ᐊᒃᓚᑕᖏᑦ ᓯᑏᕙᓐ ᕿᐊᓐᑐᕆ
ᐱᓇᓱᐊᕈᓯᓕᒫᖅ ᐊᓂᒍᕐᑎᓗᒍ ᑌᒪᖕᖓᑦ ᓯᕗᓪᓕᐹᒥᒃ ᓄᓇᕕᒻᒥ ᐱᓇᓱᑦᑐᓕᕆᓂᕐᓄᑦ ᑲᑎᖕᖓᓂᒻᒪᕆᖃᓚᐅᕐᑎᓗᒍ, ᒪᑭᕝᕕᐅᑉ ᑮᓇᐅᔭᓕᕆᔨᒻᒪᕆᖓ ᔮᔨ ᐴᑎ ᐅᖃᓚᐅᔪᕗᖅ ᐃᒣᓕᑦᓱᓂ, “ᐃᓱᒪᔪᖓᓕ ᐊᑑᑎᓂᖃᑦᓯᐊᓚᐅᕐᑐᒥᒃ. ᑐᐹᕆᓂᖃᓚᐅᕋᑦᑕ ᑖᒃᑯᓂᖓᓪᓗᐊᖅ ᐆᒪᔪᐊᓘᓐᓂᒃ ᐱᔭᑦᓴᖁᑎᑖᕐᓱᑕ ᐱᓇᓱᒐᖃᕐᕕᐅᔪᓂ.”
ᑖᓐᓇ ᓱᔪᖃᕐᓂᐅᔪᖅ ᐃᓚᒋᔭᐅᓚᐅᕐᖁᖅ ᒪᑭᕝᕕᐅᑉ ᑕᐅᑐᕐᖁᕈᑎᖏᓐᓄᑦ ᐊᑦᓯᔨᑎᕆᓂᖃᕈᒪᑦᓱᑎᒃ ᐱᓇᓱᑦᑐᓕᕆᕕᒻᒥᒃ ᐱᓗᒍ ᔮᔨᐅᑉ ᐅᖃᕐᑕᖓᓂᑦ ᓲᕐᓗ “ᑲᕙᕐᓇᑐᒥᒃ, ᑕᒃᑯᓭᓐᓇᐅᓗ ᐊᕐᑐᓂᒃ ᐊᒻᒪᓗ ᐋᓐᓂᓇᕐᑐᑕᖃᖏᓐᓇᓂᕐᓴᐅᓲᓂᒃ,” ᐃᓚᒋᓕᐅᑎᑦᓱᒍ ᓄᓇᕕᐅᑉ ᐱᓇᓱᒐᖃᕐᕕᖁᑎᖏᓐᓂᒃ ᐊᐅᓚᑦᔦᓂᓕᒻᒥᒃ, ᐊᒻᒪᓗ ᐃᓚᐅᓪᓚᕆᒋ ᐊᖃᕐᓱᓂ ᐃᓕᖓᓗᓂ ᓄᓇᕕᐅᑉ ᓇᒻᒥᓂᖅ-ᑐᑭᑖᕐᑐᐃᒍᓐᓇᓯᓂᑦᓴᒥᓂᒃ ᐱᓇᓱᑦᑕᖏᓐᓄᑦ.
“ᒪᑭᕝᕕᒧᑦ ᐃᓚᐅᓯᑦᓱᖓ ᑮᓇᐅᔭᓕᕆᔨᒻᒪᕆᒋᔭᐅᓗᖓ ᐅᖃᓚᐅᔪᕗᖓ ᒪᑭᕝᕕᒥᒃ ᐱᓇᓱᒐᖃᕐᕕᐅᓗᓂ ᐃᓕᓐᓂ ᐊᑎᑦᓯᕕᓕᐅᕋᔭᕈᒪᓂᕐᒥᒃ“ ᐅᖃᕐᑐᖅ ᔮᔨ. ᑐᑭᓯᑎᑦᓯᒍᑎᖃᕐᓱᓂᓗ ᐱᕕᓕᒫᒃᑯᑦ ᐃᓕᓐᓂ ᐊᑎᑦᓯᓂᖅ ᐱᓇᓱᑦᑎᓂᒃ ᓄᓇᕕᒻᒧᑦ ᓄᒃᑭᕆ ᐊᕈᑎᓪᓚᕆᐅᒋ ᐊᖓ.
ᒪᑭᕝᕕᐅᑉ ᐳᕐᑐᓂᕐᓴᖏᓪᓗ ᑲᑎᖕᖓᔨᖏᓪᓗ ᓴᐳᑦᔨᓯᒪᔪᑦ ᓴᕐᕿᑎᑕᐅᓂᖓᓂᒃ ᑲᑎᖕᖓᓂᒻᒪᕆᐅᑉ ᐊᑐᑎᔭᐅᓗᓂ ᑮᓇᐅᔭᕐᑐᓇᐅᑉ ᐊᕐᕌᒍᖓᓂ 2023-2024-ᒥ. ᐱᓇᓱᑦᑐᓕᕆᓂᕐᒥᒃ ᐱᑦᔪᔨᕕᒃ, ᓯᕗᓕᕐᑕᐅᓱᓂ ᑐᑭᒧ ᐊᑦᑎᓯᔨᒥᓄᑦ ᒣᑯᓪ ᐁᐅᕆᐆᒧᑦ, ᐱᓇᓱᑦᑕᖃᓯᓚᐅᔪᕗᖅ ᐸᕐᓇᓂᕐᒥᒃ ᑲᑎᖕᖓᓂᒻᒪᕆᑦᓴᒥᒃ. ᐊᑐᐃᓐᓇᕈᕐᑎᕆᓂᖃᓪᓚᕆᓚᐅᔪᔪᑦ ᐅᑯ ᐊ ᐃᓚᐅᑎᓪᓗᒋᑦ ᐱᓇᓱᑦᑐᓕᕆᕕᐅᑉ ᑲᒪᔨᒻᒪᕆᖓ ᔨ ᐊᓂᕗ ᒫᑦᓴᑦ-ᑕᓰ, ᐱᓇᓱᑦᑐᓕᕆᕕᒻᒥ ᐱᓇᓱᑦᑎ ᓯᓐᑎ ᐊ ᑯᑭ-ᓯᒫᕐ, ᐊᒻᒪᓗ ᐱᓇᓱᑦᑐᓕᕆᕕᒻᒥᒃ ᐱᒋᐅᕐᓴᑎᑦᓯᓂᕐᒥᒃ ᐱᓇᓱᑦᑎ ᐹᒥᓚ ᓯᑏᕙᓐᓴᓐ. ᐊᓯᒋ ᐊᓪᓚᖏᑦ ᒪᑭᕝᕕᐅᑉ ᐱᓇᓱᑦᑎᖏᑦ ᑲᑎᖕᖓᓂᒻᒪᕆᒻᒥ ᐃᓚᐅᖃᑕᐅᓚᐅᔪᔫᒃ ᓯᓪᕕ ᐊ ᓚᐸᕌᓐᓯᓗ ᐊᒻᒪᓗ ᑳᓴᓐ ᑕᒍᕐᓈᖅ.
ᓅᕕᒻᐱᕆ 2023-ᖑᓕᕐᑎᓗᒍ ᖃᕆᑕᐅᔭᑎᒍᑦ ᐊᒃᓚᖃᑦᑕᐅᑎᒍᑎᒃᑯᑦ ᐊᒃᓓᑦ ᐊᐅᓪᓚᑎᑕᐅᓚᐅᔪᕗᑦ ᐱᓇᓱᑦᑐᓕᕆᕖᑦ ᑐᑭᒧ ᐊᑦᑎᓯᔨᖏᓐᓄᑦ ᑐᕌᕐᓱᑎᒃ ᐊᒥᓱᐃᓂ ᐱᓇᓱᒐᖃᕐᕕᓂ ᓄᓇᕕᒻᒥ. ᐃᒫᒃ ᐅᖃᐅᓯᕐᑕᓯᕐᑕᐅᒪᓚᐅᔪᑦ “ᐅᓪᓗᕆᔭᐅᓛᕐᑐᑦ ᓴᓂᕐᕙᓯᒪᓗᒋᑦ“ ᐁᕆᓕ 30-ᒥᑦ ᒣ 2, 2024-ᒧᑦ ᒪᓐᑐᔨ ᐊᒥ!
“ᑭᐅᔪᖃᑦᓯ ᐊᕖᖕᖓᓚᐅᔪᔪᖅ,” ᐅᖃᕐᑐᖅ ᔨ ᐊᓂᕗ ᒫᑦᓴᑦ-ᑕᓰ. ”ᐃᓄᐃᑦ ᐅᖄᖃᑦᑕᑎᓪᓗᒋᑦ – ᓇᑯᕐᒪᑕ ᐳᕐᑐᓂᕐᓴᖁᑎᕗᑦ – ᐊᒥᓱᖕᖑᐸᓪᓕᐊᓯᓚᐅᔪᔪᑦ. ᓂᕆᐅᓐᓂᖃᓚᐅᔪᒍᑦ 60 ᐃᓚᐅᒐᔭᕆ ᐊᖏᑦ ᐊᒻᒪᓗ 15-ᓂᒃ ᐱᓇᓱᒐᖃᕐᕕᖁᑕᐅᔪᓂᒃ ᓂᕆᐅᑦᓱᑕ. ᐃᓱᐊ ᓂᓕ 120 ᐅᖓᑖᓃᑦᑐᑦ ᐃᓚᐅᔭᕐᑐᓚᐅᔪᕗᑦ ᐊ ᒻᒪᓗ ᐊ ᒥᓲᓂᕐᓭᑦ 30-ᓂᑦ ᐱᓇᓱᒐᖃᕐᕖᑦ ᑭᐅᖃᑕᐅᓚᐅᔪᑦᓱᑎᒃ.”
ᑲᑎᒪᓂᒻᒪᕆᒃ ᑕᕐᓴᖓ – ᓄᓇᕕᒃ ᐱᓇᓱᖃᑎᒌᑦᑐᖅ – ᓄᐃᑕᑎᑦᓯᓚᐅᔪᕗᖅ ᐊᖑᑎᐅᑉ ᐊᒃᒐᖓᓂᒃ ᖃᔭᕐᒧᑦ ᓱᑲᑎᕆᔪᒥᒃ ᐊᒃᓱᓈᒥᒃ , ᐊᕐᓇᐅᑉ ᐊᒃᒐᖓ ᒥᕐᓱᑎᒃᓗᒍ ᑭᓪᓚᒥᒃ ᓇᑦᓯᐅᑉ ᑕᓕᕈᖃᐅᑎᕕᓂᖓᓂᒃ, ᑭᓪᓓᕈᑦᔨᓱᓂ. ᑕᒪᕐᒥᒃ ᕿᓯᖕᒧᑦ ᐱᑐᑦᓯᒪᑦᓱᑎᒃ. ᖃᔭᖅ ᐃᒻᒥᖃᑦᑕᕈᓐᓀᕈᓐᓇᒪᑦ ᑲᑐᑎᔮᐅᓗᓂ ᑭᓯ ᐊᓂ ᖃᔭᓕ ᐊᖑᒍᓂ.
ᐱᕙᓪᓕ ᐊᓯᒪᓂᑎᒍᑦ ᖃᐅᔨᒪᔭᐅᓂᖃᓛᓕᕐᐳᖅ ᒪᑭᕝᕕᐅᑉ ᓯᕗᓪᓕᐹᒥᒃ ᐱᓇᓱᑦᑐᓕᕆᓂᕐᒥᒃ ᐱᑦᔪᔨᕕᐅᔪᓂᒃ ᑲᑎᒪᓂᒻᒪᕆᖃᕐᑎᓯᓂᖓ ᐊᑐᑎᔭᐅ ᓂ ᖃᕐᓯᒪᒋ ᐊᖓ ᓂᕐᓕᓂᐊ ᕐᓇᓯᑎᓪᓗᒍ. ᑕᒪᓐᓇᓗ ᐅᖃᕐᑕᐅᓚᐅᔪᕗᖅ ᐊ ᒥᓱᓄᑦ ᐅᖄᔪᓄᑦ, ᐅᖃᖕᖑ-ᐊᑐᐃᓐᓇᕈᑎᐅᑦᓴᐅᑎᒋᑦᓱᓂ. ᑭᓯ ᐊᓂᓕ ᐃᓕᖓᑎᓪᓗᒋᑦ ᐱᓇᓱᑦᑐᓕᕆᓂᕐᒨᓕᖓᔪᑦ, ᓂᕐᓕᒐᓱᓐᓂᖅ ᐅᕝᕙᓘᓐᓃᑦ ᐊᓯᖏᓐᓂᒃ ᐊᓐᓂᑐ ᐊᖃᕐᓂᒥᒃ ᐱᔪᖃᕐᓂᐅ ᔪᑦ, ᐱᒻᒪᕆᐅᕗᑦ ᓄᓇᕕᒻᒥᐅᓄᑦ. ᑌᒣᒻᒪᑦ ᑕᒪᓐᓇ ᐱᓇᓱᑦᑐᓕᕆᓂᕐᒥᒃ ᑲᑎᖕᖓᓂᒻᒪᕆᒍᑎᖃᕐᓂᖅ ᐊᑑᑎᔭᐅᑲᐱᒋ ᐊᖓ ᐱᐅᔫᓚᐅᕐᐳᖅ.
ᐁᕆᓕ 30, 2024-ᒥ, ᑲᑎᖕᖓᓂᒻᒪᕆ ᐊᑐᑎᔭᐅᒋ ᐊᖕᖓᓯᓚᐅᔪᖅ. ᑐᓄ ᓇᐹᕐᑐᖅ ᑕᓯᐅᕐᓯᔨᐅᑎᓪᓗᒍ. ᑐᓄ ᐃᓘᓐᓇᖏᓐᓂᒃ ᑐᖕᖓᓱᑦᑎᓯᓚᐅᔪᖅ, ᓂᕆᐅᓐᓂᖃᕐᓱᓂᓗ ᑕᒃᒐᓂ ᐱᓇᓱ ᐊᕈᓯᕐᒥ ᐃᓚᐅᔭᕐᑐᓯᒪᖃᑎᒌᑦ ᓄᑦᑎᑲᑕᑦᑎᓗᒋᑦ ᓵᕐᓂᑦ ᐃᓚᓐᓈᕆᖕᖑᖃᑦᑕᓱᑎᒃᓗ ᐊᑦᔨᒌᒥᒃ ᓯᕗᓂᖃᕐᓱᑎᒃ ᐱᔭᖃᕋᓱᑦᓱᑎᒃ ᐱᓇᓱᑦᑐᓕᕆᕕᐅᔪᑦ ᓄᓇᕕᒻᒥ ᑎᑭᐅᑎᒍᓐᓇᖁᓪᓗᒋᑦ ᐳᕐᑐᓂᕐᓴᒋ ᐊᓪᓚᒧᑦ.
ᑲᑎᒪᓂᒻᒪᕆᒃ ᐋᕐᕿᓱᕐᑕᐅᒪᓚᐅᔪᖅ ᐊᑕᖏᕐᑐᓂᒃ ᐃᓕᓐᓂ ᐊᑎᑕᐅᓂᐅᑦᓱᓂ ᐅᓪᓛᑯᑦ ᐊᒻᒪᓗ ᐅᓪᓗᑯᑦ ᕿᑎᕋᓕᕇᕐᖃᒥᐅᑎᓪᓗᒍ, ᑭᖑᓪᓕᖃᖃᑦᑕᓱᑎᒃ ᐅᓪᓗᑕᒫᑦ ᐊᕕᑦᑐᓱᑎᒃ ᐃᓕᓐᓂ ᐊᑎᖃᑦᑕᐅᑎᓂᕐᓂᒃ, ᐃᓱᓕᓂᖃᖃᑦᑕᓱᑎᒃ ᐅᑎᕐᑐᐃᓇᐅᓂᕐᒥᒃ ᐊᑕᐅᓯᕐᒧᑦ ᑲᑎᖕᖓᕕᒻᒧᑦ. ᐃᓗᓐᓈᓂ 15-ᓂᑦ ᐅᓄᕐᓂᓭᑦ ᐅᖄᔨᐅᓚᐅᔪ, ᐊᒻᒪᓗ 11-ᕕᑦᓱᑎᒃ ᐊᕕᑦᑐᓯᒪᓂᖃᓚᐅᔪᑦᓱᑎᒃ. ᑕᒃᑲᓂ ᑲᑎᖕᖓᓂᒻᒪᕆᖕᒥ ᐊᖏᔫᖕᖏᑐᒥᒃ ᓂᐅᕕ ᐊᑦᓴᖁᑎᓖᑦ ᑕᑯᑦᓴᐅᑎᑦᓯᓂᖃᓚᐅᔪᒻᒥᔪᑦ.
ᐅᖄᔨᓂᑦ ᓯᕗᓪᓕᐸᐅᓚᐅᔪᔪᖅ ᒪᑭᕝᕕᐅᑉ ᐊᖓᔪᕐᖄᒪᕆᖓ ᐱᑕ ᐋᑕᒥ. ᐃᓚᐅᓂᖃᓚᐅᔪᒐᒥ ᑰᒃᔪ ᐊᒥᑦ ᖃᕆᑕᐅᔭᑎᒍᑦ ᐱᑐᑦᓯᒪᑦᓱᓂ. ᓂᑦᔮᒍᑎᖃᓚᐅᔪᔪᖅ ᓂᕐᓕᓂᒃ ᖁᓚᐅᑦᑐᓂᒃ ᐅᖃᕐᒥᓱᓂᓗ ᐃᒡᓗᔪ ᐊᑉ ᐃᓗ ᐊᓃᒋ ᐊᒥᒃ ᐅᖁᒣᑦᑐᓕᕆ ᐊᖓ. ᐅᖃᕐᓱᓂ ᐃᒫᒃ ”ᐃᒡᓘᑕᕆᖕᖏᒋ ᐊᒥᒃ ᐱᐅᔫᕗᖅ ᑎᒥᒧᑦ ᐃᓱᒪᒧᓪᓗ.“
ᓂᑦᔮᒍᑎᖃᓚᐅᔪᖅ ᐅᖁᒣᑦᑐᕙᒋ ᐊᖓ ᐅᖓᓯᑦᑐᒦᑦᑐᒥᒃ ᓄᓇᖃᕆ ᐊᒥᒃ ᐱᓇᓱᑦᑐᓴᓂᒃ ᕿᓂᕆ ᐊᒥᒃ ᐱᔭᕐᓃᑐᕙᒻᒥᒋ ᐊᖓ. “ᐱᕙᓪᓕᖁᑏᑦ ᐱᑦᔪᑕᐅᕙᒋ-ᐊᖏᑦ. ᐃᓄᑐᐃᓐᓀᑦ ᐱᕙᓪᓕᖁᑎᑕᕐᑕᐅᑎᖏᑦ ᐊᑦᔨᒋᔭᐅᒋ ᐊᖃᕐᒪᑕ ᓯᕿᓂᕐᒥᑦ ᐱᑦᓱᑎᒃ ᐱᓇᓱᒋ ᐊᕐᑐᐸᑦᑐᑦ ᐱᕙᓪᓕᖁᑎᑖᕐᑕᐅᑎᖏᓐᓄᑦ. ᐊᔪᓐᓇᕕᓱᖑᒋ ᐊᖓᓗ ᐱᓇᓱᑦᑎᑖᕆ ᐊᒥᒃ ᐊᑯᓂ ᐊᑕᓚᖓᔪᓂᒃ. ᐊᒥᓱᑦ ᑕᕐᕋᒧᑦ ᐱᓇᓱᒋ ᐊᕐᑐᐸᒻᒪᑕ ᐊ ᕐᕌᒍᓕᒫᑐᐃᓐᓇᒥ ᐅᕝᕙᓘᓐᓃᑦ ᒪᕐᕉᓂ ᐊ ᕐᕌᒎᓐᓂ, ᐱᓇᓱᓚᖓᑦᓱᑎᒃ ᑭᖑᓂ-ᐊᒍᓪᓗ ᐅᑎᕇᕐᓂ ᐊᒥᑦᓱᑎᒃ ᓯᕿᓂᕐᒧᑦ ᖃᓪᓗᓈᑦ ᓄᓇᖓᓐᓄᑦ.
ᐱᑕᐅᑉ ᐅᒃᑯᐃᓯᒋ ᐊᖕᖓᐅᒥ ᐅᖄᔭᖏᑦ ᐱᑦᔪᑕᐅᕙᑦᑐ ᐱᓪᓗᒋᑦ ᐅᖃᕐᑕᐅᒋ ᐊᑦᓯ ᐊᕆ ᐊᓪᓛᑕᐅᖃᑦᑕᓚᐅᔪᕗᑦ ᑭᖑᓕᕇᓄᑦ ᐅᖄᔪᓄᑦ ᐅᓪᓗᓂ ᐱᖓᓱᓂ ᐊᑑᑎᔭᐅᓂᖃᕐᓱᑎᒃ, ᐅᖄᔭᐅᒋ ᐊᓪᓛᒥᑦᓱᑎᒃᓗ ᐊᕕᑦᑐᓱᑎᒃ ᑲᑎᖕᖓᖃᑎᒌᓯᖃᑦᑕᑐᓄᑦ. ᖃᐅᔨᒪᖕᖏᓯᕐᑐᑕᐅᑦᓱᑎᒃ ᐱᓀᓗᑕᐅᒐᓗ ᐊᕐᑎᓗᒋᑦ ᐅᖄᔭᐅᓱᖑᖕᖏᑐᑦ ᐅᖄᔭᐅᓕᓚᐅᔪᕗᑦ, ᐅᖄᔭᐅᔪᑦ ᐃᓕᖓᓂᖃᕋᓗ-ᐊᕐᐸᑕ ᓇᓪᓕᖁ ᐊᕇᖕᖏᓗ ᐊᕐᓂᖏᓐᓄᑦ ᐃᓄᑐᐃᓐᓀᓗ ᐃᓄᑐᐃᓐᓇᐅᖏᑦᑐᓗ ᐱᕙᓪᓕᖁᑎᑖᕐᑕᐅᑎᖏᑦ, ᐅᕝᕙᓘᓐᓃᑦ ᐱᒻᒪᕆᐅᓂᖓᓂᒃ ᖁᕝᕙᐸᓪᓕ ᐊᓂᕐᒥᒃ ᐊᑐᐃᓐᓇᕈᕐᑎᕆᒍᑏᑦ ᓱᕐᖁᐃᑐᒥᒃ ᐃᓄᑐᐃᓐᓀᑦ ᖁᑦᓯᓂᕐᓴᓂᒃ ᑲᒪᔨᒻᒪᕇᑦ ᐱᓇᓱᒐᖏᓐᓅᔭᕋᔭᕐᓂᖏᑎᒍ.
ᐱᓇᓱᑦᑐᓕᕆᓂ ᐅᑉ ᐱᒻᒪᕆ ᐅᓂᖓᓂᒃ ᓇᓗᓀᕐᓯᓂᖃᓚ ᐅᔪᒻᒥᔪᖅ ᓄᓇᖁ-ᑎᑦᑎᓅᓕᖓᑎᓪᓗᒋᑦ ᑐᓴᕐᑕ ᐅᑎᑦᓯᓱᓂ ᓄᓇᕕᒻᒥ ᓇᒻᒥᓂᖅ ᐊ ᐅᓚᑦᓯᒍᓐᓇᓯᓂᑦᓴᓄᑦ ᐊᒃᓚᖁᑎᓕᕆᔩᑦ ᓯᕗᓕᕐᑎᖓᑦ ᐊᖏᖃᑎᒌᒐᓱᒍᑎᑎᒍᑦ ᐋᓐᑕᓂ ᐃᑦᑐᓵᑦ. ᐱᑕᖃᕐᑎᓯᒍᑎᖃᓚ ᐅᔪᒐᒥ ᓀᓇᕐᓯᒪᔪᓂᒃ ᐱᕙᓪᓕ ᐊᓯᒪᓂᖏᓐᓂᒃ ᑕᒪᑐᒪ ᐱᔭᑦᓴᖁᑕ-ᐅᔫᑉ, ᐅᖃ ᐅᓯᖃᕐᓱᑎᒃ ᐃᓚ ᐅᑎᑕ ᐅᓯᒪᓐᓂᖏᒋ ᐊᖓ ᔦᒥᓯ ᐯ ᐊᒻᒪᓗ ᑯᐯᒃ ᑕᕐᕋᖓᑕ ᐊᖏᖃᑎᒌᒍᑎᖏᓐᓂ ᐊᕐᕌᒍᐃᑦ 1970-ᓃᑎᓪᓗᒋᑦ.
ᑐᓴᕐᑎᓯᖑᑎᖃᕐᓃᓗ ᐅᖃᖃᑎᒌᒍᑎᖃᕐᓃᓗ ᓇᒻᒥᓂᖅ- ᐊᐅᓚᑦᓯᒍᓐᓇᓂᕐᒥᒃ ᓄᐃᑦᓯᓂᖃᓚᐅᔪᕘᒃ ᐱᒻᒪᕆᐅᑦᓱᓂ ᑐᖕᖓᕕᑦᓴᒥᒃ ᐱᔪᓐᓇᐅᑎᖃᕐᓱᑎᒃ ᐱᓇᓱᑦᑐᓕᕆᕕᓐᓂ ᐱᓇᓱᑦᑏᑦ ᐃᓚᐅᔭᕐᑐᓯᒪᔪᑦ ᖃᐅᔨᒪᔭᑦᓴᖏᓐᓂᒃ ᑐᑭᓯᒪᔭᑦᓴᖏᓐᓂᓗ ᖃᓄᑎᒋᒃ ᐱᓇᓱᑦᑕᖏᑦ ᐱᒻᒪᕆᐅᓂᖃᕐᒪᖔᑕ ᐃᓕᖓᑦᓱᑎᒃ ᐊᑐᐃᓐᓇᕈᕐᑎᕆᓂᕐᒧᑦ ᓄᓇᕕᒻᒥᒃ ᐱᔭᖃᕋᓱᒍᑎᒥᒍᑦ ᖁᕝᕙᕆ ᐊᕈᑎᒋᓂ ᐊᕐᑕᖏᓐᓂᒃ.
ᑲᑎᒪᓂᒻᒪᕆᐅᑉ ᑲᔪᓯᓂᖃᑦᓯ ᐊᓂᖓᓂᒃ ᐃᑲᔪᕐᓯᒪᕆᓚᐅᕐᒥᔫᒃ ᐃᓚᐅᖃᑕ-ᐅᓂᖏᒃ ᐃᓄᑐᖃᕆᔭᐅᔫᒃ ᒫᑕ ᑯᔩᒃᓗ ᐊᒻᒪᓗ ᓗᐃᓴ ᑯᑭ-ᐳᔭᐅᓐ. ᑕᒪᕐᒥᒃ ᐊᒥᕐᖄᖃᑎᖃᑦᓯ ᐊᓚᐅᕐᒪᓃᒃ ᐅᓂᒃᑲᐅᓯᖃᕐᓱᑎᒃ ᓄᓇᒥ ᐱᕈᕐᓴᓯᒪᓂᕐᒥᓂᒃ, ᑭᖑᓂᑦᓭᓇᖓᒍᓪᓗ ᐊᐅᓪᓚᑎᑕᐅᓚᐅᕐᓯᒪᓂᕐᒥᓂᒃ ᐊᓂᕐᕋᖃᕐᑎᓯᕕᐅᑦᓱᑎᒃ ᐃᓕᓐᓂ ᐊᑎᑦᓯᕕᓐᓄᑦ, ᐊᓂᒍᐃᓂᖃᕐᓯᒪᑦᓱᑎᒃ ᐃᓕᓐᓂ ᐊᑎᑕᐅᕕᒻᒥᓂ ᖁ ᐊᕐᓵᓯᒪᓇᕐᑐᓂᒃ ᐊᑑᑎᔭᕕᓂᕐᒥᓂᒃ ᑭᖑᓂ ᐊᒍᑦ ᐱᓇᓱᒐᖃᖃᑦᑕᓯᓯᒪᑦᓱᑎᒃ ᐃᓅᖃᑎᓂᒃ ᐱᑦᔪᔨᓂᕐᓂᒃ ᓄᓇᕕᒻᒥ. ᑐᑭᓯᒪᒻᒪᕆᓐᓂᒥᒍᑦ ᐃᓄᑐᐃᓐᓀᑦ ᐃᓗᕐᖁᓯᖓᓐᓂᒃ, ᐅᖃᐅᓯᖓᓐᓂᒃ ᐊᒻᒪᓗ ᐃᓪᓕᓇᕐᑐᖁᑎᖏᓐᓂᒃ, ᐅᖄᒍᑎ-ᖃᕈᓐᓇᓚᐅᔪᔫᒃ ᐃᓗᖏᕐᑑᑎᖃᕐᓱᑎᒃ ᐱᒻᒪᕆᐅᑎᑦᓯᓂᕐᒥᓂᒃ ᓲᓱᒋᔭᖃᑦᓯ ᐊᕆ-ᐊᖃᕐᓂᓂᒃ ᐃᓄᑐᐃᓐᓀᑦ ᐃᓪᓕᓇᕐᑐᖁᑎᖏᓐᓂᒃ ᐃᓚᐅᑎᑕᐅᑦᓯ ᐊᕆ ᐊᖃᕆ ᐊᖏᓪᓗ ᐱᕙᓪᓕ ᐊᑎᑕᐅᓂᖓᓄᑦ ᓄᓇᕕᐅᑉ.
“ᐱᒍᓐᓇᕕᓕᒫᑦᑎᒍᑦ ᐱᓇᓱᒋ ᐊᖃᕋᑦᑕ ᐊᑐᕐᓗᒋᑦ ᐱᒐᓱᒍᑎᑦᓴᕗᑦ ᑖᒃᑯᓂᖓ ᐊᒃᓚᖁᑎᓂᒃ ᓯᕗᒧᐊᑦᑎᓯᑦᓯᐊᖁᓪᓗᑕ,” ᐅᖃᓚᐅᔪᔪᖅ ᒣᑯᓪ ᐁᐅᕆᐅ, ᒪᑭᕝᕕᐅᑉ ᐱᓇᓱᑦᑐᓕᕆᕕᒻᒥᓂ ᑐᑭᒧ ᐊᑦᑎᓯᔨᖓ. ᐅᖃᐅᓯᖃᕐᓱᓂᓗ ᖁᓕᐅᖕᖏᒐᕐᑐᓂᒃ ᑕᓪᓕᒪᐅᔪᖕᖏᒐᕐᑐᓂᒃ ᐃᓄᑐᐃᓐᓇᓂᒃ ᐱᓇᓱᑦᑎᓂ ᐱᔭᕆᐅᕐᓴᔭᐅᒍᑎᓕᓐᓂᒃ ᐃᓄᓕᒫᓄᓕᖓᔪᓂᒃ ᑲᕙᒪᑎᒍᑦ ᐊᐅᓚᑦᓯᒍᑎᑦᓴᔭᓂᒃ ᐊᒻᒪᓗ ᐊᐅᓚᑦᓯᓂᓕᕆᐅᑎᓂᒃ ᐃᓕᓐᓂ ᐊᑎᑕᐅᔪᓂᒃ ᒪᑭᐋᓪ ᐃᓕᓐᓂ ᐊᕕᕐᔪ ᐊᒥ. ᐅᖃᕐᒥᓱᓂᓗ “ᑯᐯᒃ ᑲᕙᒪᒃᑯᑦ ᐃᓕᓐᓂ ᐊᓂᓕᕆᕕᖓᓂᑦ ᐱᔪᓐᓇᐅᑎᑕᕈᑎᑦᓴᔭᐅᑦᓱᑎᒃ ᐃᓕᓐᓂ ᐊᑕᐅᔪᑦᓴᔭᐅᒋ-ᐊᖏᑦ. ᐱᔭᕇᕈᓯᕐᑕᐅᓂᖃᓕᕐᐸᑕ ᐊᒥᓲᓗᑎᒃ ᒪᑭ ᐊᓪ ᐃᓕᓐᓂ ᐊᕕᕐᔪ ᐊᖓᓂ 2025-ᖑᓕᕐᐹᑦ ᐁᓯᒪᖃᑎᒌᖑᓛᕐᓱᑎᒃ. ᑕᒪᓐᓇ ᐱᐅᔪᒻᒪᕆ ᐊᓘᔪᖅ”
ᑲᑎᒪᓂᕐᔪᐊᖃᕐᓂᐅᑉ ᐅᒃᓗᖓᑕ ᑭᖑᓪᓕᐹᖓᓂ, ᐃᓱᒪᑕᖑᓯᒪᓕᕐᑐᑦ ᐊᒥᕐᖃᖃᑎᒌᒍᑎᖃᕐᓂᓴᓂᒃ ᐱᒐᓱᒍᑎᑦᓴᓂᒃ ᓄᐃᓚᐅᔪᕗᖅ ᑲᑎᖕᖓᔪᓂᖃ ᑎᒌᕕᓃᑦ ᐊᑯᕐᖓᓂ. ᐅᖃᕐᑕᐅᓚᐅᔪᕗᓪᓗ ᓴᕐᕿᑎᑕᐅᓂᖃᕐᑐᓴ ᐅᒋᐊᖓ ᐱᓇᓱᒐᖃᕐᕕ-ᐅᔪᑦ ᑲᑐᑦᔨᖃᑎᒌᒍᑎᒋᓗᒍ ᐱᓇᓱᑦᑐᓕᕆᕕᒻᒨᓕᖓᔪᑦ ᐱᓇᓱᖃ ᑎᒌᑦᑎ ᐅᒐᔭᕐᑐᑦ ᐊᐅᓚᑦᓯᖃᑦᑕᕋᔭᕐᓗᑎᒃ ᐊᑦᔨᒌᓂᒃ ᐱᔭᑦᓴᖁ ᑎᒥᓐᓂᒃ. ᓂᕆᐅᒋᔭᐅᓂᖃᕐᒪᑦ ᑕᒪᓐᓇ ᐅᖃᖃᑎᒌᒍᑎ ᐅᓕᕐᑐᖅ ᐃᓕᖓᑦᓱᓂ ᐱᓇᓱᑦᑐᓕᕆᕕᓐᓄᑦ ᑲᔪᓯᒐᔭᕆᐊᖓ ᐊᕐᕌᒍᑕᒫᑦ ᑲᑎᖕᖓᓂᒻᒪᕆᐅ ᖃᑦᑕᓯᓗᓂ ᐱᑦᔪᑎᖃᕐᓗᓂ ᐱᐅᓯᒋᐊᕆᒐᔭᕐᓂᓂᒃ ᐱᒋᐅᕐᓴ ᑎᑦᓯᒍᑎᓂᒃ ᐱᓇᓱᒐᖃᕐᕕᖁᑎᐅᔪᓕᒫᓂ ᐊᑕᐅᑦᓯᑯᑦ ᓄᓇᕕᒻᒥᒃ ᐱᕈᕐᐸᓕᐊ ᑎᑦᓯᒍᑎᒋᓗᒋᓪᓗ.
