2020

ᓕᓐᑕ ᐳᕌᓐ ᐊᓪᓚᑕᖏᑦ, ᐊᑐᐊᒐᓕᐅᕐᑎᐅᑉ, ᑐᑭᓯᓇᕐᑎᓯᔨᐅᑉ ᐊᒻᒪᓗ ᐱᓇᓱᒍᑎᐅᔪᓂᒃ ᐱᓇᓱᑦᑎᐅᓱᓂ, ᑲᓇᑕᒥ ᖃᖓᑦᑕᔫᓕᕆᕕᒻᒥ/ᑎᒻᒥᔫᓕᕆᕕᒻᒥ ᐊᒻᒪᓗ ᐊᓂᕐᓂᓴᖃᖕᖏᑐᒥ ᕿᓚᑦᑎᓂ ᑕᑯᔭᕐᑐᕕᒻᒥ

ᖁᓖᑦ/ᑕᓪᓕᒪᐅᔪᕐᑐᑦ ᐳᕐᑐᓂᕐᓴᒥᒃ ᐃᓕᓐᓂᐊᑏᑦ ᓄᓇᕕᒻᒥ, ᐱᕕᑦᓴᑖᓚᐅᔪᕗᑦ ᐃᓕᓐᓂᐊᑎᑕᐅᒍᑎᑦᓴᒥᓐᓂᒃ ᖁᕕᐊᓇᕐᑐᓂᒃ ᐱᒐᓱᕝᕕᓴᓂᒃ ᖃᖓᑦᑕᔫᓕᕆᓂᕐᒥᒃ/ ᑎᒻᒥᔫᓕᕆᓂᕐᒥᒃ ᐊᒻᒪᓗ ᐊᓂᕐᓂᓴᖃᖕᖏᑐᒥᒃ ᕿᓚᑦᑎᓂ ᐱᓇᓱᐊᕐᕕᒥᒃ ᐊᕐᖁᑎᖃᕐᓱᑎᒃ ᐅᓪᓗᓂ-ᐱᖓᓱᓂ ᖃᖓᑦᑕᔫᕐᑎᐅᓂᕐᒥᒃ ᐱᓇᓱᒐᑦᓴᔭᓂᒃ ᑐᑭᓯᓂᐊᕐᓂᑕᓕᒻᒥᒃ ᕿᒥᕐᕈᑎᑕᐅᓂᖃᕐᓱᑎᒃ.

ᐊᕐᖁᑎᒋᑦᓱᒋᑦ ᐱᓇᓱᖃᑎᒌᒍᑎᐅᔪᑦ ᐃᓄᐃᑦᑯᓄᓪᓗ, ᑲᓇᑕᒥᓗ ᖃᖓᑦᑕᔫᓕᕆᕕᒻᒥ/ᑎᒻᒥᔫᓕᕆᕕᒻᒥ ᐊᓂᕐᓂᓴᖃᖕᖏᑐᒥᓪᓗ ᕿᓚᑦᑎᓂᒃ ᑕᑯᕚᒃᑯᕕᐅᒍᑎᓕᒃ ᐊᒻᒪᓗ ᑲᑎᕕᒃ ᐃᓕᓴᕐᓂᓕᕆᓂᒃᑯᑦ, ᑖᒃᑯᐊ ᐅᕕᒃᑫᑦ – ᐃᓚᖃᕐᓱᑎᒃ ᓯᑕᒪᓂᒃ ᑲᒪᔨᒥᓐᓂᒃ – ᐱᒍᓐᓇᕕᖃᕐᑎᑕᐅᓚᐅᔪᕗᑦ ᓱᑲᑦᑐᒥᒃ ᐊᒥᓱᑲᓪᓚᓂᒃ, ᐱᓇᓱᒐᑦᓴᔭᓅᓕᖓᔪᓂᒃ ᕿᒥᕐᕈᑎᑕᐅᓂᖃᕐᓱᑎᒃ ᒪᓐᑐᔨᐊᒥᓗ ᐋᑐᒑᒥᓗ ᕕᕈᐊᕆ 2020-ᖑᑎᓪᓗᒍ.

“ᐃᓄᐃᑦ ᐃᓚᖏᓐᓄᑦ ᐃᓄᐃᑦᑯᑦ ᑎᒻᒥᔫᒍᓗᑐᐃᓐᓇᐅᕗᑦ, ᐊᓯᖏᓐᓄᓗ ᓯᕗᓂᑦᓴᐅᓱᑎᒃ!” ᐅᖃᕐᑐᖅ ᐄᓓ ᓄᑲᕐᓯᖅ. ᐊᐅᐸᓗ, 18-ᓂᒃ ᐅᑭᐅᓕᒃ ᐃᓚᐅᔭᕐᑐᓯᒪᓚᐅᔪᔪᖅ ᐃᒍᐊᕐᓯᕕᒃ ᐃᓕᓐᓂᐊᕕᒻᒥᑦ ᐳᕕᕐᓂᑐᒥᑦ ᐃᓕᓐᓂᐊᑎ. “ᐅᕙᓐᓄᓕ ᐃᓄᐃᑦᑯᑦ ᐊᕐᖁᑎᑦᓴᓯᐊᖑᕗᑦ ᓯᕗᓂᑦᓴᑎᓐᓂ ᐃᓄᑐᐃᓐᓀᑦ ᐅᕕᒃᑲᖏᓐᓄᑦ ᕿᑐᕐᖓᖏᓐᓄᓗ ᑎᒻᒥᔫᕐᑎᒍᕈᒪᔪᓄᑦ/ᖃᖓᑦᑕᔫᕐᑎᖑᕈᒪᔪᓄᑦ; ᓯᕗᓂᑦᓴᒥ ᖃᖓᑦᑕᔫᕐᑎᐅᓂᕐᒥᒃ ᐱᓇᓱᒐᖃᕋᔭᕈᒪᒐᒪ.”

ᓄᓇᕕᒻᒥᐅᑦ ᐅᕕᒃᑫᑦ ᓇᓗᓀᕐᑕᐅᓂᖃᓚᐅᔪᕗᑦ ᖃᖓᑦᑕᔫᓕᕆᓂᕐᒥᒃ ᐱᓇᓱᒐᖃᕈᒪᔪᑦ ᑐᑭᓯᓂᐊᕐᑎᑕᐅᓗᑎᒃ ᕿᒥᕐᕈᑎᑕᐅᓂᖃᕐᓂᐊᑎᓪᓗᒋᑦ ᑐᖕᖓᕕᒋᑦᓱᒋᑦ ᐊᓪᓚᑕᕕᓂᖏᑦ ᑐᓂᓯᒪᔭᖏᑦ, ᐊᓪᓚᑎᑕᐅᒍᑎᒋᓚᐅᔪᔭᖏᑦ ᐃᓄᐃᑦᑯᑦ ᓱᕐᕃᓯᒪᓂᖏᓐᓂᒃ ᓄᓇᓕᒻᒥᓂ ᐅᓂᒃᑳᑎᑕᐅᑦᓱᑎᒃ.

ᑲᓇᑕᒥ ᖃᖓᑦᑕᔫᓕᕆᓂᖅ/ᕿᓚᓕᕆᓂᖅ ᐱᔭᕆᐅᕐᑕᐅᒪᓂᖓᑕ ᐱᑐᑦᓯᒪᒍᑎᖏᑦ

ᕿᒥᕐᕈᑎᑕᐅᓂᖃᕐᓱᑎᒃ ᐊᕐᕕᑕᕐᓂᒥᓐᓂ ᑎᑭᐅᑎᕕᒋᑲᓪᓛᔭᒥᓄᑦ, ᐅᕕᒃᑫ ᑐᖕᖓᓱᑦᑎᑕᐅᖃᑦᑕᓚᐅᔪᕗᑦ ᐱᓇᓱᖃᑎᑦᑎᓄᑦ  ᐅᑯᓇᖕᖓᑦ  ᐱᓯᒪᔪᓄᑦ ᑲᓇᑕᒥ ᖃᖓᑦᑕᔫᓕᕆᓂᕐᓂᒃ/ᐊᓂᕐᓂᑕᖃᖕᖏᑐᒥ ᐱᒋᐅᕐᓯᒪᔭᒥᓐᓂᒃ ᐱᑐᑦᓯᒪᐅᑎᖃᑎᖃᕈᑎᓕᓐᓄᑦ. ᑖᒃᑯᐊ ᐱᑐᑦᓯᒪᐅᑎᓂᐅᔪᑦ ᐊᖏᓕᕙᓪᓕᐊᔪᑦ ᐅᐊᕈᑎᒌᕝᕕᐅᓱᑎᒃ ᑲᕙᒪᓄᑦ, ᐱᓇᓱᒐᖃᕐᕕᓄᑦ, ᐃᓕᓐᓂᐊᓂᓕᕆᕕᓐᓄᑦ, ᐃᓚᐅᒻᒥᑎᓪᓗᒋᑦ ᑕᑯᔮᒃᑯᕖᑦ ᑖᒃᑯᓭᓐᓇᓂᒃ ᓯᕗᓂᖃᖃᑕᐅᔪᑦ: ᐱᕙᓪᓕ- ᐊᑎᑦᓯᓇᓱᑦᓱᑎᒃ ᐅᕕᒃᑲᓂᒃ ᐱᓇᓱᒐᕐᓂᒃ ᐱᒐᓱᕝᕕᓴᖃᕆᐊᖓ ᖃᖓᑦᑕᔫᓕᕆᓂᖅ/ ᑎᒻᒥᔫᓕᕆᓂᖅ ᐊᒻᒪᓗ ᐊᓂᕐᓂᓴᖃᖕᖏᑐᒧᑦ ᑎᒻᒥᔫᕈᓐᓇᓂᕐᒨᓕᖓᔪᓂᒃ/ ᖃᖓᑦᑕᔫᕈᓐᓇᓂᕐᓅᓕᖓᔪᓂᒃ.

“ᐄᓓᒥᒃ ᑲᑎᓯᒋᐊᒥᒃ ᑐᓵᒋᐊᖏᓪᓗ ᐅᖃᐅᓯᑦᓴᖏᑦ ᐱᒍᒪᓂᖃᒻᒪᕆᑦᑐᑦ ᐃᓅᓯᕐᒥᓂ ᐱᒐᓱᒍᒪᑦᓱᒍ ᐆᒻᒪᒥᐅᑕᒥᓂᒃ ᑎᒻᒥᔫᕐᑎᐅᒍᒪᑦᓱᓂ/ᖃᖓᑦᑕᔫᕐᑎ- ᐅᒍᒪᑦᓱᓂ  ᐅᖄᑎᓪᓗᒍ  ᐊᖏᔪᒥᒃ   ᐊᑦᑐᑕᐅᒪᒍᑎᖃᑫᓐᓇᐳᖓ.”   ᐅᖃᕐᑐᖅ ᑯᕆᔅ ᑭᑦᔮᓐ, ᑲᔪᓯᒃᑫᔨ ᑲᓇᑕᒥ ᖃᖓᑦᑕᔫᓕᕆᓂᕐᓄᓗ ᐊᓂᕐᓂᓴᖃᖕᖏᑐᒥᓗ ᐱᑦᔪᑎᖃᕐᓱᓂ ᑕᑯᕚᒃᑯᕕᒻᒥ ᐋᑐᒑᒥᑦᑐᒥ. ᐅᖃᕐᒥᓱᓂᓗ ᐃᒫᒃ “ᑕᒪᒃᑯᐊ ᐅᕕᒃᑫᑦ ᓄᐃᑕᑎᑦᓯᒪᑕ ᐃᓘᓐᓇᑕ ᓂᕆᐅᓐᓂᓴᑦᑎᓂᒃ ᓯᕗᓂᑦᓴᑎᓐᓂ ᖃᖓᑦᑕᔫᓕᕆᓂᑎᒍᑦ ᐊᓂᕐᓂᓴᖃᖕᖏᑐᒥᓪᓗ ᕿᓚᒻᒥᒃ ᐱᓇᓱᐊᕐᓂᖃᕐᐸᓂᑦᑎᒍᑦ, ᑕᒐᑕᒐᐅᓕᕐᑐᖅ ᐱᓇᓱᑦᑐᓴᖃᑦᓯᐊᕈᓐᓀᓯᒪᓕᕐᑐᓂᒃ.”

ᖃᖓᑦᑕᔫᓕᕆᓂᕐᒥᒃ ᐱᓇᓱᒐᖃᕐᕕᐅᔪᓂᒃ ᕿᒥᕐᕈᔭᖃᕐᓂᐅᓱᓂ ᑕᑯᔭᕐᑐᓯᒪᓂ- ᐅᓚᐅᔪᔪᖅ ᐋᑐᒑᒥ ᐱᕙᓪᓕᐊᓂᖃᓯᓚᐅᔪᕗᖅ Aero Mag 2000-ᒥ ᖃᖓᑦᑕᔫᓂᒃ/ᑎᒻᒥᔫᓂᒃ ᓯᑯᐃᔦᕕᒻᒥ ᑭᖑᓪᓕᒥ ᑕᑯᓂᐊᓯᓚᐅᔪᒻᒥᔪᑦ ᑲᓀᑎᐋᓐ ᓄᐊᑦᑯᓐᓂᒃ, ᑕᒃᑲᓂ ᕿᒥᕐᕈᒋᐊᕐᑐᓯᒪᔪᑦ ᑕᑯᓐᓇᓚᐅᔪᔪᑦ ᐱᓇᓱᖃᑎᒌᑦᑐᓂᒃ ᖃᖓᑦᑕᔫᒥᒃ/ᑎᒻᒥᔫᒥᒃ ᑰᒃᔪᐊᓕᐊᕐᐸᑐᒥᒃ. ᑭᖑᓪᓕᒥ, ᐊᐅᓚᖃᑎᒌᑦᑐᑦ ᑕᑯᓂ- ᐊᓕᓚᐅᔪᒻᒥᔪᑦ ᖃᖓᑦᑕᔫᑎᒍᑦ/ᑎᒻᒥᔫᑎᒍᑦ ᐊᐅᓚᕙᑦᑐᑦ ᖃᐅᔨᓴᕐᑕᐅᕕᖓᓂᒃ ᑲᓇᑕᒥᐅᑦ ᖃᐅᔨᓴᕐᓂᒥᒃ ᐱᓇᓱᕝᕕᖓᓂ, ᑭᖑᓂᐊᒍᓪᓗ ᐁᓯᓚᐅᔪᒻᒥᓱᑎᒃᑲᓇᑕᒥᐅᑦ ᑕᑯᕚᒃᑯᕕᖓᓄᑦ ᓄᓇᐅᑉ ᐊᕙᑎᖓᓅᓕᖓᔪᓂᒃ ᑕᒃᑲᓂ ᑕᑯᓐᓇᓕᓚ- ᐅᔪᔪᑦ Canada Goose Arctic Gallery-ᒨᓕᖓᔪᓂᒃ ᕿᒥᕐᕈᑎᑕᐅᓂᖃᕐᓱᑎᒃ ᑲᓇᑕᒥ ᖃᖓᑦᑕᔫᓕᕆᕕᒻᒥ/ᑎᒻᒥᔫᓕᕆᕕᒻᒥ ᐊᒻᒪᓗ ᐊᓂᕐᓂᓴᖃᖕᖏᑐᒨᓕᖓᔪᓂᒃ ᑕᑯᕚᒃᑯᕕᒻᒥ, ᐅᕕᒃᑫᑦ ᑕᑯᓐᓇᑎᑕᐅᓚᐅᔪᒻᒥᔪᑦ ᓱᑯᐃᔦᒍᑎᓂᒃ ᐊᑦᑐᓗᑐᕈᓐᓇᑕᒥᓐᓂᒃ.

ᐆᑦᑐᕋᕐᑎᑕᐅᓚᐅᔪᒻᒥᓱᑎᒃᓗ ᑕᑯᕚᒃᑯᕕᐅᑉ Redbird FMX-ᒥᒃ ᖃᖓᑦᑕᔫᖕᖑ- ᐊᕈᑎᒥᒃ, ᐆᑦᑐᕋᕐᑎᑕᐅᑦᓱᑎᒃᓗ Minerva Prime-ᒥᒃ, ᐊᑑᑎᔪᓪᓗᑐᐊᓘᔭᕈᑎᐅᑦᓱᓂ ᐱᖕᖑᐊᕈᑎᒥᒃ ᑕᒐᑕᒐ ᓴᓇᔭᐅᔪᒥᒃ ᐳᕐᑐᓂᕐᓴᒋᐊᓪᓚᒥᒃ ᐃᓕᓐᓂᐊᕕᒻᒧᑦ ᐊᑦᓯᕋᐅᑎᖃᕐᓱᓂ ᐋᓪᑳᑯᐃᓐᒥᒃ. ᑕᑯᔭᕐᑐᓯᒪᔪᑦ ᑲᑎᓯᓚᐅᔪᒻᒥᔪᑦ ᐃᓕᓐᓂᐊᑎᓂᒃ ᐋᓪᑳᑯᐃᓐᒥ ᖃᖓᑦᑕᔫᓂᒃ/ᑎᒻᒥᔫᓂᒃ ᓯᖁᒥᑎᑦᓯᑌᓕᔨᐅᑦᓱᑎᒃ ᐱᓪᓗᑯᒋ-ᐊᓕᓕᕆᔨᑦᓭᑦ ᐃᓕᓐᓂᐊᒐᖏᓐᓂᒃ, ᐃᓕᓐᓂᐊᑕᒥᓐᓂᒃ ᐱᒐᓱᓗᐊᖕᖑᐊᓲᓂᒃ ᑕᑯᕚᒃᑯᕕᒻᒦᓱᑎᒃ.

ᒪᓐᑐᔨᐊᒥ, ᐅᕕᒃᑫᑦ ᑕᑯᓂᐊᕐᑎᑕᐅᓚᐅᔪᒻᒥᔪᑦ ᐃᓄᐃᒃᑯᑦ ᖃᖓᑦᑕᔫᖃ- ᐅᑎᖓᓂᒃ, Cosmodome-ᒥᒃ ᐊᒻᒪᓗ CAE Inc. ᑖᓐᓇ ᑭᖑᓪᓕᐹᖅ ᓴᓇᕕᐅᓲᖅ ᖃᖓᑦᑕᔫᖕᖑᐊᕈᑎᓂᒃ ᖃᖓᑦᑕᔫᕐᑎᐅᓂᕐᒥᓗ ᐱᒋᐅᕐᓴᔭᐅᒍᑎᓂᒃ. Airbus- ᑯᓐᓃᓱᑎᒃ, ᐊᕐᕕᑕᕐᑐᑦ ᐱᓪᓗᑯᒋᐊᓕᑎᒍᑦ ᑕᑯᔭᕐᑐᑎᑕᐅᓚᐅᔪᒻᒥᔪᑦ A220- ᖑᓂᕋᕐᑕᒥᒃ ᐱᓇᓱᒍᑎᒥᒃ – ᑐᓱᓐᓇᒪᕆᑦᓱᓂ, ᑕᑯᔭᐅᓪᓗᐊᓚᐅᕐᓯᒪᖕᖏᑐᒥᒃ ᑕᑯᓂᐊᕐᑎᑕᐅᑦᓱᑎᒃ.

ᐊᕐᕕᑕᕐᓂᖃᕐᓱᑎᒃ, ᐱᓇᓱᖃᑎᒌᑦᑐᓄᑦ ᐱᓯᒪᔪᓄᑦ ᑲᓇᑕᒥ ᖃᖓᑦᑕᔫᓕᕆᕕᒻᒥ/ ᐊᓂᕐᓂᓴᖃᖕᖏᑐᒥ ᐱᒋᐅᕐᑕᐅᒪᒋᐊᓕᓐᓂᒃ ᐱᑐᑦᓯᒪᐅᑎᔪᓂᒃ ᐱᓇᓱᕝᕕᓖᑦ ᑕᑯᔭᕐᑐᑎᑦᓯᓚᐅᔪᒋᕗᑦ ᐱᓇᓱᑦᑎᖁᑎᖏᓐᓂᒃ ᐊᑦᔨᒌᑦᑎᖏᑦᑐᓂᒃ ᐱᓇᓱᒐᓕᓐᓂᒃ. ᖁᕕᐊᒋᒻᒪᕆᓚᐅᔪᔭᖓᓕ ᐹᓴ ᓘᔾᔮᓐ ᑲᑎᓯᒋᐊᒥᒃ ᒥᓕᐊᓴ  ᙯᓂᒥᒃ,  ᐃᓄᐃᑦᑯᓂ ᖃᖓᑦᑕᔫᒥ/ᑎᒻᒥᔫᒥ ᐱᒪᔨᐅᓚᐅᑲᑦᓱᓂ ᖃᖓᑦᑕᔫᕐᑎᕈᓚᐅᕐᓯᒪᔪᒥᒃ/ ᑎᒻᒥᔫᕐᑎᕈᓚᐅᕐᓯᒪᔪᒥᒃ. ᙯᓂ ᓯᕗᓕᕐᑎᒋᔭᐅᒻᒥᔪᖅ Sparrows-ᑯᓐᓄᑦ. ᐃᓄᐃᑦᑯᑦ ᖃᖓᑦᑕᔫᕐᑎᐅᓂᕐᒥᒃ/ᑎᒻᒥᔫᕐᑎᐅᓂᕐᒥᒃ ᐱᒋᐅᕐᓴᑎᑦᓯᒍᑎᓂᒃ ᑐᕌᖓᑦᓱᑎᒃ ᓄᓇᕕᒻᒥᐅᓄᑦ.

“ᒥᓕᐊᓴ ᙯᓂ ᐱᒐᓱᐊᕈᒪᓕᕐᑎᓯᔨᒋᓯᒪᕙᕋ,” ᐅᖃᕐᑐᖅ ᓘᔾᔮᓐ, ᐳᕐᑐᓂᕐᓴᒥ ᐃᓕᓐᓂᐊᑎᐅᑦᓱᓂ ᔮᓂᒻᒪᕆᒃ  ᐃᓕᓐᓂᐊᕕᒻᒥ,  ᑰᒃᔪᐊᖅ  ᓄᓇᕕᒻᒥ.  “ᒥᓕ-ᐊᓴ ᖃᖓᑦᑕᔫᕐᑎᓄ/ᑎᒻᒥᔫᕐᑎᓄᑦ ᐊᖓᔪᕐᖃᕆᔭᐅᔪᖅ ᑖᔅ-ᓂ ᖃᖓᑦᑕᔫᓂ ᐃᓄᑐᐃᓐᓇᐅᓱᓂᓗ; ᐃᓕᓐᓂᐊᑎᑦᓯᔨᐅᒻᒥᓱᓂᓗ Sparrow-ᑯᑎᒍᑦ ᐱᓇᓱᒍᑎᓂ. ᐃᑦᔭᕋᑦᓴᓯᐊᖑᔪᖅ ᐅᕕᒃᑲᓄᑦ ᐃᓄᑐᐃᓐᓇᓄᑦ ᐊᕐᓇᓄᑦ ᐃᓱᒪᔪᓄᑦ ᖃᖓᑦᑕᔫᕐᑎᕈᒍᒪᑦᓱᑎᒃ.”

ᐃᓕᓐᓂᐊᑏᑦ ᓈᓚᒐᓱᑦᓯᐊᑐᑦ ᙯᓂ ᐅᖄᑎᓪᓗᒍ ᖃᓄᐃᓘᓱᖑᒻᒪᖔᕐᒥᒃ ᐃᓄᐃᑦᑯᓂ. ᐅᖃᐅᑦᔨᕗᕐᓗ ᐃᓕᓐᓂᐊᑎᓂᒃ ᐃᓕᓐᓂᐊᑕᒥᓐᓂᒃ ᐱᔭᕇᑦᓯᐊᖁᑦᓱᒋᑦ.ᐃᓱᒪᖃᕋᔭᖁᑦᓱᒋᓪᓗ ᖃᖓᑦᑕᔫᓕᕆᓂᕐᓂᒃ/ᑎᒻᒥᔫᓕᕆᓂᕐᓂᒃ ᐱᓇᓱᒐᑦᓴᔭᓂᒃ ᖃᖓᑦᑕᔫᓕᕆᓂᒃᑯᑦ, ᐃᓚᐅᑎᓪᓗᒋᑦ Sparrow-ᑯᑎᒍᑦ ᐃᓕᓐᓂᐊᑎᑦᓯᒍᑎᐅᕙᑦᑐᑦ.

ᐱᕈᕐᐸᓕᐊᑎᑦᓯᓂᖅ ᓯᕗᓂᑦᓴᑎᓐᓂ ᐱᓇᓱᑦᑎᐅᒍᒫᕐᑐᓂᒃ

ᖃᖓᑦᑕᔫᓂᒃ/ᑎᒻᒥᔫᓂᒃ ᐃᑯᒪᓕᐅᕈᑎᓕᐅᕐᓂᓄᑦ ᓴᓇᔨᐅᓂᕐᓄᓗ ᑎᑭᑦᓱᒍ ᑐᑭᓯᒪᓂᖅ, ᐆᑦᑐᕋᕐᓂᖅ ᐱᕙᓪᓕᐊᑎᑕᖃᕐᓂᓗ, ᑕᑯᔭᕐᑐᓯᒪᔪᑦ ᐃᓘᓐᓇᖏᓐᓂᒃ ᐊᑑᑎᔭᐅᑎᑕᐅᔪᓂᒃ ᖁᕕᐊᓱᐊᒍᑎᖃᖃᑦᑕᓚᐅᔪᕗᑦ ᐱᔪᒪᓂᕐᑕᖃᑦᑕᓱᑎᒃᓗ. ᐅᕕᒃᑫᑦ ᐃᓚᖏᑦ ᐱᔪᓐᓇᑕᒥᓐᓂᒃ ᑕᑯᓐᓇᑕᐅᑎᑦᓯᓱᑎᒃ ᖃᖓᑦᑕᔫᖕᖑᐊᕈᑎᓂᒃ ᐊᑐᕈᓐᓇᓂᕐᒥᓂᒃ ᐊᔪᒉᒋᔭᐅᖃᑦᑕᓚᐅᔪᕗᑦ ᐱᓇᓱᑦᑎᖏᓐᓄᑦ CAE inc-ᑯᑦ ᐊᒻᒪᓗ ᑲᓇᑕᒥ ᖃᖓᑦᑕᔫᓕᕆᔩᑦ/ᑎᒻᒥᔫᓕᕆᔩᑦ ᐊᓂᕐᓂᓴᖃᖕᖏᑐᒥᓗ ᐱᒐᓱᐊᕐᕕᖃᕐᓂᓄᑦ ᑕᑯᕚᒃᑯᕕᐅᑉ ᐱᓇᓱᑦᑎᖏᓐᓂᒃ.

ᖃᖓᑦᑕᔫᕐᑎᐅᓂᕐᒥᒃ/ᑎᒻᒥᔫᕐᑎᐅᓂᕐᒥᒃ ᐱᓇᓱᒐᖃᕐᓂᓄᑦ ᑐᑭᓯᓂᐊᕐᓂᒥᒃ ᐊᕐᕕᑕᕈᑎᖃᓚᐅᔪᔪᑦ ᖃᐅᔨᓚᐅᔪᕗᑦ ᑐᑭᓯᑦᓯᐊᓇᕆᐊᖓ ᐅᕕᒃᑯᓄᑦ ᓄᓇᕕᒻᒥᐅᓄᑦ ᒪᓕᑦᑎᖏᓐᓄᓗ; ᐱᒍᓐᓇᕕᐅᓚᐅᔪᒐᒥᒃ ᖃᓂᑦᑐᒥ ᑕᑯᑦᓯ- ᐊᖃᑦᑕᓂᕐᒥᒃ ᐊᖏᔪᐊᓗᓐᓂᒃ ᐃᓱᐊᖁᑎᓂᒃ ᐱᑕᖃᕆᐊᓕᓐᓂᒃ ᐱᑦᔪᔨᓂᐊᕈᑎᒥᒃ ᐅᓄᕐᑐᓂᒃ ᐃᓄᓐᓂᒃ ᑲᓇᑕᐅᑉ ᓯᕿᓂᐊᓂ. ᑭᓯᐊᓂᓕ ᐃᓄᓐᓄᑦ ᓄᓇᓯᒪᔪᓄᑦ ᐅᖓᓯᑦᑕᕇᓂ ᓄᓇᓕᓐᓂ, ᑕᒪᓐᓇ ᖃᖓᑦᑕᔫᖃᕐᓂᖅ/ᑎᒻᒥᔫᖃᕐᓂᖅ ᐋᓐᓂᐊᔪᓂᒃ ᐅᐃᒪᓇᕐᑐᖃᓕᕐᑎᓗᒍ ᐃᓅᒍᓐᓀᕆᒃᑯᑎᑦᓴᑐᐊᖑᒋᐊᖏᑦ.

13-ᖑᑦᓱᑎᒃ ᓄᓇᓕᕐᓚᐅᑉ ᓇᒻᒥᓂᕆᑦᓱᓂᒋᑦ ᒥᕝᕕᖁᑎᖏᑦ ᐱᑦᔪᔭᖃᕐᐸᑐᑦ ᑖᒃᑯᐊ ᐅᕕᒃᑫᑦ ᐅᖓᓯᑦᑕᕇᓂᒃ ᓄᓇᓕᖏᓐᓂ ᐊᑦᔨᐅᓂᐅᔭᖕᖏᓚᑦ ᑲᕙᒪᑐᖃᒃᑯᑦ ᒥᕝᕕᖁᑎᖏᓐᓄᑦ ᒪᓐᑐᔨᐊᒥ, ᐋᑐᒑᒥ, ᐃᖃᓗᓐᓂ ᐊᒻᒪᓗ ᑰᒃᔪᐊᒥ. ᓄᓇᕕᒻᒥ ᖃᖓᑦᑕᔫᑦ/ᑎᒻᒥᔫᑦ ᐅᔭᕋᓛᓂ ᓯᖃᓕᐊᓂ ᒥᕝᕕᖏᑦ ᓵᖕᖓᓯᕕᐅᒋᐊᖃᓲᖑᒻᒪᑕᓂᕐᔪᑎᓂᒃ, ᐊᓄᕆᐊᓗᓐᓂᒃ, ᐊᒻᒪᓗ ᐱᑕᖃᕋᑎᒃ ᖃᖓᑕᔪᓂᒃ ᑕᐅᑐᒍᑎᓂᒃ. ᑕᒪᒃᑯᐊ ᐅᖓᓯᑦᑕᕇᖑᑦᓱᑎᒃ ᒥᕝᕖᑦ ᓵᖕᖓᓯᒋᐊᖃᕐᐸᒥᔪᑦ ᓯᓚᐅᑉ ᐊᓯᑦᔨᕙᓪᓕᐊᓂᖓᓄᑦ ᓄᓇᐅᑉ ᐊᓯᕈᕐᑕᓂᖏᓐᓂᒃ; ᑕᑦᓯᓂᓪᓗ ᐃᖏᕐᕋᔪᐊᓗᓐᓂᒃ ᓴᕐᕿᑎᑦᓯᓲᖑᑦᓱᑎᒃ ᓯᑯᕐᔪᐊᕌᓗᐃᑦ ᓯᖁᑦᑎᑲᑦᑕᓂᖏᓐᓄᑦ ᐃᒪᕐᐱᐅᓗ ᓂᕈᒥᑦᓯᕙᓪᓕᐊᓂᖓᓄᑦ.

ᑕᒪᒃᑯᐊ ᑌᒣᑦᑐᑦ ᐳᐃᒍᕈᑎᑦᓴᐅᖏᓪᓚᑦ ᐱᓇᓱᑦᑕᐅᒋᐊᖃᓛᕐᑐᓂᒃ ᓯᕗᓂᑦᓴᑎᓐᓂ ᓄᓇᕕᒻᒥ ᐱᓇᓱᑦᑎᓴᐅᔪᓪᓗ ᓯᕗᓂᑦᓴᑎᓐᓂ, ᐃᓄᑐᐃᓐᓇᓄᓪᓗ-ᓇᒻᒥᓂᕆᔭᐅᔪᒥᒃ ᖃᖓᑦᑕᔫᓕᕆᓂᕐᓂᒃ/ᑎᒻᒥᔫᓕᕆᓂᕐᓂᒃ ᐱᓇᓱᒐᖃᕐᕕᓂᒃ. ᑲᔪᓯᔪᒥᒃ ᐱᓇᓱᑦᑏᑦ ᐱᑕᖃᕆᐊᖃᓛᕐᒪᑕ ᐱᕙᓪᓕᐊᑎᑦᓯᒍᑎᑦᓴᐅᓱᑎᒃ, ᐆᑦᑐᕋᖃᑦᑕᕈᑎᑦᓴᐅᓱᑎᒃᓗ ᑲᔪᓯᑎᑦᓯᒍᑎᐅᕙᓪᓗᑎᒃᓗ ᓄᑖᓂᒃ ᐋᕐᕿᒍᑎᑦᓴᑖᖑᖃᑦᑕᓚᖓᔪᓂᒃ ᓱᕐᖁᐃᑐᒥᒃ ᐱᓂᕐᓗᓂᕐᓂᒃ ᐊᑑᑎᒌᒃᑯᑎᐅᓗᑎᒃ ᐅᑭᐅᕐᑕᑐᒧᑦ ᐅᓯᑲᑦᑕᓗᑎᒃ ᓂᕿᑦᓴᓂᒃ, ᐅᐃᒪᓇᕐᓱᑎᒃ ᐅᓯᔭᐅᒋᐊᓕᓐᓂᒃ ᐊᒻᒪᓗ ᐱᑦᔪᔨᒍᑎᐅᕙᑦᑐᑦ ᓄᓇᓕᖏᓐᓂᒃ – ᑕᒪᕐᒥᒃ ᖃᖓᑕᕕᑦᓴᓕᐅᕐᑕᐅᒪᔪᓪᓗ ᐅᐃᒪᓇᕐᑐᓯᐅᕐᑐᓗ.

ᖃᒻᒥᑯᑦ, ᑯᐯᒃ ᑲᕙᒪᖓ ᑐᓴᕐᑕᐅᑎᑦᓯᓚᐅᔪᒋᕗᖅ ᑮᓇᐅᔭᕐᑐᕈᑎᖃᓛᕐᓂᕋᕐᓱᓂ $42.5-ᒥᓕᐋᓐᓂᒃ ᑎᑭᑦᑎᓗᒍ 2022 ᐊᕐᕌᒍᖓ ᓄᓇᕕᐅᑉ ᒥᕝᕕᖏᓐᓂᒃ ᓴᓇᒋᐊᓪᓛᒍᑎᒋᓛᑕᒥᓐᓂᒃ. ᑖᒃᑯᐊ ᓄᕗᐊᐱᑐᐃᓐᓇᐅᔪᑦ ᐱᑕᖃᕆᐊᖃᓛᕐᓱᑎᒃ ᐸᕐᓇᕈᑎᐅᒋᐊᓕᓐᓄᑦ ᐃᓕᖓᑦᓱᑎᒃ ᓯᕗᓂᑦᓴᒧᑦ. ᓯᕗᓂᑦᓴᖅ ᑕᐅᑐᑦᓱᒍ, ᐃᓱᒫᓗᐃᕐᓯᒪᒋᐊᖃᕐᐳᑦ ᑭᖕᖒᒪᓇᓪᓚᕆᑦᑐᓄᑦ ᑮᓇᐅᔭᕐᑐᕈᑎᖃᕐᓂᒥᒃ ᐃᓱᐊᖁᑎᑦᓴᓅᓕᖓᔪᓂᒃ ᐱᑕᖃᓪᓚᕆᒋᐊᖃᓛᕐᑐᓂᒃ ᓱᕐᖁᐃᑐᒥᒃ ᐱᑦᔪᔭᐅᓂᖃᑦᓯᐊᖁᓪᓗᒋᑦ ᓄᓇᕕᒻᒥᐅᑦ ᑭᖑᕚᕆᓛᕐᑕᖏᑦ.

10 ᐃᓕᓐᓂᐊᑏᑦ ᓄᓇᕕᒻᒧᑦ ᐅᑎᕐᓯᒪᓕᕐᓱᑎᒃ ᑭᖑᓂᐊᓂ ᑕᑯᔭᕐᑐᓂᕆᓚᐅᔪᔭᒥᓂᒃ, ᐊᑐᓂᑦ ᑕᑯᔭᕕᓂᕐᒥᓂᒃ ᓂᑦᔮᒍᑎᖃᖕᖑᓱᑦᑐᒪᕆᐅᓚ- ᐅᔪᕗᑦ ᑐᑭᓯᔭᕕᓂᕐᒥᓂᒃ ᐱᓪᓚᕆᐅᓂᖃᕆᐊᖓ ᖃᖓᑦᑕᔫᓕᕆᓂᖅ/ᑎᒻᒥᔫᓕᕆᓂᖅ ᖁᕕᐊᓱᒍ- ᑎᖃᕐᓱᑎᒃᓗ ᖃᐅᔨᒪᓕᕋᒥᒃ ᐊᒥᓱᓂᒃ ᐱᒐᓱᕝᕕᓴᑦᓯ- ᐊᖃᕆᐊᖓ.

“ᑎᒻᒥᔫᕐᑎᕈᒍᒪᕗᖓ/ᖃᖓᑦᑕᔫᕐᑎᖑᕈᒪᕗᖓ; ᑎᒻᒥᔫᖅ/ᖃᖓᑦᑕᔫᖅ         ᐃᕐᖃᐅᒪᑦᓯᒍᑎᒋᒐᒃᑯᑦ ᐃᓱᒪᒥᓐᓂᒥᒃ! ᐅᖃᕐᑐᖅ 15-ᓂᒃᐅᑭᐅᓕᒃ ᐊᑯᓕᐊ ᐊᓄᒑᖅ, ᐃᓕᓐᓂᐊᑎ ᑭᓘᑕᖅ ᐃᓕᓐᓂᐊᕕᒻᒥ ᐅᒥᐅᔭᒥ.   ‘ᑎᒻᒥᔫᕐᑎᐅᓕᕈᒪ/ᖃᖓᑦᑕᔫᕐᑎ- ᐅᓕᕈᒪ, ᐱᖓᓱᓂᒃᐅᖃᐅᓯᓂᖅ ᐅᖄᒍᓐᓇᓛᕐᐳᖓ; ᐃᓄᒃᑎᑐᑦ, ᒍᐃᒍᐃᑎᑐᑦ ᐊᒻᒪᓗ ᖃᓪᓗᓈᕐᑎᑐᑦ.

“ᐃᓚᒋᔭᐅᒍᒪᒐᒪ ᐃᓄᐃᒃᑯᑦ ᐃᓄᑐᐃᓐᓇᐅᓱᑎᒃ ᖃᖓᑦᑕᔫᕐᑎᖁᑎᖏᓐᓄᑦ/ᑎᒻᒥᔫᕐᑎᖁᑎᖏᓐᓄᑦ ᖃᖓᑕᖃᑦᑕᓛᕐᑐᓄᑦ ᑎᒻᒥᔫᓂ ᓯᕗᓂᑦᓴᑎᓐᓃᑐᓂᒃ, ᐃᖏᕐᕋᖃᑦᑕᓛᕐᑐᓂᒃ ᐅᕐᓱᐊᓗᑦᑐᕈᓐᓀᓗᑎᒃ.”