᕐᑕᐅᒍᑎᑕᖏᓐᓂᒃ, ᒪᑭᕝᕕᒃ ᖁᕕ ᐊᓱᒍᑎᖃᕐᐳᖅ ᑲᒪᓇᕐᑐᓂᒃ ᐱᔭᖃᕐᓯᒪᒍᑎᖏᓐᓂᒃ ᐊᒻᒪᓗ ᐊᖏᔪᒥᒃ ᓱᕐᕃᓂᖃᕐᓯᒪᓂᖏᓐᓄᑦ ᓄᓇᕕᒻᒥᐅᓂᒃ. ᑖᒃᑯ ᐊᒃ ᑐᓂᓯᒪᑦᓯ ᐊᓂᒋᒃ ᐱᓇᓱᒍᒪᓂᖃᑦᓯ ᐊᓂᖏᓪᓗ ᐃᓄᓕᒫᓂᒃ ᑫᓪᓚᑐᐃᒍᑎᒋᕙᒋᒃ ᐱᔭᖃᕈᒪᓂᕐᒧᑦ, ᓄᐃᑕᑎᑦᓯᒍᑎᒋᑦᓱᒋᒃ ᓴᐱᓕᓯᖏᓐᓇᓱᖑᖕᖏᓂᕐᒥ ᐱᑦᓯ ᐊᓯᒪᒻᒪᕆᑦᑐᓂᒃᓗ ᐃᓄᑐᐃᓐᓇᓄᑦ ᐱᐅᓯᕆᔭᐅᔪᓂᒃ.
