ᐱᓇᓱᐊᕐᑕᐅᔪᒥᒃ ᑲᒪᔨ: ᒫᒃᓯᒻ ᓚᕆᕓ, , Ph.D., ᑐᑭᒧᐊᑦᑎᓯᔨ ᒪᓐᑐᕆᐊᓪᒥ ᖁᐱᕐᕈᖃᐅᑎᒥ
ᐱᓇᓱᐊᕐᑕᐅᔪᒥᒃ ᐊᑕᐅᑦᓯᑰᕐᑎᓯᔨ: ᐊᒥᓕ-ᑯᕆᑯᐊ-ᑕᐃᕘ, Ph.D.

ᐊᑦᔨᒌᖕᖏᑐᑦ ᖁᐱᕐᕈᐃᑦ (ᐆᑦᑐᕋᐅᑎᒃᑲ ᐋᓯᕙᓛᑦ ᐊᒻᒪᓗ millipedes ­ᓚᔭᐅᔪᑦ) ᑕᕐᕋᒥ ᐆᒪᔪᐃᑦ ᐱᕈᕐᑐᐃᓗ ᐱᕈᕐᓴᕕᖏᓐᓂᒃ ᐱᕈᕐᓴᕕᑦᓴᓯᐊᒍᑎᑦᓯᓲᒍᕗᑦ. ᓄᕕᐅᕓᑦ ᑭᑦᑐᕆᐊᓪᓗ ᐃᕐᖃᓇᑦᓴᐅᑎᒋᓲᑦ ᑯᐯᒃ ᑕᕐᕋᖓᓃᓲᓂᒃ ᖁᐱᕐᕈᓂᒃ ᐃᓱᒪᔪᖃᓕᕋᒥ, ᐊᒥᓱᐃᒍᓲᒍᕗᑦ ᖁᐱᕐᕈᐃᑦ ᐃᑉᐱᒋᔫᔮᓲᕆᖕᖏᑕᕗᑦ, ᐊᒥᓱᒐᔭᕐᔪᐊᑦ ᑕᖁᓕᑭᑖᕌᐲᑦ, ᑕᑯᒥᓇᕐᑐᐊᐲᓪᓗ ᐱᕈᕐᓯᐊᓄᑦ ᒥᑲᑦᑕᓲᑦ, ᐃᒍᑦᓭᓗ ᐊᒥᓱᒋᐊᓪᓓᓗ ᓱᓕ. ᐃᓚᖏᑦ ᑎᖕᒥᐊᓄᑦ ᓂᕆᔭᑦᓴᐅᓲᑦ ᐊᓯᖏᓐᓄᓗ ᐆᒪᔪᓄᑦ, ᐃᓚᖏᓪᓗ ᐱᕈᕐᓯᐊᓴᓂᒃ ᓯᐊᒻᒪᑎᕆᓲᒍᒻᒥᓱᑎᒃ, ᐸᕝᕕᓇᕐᑐᓂᓪᓗ ᐅᓄᕐᓯᓗᐊᓕᕋᔭᕐᑎᓗᒋᑦ ᐃᑯᓪᓚᑎᑦᓯᓲᒍᑦᓱᑎᒃ, ᐃᑦᔪᒥᓪᓗ ᓂᒪᔭᕐᑎᓯᓲᒍᑦᓱᑎᒃ. ᖃᐅᔨᓴᕐᑕᐅᓯᒪᔪᑎᒍᑦ ᑯᐯᒃ ᑕᕐᕋᖓ ᖁᐱᕐᕈᓕᒻᒪᕆᐅᓲᖅ.

ᑕᒪᒃᑯᐊᓗ ᐊᑦᔨᒌᖕᖏᑑᑏᑦ ᐊᓪᓚᖁᑎᓕᐊᒍᓯᒪᒐᑎᒃ ᐊᑦᑕᓇᕐᑐᐊᐱᐅᑦᓱᑎᓪᓗ. ᐱᓪᓚᕆᐅᑎᑕᐅᒐᑎᓪᓗ ᐃᓄᐃᑦ ᓇᔪᒐᖏᓐᓂ. ᓯᓚᐅᑉ ᓯᓚᕐᔪᐊᒥ ᐊᓯᑦᔨᕙᓪᓕᐊᓂᖓᑕ ᓱᕐᕃᕙᓐᓂᖓᓄᑦ, ᐆᒪᔪᓗᑳᑦ ᐊᓯᑦᔨᕙᓪᓕᐊᖃᑕᐅᒻᒥᒪᑕ ᐱᑐᑦᓯᒪᓂᕆᔭᖏᓪᓗ. ᐊᓯᑦᔨᕙᓪᓕᐊᓂᕐᓗ ᓱᑲᓐᓂᓴᒻᒪᕆᐅᑦᓱᓂ ᑕᕐᕋᒥ. ᐅᓪᓗᒥᒧᑦ, ᖁᐱᕐᕈᐃᑦ ᐋᓯᕙᓛᓪᓗ ᑲᓇᑕᐅᑉ ᑕᕐᕋᖓᓂ ᖃᐅᔨᓴᕐᑕᐅᓯᒪᓪᓗᐊᖕᖏᓚᑦ ᐅᐃᒪᓇᕐᑐᒥᓪᓗ ᖃᐅᔨᓴᐅᑎᐅᓯᒪᔪᑦ ᑭᖕᖒᒪᒋᔭᐅᕙᓕᕐᓱᑎᒃ. ᑲᑎᕐᓱᐃᖃᑦᑕᓗᑕ ᖃᐅᔨᓴᕋᑦᓴᓂᒃ ᐃᑉᐱᒋᖃᑦᑕᓗᒋᓪᓗ ᐊᑦᔨᒌᖕᖏᑑᓂᖏᑦ ᐃᓕᑦᓯᒋᐊᓪᓚᕈᑎᑦᓴᕆᓚᖓᕙᕗᑦ ᐱᐅᓯᖏᓐᓂᒃ ᓇᓃᓐᓂᖏᓐᓂᓗ, ᓇᕝᕚᖃᑦᑕᓗᑕ ᑕᑯᔭᐅᓚᐅᕐᓯᒪᖕᖏᑐᓂᒃ, ᑐᑭᓯᓕᐅᒥᓗᑕᓗ ᖃᓄᖅ ᓴᐳᒻᒥᕈᓐᓇᒪᖔᑦᑎᒋᑦ. ᐆᑦᑐᕋᐅᑎᒐ ᑯᐱᕐᕈᓂᒃ ᐱᕈᕐᓯᐊᓴᕐᓃᓲᓂᒃ ᐃᑉᐱᒍᓱᒋᐊᕋᔭᕈᑦᑕ, ᑐᕃᓐᓇᖏᑦᑐᑯᑦ ᓯᓚᐅᑉ ᓯᓚᕐᔪᐊᒥ ᐊᓯᑦᔨᕙᓪᓕᐊᓂᖓᑕ ᓱᕐᕃᓂᖓᓄᑦ ᓄᓂᕚᑦᓴᖃᑦᓯᐊᕈᓐᓀᓯᒪᓕᕐᐸᑦ. ᑕᒪᒃᑯᐊ ᖃᐅᔨᓴᐅᑎᐅᓯᒪᔪᑦ ᖃᐅᔨᓴᕐᑎᒪᕆᓐᓄᑦ, ᑲᑐᑦᔨᖃᑎᐅᑎᓪᓗᒋᑦ ᓄᓇᓕᓐᓃᑐᑦ ᖃᐅᔨᓴᕈᑎᑦᓴᐅᓕᕋᔭᕐᑐᑦ ᑭᖑᓂᖓᒍᑦ ᓱᕐᕃᓂᕆᔭᖓᓂᒃ ᖁᐱᕐᕈᓂᒃ ᓯᓚᐅᑉ ᓯᓚᕐᔪᐊᒥ ᐊᓯᑦᔨᕙᓪᓕᐊᓂᖓᑕ ᑐᑭᓯᓕᐅᒥᒍᑎᒋᓗᒍᓗ ᐱᓇᓱᐊᕐᑕᐅᒋᐊᓕᓐᓂᒃ ᓄᓇᓖᑦ ᐃᑲᔪᕐᓯᒋᐊᕈᒪᒧᑦ ᐊᑐᐃᓐᓇᐅᒋᖃᕐᓂᖏᓐᓄᑦ ᐊᓯᑦᔨᕙᓪᓕᐊᓂᕐᓄᑦ.

2014­ᒥᓂᑦ, ᐃᓖᔅ ᕆᐅ­ᐹᑭᐊᑦ (ᑲᑎᕕᒃ ᓄᓇᓕᓕᒫᑦ ᑲᕙᒪᖓᓂᑦ) ᒫᒃᓯᒻ ᓚᕆᕖᓗ (ᑐᑭᒧᐊᑦᑎᓯᔨ ᒪᓐᑐᕆᐊᒥ ᖁᐱᕐᕈᓕᕆᕕᒻᒥ) ᓄᓇᕕᒻᒥᐅᓂᒃ ᐅᕕᒐᕐᑐᓂᒃ ᖃᐅᔨᒪᔭᐅᑎᑦᓯᒋᐅᕐᐸᐴᒃ ᖁᐱᕐᕈᓕᕆᓂᕐᒥᒃ ᓄᓇᕕᒻᒥ ᒥᖕᖑᐃᓯᕐᕕᓂᒃ ᑕᑯᓂᐊᕐᑎᐸᑦᓱᒋᑦ. ᑭᑎᑦᓯᒋᐊᕐᑐᓯᒪᓲᑦ ᐊᑦᔨᒌᖕᖏᑐᓂᒃ ᖁᐱᕐᕈᓂᒃ ᑖᕙᓂ ᓄᓇᓂ ᓴᐳᒻᒥᔭᐅᔪᓂ. ᐱᓇᓱᖃᑎᖃᕐᓱᑎᒃ ᐅᕕᒐᕐᑐᓂᒃ ᐃᓄᓐᓂᒃ ᐊᓪᓚᓂᓪᓗ ᑯᔩᒃᑯᓂᒃ, ᑐᑭᓯᓚᐅᔪᕗᑦ ᓚᕆᕓ ᐊᒥᓱᑦ ᐅᕕᒐᕐᑐᐃᑦ ᐊᓕᐊᒋᔭᖃᕆᐊᖏᓐᓂᒃ ᖁᐱᕐᕈᓕᕆᓂᕐᒥᒃ: “ᐊᑦᔨᒌᖕᖏᑐᓂᒃ ᖁᐱᕐᕉᖃᑎᒌᓂᒃ ᖃᐅᔨᒪᓂᖏᑦ ᐃᑉᐱᒍᓱᒋᐊᖏᓪᓗ ᓱᓇᓪᓗᑰᓂᖏᓐᓂᒃ ᐱᕙᓪᓕᖁᑎᒻᒪᕆᐅᓚᖓᒻᒪᑦ ᓄᓇᕕᒻᒥ ᖃᐅᔨᓴᕐᐸᓚᖓᔪᓄᑦ.” ᑭᓯᐊᓂᓕ, ᐅᕕᒐᕐᑐᐃᑦ ᖃᐅᔨᒪᓂᖃᓪᓗᐊᖏᑦᑐᑦ ᖃᐅᔨᒪᓂᖃᖕᖏᑐᐃᓪᓘᓃᑦ ᖁᐱᕐᕈᐃᑦ ᐊᓯᖏᓪᓗ ᖃᓄᖅ ᐃᑉᐱᒋᔭᐅᒍᓐᓇᒪᖔᑕ ᐊᑦᔨᒌᖕᖏᑑᓂᖏᑦ. ᖃᐅᔨᒪᒍᒪᔭᖏᓐᓂᒃ ᑫᓪᓚᑐᐃᒋᐊᕈᑎᑦᓴᖃᓪᓗᐊᖏᒻᒪᑦ ᖁᐱᕐᕈᓕᕆᒍᓐᓇᓂᖏᓐᓂᓗ. ᓱᓕᓗ, ᖁᐱᕐᕈᓯᐅᕐᕕᓴᖅ ᐊᖏᔪᒻᒪᕆᐅᑎᓪᓗᒍ ᖁᐱ3ᕈᐃᓗ ᓂᒪᕐᓂᕆᓲᖓ ᓀᑦᑑᓲᒍᒻᒥᓱᓂ. ᐱᒋᐅᕐᓴᑎᑕᐅᓂᖃᕆᐊᖃᓕᕐᑐᑦ ᐃᑉᐱᒋᔨᖃᕐᓗᑎᓪᓗ ᐅᕕᒐᕐᑐᐃᑦ.

ᑕᑉᐱᑯ ᐊ ᐱᑦᔪᑕᐅᔪᓕᒫᒍᑎᓪᓗᒋᑦ, Nunavik Sentinels, ᐱᒋᐅᕐᓴ­ᑎᑦᓯᓂᐅᒐᔭᕐᑐᖅ ᓄᐃᑕᐅᓚᕿᓯᒪᕗᖅ ᐃᑲᔪᕐᓯᒍᒪᑦᓱᒋᑦ ᐅᕕᒐᕐᑐᐃᑦ ᓄᓇᕕᒻᒥ ᓄᓇᓕᓕᒫᓂ. ᐱᒋᐅᕐᓴᑎᑦᓯᓂᖅ ᓄᐃᑕᐅᓯᒪᔪᖅ ᒪᓐᑐᕆ ᐊᓪᒥ ᖁᐱᕐᕈᓕᕆᕕᒻᒧᑦ, ᐊᑐᐃᓐᓇᐅᑎᑕᐅᖃᑦᑕᓛᕐᖁᖅ ᐅᕕᒐᕐᑐᓄᑦ ᓄᓇᓕᓐᓃᑐᓄᑦ ᐊᕐᕌᒍᑕᒫᑦ. ᐊᓯᓃᒋ ᐊᕐᑐᖃᑦᑕᓗᑎᒃ, ᐊᐅᔭᒃᑯᑦ ᐅᐱᕐᖔᑯᑦ, ᐃᓕᓴᕐᑕᐅᖃᑦᑕᓗᑎᒃ ᖁᐱᕐᕈᓯᐅᕈᓐᓇᓂᕐᒥᒃ ᕿᒥᕐᕈᕋᑦᓴᒥᓂᒃ, ᓴᓇᕐᕈᑎᑦᓴᖃᑦᓯ ᐊᓗᑎᒃ ᖃᐅᔨᒋ­ᐊᕐᕕᓴᕐᒥᓂᒃ (ᑐᑭᒧ ᐊᒍᑎᑦᓴᓂᒃ ᖁᐱᕐᕈᓕᕆᒍᓐᓇᓂᕐᒧᑦ ᓇᓗᓀᕐᓯᒍᓐᓇᓂᕐᒧᓗ ᖁᐱᕐᕈᓂᒃ) ᐱᓇᓱᒍᑎᑦᓴᖃᑦᓯ ᐊᓗᑎᓪᓗ ᖃᐅᔨᓴᕈᑎᑦᓴᒥᓂᒃ ᖁᐱᕐᕈᓂᒃ. ᖃᐅᔨᓴᖃᑦᑕᓂᒃᑯᑦ ᐃᓄᒃᑎᑑᓕᒫᕋᓱ ᐊᕐᓗᑎᓪᓗ, ᐅᕕᒐᕐᑐᐃᑦ ᐃᓕᓴᕋᔭᕐᒥᔪᑦ ᐊᑦᔨᒌᖕᖏᑐᓂᒃ ᖁᐱᕐᕈᓂᒃ ᐆᒪᔪᐃᓪᓗ ᐱᕈᕐᕕᒋᓲᒥᓂᒃ ᖃᓄᖅ ᐊᑑᑎᖃᓲᒍᒻᒪᖔᑕ.

ᐃᓚᐅᒍᒪᒐᔭᕐᑐᑦ ᐱᕕᑦᓴᖃᕋᔭᕐᑐᑦ ᐱᓇᓱᒐᕐᑖᕈᓐᓇᓂᕐᒥᒃ ᑮᓇᐅᑦᔭᓴᕐᓗᑎᒃ ᓄᓇᕕᒻᒥ ᖁᐱᕐᕈᓂᒃ ᐃᑉᐱᒍᓱᑦᑎᐅᒍᓐᓇᓂᕐᒥᒃ ᐊᕐᕌᒍ ᓈᑐ ᐊᕐᐸᑦ ᐱᒋᐅᕐᓴᑐᕕᓂᐅᓗᑎᒃ. ᐱᒋᐅᕐᓴᑎᑦᓯᓂᖅ ᐃᑉᐱᒍᓱᑦᑎᐅᒋᐅᕐᓴᓂᕐᓗ ᒪᑭᑕᒐᓱ­ᐊᕈᑎᑦᓴᐅᒍᓐᓇᒥᔪᖅ ᓄᓇᓕᓐᓂ ᐊᑐᐃᓐᓇᕈᕐᑎᓯᓂᐅᑦᓱᓂᓗ ᓄᓇᕕᒻᒥᐅᓂᒃ ᐅᕕᒐᕐᑐᓂᒃ ᐱᓇᓱᑦᑎᐅᖃᑕᐅᒍᒪᒐᔭᕐᑐᓂᒃ. ᖃᐅᔨᒪᑎᑦᓯᒋ ᐊᓪᓚᖃᑕᐅᓕᕋᔭᕐᓱᑎᓪᓗ ᓯᕗᓕᒥᑕ ᓄᓇᖓᓂ ᖁᐱᕐᕈᐃᑦ ᐱᓪᓗᒋᑦ ᖃᐅᔨᒪᓕᕐᑕᒥᓂᒃ. ᖃᐅᔨᓴᐅᑎᕕᓃᑦ ᑲᑎᕐᓱᑕᐅᓯᒪᔪᑦ ᐃᓚᐅᔪᓄᑦ ᕿᒥᕐᕈᔭᐅᓲᑦ ᒪᓐᑐᕆ ᐊᓪᒥ ᖁᐱᕐᕈᓕᕆᕕᒻᒥ ᓄᓇᓕᓐᓄᑦ ᐅᑎᕐᑎᑕᐅᓚᖓᑦᓱᑎᒃ ᐊᑐᕋᑦᓴᐅᑎᓪᓗᒋᑦ ᓄᓇᓕᒻᒥᐅᓄᑦ. ᓄᓇᓕᓐᓃᑐᑦ ᑲᑎᕐᓱᐃᒍᓐᓇᒥᔪᑦ ᖁᐱᕐᕈᓂᒃ ᓴᓇᕐᕈᑎᑦᓴᖃᑦᓯ ᐊᓗᑎᒃ ᑲᑎᕐᓱᐃᒍᑎᑦᓴᓂᒃ. ᑐᑭᓯᒪᔭᐅᒋ ᐊᓕᓐᓂᒃ ᑲᑎᕐᓱᐃᓗᑎᓪᓗ, ᐃᑉᐱᒋᔭᖃᖃᑦᑕᓗᑎᓪᓗ ᖁᐱᕐᕈᓂᒃ ᐋᓯᕙᓛᓂᓪᓗ ᓄᓇᕕᒻᒥ, ᖃᐅᔨᓴᕈᑎᑦᓴᑖᕐᑎᑕᐅᒍᓐᓇᒥᔪᑦ ᐃᑉᐱᒍᓱᒍᑎᑦᓴᓂᒃ ᐆᒪᔪᓂᒃ, ᓯᑯᒥᓪᓗ ᐊᑦᑕᓇᕐᓯᑌᓕᒋ ᐊᖃᕐᓂᒥᒃ, ᐅᖃᐅᓯᐅᓪᓗ ᐱᐅᓕ­ᐊᕐᑕᐅᒋ ᐊᖃᕐᓂᖓᓂᒃ ᓯᓚᓕᕆᓂᕐᒥᓗ SIKU­ᑎᒍᑦ (siku.org). ᐊᑕᐅᑦᓯᑯᑦ, ᐊᑐᐃᓐᓇᕈᕐᑎᓯ ᐊᕐᓂᓴᐅᒍᓐᓇᓚᖓᕗᒍᑦ ᑯᐯᒃ ᑕᕐᕋᖓᓂ ᓯᕗᓂᑦᑎᓂ ᓯᓚᐅᑉ ᐊᓯᑦᔨᕙᓪᓕ ᐊᓂᕆᓚᖓᔭᖓᓄᑦ.

Facebook­ᑎᒍᑦ: @NunavikSentinels
ᖃᕆᑕᐅᔭᒃᑯᑦ ᑐᓴᕋᑦᓴᖃᕐᕕᑎᒍᑦ:
https://m.espacepourlavie.ca/en/nunavik-sentinels nunaviksentinels@gmail.com