ᓄᓇᕕᒻᒥ ᓴᐱᕐᑌᑑᓯᒪᓂᕐᒧᑦ ᐃᓕᑕᕐᓯᒍᑏᑦ

Download Nomination Form Below

i-Bravery Nomination Form

ᐅᑯᐊ ᓄᓇᕕᒻᒥ ᓴᐱᕐᑌᑑᓯᒪᓂᕐᒧᑦ ᐃᓕᑕᕐᓯᒍᑏᑦ ᐃᓕᑕᕐᓯᒍᑎᐅᓲᖑᕗᑦ ᓄᓇᕕᒻᒥᐅᓂᒃ ᐃᓅᓯᕐᒥᓂᒃ ᓇᖏᐊᕐᓇᑐᕐᑎᓯᒍᕐᑎᓯᓯᒪᔪᓂᒃ ᐱᐅᓕᑦᓯᒐᓱᐊᕐᓱᑎᒃ ᓴᐳᒻᒥᒐᓱᐊᕐᓱᑎᓪᓘᓃᑦ ᐊᓯᒥᓂᒃ.

ᐃᓱᒪᒋᔭᐅᒋᐊᓕᓐᓂᒃ ᓇᓗᓀᔦᒍᑏᑦ

ᐅᑯᐊ ᒪᕐᕉᒃ ᐱᑦᔪᑎᐅᔫᒃ ᐱᑕᖃᕆᐊᖃᓪᓚᕆᑦᑐᑦ ᓇᓗᓀᔭᕐᑕᐅᔪᖃᕋᓱᐊᓕᕐᐸᑦ ᑎᒃᑯᐊᓯᓂᕐᒧᑦ ᑕᒪᑦᓱᒧᖓ ᓄᓇᕕᒻᒥ ᓴᐱᕐᑌᑑᓯᒪᓂᕐᒧᑦ ᐃᓕᑕᕐᓯᒍᑎᓄᑦ:

1) ᖃᓄᑎᒋᒃ ᓴᐱᕐᑌᑑᔪᕕᓂᐅᒻᒪᖔᑦ ᐊᒻᒪᓗ ᐊᔪᐃᓐᓇᓯᒪᓂᖏᓐᓂᒃ ᐊᑦᑕᓇᒦᓕᕋᓗᐊᕋᒥ.

2) ᐊᑦᑕᓇᕐᑑᓯᒪᓂᖓᑕ ᑕᑯᓐᓈᑕᐅᓂᖓ ᐱᑦᔪᑕᐅᕗᖅ, ᐃᒫᒃ ᑕᒪᒃᑯᓂᖓ ᐃᓄᓐᓂᒃ ᐃᑲᔪᕋᓱᐊᕐᓯᒪᔪᓂᒃ, ᖃᐅᔨᒪᒐᓗᐊᕐᓱᑎᒃ ᐊᓐᓂᒪᕆᑐᐃᓐᓇᕆᐊᖃᕐᓂᒥᓂᒃ ᑐᖁᓚᕿᑐᐃᓐᓇᕆᐊᖃᕐᓂᒥᓂᓪᓘᓃᑦ, ᑕᑯᑦᓴᐅᑎᑦᓯᓯᒪᒍᑎᒃ ᓴᐱᕐᑌᑑᓂᕆᓯᒪᔭᕐᒥᓂᒃ.

ᐱᐅᓕᑦᓯᓂᐅᔪᖅ ᐃᓅᓯᕐᒥᒃ, ᑕᒪᓐᓇᑐᐊᖑᑎᓗᒍ, ᐃᓱᒪᒋᔭᐅᓂᕐᐸᐅᒋᐊᖃᑦᔭᖏᑦᑐᖅ ᑎᒃᑯᐊᓯᒍᒪᓂᕐᒧᑦ ᑕᒪᑦᓱᒧᖓ ᓄᓇᕕᒻᒥ ᓴᐱᕐᑌᑑᓯᒪᓂᕐᒧᑦ ᐃᓕᑕᕐᓯᒍᑎᒧᑦ. ᐃᓚᖓᓂ ᐱᐅᓕᑦᓯᒐᓱᐊᕐᑐᕕᓃᑦ ᑲᑉᐱᐊᓇᕐᑐᑯᕐᑐᕕᓂᐅᓲᖑᑦᔭᖏᑦᑐᑦ ᐊᒻᒪᓗ, ᐱᓂᐊᕐᓂᕆᓯᒪᔭᖏᑦ ᐃᓪᓕᓇᕐᑐᕕᓂᐅᒐᓗᐊᕈᑎᒃ ᐱᒻᒪᕆᐅᓂᖃᕐᑐᕕᓂᐅᒐᓗᐊᕐᐸᑦ, ᓱᓕ ᐱᔪᓐᓇᓯᑎᑕᐅᒍᓐᓇᖏᑦᑑᑐᐃᓐᓇᕆᐊᖃᕐᓂᐊᑐᑦ ᑕᒪᑦᓱᒥᖓ ᓄᓇᕕᒻᒥ ᓴᐱᕐᑌᑑᓯᒪᓂᕐᒧᑦ ᐃᓕᑕᕐᓯᒍᑎᒥᒃ.

ᓴᐱᕐᑌᑑᓯᒪᓂᕐᒧᑦ ᐱᓂᐊᕐᓂᐅᓯᒪᔪᓕᒫᑦ ᑌᒣᓕᔪᕕᓂᐅᓯᒪᒋᐊᓖᑦ ᐱᖓᓱᐃᑦ ᐊᕐᕌᒍᐃᑦ ᐊᓂᒍᓚᐅᕐᑎᓇᒋᑦ ᑕᒪᑦᓱᒧᖓ ᑎᒃᑯᐊᑕᐅᒋᐊᓚᐅᕋᓂ.

ᑎᒃᑯᐊᓯᓂᕐᒧᑦ

ᑭᓇᑐᐃᓐᓇᖅ ᐅᕝᕙᓘᓐᓃᑦ ᑲᑎᒪᐅᑎᔪᑦ ᓄᓇᕕᒻᒥ ᑐᖕᖓᓱᑦᑎᑕᐅᔪᑦ ᑎᒃᑯᐊᓯᒍᓐᓇᓂᕐᒥᒃ ᐃᓄᒻᒥᒃ ᐱᔪᑦᓴᐅᔮᕐᑎᑕᐅᓂᐊᕐᑎᓗᒍ ᓄᓇᕕᒻᒥ ᓴᐱᕐᑌᑑᓯᒪᓂᕐᒧᑦ ᐃᓕᑕᕐᓯᒍᑎᒥᒃ ᑕᑕᕐᓭᓕᕈᓂ ᑎᒃᑯᐊᓯᒍᑎᐅᑉ ᓯᑯᑦᓴᔭᖓᓂᒃ. ᑖᒃᑯᐊ ᑎᒃᑯᐊᓯᓂᐅᑉ ᓯᑯᑦᓴᔭᖁᑎᖏᑦ ᐱᔭᐅᒍᓐᓇᑐᑦ ᒪᑭᕝᕕᑯᑦ ᖃᕆᑕᐅᔭᖃᕐᕕᖓᓂ ᐅᕝᕙᓘᓐᓃᑦ ᒪᑭᕝᕕᐅᑉ ᑐᓴᐅᒪᒍᑎᓕᕆᕕᖓᑕ ᐱᓇᓱᐊᕐᕕᖓᓂᑦ.

ᖃᐅᔨᒪᔭᐅᑦᑌᓕᒋᐊᖃᕐᓂᒧᑦ

ᑎᒃᑯᐊᑕᐅᒪᔪᓕᒫᑦ ᖃᐅᔨᒪᔭᐅᑦᑌᓕᓯᒪᓂᐊᕐᑐᑦ ᓲᓱᑦᓴᕈᑎᐅᓗᓂ ᖃᐅᔨᒪᔭᐅᑌᓕᒪᒋᐊᖃᕐᓂᒥᒃ ᐊᒻᒪᓗ ᑕᒪᐅᙰᓐᓈᑎᑦᓯᑌᓕᒪᒍᑕᐅᓗᓂ ᑎᒃᑯᐊᑕᐅᓯᒪᔪᒥᒃ ᓇᓪᓕᑳᕐᑕᐅᔪᖃᖕᖏᑑᑲᓪᓚᓴᕐᓂᐊᐸᑦ. ᑕᒪᒃᑯᐊ ᑎᒃᑯᐊᓯᔪᐃᓪᓗ ᐊᓯᖏᓪᓗ ᐃᓚᐅᖃᑕᐅᔪᑦ ᑕᒪᑦᓱᒥᖓ ᑐᕌᒐᕐᒥᒃ ᓲᓱᒋᔭᐅᖁᔨᕗᒍᑦ.

ᓇᓪᓕᑳᕆᔩᑦ ᑲᑎᒪᔨᐊᐱᖏᑦ

ᓇᓪᓕᑳᕆᔩᑦ ᑲᑎᒪᔨᐊᐱᖏᑦ ᓇᓗᓀᔦᓂᐊᕐᑐᑦ ᑎᒃᑯᐊᑕᐅᓯᒪᔪᓕᒫᓂᒃ ᖃᐅᔨᑎᑦᓯᓗᑎᓪᓗ ᑖᓐᓇ ᑎᒃᑯᐊᑕᐅᔪᖅ ᐱᑎᑦᓯᓯᐊᕋᓗᐊᕐᒪᖔᑦ ᐱᔭᕆᐊᓕᓕᒫᓂᒃ ᐅᐱᒋᔭᐅᒍᑎᑦᓴᒥᓄᑦ ᑖᑦᓱᒧᖓ ᓄᓇᕕᒻᒥ ᓴᐱᕐᑌᑑᓯᒪᓂᕐᒧᑦ ᐃᓕᑕᕐᓯᒍᑎᒧᑦ. ᓇᓪᓕᑳᕆᔩᑦ ᑲᑎᒪᔨᐊᐱᖏᓐᓄᑦ ᐃᓚᐅᔪᑦ ᐅᑯᐊᖑᒻᒪᑕ:

1) ᒪᑭᕝᕕᐅᑉ ᐊᓪᓚᑎᒻᒪᕆᖓᑦ.

2) ᒪᑭᕝᕕᑯᑦ ᑐᓴᐅᒪᒍᑎᓕᕆᔨᐅᑉ ᑐᑭᒧᐊᑦᑎᓯᔨᖓᑦ.

3) ᒪᑭᕝᕕᑯᑦ ᐱᖁᔭᓕᕆᔨᖓᑦ.