ᐊᓪᓚᑕᖏᑦ Mathilde Lapointe St-Pierre, ᐆᒪᔪᓂᒃ ᖃᐅᔨᓴᕐᑎᐅᑉ, ᓄᓇᕕᒻᒥ ᖃᐅᔨᓴᕐᕕᒥ ᐊᒻᒪᓗ Mikhaela Neelin, RNUK -ᑯᑦ ᑐᑭᒧᐊᑦᑎᓯᔨᖓᑕ, ᑲᑐᑦᔨᖃᑎᖃᕐᓱᑎᒃ ᓄᓇᓕᓐᓃᑐᓂᒃ
ᐅᑭᐅᕐᑕᑐᒥ ᓄᓇ ᐊᓯᑦᔨᑕᐅᕙᓪᓕ ᐊᒪᑦ ᓯᓚᕐᔪ ᐊᒥ ᓯᓚᐅᑉ ᐊᓯᑦᔨᕙᓪᓕ ᐊᓂᖓᓄᑦ, ᐅᑦᑐᕋᐅᑎᑦᓯ ᐊᒍᑦᓱᓂᓗ ᐅᕐᐲᑦ ᐱᕈᕐᐸᓕ ᐊᓂᖏᑦ ᓄᓇᒥ. ᐊᕙᑎᑦᑕ ᐊᓯᑦᔨᕙᓪᓕ ᐊᓂᖓᓄᑦ ᐆᒪᔪᐃᑦ ᐊᓯᖏᑦ, ᑭᒋ ᐊᑦ ᐆᑦᑐᕋᐅᑎᒃᑲ, ᑕᕐᕋᓕ-ᐊᕐᐸᓕ ᐊᑐᐃᓐᓇᓕᕐᒪᑕ. ᐊᕐᕌᒍᐃᑦ ᐊᕙᑎᑦ ᓈᓕᕐᑎᓗᒋᑦ, ᓇᐹᕐᑐᖃᖕᖏᑐᒥ ᑕᑯᔭᐅᕙᓕᕐᑐᑦ, ᐱᕈᕐᑐᖃᓗ ᐊᖕᖏᑐᒥ. ᓯᕿᓂᑦᑎᓂ ᓱᕐᕃᓂᕆᓯᒪᔭᖏᑦ ᐊᓪᓚᖁᑎᓕ ᐊᕆᔭᐅᑦᓯ ᐊᓲᒍᑦᓱᑎᒃ, ᓇᐹᕐᑐᖃᖕᖏᑐᒦᓲᒍᓕᕐᓂᖏᑦ ᐃᓱᒫᓘᑕᐅᕙᓕᕐᑐᑦ ᖃᓄᖅ ᓱᕐᕃᓂᖃᕐᒪᖔᑕ ᖃᐅᔨᒪᔭᐅᖕᖏᓇᒥᒃ ᑰᓐᓂᒃ, ᐃᖃᓗᐃᑦ ᐅᓄᕐᓂᖏᓐᓂᒃ, ᐆᒪᔪᓂᓪᓗ ᐆᒪᒐᓱᐊ ᕈᑕᐅᓲᓂᒃ. ᐊᓛᔅᑲᒥ ᓄᓇᑦᓯ ᐊᒥᓪᓗ, ᑭᒋᐊ ᑦ ᓱᕐᕃᓯᒪᔪᕆᔭᐅᕙᑦᑐᑦ ᓄᓇᐅᑉ ᐊᐅᔪᐃᑦᑑᑉ ᐊᐅᑉᐸᓕ ᐊᓂᕆᓕᕐᑕᖓᓂᒃ ᐃᒪᑦᓯ ᐊᑕᓗ ᓱᔪᑉᐸᓕ ᐊᓂᖓᓂᒃ, ᓴᒣᓪᓗ ᑐᒃᑐᕓᓪᓗ ᓇᔪᓲᖏᓐᓂᒃ ᐱᐅᓯᑎᑦᓯᕙᓪᓕ ᐊᓲᒍᒍᓗ-ᐊᕐᓱᑎᒃ. ᓄᓇᕕᒻᒥ ᑭᒋ ᐊᑦ ᖃᐅᔨᓴᕐᑕᐅᒋ ᐊᓪᓚᖃᑦᑕᕆ ᐊᖃᕐᒪᑕ ᑐᑭᓯᒪᔭᐅᓂ ᐊᕐᒪᑕ ᓱᕐᕃᓂᕆᓲᖏᑦ ᐆᒪᔪᕐᑕᐅᒐᓱ ᐊᓲᓂᒃ ᓇᐅᓕᒫᓪᓗ ᖃᓄᐃᖕᖏᓯ ᐊᕐᑐᓴᐅᓂᖏᓐᓂᒃ, ᓱᕐᕃᓂᕆᓲᖏᑦ ᐃᒪᕐᒥᐅᑌᑦ ᓇᔪᓲᖏᓐᓂᒃ, ᐱᓗ ᐊᕐᑐᖅ ᐋᓇᒃᑭᓂᒃ, ᐋᓇᓂᒃ ᐃᖃᓗᑉᐱᓂᓪᓗ, ᖃᐅᔨᒪᔭᐅᓪᓗ ᐊᕋᑕᖕᖏᒪᑦ.
ᓄᓇᕕᒻᒥᐅᑦ ᖃᐅᔨᕙᓕᕐᒪᑕ ᐅᓄᕐᓂᓴᐅᓕᕐᓂᖏᓐᓂᒃ ᑭᒋᐊᑦ ᑕᕐᕋᕙᓯᑦᑎᓂ. ᑭᒋᐊᑦ ᒥᑭᒋᐊᕐᓂᐊᑕᐅᓂᕆᓲᖓ ᐊᑯᓂᐊᓗᒃ ᐊᑑᑎᔭᐅᓯᒪᓕᕋᓗᐊᕐᑎᓗᒍ, ᐊᐅᐸᓘᑉ ᓴᓂᐊᓂ ᑕᑯᔭᐅᕐᖃᒥᐅᕙᓕᕐᒥᒪᑕ, ᖃᐅᔨᒍᑎᐅᑦᓱᓂ ᓇᔪᓲᒋᖕᖏᑕᒥᓃᓲᒍᓕᕐᓂᖏᓐᓂᒃ. ᑖᒃᑯᐊ ᐊᓪᓚᓯᒪᔪᑦ ᑐᓴᕐᑎᓯᒍᑕᐅᕗᑦ ᖃᐅᔨᓴᕐᓂᐅᕙᑦᑐᓂᒃ ᓄᓇᕕᒻᒥ ᐊᕐᕌᒍᓂ ᓯᑕᒪᓂ ᐊᓂᒍᕐᑐᓂ. ᓄᓇᕕᒻᒥ ᖃᐅᔨᓴᕐᕕᒥ ᐱᓇᓱᑦᑐᑦ, ᑲᑐᑦᔨᖃᑎᖃᕐᓱᑎᒃ ᐊᖑᕕᒐᒃᑯᓂᒃ, ᖃᐅᔨᓴᖃᑦᑕᒪᑕ ᐊᒥᓲᓕᕙᓪᓕᐊᓂᖏᓐᓂᒃ ᑭᒋᐊᑦ ᐃᓪᓗᖏᑦᑕ. ᑖᒃᑯᐊ ᐊᓪᓚᓯᒪᔪᑦ ᓀᓈᕐᓯᒪᔪᓂᒃ ᕿᒥᕐᕈᓂᐅᓯᒪᔪᓂᒃ ᑐᑭᓯᑎᑦᓯᒍᑎᑕᖃᕐᐳᑦ ᐊᒥᓱᓂᒃ ᐱᓇᓱᐊᕐᑕᐅᔪᓂᒃ ᐱᒋᐊᕐᑎᑕᐅᓯᒪᔪᓂᒃ ᐅᖄᒍᑕᐅᒋᐊᖃᕐᓂᖓᓄᑦ ᐃᓱᒫᓘᑎᐅᔪᓂᒃ ᑭᒋᐊᑦ ᐅᓄᕐᓯᒋᐊᕐᓯᒪᓂᖏᓐᓄᑦ.
ᕿᒥᕐᕈᔭᐅᓯᒪᓂᖓ ᑭᒋᐊᑦ ᐃᓪᓗᖏᑦᑕ
ᓯᑦᑎᒻᐸ 2024-ᒥ, ᖁᓛᒻᒥᒎᓕᒃᑯᑦ ᖃᐅᔨᓴᕐᓂᖃᕐᓂᖁᖅ ᑭᒋᐊᑦ ᐃᓪᓗᖏᓐᓂᒃ ᐱᑕᖃᕐᒪᖔᑕ ᐊᐅᐸᓘᑉ ᓴᓂᐊᓂ, ᑕᓯᐅᔭᐅᓪᓗ ᓴᓂᐊᓂ, ᑲᖏᕐᓲᑉ ᓯᕿᓂᖓᓄᑦ. ᖃᐅᔨᓴᕐᑐᑦ ᐅᑎᕐᕕᖃᖃᑦᑕᓚᐅᔪᕗᑦ ᑕᑯᓂᐊᕐᑕᕕᓂᕐᒥᓂᒃ 2019-ᒍᑎᓪᓗᒍ (50-ᒦᑦᑐᓂᒃ ᑕᑯᓂᐊᕐᓱᑎᒃ), ᓇᓗᓀᕐᑕᐅᖄᕐᓯᒪᔪᓂᒃ ᓄᓇᓕᒻᒥ ᖃᐅᔨᒪᔪᖁᑎᒋᔭᐅᔪᓄᑦ. ᐊᕐᕌᒍᐃᑦ ᑕᓪᓕᒪᑦ ᓈᑎᓪᓗᒋᑦ, ᑕᑯᓂᐊᕐᑕᐅᓯᒪᔪᑦ ᑭᒋᐊᕐᑕᖃᕋᑎᒃ 2019-ᒥ ᓱᓕ ᐱᑕᖃᕐᓂᖏᑦᑐᑦ. ᓄᓇᓕᓐᓂ ᖃᐅᔨᒪᔪᖁᑏᑦ ᑕᓯᐅᔭᕐᒥᐅᑦ ᐊᐅᐸᓗᒻᒥᐅᓗ, ᐃᓚᐅᒻᒥᑎᓪᓗᒋᑦ ᑰᑦᔪᐊᒥ ᓂᕐᓖᑦ ᑲᑎᒪᔨᖏᑦ ᖃᐅᔨᓴᖃᑕᐅᓐᓂᖁᑦ (ᒍᐃᓕ ᑫᓐ, ᔮᔨ ᐃᑦᑐᖅ, ᐄᒪ ᑫᓐ, ᔮᔨ ᐱᑕᓗ). ᐊᕐᕌᒍᓂ ᑕᓪᓕᒪᓂ ᐊᓂᒍᕐᑐᓂ, ᓄᓇᕕᒻᒥ ᑭᒋᐊᑦ ᐅᓄᕐᓯᕙᓪᓕᐊᓗᐊᕐᓯᒪᖕᖏᑐᑦ, ᑕᓯᐅᔭᐅᑉ ᓯᕿᓂᖓᓂ ᐱᖓᓱᐃᑦ ᓇᔪᕐᑕᕕᓂᖏᑦ ᑕᑯᔭᕕᓂᐅᑦᓱᑎᒃ. ᑭᓯᐊᓂᓕ, ᓄᑖᓂᒃ ᑭᒋᐊᕐᓄᑦ ᓇᔪᕐᑕᕕᓂᕐᓂᒃ ᑕᑯᔪᕕᓂᐅᒐᓗᐊᕐᒥᔪᑦ ᑕᓯᐅᔭᐅᑉ ᓴᓂᐊᓂ, ᑖᒃᑯᐊ ᐆᒪᔫᑦᓱᑎᒃ ᓱᑲᑦᑐᒪᕆᒻᒥᒃ ᐃᓂᑦᓴᓕᐅᕈᓐᓇᓲᒍᒻᒪᑕ.
ᓱᓕᓗ, ᖃᐅᔨᓴᕐᓂᕕᓂᖅ ᖃᐅᔨᓴᖃᑎᒋᑦᓱᒋᑦ ᓄᓇᕕᒻᒥ ᒥᕐᖑᐃᓯᕐᕕᓕᕆᔩᑦ ᑐᕐᓱᔫᖅ ᒥᕐᖑᐃᓯᕐᕕᒥ 2023-ᒥ 2024-ᒥᓪᓗ ᐊᐅᔭᐅᑎᓪᓗᒍ ᖃᐅᔨᒍᑕᐅᓐᓂᖁᖅ 15-ᓂᒃ ᑭᒋᐊᑦ ᐃᓪᓗᖏᓐᓂᒃ ᑕᓯᐅᔭᐅᑉ ᑕᓯᖓᑕ ᓴᓂᖓᓃᑦᑐᑦ. ᓄᓇᕕᒻᒥ ᒥᕐᖑᐃᓯᕐᕕᓕᕆᔩᑦ ᑐᕌᒐᖃᕐᑐᑦ ᐃᑉᐱᒋᔭᖃᕐᓂᐊᓂᕐᒥᒃ ᑕᒪᒃᑯᐊ ᑭᒋᐊᑦ ᐃᓪᓗᖏᓐᓂᒃ. ᓄᓇᕕᒻᒥ ᖃᐅᔨᓴᕐᕕᒥ ᐱᓇᓱᑦᑏᑦ ᓄᓇᕕᒻᒥᓗ ᒥᕐᖑᐃᓯᕐᕕᓂ ᐱᓇᓱᑦᑏᑦ ᐅᒥᐅᔭᕐᒥᓗ ᓄᓇᓕᒻᒥ ᓄᓇᓕᓐᓂ ᓄᓇᕕᒻᒥ ᐆᒪᔪᓕᕆᔩᑦ ᑲᑎᒪᔨᒃᑯᖏᑕ-ᑯᑦ ᑲᒪᔨᖓ ᐃᐊᑎ ᖁᒫᓗᒃ, ᑕᒪᑐᒥᖓ ᐱᓇᓱᐊᖃᑕᐅᓚᐅᔪᕗᖅ.
ᐆᒪᔪᐃᑦ ᓇᔪᓲᖏᓐᓂᒃ ᓱᕐᕃᓂᕆᓲᖏᑦ ᑭᒋᐊᑦ ᐃᓪᓗᖏᑦᑕ ᑰᒐᔮᓂ
ᐱᓇᓱᐊᕐᑕᐅᔪᖃᕐᓯᒪᒻᒥᔪᖅ ᓯᕗᓕᕐᑕᐅᔪᒥᒃ ᓄᓇᕕᒻᒥ ᖃᐅᔨᓴᕐᕕᒧᑦ ᑭᒋᐊᑦ ᐃᓪᓗᖏᑦ ᖃᓄᖅ ᓱᕐᕃᓂᖃᓲᒍᒻᒪᖔᑕ ᐆᒪᔪᐃᑦ ᐃᒪᕐᓯᐅᑏᑦ ᓇᔪᓲᖏᓐᓂᒃ, ᐱᓗᐊᕐᑐᖅ ᓱᕐᕃᓂᕐᓗᓂᖃᓲᒍᒻᒪᑕ ᐃᖃᓗᑉᐱᓂᒃ ᐋᓇᒃᑭᓂᓪᓗ, ᐋᓇᓂᓪᓗ. ᑕᒪᑐᒥᖓ ᖃᐅᔨᓴᕈᒪᑦᓱᑎᒃ, 20-ᓂᒃ ᐃᖃᓗᑦᑕᖃᓲᓂᒃ ᖃᐅᔨᓴᕋᑦᓴᑖᕐᕕᖃᓚᐅᔪᕗᑦ ᐊᐅᔭᐅᑎᓪᓗᒍ ᐊᕐᕌᒍᓐᓂ ᒪᕐᕉᓂ: 11-ᓂᒃ ᑕᓯᐅᔭᐅᑉ ᓴᓂᐊᓃᑦᑐᓂᒃ 9-ᓂᒃ ᑰᑦᔪᐊᑉ ᓴᓂᐊᓃᑦᑐᓂᒃ. ᖃᐅᔨᓴᕋᑦᓴᓂᒃ ᐃᖃᓗᓐᓂᒃ, ᐱᕈᕐᑐᓂᒃ, ᐆᒪᔪᓂᓪᓗ ᕿᒥᕐᓗᖃᓲᒍᖕᖏᑐᓂᒃ ᑲᑎᕐᓱᐃᓚᐅᔪᕗᑦ. ᖃᐅᔨᓴᐅᑎᕕᓃᑦ ᖃᐅᔨᒍᑎᑦᓴᐅᑎᓪᓗᒋᑦ ᐃᒪᐅᑉ ᖃᓄᐃᑦᑑᓂᖓᓂᒃ (pH, ᓂᕈᒥᓐᓂᖓᓂᒃ, ᓂᓪᓕᒪᓂᖓᓂᒃ, ᐃᒪᐅᑉ ᑲᖕᖓᓂᓗᑯᑦᑕᖏᓐᓂᒃ, ᐊᓯᖏᓐᓂᓗ), ᓱᒃᑯᓇᕐᑐᑕᖏᓐᓂᒃ (ᐆᑦᑐᕋᐅᑎᒋᑦᓱᒍ ᑯᓯᕐᓯᐊᓴᔭᕐᑕᖓᓂᒃ), ᐆᒪᔪᐃᓪᓗ ᐋᓐᓂᐊᒋᓲᖏᓐᓂᒃ (ᐆᑦᑐᕋᐅᑎᒋᑦᓱᒍ, Giardia): ᖃᐅᔨᓴᕐᑕᐅᑎᓪᓗᒋᓪᓗ ᕿᒥᕐᓗᖃᓲᒍᖕᖏᑐᑦ ᐆᒪᔪᐃᑦ ᓂᕆᔭᐅᓲᕙᓪᓗᐃᑦ ᑭᒋᐊᖃᓲᓃᒻᒪᖔᑕ ᑕᓯᐊᕈᕐᓂ, ᖃᐅᔨᒍᒪᒧᑦ ᑕᒪᒃᑯᐊ ᓇᔪᕐᑕᐅᓲᑦ ᐆᒪᔪᓄᑦ ᐃᖃᓗᑉᐱᖃᑦᓯᐊᕈᓇᐅᒻᒪᖔᑕ.
ᐋᓈᒃᑮᑦ, ᐋᓀᑦ ᐃᖃᓗᑉᐲᓗ ᐅᓄᕐᓯᒍᐊᕐᑐᓴᔭᐅᓲᒍᒻᒪᑕ, ᑐᑭᓯᒪᒐᓱᐊᕆᐊᖃᕐᐸᕗᑦ ᓇᔪᕐᓲᖏᑦ ᐊᓯᑦᔨᑐᐊᕐᒪᑕ ᖃᓄᖅ ᐱᐅᓯᖃᓲᒍᒻᒪᖔᑕ. ᐊᕐᕌᒎᓐᓂ ᒪᕐᕉᓂ ᖃᐅᔨᓴᕋᑦᓴᑖᕐᐸᑎᓪᓗᑕ, ᐊᑦᔨᒌᖕᖏᑐᓂᒃ ᐆᒪᔪᓂᒃ, ᐃᖃᓗᑉᐲᑦ ᐃᓚᐅᑎᓪᓗᒋᑦ, ᐋᓈᒃᑮᓗ, ᐋᓀᓪᓗ, ᓄᕙᔪᕋᓖᑦ ᑲᓇᔪᐃᑦ, longnose dace, stickleback, and lake chub, ᑲᑎᕐᓱᑕᐅᑎᓪᓗᒋᑦ.
ᐅᑭᐅᕐᑕᑐᒥ ᑭᒋᐊᓂᒃ ᕿᒥᕐᕈᖃᑎᒌᓲᑦ
ᐱᓇᓱᖃᑎᒌᒍᑎᓖᑦ ᐅᑭᐅᕐᑕᑐᒥ ᑭᒋᐊᓂᒃ ᕿᒥᕐᕈᖃᑎᒌᓐᓂᒥᒃ ᐱᓇᓱᖃᑎᒌᑦᓯᒪᓕᕐᑐᑦ ᑌᒪᖕᖓᓂᑦ ᐱᒋᐊᕐᑎᑕᐅᓚᐅᕐᓯᒪᑎᓪᓗᒋᓂᑦ. ᑖᒃᑯᐊ ᐱᓇᓱᖃᑎᒌᑦᑐᑦ ᑲᑎᒪᓲᑦ ᐊᕐᕌᒍᑕᒫᑦ ᐅᖄᒍᑎᖃᕐᓂᐊᓱᑎᒃ ᖃᐅᓴᕐᓂᒥᒃ, ᐊᐅᓚᑦᓯᒍᓯᕐᓂᒃ ᐸᕐᓀᓂᕐᓂᒃ, ᓄᓇᓕᓂᓪᓗ ᐃᓱᒫᓘᑎᐅᔪᓂᒃ ᐅᑭᐅᕐᑕᑐᒥ ᑭᒋᐊᖃᕐᐸᓕᐊᓕᕐᓂᒨᓕᖓᔪᓂᒃ. ᕕᐳᐊᕆ 2024-ᒥ, Fairbanks-ᒥ ᑲᑎᒪᔪᕕᓃᑦ ᐊᓛᔅᑲᒦᑦᑐᒥ, ᐅᖃᐅᓯᖃᕆᐊᕐᑐᓱᑎᒃ ᑲᔪᓯᔪᒥᒃ ᐱᓇᓱᐊᕐᑕᐅᔪᒥᒃ ᓄᐃᑦᓯᖃ-ᑎᒌᑦᓱᑎᓪᓗ ᓄᑖᓂᒃ ᐱᓇᓱᖃᑎᒌᑦᑐᓴᓂᒃ. ᖃᐅᔨᓴᕐᑏᑦ ᐊᓛᔅᑲᒥᐅᑦ, ᐃᓄᕕᐊᓗᒻᒥᐅᓗ, ᓯᑳᓐᑕᓂᕕᐊᒥᐅᓪᓗ ᐃᓚᐅᑎᓪᓗᒋᑦ. ᐃᐊᑎ ᖁᒫᓗᓪᓗ ᔮᒃ ᓂᕕᐊᕐᓯᓗ ᐃᓚᐅᒻᒥᑎᓪᓗᒋᒃ ᐅᖃᐅᓯᖃᕐᓱᑎᒃ ᐃᓱᒫᓘᑎᒋᔭᒥᓂᒃ ᑕᓯᐅᔭᕐᔪᐊᑉ ᓯᑦᔭᖓ ᑭᒋᐊᖃᕐᐸᓕᐊᑐᐃᓐᓇᕆᐊᖓ.
ᓯᕗᓂᕐᒥ ᐱᓇᓱᐊᕆᐊᓕᕗᑦ
ᐅᑭ ᐅᕋᑕᕐᑎᓗᒍ ᐅᖄᒍᑎᙯᓐᓇᕋᓱ ᐊᖃᑦᑕᓛᕐᑐᒍᑦ ᑭᒋ ᐊᑦ ᐃᓪᓗᖃᕐᐸᓕ-ᐊᑐᐃᓐᓇᓕᕐᓂᖏᓐᓂᒃ ᓄᓇᕕᒻᒥ. ᐸᕐᓀᕈᑎᖃᕐᓯᒪᔪᒍᑦ ᐊᐱᕐᓱᕆ ᐊᕐᑐᖃᑦᑕᓛᕐᓂᑎᓐᓂᒃ ᓄᓇᓕᓐᓂ ᖃ ᐅᔨᒪᔪᖁᑎᒋᔭ ᐅᔪᓂᒃ 2019-ᒥ ᐃᓱᒫᓘᑎᒋᔭ ᐅᔪᕕᓂᕐᓅᓕᖓᔪᓂᒃ. ᓱᓕᓗ, ᑲᑎᒪᓂ ᐊᕈᓯ ᐅᒐᔭᕐᑐᒥᒃ ᐃᓂᓪᓚᑎᕆᓛᕐᒥᓱᑕ ᑰᑦᔪ ᐊᒦᒐᔭᕐᑐᒥᒃ ᐊᓪᓓᑦ ᑯᔩᑦ ᓄᓇᓕᖏᓐᓂᑦ ᐱᓯᒪᔪᓂᒃ ᖃ ᐅᔨᒪᔭᑦᑎᓂᒃ ᑐᓴᕐᑎᓯᖃᑎᒌᓚᕋᑦᑕ ᖃᓄᖅ ᑭᒋ ᐊᑦ ᐅᓄᕐᓯᕙᓪᓕ ᐊᑐᐃᓐᓇᓂᖏᓐᓂᒃ ᖃᓄᕐᑑᕈᑎᑦᓴᑎᓐᓂᒃ. ᓄᐃᑦᓯᔪᖃᓛᕐᑐᖅ ᐸᕐᓀᕈᑎᑦᓴᓂᒃ ᓄᓇᕕᒻᒥ ᑭᒋ ᐊᑦ ᐅᓄᕐᓯᕙᓪᓕ ᐊᓂᖏᑦᑕ ᖃᓄᕐᑑᕆ ᐊᕈᑕ-ᐅᓂᑦᓴᖏᓐᓂᒃ, ᐅᖄᒍᑕ ᐅᖁᓇᓛᕐᓱᑎᓪᓗ ᓱᒃᑯᓇᕐᑐᑕᖃᕐᒪᖔᑦ ᕿᒥᕐᕈᕈᑎᕕᓃᑦ ᐊᒻᒪᓗ ᕿᒥᕐᓗᖃᖕᖏᑐᐃᑦ ᐆᒪᔪᐃᑦ ᖃ ᐅᔨᓴᕐᑕ ᐅᒍᑎᕕᓂᖏᑦ ᐅᐱᕐᖓᓴᖓᓂ 2025.
ᑲᔪᓯᔪᒥᒃ ᖃᐅᔨᓴᕐᓂᖅ ᓄᓇᕕᒻᒥ ᑭᒋᐊᖃᕐᐸᓕᐊᑐᐃᓐᓇᓕᕐᓂᖓᓂᒃ ᓄᐃᑦᓯᒍᑕᐅᒋᕗᖅ ᐃᓱᒫᓘᑎᐅᔪᓂᒃ ᓄᓇᓕᒻᒥ ᐆᒪᔪᐃᑦ ᓇᔪᓲᖏᑦ ᐱᓪᓗᒋᑦ ᓇᐅᓕᒫᓪᓗ ᖃᓄᐃᖕᖏᓯᐊᕐᑐᓴᐅᓂᖓᓂᒃ ᑐᑭᓯᒍᑕᐅᒻᒥᓱᓂᓗ ᖃᓄᖅ ᓯᓚᕐᔪᐊᒥ ᓯᓚᐅᑉ ᐊᓯᑦᔨᕙᓪᓕᐊᓂᖓᑕ ᐅᑭᐅᕐᑕᑐᒥ ᐆᒪᔪᐃᑦ ᓇᔪᓲᖏᓐᓂᒃ ᐊᓯᑦᔩᕙᓪᓕᐊᓕᕐᓂᖓᓂᒃ. ᑲᑐᑦᔨᖃᑎᒋᔭᐅᖏᓐᓇᕆᐊᖃᓛᕐᑐᑦ ᓄᓇᓖᑦ ᐃᑉᐱᒋᔭᐅᖏᓐᓇᕆᐊᖃᓛᕐᓱᑎᓪᓗ ᑭᒋᐊᑦ ᐅᓄᕐᓯᕙᓪᓕᐊᓂᖏᑦ ᐃᖃᓗᑉᐱᙯᓐᓇᖁᔨᓇᕐᒪᑦ ᐋᓈᒃᑮᓂᓪᓗ, ᐋᓇᓂᓪᓗ.
ᐃᑲᔪᕐᓯᖃᑕᐅᒍᓐᓇᐳᑎᑦ ᖃᐅᔨᓴᕐᓂᑎᓐᓄᑦ ᖃᕆᑕᐅᔭᒃᑯᑦ ᐱᓇᓱᒍᑎᑦᑎᒍᑦ SIKU app ᓄᓇᕕᒻᒥ ᑭᒋᐊᑦ ᐱᓪᓗᒋᑦ ᖃᐅᔨᒪᔭᑎᑦ ᐊᓪᓚᖃᑦᑕᓗᒋᑦ, ᑕᑯᒋᐊᕐᓗᑎᑦ ᐃᒣᓕᔪᓂᒃ “Arctic Beaver Project”.
