ᑰᑦᔪᐊᖅ, ᑯᐯᒃ, ᒪᑦᔨ 1, 2013 – ᐃᓱᒪᒋᑦᓱᒋᑦ ᑯᐯᒃᑯᑦ ᑲᕙᒪᖓᓂᒃ ᑮᓇᐅᔭᕐᑖᑦ ᓈᒻᒪᕈᓐᓀᓂᖏᑦ ᐊᑭᓖᒍᑎᒋᓗᒋᑦ ᑮᓇᐅᔭᕐᑑᑎᓂᒃ ᐱᖓᓲᔪᕐᑐᓄᑦ ᐃᓅᓯᐅᑉ-ᐊᑭᑐᓂᖓᓂᒃ ᐃᑯᓪᓚᑎᑦᓯᒍᑎᒋᑦᓱᒋᑦ ᐋᕐᕿᓯᒪᒍᑕᐅᕙᑦᑐᓄᑦ ᓄᓇᕕᐅᑉ ᐃᓗᐊᓂ, ᒪᑭᕝᕕᒃ ᐊᒻᒪᓗ ᑲᑎᕕᒃ ᓄᓇᓕᓕᒫᑦ ᑲᕙᒪᖓ 9ᕗR(0 ᐊᓯᑦᔨᑐᐃᓗᑎᒃ ᑭᓯᐊᓂᐅᓕᕐᑐᑦ ᑕᒪᒃᑯᐊ ᐋᕐᕿᑕᐅᓯᒪᔪᑦ ᐃᓚᖏᓐᓂᒃ. ᑕᒪᒃᑯᐊ ᐊᓯᑦᔨᕈᑏᑦ ᑌᒣᒋᐊᖃᓚᕿᕗᑦ ᑮᓇᐅᔭᕐᑐᓂᖅ ᖄᖏᐅᑎᓂᐊᖁᓇᒍ ᑮᓇᐅᔭᓂᒃ ᑕᒪᒃᑯᓄᖓ ᒪᓂᔭᐅᒪᔪᓂᒃ.
ᓄᓇᕕᒻᒥ ᐃᓅᓯᐅᑉ-ᐊᑭᑐᓂᖓᓂᒃ ᐃᑯᓪᓚᑎᑦᓯᒍᑏᑦ ᐱᒍᒪᔭᐅᓂᖓᑦ ᐱᕈᕐᐸᓕᐊᓯᒪᑐᐃᓐᓇᑐᖅ ᑌᒪᙵᑦ ᓄᐃᑕᐅᓚᐅᔪᒻᒪᑕ 2007-ᒥ. 2013-2014-ᒥ, ᑯᐯᒃᑯᑦ ᑲᕙᒪᖓᑕ ᑮᓇᐅᔭᖃᕐᑎᓯᐅᑎᖏᑦ ᑖᒃᑯᓂᖓ ᐋᕐᕿᓯᒪᒍᑎᓂᒃ R5 ᒥᓕᐊᙳᓚᖓᔪᑦ. ᒪᑭᕝᕕᒃ ᐊᒻᒪᓗ ᕗR(-ᑯᑦ ᐱᕕᖃᕐᓂᓕᒫᖓᓄᑦ ᐊᔪᐃᓐᓇᓚᖓᔪᑦ ᐊᑯᓂᐅᔪᒧᑦ ᐋᕐᕿᓯᒪᒍᑎᑦᓴᒥᒃ ᕿᓂᕐᓗᑎᒃ ᐃᓅᓯᐅᑉ ᐊᑭᑐᔪᒻᒪᕆᐅᓂᖓ ᐱᑦᔪᑎᒋᓗᒍ ᓄᓇᕕᐅᑉ ᐃᓗᐊᓂ.
ᖃᖓᑦᑕᔫᒃᑯᑦ ᐃᑭᒍᑎᓂᒃ ᐃᑭᓪᓕᑎᕆᐅᑎᐅᑉ ᐊᑖᒍᑦ, ᐅᑎᕐᑎᑕᐅᔪᑦ ᐃᑭᓪᓕᒋᐊᖓᔪᑦ 50-ᒥᒃ 30&-ᒨᕐᓗᑎᒃ ᐊᑐᓂ ᐃᑭᒍᑎᒧᑦ ᐊᑐᓂᓗ ᐃᓄᒻᒧᑦ, ᑎᑭᒍᓐᓇᓗᒍ ᐅᓄᕐᓂᐹᖓᑎᒍᑦ R1050-ᓄᑦ ᐊᕐᕌᒍᓕᒫᒥ ᑕᒪᓐᓇ ᐊᑐᕐᑎᓗᒍ ᐃᓚᑦᓱᒍᓱᓐᓂᑯᑦ ᐊᒻᒪᓗ ᐱᐅᓯᑐᐃᓐᓇᑯᑦ ᐊᐅᓪᓚᕈᑎᓄᑦ ᑕᒪᖏᓐᓄᑦ. ᐅᓯᒍᑎᓄᑦ ᐃᑲᔪᕐᓯᐅᑎᐅᑉ ᐊᑖᒍᑦ, ᐃᑲᔪᕐᓯᐅᑏᑦ ᓄᓇᒃᑰᔫᓂᒃ ᐊᒻᒪᓗ ᐱᓇᓲᑎᒐᓚᓐᓂᒃ ᐊᑐᕐᓂᐊᕈᓐᓀᑐᑦ.
ᐊᐅᓚᑦᔭᕈᑎᒋᑦᓱᒍ ᖃᒻᒥᑯᑦ ᓄᖑᑎᕆᓂᐅᓚᐅᔪᔪᒧᑦ ᓂᕿᑖᕈᑏᑦ ᓯᑯᑦᓴᔮᐱᖏᓐᓂᒃ (ᐃᒻᒥᒎᕐᑐᓂᒃ ᑮᓇᐅᔭᖃᓚᐅᔪᔪᑦ ᓄᓇᓕᓕᒫᓂ ᐃᓅᓯᐅᑉ-ᐊᑭᑐᓂᖓᓄᑦ ᑐᕌᖓᒻᒥᓱᑎᒃ), ᒪᑭᕝᕕᒃ ᐊᒻᒪᓗ ᕗR(-ᑯᑦ ᑐᑭᑖᓚᐅᕐᒥᔪᑦ ᐅᓄᕐᓯᐅᒥᑎᑦᓯᓚᖓᑦᓱᑎᒃ ᐊᑭᓕᐅᑎᓂᒃ ᐃᓄᑐᖃᕐᓂᒃ ᐃᑲᔪᕐᓯᐅᑏᑦ ᐊᑖᒍᑦ ᑖᒃᑯᐊ R500-ᖑᕙᑦᑐᑦ R750-ᙳᓗᒋᑦ ᐊᕐᕌᒍᒥ, ᑭᓯᐊᓂ ᐱᔪᓐᓇᑐᑑᑎᓪᓗᒋᑦ ᐃᓄᒻᒪᕇᑦ ᔦᒻᔅ ᐯᒥ ᐊᒻᒪᓗ ᑯᐯᒃ ᑕᕐᕋᖓᓂ ᐊᖏᖃᑎᒌᓐᓂᒧᑦ ᐃᓚᐅᔪᑦ. ᒪᑯᐊᓕᑦᑕᐅᖅ, ᓂᕿᓄᑦ ᐃᑲᔪᕐᓯᐅᑏᑦ, ᐅᕐᓱᐊᓗᒻᒧᑦ ᐃᑲᔪᕐᓯᐅᑏᑦ, ᐅᓯᒍᑎᓄᑦ ᐃᑲᔪᕐᓯᐅᑏᑦ ᑐᕌᖓᔪᑦ ᐃᓪᓗᒥ ᐱᐅᓕᓐᓂᐊᒐᕐᓄᑦ ᐊᒻᒪᓗ ᐱᐅᒡᒍᑎᓄᑦ, ᐊᒻᒪᓗ ᐃᑲᔪᕐᓯᐅᑏᑦ ᑐᕌᕐᑐᑦ ᐃᓄᐃᑦ ᓂᕿᑦᓴᓂᐊᕐᓂᖏᓐᓄᑦ ᓱᕐᕋᓚᖓᑦᔭᖏᑦᑐᑦ.
ᐱᒻᒪᕆᐅᒋᕗᖅ ᐃᑉᐱᒍᓱᓪᓗᓂ ᐊᒥᓲᓂᕐᓭᑦ ᓄᓇᓕᓕᒫᓄᑦ ᑎᒥᒻᒪᕆᐅᔪᑦ ᐊᖏᕐᓯᒪᓂᖏᓐᓂᒃ ᐅᕐᓱᐊᓗᒻᒥᒃ ᐃᑲᔪᕐᓯᐅᑏᑦ ᐱᓂᐊᕐᓂᖃᕈᑎᖓᓄᑦ ᐅᑎᕐᑎᓯᖃᑦᑕᓂᐊᕐᓱᑎᒃ ᑌᒃᑯᓂᖓ 21$×ᓂᒃ-ᐊᑐᓂ-ᖃᓪᓗᑎᐊᐱᒻᒧᑦ ᑮᓇᐅᔭᑐᖏᒍᑎᒥᓐᓂᒃ ᐅᕐᓱᐊᓗᑦᑑᒪᓂᕐᒥᓄᑦ ᓄᓇᓖᑦ ᐃᓗᐊᓐᓂ. ᑕᒪᓐᓇ ᐱᐅᓯᕆᓂᐊᓯᔭᖓᑦ ᐃᑲᔪᕐᓯᓚᖓᔪᖅ ᒪᑭᑕᑦᓯᒍᓐᓇᓂᕐᒥᒃ ᐅᓪᓗᒥ ᐅᕐᓱᐊᓗᒻᒧᑦ ᐃᑲᔪᕐᓯᐅᑎᐅᕙᑦᑐᓂᒃ ᐊᑐᓂ ᓄᓇᕕᒻᒥᐅᑦ ᐃᓄᐃᑦ ᐅᕐᓱᐊᓗᓐᓂᕕᐊᕕᒻᒥ ᐱᕙᑦᑕᖏᓐᓂᒃ ᑎᑭᓪᓗᒍ ᖃᒻᒥᐅᓂᕐᐹᖓᓂ ᐊᐅᒡᒍᔅᑎ 31, 2013-ᒧᑦ.
ᖃᐅᔨᒪᒍᑎᑦᓴᒋᐊᓪᓓᑦ ᑕᒪᒃᑯᐊ ᐱᖓᓲᔪᕐᑐᑦ ᓄᓇᕕᒻᒥ ᐃᓅᓯᐅᑉ-ᐊᑭᑐᓂᖓᓂᒃ ᐃᑯᓪᓚᑎᑦᓯᒍᑏᑦ ᒥᑦᓵᓄᑦ ᐱᔭᑦᓴᐅᕗᑦ ᐅᕙᙵᑦ ᓱᑎᑎᔨ:ᔭᔦᐃᐃ.ᓄᑭᑐ.ᖃᖑᔭᕿᓴᔭᖃᓕᐅᑎ-ᓕᑯ-ᓗᓂᑲᓂᓴᑐ-ᔨᑭᓕᑐᑭᖑᒪ. ᐊᓯᑦᔨᕈᑎᓕᒫᑦ ᐊᑐᕆᐊᓯᓚᖓᔪᑦ ᐁᕆᓕ 1, 2013-ᒥ.
ᕗR(-ᑯᑦ ᐃᓄᑦᓴᔭᓪᓗᑯᓄᑦ ᐊᑕᐅᓰᓄᑦ ᑐᕌᖓᒐᑎᒃ ᐃᓄᓕᒫᓄᑦ ᑎᒥᐅᕗᑦ ᐱᙳᑎᑕᐅᓯᒪᑦᓱᑎᒃ 1978-ᒥ, ᔦᒻᔅ ᐯᒥ ᐊᒻᒪᓗ ᑯᐯᒃ ᑕᕐᕋᖓᓂ ᐊᖏᖃᑎᒌᓐᓂᐅᑉ ᐊᑖᒍᑦ. ᑖᓐᓇ ᑎᒥᒃ ᐊᐅᓚᑦᓯᕕᖃᕐᐳᖅ ᐃᓘᓐᓇᓕᒫᑲᓴᖓᓂᒃ ᓄᓇᒥᒃ ᑯᐯᒻᒥ 55© ᖁᓛᓃᑦᑐᒥᒃ ᑲᒪᔨᐅᒍᑎᖃᕐᓱᓂ ᐊᑦᔨᒌᙱᑐᓂᒃ ᐆᑦᑑᑎᒋᓗᒋᑦ ᑲᕙᒫᐱᓕᕆᓂᖅ, ᐃᖏᕐᕋᒍᑎᓕᕆᓂᖅ, ᐊᕙᑎᓕᕆᓂᖅ, ᐳᓖᓯᓕᕆᓂᖅ, ᐱᓇᓱᒐᑦᓴᓕᕆᓂᖅ, ᐱᓇᓱᑦᑎᓂᒃ ᐱᒋᐅᕐᓴᑎᑦᓯᓂᖅ, ᑮᓇᐅᔭᕐᑖᓂᒃᑯᑦ ᐃᑲᔪᕐᓯᒪᓂᖅ, ᐱᐊᕋᕐᓂᒃ ᐯᕆᑦᓯᓂᒃᑯᑦ ᐱᑦᔪᔨᓂᖅ, ᓄᑕᐅᓯᓕᕈᓐᓇᑐᓂᒃ ᐱᕙᓪᓕᖁᑎᓕᕆᓂᖅ, ᓄᓇᐅᑉ-ᐊᑐᕐᓂᖏᓐᓂᒃ ᐸᕐᓇᓂᖅ, ᐃᓄᓐᓂᒃ ᐊᑦᑕᓇᙱᑐᒦᑦᑎᓯᓂᖅ ᐊᒻᒪᓗ ᒪᑭᑕᐅᑎᓂᒃ ᐱᕙᓪᓕᐊᑎᑦᓯᓂᖅ.
ᒪᑭᕝᕕᒃ ᖄᖏᕐᓂᑯᓕᐅᕐᑎᐅᒐᓂ ᑎᒥᐅᕗᖅ ᐱᙳᑎᑕᐅᓯᒪᑦᓱᓂ ᑭᖑᓂᕐᒥ ᔦᒻᔅ ᐯᒥ ᐊᒻᒪᓗ ᑯᐯᒃ ᑕᕐᕋᖓᓂ ᐊᖏᖃᑎᒌᓐᓂᒧᑦ (1975) ᐊᒻᒪᓗ ᑎᓕᔭᐅᒪᒍᑎᖃᕐᐳᖅ ᑭᒡᒐᑐᒐᖃᕐᓂᒥᒃ ᐃᓅᖃᑎᒌᓐᓂᑯᑦ, ᐱᓂᐊᕐᓂᓕᕆᓂᒃᑯᑦ ᐊᒻᒪᓗ ᒪᑭᑕᐅᑎᓕᕆᓂᒃᑯᑦ ᑯᒻᒪᓇᕐᑐᓂᒃ ᐊᒻᒪᓗ ᖃᓄᐃᙱᓂᕐᒥᒃ ᓄᓇᕕᐅᑉ ᐃᓄᖏᓐᓄᑦ. ᒪᑭᕝᕕᒃ ᑫᓪᓗᐊᒐᖃᕐᐳᖅ ᐱᐅᓕᑦᓯᓯᒪᓂᕐᒥᒃ ᐃᓄᐃᑦ ᐃᓗᕐᖁᓯᖓᓂᒃ ᐊᒻᒪᓗ ᐅᖃᐅᓯᖓᓐᓂᒃ ᐊᒻᒪᓗ ᐃᓗᓯᕐᓱᓂᖏᓐᓂᒃ, ᖃᓄᐃᙱᓯᐊᕐᓂᖏᓐᓂᒃ, ᐊᔪᕐᓴᓂᒃᑯᑦ ᐃᑯᓪᓚᑎᑕᐅᓂᖏᓐᓂᒃ ᐊᒻᒪᓗ ᐃᓕᓐᓂᐊᑎᑕᐅᓂᖏᓐᓂᒃ ᐃᓄᐃᑦ ᓄᓇᕕᐅᑉ ᓄᓇᓕᖏᓐᓂ. ᒪᑭᕝᕕᒃ ᐊᑎᓕᐅᕐᑎᐅᖃᑕᐅᓯᒪᔪᖅ ᓄᓇᕕᒻᒥ ᐃᓄᐃᑦ ᓄᓇᑖᕐᓂᒧᑦ ᐊᖏᖃᑎᒌᓐᓂᖓᓂᒃ (2008).
-30-
ᖃᐅᔨᒋᐊᕐᕕᓭᑦ
ᑲᕈᓕᓐ ᑕᔅᑐᔅ
ᑐᓴᕋᑦᓴᓕᕆᓂᕐᒥᒃ ᑲᒪᔨ
ᑲᑎᕕᒃ ᓄᓇᓕᓕᒫᑦ ᑲᕙᒪᖓ
ᐅᖃᓕᒪᐅᑎᖓ 819-964-2961 ᐅᐃᒍᖓ 2384
media@krg.ca
www.krg.ca
ᑭᑎ ᑯᐊᑕᓐ
ᑐᓴᕋᑦᓴᓂᒃ ᐊᐅᓚᑦᓯᔨ
ᒪᑭᕝᕕᒃ
ᐅᖃᓕᒪᐅᑎᖓ 514-745-8880, ᐅᐃᒍᖓ 215
kgordon@makivik.org
www.makivik.org