ᓇᓪᓕᐅᓂᕐᓯᐅᕈᑎᒋᑦᓱᒋᑦ ᓱᑯᐃᔦᓂᕐᒥᒃ ᑐᑭᓯᓂᐊᕐᓂᒥᒃ ᐊᒻᒪᓗ ᐃᓗᕐᖁᓯᒃᑯᑦ ᕿᒻᒪᖁᓯᐊᓂᒃ, ᓄᓇᕕᒻᒥᐅᑦ ᐃᓕᓐᓂᐊᑎᖏᑦ ᐃᒻᒥᓂᒃ ᓇᓗᓀᕆᓂᖃᓚᐅᔪᕗᑦ ᑯᐯᒃᒥᐅᑦ ᓄᓇᓕᑐᖃᖏᑕ ᓱᑯᐃᔭᕐᓯᒪᔪᓂᒃ ᑕᑯᑦᓴᐅᑎᑦᓯᕕᖓᓐᓂ ᐊᑑᑎᔭᐅᓂᖃᓚᐅᔪᔪᒥ ᑯᐯᒃ ᐃᓕᓐᓂᐊᕕᕐᔪᐊᖓᓂ ᐆᑕᐅᐃᒦᑦᑐᒥ ᑳᑦᓯᓅᒥᑦᓱᓂ ᐅᒃᓗᖏᓐᓂ ᒫᑦᔨ 19 – 21. ᑕᑯᔭᑦᓭᑦ ᐃᓚᖏᑦ ᐱᓇᓱᑦᑕᐅᓯᒪᔪᑦ ᑕᑯᓱᕐᓀᑐᖃᑦᑕᓚᐅᕐᖁᑦ. ᐱᖓᓱᑦ ᐃᑉᐱᓇᓪᓗᕆᓚᐅᕐᑐᑦ ᓄᑖ ᑕᑯᔭᕆᐅᕐᓇᑐᑦ ᑐᑭᓯᑦᓯᐊᓇᕐᓱᑎᒃᓗ.
ᐃᓕᓴᐱ ᐁᓇᓕᒃᓗ ᔨ ᐊᓐᕕᐄᕝ ᓯᒥᒐᕐᓗ, ᐃᕗᔨᕕᒻᒥᐅᔮᒃ ᐅᐱᒋᔭᐅᓂᖃᓚᐅᕐᖂᒃ, ᐱᔪᕆᒪᒍᑎᐅᑦᓱᑎᒃᓗ ᐃᓗᕐᖁᓯᑎᒍᑦ ᕿᒻᒪᖁᓯ ᐊᓄᑦ ᓵᓚᖃᐅᑎᑕᕐᓱᑎᒃ ᑕᑯᓐᓇᕈᒥᓇᕐᑐᓂᒃ ᐱᓇᓱᑦᓯᒪᔭᒥᓄᑦ ᐊᑦᓯᕋᐅᑎᖃᕐᑎᓱᒍ “ᐱᐅᓯᕐᓱᓂᑐᐃᓐᓇᑯᑦ ᐅᑭᐅᕐᑕᑑᑉ ᐃᑭ ᐊᕐᒥᐅᑕᖏᑦ.” ᖃᐅᔨᓴᕐᓂᕋᒥᒃ ᐱᐅᓯᑐᖃᕐᑎᒍᑦ ᐃᓄᑐᐃᓐᓀᑦ ᐅᑭᐅᕐᑕᑐᒥᐅᑦ ᓄᓇᕐᖃᑎᒌᑦ ᐃᒡᓗᔪ ᐊᒥᓐᓂᒃ ᐃᑭ ᐊᕐᒥᐅᓯᕐᑐᐃᒍᓯᑐᖃᖏᓐᓂᒃ, ᒪᓂᔨᓂᖃᓚᐅᕐᑑᒃ ᑐᑭᓯᒪᓂᑦᓴᓂᒃ ᓄᓇᓕᑐᖃᐅᔪᑦ ᖃᐅᔨᒪᔭᖏᓐᓂᒃ ᐊᒻᒪᓗ ᑲᔪᓯᓂᖃᑦᓯ ᐊᕈᓐᓇᑐᓂᒃ ᐃᓅᒍᓯᕐᒥᒃ ᐱᓂ ᐊᕐᓂᖃᕈᓐᓇᓂᕐᓂᒃ.
ᐃᓚᒋᔭᐅᒻᒥᑎᓪᓗᒋᑦ ᓇᓗᓀᕐᑕᐅᖃᑎᐅᒋ ᐊᖃᕐᓂᖏᒃ, ᑎᔅᓲᕇ ᖃᐅᓐᓈᓗᓪᓗ ᐅᓪᓗᕆ ᐊᖅ ᒪᖏᐅᕐᓗ, ᐃᕗᔨᕕᒻᒥᐅᔭᐅᒻᒥᔫᒃ, ᑖᒃᑯ ᐊᓕ ᐱᖓᔪᐃᕐᑕᖑᓚᐅᕐᑑᒃ ᐳᕐᑐᓂᕐᓴᒥ 1-ᒥ ᐃᓕᓐᓂ ᐊᑎᐅᑦᓱᑎᒃ ᐃᓱᒪᒐᓱᓐᓇᑐᓂᒃ ᓴᓇᓐᓂᕋᒥᒃ, “ᓯᓚᐅᑉ ᓂᕈᒥᓐᓂᖓ ᓱᕐᕃᒍᓐᓇᐸ ᐊᒃᑐᑕᐅᔪᓂᒃ?” ᑖᒃᑯ ᐊ ᖃᐅᔨᓴᕐᓂᕕᓂᖏᒃ ᓂᕈᒥᓐᓂᐅᑉ ᓱᕐᕃᓂᕆᒍᓐᓇᑕᖏᓐᓂᒃ ᐱᒻᒪᕆᕋᑕᐅᒻᒥᔪᓂᒃ ᓄᐃᑦᓯᒍᑎᒋᓯᒪᓚᐅᔪᒻᒥᔭᖏᒃ ᐃᓅᑉ ᑕᒪᑐᒥᖓ ᑐᑭᓯᒪᓂᖓᓂᒃ.
ᑌᕉᓐ ᐊᕐᓇᑐᒃ ᑖᕕᑦ, ᔮᓂᒻᒪᕆᒃ ᐃᓕᖕᓂ ᐊᕕᖕᒥ ᑰᒃᔪ ᐊᒦᑦᑐᒥ ᐃᓕᓐᓂ-ᐊᕆᕐᓂᐅᔭᓕᕐᑐᖅ, ᑕᑯᔭᑦᓴᓯ ᐊᖁᑎᖃᓚᐅᔪᒋᕗᑦ ᓄᑖᒥ ᑕᑯᔭᐅᓚᐅᕐᓯᒪᖕᖏᑐᒥᒃ ᓴᓇᓯᒪᑦᓱᓂ. ᐱᓯᑎᐅᓕᐅᑎᖃᑕᐅᑦᓱᓂ ᐳᕐᑐᓂᕐᓴᒥ 4-ᒥᓗ 5-ᒥᓗ ᐃᓕᓐᓂ ᐊᑐᓂ, ᑌᕉᓐ ᑕᑯᑦᓴᐅᑎᑦᓯᓚᐅᔪᖅ ᑕᑯᔭᐅᓚᐅᕐᓯᒪᖕᖏᑐᒥᒃ ᓄᑖᒥᒃ ᐱᓇᓱᑦᓯᒪᑦᓱᓂ ᐊᑦᓯᕋᐅᑎᖃᕐᑎᑕᒥᓂᒃ “ᓄᑕᐅᓯᓕᕈᓐᓇᑐᓂᒃ ᐆᒻᒪᖁᑎᑦᓴᓂᒃ ᐱᓱᓪᓗᓂ ᐱᕕᑦᓴᖅ.” ᖃᐅᔨᓴᕐᑕᕕᓂᖏᑦ ᑐᑭᓯᓂ ᐊᕐᓯᒪᓂᐅᓚᐅᔪᕗᑦ ᐆᒻᒪᖁᑎᑦᓴᑕᕈᓐᓇᓂᕐᒥᒃ ᐃᓅᑉ ᓂᒪᕐᓂᖓᓂᑦ, ᓄᐃᑦᓯᒍᑎᒋᑦᓱᒍ ᑲᔪᓯᐅᒐᕈᓐᓇᑐᒥᒃ ᐋᕐᕿᒍᑎᑦᓴᑖᕐᓂᒥᒃ ᐆᒻᒪᖁᑎᐅᔪᑦ ᐊᐅᓚᓂᖓᓂᒃ.
ᑯᐯᒃᒥ ᓄᓇᖃᕐᖃᓯᒪᔪᑦ ᓱᑯᐃᔭᕐᓯᒪᔪᓂᒃ ᑕᑯᑦᓴᐅᑎᑦᓯᕕᖓᑦ, ᐊᑑᑎᔪᑦᓴᓕ ᐊᖑᓯᒪᕗᖅ ᑯᐯᒃᒥᐅᓄᑦ ᓄᓇᓕᑐᖃᕐᓄᑦ ᓱᑯᐃᔦᔨᓄᑦ ᐊᒻᒪᓗ ᓴᓇᒻᒪᓴᓂᒃ ᑲᑐᑦᔨᖃᑎᒌᕝᕕᒧᑦ, ᑖᒃᑯ ᐊ ᓯᕗᓂᖃᕐᒪᑕ ᖁᕝᕙᑎᕆᓂᑦᓴᒥᓂᒃ ᓱᑯᐃᔦᓂᕐᓂᒃ ᐊᒻᒪᓗ ᓴᓇᒻᒪᓴᓕᐅᕐᑎᐅᓂᕐᓂᒃ ᓄᓇᓕᑐᙯᑦ ᐅᕕᒐᕐᑐᖁᑎᖏᑕ ᓄᓇᖃᕐᖃᓯᒪᔪᑦ ᐊᑯᕐᖓᓂ ᐊᒻᒪᓗ ᐃᓄᑐᐃᓐᓀᑦ ᓄᓇᓕᖏᓐᓂ ᑯᐯᒃ ᓄᓇᓕᕐᓚᖓᓂ. ᐊᕐᕌᒍᑦ 10 ᐅᖓᑖᓄᑦ, ᓄᓇᕕᒻᒥᐅᑦ ᐃᓕᖕᓂ ᐊᑏᑦ ᐱᔪᑦᓴᐅᔮᕈᑎᖃᑦᓯ ᐊᓱᖑᒻᒪᑕ ᑕᒪᑐᒥᖓ ᐊᑦᔨᖃᕋᓂ ᐱᒐᓱᕝᕕᐅᒍᓐᓇᑐᒥᒃ ᓄᐃᑎᑦᓯᓂᐅᓗᓂ ᓱᑯᐃᔭᕐᓯᒪᔪᑦ ᐱᐅᓂᖏᓐᓂᒃ ᐊᒻᒪᓗ ᐊᑦᔨᖃᖕᖏᑐᑦᓱᑎᒃ ᐱᔪᓂᒃ.
ᐃᓚᐅᔪᓐᓇᓯᓂ ᐊᕈᓂ ᑯᐯᒃᒥᐅᑦ ᓄᓇᓕᑐᙯᑦ ᓱᑯᐃᔭᕐᓯᒪᔪᓂᒃ ᑕᑯᑦᓴᐅᑎᑦᓯᕕᖓᓄᑦ, ᐃᓕᖕᓂ ᐊᑏᑦ ᐱᔭᕆ ᐊᖃᕐᐳᑦ ᐱᑦᓯ ᐊᓯᒪᒻᒪᕆᑦᑐᓂᒃ ᑎᒃᑯ ᐊᓯᑲᑦᑕᓂᕐᒥᒃ ᐱᓇᓱᒍᑎᖃᕐᓗᑎᒃ, ᒪᓂᔨᖃᑦᑕᓗᑎᒃ ᐊᑕᖏᕐᓯᔪᓂᒃ ᓴᓇᓯᒪᔭᒥᓂᒃ ᐃᓚᖃᕐᑎᓗᒋᑦ 5-ᓂᒃ ᒪᑉᐱᕋᕐᓂᒃ ᑐᓴᕐᑎᓯᒍᑎᑕᖏᓐᓂᒃ, ᐱᓇᓱᖃᑎᒌᒍᑎᖃᕐᓯᒪᔪᓪᓗ ᑲᑎᒪᑦᓱᑎᒃ ᐊᑦᔨᓕ ᐊᖑᓯᒪᓗᑎᒃ, ᐊᒻᒪᓗ 2-ᒥᓇᑦᓯᓂ ᑕᑭᓂᓕᒻᒥᒃ ᑕᑯᓐᓇᕋᑦᓴᓕᐅᕐᓯᒪᓗᑎᒃ ᐱᓇᓱᑦᑕᒥᓂᒃ ᑐᑭᓯᑎᑦᓯᒍᑎᒥᓐᓂᒃ. ᑐᓂᔨᒍᑎᐅᔪᑦ ᓇᐅᑦᓯᑐᕐᑕᐅᓱᖑᕗᑦ ᐱᐅᓂᕐᓯᐅᕆᔨᖏᓐᓄᑦ ᑲᑎᕕᒃ ᐃᓕᓴᕐᓂᓕᕆᓂᐅᑉ, ᐱᓇᓱᑦᑕᐅᓯᒪᑦᓱᑎᒃ ᑎᒃᑯ ᐊᑕᐅᔪᑦ ᐱᑎᑕᐅᖃᑦᑕᑎᓪᓗᒋᑦ ᐱᕕᑦᓴᑖᕐᓂᒥᒃ ᐱᓕᐅᑎᔪᓂ ᑯᐯᒃ ᓄᓇᓕᕐᓚᖓᓂ.
ᐅᒃᓗᓂ ᐱᖓᓱᓂ ᑕᑯᑦᓴᐅᑎᑦᓯᓂᖃᓂᒥᓂ, ᑕᑯᑦᓴᐅᑎᑦᓯᖃᑎᒌᒋ-ᐊᕐᑐᓯᒪᔪᑦ ᐱᓇᓱᑉᐸᐳᑦ ᑐᓴᕐᑎᓯᒍᑎᓂᒃ ᐊᒻᒪᓗ ᐅᖃᖃᑎᒌᒍᑎᖃᕐᓂᓂᒃ ᑐᑭᑖᕈᑎᐅᓚᕿᓂ ᐊᓕᕐᒪᑕ ᓇᓪᓕᖏᑦ ᓴᓇᓯᒪᔪᑦ ᓵᓚᖃᕐᒪᖔᑕ ᐊᑯᕐᖓᓂ ᑕᓪᓕᒪᑦ ᐊᕕᑦᑐᓯᒪᓂᐅᔪᑦ. ᑕᒪᒃᑯ ᐊ ᓴᓚᖃᕐᑎᑕᐅᔪᑦ ᐱᔭᑐ ᐊᖃᓱᖑᖕᖏᓚᑦ ᐃᓕᑕᕆᔭᐅᓂᕐᑕᓂᕐᒥᒃ ᐱᓱᖑᒻᒥᒐᒥᒃ ᒪᓂᔨᓂᕐᒥᒃ ᐱᔭᐅᒍᓐᓇᑐᓂᒃ ᐅᑎᕐᕕᐅᓂᕐᒥᒃ ᓲᕐᓗ ᑮᓇᐅᔭᑐᐃᓐᓇᓂᒃ ᓵᓚᖃᐅᑎᑖᕐᓂᒥᒃ, ᐁᑦᑐᓯ ᐊᓂᒃ ᐊᒻᒪᓗ ᓵᓚᓖᑦ ᓇᓗᓀᕐᑕᐅᒍᑎᑦᓴᔭᖏᓐᓂᒃ.
ᓱᑯᐃᔭᕐᓯᒪᔪᓕᐅᕐᓃᑦ ᐊᑯᕐᖓᓂᒃ, ᑯᐯᒃᒥ ᓄᓇᓕᑐᙯᑦ ᓱᑯᐃᔭᕐᓯᒪᔪᓂᒃ ᑕᑯᑦᓴᐅᑎᑦᓯᕕᖓ ᐱᑕᖃᕐᑎᓯᓱᖑᒋᕗᖅ ᐱᐅᓯᒋ ᐊᕐᓯᒪᔪᒥᒃ ᐊᑑᑎᔭᖃᕐᓂᖏᓐᓂᒃ ᐃᓕᖕᓂ ᐊᑏᑦ, ᐱᕕᑦᓴᖃᕐᑎᓯᓂᖃᕐᓱᑎᒃ ᐃᓗᕐᖁᓯᑎᒍᑦ ᑕᐅᕐᑎᓂᕐᓂᒃ ᐊᒻᒪᓗ ᓲᓱᒋᐅᑎᑦᓯ ᐊᕆ ᐊᒃᑲᓂᕐᓂᓂᒃ, ᐃᓚᐅᑎᓪᓗᒋᑦ ᐅᖃᖃᑎᒌᒍᓐᓇᓯᓃᑦ ᑲᓇᑕᒥ ᓱᑯᐃᔭᕐᓯᒪᔪᓪᓗ ᐱᓪᓗᑯᒋ ᐊᓕᓕᕆᐅᑎᓂᓪᓗ ᑕᑯᕙᒃᑯᕕᒻᒥ ᐋᑐᒑᒥᑦᑐᒥ. ᐃᓚᐅᔭᕐᑐᖃᑎᒌᓯᒪᔪᑦ ᑐᔪᕐᒥᐅᕕᓐᓂᓲᑦ ᒪᓕᑦᑕᐅᓯᒪᓱᖑᑦᓱᑎᒃᓗ ᑲᒪᔨᓄᑦ, ᓴᕐᕿᑎᑦᓯᓂᖃᕐᓱᑎᒃ ᓴᐳᒻᒥᖃᑎᒌᓐᓂᓂᒃ ᐊᕙᑎᖃᕐᓂᒥᓂᒃ ᐱᒃᑫᓂᖃᕐᑐᓂᒃ ᐃᓕᑦᓯᓂᕐᒥᒃ ᐊᒻᒪᓗ ᐱᕈᕐᐸᓕ ᐊᓂᕐᒥᒃ.
ᐱᔭᖃᕈᑎᒋᓯᒪᔭᖏᑦ ᐃᓕᓴᐱᐅᓪᓗ, ᔨ ᐊᓐᕕᐄᕝᓗ, ᑎᓴᕇᓪᓗ ᐊᒻᒪᓗ ᑌᕉᓐ ᓄᐃᑕᑎᑦᓯᒋ ᐊᓪᓚᐳᑦ ᐃᓱᒪᑐᓂᖏᓐᓂᒃ ᐊᒻᒪᓗ ᐱᔭᖃᕈᓐᓇᓂᖏᓐᓂᒃ ᓄᓇᕕᐅᑉ ᐃᓕᖕᓂ ᐊᑎᖁᑎᖏᑕ. ᑌᒪᓕ ᑯᐯᒃᒥ ᓄᓇᖃᕐᖃᓯᒪᔪᑦ ᓱᑯᐃᔭᕐᓯᒪᔪᓂᒃ ᑕᑯᑦᓴᐅᑎᑦᓯᕕᖓᑦ ᑲᔪᓯᒍᑎᖃᕐᐳᖅ ᐱᔪᒪᓴᕆᓂᕐᒥᒃ ᐊᒻᒪᓗ ᐱᔪᓐᓇᓂᕐᑕᑎᑦᓯᓂᕐᒥᒃ ᓄᓇᓕᑐᙯᑦ ᐅᕕᒃᑲᖁᑎᖏᓐᓂᒃ, ᐃᓂᕐᓯᒋ ᐊᓪᓚᓂᐅᕗᕐᓗ ᐱᒻᒪᕆᐅᒋ ᐊᖓ ᖃᐅᔨᒪᒍᒥᓇᕐᑐᑦ ᑲᔪᓯᑎᑕᐅᓂᖏᑦ, ᓄᑖᓂᓪᓗ ᐱᒐᓱᒍᓐᓇᓃᑦ, ᐊᒻᒪᓗ ᐃᓗᕐᖁᓯᑎᒍᑦ ᐱᔪᕆᒪᒍᑎᓂᒃ ᓱᑯᐃᔦᓂᑎᒍᓪᓗ ᓴᓇᒻᒪᓴᓕᐅᕈᓐᓇᓂᒃᑯᓗ.
ᐊᕐᕌᒍᓚᖓᔪᒥ ᑯᐯᒃᒥ ᓄᓇᖃᕐᖃᓯᒪᔪᑦ ᓱᑯᐃᔭᕐᓯᒪᔪᓂᒃ ᑕᑯᑦᓴᐅ-ᑎᑦᓯᕕᖓᑦ ᐊᑐᑎᔭᐅᓂᖃᓛᓕᕐᒥᔪᖅ ᐃᓄᑐᐃᓐᓇᓄᓪᓗ ᐊᓪᓚᓄᓪᓗ ᑯᔩᓄᑦ ᑰᒃᔪ ᐊᕌᐱᖕᒥ ᐊᑑᑎᔭᐅᓂᖃᕐᓗᑎᒃ.
