2023

ᐊᓪᓚᑕᖏᑦ Stephen Hendrie/ᓯᑏᕙᓐ ᕿᐊᓐᑐᕆ

“ᖃᕆᑕᐅᔭᕈᑎᓂᒃ ᐊᓯᑦᔩᓂᖃᓪᓚᕆᑐᖅ,” ᓚᑦᓱᓂ ᐅᖃᕐᑐᖅ ᒪᑭᕝᕕᐅᑉ ᐊᓪᓚᑎᒻᒪᕆᖓ ᐊᓖᓯᐊ ᐊᔭᒍᑕᖅ, ᑌᒣᓕᒍᑎᖃᓱᓂ ᓄᑖᓂᒃ ᖃᕆᑕᐅᔭᑎᒍᑦ ᐱᑐᑦᑕᐅᑎᓂᒃ ᖃᓪᓗᓈᕐᑎᑐᑦ ᐊᑦᓯᕋᐅᑎᖃᕐᓱᑎᒃ Starlink/ᓯᑖᓕᖕᒃᒥᒃ ᖃᕆᑕᐅᔦᑦ ᖁᒻᒧᐊᑎᑕᐅᒪᔪᑎᒍᑦ ᐱᑐᑦᑕᐅᑎᒋᓚᖓᓕᕐᑕᖏᑦ ᓄᓇᕕᐅᑉ ᓄᓇᖓᓄᑦ ᑎᑭᓚᐅᔪᕗᑦ 2022 ᐅᐱᕐᖓᓴᖓᓂ. ᐊᑦᔨᒌᖕᖏᓂᖏᑦ ᓱᑲᓐᓂᖏᑕ ᓄᑕᐅᖕᖏᑑᓪᓗ ᐊᒪᓗ Starlink/ᓯᑖᓕᖕᒃ, ᐅᕝᕙᓘᓐᓂᑦ ᐱᑐᑦᑕᐅᑎᑎᒍᑦ ᐃᒪᐅᑉ ᐃᕐᖃᖓᒎᕐᑐᑯᑦ ᑲᑎᕕᒃ ᓄᓇᓕᓕᒫᑦ ᑲᕙᒪᒃᑯᑦ ᐱᖏᑎᒍᑦ ᐊᑦᔨᒌᖕᖏᓂᒋᒃ ᓲᕐᓗ ᐅᓪᓛᓗ ᐅᓐᓄᐊᓗ. ᖃᕆᑕᐅᔭᒨᔦᓃᑦ ᓱᑲᑦᑐᒪᕆᐊᓘᓕᕐᑐᑦ 5 megabytes-ᓂ ᓯᕿᕐᖑᔭᐅᑉ ᑕᕐᓵᐱᖓᑕ ᑕᒫᑦ ᓱᑲᓯᒋᐊᕐᓯᒪᓕᕐᒪᑦ 50-ᓄᑦ megabytes- ᓄᑦ ᑎᑭᐅᑎᒍᓐᓇᓕᕐᓱᓂ ᑎᑭᐅᑎᒍᓐᓇᑐᐊᓪᓛᑦ ᖃᕆᑕᐅᔭᐅᑉ ᓱᑲᓐᓂᖏᓐᓄᑦ 20 megabytes-ᓄᑦ. ᓄᓇᕕᒃ ᓇᓪᓕᖁᐊᕆᔭᐅᓕᕐᖁᖅ ᓯᕿᓂᕐᒥᐅᓄᑦ.

“ᓯᓚᕐᔪᐊᑉ ᐊᓯᒋᓕᕐᑖ,” ᐅᖃᕐᑐᑦ ᐊᓖᓯᐊ. “ᐱᑐᐃᓐᓇᐅᓂᑐᐃᓐᓇᒐᓴᖓ, ᐃᓓ, ᖃᕆᑕᐅᔭᕈᑎᑐᐃᓐᓇᖅ. ᖃᕆᑕᐅᔭᑎᒍᑦ ᐊᓪᓚᖃᑦᑕᐅᑎᒍᑎᓅᖃᑦᑕᓂᖏᑦ. ᐅᖄᖃᑎᖃᓪᓗᑐᕐᓂᐅᖃᑦᑕᑐᓗ ᐱᓇᓱᖃᑎᒋᔭᓂᒃ ᐃᓚᐅᔪᒃ ᖃᕆᑕᐅᔭᑎᒍᑦ ᑲᑎᖕᖓᔪᓄᑦ, ᑐᓴᕐᑎᓯᓂᓕᓐᓄᑦ ᑲᑎᖓᔨᐅᖃᑎᒌᓄᑦ, ᖃᕆᑕᐅᔭᑎᒍ ᑕᑯᓐᓇᖃᑦᑕᑎᒍᑎᒃᑯᑦ ᑲᑎᖕᖓᓃᑦ, ᐊᒻᒪᓗ ᐱᓇᓱᒐᖃᕐᕕᐅᔪᑎᒍᑦ ᑲᑎᖕᖓᔩᑦ ᑲᑎᖕᖓᓂᖏᑦ.”

ᐅᒥᐅᔭᕐᒥᐅᔭᖅ, ᐊᓖᓯᐊ ᕕᕈᐊᕆ 2022-ᒥ ᓂᕈᐊᕐᑕᓚᐅᔪᕗᖅ ᒪᑭᕝᕕᒧᑦ ᐊᓪᓚᑎᒻᒪᕆᒋᔭᐅᓚᖓᓕᕐᓱᓂ. ᐱᑦᔪᔨᕕᒃ ᐊᖓᔪᕐᖃᐅᕕᖓ ᐱᔭᑦᓴᖁᑎᖃᕐᑐᖅ ᒪᑭᕝᕕᐅᑉ ᑐᓴᐅᒪᑎᑦᓯᒍᑎᑦᓴᖏᓐᓂᒃ ᖃᕆᑕᐅᔭᕈᑎᑎᒍᓪᓗ ᐱᑦᔪᔨᒍᑎᖏᓐᓂᒃ, ᑖᒃᑯᐊ ᐃᓚᖃᕐᑐᑦ ᐃᖏᕐᕋᓯᐊᕐᑐᓂᒃ ᖃᕆᑕᐅᔭᑎᒍ ᐱᑐᑦᓯᒪᐅᒍᑎᑦᓴᖏᓐᓂᒃ ᒪᑭᕝᕕᐅᑉ ᐊᓪᓚᕕᖏᑕ, ᓄᓇᕕᓕᒫᒧᓪᓗ, ᓯᓚᕐᔪᐊᓕᒫᒧᓪᓗ. ᑭᖑᓪᓕᖅ ᒪᑭᕝᕕᐅᑉ ᑲᑎᖕᖓᓂᒻᒪᕆᖓ ᐊᑑᑎᔭᐅᓂᖃᓛᕐᑐᖅ ᐅᒥᐅᔭᒥ ᒫᑦᔨ 23-ᖑᓕᐸᑦ. ᐅᒥᐅᔭᖅ ᓄᓇᕕᐅᑉ ᓄᓇᓕᖏᓐᓄᑦ ᓯᕗᓪᓕᐹᖑᖃᑕᐅᓚᐅᔪᕗᖅ ᖃᕆᑕᐅᔭᑎᒍᑦ ᐱᑐᑦᑕᐅᑎᓂᒃ Starlink/ᓯᑖᓕᖕᒃ ᐱᑦᔪᔭᐅᒍᑖᑎᕐᓱᓂ 2022 ᐅᐱᕐᖓᓴᖓᓂ.

ᑰᒃᔪᐊᕌᐱᒃᑕᐅᖅ ᐁᕆᓕᒥ ᑎᑭᑕᐅᓚᐅᔪᒋᕗᖅ, ᐊᓯᑦᔩᓂᖃᒻᒪᕆᓚᐅᔪᕗᖅ ᐊᓪᓚᕕᖓᓂᒃ ᓄᓇᓖᑦ ᑲᕙᒫᐱᖓᑦᑕ ᐅᖃᕐᑐ ᐊᓪᓚᑎ ᑮᓇᐅᔭᓕᕆᔨ Pierre Roussel/ᐱᐋᕐ ᕉᓯᐋᓪ. “ᐊᓯᑦᔩᓂᖃᓚᐅᔪᒐᒥ ᐃᓗᓐᓈᒍᑦ ᐱᓇᓱᓐᓂᕆᕙᑦᑕᑎᓐᓂ. ᑕᑯᒋᐊᕈᓐᓇᓕᕐᓱᑕ ᑕᑯᒋᐊᕐᖃᔭᓚᐅᕐᓯᒪᖕᖏᑕᑦᑎᓂᒃ. ᖃᓄᑐᐃᓐᓇᖅ ᐱᓂᐊᕐᓂᖃᕈᓐᓇᓕᕐᓱᑕ ᓲᕐᓗ ᐊᐅᓪᓚᑎᑦᓯᒍᒪᒍᕕᑦ ᖃᕆᑕᐅᔭᒃᑯᑦ ᑮᓇᐅᔭᓕᕆᒍᑎᓂᒃ ᐊᓪᓚᕕᑦᓴᓂᒃ ᐊᑯᓂᐊᓗᒃ ᐅᑕᕿᒋᐊᖃᕐᐸᓚᐅᕐᑐᒍᑦ. ᐊᑯᓂᐅᑦᓴᓱᕈᕐᐸᓕᐊᓕᓚᐅᔪᔪᒍᑦ. ᖃᕆᐅᔭᐅᑉ ᐊᓪᓚᐅᑎᐊᓗᖓᓄᑦ ᐊᓪᓚᓯ-ᒪᔪᖕᖑᑐ ᐃᓐᓇᓱᒋᑦ ᓱᑲᑦᑐᑯᕐᑎᓯᒍᑎᑎᒍᑦ ᐊᐅᓪᓚᑎᑦᓯᖃᑦᑕᓚᐅᔪᔪᒍᑦ! ᐊᑯᓂᐅᖕᖏᓂᕐᓴᖅ ᑕᑯᓐᓇᕋᓱᓱᖑᓕᕐᑐᒍᑦ ᓄᐃᑕᑎᑦᓯᒍᑎᖑᓂᒃ.“

ᐃᓕᖓᑎᓪᓗᒋᓪᓕ ᑮᓇᐅᔭᑎᒍᑦ ᒪᑭᑕᒐᓱᒍᑎᓕᕆᓂᕐᓄᑦ ᓄᓇᓕᑦᑎᓂ, “ᓂᕆᐅᒍᒪᕗᖓ ᐱᓇᓱᒐᕐᓂᒃ ᓴᕐᕿᑎᑦᓯᓂᖃᓛᕐᓂᖓᓂᒃ. ᐃᓄᐃᑦ ᐊᓂᕐᕋᓯ-ᒪᖏᓐᓇᓗᑎᒃ ᐱᓇᓱᒍᓐᓇᖃᑦᑕᓛᓕᕐᒪᑕ, ᖃᓄᕐᓗᓃᑦ ᐱᒋᐊᓪᓚᕕᖃ-ᖃᑦᑕᓯᒪᖕᖏᑐᓂᒃ.” ᐊᓂᕐᕋᒥᐅᖃᑎᒌᑦ ᐃᓅᓯᖏᑦ ᐊᓯᑦᔨᑕᐅᒻᒥᔪᑦ. “ᐊᓂᕐᕋᒥ ᕿᑐᕐᖓᖃᕐᓱᓂ ᐱᒋᐊᓪᓚᕕᖃᔨᐊᖃᖃᑦᑕᓯᒪᖕᖏᑐᒍᑦ ᖃᕆᑕᐅᔭᑎᒍᑦ ᑐᓴᕐᓂᔮᕈ-ᑎᓂᓪᓗ ᑕᑯᓐᓇᕋᑦᓴᔭᓂᓪᓗ ᐱᒍᓐᓇᕕᖃᕐᓂᓴᖏᓐᓂᒃ, ᑕᒐᑕᒐᓕ ᑌᒣᓘᕈᓐᓇᓕᕐᑐᑦ. ᑕᓚᕖᓴᒥᒃ ᑲᒪᖕᖏᓂᕐᓴᕈᕐᑐᑦ ᐊᒥᓱᓂ ᐃᓄᐃᑦ ᐊᓂᕐᕋᖏᓐᓂ, ᑌᒣᒻᒪᑦ ᐃᓱᒪᔪᖓ ᐃᓄᐃᑦ ᐊᓂᕐᕋᒥᓐᓂ ᓱᖃᑦᓯᒍᑎᖏᑦ ᐊᓯᑦᔨᒋᐊᖏᑦ.”

ᑰᒃᔪᐊᒥᓕ, ᑏᕆᒃ ᑕᒍᕐᓈᖅ ᓇᒻᒥᓂᕐᒥᓂᒃ ᐃᖏᕐᕋᑎᑕᖃᕆᕗᖅ ᑐᓴᖃᕐᑕ ᐅᑎᒍᑎᓕᓂᕐᒥᒃ ᐊᑦᓯᕋᐅᑎᖃᕐᑎᑕᒥᓂᒃ ᑐᒦᑦ ᑐᓴᕋᑦᓴᓕᕆᐅᑏᑦ. ᑏᕆᒃ ᐊᑦᔨᖑᐊᓂᒃ ᓄᐃᑕᔪᑦᓴᓕᐅᓲᖅ, ᐊᓪᓚᓯᒪᔪᓕᐅᕐᑎᐅᓱᓂᓗ, ᓇᒥᓂᕆᑦᓱᒍᓗ ᐱᓇᓱᒐᖁᑎᒥᓂᒃ ᐱᓇᓱᒐᖃᖃᑎᖓ ᓵᒻ ᓚᑲᓰ ᓂᒪᕐᑐᓂᒃ ᑕᑯᓐᓇᕋᑦᓴᓕᐅᓲᖑᑎᓪᓗᒍ. ᑏᕆᒃ ᓂᑦᔭᓗᑦᑕᑎᐅᒻᒐᒥ ᓂᐱᓕᐅᕆᕕᒻᒥᒃ ᐱᖃᕐᒥᔪᖅ ᕿᒧᒃ ᑐᓴᕐᓂᔮᕐᑎᓯᔨᓂᒃ. ᑖᒃᑯᐊ ᐃᓘᓐᓇᑎᒃ ᐊᖏᔪᐊᓗᓐᓂᒃ ᖃᕆᑕᐅᔭᑎᒍᑦ ᐊᓪᓚᖁᑎᓕᐊᖑᒪᔪᓂᒃ ᐊᓪᓚᖁᑎᖃᕐᑐᑦ. “ᐊᐅᓪᓚᑎᑦᓯᒋᐊᖃᖃᑦᑕᓚᐅᔪᕗᒍᒃ ᐅᓐᓄᐊᓕᒫᖅ ᐊᐅᓪᓚᕋᓱᑦᑐᓂᒃ. ᐊᒥᓱᕕᑦᓱᓄᑦ ᐊᓪᓚᑖᕕᑎᒍᑦ ᐊᐅᓪᓚᑎᑦᓯᒋᐊᖃᖃᑦᑕᓚᐅᔪᔪᒍᒃ ᒪᓐᑐᔨᐊᒧᑦ ᐱᑦᔪᔭᑦᑎᓄᑦ, ᑕᒪᒃᑯᐊ ᐅᑎᕐᑕᑐᑦ ᑕᐅᓄᖓᓗ ᑕᒪᐅᖓᓗ, ᒫᓐᓇᓕ ᐱᓇᓱᒍᑎᖃᓕᕐᖁᒍᑦ ᓲᕐᓗ ᓄᕗᔭᑎᒍᑦ ᐃᖏᕐᕋᔪᓂᒃ, ᑌᒣᒻᒪᑦ ᐊᖏᔪᒥᒃ ᐊᓯᑦᔨᑲᓪᓚᑐᑦ ᐃᓱᒪᓇᑐᐃᓐᓇᕈᓐᓀᐳᕐᓗ ᑌᒫᒃ ᐊᐅᓪᓚᑎᑦᓯᒍᒥᓇᕐᓂᐅᖃᑦᑕᓚᐅᔪᔪᑦ,” ᐅᖃᕐᑐᖅ ᑏᕆᒃ.

Starlink/ᓯᑖᓕᖕᒃ ᐃᒻᒥᓂᒃ ᐅᖃᕐᐳᖅ ᓯᓚᕐᔪᐊᒥ ᓯᕗᓪᓕᐹᖑᓂᕋᕐᓱᓂ ᓄᓇᐅᑉ ᐃᑭᐊᒍᑦ ᖃᕆᑕᐅᔭᕈᑎᓂᒃ ᐊᕐᖁᑎᖃᕐᓱᓂ. ᑖᓐᓇ ᖃᕆᑕᐅᔭᕈᑎᓕᕆᐅᑎ ᓇᒻᒥᓂᕆᔭᐅᔪᖅ ᕿᕐᓃᑌ ᓄᓇᖓᑕ ᓯᕿᓂᐊᓂ ᓄᓇᓕᒻᒧᑦ ᐊᑎᖃᕐᓱᓂ ᐄᓛᓐ ᒪᔅᒃᒥᒃ. ᐊᒥᓱᐊᓗᓐᓂᒃ ᖁᒻᒧᐊᑎᓯᒪᔪᓂᒃ ᐊᕐᖁᑎᖃᕐᓱᓂ ᓄᓇᕐᔪᐊᑕ ᐊᕙᑖᒍᑦ ᑫᕙᐅᒐᕐᑐᓂᒃ ᓄᓇᕐᔪᐊᑎᓐᓄᑦ ᖃᓂᓐᓂᓴᐅᓱᑎᒃ ᒥᑦᓯᑎᓐᓂ 550 ᑭᓚᒦᑌᑦ ᐊᕙᓗᐃᒪᑦᓱᑎᒃ ᓄᓇᕐᔪᐊᑎᓐᓂᒃ. ᐳᒍᑕᐅᔮᕈᐊᐲᑦ, ᐃᒡᓘᑉ ᖄᖓᓃᑦᑐᓗᓐᓃᑦ ᓴᓂᕌᓂᑦᑐᓗᓐᓃᑦ , ᐊᑑᑎᒍᓐᓇᑐᖅ ᖁᐊᕐᓇᑐᒥᒃ ᓯᓚᒥᒃ, ᐅᕐᖂᔪᕐᔪᐊᒥᓘᓐᓃᑦ, ᓇᑕᕐᖁᓇᕐᓂᓗᓐᓃᑦ, ᓱᕈᔪᐊᓗᒥᓗᓐᓃᑦ, ᐊᒻᒪᓗ ᐊᓄᕆᕐᔪᐊᓂᒃ ᖃᕆᑕᐅᔭᕈᑎᐅᑎᓪᓗᒍ.

ᓭᒪ ᒫᒃ ᐱᓇᓱᒍᑎᓄᑦ ᐊᐅᓚᑦᓯᔨᒋᔭᐅᔪᖅ ᒪᑭᕝᕕᐅᑉ ᐊᓪᓚᕕᒻᒪᕆᖓᓂ ᑰᒃᔪᐊᒦᑦᑐᒥ. ᐱᓇᓱᖃᑎᖃᕐᓱ ᒪᑭᕝᕕᐅᑉ ᓯᖁᒥᓯᒪᔪᕐᓂᐊᓂᕐᒥ ᐱᓇᓱᖃᑎᒌᑦᑐᖁᑎᖏᓐᓂ ᐊᑐᕐᓱᑎᒃ ᑭᕝᕙᑲᑦᑕᐅᑎᒥᒃ ᐴᒍᑕᐅᔭᒥᒃ ᓄᓇᕕᒻᒥ ᖃᐅᔨᓴᕐᓂᓄᑦ ᐱᑦᔪᔨᕕᐅᑉ ᐃᒡᓗᔪᐊᖓᑕ ᓯᓚᑖᓄ ᐃᓕᔨᓚᐅᔪᕗᑦ, ᒪᑭᕝᕕᐅᑉ ᐊᓪᓚᕕᖓᑕ ᐊᑭᐊᓃᑦᑐᒥᒃ. ᑲᑐᑦᔨᔫᒃ ᐊᑕᐅᓯᕐᒥᒃ ᐱᑐᑦᓯᒪᒍᑎᒥᒃ. “ᐊᑐᓕᕐᑕᕗᓪᓕ ᐊᐅᒡᒍᓯᐅᑉ ᑕᕐᕿᖓᑕ ᕿᑎᖓᓂᓂᑦ, ᓱᑲᑦᑐᔪᐊᖑᓕᕐᐳᓗ ᖃᕆᑕᐅᔭᓅᔦᓂᕆᕙᑦᑕᕗᑦ 6meg-ᖑᓚᐅᔪᑦᓱᑎᒃ ᒫᓐᓇ 150-200meg-ᒦᖃᑦᑕᓕᕐᑐᑦ.”

ᐅᖃᕐᐳᓗ ᐊᖏᔪᒥᒃ ᐊᓪᓚᕕᒻᒥ ᐱᓇᓱᓐᓂᐅᔪᑦ ᓱᕐᕋᑕᐅᓂᖃᓚᐅᕆᐊᖏᑦ. “ᑕᑯᓐᓇᐅᑎᑦᓱᑕ ᖃᕆᑕᐅᔭᒃᑯᑦ ᐅᖃᖃᑎᒌᒍᑎᕗᑦ ᖃᓄᐃᒍᓐᓀᑐᑦ. ᐊᒥᓱᓗᑎᒃ ᐃᓄᐃᑦ ᐊᑕᐅᑦᓯᑯᑦ ᖃᕆᑕᐅᔭᕈᓐᓇᓕᕐᑐᑦ, ᐊᓯᒥ ᖃᕆᑕᐅᔭᕈᑎᖏᓐᓂᒃ ᓱᕐᕃᑲᑕᒍᓐᓀᓱᑎᒃ, ᐅᕝᕙᓘᓐᓃᑦ ᖃᕆᑕᐅᔭᒦᑦᑐᓂᒃ ᖃᕆᑕᐅᔭᒥᓅᔦᒍᓐᓇᓕᕐᓱᑎᒃ ᐊᓯᒥᓂᒃ ᐊᕝᕕᐊᕋᑎᒃ ᐊᕝᕕᐊᑕᐅᒐᑎᓪᓗ. ᑖᒃᑯᐊ ᖃᕆᑕᐅᔭᕈᑏᑦ ᓯᕗᓂᖓᓂ ᐊᐱᓱᕆᐊᖃᖃᑦᑕᓚᐅᔪᔪᖓ ᑕᓂᐊᓕ ᐱᐊᓐᓕᒥᒃ, ᓰᓐ-ᓗᕌᓐᒥᑦᑐᒥ ᐊᓪᓚᕕᒻᒦᑐᒥᒃ ᖃᕆᑕᐅᔭᒃᑯᑦ ᐃᑲᔪᕐᑕᐅᒍᑎᖃᕈᒪᑦᓱᖓ ᐊᓱᐃᓛᓕ ᑕᕝᕓᓇᖅ ᐱᖃᑦᑕᓚᐅᔪᔪᖅ ᐱᒐᓱᒐᔭᕐᑕᑲᓂᒃ ᑫᕙᓪᓚᒍᓯᐅᑉ ᕿᑎᕐᖃᓂ.”

ᑌᒪᓕ ᐴᒍᑕ ᐅᔭᖅ ᐊᖏᔪ ᐊᓘᖕᖏᒪᑦ ᓭᒪ ᓂᕆ ᐅᑦᑐᖅ ᐃᓄᐃᑦ ᐃᒡᓗ ᐊᐱᒻᒥᓄᑦ ᐃᓕᔨᖃᑦᑕᓛᓕᕐᑎᓗᒋᑦ. ”ᖃ ᐅᔨᓯᒪᒐᑦᑕ Starlink/ᓯᑖᓕᖕᒃ ᐊ ᕗᖓ ᐅᓖᒋᐊ ᕆᓯᒪᒋᐊ ᖓ ᐊᑐᕐᑕ ᐅᕕᒋᒍᓐᓇᑕᒥᓂᒃ. ᓄᓇᓕᓐᓅᓕᖓᑐ ᐃᓐᓇᖃᑦᑕᓯᒪᑦᓱᓂ, ᑭᓯ ᐊᓂ ᒫᓐᓇ ᐊᕗᖓ ᐅᓖᒋ ᐊᕆᓯᒪᓕᕐᑐᖅ ᐊᑐᑕ ᐅᒍᓐᓇ ᐅᑎᒥᓂᒃ ᑌᒣᒻᒪ ᓄᓇᓖᑦ ᓯᓚᓂᒍᓐᓇᕕᖃᓕᕐᑐᑦ.”

ᓱᓇᓕᒫᑦ ᐱᐅᔪᓂᓪᓗ ᐱᐅᖕᖏᑐᓂᓪᓗ ᐱᑕᖃᓱᖑᒻᒪᑕ. ᐊᑐᓕᕐᑎᓗᑕ ᓱᑲᑦᑐᓂᒃ ᖃᕆᑕᐅᔭᕈᑎᓂᒃ ᐱᔪᖃᖃᑕᐅᖃᑦᑕᓚᖓᒋᕗᖅ ᓯᓚᕐᔪᐊᒥᐅᑉ ᐊᑑᑎᕙᑦᑕᖏᑕ ᐊᑦᔨᓐᓂᒃ ᖃᕆᑕᐅᔭᓄᑦ ᐱᑐᑦᓯᒪᖏᓐᓇᓂᕐᒥᒃ. ᐊᓖᓯᐊ ᐊᔭᒍᑕᖅ ᑕᒪᑐᒥᖓ ᐃᓱᒫᓗᒍᑎᓕᒃ ᐅᖃᕐᐳᓗ ᐃᒣᓕᑦᓱᓂ. “ᐃᓱᒪᒻᒥᔪᖓ ᐃᓱᐃᑦᑐᖔᒧᑦ ᐃᓚᖏᑦ ᓱᕐᕋᑕᐅᓂᖃᖃᑦᑕᓚᖓᒋᐊᖏᑦ, ᐃᓱᒪᒐᒪ ᕿᑐᕐᖓᑕ ᑕᑯᖃᑦᑕᓂᐊᓕᕐᑕᖏᓐᓂᒃ ᖃᐅᔨᒪᒐᑦᓯᒋᑦ ᑌᒃᑯᐊ ᑕᑯᑦᓴᐅᑎᑕᐅᓲᑦ YouTube-ᑯᓗ Tik-tok-ᑎᒍᓪᓗ, ᐃᓘᓐᓇᑎᒃᓗ ᖃᓪᓗᓈᕐᑎᑐᕐᑐᓱᑎᒃ. ᑭᓇᐅᓂᕋᐅᑎᑦᑎᓂᒃ ᓱᕐᕃᓂᖃᓚᖓᔪᑦ. ᐊᒥᓱᖕᖏᑐᒻᒪᕆᐅᒻᒪᑕ ᐃᓄᑐᐃᓐᓇᑎᑐᑦ ᐅᖃᐅᓯᖃᕐᓱᑎᒃ ᓴᓇᔭᐅᒪᔪᓂᒃ.”

ᑏᕆ ᑕᒍᕐᓈᖅ, ᑕᑯᑦᓴᐅᔪᑦᓴᓂᒃ ᓴᕐᕿᑎᑦᓯᓇᓱᑦᑎ, ᑕᒪᑐᖓ ᐃᓱᒪᒐᓱᒍᑎᖃᕐᓯᒪᒻᒥᔪᖅ. “ᐃᓱᒪᔪᖓᓕ ᒫᓐᓇ ᓱᑲᑦᑐᐊᓗᒻᒥᒃ ᓄᐃᑦᓯᒍᓐᓇᑐᒥᒃ ᖃᕆᑕᐅᔭᑎᒍᑦ ᐱᑐᑦᓯᒪᒍᑎᑖᕐᓯᒪᓕᕋᑦᑕ. ᐃᓱᒪᔪᖓ ᑕᒪᓐᓇ ᓵᒧᕐᑕᐅᓯᒪᓕᕆᐊᖓ ᐅᓪᓗᒥᓗ ᓯᕗᓂᑦᓴᑎᓐᓂᓗ ᐃᓗᓕᑦᓴᖏᓐᓂᒃ ᓴᕐᕿᑎᑦᓯᖃᑦᑕᓛᑐᓅᓕᖓᔪᓂᒃ. ᑭᓇᑐᐃᓐᓇᖅ ᑮᓇᐅᔭᖃᕈᓂ ᐃᓄᒃᑎᑑᕐᑐᓂᒃ ᑕᑯᓐᓇᕋᑦᓴᓕᐅᕈᑎᖃᕋᔭᕐᑐᖅ, ᐃᓱᒫᓗᓐᓇᕈᓐᓀᕆᐊᖓ ᐊᑕᐅᓯᕐᒥᓗᓐᓃᑦ ᒪᕐᕉᓂᓗᓃᑦ ᐃᕐᐸᑎᕆᒍᑎᑦᓴᑐ-ᐊᖃᕈᓐᓀᒪᑦ, ᑕᒐᓕ ᖃᓪᓗᓈᑦ ᓄᓇᖏᓐᓃᑐᑐᑦ ᓴᓇᒍᓐᓇᓕᕋᑦᑕ ᓇᒻᒥᓂᕆᓗᒋᑦ ᑕᑯᓐᓇᐅᔮᕋᑦᓴᓂᒃ, ᐅᖃᕐᐳᖓ ᐊᕐᖁᑎᐊᓗᒃ ᐅᒃᑯᐃᓯᒪᓕᕐᒪᑦ, ᐃᓄᐃᑦ ᐃᖏᕐᕋᓯᑐᐃᓐᓇᑌᓕᓕᕐᑐᑦ ᓴᕐᕿᑎᑦᓯᑲᑕᖃᑦᑕᕈᓐᓇᓕᕐᓱᑎᒃ.’”

Starlink/ᓯᑖᓕᖕᒃ ᖃᕆᑕᐅᔭᒃᑯᑦ ᑕᑯᓇᓱᑦᑕᐅᕕᖓ ᑐᑭᓯᓐᓇᐳᖅ ᓄᓇᕕᐅᑉ ᓄᓇᓕᖏᑦ ᐊᒻᒪᓗ ᐃᓘᓐᓇᑎᒃ ᑲᓇᑕᐅᑉ ᐅᑭᐅᕐᑕᑐᖓᓃᑦᑐᑦ ᐱᑐᑦᓯᒪᔪᐃᓐᓇᐅᓕᕐᖁᑦ, ᑕᕐᕿᓂ ᐊᒥᓱᑲᓪᓚᓂ ᐱᔭᐅᑦᓴᐅᑎᒋᓂᕐᓴᐅᓱᑎᒃ ᐅᓪᓗᓴᓕᐊᖑᓯᒪᓚᐅᔪᔪᑦ ᓯᕗᓂᖏᓐᓂ. ᑕᒫᓂᐅᑉ ᐱᑐᑦᓯᒪᐅᑎᒍᑎᖁᑎᖏᑦ ᐃᖏᕐᕋᓯᓚᐅᔪᔪᑦ 2022-ᒥ ᐅᑯᓇᓂᓄᓇᓐᓂ ᑰᒃᔪᐊᕌᐱᒃ, ᐅᒥᐅᔭᖅ, ᐊᒻᒪᓗ ᐳᕕᕐᓂᑐᖅ. ᐱᑐᑦᓯᒪᐅᑏᑦ ᐊᕗᖓᐅᓕᒋᐊᕐᓂᖃᓛᕐᑐᑦ ᐱᒋᐊᕐᓗᑎᒃ ᐊᐅᒡᒍᓯ 2023-ᒥᑦ ᐊᑯᓕᕕᒻᒥ, ᐃᕗᔨᕕᒻᒥ, ᓴᓪᓗᓂ ᐊᒻᒪᓗ ᖃᖏᕐᓱᔪᐊᒥ ᐊᑐᐃᓐᓇᕈᕐᓗᑎᒃᓗ ᓅᕕᒻᐱᕆ 023-ᖑᓕᕐᐸᑦ. ᐅᖓᕙᒥᐅᓪᓕ ᓄᓇᓕᖏᑦ, ᑲᑎᕕᒃ ᓄᓇᓕᓕᒫᑦ ᐅᖃᕐᑕᖏᒍᑦ ᐃᒣᓕᖓᓛᕐᓂᕋᕐᑕᐅᒪᕗᑦ “ᐃᒪᕐᐱᑯᕐᑐᒥ ᖃᐅᔨᓴᕐᓂᖅ ᐊᑐᑎᔭᓚᐅᔪᕗᖅ ᓄᐊᑦᓯᓂᐅᑦᓱᓂ ᐊᓪᓚᓯᒪᔪᖕᖑᐃᒍᑎᓂᒃ ᑲᕙᒪᒃᑯᓂᒃ ᐅᖃᖃᑎᒌᒍᑎᖃᕐᓂᓴᐅᑉ ᓯᕗᓂᖓᓂ ᑕᒪᒃᑯᐊ ᐱᓇᓱᑦᑕᐅᒍ-ᑎᑦᓴᖏᓐᓂᒃ ᑮᓇᐅᔭᖃᑎᑕᐅᒍᑎᑦᓴᑕᕋᓱᓐᓂᐅᑉ ᓯᕗᓂᖓᓂ“ ᓄᓇᐅᓪᓗ ᐃᒪᐅᓪᓗ ᐃᑭᐊᒎᕐᑐᓂᒃ ᐱᑐᑦᓯᒪᐅᑎᓕᐅᕐᓂᖅ ᑰᒃᔪᐊᒥ ᑲᒍᐊᒍᐊᑦᓯᑲᒫᖕᒧᑦ ᐱᑐᒍᑎᐅᓛᕐᒪ ᓯᕿᓂᕐᒥᐅᓄ. ᑕᒪᑐᒧᖕᖓᓕᖓᔪᑦᓭᑦ ᓯᕗᓂᑦᓴᓕᐅᕐᑕᐅᓯᒪᕗᑦ 2024-ᒥ ᐱᔭᐅᒐᔭᕐᓱᑎᒃ.