ᐊᖓᔪᖅᑳᖅ ᐱᑕ ᐋᑕᒥ ᓄᓇᕕᐅᑉ ᐃᓄᖏᓐᓂᒃ ᐅᐱᒍᓲᑦᔨᕗᖅ ᓰᓚ ᒍᐊᑦ ᑯᓗᑦᓰ ᓯᓚᕐᔪᐊᒥᐅᑎᒍᑦ ᐃᓕᑕᕆᔭᐅᒍᑎᒻᒪᕆᒻᒥᒃ ᐱᔪᑦᓴᖁᑕᐅᔪᓄᑦ ᐃᓚᐅᑎᑕᐅᓂᖓᓄᑦ ᑕᒡᒐᓂ ᐊᕐᕌᒍᒥ.
ᓰᓚ ᒍᐊᑦ ᑯᓗᑦᓰ, ᑯᑦᔪᐊᒥ ᐃᓅᓕᕐᓯᒪᔪᖅ ᐱᓇᓱᐊᒋᐊᖓᓯᒪᕗᖅ ᐅᕕᒐᕐᑐᓕᕆᓂᕐᒥ. ᑲᑎᕕᒃ ᐃᓕᓴᕐᓂᓕᕆᔨᒃᑯᓂ ᐱᓇᓱᐊᕆᕐᓯᒪᓕᕐᓱᓂ, ᐱᓇᓱᐊᕐᑎᒋᔭᐅᓕᓚᐅᔪᒋᕗᖅ ᓄᓇᕕᐅᑉ ᐃᓕᓴᕐᓂᒥᒃ ᕿᒥᕐᕈᑎᖏᓐᓄᑦ 1990ᒥ ᐱᒋᐊᕐᓱᓂ 1992 ᑎᑭᑦᓱᒍ. ᒪᑭᕝᕕᒥ ᐊᓪᓚᑎᒻᒪᕆᒋᔭᐅᓕᓚᐅᔪᒋᕗᖅ 1995ᒥᑦ 1998ᒧᑦ, ᐃᓄᓯᕐᒨᓕᖓᔪᓂᒃ ᑲᒪᒋᔭᖃᕐᓱᓂ ᐱᓗᐊᕐᑐᒥᒃ ᓴᐳᒻᒥᔨᐅᑦᓱᓂ ᓄᓇᕕᐅᑉ ᐅᕕᒐᕐᑐᖏᓐᓂᒃ. ᐱᓂᐊᕐᓂᓕᕆᓂᖓ ᑎᑭᐅᑎᓕᓚᐅᔪᒋᕗᖅ ᐃᓄᐃᑦ ᓯᓚᕐᔪᐊᒥᐅᖑᖃᑎᒌᑦ ᑎᒥᖁᑎᖓᓄᑦ, ᐊᖓᔪᕐᖃᐅᕕᒋᓚᐅᕐᓱᒍᓗ 2002ᒥᑦ 2006ᒧᑦ, ᐃᓅᖃᑎᒥ ᐱᔪᓐᓇᐅᑎᒋᔭᖏᓐᓂᒃ ᖃᐅᔨᒪᔭᐅᒃᑫᒐᓱᐊᕐᑎᐅᓱᓂ.
ᓰᓚ ᒍᐊᑦ ᑯᓗᑦᓰ ᐃᓚᐅᑎᑕᐅᕗᖅ ᐱᔪᑦᓴᖁᑕᐅᓯᒪᒻᒥᔪᒧᑦ ᐊᓪ ᑯᐊᒧᑦ, ᑎᒃᑯᐊᑕᐅᑦᓱᑎᒃ ᒪᕐᕉᓄᑦ ᓄᐊᒍᐃᒥ ᐅᖃᕐᕕᒪᕆᒻᒥᐅᑕᐅᔪᓐᓄᑦ, ᓇᓪᓕᐊ ᐃᓕᑕᕆᔭᐅᒍᑎᒥᒃ ᐱᔪᑦᓴᐅᒪᖓᑦ ᐅᖃᕐᑕᐅᒍᒫᕐᑐᖅ ᐅᑦᑑᐱᕆᐅᓕᕐᐸᑦ.
ᐅᑉᐱᕆᔭᖃᕐᐳᒍᑦ ᓰᓚᐅᑉ ᐱᓇᓱᐊᒻᒪᕆᑦᓯᒪᓂᖓ ᓲᓱᑦᓴᓚᖀᓯᒪᒻᒪᑦ ᓯᓚᕐᔪᐊᒥᐅᓂᒃ ᐱᑦᔪᑎᐅᑎᓪᓗᒍ ᐱᒻᒪᕆᐅᑎᒋᓂᖓ ᐊᓯᐅᒋᐊᖃᙱᓂᖓᑕ ᑫᓪᓗᑐᕐᑕᐅᒋᐊᖃᕐᓂᖓᑕᓗ ᐃᓄᐃᑦ ᐃᓕᕐᕈᓯᖓ, ᓴᐳᑦᔨᓯᒪᓂᒃᑯᑦ ᐅᑭᐅᕐᑕᑑᑉ ᐊᕙᑎᖓᓂ. ᑕᒪᓐᓇ ᐱᒻᒪᕆᐊᓘᕗᖅ ᑎᑭᐅᑎᓯᒪᔦᑦ, ᓲᓱᒋᔭᐅᒍᑎᒋᓚᕿᓯᒪᔭᖓ ᐱᓇᓱᐊᕋᓱᐊᕐᑕᑕ. ᐅᐱᒍᓲᑎᖃᒻᒪᕆᑉᐳᒍ ᐃᓕᓐᓂᒃ ᓰᓛ.
-30-
ᓕᓴ ᖁᐱᕐᕈᐊᓗᒃ ᑐᓴᕈᑎᓕᕆᔨ 514-386-0669