ᑕᕐᕋᓕᒃ ᕿᒥᕐᕈᐊᑦ ᐅᖃᖃᑎᒌᖃᑎᖃᓚᐅᔪᕗᑦ ᐹᑦᕆᒃ ᐴᓭᒻᓯᒃ, ᐊᖓᔪᕐᖃᒪᕆᖓᓂᒃ ᐳᕐᑐᓂᕐᓴᒥᓪᓗ ᐊᖓᔪᕐᖃᐅᓱᓂ ᐱᓇᓱᑦᑎᖏᑦ ᑲᑐᑦᔨᖃᑎᒌᕝᕕᖁᑎᖓᓂ ᑕᕐᕋᒧᑦ ᐸᕐᓇᕈᑎᐅᕗᑦ. ᑖᓐᓇ ᐱᓇᓱᒐᖃᕐᕕᒃ ᑲᒪᒋᔭᖃᕐᑎᐅᓱᖑᕗᖅ ᑯᐯᒃ ᑲᕙᒪᖓᑕ ᐱᓂᐊᕐᓂᖏᓐᓂᒃ 49-ᓕᐅᑉ ᐃᑲᖓᔪᑯᑖᑉ ᑕᕐᕋᖓᓂ
- ᓱᓇᒦᒃ ᑎᓕᔭᐅᒪᒍᑎᖃᕐᐸᑦ ᑕᕐᕋᒧᑦ ᐸᕐᓇᕈᑏᑦ ᑲᑐᑦᔨᖃᑎᒌᕝᕕᖓᑦ?
ᑕᕐᕋᒧᑦ ᐸᕐᓇᕈᑏᑦ ᑲᑐᑦᔨᖃᑎᒌᕝᕕᖓᑦ ᖁᕝᕙᑎᕆᔪᑦᓴᓕᐊᖑᓯᒪᕗᖅ ᑲᓱᕐᑎᓯᒪᔪᓂᒃ ᑌᒪᑦᓭᓇᓕᑦᓱᑎᒃᓗ ᐱᕙᓪᓕᐊᑎᑕᐅᔪᓂᒃ ᑯᐯᒃ ᑕᕐᕋᖓᑕ ᓄᓇᖁᑎᖓᓂ, ᑕᒪᓐᓇ ᓄᓇ ᑕᕐᕋᓕᐊᕐᑐᖅ ᐃᑲᖓᔪᑯᑖᑉ 49-ᓕᐅᑉ ᑕᕐᕋᖓᓄᑦ ᐃᓚᐅᑎᓪᓗᒍ ᓄᓇᕕᒃ. ᑖᒃᑯᐊ ᐱᔭᐅᒐᓱᑦᑐᑦ ᓯᕗᓂᖃᕈᑎᐅᑦᓱᑎᒃ ᑲᔪᓯᐅᒐᕈᓐᓇᑐᓂᒃ ᐱᕙᓪᓕᐊᑎᑦᓯᓂᐅᒐᔭᕐᑐᓂᒃ. ᐱᓇᓱᑦᑕᐅᓂᖃᕐᐸᑐᖅ ᑭᒡᒐᑐᕐᑎᓄᑦ ᐱᓯᒪᔪᓄᑦ ᓄᓇᓂᑦ ᓱᕐᕋᑕᐅᓯᒪᔪᓂᑦ ᓄᓇᖃᕐᖃᓯᒪᔪᓪᓗ ᓄᓇᖏᓐᓂᑦ, ᐃᓚᐅᒻᒥᑎᓪᓗᒋᑦ ᐃᓕᒃᑰᑐᑦ. ᓄᓇᕕᒻᒥ, ᐃᓄᑐᐃᓐᓇᓂᒃ ᐱᓇᓱᖃᑎᖃᕐᐸᑐᑦ. ᑕᕐᕋᒧᑦ ᐸᕐᓇᕈᑏᑦ ᑲᑐᑦᔨᖃᑎᒌᕝᕕᖓᑦ ᐱᔭᑦᓴᖁᑎᖃᕐᒥᔪᑦ ᑲᔪᓯᑎᑦᓯᒋᐊᒥᒃ ᑯᐯᒃ ᑲᕙᒪᐅᑉ ᑕᕐᕋᒥ ᐱᓇᓱᐊᕋᑦᓴᒥᓂᒃ ᐸᕐᓇᕈᑎᖏᓐᓂᒃ ᐃᓕᖓᔪᓂᒃ 2023-2028 ᐊᕐᕌᒍᖏᓐᓄᑦ.
- ᓱᓇᐅᕚᑦ ᑕᕐᕋᒥ ᐱᓇᓱᐊᕋᑦᓴᓂᒃ ᐸᕐᓇᕈᑏᑦ?
ᑕᕐᕋᒥ ᐱᓇᓱᐊᕋᑦᓴᓂᒃ ᐸᕐᓇᕈᑏᑦ ᐃᓕᖓᔪᑦ 2023 – 2028 ᐊᕐᕌᒍᖏᓐᓄᑦ ᐱᓇᓱᒍᑎᑦᓴᓕᐊᖑᓯᒪᕗᑦ ᑯᐯᒃ ᑲᕙᒪᖓᓄᑦ ᐱᕙᓪᓕᐊᑎᑦᓯᒍᑎᑦᓴᐅᑎᓪᓗᒋᑦ ᑭᖕᖒᒪᑦᓯᒍᑎᐅᔪᓂᒃ ᓇᓗᓀᔦᓂᕐᓂᒃ ᓯᕗᓪᓕᐅᔭᐅᓛᕐᑐᓂᒃ ᑕᕐᕋᐅᑉ ᓄᓇᖁᑎᖏᑕ ᑭᒡᒐᑐᕐᑎᖏᓐᓄᑦ. ᓄᐃᑕᐅᓯᒪᑦᓱᑎᒃ ᐱᓇᓱᖃᑎᒌᑦᑐᓄᑦ 25-ᓄᑦ ᑐᕐᖃᑕᕐᕕᓄᑦ ᐊᒻᒪᓗ ᐱᓇᓱᒐᖃᕐᕕᓄᑦ, ᑖᒃᑯᐊ ᐱᓇᓱᒍᑎᑦᓴᓕᐊᖑᓯᒪᔪᑦ ᐊᕙᓗᐃᓯᒪᕗᑦ 45-ᓂᒃ ᓄᑖᓂᒃ ᑕᑦᓯᑕᐅᒍᓐᓇᓱᑎᒃ ᐱᓂᐊᕐᓂᓂᒃ ᑮᓇᐅᔭᕐᑐᕈᑎᐅᑦᓱᑎᒃᓗ $2.57 ᐱᓕᐋᓐᓂᒃ. ᑕᕐᕋᒥ ᐱᓇᓱᐊᕋᑦᓴᓂᒃ ᐸᕐᓇᕈᑏᑦ ᒪᓂᔨᓯᓯᒪᒋᕗᑦ ᑮᓇᐅᔭᓕᕆᒍᑎᑦᓴᓂᒃ ᑕᕐᕋᒥ ᐱᓇᓱᒐᖃᕐᕕᐅᔪᑦ ᐱᕙᓪᓕᖁᑎᑖᕐᕕᒋᒍᓐᓇᑕᖏᓐᓂᒃ.
- ᖃᓄᐃᑦᑐᐃᑦ ᐱᓇᓱᒍᑎᐅᒐᔭᕐᑐᑦ ᖃᓄᐃᑦᑐᐃᓗ ᑮᓇᐅᔭᑎᒍᑦ ᐃᑲᔪᕐᓯᔭᐅᒍᑎᐅᒍᓐᓇᑐᑦᐱᔭᐅᑐᐃᓐᓇᕆᐊᖃᕐᐸᑦ?
ᓯᕗᓪᓕᐹᒥ, ᐱᑕᖃᕐᐳᖅ ᑕᕐᕋᒥ ᐱᕙᓪᓕᐊᑎᑦᓯᒍᑎᐅᒍᓐᓇᑐᑦ ᑮᓇᐅᔭᖃᕐᑎᑕᐅᒍᑎᒋᒍᓐᓇᑕᖏᓐᓂᒃ ᐅᕙᑦᑎᓂᒃ ᐃᑲᔪᕐᓯᒪᔪᓂᒃ ᓴᐳᑦᔨᓯᒪᑎᓪᓗᑕ ᓄᓇᓖᑦᓯᕗᓪᓕᐹᒥ, ᐱᑕᖃᕐᐳᖅ ᑕᕐᕋᒥ ᐱᕙᓪᓕᐊᑎᑦᓯᒍᑎᐅᒍᓐᓇᑐᑦ ᑮᓇᐅᔭᖃᕐᑎᑕᐅᒍᑎᒋᒍᓐᓇᑕᖏᓐᓂᒃ ᐅᕙᑦᑎᓂᒃ ᐃᑲᔪᕐᓯᒪᔪᓂᒃ ᓴᐳᑦᔨᓯᒪᑎᓪᓗᑕ ᓄᓇᓖᑦ ᐃᑉᐱᓇᓪᓚᕆᑦᑐᓂᒃ ᓱᕐᕃᓂᖃᓛᕐᓱᑎᒃ ᑕᕐᕋᐅᑉ ᓄᓇᓕᖏᓐᓂᒃ ᓄᓇᓕᓕᒫᓂ. ᑖᑯᐊ ᑖᑯᐊ ᓴᐳᒻᒥᔭᐅᒍᑎᖏᑦ ᐱᓯᒪᔪᑦ ᐊᒥᓱᐃᓂᑦ ᐱᓇᓱᒐᖃᕐᕕᓂᑦ, ᐃᓚᐅᑎᓪᓗᒋᑦ ᐃᓐᓂᐊᑐᓕᕆᔩᑦ, ᐱᓇᓱᑦᑎᓴᕐᓯᐅᓃᑦ ᓂᕿᖃᕆᐊᖃᕐᓂᑯᓪᓗ ᓇᖏᐊᕐᓇᑐᒨᕐᑌᓕᒍᑏᑦ. ᐱᓇᓱᒍᑎᑦᓭᑦ ᐃᓕᖓᔪᑦ ᐊᖏᔪᖑᐊᓂᒃ ᐱᓇᓱᒍᑎᐅᒐᔭᕐᓱᑎᒃ ᑕᕐᕋᒥ ᐱᓇᓱᑦᑕᐅᔪᓂ, ᐱᓗᐊᕐᑐᒥ ᐱᓇᓱᑦᑕᐅᔪᑦ ᐅᓄᕐᑐᓂᒃ ᑮᓇᐅᔭᕐᑐᕈᑎᐅᒋᐅᖃᕋᔭᕐᑐᑦ. ᑖᒃᑯᐊ ᐱᓇᓱᒍᑏᑦ ᖃᐅᔨᒪᔭᐅᑦᔪᑎᓖᑦ ᐱᔭᖃᕐᕕᐅᒍᓐᓇᑐᓂᒃ ᑮᓇᐅᔭᑎᒍᑦ ᑐᕌᒐᖃᕐᑎᓯᕕᖃᕐᓃᑦ. ᑖᒃᑯᑎᒎᓇ ᐱᒍᓐᓇᑐᒍᑦ, ᐊᓯᖃᕐᒥᑎᓪᓗᒋᑦ, ᓴᐳᑦᔨᓯᒪᓂᕐᒥᒃ ᐃᓱᐊᖁᑎᓕᐅᕐᓂᒥᒃ ᐱᓇᓱᑦᑐᓂᒃ. ᐱᑕᖃᕆᕗᒍᑦᑕᐅᖅ ᐱᓇᓱᒍᑎᓂᒃ ᓇᖏᐊᕐᓇᑐᒨᕆᒃᑯᑎᐅᑦᓱᑎᒃ ᑕᕐᕋᒥ ᓂᕆᔭᑦᓴᖃᑦᓯᐊᕆᐊᖃᕐᓂᑯᑦ, ᑖᒃᑯᑎᒎᓇ ᐱᒍᓐᓇᐸᑦᑐᒍᑦ ᓴᐳᑦᔨᓯᒪᓂᕐᒥᒃ ᐊᒥᓱᐃᓂᒃ ᐱᓂᐊᕐᓂᓂᒃ ᐃᓕᖓᑦᓱᑏᕐᑐᓂᒃ ᓄᓇᓖᑦ ᓂᕿᑦᓴᖏᓐᓄᑦ. ᑖᒃᑯᐊ ᐊᑕᖏᕐᓯᓯᒪᔪᑦ ᓄᐃᑦᓯᒍᑎᓂᒃ, ᓂᕐᓯᐅᕈᑎᓂᒃ ᓂᕿᓂᓪᓗ ᓱᒃᑯᑎᑦᓯᑌᓕᓂᕐᓂᒃ. ᐃᑲᔪᕐ ᓯᒍ ᑎᖃᖃᑦᑕᓯ ᒪᓕᕐ ᑐᒍᑦ ᐃᓂᓪᓚᑕᐅᒪᔪᓄᑦ ᐊᒥ ᓱᓄᑦ ᓂᕿᑦᓴᓂᒃ ᐱᕈᕐ ᓯᕕ ᓕᐅᕐᓂᑯᑦ ᑕᕐᕋᒥᐊᕐᖁᑎᖃᕐᓱᑕ ᐊᑐᑎᔭᐅᒌᕐᓯᒪᑦᓱᑎᒃ ᐱᓇᓱᒍᑎᐅᖃᑦᑕᓯᒪᔪᓂᒃ ᑭᖑᓪᓕᐹᒥᓗ, ᐱᓇᓱᑦᑏᑦ ᐱᒋᐅᕐᓴᔭᐅᒍᑎᖏᑕ ᐱᓇᓱᑦᑕᐅᒍᑎᓕᐊᕆᓯᒪᔭᖏᑦ ᑕᕐᕋᐅᑉ ᐊᕙᑎᖓᓂ ᑐᕌᒐᓗᐊᖕᖑᐊᓱᖑᕗᑦ ᐱᒋᐅᕐᓴᑎᑦᓯᓂᕐᓂᒃ ᐱᓇᓱᒍᑎᖃᕐᓂᒥᒃ ᓴᓇᒪᑎᓪᓗᒋᑦ ᐊᑐᕐᑕᐅᓂᖃᕋᔭᕐᓱᑎᒃ ᐱᓇᓱᑦᑎᑖᕐᕕᐅᓲᑦ ᑭᖕᖒᒪᒋᔭᖏᓐᓄᑦ. ᐊᓯᐊᑦᑕᐅᖅ ᓯᕗᓂᖃᕈᑎᓪᓚᕆᐅᒻᒥᔪᑦ ᐱᓇᓱᑦᑎᓂᒃ ᓄᕐᙯᓇᕐᑎᓯᑦᑌᓕᖃᑦᑕᓂᖅ ᓄᓇᖁᑕᐅᔪᒥ.
ᐊᑕᖏᕐᑐᓂᒃ ᐊᒃᓚᓯᒪᔪᓂᒃ ᐱᓇᓱᒍᑎᑦᑎᓂᒃ ᐱᔭᖃᕈᓐᓇᐳᑎᑦ ᑯᐯᒃᑯᑦ ᖃᕆᑕᐅᔭᑎᒍᑦ ᑕᑯᓇᓱᑦᑕᐅᕕᖓᓐᓂ:
https://www.quebec.ca/en/government/policies-orientations/northern-territory-development/financial-support.
- ᖃᖓ ᑕᒃᒑ ᐱᓇᓱᒍᑎᐅᒍᒪᔪᑦ ᒪᓂᔭᐅᖏᐊᖃᕐᐸᑦ?
ᑭᖑᓪᓕᐅᓛᕐᑐᑦ ᐱᓇᓱᑦᑕᐅᒍᒪᔪᓂᒃ ᒪᓂᔨᒍᑎᐅᒐᔭᕐᑐᑦ ᐱᓗᑎᒃ ᑕᕐᕋᒥ ᐱᕙᓪᓕᐊᑎᑦᓯᒍᑎᐅᔪᑦ ᑮᓇᐅᔭᖃᕐᑎᓯᕕᖓᓂᑦ ᐊᑐᑎᔭᐅᓂᖃᓛᕐᐳᑦ ᔭᓄᐊᕆ 22-ᒥᑦ ᐱᒋᐊᕐᕕᓕᐅᑎᓗᑎᒃ ᑎᑭᓪᓗᒍ ᒫᑦᔨ 12, 2025. ᑕᒃᑲᓂ ᐅᑭᐅᒥ, ᓄᑖᓂᒃ ᐱᓇᓱᒍᑎᐅᓛᕐᑐᓂᒃ ᐱᒐᓱᒍᑎᖃᖁᔨᓃᑦ ᐸᕐᓇᑕᐅᓯᒪᒋᕗᑦ ᐱᒐᓱᕝᕕᓴᓂᒃ ᑮᓇᐅᔭᑎᒍᑦ ᑐᕌᒐᑦᓴᓕᐅᕐᑕᐅᒐᔭᕐᑐᓂᒃ. ᖃᐅᔨᒪᒐᓱᖃᑦᑕᑎᒍᑦ ᐃᓄᓕᒫᓂᒃ ᑐᓴᖃᑦᑕᐅᑎᒍᑎᑎᒍᑦ ᑐᓴᕐᑎᓯᒍᑎᑦᑎᓂᒃ ᑕᑯᒋᐊᖃᑦᑕᓗᑎᑦ, ᓲᕐᓗ LinkedIn-ᒥᒃ, ᑕᑯᖃᑦᑕᓂᐊᕋᕕᑦ ᐅᓪᓗᓗᑐᖏᑎᒍᑦ ᓄᐃᑕᔪᓂᒃ. ᑭᖑᓪᓕᐹᒥᓗ, ᒪᓂᔨᒍᑎᖃᕈᓐᓇᐳᑎᑦ ᐱᓇᓱᒍᑎᒋᒍᒪᔭᑎᓐᓂᒃ ᑭᖑᓪᓕᐹᖑᑦᓱᑎᒃ ᒪᕐᕉᓄᑦ ᐱᓇᓱᒍᑎᑦᓴᓕᐊᖑᓯᒪᔫᓐᓄᑦ ᖃᖓᑐᐃᓐᓇᖅ ᑐᓂᓗᒋᒃ.
- ᑭᓇᒦᒃ ᖃᐅᔨᒋᐊᕐᕕᖃᕈᓐᓇᕋᔭᕐᖁᖓ ᐊᐱᕆᒍᑎᑦᓴᖃᑐᐊᕈᒪ?
ᐃᑲᔪᕐᓯᔭᐅᒋᐊᖃᑐᐊᕈᕕᑦ, ᕿᐱᓗᐊᒍᓐᓀᓗᑎᑦ ᐊᒃᓚᖃᑦᑕᐅᑎᒍᑎᑎᒍᑦ ᐊᒃᓚᕕᒋᑎᒍᑦ ᐅᕙᓂ information@spn.gouv.qc.ca. ᐱᑐᑦᑎᓛᕋᑦᑎᒋᑦ ᐊᔪᖀᒋᐊᕐᑎᓄᑦ ᐱᓇᓱᒍᑎᒋᒍᒪᔭᕐᓂᒃ ᐅᕝᕙᓘᓐᓃᑦ ᓄᓇᓐᓅᓕᖓᔪᓂᒃ ᐱᓇᓱᑦᑎᐅᓱᑎᒃ ᐃᑲᔪᕐᓯᔨᓄᑦ. ᑖᒃᑯᓄᖓ ᑕᓯᐅᕐᓯᔭᐅᒍᓐᓇᕋᕕᑦ ᐱᒐᓱᐊᕐᓂᖃᕐᑎᓗᑎᑦ.
ᐅᓂᒃᑳᑐᐊᒋᐊᓪᓓᑦ ᑖᑦᑯᓇᓂ ᐊᓪᓚᓂᐊᒐᕐᓃᑐᑦ
