ᐊᑦᔨᖑᐊᓕᒫᑦ ᐊᑦᔨᓕᐊᕕᓃᑦ ᕖᓕᒃᔅ ᓭᓐᑦ-ᐅᐯᒧᑦ
ᐊᕐᕌᒍᓂ ᐱᖓᓱᓂ ᑐᖓᓕᕆᑦᑐᓂ, ᑕᓯᐅᔭᕐᒥᐅᒃ ᒍᐃᓕ ᑮᓐ ᐊᒻᒪᓗ ᑭᐊᓐ ᓚᐲ ᓵᓚᖃᓚᐅᕐᑑᒃ ᐃᕙᒃᑲᓂᖃᕐᑎᓗᒍ 2020 ᐊᕐᕌᒍᖓᓂ ᐃᓄᐃᑦ ᕿᒻᒥᓴᔭᖏᓐᓄᑦ ᓱᑲᓕᐅᕐᑎᑦᓱᑎᒃ. ᓵᓚᖃᓚᐅᕐᑑᒃ 498 ᑭᓛᒥᑕᓂᒃ ᐅᖓᓯᓐᓂᓕᒻᒧᑦ ᐃᖏᕐᕋᓱᑎᒃ ᑲᖏᕐᓱᒥᑦ ᑲᖏᕐᓱᐊᓗᒃᔪᐊᒧᑦ, ᐅᑯᓂᖓ ᓄᓇᓕᓐᓂᒃ ᐊᕐᖁᓵᖃᑦᑕᓱᑎᒃ ᐊᐅᐸᓗᒃ, ᑕᓯᐅᔭᖅ ᐊᒻᒪᓗ ᑰᑦᔪᐊᒥᒃ ᐊᕐᖁᑎᒥᓂ, ᑫᕙᓪᓚᒍᓯᓂ/ᐃᑲᐅᕐᓂᓂ 43:11:33 ᐃᖏᕐᕋᓱᑎᒃ.
ᐊᖑᒪᔭᐅᒐᓛᑦᓯᐊᓱᑎᒃ, ᑐᖓᓕᕆᔭᒥᓄᑦ ᐱᖓᔪᒋᔭᐅᔪᓐᓄᓗ ᐅᑯᓄᖓ ᐁᓴ ᓱᕈᓯᓛᖅ ᐊᒻᒪᓗ ᐁᐱᓕ ᖁᒫᓗᒃ (ᐳᕕᕐᓂᑐᕐᒥᐅᒃ), ᐊᒻᒪᓗ ᔮᓂᒻᒪᕆᒃ ᐴᓐ ᐊᒻᒪᓗ ᐲᑕ ᐊᖑᑎᒃ ᓄᕙᓕᖕᖓᖅ (ᐳᕕᕐᓂᑐᕐᒥᐅᒃ) ᐃᑲᐅᕐᓂᖃᓚᐅᔫᒃ/ ᑫᕙᓪᓚᒍᓯᖃᓚᐅᔫᒃ 43:21:52 ᐊᒻᒪᓗ 43:22:38.
ᕿᒧᑦᓯᑏᑦ ᕿᒻᒥᖏᓪᓗ ᑲᑎᓚᐅᔪᑦ ᑲᖏᕐᓱᒥ ᐊᕗᓐᓂᑎ (ᕕᐳᐊᕆ) 25-ᒥ ᐱᒋᐊᕐᕕᒋᓚᖓᔭᒥᓂ ᐊᒻᒪᓗ ᓂᕆᒻᒫᓂᖃᕐᑎᑕᐅᓚᐅᔪᑦᓱᑎᒃ ᓄᓇᓕᒻᒧᑦ ᐃᑲᔪᕐᓯᒪᑎᓪᓗᒋᑦ ᓴᐅᑦᔪᐃᑦ ᐃᓕᓐᓂᐊᕕᒻᒥ ᐃᓕᓵᑦ. ᓯᕗᓕᕐᑎᒧᑦ ᑐᖕᖓᓱᑦᑎᑕᐅᓂᖃᓚᐅᔪᑦ ᐃᓚᐅᔪᓕᒫᑦ ᐊᒻᒪᓗ ᒪᑭᕝᕕᒃᑯᑦ ᒪᑭᑕᒐᓱᐊᕐᓂᒧᑦ ᐱᕈᕐᐸᓕᐊᑎᑦᓯᒐᓱᐊᕐᕕᐅᑉ ᐊᓪᓚᕕᖓᓂ ᐊᖓᔪᕐᖄᑉ ᑐᖓᓕᖓ ᒫᑭ ᐃᒪᕐᓚᒃ, ᓂᕆᒻᒫᑐᓂᑦᑐᓂᓪᓗ ᐅᖄᕕᖃᓚᐅᔪᑦᓱᓂ, ᐅᐱᒋᔭᖃᕐᕙᓛᑦᓱᓂᓗ ᕿᒧᑦᓯᑎᓂᒃ ᑎᒍᒥᐊᒐᖃᓪᓚᕆᒻᒪᑕ ᐱᒻᒪᕆᐅᔪᒥᒃ ᐃᓄᐃᑦ ᐱᐅᓯᑐᖃᖏᓐᓂᒃ ᓄᐃᑕᑎᑦᓯᓂᒃᑯᑦ ᐆᒪᑎᑦᓯᓱᑎᒃ.
ᑭᓯᐊᓂ ᑭᑎᑦᔪᑎᓕᒃ/ᑭᓯᑦᓯᒍᑎᓕᒃ 7-ᒥᒃ, ᓱᓇᓕᒫᑦᓯᐊᓂᒃ ᐊᓯᑦᔩᓚᐅᔪᖅ ᑕᕝᕙᓂ ᐊᕐᕋᒍᒥ, ᐊᒻᒪᓗ ᑭᑎᑦᔪᑎᖓ/ᑭᓯᑦᓯᒍᑎᖓ ᓄᐃᑕᑎᑕᐅᖏᓐᓇᓕᒫᓚᐅᔪᑦᓱᓂᓱᑲᓕᐅᑎᔪᓄᑦ ᐊᒻᒪᓗ ᐃᑉᐱᒍᓱᑦᑏᑦ ᑭᐊᑎᖏᓐᓂ ᑭᑎᑦᔪᑎᕕᓂᖓᓂᒃ/ ᑭᓯᑦᓯᒍᑎᕕᓂᖓᓂᒃ ᐅᓪᓗᓂ ᓱᑲᓕᐅᑎᓂᖃᕐᓂᓕᒫᖓᓂ. ᑲᕙᕐᓇᑐᒻᒪᕆᐊᓗᒻᒥᒃ ᐊᑑᑎᔪᖃᓚᐅᔪᒻᒪᑦ, ᓱᑲᓕᐅᑎᔪᐃᑦ ᐃᖏᕋᓯᔪᕕᓂᐅᑎᓪᓗᒋᑦ ᑫᕙᓪᓚᒍᓯᖅ/ ᐃᑲᐅᕐᓂᖅ ᐊᑕᐅᓯᖅ ᐊᓂᒍᕐᓯᒪᓕᕐᑎᓗᒍ, ᐅᐃᓕᐊ ᖁᓪᓕᐊᓗᒃ, 7-ᒥᒃ ᓇᓗᓀᒃᑯᑕᖃᖃᑎᖃᕐᓱᓂ ᓱᑲᓕᐅᑎᖃᑎᒋᔭᒥᓂᒃ ᓵᓐᑎ ᔮᑲᒥᒃ (ᑲᖏᕐᓱᔪᐊᕐᒥᐅᒥᒃ) ᐃᓅᒍᓐᓀᓚᐅᔪᖅ.
ᓯᑕᒪᐅᔪᕐᑐᐃᑦ (7-ᐃᑦ) ᓱᑲᓕᐅᑎᔪᑦ ᐅᖓᕙᐅᑉ ᑕᓯᐅᔭᖓᓂᒃ ᐃᑲᐅᕆᕐᓯ- ᒪᓕᕐᑎᓗᒋᑦ, ᓱᑲᓕᐅᑎᖃᑕᐅᔪᐃᑦ ᐃᓚᖓ ᐅᐃᒪᓇᕐᑐᖃᓕᕐᓂᕋᐃᒻᒪᑦ ‘ᐅᖄᓚᐅᑎᐊᐱᒃᑯᑦ’ ᐃᑲᔪᕐᑕᐅᒍᒪᑦᓱᓂ ᑭᖑᓂᖓᒍᑦ ᓄᓇᓕᒻᒥᐅᑦ ᐅᐃᒪᓇᕐᑐᓯᐅᑎᖏᑦ ᐅᖄᓚᕕᐅᔪᕕᓂᐅᓚᐅᔪᑦ ᐊᒻᒪᓗ ᐅᐃᒪᓇᕐᑐᓕᕆᔩᑦ ᓇᔪᕐᑕᖓᓐᓅᑦᓴᐅᑎᒋᖁᔭᐅᒐᒥᒃ ᑖᕗᖕᖓᓯᓚᐅᔪᑦ. ᐃᓅᓕᑦᓯᔭᐅᒐᓱᐊᓚᐅᔫᒐᓗᐊᖅ ᑭᓯᐊᓂ ᐃᓅᓕᑦᓯᔭᐅᒍᓐᓇᓚᐅᔪᖕᖏᑐᖅ. ᑎᒥᖓ ᑲᖏᕐᓱᒧᑦᐅᑎᕐᑎᑕᐅᓯᓚᐅᔪᖅ ᐊᒻᒪᓗ ᓱᓇᒧᑦ ᐃᓅᒍᓐᓀᒪᖔᑦ ᑐᓴᕐᑎᓯᒍᑎᐅᑦᓴᐅᑎᒋᓚᐅᔪᑦᔭᒐᓂ ᖃᐅᔨᒪᔭᐅᓚᐅᔪᒐᓗᐊᖅ ᐃᓅᒍᓐᓀᑐᕕᓂᐅᒋᐊᖓ ᓱᒃᑯᐊᕿᓂᕐᒨᔭᖏᑦᑐᖅ ᓱᑲᓕᐅᑎᑦᓱᑎᒃ.
ᒪᑭᕝᕕᐅᑉ ᐳᕐᑐᓂᕐᓴᖏᑦ ᐃᓱᒣᓐᓇᕿᑎᑦᓯᓯᓚᐅᔪᑦ ᕿᒧᑦᓯᑎᓂᒃ ᑲᔪᓯᑐ- ᐃᓐᓇᕈᒪᒻᒪᖔᑕ ᑲᔪᓯᖕᖏᑑᓯᒍᒪᒻᒪᖔᑕᓘᓐᓃᑦ, ᐊᒻᒪᓗ ᕿᒧᑦᓯᑏᑦ ᑐᑭᑖᕐᒪᑕ ᐱᒋᐊᑦᓯᐊᕈᒪᓂᕐᒥᓂᒃ ᓱᑲᓕᐅᑎᓂᖅ ᑲᔪᓯᑐᐃᓐᓇᓯᓚᐅᔪᖅ ᐊᕗᓐᓂᑎ (ᕕᐳᐊᕆ) 27-ᒥ. ᓵᓐᑎ ᔮᑲ ᑐᑭᑖᓚᐅᔪᒻᒥᔪᖅ ᑲᔪᓯᑐᐃᓐᓇᕈᒪᑦᓱᓂ ᐁᑉᐸᕆᓚᐅᔪᔭᒥᓂᒃ ᓲᓱᒋᑦᓱᒍ ᐃᓱᒪᒋᔭᖃᕐᓂᒥᓄᑦᐊᒻᒪᓗ ᐃᓚᖃᓯᓚᐅᔪᑦᓱᓂ ᖃᑕᒥᓂᒃ ᓄᐊᒪᓐ ᐊᕐᓇᑐᒥᒃ ᑲᖏᕐᓱᒥᑦ ᓄᓗᐊᕐᑕᓕᒻᒧᑦ. ᓄᓗᐊᕐᑕᓕᒻᒥᑦ ᓵᓐᑎ ᐃᓚᖃᖔᓯᓚᐅᔪᒻᒥᔪᖅ ᒫᓯᐅᑉᐋᕐᖓᒥᒃ ᑖᕗᖓᓕᒫᖅ ᓱᑲᓕᐅᑎᓂᖃᕐᓂᓕᒫᖓᓂ. ᐊᕗᓐᓂᑎ (ᕕᐳᐊᕆ 29-ᒥ), ᑭᑎᑦᔪᑎᓖᒃ/ᑭᓯᑦᓯᒍᑎᓖᒃ 5-ᒥᒃ, ᓄᐊ ᐅᕿᑦᑐᓗ
ᐊᒻᒪᓗ ᐃᑲᔪᕐᑎᖓ ᔮᓄ ᔮᑲ ᓱᑲᓕᐅᑎᖃᑕᐅᒍᓐᓀᓯᑐᐃᓐᓇᓚᐅᔫᒃ ᐊᐅᐸᓗᒻᒥ, ᐅᓕᕕᐅᔪᒨᕐᑕᐅᔪᕕᓂᐅᑦᓱᑎᒃ ᑐᑦᔭᓯᒍᓐᓇᖏᕐᓱᑎᒃ ᐊᕐᖁᓯᓂᕐᓂᒃᑭᖑᓀᓐᓈᓯᓚᐅᔪᒐᒥᒃ ᐱᔭᕆᒍᓇᐅᔪᕆᒍᓐᓀᓱᑎᓪᓘᕋᒥᒃ ᓱᑲᓕᐅᑎᖃᑕ ᐅᒍᓐᓀᓯᑐᐃᓐᓇᓚᐅᔫᒃ ᕿᒻᒥᖏᑦ ᑕᖃᓐᓂᐊᓘᓕᔭᐅᔪᒻᒪᑕ.
ᓇᑦᓯᐊᓕᐅᑦ (ᒫᑦᓯ) 3-ᒥ, ᐊᓯᓕᒫᖏᑦ ᓱᑲᓕᐅᑎᔪᑦ ᑰᑦᔪᐊᒧᑦ ᐃᒻᒥᑐᐃᓐᓇᐅᓚᐅᔪᑦ ᑐᖕᖓᓱᑦᑎᑕᐅᑦᓯᐊᓱᑎᓪᓗ ᖁᕕᐊᓲᑎᒻᒪᕆᐅᑦᓱᑎᒃ ᑕᑯᓂᐊᕐᓯᒪᔪᓄᑦ ᐊᒻᒪᓗ ᓂᕆᒻᒫᑎᑕᐅᓂᖃᓚᐅᔪᑦᓱᑎᒃ ᑰᑦᔪᐊᒥᐅᑦ ᐱᖕᖑ- ᐊᑎᑦᓯᔨᖏᑦᑕ ᑲᑎᒪᔨᖏᓐᓄᑦ. ᓱᑲᓕᐅᑎᓂᖅ ᐃᓱᓕᓂᖃᓚᐅᔪᖅ ᕿᒧᑦᓯᑎᓕᒫᑦ ᐱᔭᕆᕐᕕᒧᑦ ᑎᑭᐅᑎᔪᐃᓐᓇᐅᑎᓪᓗᒋᑦ ᑐᖕᖓᓇᕐᑐᓯᐊᓄᑦ ᑲᖏᕐᓱᐊᓗᒃᔪᐊᒥᐅᓄᑦ ᓇᑦᓯᓕᐅᑦ (ᒫᑦᓯ) 7-ᐅᑎᓪᓗᒍ.
ᑲᖏᕐᓱᐊᓗᒃᔪᐊᒥ ᐅᒃᑯᐊᓯᓂᖃᑦᓯᓚᐅᔪᔪᑦ ᐃᕙᒃᑲᑐᐃᑦ ᑎᑭᑦᑐᕕᓂᐅᑎᓪᓗᒋᑦ ᐊᖃᒍᐊᓂ ᓄᓇᓕᐅᑉ ᐃᙯᓕᓴᕐᕕᖓᓂ, ᓵᓚᖃᕐᑐᐃᑦ ᓵᓚᓐᓃᒍᑎᓂᒃ/ ᓵᓚᖃᐅᑎᓂᒃ ᐁᑦᑐᑐᕐᑕᐅᓂᖃᕐᑎᓗᒋᑦ ᓵᓚᖃᕐᑐᕕᓃᑦ ᐱᖓᓱᐃᑦ ᐊᒻᒪᓗ ᖁᕕᐊᓲᑎᖃᓚᐅᔪᑦᓱᑎᒃ ᐃᕙᒃᑲᑐᓄᑦ ᐃᓚᒋᔭᐅᓚᐅᔪᓕᒫᓂᒃ, ᓘᑯ ᖁᓪᓕᐊᓗᒃ, ᐅᐃᓕᐊᑉ ᐊᓇᓇᖓ, ᐃᕐᓂᖓᓗ, ᐃᐊᔨᒃ ᖁᓪᓗᐊᓗᒃ, ᐁᑦᑐᑕᐅᓚᐅᔫᒃ ᐅᐃᓕᐊᑉ ᓱᑲᓕᐅᑎᑦᓱᑎᒃ ᑭᐊᑎᕕᓂᖓᓂᒃ ᑭᑎᑦᔪᑎᓕᒻᒥᒃ/ᑭᓯᑦᓯᒍᑎᓕᒻᒥᒃ 7-ᒥᒃ ᐊᑦᔨᖑᐊᖃᐅᑎᒥᑦᑎᓗᒍ. ᐅᒃᑯᐊᓯᓂᖅ ᐱᐅᓯᕐᓲᑎᑐᐃᓐᓇᐅᖏᑦᑐᑎᒍᑦ ᐊᑦᔨᖃᕋᓂ ᐊᑑᑎᔭᐅᓚᐅᔪᖅ ᑕᑯᓐᓇᕆᐊᕐᓯᒪᔪᐃᑦ ᐃᑉᐱᓂᐊᕐᓇᒪᕆᑦᑐᓂᒃ ᖃᓄᑐᐃᓐᓇᖅ ᐃᑉᐱᓂᐊᕐᓂᖃᓚᐅᔪᒻᒪᑕ, ᕿᐊᔪᕕᓂᐅᑦᓱᑎᒃ ᑐᓴᕐᓂᔮᕐᑎᑕᐅᓂᖃᓚᐅᔪᒻᒥᔪᑦ ᑖᓂᓯᕐᓂᖃᕐᓱᑎᓪᓗ ᑭᖑᓂᖓᒍᑦ.
ᑕᕝᕙᓂ ᐊᕐᕌᒍᒥ ᐃᕙᒃᑲᓂᖅ ᐊᑐᐃᓐᓇᕈᕐᑎᑕᐅᓂᖃᓚᐅᔪᖅ ᒪᑭᕝᕕᒧᑦ, ᓯᕗᓕᕐᑎᒋᔭᐅᑎᓪᓗᒍ ᐊᑕᐅᑦᓯᑯᕐᑎᓯᔨᒋᔭᐅᔪᖅ ᒪᑭᑕᒐᓱᐊᕐᓂᒧᑦ ᐱᕙᓪᓕᐊᑎᑦᓯ- ᒐᓱᕐᕕᐅᑉ ᐊᓪᓚᕕᖓᓂ ᐊᒻᒪᓗ ᐃᕙᒃᑲᑐᓂᒃ ᑲᒪᔨᐅᑎᑕᐅᔪᒧᑦ ᐊᑭᓂᓯ ᓯᕗᐊᕌᐱᒻᒧᑦ ᐊᒻᒪᓗ ᐊᓪᓚᕕᐅᑉ ᑐᑭᒧᐊᕐᑎᓯᔨᖓᓄᑦ ᓀᓴᓐ ᑯᕿᓐ-ᕘᓀᒧᑦ. ᔮᓂ ᐅᕝᕙᐅᑦ ᐃᕙᒃᑲᑐᐃᑦ ᐱᖁᔭᖏᓐᓂᒃ ᑲᒪᔨᒻᒪᕆᒋᔭᐅᑎᓪᓗᒍ ᒫᑯᓯ ᕿᓰᖅ ᐊᕐᖁᑎᒋᔭᐅᓚᖓᔪᓂᒃ ᑲᒪᔨᒋᔭᐅᑎᓪᓗᒍ. ᕿᒻᒥᓂᒃ ᐋᓐᓂᐊᓯᐅᕐᓂᓕᕆᓂᒃᑯᑦ ᐱᒍᑦᔨᔨᐅᑎᓪᓗᒋᒃ ᑳᓓ ᕗᕐᑌ ᐃᑲᔪᕐᑎᖃᕐᓱᓂ ᔮᓐ-ᒪᒃ ᓯᑯᐃᒥᒃ. ᒪᑭᕝᕕᒃ ᐃᓕᑕᕐᓯᒪᓂᖃᕈᒪᔪᖅ ᐃᑲᔪᕐᓯᒪᓂᖃᓚᐅᔪᔪᓂᒃ ᐃᑲᔪᕐᓯᒪᓂᕆᓚᐅᔪᔭᖏᓪᓗ ᓲᕐᓗᐊᑭᓂᑦᓴᐅᖏᑦᑐᑦ ᐅᑯᐊ: Platinum race sponsors, ᐃᓚᒋᔭᐅᒻᒥᑎᓪᓗᒋᑦ ᐃᓄᐃᑦ ᖃᖓᑦᑕᔫᓕᕆᔨᖏᑦ, ᑲᑎᕕᒃ ᓄᓇᓕᓕᒫᑦ ᑲᕙᒪᒃᑯᑦ, Newfound Resources Ltd., ᑲᓀᑎᐊᑦ ᓂᐊᑦᑯ, ᑯᐯᒻᒥ ᐃᑯᒪᓐᓂᐊᑎᒃᑯᑦ, ᓄᐊᑕᓐ ᓂᐅᕕᕐᕕᖏᑦ, ᓄᓇᕕᒻᒥ ᐃᓗᓯᓕᕆᓂᕐᒧᑦ ᑲᑎᒪᔩᑦ, ᓄᓇᓖᑦ ᐊᕐᖁᓵᕐᑕᐅᓚᐅᔪᐃᑦ ᑲᕙᒫᐱᒃᑯᖏᑦ ᐊᒻᒪᓗ ᐊᒥᓱᒻᒪᕆᐊᓗᐃᑦ ᐊᓯᖏᑦ ᐃᑲᔪᕐᓯᒪᓚᐅᔪᒻᒥᔪᑦ ᐃᕙᒃᑲᑐᐃᑦ ᓇᓗᓀᒃᑯᑕᖓᓂᒃ ᐱᔭᕆᕐᕕᐅᓲᒥᒃ ᓄᐃᑕᑎᑦᓯᒍᓐᓇᖃᑦᑕᓚᐅᔪᒻᒥᔪᑦ. ᐃᓘᓐᓈᒍᑦ, ᐃᕙᒃᑲᓂᕐᒥᒃ ᐃᑲᔪᕐᓯᒪᔪᐃᑦ ᐃᑲᔪᕐᓯᒍᑎᖃᓚᐅᔪᑦ $340,000 ᑮᓇᐅᔭᑐᐃᓐᓇᓂᒃ ᐊᒻᒪᓗ ᐊᓯᖏᑦ ᖃᓄᐃᑦᑐᑐᐃᓐᓀᑦ ᐃᕙᒃᑲᓂᕐᒨᓕᖓᔪᑦ ᐃᑲᔪᕐᓯᒍᑕᐅᖃᑦᑕᓚᐅᔪᒻᒥᓱᑎᒃ.
