ᑐᓴᕋᓭᑦ
ᒪᑭᕝᕕᑯᑦ ᑐᖕᖓᓱᑦᑎᓯᔪᑦ ᓄᑖᒥᒃ ᑐᕐᖃᑕᕐᕕᒥᒃ ᓄᓇᖃᕐᖄᓯᒪᔪᓕᕆᓂᕐᒧᑦ ᑕᕐᕋᒥᐅᓂᒃ ᐱᕙᓪᓕᐊᑎᑦᓯᓂᕐᒧᓗ
ᑰᔾᔪᐊᒥ, ᑯᐯᒃ ᕕᕗᐊᕆ 26, 2013 – ᒪᑭᕝᕕᑯᑦ ᑐᙵᓱᑦᑎᓯᓚᐅᕐᑐᑦ ᑎᓕᔭᐅᓚᐅᕐᑐᒥᒃ ᐱᐊᕐᓇ ᕙᓪᑰᒥᒃ ᓄᑕᖑᑦᓱᓂ ᑐᕐᖃᑕᕐᕕᒥᒃ ᓄᓇᖃᕐᖃᓯᒪᔪᓕᕆᓂᕐᒧᑦ ᐊᒻᒪᓗ ᑕᕐᕋᒥᐅᓂᒃ ᐱᕙᓪᓕᐊᑎᑦᓯᒐᓱᐊᕐᓂᒧᑦ.
“ᐅᖃᕋᓱᐊᕆᐊᖓ ᒥᑭᓗᐊᕐᐳᖅ ᐱᒻᒪᕆᐅᒋᐊᖓᓄᑦ ᑕᒪᑦᓱᒪᐅᑉ ᑐᕐᖃᑕᕐᕕᖓᑕ ᐃᓕᖓᑎᓪᓗᒍ ᑲᓇᑕᐅᑉ ᖃᓄᐃᖏᓯᐊᕐᓂᖓᓄᑦ ᓄᓇᖃᕐᖄᓯᒪᔪᓕᕆᓂᕐᒧᓗ ᐱᓗᐊᕐᑐᒥᒃ ᐅᓪᓗᒥᓕᕐᑎᓗᒍ,” ᑌᒣᓕᑦᓱᓂ ᐅᖃᓚᐅᕐᑐᖅ ᒪᑭᕝᕕᐅᑉ ᐊᖓᔪᕐᖄᒪᕆᖓ, ᔫᐱ ᑕᕐᕿᐊᐱᒃ.
ᑐᕐᖃᑕᕐᕕᒃ ᕙᓪᑰ ᐅᖃᓪᓚᓚᐅᔪᕗᖅ ᐱᓇᓱᐊᕈᓯᐅᓚᐅᔪᒥ ᐸᕐᓀᓂᕋᕐᓱᓂ ᑲᑎᓯᓛᕆᐊᒥᒃ ᓄᓇᓕᑐᙯᑦ ᓯᕗᓕᕐᑎᖏᓐᓂᒃ ᑕᒪᒃᓇᓂ ᐅᓪᓗᓂ ᙯᔪᕐᓂ.
ᔫᐱ ᑕᕐᕿᐊᐱᒃ ᐅᖃᓚᐅᔪᕗᖅ ᓂᕆᐅᓐᓂᕋᕐᓱᓂ ᑲᑎᒪᔪᓃᓛᕆᐊᒥᓂᒃ ᐅᖄᒍᑎᖃᕐᓗᓂ ᓄᓇᕕᒻᒨᓕᖓᔪᓂᒃ ᒪᑯᓂᖓ ᐃᓪᓗᖃᑦᓯᐊᖏᑦᑑᓂᕐᒥᒃ ᑕᒫᓂ ᓄᓇᒥ, ᐃᓅᒐᓱᐊᕈᑏᑦ ᐊᑭᑐᔪᒻᒪᕆᐅᓂᖏᓐᓂᒃ ᐊᒻᒪᓗ ᓱᕐᕃᓯᒪᓂᖓᓂᒃ ᐅᑯᐊ ‘ᓂᕿᖃᑦᓯᐊᑎᑦᓯᒍᑏᑦ ᑕᕐᕋᒥᐅᓂᒃ’ ᐃᑲᔪᕐᓯᒪᐅᑎᖏᑦ.
ᒪᑭᕝᕕᒃ ᖄᖏᕐᓂᑯᓕᐅᕐᑎᐅᖏᑦᓱᓂ ᑎᒥᐅᔫᕗᖅ ᑎᓕᔭᐅᒪᑦᓱᓂ ᓄᓇᕕᐅᑉ ᐃᓄᖏᑦᑕ ᑮᓇᐅᔭᖁᑎᖏᓐᓂᒃ ᐱᕕᖃᕐᑎᑕᐅᓯᒪᔪᓂᒃ ᔦᒥᔅᐯᒥᓗ ᑯᐯᒃ ᑕᕐᕋᖓᓂᓗ ᐊᖏᖃᑎᒋᓐᓂᖓᓄᑦ. ᒪᑭᕝᕕᑯᑦ ᐊᑑᑎᔭᐅᓂᖃᕐᐳᑦ ᐊᐅᓚᑦᓯᒋᐊᖃᕐᓂᒥᒃ ᐅᑎᕐᑐᓴᓕᐅᕆᐊᖃᕐᓂᒥᓪᓗ ᑕᒪᒃᑯᓂᖓ ᑮᓇᐅᔭᓂᒃ, ᐊᒻᒪᓗ ᑫᓪᓗᑐᐃᓂᕐᒥᒃ ᒪᑭᑕᒐᓱᐊᕐᓂᑯᑦ ᐱᕈᕐᐸᓕᐊᓂᕐᒥᒃ ᐃᑲᔪᕐᓯᓂᒃᑯᑦ ᐃᓄᓐᓄᑦ ᐊᐅᓚᑕᐅᔪᓂᒃ ᐱᔅᓇᓯᓂᒃ ᓄᓇᕕᒻᒥ. ᒪᑭᕝᕕᑯᑦ ᑫᓪᓗᑐᐃᓲᖑᕗᑦ ᐊᓯᐅᑎᑦᓯᑌᓕᒪᓂᕐᒥᒃ ᐃᓄᐃᑦ ᐃᓗᕐᕈᓯᖓᓂᒃ ᐅᖃᐅᓯᖓᓂᓪᓗ ᐊᒻᒪᓗᑦᑕᐅᖅ ᖃᓄᐃᖏᓯᐊᕐᓂᖏᓐᓂᒃ, ᑲᒪᒋᔭᐅᑦᓯᐊᓂᖏᓐᓂᓗ, ᐊᑦᓱᐃᑑᑎᑦᓯᑌᓕᓂᕐᒥᓗ ᐃᓕᓐᓂᐊᓂᖏᓐᓂᓗ ᐃᓄᐃᑦ ᓄᓇᕕᐅᑉ ᓄᓇᓕᖏᓐᓂ.
-30-
ᑐᑭᓯᒋᐊᓪᓚᕈᒪᒍᕕᑦ:
ᒍᐃᓕᐊᒻ ᑕᒍᕐᓈᖅ
ᐳᕐᑐᓂᕐᓴᒥᒃ ᑐᓴᕋᑦᓴᓕᕆᔨᖓᑦ
ᒪᑭᕝᕕᒃ