ᔭᓄᐊᕆ 16, 2021-ᒥ, ᓯᕗᓪᓕᐹᑦ 1,000 ᑲᐴᑏᑦ Moderna ᖃᓂᒻᒪᕇᒃᑯᑎᑦᓭᑦ ᑰᕕᑦ-19-ᒧᑦ
ᓄᓇᕕᒻᒧᑦ ᑎᑭᑎᑕᐅᒋᐊᖕᖓᓚᐅᔪᕗᑦ. ᑐᓵᔨᐊᐱᒻᒥᐅᖅ ᐃᓄᒻᒪᕇᑦ ᐊᓇᕐᕋᖓᓂ, ᔮᓂ ᒍᐊᑦ, ᓄᓇᕕᒻᒥᐅᒍᑦᓱᓂ ᓯᕗᓪᓕᐸᐅᑦᓱᓂ ᑲᐱᔭᐅᓚᐅᔪᕗᖅ ᔭᓄᐊᕆ 17-ᒥ ᑰᑦᔪᐊᒥ. ᐊᕐᕌᒍᐃᑦ ᐊᒥᓱᑦ ᓈᓕᕐᑎᓗᒋᑦ ᒍᐊᑦ ᐃᑲᔪᖃᑦᑕᓯᒪᔪᖅ ᕿᒧᑦᓯᑯᑦ ᓄᓇᓕᓐᓅᙯᔪᓂᒃ ᑲᐴᑎᓂᒃ ᖃᓂᒻᒪᕇᒃᑯᑎᑦᓴᓂᒃ ᐊᓯᖏᓐᓂᒃ ᖃᓂᒪᒍᑕᐅᓲᓂᒃ.
ᑰᑦᔪᐊᒥ ᐃᓄᓕᒫᑦ ᑲᐱᔭᐅᒋᐊᕐᑐᖃᑦᑕᓚᐅᔪᕗᑦ ᕕᐳᐊᕆ 10-ᒥ 11-ᒥᓪᓗ ᔮᓂᒻᒪᕆᒃ ᐃᓕᓐᓂᐊᕕᐅᑉ ᐱᖕᖑᐊᕕᖓᓂ, ᐅᑭᐅᓖᑦ 18-ᓂᒃ ᐊᖓᔪᑦᓰᓗ ᑲᐱᔭᐅᒍᒪᔪᑦ ᖃᓂᒻᒪᕇᒃᑯᑎᑦᓴᒥᒃ ᑰᕕᑦ-19-ᒧᑦ. ᔮᓂᒻᒪᕆᒻᒥ ᐃᓕᓵᑦ ᐊᑦᔨᓕᐅᕆᒋᐅᕐᓴᑐᑦ ᑲᐱᔭᐅᒋᐊᕐᑐᓯᒪᔪᓂᒃ ᐊᑦᔨᓕᐅᕆᖃᑦᑕᓚᐅᔪᕗᑦ, ᓯᕗᓕᕐᑕᐅᓱᑎᒃ ᐃᓕᓭᔨᒥᓄᑦ ᐃᓴᐱᐊᓪ ᑐᐳᐊᒧᑦ.
