ᑐᓴᕐᑎᓯᒍᑎᒃ
ᑖᓐᓇ ᐃᓄᓕᒫᓂᑦ ᑐᓴᕐᑎᓯᒍᑎᒃ ᑕᓯᐅᔭᕐᒥᑦ, ᑲᖏᕐᓱᒥᑦ, ᐃᕗᔨᕕᒻᒥᑦ, ᐅᒥᐅᔭᕐᒥᑦ, ᑲᖏᕐᓱᔪᐊᒥᑦ, ᑭᓪᓕᓂᕐᒥᓗ ᑎᒃᑯᐊᓯᓂᖅ ᐅᒃᑯᐃᖔᓕᕐᒥᒪᑦ ᒪᑭᕝᕕᑯᑦ ᑭᒡᒐᑐᕐᑎᓴᖓᓄᑦ.
ᐊᐃᑉᐸᖓᓐᓂᑦ, ᔭᓄᐊᕆ 28, 2020 ᐱᒋᐊᕐᓗᒍ ᑐᑦᓯᕋᒍᓐᓇᖁᑎᑦ ᑎᒃᑯᐊᓯᒍᑎᒥᒃ ᑕᑕᕐᓴᒐᑦᓴᒥᑦ ᓄᓇᓕᑦᓯ ᑲᕙᒫᐱᖓᓂᒃ ᐅᕝᕙᓗᓐᓃᑦ ᓄᓇᒥ ᑎᒍᒥᐊᕐᑎᑯᓐᓂᑦ ᖃᐅᔨᓴᒋᐊᕐᕕᒋᓗᒍᓗᓐᓃᑦ ᓘᓯ ᑯᔩ ᓂᕈᐊᕐᑎᓯᔨᒻᒪᕆ ᖃᕆᑕᐅᔭᑎᒍᑦ elections@makivik.org -ᒥᑦ.
ᑎᒃᑯᐊᓯᓂᕐᒧᑦ ᑕᑕᕐᓴᒐᖅ ᐊᐅᓪᓚᑎᑕᐅᒋᐊᓖᑦ ᓂᕿᑦᓯᑐᑦ, ᕕᕗᐊᕆ 7, 2020 ᑕᓪᓕᒪᖕᖑᓚᐅᕐᑎᓇᒍ ᓂᕈᐊᕐᑎᓯᔨᒻᒪᕆᒻᒧᑦ, ᓘᓯ ᑯᔩᒧᑦ, ᒪᑭᕝᕕᑯᑦ ᒪᓐᑐᔨᐊᓪᒥᑦ ᐊᓚᕕᖓᓄᑦ ᓱᑲᑦᑐᑯᑦ 514-745-0364 ᖃᕆᑕᐅᔭᑎᒍᓪᓗᓃᑦ ᐅᕗᖓ elections@makivik.org
ᓂᕈᐊᑲᐱᓐᓂᖅ ᐊᑑᑎᓛᕐᑐᖅ ᓂᕿᑦᓯᑐᓂ, ᕕᕗᐊᕆ 28, 2020 ᖁᓕᖕᖑᒥ ᐅᓪᓛᑯᑦ ᐱᖓᓲᔪᕐᑐᖑᒧᑦ ᐅᓐᓄᑯᑦ. ᓂᕈᐊᕐᓂᖅ ᐊᑑᑎᓛᕐᑐᖅ ᓯᑕᒪᖓᓐᓂ, ᒫᑦᔨ , @)@) ᖁᓕᖕᖑᒥ ᐅᓪᓛᑯᑦ ᐱᖓᓲᔪᕐᑐᖑᒧᑦ ᐅᓐᓄᑯᑦ. ᓂᕈᐊᕐᑕᐅᑎᒐᓱᐊᕐᑐᖅ ᐅᓄᕐᓂᕆᒋᐊᓕᖏᓐᓄᑦ (50%+1) ᓂᕈᐊᕈᑏᑦ ᓂᕈᐊᕐᑕᐅᖏᑐᐊᕐᐸᑦ ᑌᑲᓂ ᓄᓇᓕᒻᒥ, ᑌᒪ ᒪᕐᕉᒃ ᓂᕈᐊᕐᑕᐅᓂᕐᐹᕕᓃᒃ ᓂᕈᐊᕐᓂᖃᕆᐊᓪᓚᕈᑕᐅᒐᔭᕐᑑᒃ ᐊᓪᓕᑐᖃᕇᒥ, ᒫᑦᔨ 16, 2020 ᖁᓕᖕᖑᒥ ᐅᓪᓛᑯᑦ ᐱᖓᓲᔪᕐᑐᖑᒧᑦ ᐅᓐᓄᑯᑦ.
ᐅᑯᐊ ᑎᒃᑯᐊᑕᐅᕐᖃᔭᖕᖏᑐᑦ ᓂᕈᐊᕐᑕᐅᑎᒐᓱᐊᕐᖃᔭᕋᑎᓗ ᑭᒡᒐᑐᕐᑎᐅᑉ ᐃᓂᖓᓄᑦ ᒪᑭᕝᕕᒥ:
- ᑭᓇᑐᐃᓐᓇᖅ ᓄᓇᓕᒻᒧᑦ ᐱᑐᑦᓯᒪᓂᖃᖕᖏᑐᖅ ᓄᓇᓕᖃᖕᖏᑐᕐᓘᓃᑦ ᓇᓗᓀᕐᑕᐅᓯᒪᔪᒧᑦ;
- ᑭᓇᑐᐃᓐᓇᖅ ᐃᕐᖃᑐᐃᕕᑎᒍᑦ ᑮᓇᐅᔭᑎᒍᑦ ᑲᑕᑦᓯᒪᓂᕋᕐᓂᒦᑦᑐᖅ;
- ᑭᓇᑐᐃᓐᓇᖅ ᔦᒻᔅ ᐯᑉ ᑯᐯᒃ ᑕᕐᕋᖓᑕᓗ ᐊᖏᖃᑎᒌᒍᑎᖓᓄᑦ ᐃᓚᐅᔫᖕᖏᑐᖅ;
- ᑭᓇᑐᐃᓐᓇᖅ ᐃᕐᖃᑐᕐᑕᐅᓯᒪᔪᖅ ᐸᓯᔭᑦᓴᐅᓂᕋᕐᑕᐅᓱᓂᓗ ᐱᓂᕐᓗᓂᕐᒧᑦ ᐸᕐᓇᓀᕐᑕᐅᒪᒍᑎᐅᒍᓐᓇᑐᒧᑦ/ᑎᒍᔭᐅᒪᒍᑎᐅᒍᓐᓇᑐᒧᑦ ᐊᕐᕌᒎᓐᓂ ᒪᕐᕉᓂ ᐅᖓᑖᓅᓪᓘᓃᑦ; ᑕᒪᓐᓇᓗ ᓂᕈᐊᕐᑕᐅᑎᒐᓱᕐᖃᔭᖕᖏᓂᖅ ᑲᔪᓯᓂᐊᕐᓱᓂ ᑕᓪᓕᒪᓄᑦ ᐊᕐᕋᒍᓄᑦ ᑎᒍᔭᐅᒪᕕᒻᒥ ᐊᓂᓯᒪᓕᕐᓗᓂ ᐊᒻᒪᓗ, ᐊᑭᓕᕋᑦᓴᑖᑐᐃᓐᓇᓂᕐᐸᑦ ᐅᕝᕙᓘᓐᓃᑦ ᑎᒍᔭᐅᓛᕐᓂᖓ ᑭᖑᕙᕆᐊᕐᑕᐅᓂᕐᐸᑦ, ᑕᓪᓕᒪᓂ ᐊᕐᕌᒍᓂ ᐸᓯᔭᑦᓴᖑᕐᑎᑕᐅᕕᖓᑕ ᐅᓪᓗᖓ ᐱᒋᐊᕐᕕᒋᓗᒍ, ᑖᓐᓇ ᐃᓄᒃ ᐃᓱᒪᒋᔪᓐᓀᑕᐅᓂᕐᒥᒃ ᐃᕐᖃᑐᐃᕕᑎᒍᑦ ᐱᓯᒪᖕᖏᑐᐊᕐᐸᑦ;
- ᑭᓇᑐᐃᓐᓇᖅ ᐊᑭᓕᑦᓴᓕᒃ ᖃᓄᐃᑦᑐᑐᐃᓐᓇᓂᒃ ᒪᑭᕝᕕᒧᑦ ᐊᒻᒪᓗ/ᐅᕝᕙᓘᓐᓃᑦ ᑎᒥᐊᕈᖁᑎᖏᓐᓄᑦ ᐊᑭᓕᕐᑕᐅᒣᑦᑐᓂᒃ 90ᑦ ᐅᓪᓗᐃᑦ ᐅᖓᑖᓄᑦ, ᐅᕝᕙᓘᓐᓃᑦ ᑭᓇᑐᐃᓐᓇᖅ ᐊᑭᓕᑦᓴᒥᓂᒃ ᐊᑭᓕᕐᑐᐃᓯᐊᖃᑦᑕᓯᒪᖕᖏᑐᖅ ᒪᑭᕝᕕᒧᑦ ᐊᒻᒪᓗ/ᐅᕝᕙᓘᓐᓃᑦ ᑎᒥᐊᕈᖁᑎᖏᓐᓄᑦ;
- ᑭᓇᑐᐃᓐᓇᖅ ᐃᓄᒃ ᐃᓄᑦᑎᑑᕈᓐᓇᖏᑐᐊᕈᓂ ᓂᕈᐊᕐᑕᐅᖃᔭᖕᖏᑐᖅ ᑎᒃᑯᐊᑕᐅᕐᖃᔭᕋᓂᓗ;
- ᑭᓇᑐᐃᓐᓇᖅ, ᒪᑭᕝᕕᐅᑉ ᐳᕐᑐᓂᕐᓴᖏᓐᓄᑦ ᐃᓚᐅᖕᖏᑐᐊᕈᓂ, ᐱᓇᓱᑦᑎᐅᔪᖅ ᒪᑭᕝᕕᑯᓐᓂ ᑎᒥᐊᕈᖁᑎᖏᓐᓂᓘᓐᓃᑦ;
- ᑭᓇᑐᐃᓐᓇᖅ ᖃᓄᐃᓘᕐᓂᖓ, ᐱᓇᓱᐊᕐᓂᖓ, ᖃᐅᔨᒪᔮᖃᕐᓂᖓᓘᓐᓃᑦ ᑐᕃᓐᓇᑐᒃᑯᑦ ᑐᕃᓐᓇᖏᑦᑐᑯᓘᓐᓃᑦ, ᓱᕐᕃᓂᖃᓚᖓᑉᐸᑦ ᒪᑭᕝᕕᒥᒃ ᐊᒻᒪᓗ/ᐅᕝᕙᓘᓐᓃᑦ ᐱᓇᓱᐊᖃᑎᖏᓐᓂᒃ ᐱᓇᓱᐊᕋᑦᓴᓂᒃ ᐱᒐᓱᐊᕐᕕᖃᕈᓐᓇᓂᖏᓐᓂᒃ ᓇᐅᓕᒫᓄᑦ ᐃᓕᖓᑦᓱᑎᒃ ᑎᒥᐅᔫᔪᓂ.