ᐊᒃᓚᑕᖏᑦ ᔩᓴᓐ ᐋᓇᖃᑕᒃ, ᑐᑭᒧᐊᑦᑎᓯᔨ ᐱᓇᓱᒐᖁᑕᐅᔪᓂᒃ ᐱᕙᓪᓕᐊᑎᑦᓯᓂᕐᒧᑦ ᐃᓕᖓᑦᓱᓂ ᒪᑭᕝᕕᐅᑉ ᑮᓇᐅᔭᑎᒍᑦ ᒪᑭᑕᒐᓱᒍᑎᓕᕆᕕᖓᑕ ᐱᕙᓪᓕᐊᑎᑦᓯᓂᕐᓄᑦ ᐱᑦᔪᔨᕕᖓᓂ
ᓯᓚᕐᔪᐊᒥ ᖃᓂᒪᓐᓇᔪᐊᖅ Covid-19 ᐃᕐᐸᓯᒪᑎᓪᓗᒍ, ᖃᐅᔨᓚᐅᔪᕗᒍᑦ ᐊᕐᕌᒍᑕᒫᕐᓯᐅᑎᒥᓐᓂᒃ ᑲᑎᖕᖓᔩᑦ ᑮᓇᐅᔦᑦ ᑐᕌᒐᑦᓴᖏᓐᓄᑦ ᑲᑎᖕᖓᓂᖃᕐᓱᑎᒃ 2012-ᖑᑎᓪᓗᒍ ᑲᕙᒪᑐᖃᒃᑯᑦ ᑎᓕᔨᔪᕕᓂᐅᒋᐊᖏᑦ ᒪᑭᕝᕕᒥᒃ ‘ᓂᕿᑦᓴᑎᒍᑦ ᐊᑦᑕᓇᕐᑐᒨᕐᑌᓕᒋᐊᖃᕐᓂᒥᒃ’ᐃᓕᖓᓚᖓᔪᓂᒃ ᑮᓇᐅᔭᖁᑎᑕᕐᑎᓯᔪᕕᓂᐅᒋᐊᖏᑦ ᐃᓱᒪᒥᒍᑎᒋᓗᓂᒋᑦ ᑐᑭᑕᕈᑎᒋᓛᕐᑕᖏᓐᓂᒃ.ᑮᓇᐅᔦᑦ ᐅᓄᕐᓂᖏᑦ ᑲᑎᑦᓱᑎᒃ ᐊᑕᐅᓯᐊᑲᓪᓚᓱᑎᒃᓗ ᐊᑭᓕᕐᑕᐅᒍᑎᐅᑦᓱᑎᒃ $9.6-ᒥᓕᐋᓐ ᑭᓯᐊᓂ ᑖᒃᑯᐊ ᐊᑐᕐᑕᐅᓯᒪᒋᐊᖃᕐᓱᑎᒃ ᐊᕐᕌᒍᓖᒪᒥ ᕿᑎᕐᖃᒥᓪᓗ ᑌᒣᓪᓗᑎᒃ ᑲᕙᒪᒃᑯᑦ ᐊᑐᕐᑕᐅᓯᒪᒋᐊᖃᕐᓂᕃᓂᖏᓐᓂᒃ ᓈᒻᒪᓈᕋᔭᕋᒥᒃ.
2021-ᖑᑎᓪᓗᒍ ᑮᓇᐅᔦᑦ ᑐᕌᒐᑦᓴᖏᓐᓂᒃ ᑲᑎᖕᖓᒍᑎᖃᕐᑎᓗᒋᑦ, ᒪᑭᕝᕕᐅᑉ ᓯᕗᓕᕐᑎᖏᑦ ᐅᖃᖃᑎᒌᒍᑎᖃᓚᐅᔪᕗᑦ ᑐᑭᑖᕐᓱᑎᒃᓗ ᐃᓱᒪᒍ-ᑎᖃᓛᓕᕆᐊᒥᒃ ᓂᐅᕕᕋᔭᕐᓂᒥᒃ ᐱᖁᑎᒻᒪᕆᓐᓂᒃ ᐊᑐᕐᑕᐅᓂᖃᕋᔭᕐᑐᓂᒃ ᐊᒥᓲᒍᓐᓇᕕᓕᒫᕐᑐᓄᑦ ᐃᓄᓐᓄᑦ ᐊᕐᕌᒍᕐᓂᓗ ᐊᒥᓱᓂ ᐊᑐᕐᑕᐅᒍᓐᓇᕕᖃᕐᓗᑎᒃ ᓂᕿᓂᒃ ᐱᓇᓱᒍᑎᐅᓗᑎᒃ. ᐃᓱᒪᒋᑦᓱᒋᑦ ᐃᓄᑐᐃᓐᓀᑦ ᒪᙯᑉᐸᑐᑦ ᐊᓐᓂᑐᕐᐸᑐᓪᓗ ᓄᓇᓕᑦᑎᓂᒃ ᓂᕿᑐᐃᓐᓇᖃᕐᑎᓯᓱᖑᓂᖏ, ᐃᓱᓕᒍᑎᖃᕐᓂᐅᓯᓚᐅᔪᔪᖅ ᓂᐅᕕᕐᓂᐅᓕᕋᔭᕐᓱᓂ ᓄᓈᕆᒍᑎᓂᒃ ᐅᕝᕙᓘᓐᓃᑦ ‘ᓯᒃᑭᑖᓗᓐᓂᒃ‘ ᐃᓘᓐᓇᖏᓐᓄᑦ ᑲᑎᒪᔨᓄᑦ ᐊᖏᖃᑎᒌᒍᑎᐅᓕᓚᐅᔪᕗᑦ. ᑖᒃᑯᐊ ᓯᒃᑭᑖᓗᐃᑦ ᓄᓇᒃᑯᑦ ᐊᐅᓚᓂᖃᓲᓄᑦ ᐅᓯᒍᑎᐅᖃᑦᑕᓚᖓᓕᕐᑎᓗᒋᑦ ᓯᑕᒪᓂᒃ ᐊᑦᓴᓗᐊᓕᑲᓪᓚᓂᒃ, ᓯᑭᑑᓄᒃ, ᐃᓚᖓᓂᓪᓗᐊᓪᓛᑦ ᓄᓇᒃᑯᔫᓂᒃ ᓄᓇᓄᑦ ᐅᐸᒋᐊᖏᑦ ᐱᔭᕐᓃᑐᓄᑦ ᐅᓯᒍᑎᐅᖃᑦᑕᓗᑎᒃ ᐅᕕᓗᕐᑕᕆᐊᕐᑐᓄᑦ, ᐅᓯᒋᐊᖃᓕᕐᐸᑕᓗ ᑕᓪᓗᕈᓐᓇᑖᓂᒃ ᓄᓇᓖᑦ ᐅᒥᐊᖏᓐᓂᑦ ᐅᓯᖏᐊᕐᑕᐅᔪᓂᒃ ᐅᕝᕙᓘᓐᓃᑦ ᑐᑦᑐᑕᐅᔪᕕᓂᕐᓂᒃ ᐅᓯᒍᑎᐅᕙᓪᓗᑎᒃ.
ᑌᒪᓕ ᑖᒃᑯᓂᖓ ᑮᓇᐅᔭᓂᒃ ᐊᑐᑦᓴᐅᑎᒋᒋᐊᖃᕐᓂᖃᕐᑎᓗᒍ, ᒪᑭᑕᒍᑎᑎᒍᑦ ᐱᕙᓪᓕᐊᑎᑦᓯᓂᕐᒥᒃ ᐱᑦᔪᔨᕕᒃ ᐱᓇᓱᒋᐊᖃᓕᓚᐅᔪᕗᖅ ᓂᐅᕕᕐᓂᐊᓂᕐᒥᒃ ᑕᒪᒃᑯᓂᖓ ᐅᒥᐊᓂᒃ. ᑕᒐᓕ ᐱᓇᓱᒍᑎᐅᒋᐊᖃᓕᕐᑐᑦ ᐱᔭᕆᐊᑭᑦᑐᔭᓚᐅᕋᓗᐊᕐᓱᑎᒃ, ᖃᐅᔨᑦᓴᐅᑎᒋᓚᐅᔪᕙᕗᑦ ᐱᓪᓗᑯᒋᐊᖃᕆᐊᖏᑦ ᓵᖕᖓᔭᑦᓴᒪᕆᐅᒋᐊᖏᓪᓗ. ᓯᕗᓪᓕᐹᒥ ᐅᒥᐊᓕᐅᕐᑎᓂᒃ ᐅᖄᕕᖃᕆᐊᖕᖓᓕᕐᓱᑕ ᐅᖃᐅᑎᔭᐅᓚᐅᔪᕗᒍᑦ. ᐃᒫᒃ “ᖃᐅᔨᒪᕕᓰ, ᓄᓇᒃᑯᔫᓂᒃ ᓂᐅᕕᕆᐊᕐᕕᒧᑦ ᐁᔪᑐᑦ ᐱᐅᓯᖃᖕᖏᒋᐊᖓ ᑌᒫᒃ ᐊᐱᕆᑦᓱᑎᒍᑦ ᑎᒃᑯᑐᕐᑐᖅ ᑐᖑᔪᕐᑕᒥᒃ ᓄᓇᒃᑯᔫᒥᒃ ᐅᖃᕐᓱᓂᓗ ᐃᒫᒃ ‘ᐃᑦᓱᒥᖓ ᐱᒍᒪᕗᖓ‘ ᓚᑐᐃᓐᓇᕈᓐᓇᖏᒋᐊᑦᑕ. ᐊᑐᓂᑦ ᑌᒣᑦᑐᑦ ᐅᒥᐊᑦ ᐃᓕᒃᑯᓱᑎᒃ ᓴᓇᒻᒪᓕᐅᕐᓯᒪᒋᐊᖃᕐᒪᑕ. ᐱᑕᖃᕋᓂᓗ ᐅᒥᐊᓂᒃ ᓂᐅᕕᐊᑦᓴᓂᒃ ᐃᑦᓱᒥᖔᕐᑕᐅᑐᐃᓐᓇᕆᐊᓕᓐᓂᒃ.“ ᖃᐅᔨᓚᐅᔪᕗᒍᑦ ᐊᑯᓂ ᓂᐅᕕᕋᓱᒋᐊᖃᓚᖓᒋᐊᒥᒃ ᐊᑯᓂᓗ ᑎᑭᑕᐅᖕᖒᔭᓛᕆᐊᑦᑎᓄᑦ ᑌᒣᑦᑐᓄᑦ ᐃᒫᒍᕈᑎᓄᑦ.
ᓵᖕᖓᓯᒍᑎᒋᒋᐊᓕᕗᑦ ᑐᖓᓕᖃᓚ ᐅᔪᒻᒥᔪᑦ ᐱᓇᓱᑦᑕ ᐅᑎᓯᔭᑦᑕ ᐊᖏᓂᖓᓂᒃ ᐃᓚᖃᕐᑎᓗᒋᑦ ᑭᖑᕙᕈᑎ ᐅᓚ ᐅᔪᖅ ᓴᓇᒻᒪᓴᖏᑕᓗ ᑎᑭᓴᕆ ᐊᖃᕐᓂᖏᑕᓗ ᖃᓄᐃᑦᑐᓂᖏᑦ. ᐊᒥᓱᑲᓪᓚᓂᒃ ᐅᒥᐊᓕ ᐅᕐᑎᓂᒃ ᐅᖄᓚᕕᖃᖃᑦᑕᓕᕋᑦᑕ, ᐅᖃᖃᑦᑕᓚ ᐅᔪᔪᒍᑦ ”ᐱᔪᒪᒋᐊᑦᑕ 15-ᓂᒃ ᐅᒥᐊᓂᒃ“ ᑭ ᐅᔭ ᐅᖃᑦᑕᓂᐊᓕᕋᑦᑕ ᖁᕕᐊᓱᑦᑐᓄᑦ, ᐳᕿᐊᓱᑦᑐᓄᑦ ᐊᒻᒪᓗ “ᓱᓕᓗᙰ ᐱᓛᕋᑦᓯᕈᓐᓇᖏᓐᓇᒪ ᐱᕕᑦᓴᖃᕐᑎᑕ ᐅᕕᓯ ᐊᓂᒍᓚ ᐅᕐᑎᓇᒍ.” ᒪᑭᑕᒐᓱᒍᑎᓂᒃ ᐱᕙᓪᓕᐊᑎᑦᓯᓂᕐᒥᒃ ᐱᑦᔪᔨᕕᒃ ᓯᑕᒪᓂᒃ ᐅᒥᐊᓕ ᐅᕐᑎᓂᒃ ᑕᒫᓂ ᐊᒥᕆᑫᑦ ᑕᕐᕋᖓᓂᒥ ᐅᓂᒃ ᖃ ᐅᔨᒋᐊᕐᕕᖃᓚ ᐅᔪᖅ ᐊᖏᖃᑎᒌᖃᑎᖃᕆᐊᖃᖃᑦᑕᓱᓂᓗ ᖃᓄᐃᑦᑐᓗᐊᐱ-ᐅᖁᔭᒥᓂᒃ ᐅᒥᐊᓕ ᐅᕐᑕ ᐅᒍᑎᒋᒍᒪᔭᒥᓂᒃ, ᐊᑭᖏᓐᓂᒃ, ᓴᓇᔭ ᐅᓂᖏᓐᓂᒃ ᐊᒻᒪᓗ ᑎᑭᑎᑕ ᐅᓂᑦᓴᖏᓐᓂᒃ, ᑭᓯᐊᓂᓗᑦᑕ ᐅᖅ ᓇᒻᒪᓈᕐᓂᖃᕆ ᐊᖃᕐᓱᑎᒃᓗ ᑲᕙᒪᑐᖃᒃᑯᑦ ᑮᓇ ᐅᔭᕐᑐᕈᑎ ᐅᓂᖏᓐᓂᒃ ᐃᒣᖁᔨᒍ ᑎᖏᓐᓄᑦ. 2023-ᖑᓕᕐᑎᓗᒍ, ᖃ ᐅᔨᒪᓕᓚ-ᐅᔪᒍᑦ ᐊᖏᖃᑎᒌᒍ ᑎᒋᓯᒪᔭᕗᑦ ᐊᕗᖓ ᐅᓕᒋᐊᕐᑕ ᐅᒋᐊᖃᓚᖓᓕᕆᐊᖏᑦ ᑮᓇ ᐅᔭᓂᒃ ᐊᑐᕐᓯᒪᕕᒋᒋ ᐊᓕᕗᑦ. ᒪᑭᕝᕕᒃ ᐱᒐᓱᒻᒪᕆᒋᐊᖃᓚ ᐅᔪᔪᖅ ᐊᕗᖓ-ᐅᓕᒋᐊᕐᑕᖁᔨᑦᓱᓂ. ᐊᖏᕐᑕ ᐅᓕᓚ ᐅᔪᕗᑦ ᐱᕕᑦᓴᖃᕐᑎᑕ ᐅᕕᕗᑦ ᐅᒃᓗᑖᕐᑕ ᐅᓕᕐᓱᓂ ᒫᑦᔨ 31, 2024-ᒥᒃ.
ᐊᑭᓕᕐᑐᐃᒍᑎᑦᓴᓂᒃ ᐅᒃᓗᓴᓕᐅᕆᓃᑦ ᐱᔭᕆᐊᑐᔪᑲᓪᓚᐅᓚᐅᔪᑦ ᐊᖏᖃᑎᒌᒍ-ᑎᒋᒐᓱᑦᓱᒋᓪᓗ ᐊᐅᓚᑦᓯᓂᑎᒍᓪᓗ ᐱᓇᓱᑦᓱᒋᑦ ᑌᒣᒻᒪᑕ ᐋᓪᓛᑦ ᒪᑭᕝᕕᐅᑉ ᐱᖁᔭᓕᕆᓂᕐᓄᑦ ᐱᑦᔪᔨᕕᖓᓗ ᐱᖁᔭᓕᕆᔨᖁᑎᖏᓪᓗ ᐱᓇᓱᑦᑐᒪᕆ-ᐅᒋᖃᖃᑦᑕᓕᓚᐅᔪᕗᑦ ᐱᓇᓱᓐᓇᒥ ᐅᖓᑖᓄᑦ ᐊᓪᓛᑦ ᐱᓇᓱᖃᑦᑕᓕᕐᓱᑎᒃ ᐊᑕᐅᑦᓯᑯᕐᑎᓯᒍᑎᖃᕐᓱᑎᒃᓗ ᑐᑭᓯᒪᔭᐅᒋᐊᓕᓐᓂᒃ ᒪᑭᕝᕕᒧᓪᓗ ᐅᒥᐊᓕᐅᕐᑎᓄᓪᓗ – Stanley Connor Industries-ᑯᓐᓄᑦ, ᑮᓇᐅᔭᒃᑯᕕᒻᒧᓗ ᑮᓇᐅᔭᓂᒃ ᐅᒥᐊᕐᓯᒍᑎᑦᓴᓂᒃ ᑎᒍᒥᐊᕐᑐᒧᑦ. ᐱᒐᓱᑦᓱᒋᑦ ᑖᒃᑯᐊ ᐅᒥᐊᖑᑦᓱᑎᒃ ᓯᒃᑭᑖᓗᐃᑦ, ᐱᖁᔭᓕᕆᓂᕐᓂᒃ ᐱᓇᓱᖃᑎᒌᑦᑐᑦ ᐱᔭᖃᕐᓯᒪᓂᕋᕐᑕᐅᒋᐊᖃᕐᐳᖅ ᓱᕐᖁᐃᑐᒥᒃ ᑮᓇᐅᔭᕐᑐᕈᑎᑦᓴᓂᒃ ᓴᐳᑦᔨᓯᒪᓚᐅᔪᒐᒥᒃ ᐊᑐᕐᑕᐅᕕᑦᓴᓕᐊᖑᒍᑎᒋᓯᒪᔭᖏᓐᓂᓗ ᐊᑐᕐᑕᐅᑎᑦᓯᓯᐊᕐᓱᑎᒃ, ᐅᓯᔭᐅᓂᑦᓴᖏᓐᓂᓗ ᓇᖏᐊᕐᓀᓕᑦᓱᑎᒃ ᓱᕐᖁᐃᑐᒥᓪᓗ ᓄᑦᑎᑕᐅᒍᑎᖏᓐᓂᒃ ᓇᒻᒥᓂᖃᕐᓂᐊᑐᓄᑦ ᑲᔪᓯᑎᑦᓯᓯᐊᕐᓱᑎᒃ ᐅᒥᐊᓕᐅᕐᑎᓂᑦ ᐊᑐᓂᓪᓗ ᓄᓇᒥᒃ ᑎᒍᒥᐊᕐᑎᓄᑦ.
ᑌᒪᓕ ᒪᕿᕝᕕᕐ ᐱᓇᓱᖃᑎᖃᑦᓯᐊᖏᓐᓇᓱᖑᒐᒥ ᓄᓇᒥᒃ ᑎᒍᒥᐊᕐᑎᓂᒃ ᓄᓇᕕᐅᑉ ᓄᓇᓕᖏᓐᓃᑐᓂᒃ ᑕᒪᕐᒥᒃ ᐃᓄᑐᐃᓐᓇᖏᓐᓄᑦ ᐱᓇᓱᒐᖃᕐᕕᖁᑎᐅᑦᓱᑎᒃ, ᓯᕗᓂᖃᕐᐳᒍᑦ ᑖᒃᑯᓂᖓ ᐱᓇᓱᒐᖃᕐᕕᓂᒃ ᐱᑎᑦᓯᓂᐊᕐᓱᑕ ᐊᖏᔪᒥᒃ ᐃᓪᓕᓇᕐᓂᓕᒻᒥ ᓂᕿᓂᒃ ᐱᒍᑎᐅᖃᑦᑕᓛᕐᓗᓂ ᐱᒍᓐᓇᑎᑦᓯᒍᑎᐅᓛᕐᑐᒥᒃ ᐊᖑᓇᓱᓐᓂᓂᒃ, ᐃᖃᓗᓐᓂᐊᓂᕐᓂᒃ ᐊᒻᒪᓗ ᐊᓐᓂᑐᕐᓂᓂᒃ ᐊᑑᑎᔭᐅᒋᐊᓪᓚᖃᑦᑕᓕᐅᒥᓛᓕᕐᒪᑕ. ᑲᑎᑦᓱᑎᒃ ᑮᓇᐅᔭᖃᕐᑎᓯᒍᑎᕗᑦ ᓄᖑᑦᓯᐊᓱᒋᓪᓗ ᑮᓇᐅᔭᓂᒃ ᐅᓄᕐᓂᓕᓐᓂᒃ $9.6-ᒥᓕᐋᓐᓂᒃ ᐊᑐᓚᐅᔪᕗᒍᑦ. ᑖᒃᑯᓂᖓ ᑮᓇᐅᔭᓂᒃ ᐊᕕᖃᑎᒌᑎᑦᓯᒍᑎᖃᓚᐅᔪᒐᑦᑕ ᓄᓇᓕᓐᓂᒃ 16-ᓂᒃ; 14 ᓄᓇᓖᑦ ᓄᓇᕕᒻᒦᑐᑦ, ᐃᓚᖃᕐᓱᑎᒃ ᓯᔅᓵᓯᐱᒥ ᐊᒻᒪᓗ ᑭᓪᓕᓂᕐᒥᐅᖑᓯᒪᔪᑦ ᑭᖑᕚᖏᓐᓂᒃ ᐃᓚᖃᕐᒥᑎᓪᓗᒋᑦ. ᓄᓇᓖᑦ ᐊᑐᓂᑦ ᑮᓇᐅᔭᕐᑐᑎᑕᐅᓚᐅᔪᑦ $600,000-ᓂᒃ, ᑕᓯᐅᔭᕐᒥᐅᑦ ᐃᓚᐅᒍᒪᓚᐅᔪᖕᖏᑐᑦ, ᑮᓇᐅᔭᕐᑕᒥᓂᒃ ᐊᑐᖓᕈᒪᓚᐅᔪᒐᒥᒃ ᑕᓪᓗᕈᓐᓇᓂᐊᕈᑎᖔᒥᒃ ᐅᒥᐊᕐᓯᒍᑎᖃᕐᓗᑎᒃ.
ᐊᑯᓕᕕᒻᒥᐅᓗ, ᓯᔅᓵᓯᐱᒥᐅᓪᓗ ᐊᒻᒪᓗ ᑭᓪᓕᓂᕐᒥᐅᑦ ᐅᒥᐊᕐᑕᕈᒪᓚᐅᔪᑦ ᐊᑦᔨᒋᔭᐅᖕᖏᒐᓛᐱᓐᓂᓕᓐᓂᒃ, ᓴᓇᔭᐅᓚᐅᔪᔪᓂᒃ ᓴᓇᔭᐅᓛᕐᓱᑎᒃᓗᑐᓂᒃ Stanley Connor Industries-ᑯᓐᓄᑦ. ᐳᕕᕐᓂᑐᕐᒥᐅᑦ ᐅᒥᐊᕐᑖᖓᑦ/ᓯᒃᑭᑖᓗᑦᑖᖓᑦ ᓄᓇᓕᖓᓅᕐᑕᐅᓯᒪᓕᕐᑐᖅ. ᐅᒥᐊᑦ ᐊᐅᓚᐅᑎᖃᕐᓱᑎᒃ ᐊᑭᖃᓚᐅᔪᕗᑦ $474,064-ᓂᒃ ᓴᓇᔭᐅᒍᑎᖃᕐᓱᑎᒃ, ᐅᐃᒍᖃᕆᐊᓪᓚᒥᔪᓂᒃ ᒥᑦᓯᑎᓐᓂ $50,000-ᓂᒃ ᑕᕐᕋᒧᑦ ᐅᓯᔭᐅᒍᑎᖏᓐᓂᒃ, ᐊᒥᐊᒃᑯᖏᓪᓗ ᑮᓇᐅᔭᖁᑏᑦ ᑮᓇᐅᔭᑦᓴᔭᐅ ᑎᓪᓗᒋᑦ ᐊᑭᓕᒍᑎᐅᑦᓱᑎᒃ ᓄᓇᓕᓐᓂ ᐱᓇᓱᒐᖃᕐᕕᓂᒃ, ᐃᑲᔪᕐᓯᒪᒍ-ᑎᐅᓇᓱᑦᓱᑎᒃ ᐊᕐᕌᒍᖏᑕ ᓯᕗᓪᓕᐹᖓᓐᓂᒃ.
ᓇᑯᕐᒦᕈᒪᕙᕗᑦ Stanley-Connor Industries-ᑯᑦ ᓯᒃᑭᑖᓗᓐᓂᒃ ᓴᓇᓚ-ᐅᔪᓂᖏᓐᓄᑦ ᐊᒻᒪᓗ ᐊᕙᑖᒃᑯᑦ ᐊᖏᕐᑕᐅᓯᒪᔪᑦ ᐊᐅᓚᐅᑎᓂᒃ Yamaha-ᓂᒃ ᓂᐅᕕᕐᓂᐊᕕᒃ ᑰᒃᔪᐊᒦᑦᑐᖅ ᓂᐅᕕᐊᖃᕐᑎᐅᓚᐅᔪᒻᒪᑦ ᐅᒥᐊᑦ ᐊᐅᓚᐅᑎᖏᓐᓂᒃ ᐸᕐᓇᓱᓂᓗ ᐊᑐᐃᓐᓇᐅᒐᔭᕐᓂᒥᓂᒃ ᐊᐅᓚᐅᓯᕆᔭᐅᒋᐊᖃᓕᕐᐸᑕ. ᑲᒃᑯᐊ ᐅᒥᐊᖑᑦᓱᑎᒃ ᓯᒃᑭᑖᓗᐃᑦ ᖃᓄᖅ ᓴᓇᔭᐅᒪᓂᖃᕐᒪᖔᑕ ᑕᑯᔪᓐᓇᕈᑎᐅᕗᑦ ᓴᓇᔭᐅᓛᕐᑐᓂᒃᓗ ᑕᑯᑦᓴᐅᑎᑦᓯᒍᑎᐅᑦᓱᑎᒃ ᑖᒃᑯᐊ ᐊᒃᓚᑕᐅᖏᓐᓈᑎᓪᓗᒋᑦ:
2023
- ᐊᑯᓕᕕᒃ; 32’-ᓂᒃ ᐃᑎᖓᓐᓂᒃ ᑕᑭᓂᓕ
- ᑕᓯᐅᔭᖅ (ᓇᒻᒥᓂᕐᒥᓂᒃ ᐅᒥᐊᒥᒃ)
2024 – ᑎᑭᑎᑦᓯᕕᐅᓯᒪᓕᕐᑐᑦ
2. ᐅᒥᐅᔭᖅ
3. ᐃᕗᔨᕕᒃ
4. ᓴᓪᓗᐃᑦ
5. ᑲᖏᕐᓱᔪᐊᖅ
6. ᐊᐅᐸᓗᒃ
7. ᑲᖏᕐᓱᐊᓗᒃᔪᐊᑦ
8. ᑲᖏᕐᓱᒃ
2024- ᐅᒥᐊᕐᔪᐊᑉ ᐱᖓᑦᓯᐅᑎᒥᓂᒃ ᐊᐅᓪᓚᑎᕐᓂᖓ ᓯᑉᑎᒻᐱᕆ 26-28 ᐅᓪᓗᖏᓐᓂ
9. ᐳᕕᕐᓂᑐᖅ (ᐊᐅᔭᖅ ᐅᒥᐊᒃᑯᑦ ᑎᑭᕝᕕᓴᖃᕐᓱᓂ ᐆᒃᑐᐱᕆ 18-ᒥᒃ)
10. ᐃᓄᒃᔪᐊᖅ (ᐊᐅᔭᖅ ᐅᒥᐊᒃᑯᑦ ᑎᑭᕝᕕᓴᖃᕐᓱᓂ ᐆᒃᑐᐱᕆ 12-ᒥᒃ)
11. ᖁᐊᕐᑕᖅ (ᐅᒥᐊᕐᔪᐊᑯᑦ ᓄᓇᓕᒻᒧᑦ ᑎᑭᕝᕕᓴᖃᕐᓱᓂ ᓅᕕᒻᐱᕆ 1-ᒥᒃ)
ᑕᑉᐱᑯᑎᒎᓇ ᐅᒥᐊᕐᔪᐊᑯᕐᑎᓯᓂᖅ ᐅᒃᑯᐊᓛᕐᑐᖅ ᓴᓇᔭᐅᔨᐊᖃᕐᓯᒪᓕᕐᓱᑕ ᓄᓇᓕᖏᓐᓅᕆᓯᒪᓕᕐᓱᑕᓗ 11-ᓂᒃ Stanley Connor-ᑯᑦ ᐅᒥᐊᖁᑎᖏᓐᓂᒃ.
2025-ᒥ ᓄᓇᓕᖏᓐᓅᕆᓂᑦᓴᒥ ᐸᕐᓇᓯᒪᒍᑏᑦ
12. ᑰᒃᔪᐊᕌᐱᒃ
13. ᑰᒃᔪᐊᖅ
14. ᑭᓪᓕᓂᖅ
15. ᓯᔅᓵᓯᐱ
16. * ᖁᓛᓂᑦᑐᑦ ᑕᑯᒋᐊᕐᓗᒋᑦ (ᑕᓯᐅᔭᕐᒨᓕᖓᔪᑦ ᑐᑭᒧᐊᑦᑐᑯᑖᑉ ᑐᖓᓕᖏᓐᓃᑐᑦ
