ᓱᓇᐅᕚ NIHB?
ᐃᒻᒪᖃᐅᓯᕐᑕᐅᒪᖕᖏᑐᓄᑦ ᐋᓐᓂᐊᓯᐅᕐᑕᐅᓂᕐᒧᑦ ᐱᕙᓪᓕᖁᑏᑦ (NIHB) ᓄᓇᕕᒻᒥ ᐱᓇᓱᐊᕐᑕᐅᓂᖅ ᐁᑦᑑᑎᖃᓲᑦ ᐊᑐᓪᓗᑐᒋᐊᓕᓐᓂ ᖃᓄᐃᖕᖏᓯᐊᕐᓂᐅᑉ ᐱᒍᑦᔨᔨᖏᑦ ᐃᓄᓐᓄᑦ ᓄᓇᕕᒻᒥᐅᓕᒫᓐᓄᑦ, ᖁᓚᓐᓇᒍᓐᓀᑎᑦᓯᓱᑎᒃ ᒪᓂᔭᐅᓯᒪᔪᓐᓂ ᐋᓐᓂᐊᕕᒻᒥ ᑲᒪᒋᔭᐅᓂᕐᒧᑦ ᐊᒻᒪᓗ ᓴᐳᒻᒥᔭᐅᓪᓗᑎᒃ ᐊᓯᖏᓐᓄᖏᑦᑐᖅ ᖃᓄᐃᖕᖏᓯᐊᕐᓂᐅᑉ ᐸᕐᓇᓯᒪᔭᖏᓐᓂ. ᐱᓇᓱᒐᖅ ᒪᓂᒻᒥᔪᖅ ᐱᒍᓐᓇᑕᖏᓐᓂ, ᐃᓚᐅᑎᓪᓗᒋᑦ ᐋᓐᓂᐊᕕᐅᑉ ᐃᖏᕐᕋᓂᖏᑦ ᑎᒻᒥᔫᒃᑯᓘᓐᓂᑦ, ᑭᒍᑎᓐᓂᐊᑕᐅᓐᓂᒃ ᐊᒻᒪᓗ ᐃᔨᓕᕆᔭᐅᓂᖅ, ᐄᒉᓪᓗ, ᐃᓱᒪᒃᑯᑦ ᖃᓄᐃᖕᖏᓯᐊᕐᓂᒧᑦ ᒪᒥᓴᓐᓂᖅ, ᐊᒻᒪᓗ ᐋᓐᓂᐊᕕᐅᑉ ᐱᐅᒃᑯᑎᖏᑦ, ᐃᓘᓐᓇᑎᑦ ᑐᕌᖓᔪᑦ ᓴᐳᒻᒥᓯᐊᓐᓂᖅ ᖃᓄᐃᖕᖏᓯᐊᓐᓂᒧᑦ ᓄᓇᕕᒻᒥᐅᓄᑦ.
ᐋᕐᕿᑕᐅᓯᒪᔪᖅ CBJNQ-ᑯᓄᑦ, NIHB ᐱᓇᓱᐊᕐᑕᐅᓂᖓ ᐃᓄᓕᒫᕐᑎᓯᓯᒪᑎᓪᓗᒍ ᑮᓇᐅᔭᖃᕐᑎᑕᐅᔪᐃᑦ ᐋᕐᕿᑕᐅᓯᒪᔪᖅ ᐁᑦᑑᑎᖃᕐᓱᑎᒃ ᖃᓄᐃᖕᖏᓯᐊᕐᓂᐅᑉ ᐱᒍᑦᔨᔭᐅᔪᐃᑦ ᑯᐯᓕᒫᒥ ᓄᓇᕕᓕᒫᒻᒥᓗ ᖃᓄᐃᖕᖏᓯᐊᕐᓂᒥ ᐸᕐᓇᓯᒪᔪᐃᑦ. ᑕᒪᓐᓇ ᓴᐳᒻᒥᕗᖅ ᓄᓇᕕᒻᒥᐅᓂᑦ ᓄᓇᕕᒻᒦᑐᓐᓂ ᐅᕝᕙᓘᓐᓃᑦ ᓄᓇᕕᒻᒦᖏᑦᑐᓂ, ᖁᓚᓐᓇᒍᓐᓀᑎᑦᓯᓱᑎᒃ ᑐᑭᓯᓇᕐᑐᒥ ᖃᓄᐃᖕᖏᓯᐊᕐᓂᒥ ᓴᐳᒻᒥᔭᐅᓪᓗᑎᑦ ᓈᒻᒪᓯᐊᕐᑐᒥ ᐱᑦᔪᑎᖓᓄᑦ.
ᐊᓕᐊᓇᕐᑐᐃᑦ ᐊᓯᑦᔨᑐᑦᓯᒪᔪᑦ ᐊᒻᒪᓗ ᓄᑖᑦ ᒪᓕᒐᖏᑦ
NIHB ᓄᓇᕕᒃ ᐊᑕᑯᑖᕐᑐᒥ ᐱᐅᓯᓕᐅᒥᒃᑫᒐᓱᐊᕐᑐᐃᑦ ᐱᒍᑦᔨᓂᕐᒥᓂᑦ ᐁᑦᑑᑎᖃᒍᒪᑦᓱᑎᒃ, ᐋᓐᓂᐊᕕᓐᓂ ᐃᓄᓐᓄᑦ ᐁᕕᖃᒍᓐᓇᓯᐊᓚᖓᑎᓪᓗᒋᑦ ᐊᒻᒪᓗ ᓈᒻᒪᓯᐊᓪᓗᑎᒃ ᓄᓇᓕᓐᓄᑦ. ᖃᒻᒥᑯᑦ ᐱᕙᓪᓕᐊᔪᐃᑦ ᐃᓚᐅᑎᓪᓗᒋᒃ ᒪᕐᕉᒃ ᒪᓕᒑᒃ:
- ᓄᓇᕕᒻᒥ ᐃᓱᒪᒃᑯᑦ ᖃᓄᐃᖕᖏᓯᐊᕐᓂᒥ ᒪᒥᓴᓐᓂᒥ ᐱᒍᓐᓇᓗᑎᒃ ᒪᓕᒐᕐᓂᑦ:
• ᑖᓐᓇ ᓄᑖᖅ ᒪᓕᒐᖅ ᐋᕐᕿᓱᕐᑕᐅᓯᒪᔪᖅ ᐱᐅᓯᒃᑫᒋᐊᕐᓗᑎᑦ ᐃᓱᒪᒃᑯᑦ ᖃᓄᐃᖕᖏᓯᐊᕐᓂᒧᑦ ᐱᒍᑦᔨᓂᖏᓐᓂ ᓄᓇᕕᒻᒥᐅᓕᒫᑦ ᐊᑑᑎᒍᓐᓇᑎᑦᓱᒋᑦ ᐱᓯᑎᒻᒪᕆᓐᓄᑦ ᒪᒥᓴᕐᑎᑕᐅᑎᓪᓗᒋᑦ, ᐊᓯᐊᓄᑦ ᐋᓐᓂᐊᕕᓐᓂ ᐁᖁᓐᓇᒋᑦ.
• ᐊᒥᓱᓐᓂ ᒪᒥᓴᓐᓂᓂᑦ ᐱᖃᕐᓱᓂ, ᐆᑦᑑᑎᒃ ᐃᓄᑑᓪᓗᓂ, ᐃᓚᒌᑦ, ᐊᒻᒪᓗ ᐊᒥᓲᓈᕐᑎᓗᑎᑦ, ᑕᒪᖏᑦ ᑕᑰᑎᓯᒪᓪᓗᑎᒃ ᐅᕝᕙᓘᓐᓃᑦ ᖃᕆᑕᐅᔭᒃᑯᑦ, ᐱᕕᖃᕐᑎᓯᑦᓱᑎᒃ ᓈᒻᒪᒋᔭᖏᑦᑕ ᐊᒻᒪᓗ ᓱᓇᓕᒫᑦ ᐃᓚᐅᑎᓪᓗᒋᑦ ᓇᓪᓕᑳᒍᓐᓇᓗᑎᑦ ᓄᓇᓕᒻᒥᐅᓄᑦ.
• ᐱᒻᒪᕆᐅᕗᖅ ᖃᐅᔨᓴᕐᓗᑎᑦ ᐃᓚᐅᒍᓐᓇᓂᕐᓂᒃ ᐅᕙᑦᑎᓂ ᐱᒋᐊᖕᖏᓂᕐᓂᐅᕕᑦ ᖃᓄᐃᑦᑐᑐᐃᓐᓇᒥ ᐊᑑᑎᒍᒪᔭᕐᐱᑦ. - ᐋᓐᓂᐊᕕᐅᑉ ᐃᖏᕐᕋᓂᖏᑦ ᐊᐅᓪᓚᑎᑦᓯᓂᖏᓪᓗ ᒪᓕᒐᖏᑦ:
• NIHB ᐊᖏᓪᓕᑎᑦᓯᒍᓐᓇᓕᕐᑐᖅ ᐅᐃᒪᓇᕐᑐᓯᐅᑎᒃᑰᓂᒻᒥ ᐱᒍᑦᔭᐅᓗᑎᑦ ᓄᓇᕕᐅᑉ ᓯᓚᑖᓂ, ᖁᓚᕐᓇᕈᓐᓀᑎᑦᓯᓱᑎᒃ ᓄᓇᕕᒻᒥᐅᓂᑦ ᐅᐃᒪᓇᕐᓯᓕᕐᒪᑕ ᐅᐃᒪᓇᑦᑐᑯᒍᓐᓇᓗᑎᑦ ᒋᐊᖃᓕᕈᑎᑦ. - • ᑖᓐᓇ ᒪᓕᒐᖅ ᐱᑕᖃᕐᑎᓯᔪᖅ ᐱᓂᐊᕐᓂᖃᓕᑐᐊᕐᒪᑕ ᐊᓯᖏᑦ ᐱᓇᓱᕝᕖᑦ (ᒪᑯᓄᖓ SAAQ ᐅᕝᕙᓘᓐᓃᑦ CNESST) ᐅᕝᕙᓘᓐᓂᑦ ᐃᒻᒥᒎᕐᑐᒥᒃ ᑮᓇᐅᔭᖃᑦᑎᓯᔪᓐᓂ ᐸᕐᓇᓯᒪᔪᓐᓂᑦ ᐊᑭᓖᖕᖏᑑᑐᐃᓐᓇᒋᐊᖃᕐᒪᑕ.
- • ᑖᓐᓇ ᒪᓕᒐᖅ ᐊᑭᓖᑦᓯᒪᓚᖓᔪᐃᑦ ᐃᖏᕐᕋᐅᑎᓐᓂ ᐊᐅᓪᓚᑎᑦᓯᓂᒻᒥᑦ ᓄᓇᕕᒻᒥ ᐊᒻᒪᓗ ᖃᓪᓗᓈᑦ ᓄᓇᖓᓄᑦ. ᐃᓚᐅᑎᑦᓯᖃᑕᐅᔪᖅ
- ᐃᓪᓗᓂᑦ ᐋᓐᓂᐊᕕᐅᑉ (ᐳᕕᕐᓂᑐᖅ-ᑰᑦᔪᐊᖅ-ᐅᓪᓕᕕᒃ) ᐊᒻᒪᓗ ᓯᓚᑖᒍᕐᑎᓯᔪᖅ ᐱᒍᓐᓇᑎᑦᓯᓂᕐᒥ ᐃᓄᐃ ᓄᓇᕕᒻᒥᐅᑦ ᐊᑐᕈᓐᓇᒥᔭᖏᑦ ᐊᐅᓪᓚᖃᑦᑕᓕᑐᐊᕐᒪᑕ ᖃᓄᐃᖕᖏᓯᐊᕐᓂᒧᐊᓕᖓᔪᓐᓂ ᐱᑦᔪᑎᖏᓐᓄᑦ.
ᑕᒪᒃᑯᐊ ᐱᐅᓯᑎᓪᓕᒋᐊᕐᓯᒪᔪᑦ ᑕᕐᕋᑐᓪᓗᑎᑦ ᓄᓇᕕᐅᑉ NIHB ᓲᓱᑦᓴᓂᖓᑕ ᖃᕝᕙᒋᐊᖁᑦᓱᒋᑦ ᐃᓱᓴᒃᑯᑦ ᖃᓄᐃᖕᖏᓯᐊᕐᓂᒧᐊᓕᖓᔪᒻᒥ ᐊᒻᒪᓗ ᖁᓚᓐᓇᑎᑦᓯᑌᓕᓐᓂᒥ ᐊᑦᑕᓇᖕᖏᑐᒻᒥᑦ ᐊᒻᒪᓗ ᐋᓐᓂᐊᕖᑦ ᐱᒍᑦᔨᓲᖏᓐᓂ ᓄᓇᕕᒻᒥᐅᓕᒫᓐᓄᑦ.
ᓄᐃᑎᑦᓯᓂᕗᑦ ᐅᖄᖃᑎᒌᓐᓂᑎᓐᓂ – ᒫᑦᔨ 2025
ᖁᓚᓐᓇᕈᓐᓀᑎᓪᓗᑕ ᓄᓇᕕᒻᒥᐅᓕᒫᑦ ᑐᓴᐅᒪᑎᓪᓗᒋᑦ ᐊᒻᒪᓗ ᐱᒍᓐᓇᓯᐊᕐᓗᑎᑦ ᐱᒍᑦᔨᓂᖏᓐᓂᑦ, NIHB ᓄᐃᑎᑦᓯᓛᕐᑐᖅ ᑐᑭᓯᓐᓇᓯᐊᕐᑐᒥ ᐅᖄᖃᑎᒌᓐᓂᒥᑦ ᒫᑦᔨ 2025-ᒥ. ᓄᐃᑕᑎᑦᓯᓂᐅᑉ ᑐᕌᒐᖓ ᐊᖏᓪᓕᑎᑦᓯᒍᒪᔪᑦ ᖃᐅᔨᒪᔭᐅᑦᓯᐊᓗᑎᑦ ᐱᓇᓱᐊᒐᕐᒥ ᐊᒻᒪᓗ ᑲᑦᓱᙰᓴᓪᓗᑎᑦ ᓄᓇᕕᒻᒥᐅᓂ ᐊᒻᒪᓗ ᐋᓐᓂᐊᓯᐅᑎᓐᓂ ᓄᓇᕕᒻᒥ. ᒪᑯᐊ ᓂᕆᐅᒋᕈᓐᓇᑕᑎᑦ ᓄᐃᑕᑎᑦᓯᓕᑐᐊᕈᑦᑕ:
• ᖃᕆᑕᐅᔭᒻᒥ ᓄᑕᐅᓯᓪᓕᓯᒪᔪᓐᓂ ᐊᒻᒪᓗ ᖃᕆᑕᐅᔭᒃᑯᑦ ᑐᓴᐅᒪᓂᖅ: ᐱᐅᓯᓪᓕᑫᕗᒍᑦ ᖃᕆᑕᐅᔭᒃᑯᑦ ᐱᕙᓪᓕᐊᓱᑕ ᑲᑦᓱᙰᑦᑐᒥ ᐃᓕᒃᑰᑐᖅ NRBHSS ᖃᕆᑕᐅᔭᒻᒥ, ᐳᓛᕐᑐᐃᑦ ᖃᐅᔨᑦᓴᐅᑎᕆᒍᓐᓇᓗᑎᑦ NIHB ᐱᒍᑦᔨᓲᖏᓐᓂ, ᐃᓚᐅᒍᓐᓇᓂᐅᑉ ᐃᓂᖓ, ᐊᒻᒪᓗ ᐊᐱᕐᓱᓗᑎᑦ ᑕᑕᑦᓴᕋᑦᓴᓂᑦ. ᐃᓚᒋᐊᓪᓚᓱᓂ, ᑐᕌᖓᔪᒻᒥ ᖃᕆᑕᐅᔭᒃᑯᑦ ᓄᐃᑕᑎᑦᓯᓂᖅ ᐃᖏᕐᕋᓛᕐᒪᑦ ᖃᕆᑕᐅᔭᒃᑯᑦ ᕓᔅᐳᒃ ᑐᓴᐅᒪᒃᑫᓗᑎᑦ ᖃᐅᔨᒪᒐᑦᓴᓂᑦ ᓄᓇᕕᒻᒥᐅᓄᑦ ᐊᒻᒪᓗ ᐱᓇᓱᑦᑎᓄᑦ ᐱᖑᑦᔨᓲᓐᓂᑦ.
• ᓄᓇᓕᐅᑉ ᐅᖄᖃᑎᒌᓐᓂᖓᑕ ᐱᑦᔪᑎᖏᑦ: ᓱᖃᑦᓯᑎᑦᓯᖃᑦᑕᓛᕐᖁᒍᑦ, ᐃᓚᐅᑎᓪᓗᒍ ᓄᓇᓕᒻᒥ ᕿᒥᕐᕈᓂᒃ ᐊᒻᒪᓗ ᑲᑎᐅᑎᓪᓗᑕ ᑕᐅᕐᓯᐅᑎᓪᓗᑕ ᓄᓇᓕᐅᑉ ᐊᖓᔪᕐᖄᖏᓐᓂᑦ, ᓄᓇᓕᒻᒥᐅᓂᑦ, ᐋᓐᓂᐊᓯᐅᑎᓐᓂᓗ. ᑮᓇᒃᑯ ᑕᑯᓐᓇᑲᑦᑕᐅᑎᓐᓂᑯᑦ ᐊᑑᑎᒋᐊᓕᓪᓚᕆᒃ ᓲᖑᔪᒻᒥ ᖃᓂᑦᑕᕇᓂᕐᓴᐅᓂᐊᒻᒪᑕ, ᑎᒍᓚᓪᓗᑎᑦ ᖃᓄᖅ ᑭᐅᒍᑎᖃᒻᒪᖔᑕ, ᐊᒻᒪᓗ ᖁᓚᓐᓇᕈᓐᓀᑎᑦᓯᓗᑎᑦ ᐱᓇᓱᐊᒐᖅ ᑲᑎᑎᑦᓯᐊᓗᓂ ᐱᒋᐊᓕᖏᓐᓂᑦ ᓄᓇᕕᒻᒥᐅᑦ.
• ᐃᓚᑖᓪᓗᑎᑦ ᓄᓇᓕᒻᒥ ᑐᓴᐅᑎᖓᓂ ᖃᕆᑕᐅᔭᒃᑯᓘᓐᓂᑦ: ᐊᒥᓱᓐᓂ ᑐᓴᐅᒪᖁᔨᒻᒧᑦ ᐃᓄᓐᓂ, ᑐᓴᐅᒪᑎᑦᓯᓂᖅ ᐊᑭᓖᖃᑦᑕᓛᕐᒥᔪᐃᑦ ᑐᓴᐅᒪᒃᑫᔪᓐᓂ ᓄᓇᕕᓕᒫᒻᒥ ᑐᓴᐅᒪᒃᑫᔨᓐᓂ, ᓄᓇᑦᓯᐊᒥ ᑐᓴᕋᑦᓴᓕᕆᔨᒃᑯᑦ ᐊᒻᒪᓗ ᑲᓇᑕᐅᑉ ᑕᕐᕋᒥᐅᑦ ᒪᕐᐱᒐᖏᓐᓂ, ᐃᓚᐅᑎᓪᓗᒋᑦ ᑐᓴᐅᑏᑦ TNI-ᒥ ᐊᒻᒪᓗ ᓄᓇᓖᑦ ᑐᓴᐅᑎᖏᓐᓂ.
• ᐊᒥᓲᓕᕐᑎᓯᒪᔪᑦ ᓯᑯᑦᓴᔦᑦ ᐊᒻᒪᓗ ᑕᑯᓐᓇᕋᑦᓭᑦ: NIHB ᐁᑦᑐᑐᐃᓛᕐᑐᐃᑦ ᑐᓴᐅᒪᒍᑎᑦᓯᐊᓂᑦ ᓯᑯᑦᓴᔭᓐᓂ, ᐊᑦᔨᖑᐊᕌᓗᓐᓂᓗ, ᐊᒻᒪᓗ ᑕᕐᕿᖑᐊᖁᑎᓐᓂ ᐃᓄᕝᕙᓕᐅᓲᓐᓄᑦ ᑯᐊᐸᒃᑯᓄᑦ, ᓱᖃᑦᓯᕕᓐᓄᑦ, ᒥᕝᕕᓄᑦ, ᐊᒻᒪᓗ ᐋᓐᓂᐊᕕᓐᓄᑦ, ᖁᓚᓐᓇᕈᓐᓇᑎᑦᓯᓗᑎᑦ ᐃᓚᐅᔪᑦ ᐊᑐᐃᓐᓇᐅᑎᑕᐅᔪᓂᒃ ᑐᓴᕐᑎᓯᐅᑎᓂᒃ.
ᑐᓴᐅᒪᒋᐊᒃᑲᓂᕈᒪᒍᕕᑦ
ᑕᑯᕆᐊᕐᓗᒍ ᓄᓇᕕᐅᑉ ᑮᓇᐅᒡᒍᑎᖃᖕᖏᑐᒻᒥ ᖃᓄᐃᖕᖏᓯᐊᕐᓂᐅᑉ ᐱᒍᓐᓴᓂᖏᑦ ᖃᕆᑕᐅᔭᒃᑯᑦ (https://nrbhss.ca/) ᐃᓕᑦᓯᒋᐊᓪᓚᓂᐊᕋᕕᑦ ᓄᓇᕕᓕᒫᑉ ᐃᓱᒪᒃᑯᑦ ᖃᓄᐃᖕᖏᓯᐊᕐᓂᒧᐊᓕᖓᔪᒻᒥ ᒪᒥᓴᓐᓂᒥᑦ ᐱᒍᓐᓇᑕᖏᓐᓂᑦ ᒪᓕᒉᑦ, ᐋᓐᓂᐊᕕᐅᑉ ᐃᖏᕐᕋᐅᑎᖏᑦᑕ ᒪᓕᒐᖓᓂᑦ, ᐊᒻᒪᓗ ᐱᒍᑦᔨᒍᓐᓇᓕᒫᖏᑦ ᐊᑑᑎᔭᐅᕈᓐᓇᒪᑕ ᓄᓇᕕᒻᒥᐅᓕᒫᓐᓄᑦ.
ᖃᐅᔨᒋᐊᕐᕕᒋᑎᒍᑦ ᐅᕗᖓ:
ᖃᕆᑕᐅᔭᒃᑯᑦ ᐊᓪᓚᕕᒋᓗᒍ: ssna.rrsssn@ssss.gouv.qc.ca
ᓯᕙᓂᕐᓗᑎᑦ: 1-844-442-6442 (NIHB)
