06/01/2020
ᖃᓂᒪᓇᕐᑐᖅ COVID-19 ᑯᐯᒃᒥ ᑲᕙᒪᒃᑯᓄᑦ, ᓄᓇᕕᒻᒥᓗ ᐃᓗᓯᓕᕆᔩᑦ ᑲᑎᒪᔨᖏᓐᓄᑦ ᓵᖕᖓᔭᑑᓯᑦᓱᓂ ᑲᒪᒋᔭᑑᓯᓚᐅᕐᖁᖅ ᐅᐃᒪᓇᕐᑐᓕᕆᔩᑦ ᑲᓄᕐᑐᕈᑎᖃᕋᓱᐊᓯᑎᓪᓗᒋᑦ.
ᑐᓴᕐᑎᓯᒍᑎᐅᖁᔭᐅᑦᓱᑎᒃ ᑐᓂᔭᐅᔪᕕᓃᑦ ᓄᓇᕕᓕᒫᒥ ᐃᓗᓯᓕᕆᔩᑦ ᑲᑎᒪᔨᒃᑯᖏᓐᓂᑦ ᐱᓯᒪᔪᑦ
ᖃᓂᒪᓇᕐᑐᖅ COVID-19 ᑯᐯᒃᒥ ᑲᕙᒪᒃᑯᓄᑦ, ᓄᓇᕕᒻᒥᓗ ᐃᓗᓯᓕᕆᔩᑦ ᑲᑎᒪᔨᖏᓐᓄᑦ ᓵᖕᖓᔭᑑᓯᑦᓱᓂ ᑲᒪᒋᔭᑑᓯᓚᐅᕐᖁᖅ ᐅᐃᒪᓇᕐᑐᓕᕆᔩᑦ ᑲᓄᕐᑐᕈᑎᖃᕋᓱᐊᓯᑎᓪᓗᒋᑦ. ᐃᑲᔪᕐᑎᒌᓚᖓᔪᐃᑦ ᐃᓚᖃᕐᑎᑕᐅᑎᓪᓗᒋᑦ ᐱᓇᓱᑦᑎᓂᒃ ᐃᓱᒪᒨᓕᖓᔪᓂᒃ ᐱᐅᓯᕐᓅᓕᖓᔪᓂᓪᓗ ᐱᓇᓱᑦᑏᑦ ᑭᖕᖒᒪᒋᔭᖏᑦᑎᒍᑦ, ᖃᓄᕐᓗ ᐅᐃᒪᓇᕐᑐᓕᕆᔪᐃᑦ ᖃᓄᐃᓗᖃᑦᑕᕆᐊᖃᕐᓂ- ᐊᒪᖔᑕ, ᑎᒥᒨᓕᖓᔪᓂᓗ ᐃᓗᓯᓕᕆᔩᑦ, ᑐᓴᐅᒪᖃᑦᑕᐅᑎᓕᕆᓂᒃᑯᓗ ᐅᐸᓗᙰᔭᖃᑦᑕᓚᐅᕐᒥᔪᑦ, ᐊᓯᖏᓐᓂᓗ ᖃᓄᐃᑦᑐᑐᐃᓐᓇᓂᒃ ᑲᒪᒋᔭᐅᒋ- ᐊᓕᓐᓂᒃ. ᐅᐃᒪᓇᕐᑐᓕᕆᔩᑦ ᑎᓕᔭᐅᒪᐅᑎᖃᕐᑐᑦ ᐱᑦᔪᔨᒍᑎᐅᒋᐊᓕᓕᒫᓂᒃ ᐊᑐᐃᓐᓇᐅᑎᑦᓯᓯᐊᕋᓱᐊᕐᓂᐊᑎᓪᓗᒋᑦ ᖃᓄᑐᕈᑎᐅᒋᐊᓕᓐᓂᒃ ᐃᓗᓯᓕᕆᕕᓐᓂ ᐊᑑᑎᔭᐅᒋᐊᓖᑦ ᐊᑑᑎᖃᑦᑕᓗᒋᑦ ᐊᒻᒪᓗ ᓄᓇᓕᓕᒫᓂ ᑎᒥᐅᔪᓂᒃ ᖃᓄᕐᑑᕈᑕ- ᐅᖁᔭᐅᔪᓂᒃ ᑐᓴᐅᒪᑎᑦᓯᖃᑦᑕᓗᑎᒃ. ᖃᓂᒪᓇᕐᑐᖅ ᓄᓇᕐᔪᐊᒥ ᖃᓄᕐᑑᕈᑕᐅᓂᖓ ᒪᓕᓪᓗᒍ, ᓄᓇᕕᒻᒥ ᐃᓗᓯᓕᕆᓂᕐᒧᑦ ᑲᑎᒪᔨᖏᑦ ᒪᓕᑦᓯᐊᖃᑕᐅᖃᑦᑕᓚᖓᔪᑦ ᐱᑦᔪᔨᒍᑎᐅᒋᐊᓖᑦ ᐋᕐᕿᒋᐊᕐᑕᐅᓯᒪᐅᑎᖏᑦᑎᒍᑦ. ᖃᓂᒪᓇᕐᑐᒧᑦ ᖃᓂᒻᒪᓯᒪᔪᓄᑦ ᓇᔪᕐᑕᐅᑫᓐᓇᖃᑦᑕᓚᖓᔪᓂᒃ ᐋᕐᕿᓱᐃᓯᒪᔪᐃᑦ ᐃᓘᓐᓇᓕᒫᖏᓐᓂᒃ ᓄᓇᓕᓐᓂ ᖁᓕᓪᓗ/ᑕᓪᓕᒪᐅᔪᕐᑐᓗ ᓯᑕᒪᓪᓘᓂᑦ (14-ᓂ).
ᐱᓇᓱᐊᕈᑎᐅᒋᐊᓕᓐᓂᒃ ᓱᓇᑐᐃᓐᓇᓂᒃ ᐊᑐᐃᓐᓇᖃᕐᑎᖃᑦᑕᓱᒋᑦ, ᐱᓇᓱᑦᑎᖃᑦᓯᐊᑎᒐᓱᐊᕐᓱᒋᑦ, ᐊᒻᒪᓗ ᑲᒪᕕᖃᑦᓯᐊᑎᒐᓱᐊᕐᓱᒋᑦ ᖃᓂᒪᓇᕐᑐᖅ ᐱᑦᔪᑎᒋᑦᓱᒍ ᐃᓗᓯᓕᕆᔩᑦ ᐱᑕᖃᕐᑎᑕᐅᑦᓯᐊᕋᓱᐊᖃᑦᑕᑐᑦ ᐱᓪᓗᑯᑦᑕᐅᒍᑎᐅᒋᐊᓖᑦ ᐃᓚᖃᕐᒥᒪᑕ ᐊᒥᓱᒻᒪᕆᐊᓗᓐᓂᒃ ᐃᓱᒪᒋᑦᓯᐊᒥᑦᓱᒋᑦ. ᐅᐃᒪᓇᕐᓯᓚᕆᑦᑐᐃᑦ ᑭᓯᐊᓂ ᐊᐅᓪᓚᑎᑕᐅᒍᓐᓇᖃᑦᑕᑐᑦ ᐋᓐᓂᐊᕕᓐᓄᑦ ᑲᒪᕕᑦᓴᖃᑦᓯᐊᓂᕐᓴᓄᑦ ᐊᒻᒪᓗ ᖃᖓᑦᑕᔫᕐᑏᑦ/ᑎᒻᒥᔫᕐᑏᑦ ᒫᓐᓇ- ᐅᓂᖓᓂ/ᑕᒐᑕᒐᐅᓂᖓᓂ ᐊᑐᐃᓐᓇᐅᑎᑕᐅᖃᑦᑕᓱᑎᒃ, ᖃᖓᑦᑕᔫᑦ ᖃᓂᒪᓇᕐᑐᒧᑦ ᖃᓂᒪᔪᓄᑦ ᑭᓯᐊᓂ ᐊᑐᕐᑕᐅᒍᓐᓇᑐᐃᑦ ᐊᑦᑕᓀᓪᓕᑎᕐᑕᐅᓯᒪᖃᑦᑕᒥᑦᓱᑎᒃ. ᐃᓄᓕᒫᑦ ᑐᓴᐅᒪᖃᑦᑕᐅᑎᓕᕆᒍᑎᓄᑦ ᑐᓴᐅᒪᑎᑕᐅᖏᓐᓇᓕᒫᖃᑦᑕᑐᑦ, ᓄᓇᕕᒻᒥ ᐃᓗᓯᓕᕆᔩᑦ ᑲᑎᒪᔨᖏᑦᑕ ᖃᕆᑕᐅᔭᑎᒍᑦ ᑕᑯᑦᓴᐅᑎᑦᓯᕕᖓᑎᒍᑦ ᐊᒻᒪᓗ ᓄᓇᓕᓐᓂ ᑐᓴᐅᑎᒃᑯᑦ ᓄᓇᓕᓕᒫᓂᓗ ᓈᓚᐅᑎᑎᒍᑦ ᓯᕗᓕᕐᑏᑦ ᐊᕐᖁᑎᒋᔭᐅᑎᓪᓗᒋᑦ ᓄᓇᓕᓕᒫᓂ ᑐᓴᕐᑎᓯᖃᑦᑕᑐᑦ ᖃᓄᐃᓕᖓᐅᓯᐅᓕᕐᒥᔪᓂᒃ ᐊᖑᒪᑦᓯᑎᑦᓯᓯᐊᕐᓱᑎᒃ ᓈᒻᒪᓈᕐᓯᒪᑦᓯᐊᑎᓪᓗᒋᑦ ᐊᒻᒪᓗ ᒫᓐᓇᐅᔪᖅ/ᑕᒐᑕᒐᐅᔪᖅ ᖃᐅᔨᒪᔭᐅᒋᐊᓕᓐᓂᒃ ᑐᓴᐅᒪᑎᑦᓯᓯᐊᖃᑦᑕᓱᑎᒃ. ᓄᓇᕕᒻᒥ ᐃᓗᓯᓕᕆᓂᕐᒧᑦ ᑲᑎᒪᔩᑦ ᒪᕐᕉᓂᒃ ᐅᖄᓚᕕᐅᒍᓐᓇᑑᓐᓂᒃ ᐃᓄᓐᓄᑦ ᒪᑐᐃᕐᓯᓯᒪᔪᑦ, ᐁᑉᐸᖓ ᐃᓘᓐᓈᓄᓕᖓᔪᓂᒃ ᖃᓄᑐᐃᓐᓇᖅ ᖃᐅᔨᒋᐊᕈᒪᔪᓄᑦ ᐅᖄᕕᐅᒍᓐᓇᑐᖅ ᐊᒻᒪᓗ ᐃᓱᒪᒨᓕᖓᔪᓂᒃ ᓴᐳᒻᒥᒐᓱᐊᕐᕕᐅᓱᓂ ᐊᒻᒪᓗ ᐁᑉᐸᖓ ᐅᖄᓚᕕᐅᒍᓐᓇᑐᖅ ᖃᓂᒪᓇᕐᑐᒧᑦ ᖃᓂᒪᓕᕐᑐᕆᔪᓄᑦ ᓇᐅᕐᓯᑐᕈᑎᒃ ᐅᖄᕕᐅᒍᓐᓇᖃᑦᑕᒥᔪᖅ.
ᐃᓄᓕᒫᑦᓯᐊᓂᒃ ᐃᓗᓯᓕᕆᓂᕐᒧᑦ ᒪᓕᒐᑦᓴᓕᐊᒍᓯᒪᔪᐃᑦ ᑐᖕᖓᕕᒋᑦᓱᒋᑦ, ᐊᒥᓱᐃᓂᒃ ᖃᓄᕐᑐᕈᑎᖃᑦᓴᐅᑎᒋᖃᑦᑕᓚᐅᕐᑐᑦ ᖃᓂᒪᓇᕐᑐᒧᑦᖃᓂᒪᒍᓇᐅᓕᕐᑐᓂᒃ. ᓇᔪᕐᑕᐅᖃᔦᕐᑎᖃᑦᑕᓱᒋᑦ ᓇᐅᑦᓯᑐᕐᑕᐅᓂᖏᓐᓂ. ᖃᐅᔨᓴᕐᑕᐅᒍᑎᕕᓂᖏᑦ ᖃᓄᐃᒻᒪᖔᑕ ᐅᑕᕐᕿᔪᐃᑦ ᐃᑉᐱᒋᔭᐅᑦᓯᐊᖃᑦᑕᑎᓪᓗᒋᑦ ᐃᓗᓯᓕᕆᒍᓐᓇᑐᓄᑦ. ᓱᕐᖁᐃᑕᐅᔪᖃᑐᐊᕐᒪᑦ ᖃᓂᒪᓇᕐᑐᒧᑦ ᖃᓂᒪᓕᕐᑐᒥ, ᖃᐅᔨᓴᕐᑕᐅᒋᐊᓪᓚᓯ- ᐊᖃᑦᑕᑐᑦ, ᐃᓄᓕᒫᓂᒃ ᐃᓗᓯᓕᕆᔨᓄᑦ. ᖃᓂᒪᑦᓱᑎᒃ ᑲᒪᒋᔭᐅᓕᕐᑐᐃᑦ ᐊᒥᓱᑲᓪᓛᓗᓐᓂᒃ ᐊᐱᕐᓲᑎᓂᒃ ᐊᐱᕐᓱᑕᐅᖃᑦᑕᑐᑦ ᐊᒻᒪᓗ ᑐᑭᓯᒐᓱᐊᑦᓯᐊᕈᑎᓂᒃ ᐊᐱᕐᓱᑕᐅᖃᑦᑕᒥᑦᓱᑎᒃ ᑲᑎᒪᖃᑦᑕᑕᕕᓂᖏᑦ ᓇᓪᓕᐊᒍᒻᒪᖔᑕ ᖃᐅᔨᓴᖃᑦᑕᐅᓱᑎᒃ ᐊᒻᒪᓗ ᓇᓗᓀᕐᓯᖃᑦᑕᓱᑎᒃ ᐊᑦᑕᓇᕐᑐᒦᑐᐃᓐᓇᕆᐊᓕᓐᓂᒃ ᓄᓇᕐᖃᑎᖏᓐᓂᒃ ᐁᑦᑐᑐᐃᓚᕿᑐᐃᓐᓇᕆᐊᓕᓐᓂᒃᖃᓂᒪᓇᕐᑐᒥᒃ.
ᐃᓄᓕᒫᑦᓯᐊᑦ ᓴᐳᒻᒥᔭᐅᒐᓱᐊᒋᐊᖃᕐᓂᖏᑦ ᐃᓱᒫᓗᑎᒋᔭᐅᓂᕐᐸᐅᖃᑦᑕᑐᑦ ᑐᑭᑖᕋᓱᐊᕈᑎᐅᒋᐊᓕᓕᒫᑦ ᑐᑭᑖᕋᓱᐊᕈᑎᐅᓕᑐᐊᕐᒪᑕ ᑕᒪᓐᓇ ᑲᑉᐱᐊᓇᕐᑐ- ᑰᕈᑕᐅᓕᕐᑎᓗᒍ. ᖃᖓᑦᑕᔫᑦ/ᑎᒻᒥᔫᑦ ᐊᐅᓚᒍᓐᓇᑎᑕᐅᓂᖏᑦ ᐃᑭᓪᓕᐅᒥᔭ- ᐅᓯᒪᓕᕐᓂᖏᑦ ᐃᑭᑦᑐᒪᕆᐅᑎᑕᐅᓕᕐᑐᑦ, ᐅᓯᒐᑦᓴᓂᒃ ᑭᓯᐊᓂ ᐅᓯᔪᐃᑦ ᖃᖓᑦᑕᕈᓐᓇᑎᑕᐅᖃᑦᑕᑐᑦ, ᐋᓐᓂᐊᕕᓕᐊᕐᑐᓄᑦ ᐃᓕᖓᔪᐃᑦ ᑭᓯᐊᓂ ᐊᐅᓪᓚᕈᓐᓇᑎᑕᐅᖃᑦᑕᒥᔪᑦ ᐊᒻᒪᓗ ᐱᓇᓱᑦᑏᑦ ᐊᑐᕐᑕᐅᒋᐊᖃᓪᓚᕆᑦᑐᐃᑦ ᑭᓯᐊᓂ ᐊᐅᓚᒍᓐᓇᑎᑕᐅᖃᑦᑕᒥᑦᓱᑎᒃ. ᑎᑭᑕᐅᑐᐃᓐᓇᖃᔭᖕᖏᑐᒥᐅᒍᑦᓱᓂ ᐊᕐᖁᑎᖃᖕᖏᑐᒥ, ᐊᕐᓱᕈᓐᓇᑑᓚᐅᕐᑐᖅ ᑐᑭᑖᕈᑎᒋᒐᓱᐊᕐᓱᒋᑦ ᑕᒪᒃᑯᐊ, ᑭᓯᐊᓂ, ᐊᑦᑕᓇᕐᑐᒨᕐᑎᓯᑦᑌᓕᒋᐊᖃᕋᑦᑕ ᖃᓄᑐᐃᓐᓇᖅ ᓄᓇᓕᓐᓂ ᐁᑦᑐᑑᑎᖃᕐᑎᓯᑦᑌᓕᒍᑎᑦᓴᓂᒃ ᐋᕐᕿᓱᕐᓯᒪᐅᑎᖃᖃᑦᑕᑐᒍᑦ ᓄᓇᕕᓕᒫᒥ.
ᑌᒣᑦᑐᑰᓕᕋᓗᐊᕋᑦᑕ, ᐅᐱᒍᓱᑦᓯᐊᐳᒍᑦ ᐃᓄᓕᒫᓄᑦ ᒪᓕᑦᑕᐅᖁᔭᐅᑦᓱᑎᒃ ᐅᓐᓂᑑᑎᐅᓯᒪᔪᐃᑦ ᐊᒻᒪᓗ ᖃᓄᐃᓘᕈᑎᐅᖁᔭᐅᔪᐃᑦ ᓇᓂᑐᐃᓐᓇᖅ ᒪᓕᑦᑕ- ᐅᓯᐊᒋᐊᖃᕐᓂᖏᑦ ᐊᔪᐃᓐᓇᕈᑕᐅᒐᓱᐊᕐᒪᑕ ᐱᕕᓕᒫᒥᑎᒍᑦ ᐊᑦᑕᓇᕐᑐᒦᖁᓇᑕ ᐃᓘᓐᓇᑕ. ᐃᓘᓐᓇᑕ ᐊᑐᓂ ᐊᔪᐃᓐᓇᓯᐊᕐᓗᑕ ᑕᒪᒃᑯᓂᖓ ᒪᓕᑦᓯᐊᑐᐃᓐᓇ- ᐅᑐᐊᕈᑦᑕ ᓄᓇᕕᒻᒥ ᑕᒪᑦᓱᒥᖔᓗᒃ ᐊᓂᒎᑎᒍᓐᓇᓯᐊᕐᖁᒍᑦ.
05/28/2020
ᐱᐊᓪ ᐃᓅᓯᕆᓚᐅᔪᔭᖓᓂᒃ ᓄᓇᖕᖑᐊᓕᐅᕐᑐᑎᑐᑦ ᐊᓪᓚᒐᓱᐊᕆᐊᒥᒃ — ᑌᒫᒃ ᐃᓄᑉᐹᓗᑎᒋᔪᒥᒃ ᐅᑭᐅᕐᑕᑐᒥ — ᐱᒐᓱᐊᒻᒪᕆᓐᓇᑑᕗᖅ. ᐅᓐᓂᓯᐅᕈᑎᑦᓭᑦ ᐱᐊᓪᒥᒃ ᐊᒥᓱᕋᑕᐅᕗᑦ, ᐊᓕᐊᓀᑦᑐᒪᕆᐊᓗᓐᓂᒃ ᐅᓂᒃᑲᐅᓯᑦᓴᑕᖃᕐᓱᑎᓪᓗ, ᐊᒻᒪᓗ ᐃᓅᓯᕐᒥᓂ ᐱᓇᓱᐊᕐᓯᒪᔭᖏᓐᓂᒃ ᐊᕐᕌᒍᓚᖓᔪᓂᒃ ᐊᓪᓚᓯᒪᐅᑎᐅᓚᖓᑦᓱᑎᒃ.
05/28/2020
ᐃᓄᐃᑦ ᖃᖓᑦᑕᔫᓕᕆᔨᖏᑦ ᓱᓇᒐᓚᖃᐅᑎᐅᑦᓱᓂ ᐅᓯᒐᑦᓴᓂᐊᕐᕕᒥᒃ ᐊᖏᓂᓕᒻᒥᒃ 21,000-ᓂᒃ ᓯᒃᑭᑕᐅᑦᓱᑎᒃ ᐃᑎᒐᓐᓂᒃ ᐅᒃᑯᐃᓯᓂᖃᓚᐅᔪᕗᑦ ᓇᑦᓯᓕᐅᑦ ᑕᕐᕿᖓᓂ (ᒫᑦᓯ) 15-ᒥ ᒪᓐᑐᔨᐊᓪ ᐱᐊ ᑐᕉᑑᑉ ᒥᕝᕕᖓᓂ ᑐᐊᕚᓪᒥ, ᑭᖕᖒᒪᓇᕐᑐᐃᑦ ᑲᔪᓯᐅᒐᑦᓯᐊᓗᑎᒃ ᐊᐅᓪᓚᑎᑕᐅᖃᑦᑕᖁᑦᓱᒋᑦ ᐊᒻᒪᓗᐃᓱᕐᕆᓂᕐᓴᐅᖃᑦᑕᖁᑦᓱᒋᑦ ᐅᑭᐅᕐᑕᑐᒥᑦᑐᑦ ᖃᓪᓗᓈᓪᓗ ᓄᓇᖓᓂᑦᑐᑦ.
05/28/2020
ᐅᕕᒃᑳᐱᐅᒐᓗᐊᕐᓱᓂ, ᐊᕙᑎ ᐊᑕᐅᓯᖅ ᐱᖓᓲᔪᕐᑐᓂᓪᓗ 26-ᓂᒃ ᐅᑭᐅᖃᕐᓱᓂ, ᐊᓖᓯᐊ ᐊᔭᒍᑕᖅ ᐊᑯᓂᑲᓪᓚᒃ ᐱᓇᓱᐊᕐᑐᓄᑦ ᐃᓚᒋᔭᐅᓯᒪᓕᕐᖁᖅ.