ᔫᓂ 21, 2013ᒥ ᒪᑦᑐᔨᐊ, ᑯᐯᒃᒥ – ᒪᑭᕕᒃᑯᑦ ᐊᖓᔪᕐᖄᖓ, ᔫᐱ ᑕᕐᕿᐊᐱᒃ, ᑯᐯᒃ ᑲᕙᒪᖓᑕ ᐊᖓᔪᕐᖄᖓ, ᐹᓖᓐ ᒪᕈᐊ, ᐊᒻᒪᓗ ᓄᓇᖃᕐᖄᓯᒪᔪᑦ ᐊᓪᓚᕕᖓᑕ ᑲᒪᔨᖓ, ᐃᓕᓴᐱ ᓚᕉᔅ, ᐅᓪᓗᒥ ᐊᑎᓕᐅᕐᑐᑦ ᔦᒥᓯ ᐯ ᑯᐯᒃ ᑕᕐᕋᖓᑕ ᐊᖏᖃᑎᒌᒍᑎᐅᑉ 23 ᐊᑖᓂ ᐃᓚᒋᐊᕈᑎᒥᒃ. ᐊᑎᓕᐅᕈᑎᓖᑦ ᐃᓕᕐᖁᓯᖃᑎᒌᖕᖏᑐᑎᒍᑦ ᐱᓇᓱᐊᖃᑎᒌᓐᓂᑯᑦ ᑯᐯᒃᑯᑦ ᐊᖓᔪᕐᖄᖓᑕ ᐊᑐᐃᓐᓇᕈᕐᑕᕕᓂᖓᒍᑦ ᒪᓐᑐᔨᐊ ᐊᓪᓚᕕᖓᓂ.
ᑖᑦᓱᒥᖓ ᐊᖏᖃᑎᒌᒍᑎᖃᕐᓂᖅ ᐃᕗᔨᕕᒻᒥᐅᑦ ᓄᕗᒻᒥ ᓄᓇᒥ ᑎᒍᒥᐊᕐᑎᖁᑎᖏᓐᓂᒃ ᓄᓇᖁᑎᑖᕐᑎᓯᒍᑕᐅᓚᖓᔪᖅ ᑳᑎᑰᔨ I-ᒥᒃ. ᓄᓇᖁᑎᑖᕐᕈᑕᐅᓚᖓᒋᕗᖅ II-ᒥᒃ ᓄᓇᕕᒻᒥᐅᑦ ᐃᓄᖏᑦᑕ ᐆᒪᔪᕐᓂᐊᕕᒋᒍᓐᓇᓲᖓᓂᒃ, ᐊᓯᖃᕐᒥᑎᓪᓗᒍ,
“ᐅᓪᓗᒥ ᐊᑑᑎᓂᖃᕐᑐᒍᑦ ᓄᐃᑕᑎᑦᓯᓚᕆᑦᑐᒥᒃ ᓄᓇᑖᕐᓂᑯᑦ ᐊᖏᖃᑎᒌᓐᓂᖅ “ᐱᒋᐊᕐᓗᓂᓗ ᐃᓱᓕᑎᒌᕐᓗᒎᓘᖕᖏᑎᓪᓗᒍ” ᐱᕙᓪᓕᐊᖃᑎᒌᓐᓂᑯᑦ ᑯᐯᒃ ᑲᕙᒪᖓᓐᓂᒃ ᐊᒻᒪᓗ ᓄᓇᑖᕐᑐᓂᒃ ᐱᓇᓱᐊᖃᑎᖃᕐᓂᑯᑦ. ᓯᕗᓕᕐᑎᐊᕕᓂᕗᑦ ᔦᒥᓯ ᐯ ᑯᐯᒃ ᑕᕐᕋᖓᑕ ᐊᖏᖃᑎᒌᒍᑎᖓᓂᒃ ᐊᑎᓕᐅᕐᕕᖃᕐᓯᒪᔫᒐᓗᐊᑦ 38 ᐊᕐᕌᒍᑦ ᓈᔪᓂ, ᒫᓐᓇᐅᓕᕐᑐᓕ ᑕᒪᓐᓇ ᑲᔪᓯᔪᖅ ᓱᓕ” ᓚᑦᓱᓂ ᐅᖃᕐᑐᖅ ᔫᐱ ᑕᕐᕿᐊᐱᒃ ᒪᑭᕕᒃᑯᑦ ᐊᖓᔪᕐᖄᖓ.
ᓄᓇᖁᑎᑖᕆᔭᐅᔪᖅ ᑳᑎᑰᔨ I, ᐃᕗᔨᕕᐅᑉ ᕿᑎᖓᓂᑦ ᐱᒋᐊᕐᓱᓂ 40 ᑭᓛᒥᑕᓄᑦ ᐊᕙᓗᑦᓱᒍ ᑎᑎᕐᑕᐅᔪᖅ (40ᑭᓛᒥᑌᑦ, 24.9ᒣᓖᑦ), ᑲᑎᓪᓗᐊᓱᒍ 525 ᑭᓛᒻᑌᑦ ᓯᒃᑭᑕᓪᓗᐊᑦ.
ᓄᕗᒻᒥ ᓄᓇᒥ ᑎᒍᒥᐊᕐᑏᑦ ᐊᖓᔪᕐᖄᑖᖓ ᐋᑕᒥ ᖃᓕᖑ ᐅᖃᕐᑐᖅ “ᐃᕗᔨᕕᒻᒥᐅᖑᖃᑎᒃᑲ ᓄᓇᕕᒻᒥᐅᖑᖃᑎᑦᑎᓂᒃ ᑯᐯᒻᒥᐅᖑᖃᑎᑦᑎᓂᓗ ᐱᓇᓱᖃᑎᖃᕈᒪᓂᕐᒥᓂᒃ ᐅᖃᕐᓯᒪᔪᑦ. ᐊᑎᓕᐅᖃᑕᐅᒋᐊᒥᒃ ᐅᐱᒍᓱᒃᑯᖓ ᓄᓇᑦᑎᓂᒃ ᐱᑦᓴᑖᕐᕕᑎᓐᓂᓗ ᐊᐅᓚᑦᓯᖃᑎᐅᓂᐊᓕᕆᐊᑦᑕ.”
ᑐᑭᓯᒋᐊᓪᓚᕈᒪᒍᕕᑦ ᐅᕗᖓ ᑐᑭᓯᒋᐊᕈᓐᓇᖁᑎᑦ:
ᒍᐃᓕᐊᒻ ᑕᒍᕐᓈᒃ
ᑐᓴᐅᒪᖃᑎᒌᓐᓂᑯᑦ ᐱᓇᓱᑦᑎ
ᒪᑭᕕᒃ ᑯᐊᐳᕇᓴᒥ
819.964.2925
wtgaoona@makivik.org