ᔫᓂ 3, 2013, ᑰᑦᔪᐊᖅ-ᒪᑭᕝᕕᒃ ᐱᔪᕆᒪᐅᑎᒋᑦᓱᒍ ᐅᐱᒋᔭᒻᒪᕆᖃᕐᐳᖅ ᐅᓛᔪ ᐱᓗᕐᑑᒥᒃ ᑕᑯᒥᓇᕐᑐᓕᐅᕐᑎᐅᓱᓂ ᓄᓇᕕᒻᒥᐅᒥᒃ, ᑕᑯᒥᓇᕐᑐᒪᕆᐊᓗᒻᒧᑦ ᑕᕐᓴᓴᓕᐊᕆᓚᐅᔪᔭᖓᓄᑦ ᑮᓇᐅᔭᐅᑦᓱᑎᒃ ᑭᑭᐊᖑᑦᓱᑎᓪᓗ 5-ᑖᓚᑖᕐᖃᒥᐅᓗᑎᒃ ᓄᐊᑖᑦᓴᔭᐅᓗᑎᒃ ᑕᕐᓴᕆᓂᐊᓕᕐᑕᖓᓄᑦ. ᐅᓛᔪ ᓄᓇᕕᒻᒥᐅᖑᑦᓱᓂ ᐃᓄᑐᐃᓐᓇᓂ ᓯᕗᓪᓕᐹᖑᔪᖅ ᓄᓇᕕᒻᒥᐅᔭᐅᑦᓱᑎᒃ ᓇᓪᓕᑳᔭᐅᔪᓂ ᑎᒃᑯᐊᑕᐅᓂᖃᕐᓯᒪᔪᓕᒫᓂᑦ ᑲᓇᑕᒥ ᑮᓇᐅᔭᓕᐅᕐᑎᑯᓐᓄᑦ ᖃᓪᓗᓈᕐᑎᑐᑦ ᑲᓇᑕᒥ ᕈᐁᓪ ᒥᓐF Rᓕᓯᖑᓗ ᓚᓂᓴᑎ ᓕᑯ ᕋᖑᓴᖑᖁᖑ-ᖑᓂᕋᕐᑕᐅᔪᓄᑦ.
ᐊᓪᓚᖑᐊᕐᑕᕕᓂᖓ ᐃᓄᑐᐃᓐᓇᖑᐊᖅ ᐊᒪᐅᓯᔭᕐᓱᓂ ᐃᖃᓗᒻᒥᒃ ᐊᓪᓗᐊᒥᖅ ᐊᒧᓯᔪᙳᐊᖅ, ᑕᒪᓐᓇ ᑲᓇᑕᐅᑉ ᐅᑭᐅᕐᑕᑐᖓᓂ ᑕᑯᑦᓴᐅᖏᓐᓇᓲᖅ ᐱᐅᓯᐅᑦᓱᓂ ᐃᓚᒌᓄᑦ ᓂᕿᑦᓴᓯᕐᑐᓄᑦ.
ᒪᑭᕝᕕᐅᑉ ᐊᖓᔪᖅᑳᖓ ᔫᐱ ᑕᕐᕿᐊᐱᒃ ᐅᖃᕐᑐᖅ ᐅᓚᔫᑉ ᓇᓗᓀᕐᑕᐅᓂᖃᕐᓂᖓ ᓄᓇᕕᒻᒥᐅᓕᒫᓄᑦ ᐱᔪᕆᒪᒍᑕᐅᒋᐊᖓ ᑲᔪᖏᕐᓴᕈᑎᐅᒋᐊᓪᓚᓱᓂᓗ ᐊᓯᖏᓐᓄᑦ ᑕᑯᒥᓇᕐᑐᓕᐅᕐᑎᓄᑦ ᑲᔪᓯᓂᖃᕐᓂᑯᑦ ᐃᓄᐃᑦ ᐃᓗᕐᖁᓯᖓᓐᓂᒃ ᖁᕝᕙᑎᕆᓂᕐᒥᒃ ᐊᕐᖁᑎᒋᑦᓱᒋᑦ ᖃᓄᐃᑦᑐᑐᐃᓐᓇᓕᒫᓂᒃ ᑕᑯᒥᓇᕐᑐᓕᐊᑎᒍᑦ ᑕᑯᑦᓴᐅᑎᑦᓯᓂᕐᒥᒃ.
ᑌᒫᑦᓭᓇᕐᑕᐅᖅ ᒪᑭᕝᕕᒃ ᓇᓗᓀᕐᑕᖃᕆᕗᖅ ᓀᑏᓐ ᓰᓐ-ᓗᐃᒥᒃ -ᑯᓐᓂᓗ ᑕᑯᓐᓇᕋᑦᓴᓕᐅᕐᑎᓂᒃ ᐅᖃᐅᓯᑦᓴᓯᐊᒥᒃ ᐱᓇᓱᒍᑦᔨᓂᕆᓚᐅᕐᑕᖏᓐᓄᑦ ᖁᕝᕙᑎᕆᓂᖃᕐᓱᑎᒃ ᓄᓇᓕᑐᖃᕐᓂᒃ, ᐱᓗᐊᕐᑐᒥ ᑕᒃᑰᓇ ᐃᓄᑐᐃᓐᓀᑦ ᑕᑯᒥᓇᕐᑐᓕᐊᕆᓲᖏᓐᓂᒃ, ᑕᑯᒥᓇᕐᑐᓕᐅᕐᑎᖁᑎᖏᓐᓂᒃ ᐃᓗᕐᖁᓯᖓᓂᓪᓗ ᐃᓄᓐᓄᑦ ᓲᕐᓗ ᐅᓛᔪ ᐱᓗᕐᑑᑎᑐᑦ ᑕᑯᑦᓴᐅᓂᖃᕐᓂᖏᒍᑦ ᑲᓇᑕᒥ ᓯᓚᕐᔪᐊᓕᒫᒥᒐᓴᓪᓗ.
ᐅᓛᔪ ᐱᓗᕐᑑᑦ ᑲᖏᕐᓱᔪᐊᒥᑦ ᐱᓯᒪᕗᖅ. ᑕᒐᑕᒐ ᑰᒃᔪᐊᒥᐅᖑᓲᖑᓕᕐᑐᑦ ᐱᓇᓱᑦᓱᓂ ᑲᑎᕕᒃ ᐃᓕᓐᓂᐊᓂᓕᕆᓂᕐᒧᑦ. ᐅᓛᔪ ᐱᔪᓐᓇᓂᖃᑦᓯᐊᑐᒻᒪᕆᐊᓘᑦᓱᓂ ᑕᑯᒥᓇᕐᑐᓕᐅᕐᑎᐅᔪᖅ ᖃᐅᔨᒪᔭᐅᑦᓯᐊᒥᑦᓱᓂᓗ ᓂᑦᔭᓗᑦᑖᑎᐅᓂᕐᒥᓄᑦFᓂᑦᔭᓗᑦᑖᕈᓯᓕᐅᓲᖑᓂᕐᒥᓄᓪᓗ ᑲᒃᑲᓛᑦFᐱᐊᕂᑦ ᐃᓄᒃᑎᑐᑦ ᓂᑦᔭᓗᑦᑖᕈᑎᑦᓴᖏᓐᓂᒃ. ᑕᒐᑕᒐᓗ ᐊᑭᓕᕐᑐᐊᖑᓇᓂ ᐃᓄᒃᑎᑐᑦ ᓂᑦᔭᓗᑦᑖᕈᓯᓂᓪᓗ ᑐᓴᕐᓂᔮᕐᑎᓯᒍᑎᓂᓪᓗ ᐃᓕᓐᓂᐊᑎᑦᓯᒍᑎᖃᓲᖑᕗᖅ ᓄᓇᕕᐅᑉ ᐅᕕᒐᕐᑐᖏᓐᓄᑦ.
ᖃᐅᔨᒋᐊᕈᒪᒍᕕᑦ:
ᒍᐃᓕᐊᒻ ᑕᒍᕐᓈᕐ
ᑐᓴᐅᒪᖃᑎᒌᑦᑎᓯᔨ
ᒪᑭᕝᕕᒃ
(819) 964-2925
wtagoona@makivik.org