ᐊᕙᑕᐅᑉ ᐊᖓᔪᕐᖄᒪᕆᖓ ᒍᐃᓕᐋᒻ ᑕᒍᕐᓈᖅ, ᓴᐅᒥᐊᓃᑦᑐᖅ, ᐁᑉᐸᖃᕐᓱᓂ ᒪᑭᕝᕕᐅᑉ ᐊᖓᔪᕐᖄᒪᕆᖓᓂᒃ ᐱᑕ ᐋᑕᒥᒥᒃ ᐊᑦᔨᓕᐅᕐᑕᐅᖃᑎᒌᑦᑐᕕᓃᒃ ᑏᓯᒻᐱᕆ ᐱᒋᐊᕐᖃᒥᐅᑎᓪᓗᒍ ᐊᑎᓕᐅᖃᑎᒌᕋᑖᕐᓱᑎᒃ ᓂᐅᕕᕐᑕᐅᒍᑎᖏᓐᓂᒃ ᑕᕐᕋᒥᐅᑦ ᒪᒪᕐᑑᓱᑎᒃ ᐃᓄᑐᐃᓐᓀᑦ ᑎᖏᑕ. “ ᑕᐅᑐᕐᖂᓯᒪᒐᑦᑕ ᓯᕗᓂᑦᓴᑎᓐᓂᒃ ᐃᓘᓐᓇᖏᑦ ᑏᑐᕐᑕᐅᔪᑦ ᑕᕐᕋᒥᐅᑦ ᒪᒪᕐᑐᓱᑎᒃ ᑏᖏᑦ ᓲᕐᓗ ᐅᓂᒃᑲᐅᓯᖃᕋᔭᕐᑎᓗᒋᑦ ᑐᓵᔭᐅᔪᓂᒃ ᓄᓇᕕᑐᐃᓐᓇᒥᐅᖕᖏᑐᖅ ᑭᓯᐊᓂᓗᑦᑕᐅᓗ ᑲᓇᑕᓕᒫᒥ ᐅᖓᑖᓄᓪᓗ,” ᐅᖃᕐᑐᖅ ᐊᖓᔪᕐᖄᒪᕆᒃ ᐱᑕ ᐋᑕᒥ. © Carson Tagoona/Makivvik
Aᑕᕐᕿᓂ ᐊᒥᓱᓂ ᐸᕐᓇᕈᑎᒋᕐᖄᓚᐅᕐᓱᒋᑦ, ᒪᑭᕝᕕᒃ ᓂᐅᕕᐊᖃᓚᐅᔪᕗᖅ ᐃᓄᑐᐃᓐᓀᑦ ᑎᖏᓐᓂᒃ ᐱᓇᓱᒐᖁᑕᐅᔪᓂᒃ ᑕᕐᕋᒥᐅᔦᑦ ᒪᒪᕐᑐᒥᒃ ᐊᑦᓯᕋᐅᑎᖃᕐᓱᑎᒃ
ᓂᐅᕕᐊᕆᑦᓱᓂᒋᑦ ᐊᕙᑕᖅ ᐱᐅᓯᑐᖃᓕᕆᕕᒻᒥᑦ. ᑖᒃᑯᑎᒎᓇ ᓄᑖᖑᑦᓱᑎᒃ ᐱᓇᓱᒐᖁᑎᑖᕐᖃᒥᕐᒥᒍᑦ, ᒪᑭᕝᕕᒃ ᐃᖏᕐᕋ-ᑎᑦᓯᒍ ᑎᖃᓛᓕᕐᖁᖅ ‘ᑏᓂᒃ ᐱᒐᓱᒍᑎᖃᕐᓂᓂᒃ‘ ᐱᓇᓱᒐᖁᑎᒋᓛᓕᕐᑕᒥᓂᒃ ᐱᔪᕆᒪᒍᑎᒋᓗᒍ ᐱᑕᖃᕐᑎᓯᒍᑎᒋᒋᐊᖏᑦ ᖁᕝᕙᑎᕆᒍᑎᒋᓗᒋᓪᓗ ᐱᐅᓯᑐᖃᒥᒍᑦ ᓄᓇᕕᒻᒥᐅᑦ ᓄᓇᓕᖏᑕ ᑏᒋᓲᖏᓐᓂᒃ.
”ᖁᕕᐊᓱᒻᒪᕆᑉᐳᒍᑦ ᑕᒪᑐᒥᖓ ᐱᓇᓱᐊᓯᒋᐊᒥᒃ ᓄᑖᖑᑎᓪᓗᒋᑦ ᐱᒐᓱᒍ-ᑎᒋᓯᒻᒥᒐᑦᑎᒋᑦ ᑕᕐᕋᒥᐅᔭᐅᑦᓱᑎᒃ ᒪᒪᕐᑐᑦ,” ᐅᖃᕐᑐᖅ ᒪᑭᕝᕕᐅᑉ ᐊᖓᔪᕐᖄᒪᕆᖓ ᐱᑕ ᐋᑕᒥ ᐅᖃᓚᐅᔪᔪᖅ ᑏᓯᒻᐱᕆ ᐱᒋᐊᕐᖃᒥᐅᑎᓪᓗᒍ. “ᑖᒃᑯᐊ ᓂᐅᕕᐊᑦ ᐱᒋᐊᓪᓚᒍᑎᑐᐃᓐᓇᐅᖏᑦᑐᑦ ᐊᓯᐅᑎᑦᓯᑌᓕᓂᑦᑎᓄᑦ ᐃᓗᕐᖁᓯᑦᑎᒍᑦ ᕿᒻᒪᖁᓯ-ᐊᕆᓯᒪᔭᑦᑎᓂᒃ ᐱᑦᔪᑎᖃᕐᒥᒐᒥᒃ ᐃᑲᔪᕐᓯᓂᕐᒥᒃ ᐱᑕᖃᓪᓚᕆᒋᐊᓕᓐᓂᒃ ᐱᓇᓱᑦᑕᖏᓐᓂᒃ ᐊᕙᑕᐅᑉ. ᐅᑉᐱᕈᓱᒍᑎᖃᕋᑦᑕ ᐃᓗᕐᖁᓯᑦᑎᒎᕐᑐᓂᒃ ᐱᕙᓪᓕ-ᐊᑎᒍᓐᓇᑕᑦᑎᓂᒃ ᓄᓇᓕᐅᓈᕐᑎᔪᑦ ᑲᑎᕕᒋᒍᓐᓇ ᑕᖏᓐᓂᒃ, ᓄᐃᑦᓯᖃᑦᑕᓗᑎᒃ ᓄᓇᓕᒻᒥᓂᑦ ᐱᔪᓂᒃ ᐱᑦᓴᖑᕈᓐᓇᑐᓂᒃ ᑖᒃᑯᑎᑐᓇ ᑏᑎᑐᑦ ᑖᒃᑯᐊᓗ ᓄᓇᖁᑎᑦᑎᓄᑦ ᐱᕙᓪᓕᖁᑎᓪᓚᕆᐅᑦᓱᑎᒃ. ᓯᓚᕐᔪᐊᒥᐅᓄᑦ ᑕᑯᑦᓴᐅᑎᑦᓯᒍᑎᒋᒍᓐᓇᕋᑦᑎᒋᑦ ᓄᓇᖁᑎᕗᑦ ᓱᓇᓂᒃ ᐱᑦᓴᑖᕐᕕᐅᒍᓐᓇᒪᖔᑦ ᑖᒃᑯᑎᒎᓇᓗ ᐃᓄᑐᐃᓐᓀᑦ ᐱᓇᓱᒐᖃᓚᐅᕐᑐᓂᑦᓴᖏᑦ ᐱᑕᖃᕐᒥᓱᑎᒃ ᓄᓇᕕᐅᑉ ᓄᓇᓕᖏᓐᓂ.”
ᒪᑭᕝᕕᐅᑉ ᐊᖓᔪᕐᖄᒪᕆᖓᑕ ᑐᖓᓕᖓ ᑮᓇᐅᔭᑎᒍᑦ ᒪᑭᑕᒐᓱᒍᑎᓂᒃ ᐱᕙᓪᓕᐊᑎᑦᓯᕕᒻᒥ ᐋᓐᑎ ᒧᐊᖃᐅᔅ ᐅᖃᓚᐅᕐᒥᔪᖅ ᐸᕐᓇᕈᑎᖃᕆᐊᒥᒃ ᖃᐅᔨᓂ-ᐊᕐᓂᖃᓛᕐᓂᒥᒃ ᑕᒪᒃᑯᐊ ᐱᓇᓱᒍᑎᑕᖑᕐᖃᒥᐅᔪᑦ ᖃᓄᐃᓕᓂᖃᕈᓐᓇᒪᖔᑕ ᐊᒻᒪᓗ ᑲᔪᓯᐅᒐᑦᓯᐊᕈᓐᓇᕋᔭᕐᒪᖔᑕ ᐊᕗᖓᐅᓕᒋᐊᕈᑎᒋᓗᒋᑦ ᓄᐊᑦᓯᓂ ᐅᖃᑦᑕᑐᑎᒍᑦ ᑏᑦᓴᓂᒃ ᓄᓇᓕᓐᓂ ᐊᓯᖏᓐᓂ, ᐃᒻᒪᖄᓗ ᓄᑖᓂᒃ ᑎᓕᐊᖑᒍᓐᓇᑐᓂᒃ ᖃᐅᔨᓚᕿᒍᑎᐅᓗᑎᒃ. ᒪᑭᕝᕕᒃ ᑐᓂᓯᒪᒻᒥᔪᖅ ᐃᑲᔪᕐᓯᓂᑦᓴᒥᓄᑦ ᐃᑲᔪᕐᓯᒍᑎᖃᕐᓗᓂ ᑖᒃᑯᓂᖓ ᑏᓂᒃ ᓂᐅᕕᐊᑦᓴᖃᕐᓂᑯᑦ ᖃᖏᕐᓂᑯᓕᐊᒥ ᐃᓚᖏᓐᓂᒃ ᐅᑎᕐᑎᓯᖃᑦᑕᓗᓂ ᐊᕙᑕᕐᒧᑦ. ᑕᒪᓐᓇ ᑮᓇᐅᔭᑎᒍᑦ ᐃᑲᔪᕐᓯᓂᖅ ᐱᓪᓚᕆᐅᓚᖓᒻᒪᑦ ᑕᒪᖏᓐᓄᑦ ᒪᑭᕝᕕᐅᓗ ᐊᕙᑕᐅᓐᓗ ᑎᓕᔭᐅᒪᒍᑎᖏᓐᓂᒃ ᓄᑭᑖᕐᑎᓯᒋᐊᒃᑲᓂᕈᑎᒋᓗᒋᑦ ᐃᓗᕐᖁᓯᑦᑎᓂᒃ ᓄᐃᑕᑎᑦᓯᓂᑦᓴᑎᒍ ᐊᒻᒪᓗ ᐅᖃᐅᓯᑦᑎᓂᒃ ᐊᓯᐅᑎᑦᓯᑌᓕᓂᑦᑎᒍᑦ.
“ᐱᔪᑦᓴᐅᔮᕈᑎᒋᒻᒪᕆᑦᓱᒋᑦ ᐊᕙᑕᖅ ᐱᐅᓯᑐᖃᓕᕆᕕᒃ ᑐᓂᔨᓚᐅᕐᐳᖅ ᑏᓂᒃ ᐱᕙᓪᓕᐊᑎᑦᓯᒍᑎᒋᓱᒥᓂᒃ ᓂᐅᕐᕈᑎᖃᕐᓂᒥᓂᓪᓗ ᐃᓄᑐᐃᓐᓀᑦ ᑎᖏᓐᓂᒃ ᒪᑭᕝᕕᒧᑦ,” ᐅᖃᑐᖅ ᒍᐃᓕᐋᒻ ᑕᒍᕐᓈᖅ ᐊᕙᑕᐅ ᐊᖓᔪᕐᖄᒪᕆᖓ. “ᐃᓄᑐᐃᓐᓀᑦ ᑎᑐᓱᑐᖃᐅᒻᒪᑕ ᓂᕿᓐᓇᒥ ᐃᓚᒋᔭᖓᓂ ᑕᒪᓐᓇᓗ ᐱᐅᓯᑐᖃᐅᑦᓱᓂ ᐊᕙᖕᖓᓂᐊᕐᔪᒃ ᐱᕙᓪᓕᐊᑎᑦᓯᒍᑎᒋᓯᒐᑦᑎᒍᓗ ᓇᒻᒥᓂᕆᑦᓱᑎᒋᑦ ᑏᑦ ᐱᔪᕆᒪᒻᒪᕆᑦᓯᒪᕗᒍᑦ ᒫᓐᓇᓗ ᒪᑭᕝᕕᒃ ᑲᔪᓯᑎᑦᓯᓚᖓᓕᕐᐳᖅ ᑕᒪᑐᒥᖓ ᐱᐅᓯᑐᖃᑦᑎᓂᒃ.”
ᒪᑭᕝᕕᓗ ᐊᕙᑕᕐᓗ ᓯᕗᓂᖃᕐᐴᒃ ᑲᔪᓯᑎᑦᓯᓂᐊᕐᓱᑎᒃ ᐱᓇᓱᖃᑎᒌᒍᑎᖃᕐᓂᒥᓂᒃ ᓱᕐᖁᐃᑐᒥᒃ ᓄᑦᑎᓂᖃᑦᓯᐊᑐᒥᒃ ᓄᑦᑎᓂᖃᕐᑎᓯᓚᖓᔫᒃ ᑲᔪᓯᑎᑦᓯᓗᑎᒃᓗ ᐱᔭᖃᑦᓯᐊᕈᑎᐅᕙᑦᑐᓂᒃ.
