ᓯᓚᑎᖓᓂ ᐊᐅᓪᓚᕆᐊᕐᑐᑐᑦ ᐅᑕᕐᕿᕕᖓᓂ ᒪᓐᑐᕆᐊᓪ ᒥᕝᕕᖓᑕ Pierre Elliot Trudeau Airport, ᐃᓄᐃᑦ ᐊᓂᕗᑦ ᐅᓪᓕᕕᐅᑉ ᐅᓯᑦᑕᑎᖓᓂᑦ ᐃᕐᓯᕕᒻᒥᓂᓪᓗ ᑎᒍᓚᓯᑦᓱᑎᒃ. ᒪᑭᕝᕕᐅᑉ ᑐᑭᒧᐊᑦᑎᓯᔨᖓ ᐃᓪᓗᒐᓴᕐᔪᐊᒥᐅᑦ ᐃᓄᐃᑦ ᐱᒍᑦᔭᐅᒍᑎᖏᓐᓂᒃ,
ᔫᐃ ᐹᑦᑐᕆ ᒪᕐᕉᓂᒃ ᑐᖕᖓᓱᑦᑎᓯᔨᐅᒻᒥᔫᓐᓂᒃ ᐃᓚᖃᕐᓱᓂ ᐅᑕᕐᕿᕗᑦ, ᑕᑯᓂᐊᕐᓱᑎᒃ, ᐃᓄᓐᓂᒃ ᐃᑲᔪᕐᑕᐅᒍᒪᔪᖃᕐᒪᖔᑦ. 8:30-ᖑᒐᓛᒥ ᐅᓪᓛᑯᑦ, ᐃᓄᐃᑦ ᑎᒻᒥᔫᖁᑎᖓ ᐊᐅᓪᓚᑐᑦᓴᒫᒍᑎᓪᓗᒍ ᐃᑲᐅᕐᓃᒃ ᒪᕐᕉᒃ ᓈᑉᐸᑕ. ᐃᓕᑕᕐᓇᐅᑎᔭᕐᓱᑎᒃ ᖁᕐᓱᑕᒥᒃ ᒪᑭᕝᕕᒥᑦ ᑕᓕᕐᒥᐅᑕᕐᑖᕆᓯᒪᔭᒥᓂᒃ, ᑖᒃᑯᐊ ᐱᓇᓱᑦᑏᑦ ᐱᓇᓱᒐᓖᑦ ᐊᓇᕐᕋᖃᖕᖏᑐᓕᕆᓂᕐᒥᒃ ᒪᓐᑐᕆᐊᓪᒥᐅᓂᒃ ᐃᓄᑐᐃᓐᓇᓂᒃ.
ᔫᐃ ᐱᓇᓱᒐᖃᕐᒥᓱᓂ “ ᐊᓇᕐᕋᓭᓪᓘᑐᓕᕆᓂᕐᒥᒃ,” ᑲᓇᑕᓕᒫᒥ ᐊᓇᕐᕋ ᓭᓪᓘᑐ ᓕᕆᓂᕐᒧᑦ ᐸᕐᓀᕈᑎᑎᒍᑦ, ᐱᓪᓚᕆ ᐊᓘᑦᓱᓂ ᓄᓇᓕᓐᓂᒃ-ᑐᖕᖓ ᕕᖃᕐᓱᓂ ᐱᓇᓱ ᐊᕐᑕᐅᔪᖅ ᑲᓇᑕᓕᒫᒥ ᐃᑯᓪᓚᑎᑦᓯᒐᓱ ᐊᕈᑎᑦᓴᐅᓱᓂ ᐊᓇᕐᕋᓭᓪᓘᓂᕐᒥᒃ. ᑮᓇᐅᔭᕐᑖᕕᐅᒍᓐᓇᓱᓂ ᐊᑦᔨᒌᖕᖏᑐᓄᑦ ᓄᓇᓕᓐᓄᑦ, ᐃᓚᐅᖃᑕ ᐅᑎᓪᓗᒋᑦ ᐃᓪᓗᒐᓴᕐᔪ ᐊᓕᒻᒥᐅᑦ, ᓄᓇᓕᑐᙯᑦ, ᐃᓪᓗᒐᓴᕐᔪ-ᐊᓕᒻᒥᐅᒍᖕᖏᑐᑦ, ᐅᖓᓯᒋᔭᐅᔪᒥᐅᓪᓗ, ᐊᓇᕐᕋᓭᓪᓘᑐᓕᕆᓂᖅ ᐃᑲᔪᕐᓯᒍ-ᑎᑦᓴᐅᕗᖅ ᑲᓇᑕᒥᐅᑦ ᐊᑦᑕᓇᕐᓯᑐᐃᓐᓇᕆ ᐊᖃᕐᓂᓭᑦ ᐊᑦᑕᓀᑦᑐᓯ ᐊᒥᒃ, ᓄᓪᓚᖓᓇᑦᓯ ᐊᑐᒥᒃ ᐊᑭᑐᓗ ᐊᖕᖏᑐᒥᓪᓗ ᐃᓪᓗᖃᖁᑦᓱᒋᑦ.
Vanessa Doig, ᐃᑲᔪᕐᑎ ᑐᑭᒧ ᐊᑦᑎᓯᔨᒧᑦ ᒪᑭᕝᕕᐅᑉ ᐊᖓᔪᕐᖄᖓᑕ ᐊᓪᓚᕕᖓᓂ, ᐅᖃᕐᓯᒪᕗᖅ ᓱᓇᑦᑎᐅᒋ ᐊᖃᕐᓂᖏᓐᓂᒃ ᔫᐃᒃᑯᑦ ᐱᓇᓱᖃᑎᖏᓪᓗ. ᐊᑦᔨᒌᖕᖏᑐᓂᑦ ᑯᐯᒃᒥ ᑲᕙᒪᑐᖃᒃᑯᓂᓪᓗ ᑮᓇᐅᔭᕐᑖᕕᑦᓴᓯᐅᖃᑦᑕᓱᑎᒃ, ᐱᒍᑦᔨᒍᓐᓇᓯᖃᑦᑕᓱᑎᒃ ᐊᓇᕐᕋᓭᓪᓘᑐᓂᒃ, ᐱᓗ ᐊᕐᑐᖅ ᐃᓂᑦᓴᓯᐅᕆ ᐊᖃᓕᕐᒪᑕ, ᐃᓄᒻᒥᒃ ᒪᓐᑐᕆ ᐊᓪᒧᑦ ᑎᑭᑦᑐᖃᕐᐸᑦ ᓯᓂᑦᑕᕕᑦᓴᖃᖕᖏᑐᒥᒃ ᐋᓐᓂ ᐊᓯᐅᕐᑕᐅᒋ-ᐊᕐᑐᑐᒥᒃ ᐋᓐᓂ ᐊᓯᐅᕐᑕᐅᒌᕈᓂᓗ ᓯᓂᑦᑕᕕᑦᓴᖃᖕᖏᑐᒥᒃ, ᐅᕝᕙᓘᓐᓃᑦ ᑎᒍᔭᐅᒪᕕᒻᒥᑦ ᐊᓂᕋᑖᕐᑐᒥᒃ.
ᒪᑭᕝᕕᒃ ᑕᒪᑐᒥᖓ ᐱᓇᓱᖃᑕᐅᕗᖅ ᐃᒻᒥᓂᒃ-ᑐᑭᑖᕈᓐᓇᓯᒍᑎᒋᖃᑦᑕᓂ ᐊᕐᓗᒍ, ᐃᑲᔪᕐᑕᐅᕕᑦᓴᖃᑦᓯ ᐊᖁᑦᓱᒋᑦ ᐃᓄᐃᑦ ᑭᖕᖒᒪᒋᔭᒥᓂᒃ.
“ᑕᒪᓐᓇ ᐱᓇᓱ ᐊᕐᑕᐅᔪᖅ ᒪᑭᕝᕕᐅᑉ ᑮᓇᐅᔭᖏᑦ ᐊᑐᕐᑕᐅᑎᓐᓇᒋᑦ, ᑭᓯ ᐊᓂ ᒪᑭᕝᕕᒃ ᑐᑭᑖᕐᑎᓯᔨᒋᔭᐅᑎᓪᓗᒍ. ᑮᓇᐅᔭᕐᑖᕈᒪᔪᒍᑦ, ᑐᑭᑖᖃᑦᑕᕈᒪᑦᓱᑕᓗ ᓱᓇᓂᒃ ᓯᕗᓪᓕᐅᔨᒐᑦᓴᖃᕐᒪᖔᑦᑕ, ᐅᖃᕐᑐᕕᓂᖅ ᕙᓂ ᐊᓴ”. ᐱᓇᓱᑦᑏᑦ ᑐᖕᖓᓱᑦᑎᓯᔨᐅᓂᕐᒥᒃ ᑮᓇᐅᔭᖃᕐᑎᑕᐅᔪᑦ CIUSS Centre Sud-Quest -ᑯᓐᓂᑦ ᒪᓐᑐᕆ ᐊᓪᒥᐅᓪᓗ ᑲᑎᒪᔨᖏᓐᓂᑦ.
ᑐᖕᖓᓱᑦᑎᓯᔩᑦ ᒨᓱᓯ ᐊ ᕌᓐᓴᓐᓗ ᑲᐅᑦᔭᖅ ᖃᐅᓐᓈᓗᓪᓗ, ᐃᑉᐱᒍᓱᑦᑎᖃᕐᓱᑎᒃ ᔫᐃ ᐹᑦᑐᕇᒥᒃ, ᑕᒪᑐᒥᖓ ᐊᐅᓚᑦᓯᕗᑦ. ᑎᒻᒥᔫᕐᓂ ᐊᕕᐅᑉ ᓯᕗᕌᓂ ᐅᑕᕐᕿᕕᖃᕐᓱᑎᒃ, ᑐᖕᖓᓱᑦᑎᓯᓲᑦ ᐃᓄᑐᐃᓐᓇᓂᒃ ᐊᕐᓱᕈᓐᓇᑐᒃᑰᑐᓂᒃ ᐋᖓᔮᑦᑐᓂᓪᓘᓃᑦ ᐊᓯᐅᔨᓯᒪᔪᓂᓘᓐᓃᑦ ᐃᓕᑕᕐᓇᐅᑎᒥᓂᒃ, ᑎᒻᒥᔫᒧᑦ ᐃᑭᑦᓯ ᐊᒪᖔᑕ ᐃᑉᐱᒋᑦᓱᒋᑦ ᓯᓂᑦᑕᕕᑦᓴᓯᐅᕐᓱᒋᓪᓘᓃᑦ. ᐅᓪᓗᓯᐅᕐᓂᖃᓲᑦ, ᓂᐅᕕᕐᕕ ᐊᓗᓕ ᐊᖃᑦᑕᓱᑎᒃ ᐅᓪᓕᕕᓕ ᐊᖃᑦᑕᓱᑎᒃ, ᐃᑲᔪᕐᑕᐅᒍᒪᔪᖃᕐᒪᖔᑦ ᐃᓄᑐᐃᓐᓇᓂᒃ ᕿᓂᕐᓱᑎᒃ.
ᐱᓇᓱ ᐊᕈᓯᑕᒫᑦ, ᐅᓪᓗᑯᑦ ᐱᓇᓱᑦᑏᑦ ᐃᑲᐅᕐᓂᖃᓲᑦ ᐅᓪᓛᑯᑦ 8:00-ᖑᒥᑦ 4:00-ᖑᒧᑦ ᐅᓐᓄᓴᒃᑯᑦ, ᐅᓐᓄᓯᐅᑎᖃᕐᒥᑎᓪᓗᒍ 3:00-ᖑᒥᑦ 11:00-ᖑᒧᑦ ᐅᓐᓄᑐᒃᑯᑦ. ᐅᓐᓄᓴᕐᓯᐅᑏᑦ ᑎᒻᒥᔫᕐᓂ ᐊᕕᒻᒦᓲᑦ ᑐᖕᖓᓱᑦᑎᓯᒋ ᐊᕐᑐᓱᑎᒃ ᑕᕐᕋᒥᑦ ᑎᑭᑦᑐᓂᒃ ᑐᑭᓯᑎᑦᓯᒋ ᐊᕐᑐᓱᑎᒃ ᓱᓇᐅᒻᒪᖔᑕ ᐃᑲᔪᕐᑕᐅᕕᑦᓭᑦ. ᒪᓐᑐᕆ ᐊᓪᒥᒃ ᖃᐅᔨᒪᑦᓯ ᐊᑐᖃᖕᖏᐸᑦ, ᐃᒫᙰᓚᓐᓂᒍᓐᓇᒥᑦᓱᑎᒃ. ᐱᓇᓱ ᐊᕈᓯᐅᑉ ᓄᖕᖑ ᐊᓂ, ᐱᓇᓱ ᐊᓲᒍᑦᓱᑎᒃ 10:30-ᖑᒥᑦ 6:30-ᖑᒧᑦ ᐅᓪᓛᑯᑦ ᐊᐅᓪᓚᕆ ᐊᕐᑐᑐᓂᒃ ᐃᑲᔪᕆ ᐊᕐᑐᓱᑎᒃ, ᐅᓐᓄᓴᕐᓯᐅᑏᑦ ᑌᒣᓲᒍᒻᒥᒪᑕ, ᑐᖕᖓᓱᑦᑎᓯᓲᒍᑦᓱᑎᒃ ᑎᑭᑦᑐᓂᒃ ᐃᑲᔪᕐᑕᐅᒍᒪᔪᖃᕐᐸᓗ ᐃᑲᔪᕈᓐᓇᓱᑎᒃ. ᐱᓇᓱᖃᑎᒌᑦᑐᑦ ᓄᓇᓕᒻᒥᐅᓄᑦ ᑎᒻᒥᔫᕐᓂ ᐊᕕᒻᒥᓗ ᐱᓇᓱᑦᑎᓄᑦ ᑕᑎᒋᔭᐅᒍᓐᓇᓯ ᐊᕐᑐᑦ ᑲᑐᑦᔨᖃᑎᒋᔭᐅᒍᓐᓇᓯ-ᐊᕐᓱᑎᓪᓗ, ᓇᒧᖕᖓᓕ ᐊᕆ ᐊᓕᓐᓂᒃ ᐃᑲᔪᖃᑦᑕᓱᑎᒃ, ᐋᖓᔮᑦᑐᓂᓪᓘᓃᑦ, ᖃᓪᓗᓈᑎᑑᕈᓐᓇᑐᖃᖕᖏᐸᓪᓗ ᐃᑲᔪᕈᓐᓇᒥᑦᓱᑎᒃ. ᒪᑭᕝᕕᒃ ᐱᓇᓱᑦᑎᓴᕐᓯᐅᑐᖅ ᐱᖓᓲᔪᕐᑐᒋ ᐊᓪᓚᓂᒃ ᑐᖕᖓᓱᑦᑎᓯᔨᐅᖃᑕᐅᔪᑦᓴᓂᒃ ᐱᓇᓱ ᐊᕋᔭᕐᑐᓂᒃ ᒪᓐᑐᕆ ᐊᓪᒥ ᐃᓪᓗᒐᓴᕐᔪ ᐊᓕᒻᒥ, ᐊᐅᔭᐅᓚᖓᔪᕐᓗ ᐱᓇᓱᑦᑎᑖᕈᓐᓇᓯᒍᒪᓂᕋᕐᓯᒪᑦᓱᓂᓗ ᔫᐃ.
ᔫᐃ ᓯᕗᓕᕐᓂᖓ ᐱᓪᓚᕆ ᐊᓘᕗᖅ ᑲᔪᓯᑎᑦᓯᓂᖓ ᑕᒪᑐᒥᖓ ᐃᑲᔪᕐᓯᒍᑎᒥᒃ. ᐃᓄᑑᑦᓱᓂ ᐱᓇᓱ ᐊᕐᓯᒪᔪᖅ ᐊᕐᕌᒍᓂ ᐊᒥᓱᓂ, ᑐ ᐊᕚᓪᒥ ᐃᓄᐃᑦ ᐁᑎᕋᕐᕕᒋᓲᖏᓐᓄᑦ ᐁᑎᕋᕐᐸᓱᓂ, ᑭᐅᕙᑦᓱᓂᓗ ᐃᑲᔪᕐᑕᐅᒍᒪᔪᓂᒃ ᐊᑦᔨᒌᖕᖏᑐᓂᑦ ᐱᓇᓱᕝᕕᓂᑦ ᐃᓄᓐᓂᒃ ᐊᑦᑕᓇᕐᓯᓂ ᐊᖕᖒᓴᕐᑐᓂᒃ. ᑐᑭᒧ-ᐊᑦᑎᓯᔨᐅᑦᓱᓂ ᒪᑭᕝᕕᐅᑉ ᐊᓚᕕᖓᓂ ᐃᓪᓗᒐᓴᕐᔪ ᐊᒥᐅᓂᒃ ᐱᒍᑦᔨᕕᒻᒥ, ᐱᓇᓱᖃᑎᖃᓲᑦ ᐃᒫᙰᓚᔨᐅᓂᕐᒧᑦ ᑲᑎᒪᔨᓂᒃ ᑭᒡᒐᑐᕐᑐᓂᒃ ᐊᓯᖏᓐᓂᒃ ᐃᓗᓯᓕᕆᓂᕐᒧᑦ ᐃᓄᓕᕆᓂᕐᒧᓗ ᐱᓇᓱᕝᕕᓂᒃ, ᐊᓯᖏᓐᓂᒃ ᐱᓇᓱᖃᑎᖃᕐᒥᓱᓂ, Carlo DeAngelis-ᒥᓪᓗ, ᐳᓖᓯᐅᖃᑦᑕᓯᒪᔪᒥᒃ SPVM-ᑯᓐᓂ ᓄᓇᓕᑐᖃᓕᕆᓂᕐᒥᒃ ᑐᓴᐅᒪᖃᑎᒌᑦᑎᓯᔨᒥᒃ ᓄᓇᓕᒻᒥ ᑐᑭᒧ ᐊᑦᑎᓯᔨᒧᓪᓗ ᐃᒫᙰᓚᔨᒋᔭᐅᓕᕐᓱᓂ.
ᐃᒫᙰᓚᔨᑦᓯ ᐊᒍᓂᕐᒥᓄᑦ, ᐸᕐᓀᓯ ᐊᕐᓯᑎᐅᓂᕐᒥᓄᑦ, ᑕᒃᑯᒧᓪᓗ ᐱᒋᐅᕐᓴ-ᑎᑦᓯᖃᑦᑕᓂᕐᒥᓄᑦ, ᔫᐃ ᐱᓇᓱᖃᑎᒥᓂᒃ ᑲᒪᒍᓐᓇᓯᑎᑦᓯᓯᒪᕗᖅ ᐊᑦᔨᒌᖕᖏᑐᓂᒃ ᐊᑑᑎᔪᓂᒃ ᓇᓗᕐᖁᑎᖕᖏᓯ ᐊᕐᓱᑎᒃ ᐊᓯᒥᑕᓗ ᐃᑉᐱᓂ ᐊᕈᑎᖏᓐᓂᒃ ᐃᑉᐱᓂ ᐊᖃᑕᐅᒍᓐᓇᓯ ᐊᕐᑎᓗᒋᑦ. ᑲᑐᑦᔨᓱᑎᒃ, ᖄᖏᓐᓈᑕᐅᑎᑦᓯᑌᓕᔪᑦ, ᑎᒻᒥᔫᕐᓂ ᐊᕕᐅᑉ ᓯᓚᑖᓃᑦᑐᖃᕐᐸᑦ ᒪᓐᑐᕆ ᐊᓪᒥᓪᓗ ᐊᕐᖁᑎᑐᐃᓐᓇᒦᑦᑐᖃᕐᐸᑦ ᐱᒍᑦᔨᒍᓐᓇᕕᓕᒫᕐᒥᒍᑦ ᐱᒍᑦᔨᕙᑦᓱᑎᒃ.
“ᓄᓇᕕᒻᒥᐅᓂᓪᓗ ᑐᑭᓯᒪᑦᓯ ᐊᖁᔨᑦᓱᑕ ᓯᕘᕋᕆᔭᐅᒍᒪᖕᖏᓇᑦᑕ ᐱᓇᓱ ᐊᕐᑕᑎᒍᑦ ᓱᒧᓪᓗ ᐱᓇᓱ ᐊᕐᒪᖔᑕ ᑕᒪᑐᒥᖓ. ᑐᑭᓯᒪᑦᓯ ᐊᖁᔭᕗᑦ ᐃᑲᔪᕐᓯᔭᐅᒍᓐᓇᓂᖏᓐᓂᒃ, ᑕᓯᐅᕐᓯᒋ ᐊᕈᓐᓇᕋᑦᑕᓗ – ᑭᖕᖒᒪᑦᓯᔪᖃᕐᐸᑦ,” ᐅᖃᕐᑐᕕᓂᖅ ᔫᐃ. “ ᐊᑐᐃᓐᓇᐅᕕᒋᓕᒫᕋᓱ ᐊᕐᑕᕗᑦ ᐊᑦᑕᓀᑦᑐᓯ ᐊᒦᖁᑦᓱᒋᑦ,” ᔫᐃ ᐅᖃᕐᑐᕕᓂᖅ.
ᐅᓄᕐᓯᕙᓪᓕ ᐊᑐᐃᓐᓇᑎᓪᓗᒋᑦ ᐊᓇᕐᕋᓭᓪᓘᑐᑦ ᐃᓄᑐᐃᓐᓀᑦ ᒪᓐᑐᕆ ᐊᓪᒥ, ᔫᐃ ᑮᓇᐅᑦᔭᓴᕋᓱ ᐊᑐᐃᓐᓇᒨᕐᓂᕋᖕᖏᑐᖅ ᑭᓯ ᐊᓂᓕ ᒪᑭᑦᑎᓯᒐᓱ ᐊᕈᒪᓂᕋᕐᑐᖅ ᓄᓇᓕᒥᓂᒃ. ᐱᓇᓱᖃᑎᒌᑦᓱᑎᒃ ᐊᔪᐃᓐᓇᓂᕐᒥᒍᑦ, ᐅᐃᒪᓇᕐᑐᓕᕆᑐᐃᓐᓇᓲᒍᖕᖏᑐᑦ ᑭᓯ ᐊᓂᓕ ᐃᓕᕐᖁᓯᕐᒥᑎᒍᑦ ᐃᑲᔪᕐᓯᒪᓲᑦ ᓱᓇᑐᐃᓐᓇᑎᒎᕐᑐᖃᕐᓯᒪᒐᓗ ᐊᕈᓂᓗ ᒪᑭᒋ ᐊᑦᓯ ᐊᖔᕈᓐᓇᓂᕐᒥᒃ ᓄᐃᑕᑎᑦᓯᓱᑎᒃ, ᐊᑕᐅᓯᐅᑦᑎᑐᓂᒃ ᐱᒍᑦᔨᖃᑦᑕᓱᑎᒃ.
ᒨᓱᓯ ᐅᖃᕐᓯᒪᔪᖅ, “ᐱᓇᓱ ᐊᕐᓱᒍ ᐊᓕ ᐊᓇᕐᑐᒪᕆ ᐊᓗᒃ. ᐅᓪᓗᐃᑦ ᐃᓚᖏᓐᓂ ᐱᒐᓱ ᐊᒻᒪᕆᓐᓇᖃᑦᑕᕋᓗ ᐊᕐᓱᓂ, ᑭᓯ ᐊᓂ ᐱᒍᓐᓇᖏᑦᑕᑎᓐᓂᒃ ᖃᐅᔨᓚᐅᕋᑕᖕᖏᑐᒍᑦ.
ᑲᐅᑦᔭᖅ ᐊᖏᖃᑎᖃᑦᓯ ᐊᑐᕕᓂᖅ ᒨᓱᓯᒥᒃ. “ᐅᓪᓗ ᓈᒻᒪᑦ ᐃᓱ ᐊᕐᑐᒥᒃ ᐃᑉᐱᒍᓱᓲᒍᔪᖓ ᐃᑲᔪᕐᓯᔪᕕᓂᐅᒋ ᐊᖅ ᑭᖕᖒᒪᑦᓯᔪᒥᒃ ᐊᑦᑕᓀᑦᑐᒨᑦᓯ-ᐊᓱᒍ ᖃᐅᔨᔪᖃᕋᒥᓘᓐᓃᑦ ᐊᕐᖁᑎᑐᐃᓐᓇᒥᐅᕕᓂᐅᑦᓱᓂ ᐊᓇᕐᕋᑐᖃᑐ ᐊᕐᒪᑦ ᑎᒻᒥᔫᒃᑯᑦ.”
