ᐱᕙᓪᓕ ᐊᑎᑦᓯᓂᕐᒥᒃ ᐱᓇᓱᒍᑎᐅᔪᑦ ᓄᓇᕕᒻᒥ ᖃᐅᔨᓴᕐᑕᐅᓂᖃᕈᓐᓇᐳᑦ ᐊᕐᖁᑎᒋᓗᒋᑦ ᐊᒥᓱᑦ ᓄᓇᐅᑉ ᐊᕙᑎᖓᑕᓗ ᐃᓅᑦᔪᓯᐅᔪᓪᓗ ᓱᕐᕋᑕᐅᔪᓂᒃ ᖃᐅᔨᓴᕐᓂᒥᒃ ᐱᓇᓱᑦᑕᐅᒍᑎᖏᓐᓂᒃ. ᓱᖏᕐᑐᑎᒋᓗᒋᑦ ᖃᓄᐃᑦᑐᓂᖏᑦ ᐱᓇᓱᑦᑕᐅᔪᑦ ᓄᓇᖁᑕᐅᔪᓪᓗ ᓱᑯᑦᓯ ᐊᓂᓐᓂᖏᑦ ᑐᖕᖓᕕᐅᒻᒥᑎᓪᓗᒋᑦ, ᓯᑕᒪᐅᒍᓐᓇᖁᑦ ᐱᓇᓱᑦᑕᐅᔪᑦ ᐊᑕᐅᑦᓯᑯᑦ ᐊᑑᑎᔭᐅᓗᑎᒃ. ᑖᒃᑯ ᐊ ᓱᕐᕋᑕᐅᔪᓂᒃ ᖃᐅᔨᓴᕐᓃᑦ ᐊᐅᓚᑕᐅᕗᑦ ᑲᓇᑕᐅᑉ ᑲᕙᒪᖓᑕ ᓱᕐᕋᑕᐅᔪᓂᒃ ᖃᐅᔨᓴᕐᓂᓄᑦ ᐱᖁᔭᖁᑎᖏᓐᓄᑦ, ᔦᒥᓯ ᐯ ᐊᒻᒪᓗ ᑯᐯᒃ ᑕᕐᕋᖓᑕ ᐊᖏᖃᑎᒌᓯᒪᒍᑎᖏᓐᓄᑦ (ᑖᒃᑯ ᐊ ᐊᖏᖃᑎᒌᒍᑎᐅᓯᒪᔪᑦ ᐱᑕᖃᕐᑎᓯᒍᑎᐅᒻᒪᑕ ᐊᑕᐅᓯᕐᒥᒃ ᖃᐅᔨᓴᕐᓂᒥᒃ ᐱᓇᓱᑦᑕᐅᔪᓂᒃ ᑐᖕᖓᕕᖃᕐᓱᑎᒃ ᓄᓇᓕᕐᓚᐅᑉ ᑲᕙᒪᖓᑕ ᐊᖓᔪᕐᖃᐅᒍᑎᖏᓐᓂᒃ ᐊᓯ ᐊᒍᓪᓗ ᑲᕙᒪᑐᖃᒃᑯᑦ ᐊᖓᔪᕐᖃᐅᒍᑎᖏᑕ ᐊᑖᒍᕐᑐᓂᒃ) ᐊᒻᒪᓗ ᓄᓇᕕᒻᒥᐅᑦ ᐃᓄᐃᑦ ᓄᓇᑖᕐᓂᒧᑦ ᐊᖏᖃᑎᒌᒍᑎᒋᓯᒪᔭᖏᓐᓂᒃ. ᑐᑭᓯᒋ ᐊᒃᑲᓂᕈᑎᑦᓴᓂᒃ ᐃᓕᖓᑦᓱᑎᒃ ᓱᕐᕋᑕᐅᔪᓂᒃ ᖃᐅᔨᓴᕐᓂᓄ ᓄᓇᕕᒻᒥ, ᐃᓚᐅᑎᓪᓗᒋᑦ ᑕᑯᒋ ᐊᕐᑕᐅᒍᓐᓇᑐᓂᒃ ᖃᓄᐃᓘᕈᑎᑦᓴᔭᓂᒃ ᐱᓇᓱᑦᑕᐅᔪᓄᑦ, ᑕᑯᒍᓐᓇᐳᓯ ᑲᑎᕕᒃ ᓄᓇᐅᑉ ᐊᕙᑎᖓᓄᑦ ᐊᔪᖀᒋ ᐊᕐᑏᑦ ᑲᑎᒪᔨᖏᑕ ᖃᕆᑕᐅᔭᑎᒍᑦ ᑕᑯᓇᓱᑦᑕᐅᕕᖓᓂᑦ ᐅᕙᓂ: https://keac-ccek.org/en/impact-assessment-in-nunavik/.
ᑖᒃᑯ ᐊ ᓱᕐᕋᑕᐅᔪᓂᒃ ᖃᐅᔨᓴᕐᓂᒥᒃ ᐱᓇᓱᒍᑏᑦ ᐃᓱᒪᖃᓯᐅᑦᔨᓯᒪᒋ ᐊᖃᕐᐳᑦ ᐃᓅᑦᔪᓯᐅᔪᑦ ᓱᕐᕋᑕᐅᓂᕆᓂ ᐊᕐᑕᖏᓐᓂᒃ ᐱᕙᓪᓕ ᐊᑎᑦᓯᒍᑎᓂᒃ ᐱᓇᓱᒍᑎᓄᑦ. ᐃᓅᑦᔪᓰᑦ ᓱᕐᕋᑕᐅᓂᖏᑦ ᐃᓚᖃᕈᓐᓇᒪᑕ ᐃᓕᖓᔪᓂᒃ ᐱᓇᓱᒐᕐᓄᑦ ᐊᒻᒪᓗ ᐱᒋᐅᕐᓴᑎᑕᐅᓂᕐᒥᒃ ᐱᒐᓱᕝᕕᐅᒍᓐᓇᑐᓄᑦ, ᓂᕿᑦᓴᓯᐅᕐᓂᒥᒃ ᐱᓂ ᐊᕐᓂᐅᓲᑦ ᐱᓂᕐᓗᑕᐅᒍᓐᓇᓂᖏᑦ, ᐱᐅᓯᒋᐊ ᕐᑕᐅᓗᑎᒃ ᐃᓱᐊ ᖁᑏᑦ, ᐱᔭᕆᔭᐅᓃᑦ, ᐊ ᓯᖏᓪᓗ. ᑎᓕᔭᐅᒪᒍᑎᓄᑦ ᐃᓚᒋᔭᐅᑎᓪᓗᒋᑦ ᑲᒪᓇᓱᓐᓂᖅ ᓄᓇᐅᓪᓗ ᐃᓅᑦᔪᓯᐅᔪᓪᓗ ᓱᕐᕋᑕᐅᓂᑦᓴᖏᑦ ᐊᒻᒪᓗ ᕿᒥᕐᕈᓂᕐᒥᒃ ᖃᓄᐃᓘᕈᑎᐅᔪᑦ ᐱᓇᓱᒍᑎᐅᔪᓪᓗ, ᑲᑎᕕᒃ ᓄᓇᐅᑉ ᐊᕙᑎᖓᓄᑦ ᐊᔪᖀᒋ ᐊᕐᑏᑦ ᑲᑎᒪᔨᖏᑦ ᐊᐱᕐᓱᓚᐅᔪᕗᑦ ᓵᖕᖓᓯᒍᑎᑦᓴᓂᒃ ᐱᑐᑦᓯᒪᔪᓂᒃ ᐃᓅᑦᔪᓯᐅᔪᑦ ᓱᕐᕋᑕᐅᓂᑦᓴᖏᓐᓅᓕᖓᔪᑦ ᐃᓱᒪᒋᔭᐅᖁᑦᓱᒋᑦ ᓱᕐᕋᑕᐅᔪᓂᒃ ᖃᐅᔨᓴᕐᓂᖃᕐᓂᓂ. ᑌᒣᒻᒪᑦ ᑲᑎᖕᖓᔩᑦ ᑐᑭᑖᓚᐅᔪᕗᑦ ᑎᓕᔨᓚᖓᑦᓱᑎᒃ “ᐅᐃᒍᐃᒃᑯᑦ ᐸᐸᑦᓯᕕᖓᓂᒃ ᓯᓚᕐᔪ ᐊᒥ ᐃᓕᖓᔪᒥᒃ ᐅᐃᒍᐃᒃᑯᑦ ᓇᐅᑦᓯᑐᕐᑎᖏᓐᓂᒃ ᓄᓇᐅᑉ ᐊᕙᑎᖓᓂᒃ ᓇᐅᑦᓯᑐᖁᑦᓱᒋᑦ” ᖃᐅᔨᓴᖁᑦᓱᒋᑦ ᖃᓄᖅ ᐃᓅᑦᔪᓯᐅᔪᑦ ᓱᕐᕋᑕᐅᒍᑎᖏᑦ ᐃᓱᒪᒋᔭᐅᓂᖃᕐᒪᖔᑕ ᑌᒃᑯᓇᓂ ᓯᑕᒣᓂ ᐱᓇᓱᒍᑎᓕ ᐊᖑᓯᒪᔪᓂ ᐊᒻᒪᓗ ᓇᓗᓀᕆᓗᑎᒃ ᐱᐅᓂᕐᐹᓂᒃ ᐱᓇᓱᒍᑎᓂᒃ ᐊᑐᕐᑕᐅᓲᓂᒃ ᓄᓇᐅᑉ ᐊᕙᑎᖓ ᖃᐅᔨᓴᕐᑕᐅᓂᖃᕐᑎᓗᒍ.
ᖃᐅᔨᓴᕐᑐᑦ ᑐᑭᓯᔭᕕᓂᖏᑦ ᐱᔭᐅᒍᓐᓇᓕᕐᖁᑦ ᑲᑎᕕᒃ ᓄᓇᐅᑉ ᐊᕙᑎᖓᓄᑦ ᐊᔪᖀᒋ ᐊᕐᑏᑦ ᑲᑎᒪᔨᖏᑕ ᖃᕆᑕᐅᔭᑎᒍᑦ ᑕᑯᓇᓱᑦᑕᐅᕕᖓᓐᓂ ᐅᕙᓂ (https://keac-ccek.org/en/). ᐃᓘᓐᓈᒍᑦ, ᑖᒃᑯ ᐊ ᑐᓴᕐᑎᓯᒍᑎᓕ ᐊᖑᓯᒪᔪᑦ ᑐᓴᕐᑕᐅᑎᑦᓯᒍᑎᖃᓗ ᐊᖕᖑ ᐊᐳᑦ ᐃᓚᐅᑎᑕᐅᓂᖏᑦ ᐃᓅᑦᔪᓯᐅᔪᑦ ᓱᕐᕋᑕᐅᓂᖏᑕ ᓇᐅᑦᓯᑐᕐᑕᐅᒍᑎᒋᓯᒪᔭᖏᑦ ᓲᓕ ᐅᓪᓗᒥᒧᑦ ᑎᑭᑦᓱᑎᒃ ᓈᒻᒪᓯ ᐊᕋᑕᖕᖏᓚᑦ. ᐊᑦᔨᒌᒥᒃ ᑕᒪᒃᑯᓂᖓ ᐱᓇᓱᒍᑏᑦ, ᐱᔭᕐᓂᑐᓂᐅᓲᓪᓗ ᐱᔭᖃᕋᓱᓐᓂᒥᒃ ᓱᖏᕐᑐᑎᑦᓯ ᐊᓂᒃ ᐊᒃᓚᖁᑎᑖᖑᒪᔪᓂᒃ ᓄᓇᕕᐅᑉ ᓄᓇᖓᓅᓕᖓᔪᓂᒃ, ᐊᒻᒪᓗ ᐱᓪᓗᑯᒋ ᐊᓕᒻᒥᒃ ᐱᓇᓱᑦᑕᐅᒍᑎᖃᓱᖑᓂᖏᑦ ᐊᐅᓚᑦᓯᓂᓕᕆᓂᕐᒥᒃ ᐃᓂᓪᓚᑕᐅᒪᒍᑎᒥᒍᑦ ᐊᕐᖁᑌᓪᓕᑕᕈᑎᐅᑦᓱᑎᒃ ᓇᓗᓀᕐᑕᐅᓯᒪᕗᑦ.
ᑕᒪᒃᑯ ᐊ ᓵᖕᖓᔭᑦᓴᐅᔪᑦ ᑲᒪᒋᔭᐅᒍᑎᑦᓴᖏᑦ, ᐊᒥᓱᑲᓪᓓᑦ ᐋᕐᕿᒋ ᐊᕆ-ᐊᓖᑦ ᓇᓗᓀᕐᑕᐅᓯᒪᕗᑦ, ᓲᕐᓗ ᒪᑯ ᐊ: ᐱᓇᓱᒍᑎᖃᖃᑦᑕᓂᖅ ᐊᑦᔨᒌᑦᓯ ᐊᒥᒃ ᐃᓕᖓᔪᓄᑦ ᐃᓅᑦᔪᓰᑦ ᓱᕐᕋᑕᐅᓂᖏᓐᓂᒃ ᖃᐅᔨᓴᕐᓂᒥᒃ, ᐱᐅᓂᕐᓴᒥᒃ ᐱᑦᓯ-ᐊᓯᒪᓂᕐᓴᓂᓪᓗ ᐊᒻᒪᓗ ᐱᔭᐅᒐᓱᒋ ᐊᒥᒃ ᐱᔭᕐᓂᑐᓂᒃ ᑐᑭᓯᒪᒍᑎᑦᓴᑕᖃᕐᑕᓃᑦ. ᓯᕗᒧ ᐊᒋ ᐊᕈᑎᒋᓗᒋᑦ, ᑲᑎᕕᒃ ᓄᓇᐅᑉ ᐊᕙᑎᖓᓄᑦ ᐊᔪᖀᒋ ᐊᕐᑏᑦ ᑲᑎᒪᔨᖏᑦ ᐱᕙᓪᓕ ᐊᑎᑦᓯᓂᖃᓛᓕᕐᖁᑦ ᐅᖃᖃᑎᒌᓐᓂᓂᒃ ᐅᖃᖃᑎᖃᕐᓗᑎᒃ ᑕᒪᖏᓐᓂᒃ ᓄᓇᓕᕐᓚᐅᓗ ᑲᕙᒪᖓᓂᒃ ᑲᕙᒪᑐᖃᒃᑯᓂᒃᓗ ᐊᒻᒪᓗ ᓄᓇᓕᓕᒫᑦ ᑲᕙᒪᖏᓐᓂᒃ ᐃᓚᐅᒻᒥᑎᓪᓗᒋᑦ ᕿᒥᕐᕈᓂᕐᓄᑦ ᑲᑎᖕᖓᔩᑦ ᑖᒃᑯᓂᖓ ᐃᓚᖃᕐᓗᑎᒃ ᑐᑭᑖᓛᓕᕋᒥᒃ ᖃᓄᐃᓘᕐᓗᒋᑦ ᐱᐅᓂᕐᐸᐅᒐᔭᕐᒪᖔᑦ ᐱᐅᓯᒋ-ᐊᕆᓂᖅ ᐃᓱᒪᑦᓴᓯᐅᕐᓂᒥᒃ ᐃᓕᖓᔪᓂᒃ ᓯᓚᕐᔪ ᐊᒥ ᓱᕐᕋᑕᐅᕙᑦᑐᓂᒃ ᐱᕙᓪᓕ-ᐊᑎᑦᓯᓂᕐᒥᒃ ᐱᓇᓱᒍᑎᐅᔪᑦ ᓄᓇᕕᒻᒥ.
