ᐊᒥᓱᓄᑦ ᐃᕐᖃᑐᐃᕕᒻᒧᕆᒍᑎᐅᓲᑦ ᖃᓄᖅ ᑐᑭᓖᑦ?
ᑐᓴᓚᐅᕐᓯᒪᔪᑦᓴᐅᓕᕐᖁᑎᑦ ᐊᒥᓱᓄᑦ ᐃᕐᖃᑐᐃᕕᒻᒧᕆᒍᑎᐅᓲᓂᒃ, ᑕᒪᓐᓇ ᖃᒻᒥᑯᑦ ᑐᓴᓕᐅᒥᔮᕐᓂᓴᕆᕙᑦᑐᓴᕆᓕᕐᑌᑦ, ᑕᒪᑐᒧᖕᖓᓕᖓᑦᓱᑎᒃ ᐊᓪᓚᑕᐅᓯᒪᔪᑦ ᓄᐃᑕᐅᕙᓕᕐᒪᑕ ᐃᓄᓕᒫᑦ ᑐᓴᖃᑦᑕᐅᑎᒍᑎᖏᑎᒍᑦ ᐅᕝᕙᓘᓐᓃᑦ ᓄᓇᓕᑦᓯᓂ. ᑕᒐᓖ ᑐᑭᓯᒪᕕᒋᑦ ᖃᓄᖅ ᑐᑭᖃᕐᒪᖔᑕ, ᖃᓄᕐᓗ ᐱᓇᓱᑦᑕᐅᓱᖑᒻᒪᒐᑕ?
ᐊᒥᓱᐃᑦ ᐃᕐᖃᑐᐃᕕᒻᒨᕆᓯᒪᒍᑎᖏᑕ ᐱᓇᓱᑦᑕᐅᒍᑎᖏᑦ ᑯᐯᒃᒥ ᓴᕐᕿᔮᕐᑐᑐᖃᐅᕗᑦ 1979-ᒥᓂᑦ, ᐊᑕᐅᑦᓯᑯᑦ ᐱᑕᖃᕐᒥᓱᑎᒃ ᐊᓯᖏᓐᓂ ᓄᓇᓕᕐᓚᓂᓗ ᓄᓇᖁᑕᐅᔪᓂᓗ. ᑕᒪᒃᑯᐊ ᑌᒣᓕᖓᑦᓱᑎᒃ ᐃᕐᖃᑐᐃᕕᒻᒨᕆᓂᐅᓲᑦ ᓯᕗᓂᖃᕈᑎᐅᕗᑦ ᖁᕝᕙᑎᕆᓂᕐᒥᒃ ᑲᑐᑦᔮᖃᕐᓗᑎᒃ ᐱᔭᖃᕋᓱᓐᓂᓴᓂᒃ ᓈᒻᒪᕕᐅᓂᕐᒥᒃ ᐊᑐᕐᑕᐅᓗᑎᒃ ᐃᓄᒻᒧᑦ ᐊᑕᐅᓯᕐᒧᑦ ᐅᕝᕙᓘᓐᓃᑦ ᐊᒥᓲᖕᖏᑐᓄᑦ ᐃᓄᓐᓄᑦ, ᑌᔭᐅᔪᓄᑦ ᑭᒡᒐᑐᕐᑎᒥᒃ (ᓂᒃ), ᐃᕐᖃᑐᐃᕕᒃᑯᑦ ᓵᑦᓯᒍᑎᓕᐅᕐᓗᑎᒃ ᑭᒡᒐᑐᕐᓗᑎᒃ ᐃᓘᓐᓇᖏᓐᓂᒃ ᐃᓄᓐᓂᒃ ᐊᑦᔨᒌᓂᒃ ᓈᒻᒪᖏᑦᑐᒍᑎᖃᕐᕕᐅᓯᒪᔪᓂᒃ, ᑖᒃᑯᐊ ᑌᔭᐅᔪᑦ ᐊᒥᓱᐃᑦ ᐃᕐᖃᑐᐃᕕᒻᒨᕆᓯᒪᒍᑎᑖᕐᑐᑦ.
ᑕᒪᓐᓇ ᐊᒥᓱᐃᖑᑦᓱᑎᒃ ᐃᕐᖃᑐᐃᕕᒻᒨᕆᑎᑦᓯᒍᑎ ᐊᑦᔨᒋᔭᐅᖕᖏᓚᕆᑦᑐᖅ ᐃᒫᑐᐃᓐᓇᖅ ᐃᕐᖃᑐᐃᕕᓕᐊᕐᑎᓯᓂᐅᓲᓄᑦ. ᐊᒥᓱᐃᖑᑦᓱᑎᒃ ᐃᕐᖃᑐᐃ-ᕕᒻᒨᕆᓯᒪᒍᑎᓂ, ᑭᒡᒐᑐᕐᑎ (ᑏᑦ), ᐃᕐᖃᑐᑕᐅᑎᑕᐅᔪᓪᓗ, ᐃᕐᖃᑐ-ᐃᔨᐅᑦ ᓵᖓᓅᕐᑐᑑᓱᖑᒻᒪᑕ. ᑭᒡᒐᑐᕐᑎ (ᑏᑦ) ᐃᓘᓐᓇᖏᓐᓂᒃ ᐃᕐᖃᑐ-ᐃᕕᓕᐊᕐᑎᓯᖃᑎᒌᑦᑐᓂᒃ ᓂᑦᔮᒍᑦᔨᓲᖅ ᓯᕗᓂᖃᕐᓱᓂ ᐱᔭᖃᓚᖓᓂᕐᒥᓂᒃ ᐋᕐᕿᑕᐅᒍᑎᑦᓴᖏᓐᓂᒃ ᐃᓘᓐᓇᖏᑕ ᐊᒥᓱᐃᖑᑦᓱᑎᒃ ᐃᕐᖃᑐᐃᕕᓕᐊᕐᑎᓯᓯᒪᔪᑦ. ᑭᒡᒐᑐᕐᑎ (ᑏᑦ) ᐃᕐᖃᑐᐃᕕᒻᒥ ᓵᓚᖃᕈᑎᒃ ᐃᕐᖃᑐᐃᕕᒻᒧᓗ ᐋᕐᕿᒍ-ᑎᑦᓴᑖᕐᑕᐅᒍᑎᒃ, ᓲᕐᓗ ᑮᓇᐅᔭᕐᑕᑎᑕᐅᓗᑎᒃ, ᑌᒣᓕᒍᑎᒃ ᑕᒃᒐ ᐃᓘᓐᓇᑎᒃ ᐃᕐᖃᑐᐃᕕᓕᐊᕐᑎᓯᖃᑎᒌᑦᓯᒪᔪᑦ ᐊᒥᕐᖃᖃᑎᒌᒍᑎᖃᕐᓂᐊᓕᕐᒪᑕ ᑮᓇᐅᔭᓂᒃ ᐊᓯᖏᓐᓂᓗᓐᓃᑦ ᐃᕐᖃᑐᐃᕕᒻᒧᑦ ᐋᕐᕿᒍᑎᑦᓴᑖᕐᑕᐅᒍᑎᒥᓐᓂᒃ. ᓇᐅᑐᐃᓐᓇᖅ ᐃᓚᐅᖑᓐᓇᓂᓕᒃ ᐃᕐᖃᑐᐃᕕᓕᐊᕐᑎᓯᔪᓄᑦ ᐱᖃᑕᐅᒋᐊᖃᑦᓴᐅᑎᒋᔪᖅ ᐱᕙᓪᓕᖁᑎᑖᕆᒍᑎᐅᔪᓂᑦ ᖃᓄᐃᑐᐃᓐᓇᖅ ᐃᓱᐊᕐᑐᒧᑦ ᐋᕐᕿᒍᑎᑦᓴᑖᕐᑕᐅᒍᑎᒥᓐᓂᒃ ᐃᕐᖃᑐᐃᕕᒃᑯᓗᓐᓃᑦ ᐊᑭᓕᕐᑕᐅᒍᑎᑎᒍᓪᓗᓃᑦ.
ᑭᒡᒐᑐᕐᑎ ᐃᓘᓐᓇᖏᓐᓂᒃ ᐃᕐᖃᑐᐃᕕᒻᒨᑎᑦᓯᓯᒪᔪᓂᒃ ᐃᕐᖃᑐᐃᕕᒻᒥ ᑭᒡᒐᑐᕆᐊᖃᕐᓂᑯᒥᓄᑦ, ᐱᒻᒪᕆᐅᕗᖅ ᐃᓘᓐᓇᑎ ᑐᑭᓯᒪᑎᑕᐅᑦᓯᐊᕆᐊᖃᕐᓂᖏᑦ ᐊᒥᓱᐃᖑᑦᓱᑎᒃ ᐃᕐᖃᑐᐃᕕᒻᒨᕆᑎᑦᓯᓯᒪᒍᑎᒥᓐᓂᒃ. ᑌᒣᒻᒪᑦ ᒫᓐᓇᐅᓕᕐᑐᓗ ᑌᑦᓱᒪᓂᐅᓚᐅᔪᔪᕐᓗ ᑐᓴᕐᑕᐅᑎᑦᓯᒍᑏᑦ ᑕᑯᔭᐅᒍᓐᓇᓲᖑᕗᑦ ᐃᓄᓕᒫᓂᒃ ᑐᓴᕐᑎᓯᒍᑎᑎᒍᑦ, ᓯᑯᑦᓴᔭᐅᑦᓱᑎᒃ ᑐᓴᕋᑦᓴᓂᐅᑎᑎᒍᑦ, ᓈᓚᐅᑎᒃᑯᑦ ᐅᕝᕙᓘᓐᓃᑦ ᑕᑯᓐᓇᐅᔮᕈᑎᑎᒍᑦ ᐅᖃᕐᑕᐅᖃᑦᑕᓱᑎᒃ ᑐᓴᕐᕙᓚᑐᐃᓐᓇᕆᐊᓕᑦᓯᓂᒃ ᐃᒫᒃ ᐅᖃᕐᓗᓯ “ᐊᐅᑐᒐᓗᐊᕆᑦ, ᑖᒃᑯᐊᓕ ᐅᕙᓐᓅᓕᖓᓕᕐᒪᑕ, ᒫᓐᓇᓗ ᖃᐅᔨᒋᐅᕐᐸᑲ!. ᑕᒪᓐᓇ ᐱᐅᓯᑐᐃᓐᓇᖅ, ᐱᑦᔪᑎᖃᕐᓱᓂ ᑌᒣᓕᖓᕗᕐᓗ ᐃᓄᒃ ᐃᓚᐅᔪᖅ ᐅᖃᐅᓯᐅᔪᓄᑦ ᐊᒥᓱᐃᖑᑦᓱᑎᒃ ᐃᕐᖃᑐᐃᕕᓕᐊᕐᑎᓯᒍᑎᑎᒍᑦ ᐊᒃᓚᓯᒪᔪᖕᖑᐃᒋᐊᑐᖕᖏᒪᑦ ᐅᕝᕙᓘᓐᓃᑦ ᑲᔪᓯᑎᑦᓯᔨᐅᓇᓂ ᑭᒡᒐᑐᕐᑎᒥᒃ (ᓂᒃ) ᑭᒡᒐᑐᕐᑎᒋᔪᒪᓪᓗᒍ, ᖃᓄᐃᓘᕋᓱᒍᓐᓀᓗᓂᓗ ᐃᕐᖃᑐᐃᕕᓕᐊᕐᑎᓯᓯᒪᒍᑎᓂᑦ ᐱᕙᓪᓕᖁᑎᑖᕋᓱᒃᓗᓂ ᐃᕐᖃᑐᕐᑕᐅᓃᑦ ᐃᓱᓕᓯᒪᓕᕐᐸᑕ.
ᐃᕐᖃᑐᐃᕕᒻᒨᕆᔪᓄᑦ ᐃᓚᐅᔪᒪᓐᓂᖏᒃᑯᕕᑦ ᖃᓄᐃᓕᔭᐅᒐᔭᕐᕿᑦ? ᖃᐅᔨ ᑎᑕ ᐅᓯᒪᓕᕈᕕᑦ ᐃᕐᖃᑐᐃᕕᒻᒨᕆᔪᖃᓚᖓᒋᐊᖓ, ᐃᓚᐅᒍᓐᓇᓂᐊᕈᕕᑦ ᐅᖃᐅᓯᖃᕆᐊᖃᕐᐳᑎᑦ ᐱᔪᓐᓇᐅᑎᑎᑦ ᐊᑐᕐᓗᒋᑦ ᐃᓚᐅᒍᒪᓐᓂᕈᕕᑦ ᐅᕝᕙᓘᓐᓃᑦ ᐃᓚᐅᒍᒪᖕᖏᓗᑎᑦ ᐃᓄᑐᓗᑎᑦ ᐱᒐᓱᒍᒪᖔᕐᓂᑯᒧᑦ. ᖃᓄᐃᓘᕈᑎᑦᓴᓗᑯᐊᐱᖃᕐᒥᔪᑦ ᐊᒥᓱᐃᖑᑦᓱᑎᒃ ᐃᕐᖃᑐᐃᕕᓕᐊᕐᑎᓯᔪᓄᑦ ᐃᓚᐅᖃᑕᐅᒍᒪᖕᖏᑐᓄᑦ, ᐊᑕᓐᓂᐅᕈᑎᓂᒃ ᐊᑐᕆᐊᖃᕙᓪᓗᓲᑦ ᐊᓪᓚᓯᒪᔪᖕᖑᐃᒍᑎᑦᓴᔭᑎᒍᑦ ᐃᕐᖃᑐᐃᕕᖕᒧᑦ ᐋᑦᓯᓗᑎᒃ ᒪᓕᓪᓗᒋᑦ ᐱᕕᑦᓴᖃᕐᑎᑕᐅᒍᑎᑕᕆᒍᑎᐅᓯᒪᔪᑦ.
ᑭᓈ ᑭᒡᒐᑐᕐᑎᒋᔭᐅᔪᓐᓇᐸ (ᐸᑦ)? ᐃᓄᒃ ᐊᑕᐅᓯᖅ ᐊᒥᓱᖕᖏᑐᓪᓗᓃᑦ ᐃᓄᐃᑦ ᑭᒡᒐᑐᕐᑎᐅᒍᓐᓇᐳᖅ (ᐳᑦ) ᐃᒣᑐᐊᕈᑎᒃ:
– ᑐᕃᓐᓇᑐᒥᒃ ᐅᓇᒻᒥᓱᐊᒍᑎᖃᕐᓗᑎᑦ ᐱᓐᓀᓗᑕᒧᑦ ᐊᒥᓱᐃᓄᑦ ᐃᕐᖃᑐᐃᕕᒻᒨᕆᒍᑎᐅᓚᕿᓯᒪᔪᒧᑦ;
– ᑐᑭᓯᒪᑦᓯᐊᓗᑎᑦ ᓱᓇᐅᒻᒪᖔᑕ ᐃᕐᖃᐃᕕᒨᕆᒍᑎᐅᓯᒪᔪᑦ; ᐊᒻᒪᓗ
– ᐊᖏᕐᓗᑎᑦ ᐃᓚᐅᖃᑦᑕᓚᖓᓂᕐᒧᑦ ᓯᕗᒧᐊᑦᑎᑕᐅᒍᑎᖏᓐᓄᑦ ᐃᕐᖃᑐᐃᕕᓕᐊᕐᑎᓯᒍᑎᐅᔪᑦ ᐅᓇᒻᒥᓱᒍᑎᐅᑦᓱᑎᒃᓗ ᐃᓚᐅᔫᖃᑎᒌᑦᑐᓄᑦ. ᑭᒡᒐᑐᕐᑎ (ᑏᑦ) ᐱᖁᔭᓕᕆᔨᒥᒃ ᐱᓇᓱᑦᑎᑕᕆᐊᓕᒃ, ᐃᑲᔪᕐᑎᒋᓛᕐᑕᒥᓂᒃ
ᐃᕐᖃᑐᐃᕕᒻᒨᕆᓕᕈᓂ ᐊᒻᒪᓗ ᑭᒡᒐᑐᖃᑎᒋᓗᒍ ᐃᓘᓐᓇᖏᓐᓂᒃ ᐃᕐᖃᑐᐃᕕᒻᒨᕆᓂᕐᒥ ᐃᓚᐅᔫᖃᑎᒌᑦᑐᓂᒃ. ᑖᓐᓇ ᑭᖕᖒᒪᓇᕐᑐᖅ ᐱᑦᔪᑎᖃᕐᓱᓂ ᐱᓇᓱᒍᑎᐅᔪᑦ ᐊᑐᕐᑕᐅᔪᑦ ᐊᒥᓱᐃᓄᑦ ᐃᕐᖃᑐᐃᕕᒻᒨᕆᖃᑎᒌᑦᑐᓄᑦ ᐊᑑᑎᔭᖓᑦ ᐊᑦᔨᖃᓚᐅᕐᓯᒪᖕᖏᓂᑯᖓᓂᒃ!
ᑯᐯᒃ ᓄᓇᓕᕐᓚᖓᓂ, ᑭᒡᒐᑐᕐᑎ (ᑏᑦ) ᑮᓇᐅᔭᑎᒍᑦ ᐃᑲᔪᕐᑕᐅᔪᓐᓇᐳᑦ ᐅᑯᓇᖕᖓᑦ Fonds d’aide aux actions collectives (ᐊᒥᓱᐃᖑᑦᓱᑎᒃ ᐃᕐᖃᑐᐃᕕᒻᒧᕆᔪᑦ ᑮᓇᐅᔭᑎᒍᑦ ᐃᑲᔪᕐᑕᐅᒍᑎᖏᑦ), ᐊᑐᐃᓐᓇᐅᑎᑕᐅᔪᓂᒃ ᑲᕙᒪᒃᑯᓄᑦ ᑮᓇᐅᔭᖃᕐᑎᓯᒍᑎᑦᓴᐅᓱᑎᒃ ᐊᒥᓱᐃᑦ ᐃᕐᖃᑐᐃᕕᓕᐊᕐᑎᓯᒍᑎᖏᓐᓂᒃ. ᐃᓚᖃᕆᐊᓪᓚᒥᔪᖅ, ᒪᓕᒐᕐᑎᒍᑦ, ᐃᓄᒃ ᐱᖁᔭᓕᕆᔨᒥᒃ ᐱᓇᓱᑦᑎᑖᕐᑐᖅ ᐊᑭᓕᕐᑐᐃᒋᐊᖃᕐᓂᖓᓂᒃ ᐱᖁᔭᓕᕆᔩᑦ ᐊᑭᓕᕐᑐᑕᐅᒍᑎᒋᒋᐊᓕᖏᓐᓂᒃ. ᑭᓯᐊᓂᓕ ᐊᒥᓱᐃᑦ ᐃᕐᖃᑐᐃᕕᒻᒨᕆᑎᓪᓗᒋᑦ, ᐱᖁᔭᓕᕆᔩᑦ ᐃᕐᖃᑐᐃᕕᒃᑯ-ᑎᑦᓯᒍᑎᑎᒍᑦ ᓵᓚᖃᑐᐊᕋᒥᒃ ᑭᓯᐊᓂ ᐊᑭᓕᕐᑕᐅᓂᖃᓱᖑᒻᒪᑕ. ᐱᖁᔭᓕᕆᔩᑦ ᐊᑭᓕᕐᑕᐅᒍᑎᖏᑦ %-ᑎᑎᒍᓲᑦ ᐱᔭᐅᑦᓱᑎᒃ ᐊᑕᖏᕐᑐᒥᑦ ᐊᑭᓕᕐᑕᐅᒍᑎ-ᑕᖑᓚᖓᔪᓂᑦ ᐃᕐᖃᑐᐃᕕᓕᐊᕐᑎᓯᓯᒪᔪᑦ ᑐᑭᑖᕐᑕᐅᒍᑎᖏᓐᓂᒃ ᐅᕝᕙᓘᓐᓃᑦ ᑮᓇᐅᔭᕐᑕᑎᑕᐅᒍᑎᒋᓛᕐᑕᖏᓐᓂᑦ. ᑭᒡᒐᑐᕐᑎ (ᑏᑦ) ᐊᒻᒪᓗ ᐱᖁᔭᓕᕆᔨ ᐊᖏᖃᑎᒌᒍᑎᖃᕐᓯᒪᒋᐊᓖᒃ ᖃᑦᓯᓂᒃ %-ᑎᓂᒃ ᐊᑭᓕᕐᑕᐅᓂᖃᓛᕐᒪᖔᑦ ᑐᑭᑖᖃᑎᒌᓪᓗᑎᒃ ᐃᕐᖃᑐᐃᕕᓕᐊᕐᑎᓯᓂᖅ ᐱᕙᓪᓕᐊᑎᑕᐅᓂᖃᕐᓯᑐᐊᕐᐸᑦ. ᐊᒥᓲᖕᖏᑐᓂᒃ ᐃᕐᖃᑐᐃᕕᓕᐊᕐᑎᓯᓂᐅᖃᑦᑕᓯᒪᔪᓂ ᐱᐅᓯᑐᖃᐅᖕᖏᑲᓗᐊᕐᑎᓗᒍ, ᐃᕐᖃᑐᐃᕖᑦ ᑲᒪᒋᐊᕆᐊᖃᖃᑦᑕᓯᒪᕗᑦ ᐱᖁᔭᓕᕆᔨᐅᑉ ᐊᑭᓕᕐᑕᐅᒍᑎᖏᑦ ᓈᒻᒪᓈᑦᓯᐊᖁᓪᓗᒋᑦ ᐱᔪᓐᓇᐅᑎᓕᒻᒥᒃ ᐊᑭᓖᓂᑎᒍᑦ, ᐃᕐᖃᐅᒪᒋᔭᐅᑦᓯᐊᖁᓗᒋᑦ ᐊᒥᓱᐃᓄᑦ ᐃᕐᖃᑐᐃᕕᒻᒧᕆᔪᓄᑦ ᐱᖁᔭᓕᕆᔨᒋᔭᐅᔪᖅ ᐊᑭᓕᕐᑕᐅᒍᑎᖏᑦ, ᐃᓚᒋᔭᐅᓲᑦ ᐊᑭᓕᕐᑕᐅᒍᑎᓂᒃ ᐊᖏᖃᑎᒌᒍᑎᓄᑦ, ᐅᓄᓗᐊᖁᓇᒋᑦ ᑭᓯᐊᓂᓕ ᓇᓪᓕᖁᐊᕆᔭᐅᖁᓪᓗᒋᑦ ᐋᕐᕿᒍᑎᑦᓴᑕᖑᔪᑦ ᒪᓂᔭᐅᔪᑦ ᐃᕐᖃᑐᐃᕕᒻᒨᕆᓯᒪᔪᓄᑦ ᑐᖕᖓᕕᐅᑎᓪᓗᒋᑦ.
ᐊᒥᓱᐃᑦ ᐃᕐᖃᑐᐃᕕᒻᒧᕆᒍᑎᖏᑕ ᐱᓇᓱᑦᑕᐅᒍᑎᑦᓴᔭᖏᑦ
ᖃᓄᐃᓘᕈᑎᑦᓭᑦ 1; ᐊᖏᕈᑏᑦ
ᓱᕐᖁᐃᑐᒥᒃ ᑭᒡᒐᑐᕐᑎ (ᑏᑦ) ᑭᒡᒐᑐᕐᓂᖃᑦᓯᐊᖁᓪᓗᒋᑦ ᐊᒥᓱᐃᖑᑦᓱᑎᒃ ᐃᕐᖃᑐᐃᕕᒻᒧᕆᓯᒪᔪᑦ ᐃᓚᒌᑦᑐᖁᑎᖏᓐᓂᒃ, ᐱᓪᓗᑯᒋᐊᓕᑎᒍᑦ ᐱᓇᓱᒍᑎᑦᓭᑦ ᐃᓚᐅᖃᑕᐅᖏᓐᓇᑐᑦᓴᓕᐊᖑᒪᓱᖑᕗᑦ ᐊᒥᓱᐃᑦ ᐃᕐᖃᑐᕕᒻᒨᕆᒍᑎᖏᓐᓂ. ᑭᒡᒐᑐᕐᑎ (ᑏᑦ) ᓇᓂᓯᒐᓱᒋᐊᖃᕐᐳᖅ ᐱᔭᖃᕐᓗᓂᓗ ᐊᖏᕐᑕᐅᒍᑎᓂᒃ ᑯᐯᒃ ᐃᕐᖃᑐᐃᕕᕐᔪᐊᖓᓂᑦ ᐃᕐᖃᑐᐃᔨᒥᑦ ᐃᓕᖓᓂᖃᕐᑎᓗᒍ ᐊᒥᓱᐃᑦ ᐃᕐᖃᑐᐃᕕᒻᒨᕆᒍᑎᖏᑦ ᓯᕗᒧᐊᑦᓯᐊᖁᓪᓗᖏᑦ. ᐊᖏᕐᑕᐅᓯᒪᒍᑏᑦ ᐱᕙᓪᓕᐊᑎᑕᐅᔪᑦ ᑕᒪᓐᓇ ᓯᕗᓪᓕᐹᑐᐃᓐᓇᖓᑦ. ᐅᑦᑐᕋᐅᑎᖃᑎᒌᒍᑎᑐᐃᓐᓇᖅ; ᐊᑑᑎᕋᑕᖕᖏᑐᖅ ᓱᓕ ᐃᕐᖃᑐᐃᕕᒃᑰᓂᖅ. ᐊᖏᕐᑕᐅᒍᑎᒥᒃ ᐱᔭᖃᕐᓂᐊᕈᓂ, ᑭᒡᒐᑐᕐᑎ (ᑏᑦ) ᑕᑯᑦᓴᐅᑎᑦᓯᒋᐊᖃᕐᐳᖅ ᐊᑑᑎᔭᐅᒋᐊᓕᓐᓂᒃ ᐊᑑᑎᑦᓯᐊᓂᖃᕐᓂᒥᓂᒃ:
1- ᐊᒥᓱᐃᑦ ᐃᕐᖃᑐᐃᕕᒻᒨᕆᔪᑦ ᐃᓚᐅᔫᖃᑎᒌᓕᒫᑦ ᐊᑦᔨᒌᓂᒃ, ᐊᑦᔨᒌᒐᓚᓐᓂᓗ, ᐅᕝᕙᓘᓐᓃᑦ ᐃᓕᖓᔪᓂᒃ ᐊᐱᕆᐅᑎᖃᕐᓗᑎᒃ ᐱᖁᔭᓄᑦ ᐊᑑᑎᓯᒪᓪᓚᕆᑦᑐᓄᓪᓗ;
2- ᓱᕐᖁᐃᑐᓂᕋᕐᑕᐅᔪᑦ ᓵᑦᓯᓯᒪᒍᑏᑦ ᓄᐃᑕᒋᐊᖃᕐᐳᑦ ᓱᓕᓗᑎᒃ ᐱᔭᐅᒐᓱᑦᑐᓅᓕᖓᓂᕐᒥᒍᑦ;
3- ᒪᓂᔭᐅᔪᖅ ᓵᑦᓯᓯᒪᔪᓄᑦ ᐊᖏᔫᒋᐊᖃᕐᐳᖅ ᐱᖕᖏᑐᓚᕿᒍᑎᐅᑦᑌᓕᓗᓂ ᑎᓕᔭᐅᒍᑎᐅᒋᐊᓕᓐᓂᒃ ᐱᓗᒋᑦ ᐃᓘᓐᓇᖏᓐᓂᑦ ᐃᓚᐅᔫᖃᑎᒌᑦᑐᓂᑦ; ᐊᒻᒪᓗ
4- ᑭᒡᒐᑐᕐᑎ ᑕᑯᑦᓴᐅᑎᑦᓯᒋᐊᖃᕐᐳᖅ ᑭᒡᒐᑐᕐᑎᐅᓯᐊᕈᓐᓇᓂᕐᒥᓂᒃ ᐊᒥᓱᐃᑦ ᐃᕐᖃᑐᐃᕕᒻᒨᕆᔪᑦ ᐅᓇᒻᒥᓱᐊᒍᑎᖏᓐᓂᒃ ᐃᕐᖃᑐᐃᕕᒻᒨᕆᒍᑎᒥᒍᑦ. ᐅᖃᕆᐊᓪᓚᐳᒍᑦ, ᖃᐅᔨᒪᓪᓗᑯᒋᐊᑐᖕᖏᓇᑦᑕ ᑭᓇᒃᑯᒪᒐᑕ ᐃᕐᖃᑐᐃᕕᒻᒨᕆᒍᑎᓕᐅᕐᓯᒪᔪᑦ ᖃᑦᓯᐅᒪᖔᑕᓗ. ᓈᒻᒪᒪᑕ ᐅᓄᕐᓂᖏᑦ ᐅᑯᐊᖑᓕᕐᖂᕈᑎᐅᓗᑎᒃ.
ᐃᓚᖃᕆᐊᓪᓚᒥᔪᖅ, ᐃᕐᖃᑐᐃᔨᐅᑉ ᐃᓱᒪᑦᓴᓯᐅᕈᑎᖃᓚᖓᓂᖓᓂᒃ ᐊᒥᓱᐃᑦ ᐃᕐᖃᑐᐃᕕᒻᒨᕆᒍᑎᒋᒐᓱᑦᑕᖏᑦ ᐱᐅᓂᕐᓴᐅᒪᖔᑕ ᐋᕐᕿᒍᑎᑦᓴᑕᕆᒍᑎᐅᓂᒃᑯᑦ ᐱᓐᓀᓗᑕᓂᒃ ᓴᓂᐊᓐᓂ ᐊᒥᓱᐃᑦ ᐃᕐᖃᑐᐃᕕᒃᑯᑎᑦᓯᒍᑎᐅᔪᑦ ᐊᒻᒪᓗ ᐊᒥᓱᐃᑦ ᐃᕐᖃᑐᕕᒻᒨᕆᒍᑎᖏᑦ ᑲᔪᓯᓂᖃᑦᓯᐊᓂᐊᕋᓗᐊᕐᒪᖔᑕ
ᐃᕐᖃᑐᐃᔨ ᐊᓱᐃᓛ ᐱᔭᖃᕋᓱᒍᑎᐅᔪᓂᒃ ᓈᒻᒪᓂᕃᑉᐸᑦ, ᐊᖏᕐᑕᐅᒍᑎᖏᑦ ᐱᕙᓪᓕᐊᑎᑦᓯᒍᑎᐅᓯᒐᔭᕐᐳᑦ ᐊᒥᓱᐃᓅᓕᖓᔪᑦ ᖃᓄᐃᓘᕐᑕᐅᒍᑎᒋᓯᔭᖏᓐᓂᒃ.
ᖃᓄᐃᓘᕈᑎᑦᓭᑦ 2: ᐃᕐᖃᑐᐃᕕᒃ ᐃᓱᒪᑦᓴᓯᐅᕈᑎᖃᕐᐳᖅ ᑲᔪᓯᒍᑎᑦᓴᖏᓐᓂᒃ ᐊᒥᓱᐃᑦ ᐃᕐᖃᑐᐃᕕᒻᒧᕆᒍᑎᐅᓇᓱᑦᑐᑦ
ᐊᓱᐃᓛᒃ ᐊᖏᕐᑕᐅᐸᑦ ᐊᒥᓱᐃᑦ ᐃᕐᖃᑐᐃᕕᒻᒨᕆᒍᑎᒋᒐᓱᑦᑖ, ᑲᔪᓯᓂᖃᕐᓂ ᐊᓕᕐᒪᑦ ᐊᓯᒥᑐᑦ ᐃᓄᓕᒫᓄᓕᖓᔪᑦ ᐱᓂᐊᕐᓂᖏᑎᑐᑦ, ᐊᒥᓱᐃᑦ ᐃᕐᖃᑐᐃᕕᒻᒨᕆᒍᑎᖏᑦ ᐱᓪᓗᑯᒋᐊᖃᕐᓂᓴᐅᓱᖑᒐᓗᐊᕐᓱᑎᒃ ᐊᒻᒪᓗ ᐱᑕᖃᕆᐊᖃᕐᓱᑎᒃ ᐊᒥᓱᐃᓂᒃ ᓱᓪᓕᑎᐅᓂᕋᕐᑕᐅᒍᑎᓂᒃ. ᐃᕐᖃᑐᐃᕕᐅᑉ ᖃᓄᐃᓘᕐᑎᐅᓂᖓ ᑕᒃᑲᓂ ᐃᓱᒪᑦᓴᓯ ᐅᕐᓂᐅᒋᐊᖃᕐᐳᖅ ᓱᓕᑎᑦᓯᒍᑎᓂᒃ, ᑕᒪᓐᓇ ᑐᑭᓕᒃ ᐃᕐᖃᑐᐃᕕᒃ ᑭᓪᓕᓯᓂ ᐊᕐᓂᐊᑎᓪᓗᒍ ᓱᓕᓂᕃᒍᑎᓂᒃ ᑐᓵᑎᑕᐅᒍᑎᖃᕐᓗᓂᓗ ᐱᖁᔭᑎᒍᑦ ᐁᕙᐅᑎᒍᑎᑕᖏᓐᓂᒃ ᐱᓗᓂᒋᑦ ᐱᑦᔪᑕᐅᓪᓚᕆᑦᑐᓂᑦ.
ᑕᒪᒃᑯᐊ ᐊᒥᓱᐃᑦ ᐱᓂᐊᕐᓂᖃᕈᑎᒋᓕᕐᑕᖏᑦ ᐊᑯᓂᕆᔪᒥᒃ ᓲᕐᓗ ᓈᒻᒪᒋᐅ ᑎᖕᖏᓂᐅᓲᖑᕗᑦ. ᐊᒥᓱᓂ ᐊᕐᕌᒍᕐᑐᑐᐃᓐᓇᕆᐊᓖᑦ. ᐃᓘᓐᓈᒍᑦ, ᑐᖕᖓᕕᒋᓗᒋᑦ ᒪᓕᑦᑕᐅᔭᕆᐊᓖᑦ ᐊᕐᕌᒍᓐᓂ ᒪᕐᕈᒐᓛᓐᓂ ᐱᓂᐊᕐᓂᕆᔭᐅᒍᒪᔪᑦ ᐊᖏᕐᑕ ᐅᓇᓱᒋᐊᖃᓱᖑᕗᑦ ᐊᖏᕐᑕᐅᒪᓕᕋᒥᓪᓗ ᐊᕐᕌᒍᕐᓂ ᐊᒥᓱᓂ ᐱᓇᓱᑦᑕ-ᐅᓂᖃᕈᓐᓇᓱᑎᒃ ᐃᕐᖃᑐᐃᔨ ᑐᑭᑖᕈᑎᒥ ᑭᖑᓪᓕᐹᖓᓐᓂᒃ ᑐᑭᑖᕈᑎᖃᓚᐅᕐᑎᓇᒍ. ᓲᕐᓗ ᐆᑦᑐᑎᒋᓗᒋᑦ, ᐃᓚᐅᖃᑕᐅᔪᑦ ᐊᒥᓱᐃᑦ ᐃᕐᖃᑐᐃᕕᒻᒨᕆᓯᒪᒍᑎᖏᓐᓄᑦ ᓵᑦᓯᓯᒪᒍᑎᖃᕐᐸᑦ ᑮᓇᐅᔭᒃᑯᕕᓐᓄᑦ ᐊᑭᓕᕐᑐᐃ ᑎᑦᓯᓗᐊᕈᑎᕕᓂᖏᓐᓄᑦ ᐊᕐᕌᒍᑦ 12 ᐅᖓᑖᓄᑦ ᑐᑭᑖᕈᑎ ᐅᕐᖃᔭᓚᐅᔪᖕᖏᓚᖅ ᑮᓇᐅᔭᕐᑕᕈᑎᐅᓂᖏᑕ ᓯᕗᓂᖓᓂ.
ᐋᕐᕿᒍᑎᑦᓭᑦ ᐊᓱᐃᓛᒃ ᐊᒥᓱᐃᑦ ᐱᓂᐊᕐᓂᖃᕈᑎᖏᑦ ᑲᔪᓯᑦᓯᐊᑐᐊᕐᐸᑕ
ᐊᓱᐃᓛᒃ ᐃᕐᖃᑐᐃᔨ ᐱᔭᐅᒐᓱᑦᑐᓂᒃ ᑭᖑᓪᓕᐹᓂᒃ ᐊᖏᕐᐸᑦ, ᐃᕐᖃᑐᐃᕕᒃ ᑐᑭᑖᕐᓂᐊᓕᕐᒪᑦ ᑮᓇᐅᔭᑎᒍᑦ ᐊᑭᓕᕐᑕᐅᒍᑎᑦᓴᓂᒃ ᐱᒍᓐᓇᑕᖏᓐᓂᒃ ᐃᕐᖃᑐᐃᕕᒻᒨᕆᓯᒪᔪᑦ ᐅᕝᕙᓘᓐᓃᑦ ᑐᑭᑖᕆᓗᓂ ᐊᑭᓕᕐᑕᐅᒍᑎᑦᓴᖏᓐᓂᒃ.
ᐃᕐᖃᑐᐃᕕᒃ ᑐᑭᑖᕈᑎᖃᕐᓂᐊᒥᔪᖅ ᖃᓄᐃᓘᕐᓗᑎᒃ ᐊᒥᓱᐃᑦ ᐃᕐᖃᑐᐃᕕᒻᒧᕆᓯᒪᔪᑦ ᐱᓂᐊᕐᓂᖃᕐᑐᓴᐅᒻᒪᖔᑕ ᐱᔭᖃᕋᓱᓕᕈᑎᒃ ᐱᔭᐅᒍᓐᓇᑎᑕᐅᔪᓂᒃ ᐋᕐᕿᒍᑎ-ᑖᕐᑕᐅᒍᑎᒥᓐᓂᒃ. ᐃᓚᖏᑎᒍᑦ, ᑕᒪᓐᓇ ᐃᓚᖃᑐᐃᓐᓇᕆᐊᓕᒃ ᐊᒃᓚᓯ-ᒪᔪᖕᖑ ᐃᒍᑎᑦᓴᔭᓂᒃ ᐊᒃᓚᓯᒪᔪᖕᖑᐃᓂᖃᕈᑎᓂᒃ ᐊᓯᖏᑎᒍᓪᓗ ᑕᒪᓐᓇ ᐊᑭᓕᕐᑕᐅᒍᑎᑦᓴᑖᕋᓱᓐᓂᖅ ᐱᓪᓗᑯᒋᐊᖃᕐᓂᓴᐅᑐᐃᓐᓇᕆᐊᖃᕐᓱᓂ. ᐃᕐᖃᑐᐃᔨ ᐊᑐᑎᔭᐅᖁᔨᓂᐊᕐᑐᖅ ᑐᓴᕐᑕᐅᑎᑦᓯᒍᑎᓂᒃ ᓄᐃᑕᐅᖁᔨᓗᓂ ᐊᓪᓚᓯᒪᔪᖃᐅᑎᖓᓂ ᐊᒥᓱᐃᑦ ᐃᕐᖃᑐᐃᕕᒻᒦᑎᑦᓯᒍᑎᓖᑦ, ᐃᓚᖃᕐᒥᑎᓪᓗᒋᑦ ᑐᓴᖃᑦᑕᐅᑎᒍᑎᑎᒍᑦ ᑕᑯᔪᓐᓇᑕᖏᒍᑦ ᐃᕐᖃᑐᐃᕕᒻᒧᕆᓯᒪᖃᑎᒌᖑᔪᑦ, ᓲᕐᓗ ᓄᓇᓕᑦ ᑐᓴᕋᑦᓴᓂᐅᑎᖏᑎᒍᑦ ᖃᕆᑕᐅᔭᒃᑯᓗ ᑐᓴᕋᑦᓴᓂᐅᑎᑎᒍ. ᑐᓴᕐᑕᐅᑎᑦᓯᒍᑏᑦ ᐅᖃᕐᓯᒪᒋᐊᓖᑦ ᐊᒥᓱᐃᑦ ᐃᕐᖃᑐᐃᕕᓕᐊᕐᑎᓯᒍᑎᕕᓂᖏᑦ ᖃᓄᐃᓕᖕᖓᓂᕐᒪᖔᑕ, ᐃᓚᐅᔫᖃᑎᒌᑦᑐᓗ ᖃᓄᐃᓪᓗᐊᑐᓂᒃ ᐊᑭᓕᕐᑕᐅᒍᑎᑖᕈᓐᓇᒪᖔᑕ, ᖃᓄᕐᓗ ᐱᒐᓱᒍᓐᓇᒪᖔᒋᑦ. ᐃᓚᐅᔫᖃᑎᒌᑦ ᖄᖏᐅᑎᑦᑌᓕᑦᓯᐊᕆᐊᓖᑦ ᐅᒃᓗᓂ ᐱᕕᑦᓴᖃᕐᑎᑕᐅᕕᓐᓂᒃ ᐅᕝᕙᓘᓐᓃᑦ ᐃᒣᓕᖓᒋᐊᓖᕈᑎᐅᔪᓂᒃ ᐃᓄᒃ ᑮᓇᐅᔭᓂᒃ ᑎᒍᓯᓂᐊᑐᐊᕐᐸᑦ.
ᐊᒥᓱᐃᑦ ᐃᕐᖃᑐᐃᕕᓕᐊᕐᑎᓯᓯᒪᒍᑎᖏᑦ ᐋᕐᕿᒍᑎᑦᓴᑖᕐᑕᐅᐸᑕ ᐊᖏᖃᑎᒌᒍᑎᓂᒃ
ᐃᓱᒪᒋᓗᒋᑦ ᖃᓄᑎᒋᒃ ᐊᑯᓂᕆᓱᖑᓂᖏᑦ ᐊᒻᒪᓗ ᐱᓪᓗᑯᒋᐊᖃᕐᓂᕆᓲᖏᑦ ᑕᒪᒃᑯᐊ ᐊᒥᓱᐃᑦ ᐃᕐᖃᑐᐃᕕᒻᒨᕆᒍᑎᖏᑕ, ᐊᔪᒉᑦᑐᖏᓪᓚ ᐊᒥᓱᑦ ᐊᖏᖃ-ᑎᒌᒍᑎᑎᒍᑦ ᑐᑭᑖᕐᑕᐅᓱᖑᒋᐊᖏᑦ. ᓴᐳᑦᔭᐅᒪᒍᑎᒋᑦᓱᒋᑦ ᐊᒥᓱᐃᑦ ᐃᕐᖃᑐ-ᐃᕕᒻᒨᕆᓯᒪᒍᑎᓖᑦ, ᐃᓘᓐᓇᑎᒃ ᐊᖏᖃᑎᒌᒐᓱᒍᑎᑎᒍᑦ ᑐᑭᑖᕐᑕᐅᔪᑦ ᐊᖏᕐᑕᐅᒋᐊᖃᕆᕗᑦ ᐃᕐᖃᑐᐃᕕᒻᒧᑦ. ᑕᒪᓐᓇ ᑌᒣᓕᖓᔪᖅ ᓱᕐᖁᐃᑐᒥᒃ ᐊᖏᖃ ᑎᒌᒍᑎᑎᒍᑦ ᑐᑭᑖᕐᑕᐅᔪᑦ ᓈᒻᒪᕕᖃᑦᓯᐊᑐᑦᓴᐅᓂᖏᓐᓂᒃ ᐊᒥᓱᐃᖑᑦᓱᑎᒃ ᐃᓚᐅᔫᖃᑎᒌᑦᑐᓂᒃ, ᓲᕐᓗ ᓈᒻᒪᓈᑦᓯᐊᑐᓂᒃ ᐊᑭᓕᕐᑕᐅᒍᑎᑖᕐᑎᑕᐅᓂᖏᑎᒍᑦ. ᐃᓚᖃᕆᐊᓪᓚᒥᔪᑦ, ᐱᔭᖃᕋᓱᒍᑎᐅᓚᖓᔪᑦ ᐃᓂᓪᓚᑕᐅᒪᒋᐊᖃᕐᓂᖏᑦ ᐊᒥᓱᐃᑦ ᐃᕐᖃᑐᐃᕕᒻᒨᕆᓯᒪᔪᑦ ᐃᓚᐅᔫᖃᑎᒌᑦᑐᖁᑎᖏᑦ ᐱᔭᖃᕋᓱᒍᓐᓇᓂᑦᓴᖏᑦ ᑮᓇᐅᔭᑎᒍᑦ ᐊᑭᓕᕐᑕᐅᒍᑎᑕᖑᔪᓂᑦ ᐊᒥᕐᖃᖃᑕᐅᓂᕐᒥᒃ.
ᓯᑕᒪᐅᔪᖕᖏᒐᕐᑐᑦ ᒥᑦᓯᑎᓐᓃᐳᑦ ᐊᒥᓱᐃᑦ ᐃᕐᖃᑐᐃᕕᒻᒨᕆᓯᒪᒍᑎᖏᑦ ᐃᓚᐅᕕᐅᑐᐃᓐᓇᕆᐊᖃᕐᓱᑎᒃ ᓄᓇᕕᒻᒥᐅᓄᑦ ᐃᓄᑐᐃᓐᓇᓄᑦ ᐊᒥᓱᐃᓂᒃ ᐊᑦᔨᒌᖕᖏᑐᓂᒃ ᖃᓄᐃᓕᖓᓂᖃᕐᓱᑎᒃ: ᐃᓚᖏᑦ ᐊᖏᕐᑕᐅᓯᒪᔪᑦ ᑭᓯᐊᓂ ᓱᓕ ᐅᓪᓗᓴᓕᐅᕐᑕᐅᓯᒪᒐᑎᒃ, ᐊᓯᖏᑦ ᓱᓕ ᑐᓂᔨᒍᑎᐅᒋᐊᖃᕐᐳᑦ ᐊᖏᕐᑕᐅᒍᒪᔪᓄᑦ ᐊᑕᓐᓂᐅᕈᑎᓂᒃ. ᐊᒻᒪᓗᒋᐊᓪᓚᒃ, ᐊᒥᓱᐃᑦ ᐃᕐᖃᑐᐃᕕᒻᒨᕆᒍᒪᒍᑎᖏᑦ ᑐᕌᖓᔪᑦ ᐊᓯᖏᓐᓄᑦ ᐊᒥᓱᐃᖑᑦᓱᑎᒃ ᐃᕐᖃᑐᐃᕕᒻᒨᕆᒍᑎᐅᒍᒪᔪᑦ ᐅᓇᒻᒥᒋᔭᐅᒍᓐᓇᑐᐃᓐᓇᕆᐊᓖᑦ ᐃᓕᖓᑦᓱᑎᒃ ᓄᓇᕕᒻᒥᐅᓄᑦ ᐅᑯᐊᖑᕗᑦ (ᓲᕐᓗ ᓵᑦᓯᒍᑎᐅᔪᑦ ᖃᕆᑕᐅᔭᑎᒍᑦ ᐱᓇᓱᒍᑎᐅᓲᓂᒃ ᐅᑯᓂᖓ Facebook; Apple; ᐊᓯᖏᓐᓂᓗ) ᖃᐅᔨᒋᐊᕈᓐᓇᐳᑎᑦ ᑯᐯᒃ ᐃᕐᖃᑐᐃᕕᕐᔪᐊᖓᑕ ᐊᒃᓚᓯᒪᔪᖕᖑᐃᕕᖓᓂᒃ ᐊᒥᓱᐃᑦ ᐃᕐᖃᑐᕕᒻᒧᕆᒍᑎᒋᓯᒪᔭᖏᓐᓂᒃ, ᖃᕆᑕᐅᔭᑎᒍᑦ ᑕᑯᒋᐊᕐᑕᐅᒍᓐᓇᑐᑦ. ᐊᒻᒪᓗ ᓄᓇᓕᑦᓯᓂ ᓯᑯᑦᓴᔭᑎᒍᑦ ᑐᓴᕋᑦᓴᓂᐅᑎᓂᒃ ᐅᕝᕙᓘᓐᓃᑦ ᐊᓯᖏᑎᒍᑦ ᑐᓴᕐᑎᑕᐅᒍᑎᒃᑯᑦ, ᑌᒫᒃ ᐃᓄᓕᒫᑦ ᑲᖐᓱᐊᓂᖏᑦ ᐃᓚᒋᔭᐅᓱᖑᒻᒪᑕ ᓇᓪᓕᑐᐃᓐᓇᖏᓐᓄᑦ ᐊᒥᓱᐃᑦ ᐃᕐᖃᑐᐃᕕᒃᑯᑎᑦᓯᓂᖏᓐᓄᑦ ᐃᑉᐱᒋᑦᓱᓂᒋᑦ ᓴᕐᕿᓕᕐᓂᒪᑕᓂᑦ.
ᐱᖁᔭᓕᕆᐅᑏᑦ ᐃᑲᔪᕐᓯᒍᑏᑦ ᓯᕗᓂᖃᕈᑎᐅᕗᑦ ᑐᑭᓯᑎᑦᓯᓂᑦᓴᒥᒃ ᓄᓇᕕᐅᑉ ᐃᓄᑐᐃᓐᓇᖏᓐᓂᒃ ᐱᑦᔪᔭᐅᔪᓂᒃ ᐃᓗᓐᓈᒍᑦ ᐊᒻᒪᓗ ᐊᕗᖓᐅᓕᔪᓂᒃ ᖃᓄᐃᓕᖓᓂᑎᒍᑦ ᐃᓚᖏᑦ ᐱᖁᔭᓂᒃ ᑐᑭᓯᒪᑦᓯᐊᖁᓪᓗᒋᑦ ᑯᐯᒃᒥ, ᑖᒃᑯᐊ ᐱᖁᔭᑎᒍᑦ ᐃᓱᒪᒋᔭᐅᓯᒪᖕᖏᓚᑦ ᐱᖁᔭᑎᒎᕐᑐᑎᒍᓪᓗ ᐊᔪᖀᒋᐊᕈᑎᐅᒐᑎᒃ ᐱᔭᐅᒍᓐᓇᕕᓕᓐᓂᒃ ᖃᐅᔨᒋᐊᕐᕕᓕᓐᓄᑦ ᐃᒻᒥᒎᕐᓱᑎᒃ ᐱᓇᓱᒐᓕᓐᓂᒃ (ᐱᖁᔭᓕᕆᔨᓂᒃ ᐅᕝᕙᓘᓐᓃᑦ ᐱᖁᔭᑎᒎᕐᑐᓂᒃ ᐊᒃᓚᖁᑎᓂᒃ ᓱᓕᓕᕐᑎᓯᔨᓂᒃ).
