ᑭᐅᔭᐅᑦᔪᑎᖏᑦ 16: ᑐᖕᖓᕖᑦ ᒪᓕᑦᑕᐅᕙᑦᑐᑦ ᐱᔪᓐᓇᑎᑦᓯᓂᐅᓂᐊᕐᑐᓄᑦ ᐊᑐᕈᓐᓇᖁᓪᓗᒋᑦ ᐱᔪᓐᓇᐅᑎᒥᓐᓂᒃ ᐊᒻᒪᓗ ᐱᕙᓪᓕᖁᑎᑖᕐᑕᓗᑎᒃ ᑐᖕᖓᕕᒋᓗᒋᑦ ᔦᒥᓯ ᐯ ᐊᒻᒪᓗ ᑯᐯᒃ ᑕᕐᕋᖓᑕ ᐊᖏᖃᑎᒌᒍᑎᖏᓐᓃᑐᑦ ᑐᖕᖓᕕᖃᕐᐳᑦ ᐃᓅᑉ ᖃᓄᐃᓕᖓᓂᖓᓂ ᑭᓇᐅᓂᖓᓂᒃᓗ:
- ᑲᔪᓯᔪᒥᒃ ᓄᓇᓯᒪᓂᕋᐅᑎᒥᓂᒃ ᐊᓪᓚᑕᐅᑎᑦᓯᓯᒪᖏᓐᓇᖃᑦᑕᓂᕐᐸᑦ ᓄᓇᖁᑎᒥᓂ.
- ᐃᓂᓪᓓᒍᑎᖃᕐᓯᒪᑉᐸᑦ ᓄᓇᓯᒪᒍᑎᒥᓂᒃ ᓄᓇᖁᑕᐅᔫᑉ ᓯᓚᑖᓂ ᐊᕐᕌᒍᑦ ᖁᓕᑦ/ᑕᓪᓕᒪᐅᔪᕐᑐᑦ (10) ᐅᖓᑖᓂ ᑖᒃᑯᓇᖕᖓᓗᓐᓃᑦ ᐊᕐᕌᒍᓂᑦ ᐊᒥᓲᓂᕐᓴᓂ ᐱᑦᔪᑎᖃᕐᓱᓂ ᐃᓕᓐᓂᐊᓂᕐᒥᒃ, ᐃᓗᓯᕐᒥᓅᓕᖓᔪᒥᒃ ᐅᕝᕙᓘᓐᓃᑦ ᐱᓇᓱᒐᕐᒧᑦ ᐱᓇᓱᑦᑎᐅᓗᓂ ᐱᑐᑦᓯᒪᓗᓂᓗᓐᓃᑦ ᐱᓇᓱᒐᖃᕐᕕᒧᑦ ᑎᓕᔭᐅᒪᒍᑎᖃᕐᑐᒧᑦ ᖁᕝᕙᑎᕆᓂᐊᕐᓗᓂ ᐃᓄᐃᑦ ᖃᓄᐃᖕᖏᓯᐊᕐᑐᓴᐅᓂᖏᓐᓂᒃ ᓇᒻᒥᓂᖅ ᓄᓇᖁᑎᒥᓐᓂ (Rights and Benefits under JBNQA (c)).
- ᓄᓇᓯᒪᓂᕋᕈᑎᒥᓂᒃ ᐅᑎᕐᑎᑕᐅᑎᑦᓯᓗᓂ ᓄᓇᕕᒻᒥᒃ ᓄᓇᖁᑎᖃᕐᓂᒥᓄᑦ (Rights and Benefits under JBNQA (a));
ᐃᓄᑐᐃᓐᓀᑦ ᐱᕙᓪᓕᖁᑎᑖᕐᑕᑐᑦ ᓄᓇᓯᒪᕕᒋᔭᑦᓴᕕᓂᕐᒥ ᓯᓚᑖᓂ ᓄᓇᓯᒪᔪᑦ ᓄᓇᕕᐅᑉ ᓄᓇᖁᑖᑕ ᓯᓚᑖᓂ ᐱᑦᔪᔭᐅᓲᖑᕗᑦ ᑲᓇᑕᒥ ᐃᓗᓯᓕᕆᔨᒃᑯᓄᑦ ᐃᓕᖓᔪᓂᒃ ᐃᓗᓯᖃᑦᓯᐊᕆᐊᖃᕐᓂᖏᓐᓄᑦ ᑖᒃᑯᐊᓗ ᐱᒐᓱᒍᑎᓂᒃ ᑭᓯᑦᔪᑎᓂᒃ ᐃᓄᑐᐃᓐᓇᐅᒋᐊᒥᒃ ᓇᓗᓀᕐᑕᐅᒪᒍᑎᓂᒃ ᐱᒋᐊᖃᕐᐳᑦ ᐊᓪᓚᓯᒪᔭᐅᒍᑎᖏᑦ ᓯᕗᓪᓕᐹᓕᓐᓂᒃ N-ᒥᒃ ᑭᖑᓪᓕᖃᕐᓗᓂ ᓯᑕᒪᐅᔪᕐᑐᓂᒃ ᑭᓯᑦᔪᑎᓂᒃ. ᑌᒣᑦᑐᒥᒃ N-ᒥᒃ ᐱᒋᐊᕐᓂᓕᐅᑎᓕᒻᒥᒃ ᑭᓯᑦᔪᑎᑖᕈᒪᔪᑦ, ᐃᓄᑐᐃᓐᓇᐅᓱᑎᒃ ᐱᕙᓪᓕᖁᑎᑖᕐᑕᑐᑦᓴᔦᑦ ᖃᐅᔨᒋᐊᕐᕕᖃᕆᐊᖃᕐᐳᑦ ᑲᓇᑕᒥ ᐃᓗᓯᓕᕆᔨᒃᑯᓂᒃ (ᑯᐯᒃ ᓄᓇᖁᑎᖓᓅᓕᖓᔪᓂᒃ:
Health Canada/ᑲᓇᑕᒥ ᐃᓗᓯᓕᕆᔨᒃᑯᑦ
ᐅᖄᓚᐅᑎᖓᑦ (ᐊᑭᓕᕐᓯᒪᔪᖅ): 1-877-483-5501
ᐅᖄᓚᐅᑎᖓᑦ (ᒪᓐᑐᔨᐊᒥ): 514-283-5501