ᑐᓴᕋᑦᓴᓕᐊᕕᓃᑦ Gabriel Kim-ᒧᑦ ᓄᓇᓕᒻᒥ ᐃᑲᔪᕐᑎᓂᒃ ᐊᑕᐅᑦᓯᑰᕐᑎᓯᔨᒧᑦ, ᑫᓪᓗᒐᕐᓄᑦ (Skateboard-ᓄᑦ) ᓂᕆᐅᓐᓂᖃᕐᑎᓯᒐᓱᐊᕐᓂᒧᑦ ᐱᓇᓱᐊᕐᓂᒨᓕᖓᔪᑦ
2019-ᒥ, ᑯᐯᑉ ᓄᓇᕐᔪᐊᖓᓂ ᑕᕐᕋᖓᓂᓐᓂᐹᒥ/ᓂᒡᒋᐊᓂᓐᓂᐹᒥ ᓄᓇᓕᓐᓂᑦ, Flore Deshayes ᐊᑑᑎᔭᐅᓚᐅᕐᓯᒪᖕᖏᑐᒥᒃ ᓴᓪᓗᓄᕐᓯᓚᐅᔪᕗᖅ. ᐃᓄᓕᕆᔨᐅᑦᓱᓂ ᐅᕕᒃᑲᓂᒃ ᐃᓚᒌᓂᓪᓗ, ᐱᓇᓱᐊᕐᑎᓯᒍ ᑎᖃᕈᒪᑦᓱᓂ ᐃᓄᐊᐱᓐᓂᒃ ᐱᐊᕋᕐᓂᒃ/ᑲᒃᑲᓛᓂᒃ ᑎᒥᒥᒍᑦ ᐱᓕᐅᑦᔨᖑᐊᕐᑎᓯᒍᑎᑦᓴᓂᒃ ᓄᓇᓕᒻᒥᓂ. ᖃᓄᐃᖕᖏᓯᐊᕐᑎᓯᒐᓱᐊᕐᓂᒧᑦ ᐱᓇᓱᑦᑎᒥᒃ ᑲᑦᓱᐊᖅ ᓴᕕᐊᑦᔪᒥᒃ ᐃᓚᖃᕐᓱᓂ, ᑫᓪᓗᒐᕐᓄᑦ (Skateboard-ᓄᑦ) ᐱᓇᓱᐊᕐᑎᓯᒍᑎᒋᓚᖓᔭᒥᓂᒃ ᐱᐊᕋᕐᓂᒃ/ᑲᒃᑲᓛᓂᒃ ᐱᒋᐊᕐᑎᓯᓚᐅᔫᒃ ᓴᓪᓗᓂ. ᒪᓐᑐᔨᐊᓪᒥ ᑫᓪᓗᒐᕐᑎᓄᑦ ᑲᑎᒪᔨᐅᖃᑕᐅᒐᒥ “Skateboard and Chill”-ᒍᓂᕋᕐᑕᐅᔪᓄᑦ, Deshayes ᖃᐅᔨᔭᐅᑎᑦᓯᒍᒪᓚᐅᔪᖅ ᐊᓕᐊᒋᔭᖃᕐᓂᒥᓂᒃ ᑫᓪᓗᒐᖕᖑᐊᕆᐊᒥᒃ (Skateboard-ᓄᑦ). ᑌᒣᒻᒪᑦ ᐸᕐᓀᐸᓪᓕᐊᓯᓚᐅᔪᖅ ᐊᑐᐃᓐᓇᕈᕐᑎᕙᓪᓕᐊᓯᑦᓱᓂᓗ ᐱᓇᓱᐊᖃᑎᑦᓴᓯᐅᓯᑦᓱᓂ, ᑫᓪᓗᒐᕐᓂᒃ (Skateboard-ᓂᒃ) ᓂᐅᕕᕐᕕᑕᖃᑦᔭᑎᓐᓇᒍ ᓴᓪᓗᓂ, ᐊᒻᒪᓗ ᓄᑖᑦ ᑫᓪᓗᒉᑦ ᐊᑭᑐᔪᐊᓘᑦᓱᑎᒃ.
Deshayes ᐅᖄᕕᖃᓯᔪᕕᓂᖅ ᐊᓪᓚᕕᖃᑦᓴᕈᓂᓗ Betty Esperanza-ᒥᒃ, ᑫᓪᓗᒐᕐᓄᑦ (Skateboard-ᓄᑦ) ᓂᕆᐅᓐᓂᑖᕐᑎᓯᒐᓱᐊᕈᑎᑦᓴᓂᒃ ᓄᐃᓯᔪᕕᓂᖅ, ᐁᑦᑑᓯᐊᓂᒃ ᓄᐊᑦᓯᖃᑦᑕᓲᓄᑦ, ᐊᑐᕐᑕᐅᒍᓐᓇᓯᒋᐊᓪᓚᖃᑦᑕᓱᒋᓪᓗ ᐱᒋᔭᐅᒍᒣᕐᑐᕕᓃᑦ, ᐊᒻᒪᓗ ᑐᓂᕐᕈᓯᐊᓂᒃ ᐁᑦᑐᑕᐅᓲᒍᒻᒪᑕ ᑫᓪᓗᒐᕐᓂᒃ ᐱᐊᕋᕐᓄᑦ/ᑲᒃᑲᓛᓄᑦ ᑐᓂᕐᕈᑎᐅᓲᓂᒃ ᐁᑦᑐᑕᐅᓲᒍᒻᒪᑕ ᐊᒻᒪᓗ ᓄᓇᓕᓕᒫᓄᑦ ᓄᓇᕐᔪᐊᓕᒫᒥᓪᓗ ᐱᓯᒪᔪᓂᒃ ᑐᓂᕐᕈᓯᐊᖃᓲᒍᒻᒪᑕ. ᑫᓪᓗᒉᑦ ᐃᑲᔪᕐᓯᒪᓲᒍᒻᒥᒪᑕ ᐃᓱᒪᒥᒍᑦ ᑎᒥᒥᒍᓪᓗ ᖃᓄᐃᖕᖏᓯᐊᕋᓱᐊᕈᑎᑦᓴᓂᒃ, ᑕᒪᒃᑯᑎᒎᓇ ᓯᕗᓕᕐᑎᐅᓂᕐᒥᒍᑦ ᐊᒻᒪᓗ ᓇᒻᒥᓂᖅ ᐱᓇᓱᕝᕕᖃᕐᓂᒥᒍᑦ ᑮᓇᐅᔭᓕᐅᕋᓱᐊᕈᑎᒋᑦᓱᒍ ᐱᓇᓱᐊᕈᑎᒋᔭᒥᓂᒃ ᐊᑐᕐᓱᑎᒃ. ᓲᕐᓗ ᐃᓕᒐᓱᐊᕋᕐᑎᑐᑦ/ᐋᕐᕿᓱᒐᕐᑎᑐᑦ ᑕᒪᒃᑯᐊ ᒪᕐᕉᒃ ᐱᓇᓱᐊᕈᑎᖏᒃ ᑲᓱᕐᓯᐊᑐᐃᓐᓇᓚᐅᔫᒃ. ᐱᓇᓱᐊᖃᑎᒌᓕᕋᒥᒃ, Deshayes ᖁᓕᓪᓗ/ᑕᓪᓕᒪᐅᔪᕐᑐᓗ ᒪᕐᕉᓂᒃ (12-ᓂᒃ) ᑫᓪᓗᒐᕐᓂᒃ ᐋᓂᕆᒃᑯᑎᓂᓪᓗ ᐃᓗᐃᑦᑐᓯᐊᓂᒃ ᓴᓪᓗᓅᕐᑎᓯᒍᓐᓇᓯᓚᐅᔪᖅ. ᐅᓪᓗᖅ ᑌᓐᓇ ᓇᓪᓕᐅᑎᒻᒪᑦ, ᐊᕙᑏᒃ ᒪᕐᕉᒃ ᖁᓕᓪᓗ (50) ᐱᐊᕃᑦ/ᑲᒃᑲᓛᑦ ᓄᐃᓚᐅᔪᑦ ᑫᓪᓗᒐᕐᓂᒃ (Skateboard-ᓄᑦ) ᐆᑦᑐᕆᐅᒋᐊᕐᑐᑐᐃᑦ, ᐊᒥᓱᒻᒪᕇᑦ, ᐆᑦᑐᕆᐅᓚᐅᔪᑦ ᑫᓗᒐᕐᓂᒃ. ᑫᓪᓗᒉᑦ 12-ᑐᐃᓐᓇᐅᒪᑕ, Deshayes ᒪᕐᕈᐃᒍᓕᕐᑎᒋᐊᖃᓚᐅᔪᔭᖏᑦ ᐱᐊᕃᑦ/ᑲᒃᑲᓛᑦ ᐃᓕᓴᓚᖓᔭᖏᑦ ᖃᓄᖅ ᑫᓪᓗᒉᑦ ᐊᑐᕐᑕᐅᓲᒍᒻᒪᖔᑕ.
ᒪᓂᔨᓂᕐᒥᒍᑦ ᓄᑖᒥᒃ ᑕᒪᑐᒥᖓ ᐊᒻᒪᓗ ᓄᑖᒍᑦᓱᑎᒃ ᐱᓇᓱᐊᕈᑎᑦᓴᓂᒃ, Deshayes ᐃᓅᖃᑎᒋᔭᐅᒍᓐᓇᓯᑦᓯᐊᓚᐅᔪᖅ ᓲᓱᒋᔭᐅᑦᓯᐊᓯᑦᓱᓂ ᐅᕕᒃᑲᓄᑦ ᓄᓇᓕᒻᒥ ᐊᒻᒪᓗ ᐱᑐᑦᑎᓯᓪᓚᕆᑦᓱᓂ ᑭᖕᖒᒪᓇᓪᓚᕆᑦᑐᓂᒃ ᓄᓇᓕᒻᒧᑦ ᐱᑐᑦᓯᒪᒍᑎᐅᒍᓐᓇᑐᓂᒃ, ᑖᒃᑯᑎᒎᓇ Deshayes-ᓗ ᐊᒻᒪᓗ ᑲᑦᓱᐊᖅ ᓴᕕᐊᑦᔪᒃ ᐱᓇᓱᓐᓂᒥᒍᑦ ᐃᑲᔪᕐᓯᓚᐅᕆᓚᐅᔫᒃ. ᐱᒻᒪᕆᐅᓗᐊᖕᖑᐊᓚᐅᔪᒻᒥᔪᖅ Deshayes ᓴᐳᒻᒥᔭᐅᑦᓯᐊᓚᐅᔪᓂᖓ ᐱᐊᕋᕐᓄᑦ/ᑲᒃᑲᓛᓄᑦ ᐊᖓᔪᕐᖄᕆᔭᐅᔪᓄᑦ ᓴᐳᒻᒥᔭᐅᑦᓯᐊᓚᐅᔪᒻᒪᑦ, ᖁᕕᐊᓲᑎᖃᑦᓯᐊᓚᐅᔪᒻᒪᑕ ᐱᓇᓱᐊᕐᑎᓯᓂᖓᓂᒃ ᕿᑐᕐᖓᖏᓐᓂᒃ, ᑫᓪᓗᒐᕐᓄᑦ (Skateboard-ᓄᑦ) ᓱᖃᑦᓯᒍᑎᑦᓴᑖᕐᑎᑕᐅᓚᐅᔪᒻᒪᑕ. ᑕᒐᑕᒐ/ᒫᓐᓇ ᐊᑑᑎᔭᐅᓪᓚᕆᑦᑐᖅ
ᑕᒐᑕᒐ/ᒫᓐᓇ ᐊᑑᑎᔭᐅᓪᓚᕆᑦᑐᖅ
ᐃᓛᓂᐅᖕᖏᑐᒻᒪᕆᒃ, ᓄᕙᓐᓇᔪᐊᖅ ᐃᕐᐸᓯᒪᓂᖓᓄᑦ ᓇᒧᓖᒫᖅ ᑕᒪᑦᓱᒥᖓ ᐱᓇᓱᐊᕐᓂᖅ ᓄᕐᖃᖓᑎᑕᐅᓯᓚᐅᔪᖅ 2021 ᐊᕐᕌᒍᖓ ᑎᑭᐅᑎᖕᖏᓂᖓᓂ. ᑭᓯᐊᓂ Deshayes-ᓗ ᐊᒻᒪᓗ ᑲᑦᓱᐊᖅ ᓴᕕᐊᑦᔪᒃ ᐊᔪᐃᓐᓇᖏᓐᓇᕈᒪᓚᐅᔪᒐᒥᒃ ᑕᒪᑦᓱᒥᖓ ᐱᓇᓱᐊᕐᓂᕆᔭᒥᓂᒃ ᑲᔪᓯᑎᑦᓯᑐᐃᓐᓇᓚᖓᒍᒪᑦᓱᑎᒃ ᐅᖃᖃ-ᑎᒌᒍ ᑎᖃᓚᐅᔫᒃ ᓄᓇᓕᐅᑉ ᑲᕙᒫᐱᒃᑯᖏᓐᓂᒃ ᓯᓚᒥ ᑫᓪᓗᒐᕐᓄᑦ (Skateboard-ᓄᑦ) ᐱᖕᖑᐊᑎᑦᓯᕕᖃᕐᑎᑕᐅᖁᔨᑦᓱᑎᒃ ᑌᒫᑦᓭᓇᖅ ᐊᐳᑎᒥ ᓯᑐᕋᐅᑎᐅᑦᓱᑎᒃ ᑫᓪᓗᒐᕐᓄᑦ ᐱᖕᖑᐊᑎᑦᓯᖃᑦᑕᕈᒪᓚᐅᔪᒻᒪᓃᒃ (ᓯᑐᕋᐅᑎᓐᓄᓗ) ᐅᑭᐅᒍᓂᖓᓂ. ᐅᖓᓯᑦᑕᕇᒍᓐᓇᓂᕐᓴᐅᓗᑎᓪᓘᕈᓐᓇᒪᑕ ᓯᓚᒥ ᐱᐊᕃᑦ/ᑲᒃᑲᓛᑦ ᓴᓪᓗᒥᐅᑦ ᑎᒥᒥᒍᑦ ᐱᓕᐅᑦᔨᖑᐊᕈᑎᐅᒍᓐᓇᑐᓂᒃ ᐅᑭᐅᒍᓂᖓᓂ. ᑕᒪᓐᓇ ᐊᖏᕐᑕᐅᓯᒪᑦᓯᐊᓗᑯᓚᐅᔪᒻᒪᑦ ᑕᒐᑕᒐ/ᒫᓐᓇ ᐱᓇᓱᐊᕈᑎᐅᕙᓪᓕᐊᔪᖅ ᐊᒥᓱᓄᑦ ᐊᑦᔨᒌᖕᖏᑐᓄᑦ ᐃᑲᔪᕐᓯᒪᓚᖓᔪᓄᑦ ᑕᒪᑐᒥᖓ ᐱᓇᓱᐊᕐᓂᐅᔪᒥᒃ.
ᓯᕗᓂᕐᒨᐸᓪᓕᐊᓂᖅ
ᓐᓇ ᐱᓇᓱᐊᕐᑕᐅᓂᐅᓕᕐᑐᖅ ᑲᒪᒋᔭᐅᒍᓐᓇᓯᖁᑦᓱᒍ ᐅᕕᒃᑲᓄᑦ ᓯᕗᓕᕐᑕᐅᓗᓂ. ᑲᑦᓱᐊᖅ ᓴᕕᐊᑦᔪᒃ ᐃᑲᔪᕐᓯᒪᑎᓪᓗᒍ, ᑕᒪᑦᓱᒥᖓ ᐱᒋᐊᕐᑎᓯᓂᐅᓚᐅᔪᖅ ᓲᖑᓯᐅᒥᑎᑦᓯᒍᑕᐅᒍᓐᓇᓚᖓᔪᖅ ᓄᓇᓕᒻᒥ ᑕᒪᑐᒧᖓ ᐃᓚᐅᔪᓂᒃ. ᑕᒪᓐᓇ ᑎᒥᒃᑯᑦ ᑭᓯᐊᓂ ᐱᓇᓱᐊᕐᓂᑐᐃᓐᓇᐅᔭᖏᑦᑐᖅ ᐅᕕᒃᑲᓄᑦ; ᑫᓪᓗᒐᕐᒧᑦ (Skateboard-ᒧᑦ) ᐃᖏᕐᕋᔭᖕᖑᐊᓂᖅ ᓇᒻᒥᓂᖅ ᐃᓱᒪᒋᔭᒥᓂᒃ ᓄᐃᑦᓯᒍᑕᐅᒍᓐᓇᓲᒍᒻᒥᒪᑦ ᐊᐅᓚᒍᓯᕐᓂᒃ ᐊᐅᓚᑦᓯᒍᓯᕐᓂᓗ ᑫᓪᓗᒐᕐᒥᒃ. ᐃᒻᒥᓂᒃ ᐃᓂᕐᑎᕆᒋᐅᕐᓴᐅᑎᐅᒍᓐᓇᑐᖅ ᐊᒻᒪᓗ ᓴᐱᕐᕆᐊᑐᐃᓐᓇᑌᓕᒍᑎᐅᒍᓐᓇᓱᓂ, ᐅᑦᑑᑎᒋᓗᒍ, ᑫᓪᓗᒐᖅ ᐃᖏᕐᕋᑎᓪᓗᒍ ᒥᖕᖏᑕᕐᕕᐅᒍᓐᓇᑐᖅ, ᓴᐱᕐᓇᔭᖏᑦᑐᑦ ᐅᕙᑦᑎᓄᑦ ᑎᒥᓕᐅᑦᓱᑕ ᐃᓅᔪᓄᑦ! ᑫᓪᓗᒉᑦ (Skateboards) ᐊᑐᕐᓱᒋᑦ ᓂᕆᐅᓐᓂᖃᕐᑎᓯᒐᓱᐊᕈᑎᐅᕗᑦ ᑕᒪᒃᑯᑎᒎᓇ ᐱᓇᓱᐊᕐᓂᒧᑦ. ᐱᐊᕃᑦ/ᑲᒃᑲᓛᑦ ᑎᒥᒥᒍᑦ ᐃᓱᒪᒥᒍᑦ ᖃᓄᐃᖕᖏᓯᐊᕆᐊᖃᕐᓂᖏᑦ ᖁᕝᕙᑎᑦᓯᒐᓱᐊᕐᓃᑦ ᐱᑦᔪᑎᒋᑦᓱᒋᑦ ᐊᒻᒪᓗ ᐋᕐᕿᓱᒋᐊᓪᓛᑕᐅᔪᕕᓂᕐᓂᒃ ᑫᓪᓗᒐᕐᑖᕈᓐᓇᓯᑎᒐᓱᐊᕐᓱᒋᑦ ᓴᓪᓗᒥᐅᑦ ᐱᐊᕃᑦ/ᑲᒃᑲᓛᑦ. ᑫᓪᓗᒐᕐᓄᑦ (Skateboards-ᓄᑦ) ᓂᕆᐅᓐᓂᖃᕐᑎᓯᒐᓱ-ᐊᕐᓃᑦ ᑐᓂᓯᒪᒍᑕᐅᓪᓚᕆᑉᐳᑦ ᐃᑲᔪᕐᓯᒐᓱᐊᕈᑎᐅᑦᓱᑎᒃ ᐅᕕᒃᑲᓂᒃ ᓴᓪᓗᓂ, ᐊᓕᐊᓱᑦᑎᓚᕿᒐᓱᐊᕐᓱᒋᑦ ᐊᒻᒪᓗ ᐱᐊᕋᐅᓚᐅᕐᑐᑐᐃᓐᓇᑕᒪ ᐱᐊᕋᐅᓂᖏᓐᓂ ᐱᐊᕋᐅᑎᒐᓱᐊᕐᓱᒋᑦ. 2021 ᐊᕐᕌᒍᖓᓂ ᑕᑯᒍᒪᒐᔭᕆᐊᒥᒃ ᓂᕆᐅᓐᓂᖃᑦᓯᐊᓚᕆᑉᐳᒍᑦ ᐊᑦᓴᓗᐊᓕᓐᓄᑦ ᐃᖏᕐᕋᔭᖕᖑᐊᖃᑦᑕᓛᕐᓂᖏᓐᓂᒃ.
