ᐅᖃᐅᓰᑦ ᐁᑉᐱᐅᑎᖓᓅᔦᔩᑦ ᑐᓵᔩᓪᓗ ᑲᑎᒪᓂᕐᔪᐊᖓᓄᑦ ᐁᓯᒪᓚᐅᔪᕗᑦ ᐃᓄᒃᑎᑐᑦ ᑐᓵᔩᑦ, ᐅᖃᐅᓯᐅᓪᓗ ᐁᑉᐱᐅᑎᖓᓅᔦᔩᑦ ᐅᖃᐅᓯᕐᒥᓗ ᓂᐱᖃᕈᑎᖃᓲᑦ ᐅᓪᓗᓂ ᐱᖓᓱᑐᕐᓱᑎᒃ, ᑐᖕᖓᓱᑦᑎᓯᔨᐅᑎᓪᓗᒋᑦ ᒪᑭᕝᕕᒃ ᐊᒻᒪᓗ ᐋᐸᑕᑳᒃᑯᑦ. ᑕᒪᓐᓇ ᐱᒋᐊᕐᑎᑕᐅᓯᒪᑎᓪᓗᒍ ᐊᓪᓚᑎᒻᒪᕆᐅᑉ ᐊᓪᓚᕕᖓᓂᑦ ᑲᑎᒪᔩᑦ ᑐᑭᒧᐊᒋᐊᕐᑎᓯᔪᕕᓂᐅᑎᓪᓗᒋᑦ ᑲᑎᒪᓂᕐᔪᐊᖃᖁᔨᑦᓱᑎᒃ, ᐱᓇᓱᑦᑏᑦ ᖃᐅᔨᒋᐊᕐᕕᖃᓕᕐᑐᕕᓃᑦ ᐋᐸᑕᑳᒃᑯᓂᒃ, ᑲᒪᓂᐊᕐᑎᓗᒋᑦ ᐃᓂᑦᓴᓕᐅᕐᓂᓂᒃ ᓱᓇᐅᒋᐊᖃᕐᒪᖔᑕᓗ ᑲᑎᒪᓂᕐᔪᐊᖃᕈᑕᐅᔪᑦᓭᑦ. ᑲᑎᕕᒃ ᐃᓕᓴᕐᓂᓕᕆᔨᒃᑯᑦ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓗ ᐱᓇᓱᐊᖃᑎᒋᔭᐅᒻᒥᑎᓪᓗᒋᑦ ᓱᑎᑦᓯᓂᕐᒥᒃ.
ᑲᑎᒪᓂᕐᔪᐊᖅ ᐱᒋᐊᕐᓂᖃᓚᐅᔪᕗᖅ ᓯᑦᑎᒻᐸ 24-ᒥ, ᑐᖕᖓᓱᑦᑎᓯᑎᓪᓗᒍ ᐊᓖᓯᐊ ᐊᔭᒍᑕᖅ, ᒪᑭᕝᕕᐅᑉ ᐊᓪᓚᑎᒻᒪᕆᖓ. ᐅᖃᐅᓯᖃᕐᓱᓂ ᐱᓪᓚᕆᐅᒋ-ᐊᖓᓂᒃ ᑲᑎᖃᑦᑕᕆᐊᖃᕐᓂᐅᑉ ᐊᑦᔨᒌᒥᓪᓗ ᑐᕌᒐᖃᕐᓂᒥᒃ ᐃᓄᒃᑎᑑᕐᑐᒥᒃ ᐱᐅᓕᐊᕆᐊᑦᓯᐊᕈᒪᓂᕐᒥᒃ. ᑐᖕᖓᓱᑦᑎᓯᒌᕐᒪᑦ ᐊᓖᓯᐊ, ᐃᓄᒻᒪᕆ ᓕᓯ ᐃᐳ ᐅᖄᔪᕕᓂᖅ, ᐃᓪᓕᕐᖁᓯᕐᒧᑦ ᐱᓪᓚᕆᐅᒋᐊᖓᓂᒃ ᐃᓄᒃᑎᑑᕐᓂᐅᑉ, ᐊᔪᐃᓐᓇᕈᑕᐅᒋᐊᖃᕐᓂᖓᓂᓪᓗ ᐱᐅᓕᐊᕐᑕᐅᒋᐊᖃᕐᓂᖓᑕ ᐃᓄᒃᑎᑑᕐᓂᐅᑉ ᐊᑐᕐᑕᐅᖏᓐᓇᕆᐊᖃᕐᓂᖓᑕᓗ. ᑲᑎᕕᒃ ᐃᓕᓴᕐᓂᓕᕆᔨᒃᑯᑦ ᐃᓄᒻᒪᕆᓐᓂᒃ ᐃᓕᓴᕐᓂᓕᕆᔨᖏᑦ ᐅᖃᐅᓯᖃᕐᓂᖁᑦ ᐸᕐᓀᕈᑎᒥᒃ ᐱᒋᐊᑦᓯᐊᑎᑦᓯᒐᔭᕐᓂᒥᓂᒃ ᐅᖃᐅᓯᐅᑉ ᐁᑉᐱᐅᑎᖓᓅᔦᓂᕐᒧᑦ ᑐᓵᔨᐅᓂᕐᒧᓗ ᐃᓕᓭᒍᑎᑦᓴᓂᒃ, ᑐᕌᒐᖃᕐᓱᑎᒃ ᓴᐳᒻᒥᒐᔭᕐᓂᒥᓂᒃ ᐃᓕᓭᒍᑎᑦᓴᓕᐅᕐᑐᓂᒃ ᐅᖃᐅᓯᐅᓪᓗ ᐁᑉᐱᐅ-ᑎᖓᓅᔦᔨᐅᒍᒪᒐᔭᕐᑐᓂᒃ. ᐅᔮᐱ ᒍᐊᑦ, ᑐᑭᒧᐊᑦᑎᓯᔨ ᐊᓪᓚᕕᖓᓂ ᑭᓪᓕᓯᓂᐊᕐᑎᐅᑉ ᐱᓪᓗᒋᑦ ᓄᓇᖃᕐᖄᓯᒪᔪᑦ ᐅᖃᐅᓯᖏᑦ, ᐅᓪᓛᖅ ᐊᓂᒍᕆᐊᕕᑦᑎᓗᒍ ᐅᖃᐅᓯᖃᕐᓂᖁᖅ ᐊᖑᒻᒪᑎᑦᓯᒋᐊᕈᑎᖃᕐᓱᓂ ᐊᓪᓚᕕᒻᒥ ᐱᓇᓱᐊᕐᑕᐅᔪᓂᒃ ᓯᕗᒻᒧᕆᐊᕐᑎᓯᒍᑎᑦᓴᓂᒃ ᓄᓇᓕᑐᙯᑦ ᐅᖃᐅᓯᖏᓐᓂᒃ ᑲᓇᑕᓕᒫᒥ.
ᑐᖓᓕᐊᓂ ᐅᓪᓗᖓᓂ ᐊᒥᓱᑦ ᐅᖄᔨᐅᖃᑦᑕᓚᐅᔪᕗᑦ ᐱᒋᐅᕐᓴᑎᑕᐅᑦᓱᑎᓪᓗ ᑲᑎᒪᓂᐊᕈᓯᖃᕐᑎᑕᐅᑦᓱᑎᒃ. ᓄᓇᕕᒻᒥ ᑮᓇᐅᔭᓕᐅᕆᐊᓪᓚᕈᓐᓇᓂᕐᒧᑦ ᐱᓇᓱᕝᕕ ᕿᒥᕐᕈᔭᐅᑎᑦᓯᓂᕐᖁᖅ ᐃᓘᓐᓈᒍᑦ ᐱᓇᓱᐊᓲᒥᓂᒃ ᐱᑦᔪᑎᒥᓂᓪᓗ, ᐱᓗᐊᕐᑐᖅ ᐃᑲᔪᕐᑕᐅᕕᐅᒍᓐᓇᑐᓂᒃ ᒪᑭᑉᐸᓕᐊᒐᓱᐊᕐᓂᒧᑦ ᑮᓇᐅᔭᑎᒍᑦ ᓄᓇᕕᒻᒥ. ᐅᖄᔪᖃᕐᓱᓂᓗ ᐊᕐᓀᑦ ᐊᑦᔨᒌᑦᑎᑕᐅᒋᐊᖃᕐᓂᖏᓐᓂᒃ ᑭᒡᒐᑐᕐᑐᓂᒃ ᐅᖃᐅᓯᖃᕐᓱᑎᒃ ᓴᐳᑦᔭᐅᕕᒋᒍᓐᓇᑕᖏᓐᓂᒃ ᐊᑐᐃᓐᓇᐅᔪᓂᒃ ᐊᕐᓀᑦ ᐱᓇᓱᒐᖃᕐᕕᓖᑦ, ᑲᑎᒪᓂᕐᔪᐊᓕᐊᖃᑕᐅᓯᒪᔪᑦ ᕿᒥᕐᕈᖁᑦᓱᒋᑦ ᐱᓇᓱᒐᖃᕐᕕᓴᖃᕐᓂᒧᑦ ᐱᕕᑦᓴ-ᐅᒍᓐᓇᑐᓂᒃ ᓄᓇᓕᒥᓂ. ᑭᖑᓂᖓᒍᑦ ᑐᓵᔨ ᐄᕕ ᒫᒃ ᐅᖃᐅᓯᖃᕐᓂᒥᔪᖅ ᐸᕐᓀᕈᑕᐅᒍᓐᓇᒥᔪᓂᒃ ᐅᖄᕕᑦᓴᖃᕐᐸᒋᐊᖃᕐᓂᒧᑦ ᐱᔭᕆᐊᑐᔪᓂᒃ ᐅᖃᐅᓯᐅᑉ ᐁᑉᐱᐅᑎᖓᓅᔦᔪᖃᕐᑐᕕᓂᐅᑦᓱᓂ ᑐᓵᔨᐅᔪᕕᓂᐅᑦᓱᓂᓘᓐᓃᑦ ᐱᔭᕆᐊᑐᔪᓂᒃ.
ᑐᖓᓕᐊᓂ ᐅᓪᓗᖓᓂ ᐊᒥᓱᑦ ᐅᖄᔨᐅᖃᑦᑕᓚᐅᔪᕗᑦ ᐱᒋᐅᕐᓴᑎᑕᐅᑦᓱᑎᓪᓗ ᑲᑎᒪᓂᐊᕈᓯᖃᕐᑎᑕᐅᑦᓱᑎᒃ. ᓄᓇᕕᒻᒥ ᑮᓇᐅᔭᓕᐅᕆᐊᓪᓚᕈᓐᓇᓂᕐᒧᑦ ᐱᓇᓱᕝᕕ ᕿᒥᕐᕈᔭᐅᑎᑦᓯᓂᕐᖁᖅ ᐃᓘᓐᓈᒍᑦ ᐱᓇᓱᐊᓲᒥᓂᒃ ᐱᑦᔪᑎᒥᓂᓪᓗ, ᐱᓗᐊᕐᑐᖅ ᐃᑲᔪᕐᑕᐅᕕᐅᒍᓐᓇᑐᓂᒃ ᒪᑭᑉᐸᓕᐊᒐᓱᐊᕐᓂᒧᑦ ᑮᓇᐅᔭᑎᒍᑦ ᓄᓇᕕᒻᒥ. ᐅᖄᔪᖃᕐᓱᓂᓗ ᐊᕐᓀᑦ ᐊᑦᔨᒌᑦᑎᑕᐅᒋᐊᖃᕐᓂᖏᓐᓂᒃ ᑭᒡᒐᑐᕐᑐᓂᒃ ᐅᖃᐅᓯᖃᕐᓱᑎᒃ ᓴᐳᑦᔭᐅᕕᒋᒍᓐᓇᑕᖏᓐᓂᒃ ᐊᑐᐃᓐᓇᐅᔪᓂᒃ ᐊᕐᓀᑦ ᐱᓇᓱᒐᖃᕐᕕᓖᑦ, ᑲᑎᒪᓂᕐᔪᐊᓕᐊᖃᑕᐅᓯᒪᔪᑦ ᕿᒥᕐᕈᖁᑦᓱᒋᑦ ᐱᓇᓱᒐᖃᕐᕕᓴᖃᕐᓂᒧᑦ ᐱᕕᑦᓴ-ᐅᒍᓐᓇᑐᓂᒃ ᓄᓇᓕᒥᓂ. ᑭᖑᓂᖓᒍᑦ ᑐᓵᔨ ᐄᕕ ᒫᒃ ᐅᖃᐅᓯᖃᕐᓂᒥᔪᖅ ᐸᕐᓀᕈᑕᐅᒍᓐᓇᒥᔪᓂᒃ ᐅᖄᕕᑦᓴᖃᕐᐸᒋᐊᖃᕐᓂᒧᑦ ᐱᔭᕆᐊᑐᔪᓂᒃ ᐅᖃᐅᓯᐅᑉ ᐁᑉᐱᐅᑎᖓᓅᔦᔪᖃᕐᑐᕕᓂᐅᑦᓱᓂ ᑐᓵᔨᐅᔪᕕᓂᐅᑦᓱᓂᓘᓐᓃᑦ ᐱᔭᕆᐊᑐᔪᓂᒃ.
ᐅᓪᓗᖓᓂ ᑭᖑᓪᓕᐹᒥ, ᐋᐸᑕᑳᒃᑯᑦ ᐅᖃᐅᓯᖃᕐᓂᖁᑦ ᐊᑦᔨᒌᖕᖏᑐᓂᒃ ᐱᒍᑦᔨᐅᑎᒥᓂᒃ, ᐱᓪᓚᕆᐅᑎᑦᓯᓱᑎᒃ ᐅᖃᐅᓯᐅᑉ ᐁᑉᐱᐅᑎᖓᓅᔦᔩᑦ ᐱᐅᓕ-ᐊᕐᑎᓯᔨᐅᒋᐊᖏᓐᓂᒃ ᐅᖃᐅᓯᐅᑉ ᐅᐱᓐᓇᑑᓂᖓᓂᒃ. ᑲᑎᒪᐅᑎᖃᕐᓂᒥᔪᑦ ᐱᓇᓱᒐᖃᕐᕕᖃᕐᓂᒧᑦ ᑲᑎᒪᓂᐊᕈᓯᕐᒥᒃ ᓇᒻᒥᓂᖅ ᐱᓇᓱᒐᖃᕈᒪᒐᔭᕐᑐᑦ ᐃᓱᒪᒋᑦᓱᒋᑦ ᐅᖄᒍᑎᖃᕐᓱᑎᓪᓗ ᑐᓵᔨᐅᓗᓂ ᐱᑦᓯᐊᖏᓐᓇᕆᐊᖃᕐᓂᒥᒃ, ᑐᓵᔨᐅᑦᓯᐊᕆᐊᖃᕐᓂᒥᓪᓗ ᑐᓴᐅᒪᑎᑦᓯᔨᐅᒋᐊᖃᕐᓂᒥᓪᓗ, Dr. Marianne Situ, ᑐᓵᔨᐅᓂᕐᒥᒃ ᐊᐅᓚᑦᓯᔨᐅᖃᑕᐅᔪᖅ ᓇᐅᓕᒫᓂᒃ ᐱᒍᑦᔨᕕᒻᒥ ᓂᐅᕕᕋᕐᓂᒥᓪᓗ ᑲᓇᑕᒥ, ᓯᕗᓕᕐᑐᕕᓂᖅ ᐅᖄᒍᑕᐅᑎᓪᓗᒍ ᑭᖕᖒᒪᓇᕐᑑᓂᖓᑕ ᑐᓵᔨᖃᕆᐊᖃᕐᓂᐅᑉ, ᐅᖄᓐᓂᒥᑎᓪᓗᒍ Shawn Malone SM Global-ᑯᓐᓂᑦ ᐱᓯᒪᔪᖅ, ᐅᖄᑦᓱᓂ ᐃᑲᔪᕐᓯᒍᑎᑦᓴᓂᒃ ᑕᑯᓐᓇᖃᑦᑕᐅᑎᒍᑎᑎᒍᑦ ᐱᑦᓯᐊᖏᓐᓇᕆᐊᖃᕐᓂᖏᓐᓂᒃ ᑐᓵᔩᑦ ᖃᕆᑕᐅᔭᑎᒍᑦ ᐱᓇᓱᐊᓕᕈᑎᒃ.
ᐄᕙ ᐋᓗᐸ ᐊᑎᕐᒥᓂᒃ ᐊᓪᓚᑕᐅᑎᑦᓯᓂᕋᕐᑐᕕᓂᖅ ᑲᑎᒪᓂᕐᔪ ᐊᓕ-ᐊᕐᑐᓴᓄᑦ ᙯᕐᖁᔭᐅᔪᕕᓂᐅᑦᓱᓂ ᑕᒪᑐᒥᖓ ᐊᑐᐃᓐᓇᕈᕐᑎᕆᔪᕕᓂᕐᓄᑦ. ᐅᖃᐅᓯᐅᑉ ᐁᑉᐱᐅᑎᖓᓅᔦᔨᑐᖃᐅᑦᓱᓂ, ᐄᕙ ᑲᑎᒪᓂᕐᔪᐊᒥᒃ ᓯᕗᒻᒧᕆᐊᕈ-ᑎᑦᓯᐊᒍᓂᕃᓐᓂᖁᖅ ᐃᓄᒃᑎᑑᕐᑐᓕᕆᓂᕐᒧᑦ, ᐱᒐᓱ ᐊᒻᒪᕆᓐᓇᑐᕐᑕᖃᓲᒍᒐᓗ-ᐊᕐᑎᓗᒍ – ᐆᑦᑐᕋᐅᑎᒋᑦᓱᒍ ᐃᓄᒃᑎᑑᕐᑐᖃᖕᖏᑑᓂᖏᑦ ᖃᐅᔨᓴᐅᑎᓅᓕᖓᔪᑦ. ᐅᖄᔭᒥᒍ ᑐᑭᓯᓇᕐᓂᖁᖅ ᑭᖕᖒᒪᓇᕐᓂᖓᓂᒃ ᐅᖃᐅᓯᐅᑉ ᐁᑉᐱᐅᑎᖓᓅᔦᔨᑎᒍᑦ: ᐱᕙᓪᓕᐊᔭᐅᖏᓐᓇᕆᐊᖃᕐᓂᖓᑕ ᐃᓄᒃᑎᑐᑦ ᐅᓕᕐᓀᓯᒍᑏᑦ ᐅᓪᓗᒥ ᐃᓅᓯᐅᓕᕐᑐᒨᓕᖓᓗᑎᒃ.
